[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.15 # Brahmandapurana 1.15 Brahmāṇḍapurāṇa 1.15 - **Language:** Sanskrit ## Contents - [1.15.80](https://indike.org/pramana/in.purana.brahmanda.1.15.80) — 1 part ### [1.15.1](https://indike.org/pramana/in.purana.brahmanda.1.15.1) sūta uvāca evaṃ prajāsanniveśaṃ śrutvā vai śāṃśapāyaniḥ / papraccha niyataṃ sūtaṃ pṛthivyuda dhivistaram // ### [1.15.2](https://indike.org/pramana/in.purana.brahmanda.1.15.2) kati dvīpā samudrā vā pavatā vā kati smṛtāḥ / kiyanti caiva varṣāṇi teṣu nadyaśca kāḥ smṛtāḥ // ### [1.15.3](https://indike.org/pramana/in.purana.brahmanda.1.15.3) mahā bhūtapramāṇaṃ ca lokālokaṃ tathaiva ca / paryāyaṃ parimāṇaṃ ca gatiṃ candrārkayostathā / etatprabūhi naḥ sarvaṃ vistareṇa yathārthataḥ // ### [1.15.4](https://indike.org/pramana/in.purana.brahmanda.1.15.4) sūta uvāca hanta vo 'haṃ pravakṣyāmi pṛthivyāyāmavistaram // ### [1.15.5](https://indike.org/pramana/in.purana.brahmanda.1.15.5) saṃkhyāṃ caiva samudrāṇāṃ dvīpānāṃ caiva vistaram / dvīpabhedasahasrāṇi saptasvantargatāni ca // ### [1.15.6](https://indike.org/pramana/in.purana.brahmanda.1.15.6) na śakyante krameṇeha vaktuṃ yaiḥ satataṃ jagat / sapta dvīpānpravakṣyāmi candrādityagrahaiḥ saha // ### [1.15.7](https://indike.org/pramana/in.purana.brahmanda.1.15.7) teṣāṃ manuṣyā starkkeṇa pramāṇāni pracakṣate / acintyāḥ khalu ye bhāvā na tāṃstarkeṇa sādhayet // ### [1.15.8](https://indike.org/pramana/in.purana.brahmanda.1.15.8) prakṛtibhyaḥ paraṃ yacca tadacintyaṃ pracakṣate / navavarṣaṃ pravakṣyāmi jaṃbūdvīpaṃ yathātatham // ### [1.15.9](https://indike.org/pramana/in.purana.brahmanda.1.15.9) vistarānmaṇḍalāccaiva yojanaistannibodhata / śatamekaṃ sahasrāṇāṃ yojanāgrātsamantataḥ // ### [1.15.10](https://indike.org/pramana/in.purana.brahmanda.1.15.10) nānājanapadākīrṇaḥ puraiśca vividhaiśśubhaiḥ / siddhacāraṇasaṃkīṇaḥ parvatairupaśobhitaḥ // ### [1.15.11](https://indike.org/pramana/in.purana.brahmanda.1.15.11) sarvadhātunibaddhaiśca śilājāla samudbhavaiḥ / parvataprabhavābhiśca nadībhiḥ sarvatastataḥ // ### [1.15.12](https://indike.org/pramana/in.purana.brahmanda.1.15.12) jaṃbūdvīpaḥ pṛthuḥ śrīmān sarvataḥ pṛthumaṇḍalaḥ / navabhiścāvṛtaḥ sarvo bhuvanairbhūtabhāvanaiḥ // ### [1.15.13](https://indike.org/pramana/in.purana.brahmanda.1.15.13) lavaṇena samudreṇa sarvataḥ parivāritaḥ / jaṃbūdvīpasya vistārāt samena tu samantataḥ // ### [1.15.14](https://indike.org/pramana/in.purana.brahmanda.1.15.14) prāgāyatāḥ sūparvāṇaḥ ṣaḍime varṣaparvatāḥ / avagāḍhā hyubhayataḥ masudrau pūrvapaścimau // ### [1.15.15](https://indike.org/pramana/in.purana.brahmanda.1.15.15) himaprāyaśca himavān hemakūṭaśca hemavān / sarvarttuṣu sukhaścāpi niṣadhaḥ parvato mahān // ### [1.15.16](https://indike.org/pramana/in.purana.brahmanda.1.15.16) caturvarṇaśca sauvarṇo meruścārutamaḥ smṛtaḥ / dvātriṃśacca sahasrāṇi vistīrṇaḥ sa ca mūrddhani // ### [1.15.17](https://indike.org/pramana/in.purana.brahmanda.1.15.17) vṛttākṛtipramāṇaśca caturasraḥ samucchritaḥ / nānāvarṇāstu pārśveṣu prajāpatiguṇānvitaḥ // ### [1.15.18](https://indike.org/pramana/in.purana.brahmanda.1.15.18) nābhibandhanasaṃbhūto brahmaṇo 'vyaktajanmanaḥ / pūrvatarḥ śvetavarṇaśca brāhmaṇastasya tena tat // ### [1.15.19](https://indike.org/pramana/in.purana.brahmanda.1.15.19) pārśvamuttaratastasya raktavarmaḥ svabhāvataḥ / tenāsya kṣattrabhāvastu merornānārthakāraṇāt // ### [1.15.20](https://indike.org/pramana/in.purana.brahmanda.1.15.20) pītaśca dakṣiṇenāsau tena vaiśyatvamiṣyate / bhṛṅgapatranibhaścāpi paścimena samācitaḥ // ### [1.15.21](https://indike.org/pramana/in.purana.brahmanda.1.15.21) tenāsya śūdrabhāvaḥ syāditi varṇāḥ prakīrttitāḥ / vṛttaḥ svabhāvataḥ prokto varṇataḥ parimāṇataḥ // ### [1.15.22](https://indike.org/pramana/in.purana.brahmanda.1.15.22) nīlaśca vaiduryamayaḥ śvetaḥ ghuklo hiraṇmayaḥ / mayurabarhavarṇastu śātakaiṃbhaśca śṛṅgavān // ### [1.15.23](https://indike.org/pramana/in.purana.brahmanda.1.15.23) ete parvatarājānaḥ siddhacāraṇasevitāḥ / teṣāmantaraviṣkaṃbho navasāhasra ucyate // ### [1.15.24](https://indike.org/pramana/in.purana.brahmanda.1.15.24) madhye tvilāvṛtaṃ nāma mahāmeroḥ samantamaḥ / navaivaṃ tu sahasrāṇi vistīrṇaṃ sarvatastu tat // ### [1.15.25](https://indike.org/pramana/in.purana.brahmanda.1.15.25) madhye tasya mahāmerurvidhūma iva pāvakaḥ / vedyarddhaṃ dakṣiṇaṃ meroruttarārddhaṃ tathottaram // ### [1.15.26](https://indike.org/pramana/in.purana.brahmanda.1.15.26) varṣāṇi yāni ṣaṭ caiva teṣāṃ ye varṣaparvatāḥ / dve dve sahasre vistīrṇā yojanānāṃ samucchrayāt // ### [1.15.27](https://indike.org/pramana/in.purana.brahmanda.1.15.27) jaṃbūdvīpasya vistārātteṣāmāyāma ucyate / yojanānāṃ sahasrāṇi śataṃ dvāvāyatau girī // ### [1.15.28](https://indike.org/pramana/in.purana.brahmanda.1.15.28) nīlaśca niṣadhaścaiva tābhyāṃ hīnāstu ye pare / śvetaśca hemakūṭaśca himavāñchṛṅgavāṃstathā // ### [1.15.29](https://indike.org/pramana/in.purana.brahmanda.1.15.29) navatī dve aśītī dve sahasrāṇyāyatāstu teḥ / teṣāṃ madhye janapadāstāni varṇāṇi sapta vai // ### [1.15.30](https://indike.org/pramana/in.purana.brahmanda.1.15.30) prapātaviṣamaistaistu parvatairāvṛtāni tu / saṃtatāni nadībhedairagamyāni parasparam // ### [1.15.31](https://indike.org/pramana/in.purana.brahmanda.1.15.31) vasaṃti teṣu sattvāni nānājātīni sarvaśaḥ / idaṃ haimavataṃ varṣaṃ bhārataṃ nāma viśrutam // ### [1.15.32](https://indike.org/pramana/in.purana.brahmanda.1.15.32) hemakūṭaṃ paraṃ hyasmā nnānnā kiṃṣurupaṃ smṛtam / naiṣadhaṃ hemakūṭāttu harivarṣaṃ taducyate // ### [1.15.33](https://indike.org/pramana/in.purana.brahmanda.1.15.33) harivarṣātparaṃ cāpi merośva tadilāvṛtam / ilāvṛtātpiraṃ nīlaṃ samyakaṃ nāma viśrutam // ### [1.15.34](https://indike.org/pramana/in.purana.brahmanda.1.15.34) ramyakātparatarḥ śvetaṃ viśrutaṃ taddhiraṇmayam / hiraṇmayātparaṃ caiva śṛṅgavattaḥ kuru smṛtam // ### [1.15.35](https://indike.org/pramana/in.purana.brahmanda.1.15.35) dhanuḥsaṃsthe