[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.14 # Brahmandapurana 1.14 Brahmāṇḍapurāṇa 1.14 - **Language:** Sanskrit ## Contents - [1.14.75](https://indike.org/pramana/in.purana.brahmanda.1.14.75) — 1 part ### [1.14.1](https://indike.org/pramana/in.purana.brahmanda.1.14.1) suta uvāca athāntareṣu sarveṣu atītānāgateṣviha / tulyābhimāninaḥ sarve jāyante nāmarūpataḥ // ### [1.14.2](https://indike.org/pramana/in.purana.brahmanda.1.14.2) devāścāṣṭavidhā ye ca tasminmamvantare 'dhipāḥ / ṛṣayo manavaścaiva sarve tulyaprayojanāḥ // ### [1.14.3](https://indike.org/pramana/in.purana.brahmanda.1.14.3) maharṣisargaḥ saṃkrānto vaṃśaṃ svāyaṃbhuvasya tu / vistareṇānupūrvyā ca kīrtya mānaṃ nibodhata // ### [1.14.4](https://indike.org/pramana/in.purana.brahmanda.1.14.4) manoḥ svāyaṃbhūvasyāsan daśa pautrāstu tatsamāḥ / yairiyaṃ pṛthivī sarvā saptadvīpā sapattanā // ### [1.14.5](https://indike.org/pramana/in.purana.brahmanda.1.14.5) sasamudrā karavatī prativarṣaṃ niveśitā / svāyaṃbhuveṃ'tare pūrvamādye tretāyuge tathā // ### [1.14.6](https://indike.org/pramana/in.purana.brahmanda.1.14.6) priyavratasya putraistaiḥ pautraiḥ svāyaṃbhuvasya tu / prajā sattvatapoyuktaistairiyaṃ viniveśitā // ### [1.14.7](https://indike.org/pramana/in.purana.brahmanda.1.14.7) priyavratātprajopetān vīrānkāmyānvyajāyata / kanyā sā tu mahābhāga kardamasya prajā pateḥ // ### [1.14.8](https://indike.org/pramana/in.purana.brahmanda.1.14.8) kanye dve daśa putrāśca samrāṭ kukṣiśca te śubhe / tayorvai bhrātaraḥ śūrāḥ prajāpatisamā daśa // ### [1.14.9](https://indike.org/pramana/in.purana.brahmanda.1.14.9) āgnīdhraścāgnibā huśca medhā medhātithirvasuḥ / jyotiṣmān dyutimānhavyaḥ savanaḥ sabhra eva ca // ### [1.14.10](https://indike.org/pramana/in.purana.brahmanda.1.14.10) priyavrato 'bhyaṣiñcattānsaptasaptasu pārthivān / dvīpeṣu teṣu dharmeṇa dvīpāntāśca nibodhata // ### [1.14.11](https://indike.org/pramana/in.purana.brahmanda.1.14.11) jaṃbūdvīpeśvaraṃ cakre āgnīdhraṃ sumahābalam / plakṣadvīpeśvaraścāpi tena medhātithiḥ kṛtaḥ // ### [1.14.12](https://indike.org/pramana/in.purana.brahmanda.1.14.12) śālmale tu vapuṣmantaṃ rājānaṃ so 'bhiṣiktavān / jyotiṣmantaṃ kuśadvīpe rājānaṃ kṛtavānprabhuḥ // ### [1.14.13](https://indike.org/pramana/in.purana.brahmanda.1.14.13) dyutimantaṃ ca rājānaṃ kraiñcadvīpe 'bhyaṣecayat / śākadvīpeśvaraṃ cāpi havyaṃ cakre priyavrataḥ // ### [1.14.14](https://indike.org/pramana/in.purana.brahmanda.1.14.14) puṣkarādhipatiṃ caiva savanaṃ kṛtavānprabhuḥ / puṣkare savanasyātha mahāvītaḥ suto 'bhavat // ### [1.14.15](https://indike.org/pramana/in.purana.brahmanda.1.14.15) dhātakiścāpi dvāvetau putrau putravatā varau / mahāvītaṃ smṛtaṃ varṣaṃ tasya nāmnā mahātmanaḥ // ### [1.14.16](https://indike.org/pramana/in.purana.brahmanda.1.14.16) nāmnā ca dhātakeścāpi dhātakīkhaṇḍa ucyate / havyo vyajanayatputrāñ śākadvīpeśvarāñ prabhuḥ // ### [1.14.17](https://indike.org/pramana/in.purana.brahmanda.1.14.17) jaladaṃ ca kumāraṃ ca sukumāraṃ maṇīvakam / kusumottaramodākau saptamaṃ ca mahādrugam // ### [1.14.18](https://indike.org/pramana/in.purana.brahmanda.1.14.18) jaladaṃ jaladasyātha prathamaṃ varṣamucyate / kumārasya tu kaumāraṃ dvitīyaṃ parikīrtitam // ### [1.14.19](https://indike.org/pramana/in.purana.brahmanda.1.14.19) sukumāraṃ tṛtīyaṃ tu sukumārasya tatssatam / maṇīvasya caturthaṃ tu maṇīvakamihocyate // ### [1.14.20](https://indike.org/pramana/in.purana.brahmanda.1.14.20) kusumottaravarṣaṃ yatpañcamaṃ kusumottaram / modakasyāpi modākaṃ ṣaṣṭhaṃ varṣaṃ prakīrttitam // ### [1.14.21](https://indike.org/pramana/in.purana.brahmanda.1.14.21) mahādrumasya nāmnā ca saptamaṃ tanmahādrumam / teṣāṃ tu nāmabhistāni sapta varṣāṇi tatra vai // ### [1.14.22](https://indike.org/pramana/in.purana.brahmanda.1.14.22) kraiñcadvīpeśvarasyāpi putro dyutimatastu vai / kuśalo manonugaschoṣṇaḥ pāvanaścāndhakārakaḥ // ### [1.14.23](https://indike.org/pramana/in.purana.brahmanda.1.14.23) muniśca dundubhiścaiva sutā dyutimatastu vai / teṣāṃ svanāmabhirdeśāḥ kraiñcadvīpāśrayāḥ śubhāḥ // ### [1.14.24](https://indike.org/pramana/in.purana.brahmanda.1.14.24) kuśalasya tu deśo 'bhūta kauśalo nāma viśrutaḥ / deśo manonugasyāpi mānonuge ite smṛtaḥ // ### [1.14.25](https://indike.org/pramana/in.purana.brahmanda.1.14.25) uṣṇasyoṣṇaḥ smṛto deśaḥ pāvanasyāpi pāvanaḥ / andhakārasya deśastu āndhakāraḥ prakīrttitaḥ // ### [1.14.26](https://indike.org/pramana/in.purana.brahmanda.1.14.26) muneśca maunideśo vai dundubherdundubhiḥ smṛtaḥ / ete janapadāḥ sapta kraiñcadvīpe tu bhāsvarāḥ // ### [1.14.27](https://indike.org/pramana/in.purana.brahmanda.1.14.27) jyotiṣmataḥ kuśadvīpe saptaivāsanmahaujasaḥ / udbhijjo veṇumāṃścaiva vairatho lavaṇo dhṛtiḥ // ### [1.14.28](https://indike.org/pramana/in.purana.brahmanda.1.14.28) ṣaṣṭhaḥ prabhākaraścā pi saptamaḥ kapilaḥ smṛtaḥ / udbhijjaṃ prathamaṃ varṣaṃ dvitīyaṃ veṇumaṇḍalam // ### [1.14.29](https://indike.org/pramana/in.purana.brahmanda.1.14.29) tṛtīyaṃ vai rathākāraṃ caturthaṃ lavaṇaṃ smṛtam / pañcamaṃ dhṛtimadvarṣaṃ ṣaṣṭhaṃ varṣaṃ prabhākaram // ### [1.14.30](https://indike.org/pramana/in.purana.brahmanda.1.14.30) saptamaṃ kapilaṃ nāma kapilasya prakīrttitam / teṣāṃ deśāḥ kaśadvīpe tatsanāmāna eva ca // ### [1.14.31](https://indike.org/pramana/in.purana.brahmanda.1.14.31) āśramācārayuktābhiḥ prajābhiḥ samalaṅkṛtāḥ / śālmalasyeśvarāḥ sapta sutāste ca vapuṣmataḥ // ### [1.14.32](https://indike.org/pramana/in.purana.brahmanda.1.14.32) śvetaśca haritaścaiva jīmūto rohitastathā / vaidyuto mānasaścāpi suprabhaḥ saptamastathā // ### [1.14.33](https://indike.org/pramana/in.purana.brahmanda.1.14.33) śvetastu deśaḥ śvetasya haritasya suhāritaḥ / jīmūtasyāpi jīmūto rohitasyāpi rohitaḥ // ### [1.14.34](https://indike.org/pramana/in.purana.brahmanda.1.14.34) vaidyuto vaidyutasyāpi mānasasya tu mānasaḥ / suprabhaḥ suprabhasyāpi saptaite deśapālakāḥ // ### [1.14.35](https://indike.org/pramana/in.purana.brahmanda.1.14.35) plakṣa dvīpaṃ pravakṣyāmi jaṃbūdvīpādanantaram / sapta medhātithe putrāḥ plakṣadvīpeśvarā nṛpāḥ // ### [1.14.36](https://indike.org/pramana/in.purana.brahmanda.1.14.36) jyeṣṭhaḥ śāntabhayo nāma dvitīyaḥ śiśiraḥ smṛtaḥ / sukhodayastṛtīyastu caturtho nanda ucyate // ### [1.14.37](https://indike.org/pramana/in.purana.brahmanda.1.14.37) śivastu pecamasteṣāṃ kṣemakaḥ ṣaṣṭha ucyate / dhruvastu saptamo jñeyaḥ putrā medhātitheḥ smṛtāḥ // ### [1.14.38](https://indike.org/pramana/in.purana.brahmanda.1.14.38) saptānāṃ nāmabhisteṣāṃ tāni varṣāṇi sapta vai / tasmācchāntabhayaṃ caiva śiśiraṃ ca sukhodayam // ### [1.14.39](https://indike.org/pramana/in.purana.brahmanda.1.14.39) ānandaṃ ca śivaṃ caiva kṣemakaṃ ca dhruvaṃ tathā / tāni teṣāṃ samānāni sapta varṣāṇi bhāgaśaḥ // ### [1.14.40](https://indike.org/pramana/in.purana.brahmanda.1.14.40) niveśitāni taistāni pūrvaṃ svāyaṃbhūventare / medhā tithestu putraistaiḥ plakṣadvīpeśvarairnṛbaiḥ // ### [1.14.41](https://indike.org/pramana/in.purana.brahmanda.1.14.41) varṇāśramācārayuktāḥ plakṣadvīpe prajāḥ kṛtāḥ / plakṣadvīpādiṣu tveṣu śākadvīpāntikeṣu vai // ### [1.14.42](https://indike.org/pramana/in.purana.brahmanda.1.14.42) jñeyaḥ pañcasu dharmo vai varṇāśramavibhājakaḥ / sukhamāyuśca rūpaṃ ca balaṃ dharmaśca nityaśaḥ // ### [1.14.43](https://indike.org/pramana/in.purana.brahmanda.1.14.43) pañcasveteṣu dvīpeṣu sarvasādhā raṇaṃ smṛtam / prakṣadvīpaḥ pariṣkrānto jaṃbūdvīpaṃ nibodhata // ### [1.14.44](https://indike.org/pramana/in.purana.brahmanda.1.14.44) āgnīdhraṃ jyeṣṭhadāyādaṃ kāmyāputraṃ mahābalam / priyavrato 'bhya ṣiñcattaṃ jaṃbūdvīpeśvaraṃ nṛpam // ### [1.14.45](https://indike.org/pramana/in.purana.brahmanda.1.14.45) tasya putrā babhūvurhi prajāpatisamā nava / jyeṣṭho nābhiriti khyātastasya kiṃpuruṣo 'nujaḥ // ### [1.14.46](https://indike.org/pramana/in.purana.brahmanda.1.14.46) harivarṣastṛtīyastu caturtho 'bhūdilāvṛtaḥ / ramyastu pañcamaḥ putro hiraṇvān ṣaṣṭha ucyate // ### [1.14.47](https://indike.org/pramana/in.purana.brahmanda.1.14.47) kurustu saptamasteṣāṃ bhadrāśvaścāṣṭamaḥ smṛtaḥ / navamaḥ ketumālaśca teṣāṃ deśānnibodhata // ### [1.14.48](https://indike.org/pramana/in.purana.brahmanda.1.14.48) nābhestu