tu vijñeye dve varṣe dakṣiṇottare / dīrghāṇi tatra catvāri madhyamaṃ tadilāvṛtam // ### [1.15.36](https://indike.org/pramana/in.purana.brahmanda.1.15.36) arvāk ca niṣadhasyātha vedyarddhaṃ dakṣiṇaṃ smṛtam / paraṃ nīlavato yacca vedyarddhaṃ tu taduttaram // ### [1.15.37](https://indike.org/pramana/in.purana.brahmanda.1.15.37) vedyarddhe dakṣiṇe trīṇi trīṇi varṣāṇi cottare / tayormadhye tu vijñeyo merurmadhya ilāvṛtam // ### [1.15.38](https://indike.org/pramana/in.purana.brahmanda.1.15.38) dakṣiṇena tu nīlasya niṣadhasyottarema tu / udagāyeto mahāśailo mālyavānnāma nāmataḥ // ### [1.15.39](https://indike.org/pramana/in.purana.brahmanda.1.15.39) yojanānāṃ sahasraṃ tu ānīla niṣadhāyataḥ / āyāmataścatustriṃśatsahasrāṇi prakīrtitaḥ // ### [1.15.40](https://indike.org/pramana/in.purana.brahmanda.1.15.40) tasya pratīcyāṃ vijñeyaḥ parvato gandhamādanaḥ / āyāmato 'tha vistārānmālyavā nitiviśrutaḥ // ### [1.15.41](https://indike.org/pramana/in.purana.brahmanda.1.15.41) parimaṇḍalayormerurmadhye kanakaparvataḥ / caturvaṇaḥ sa sauvarṇaḥ caturasraḥ samucchritaḥ // ### [1.15.42](https://indike.org/pramana/in.purana.brahmanda.1.15.42) sumeruḥ śuśubheśubhro rājava tsamadhiṣṭhitaḥ / taruṇādityavarṇābho vidhūma iva pāvakaḥ // ### [1.15.43](https://indike.org/pramana/in.purana.brahmanda.1.15.43) yojanānāṃ sahasrāṇi caturaśītarucchritaḥ / praviṣṭaḥ ṣoḍaśādhastādvistṛtaḥ ṣoḍaśaiva tu // ### [1.15.44](https://indike.org/pramana/in.purana.brahmanda.1.15.44) śarāvasaṃsthitatvāttu dvātriṃśanmūrdhnivistṛtaḥ / vistārātriguṇastasya pariṇāhaḥ samantataḥ // ### [1.15.45](https://indike.org/pramana/in.purana.brahmanda.1.15.45) maṇḍalena pramāṇena tryasre mānaṃ tadiṣyate / catvāriṃśatsahasrāṇi yojanānāṃ samantataḥ // ### [1.15.46](https://indike.org/pramana/in.purana.brahmanda.1.15.46) aṣṭābhiradhikāni syustryasre mānaṃ prakīrttitam / caturasreṇa mānena pariṇāhaḥ samantataḥ // ### [1.15.47](https://indike.org/pramana/in.purana.brahmanda.1.15.47) catuḥ ṣaṣṭisahasrāṇi yojanānāṃ vidhīyate / sa parvato mahādivyo divyauṣadhisamanvitaḥ // ### [1.15.48](https://indike.org/pramana/in.purana.brahmanda.1.15.48) bhuvanairāvṛtaḥ sarvo jātarūpamayaiḥ śubhaiḥ / tatra devagaṇāḥ sarve gandharvoragarākṣasāḥ // ### [1.15.49](https://indike.org/pramana/in.purana.brahmanda.1.15.49) śailarāje pradṛśyante śubhāścāpsarasāṃ gaṇāḥ / sa tu meruḥ parivṛto bhuvanairbhūtabhāvanaiḥ // ### [1.15.50](https://indike.org/pramana/in.purana.brahmanda.1.15.50) catvāro yasya deśā vai catuḥpārśveṣvadhiṣṭhitāḥ / bhadrāśvā bharatāśvaiva ketumālāśca paścimāḥ // ### [1.15.51](https://indike.org/pramana/in.purana.brahmanda.1.15.51) uttarāḥ kuravaścaiva kṛtapuṇyapratiśrayāḥ / gandhamādanaparśve tu paraiṣāparagaṇḍikā // ### [1.15.52](https://indike.org/pramana/in.purana.brahmanda.1.15.52) sarvartturamaṇīyā ca nityaṃ pramuditā śivā / dvātriṃśattu sahasrāṇi yojanaiḥ pūrvapaścimāt // ### [1.15.53](https://indike.org/pramana/in.purana.brahmanda.1.15.53) āyāmataścatustriṃśatsahasrāṇi