dakṣiṇaṃ varṣaṃ himākhyaṃ tu pitā dadau / hemakūṭaṃ tu yadvarṣaṃ dadau kipuruṣāya tat // ### [1.14.49](https://indike.org/pramana/in.purana.brahmanda.1.14.49) naiṣadhaṃ yatsmṛtaṃ varṣaṃ harivarṣāya taṃ dadau / madhyamaṃ yatsumerostu dadau sa tadilāvṛtam // ### [1.14.50](https://indike.org/pramana/in.purana.brahmanda.1.14.50) nīlaṃ tu yatsmṛtaṃ varṣaṃ ramyāyaitaptitā dadau / śvetaṃ yaduttaraṃ tasmātpitrā dattaṃ hiraṇvate // ### [1.14.51](https://indike.org/pramana/in.purana.brahmanda.1.14.51) yaduttare śṛṅgavato varṣaṃ tatkurave dadau / sālyavantaṃ tathā varṣaṃ bhadrāśvāya nyavedayat // ### [1.14.52](https://indike.org/pramana/in.purana.brahmanda.1.14.52) gandhamādanavarṣaṃ tu ketumāle nyavedayat / ityetāni mayoktāni nava varṣāṇi bhāgaśaḥ // ### [1.14.53](https://indike.org/pramana/in.purana.brahmanda.1.14.53) āgnī dhrasteṣu varṣeṣu putrāṃstānabhyaṣecayat / yathākramaṃ sa dharmātmā tatastu tapasi sthitaḥ // ### [1.14.54](https://indike.org/pramana/in.purana.brahmanda.1.14.54) ityetauḥ saptabhiḥ kṛtsnā saptadvīpā nive śitāḥ / priyavratasya putraistaiḥ pautaiḥ svāyaṃbhuvasya ca // ### [1.14.55](https://indike.org/pramana/in.purana.brahmanda.1.14.55) evaṃ varṣeṣu sarveṣu sanniveśāḥ punaḥ punaḥ / kriyante pralaye vṛtte sapta saptasu pārthivaiḥ // ### [1.14.56](https://indike.org/pramana/in.purana.brahmanda.1.14.56) evaṃ svabhāvaḥ kalpānāṃ dvīpānāṃ ca niveśane / yāni kiṃpuruṣādyāni varṇāṇyaṣṭau śrutāni tu // ### [1.14.57](https://indike.org/pramana/in.purana.brahmanda.1.14.57) teṣāṃ svabhāvataḥ siddhiḥ sukhaprāyamayatnataḥ / viparyayo na teṣvasti jarāmṛtyubhayaṃ na ca // ### [1.14.58](https://indike.org/pramana/in.purana.brahmanda.1.14.58) dharmādharmauṃ na teṣvāstā nottamādhamamadhyamāḥ / na teṣvasti yugāvasthā kṣetreṣvaṣṭāsu sarvaśaḥ // ### [1.14.59](https://indike.org/pramana/in.purana.brahmanda.1.14.59) nābhernisargaṃ vakṣyāmi himāhve 'sminnibodhata / nābhistvaja nayatputraṃ merudevyāṃ mahādyutim // ### [1.14.60](https://indike.org/pramana/in.purana.brahmanda.1.14.60) ṛṣabhaṃ pārthivaśreṣṭhaṃ sarvakṣatrasya pūrvajam / ṛṣabhādbharato jajñe vīraḥ putraśatāgrajaḥ // ### [1.14.61](https://indike.org/pramana/in.purana.brahmanda.1.14.61) sobhiṣicyarṣabhaḥ putraṃ mahāpravrajyayā sthitaḥ / himāhvaṃ dakṣiṇaṃ varṣaṃ bharatāya nyavedayat // ### [1.14.62](https://indike.org/pramana/in.purana.brahmanda.1.14.62) tasmāttu bhārataṃ varṣaṃ tasya nāmnā vidurbudhāḥ / bharatasyātmajo vidvānsumatirnāma dhārmikaḥ // ### [1.14.63](https://indike.org/pramana/in.purana.brahmanda.1.14.63) babhūva tasmin rājye taṃbharatastvabhyaṣecayat / putrasaṃkrāmitaśrīstu vanaṃ rājā viveśa saḥ // ### [1.14.64](https://indike.org/pramana/in.purana.brahmanda.1.14.64) tejasastatsutaścāpi prajāpatiramitrajit / tejasasyātmajo vidvānindradyumna iti smṛtaḥ // ### [1.14.65](https://indike.org/pramana/in.purana.brahmanda.1.14.65) parameṣṭhī sutaścāpi nidhane tasya cāpyabhūt / pratīhāraḥ kulaṃ tasya nāmnā jajñe tadanvayaḥ // ### [1.14.66](https://indike.org/pramana/in.purana.brahmanda.1.14.66) pratiharteti vikhyāto jajñe tasyāpi dhīmataḥ / unnetā pratihartustu bhūmā tasya sutaḥ smṛtaḥ // ### [1.14.67](https://indike.org/pramana/in.purana.brahmanda.1.14.67) udgīthastasya putro 'bhūtaprastāviścāpi tatsutaḥ / prastāvestu vibhuḥ putraḥ pṛthustasya suto 'bhavat // ### [1.14.68](https://indike.org/pramana/in.purana.brahmanda.1.14.68) pṛthoścāpi suto nakto naktasyāpi gayaḥ sutaḥ / gayasyāpi naraḥ putro narasyāpi suto virāṭ // ### [1.14.69](https://indike.org/pramana/in.purana.brahmanda.1.14.69) virāṭsuto mahāvīryo dhīmāṃstasya suto 'bhavat / dhīmataśca mahānputro mahataścāpi bhauvanaḥ // ### [1.14.70](https://indike.org/pramana/in.purana.brahmanda.1.14.70) bhauvanasya satastvaṣṭā virajāstasya cātmajaḥ / rajā virajasaḥ putraḥ śatajidrajasastathā // ### [1.14.71](https://indike.org/pramana/in.purana.brahmanda.1.14.71) tasya putraśataṃ tvāsīdrājānaḥ sarva eva tu / viśvajyotiṣpradhānāste yairimā varddhitāḥ prajāḥ // ### [1.14.72](https://indike.org/pramana/in.purana.brahmanda.1.14.72) tairidaṃ bhārataṃ varṣaṃ saptadvīpamihāṅkitam / teṣāṃ vaṃśaprasūtaistu bhukteyaṃ bhāratī purā // ### [1.14.73](https://indike.org/pramana/in.purana.brahmanda.1.14.73) kṛtatretādiyuktāstu yugākhyā hyekasaptatiḥ / ye 'tītāstairyugaiḥ sārdhaṃ rājānaste tadanvayāḥ // ### [1.14.74](https://indike.org/pramana/in.purana.brahmanda.1.14.74) svāyaṃbhuveṃ'tare pūrvaṃ śataśo 'tha sahasraśaḥ / evaṃ svāyaṃ bhuvaḥ sargo yenedaṃ pūritaṃ jagat // ### [1.14.75](https://indike.org/pramana/in.purana.brahmanda.1.14.75) ṛṣibhirdaivataiścāpi pirtṛgandhavarākṣasaiḥ / yakṣabhūtapiśācaiśca manuṣyamṛgapakṣibhiḥ / teṣāṃ sṛṣṭiriyaṃ proktā yugaiḥ saha vivarttate // ### [1.14.75.p1](https://indike.org/pramana/in.purana.brahmanda.1.14.75.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde priyavratavaṃśānukīrttanaṃ nāma catudaśo 'dhyāyaḥ ## Linked texts (6) - [Vāyupurāṇa](https://indike.org/pramana/in.purana.vayu.1.33.2) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.46.18) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.53.12) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.1.14) — Sanskrit - [Vāmanapurāṇa](https://indike.org/pramana/in.purana.vamana.13.7) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.52.18) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.1.14](https://indike.org/pramana/in.purana.brahmanda.1.14) · Pramāṇa