pramāṇataḥ / tatra te śubhakarmāṇaḥ ketumālāḥ pratiṣṭhitāḥ // ### [1.15.54](https://indike.org/pramana/in.purana.brahmanda.1.15.54) tatra kālā narāḥ sarve mahāsattvā mahābalāḥ / striyaścotpala patrābhāḥ sarvāstāḥ priyadarśanāḥ // ### [1.15.55](https://indike.org/pramana/in.purana.brahmanda.1.15.55) tatra divyo mahāvṛkṣaḥ panasaḥ paḍrasāśrayaḥ / īśvaro brahmaṇaḥ putraḥ kāmacārī manojavaḥ // ### [1.15.56](https://indike.org/pramana/in.purana.brahmanda.1.15.56) tasya pītvā phalarasaṃ jīvanti ca samāyutam / pārśve mālyavataścāpi pūrve 'pūrvā tu gaṇḍikā // ### [1.15.57](https://indike.org/pramana/in.purana.brahmanda.1.15.57) āyāmādatha vistārādyathaiṣāparagaṇḍikā / bhadrāśvāstatra vijñeyā nityaṃ muditamānasāḥ // ### [1.15.58](https://indike.org/pramana/in.purana.brahmanda.1.15.58) bhadraśālavanaṃ cātra kālāmrastu mahādrumaḥ / tatra te puruṣāḥ svetā mahotsāhā balānvitāḥ // ### [1.15.59](https://indike.org/pramana/in.purana.brahmanda.1.15.59) striyaḥ kumudavarṇābhāḥ sundaryaḥ priyadarśanāḥ / candraprabhāścandravarṇāḥ pūrṇacandra nibhānanāḥ // ### [1.15.60](https://indike.org/pramana/in.purana.brahmanda.1.15.60) candraśītalagātryastāḥ striya utpalagandhikāḥ / daśavarṣasahasrāṇi teṣāmāyuranāmayam // ### [1.15.61](https://indike.org/pramana/in.purana.brahmanda.1.15.61) kālāmrasya rasaṃ pītvā sarve ca sthirayauvanāḥ / dakṣiṇena tu śvetasya nīlasyaivottareṇa ca // ### [1.15.62](https://indike.org/pramana/in.purana.brahmanda.1.15.62) varṣaṃ ramaṇakaṃ nāma jāyante tatra mānavāḥ / ratipradhānā vimalā jarādaurgandhyavarjitāḥ // ### [1.15.63](https://indike.org/pramana/in.purana.brahmanda.1.15.63) śuklābhijanasaṃpannāḥ sarve ca priyadarśanāḥ / tatrāpi sumahānvṛkṣo nyagrodho rohito mahān // ### [1.15.64](https://indike.org/pramana/in.purana.brahmanda.1.15.64) tasyāpi te phalarasaṃ pibanto varttayanti vai / daśavarṣasahasrāṇi śatāni daśa pañca ca // ### [1.15.65](https://indike.org/pramana/in.purana.brahmanda.1.15.65) jīvanti te mahābhāgāḥ sadā tdṛṣṭā narottamāḥ / dakṣiṇe vai śṛṅgavataḥ śvetasyāpyuttareṇa ca // ### [1.15.66](https://indike.org/pramana/in.purana.brahmanda.1.15.66) varṣaṃ hairaṇvataṃ nāma yatra hairaṇvatī nadī / mahābalāḥ sutejaskā jāyante tatra mānavāḥ // ### [1.15.67](https://indike.org/pramana/in.purana.brahmanda.1.15.67) yakṣā vīrā mahāsattvā dhaninaḥ priyadarśanāḥ / ekādaśasahasrāṇi varṣāṇāṃ te mahaujasaḥ // ### [1.15.68](https://indike.org/pramana/in.purana.brahmanda.1.15.68) āyuḥ pramāṇaṃ jīvanti śatāni daśa pañca ca / yasminvarṣe mahāvṛkṣo lakucaḥ ṣaḍrasāśrayaḥ // ### [1.15.69](https://indike.org/pramana/in.purana.brahmanda.1.15.69) tasya pītvā phalarasaṃ te jīvanti nirāmayāḥ / trīṇi śṛṅgavataḥ śṛṅgāṇyucchritāni mahānti ca // ### [1.15.70](https://indike.org/pramana/in.purana.brahmanda.1.15.70) ekaṃ maṇimayaṃ teṣāmekaṃ caiva hiraṇmayam / sarvaratnamayaṃ caikaṃ bhavanairupaśobhitam // ### [1.15.71](https://indike.org/pramana/in.purana.brahmanda.1.15.71) uttare vai śṛṅgāvataḥ samudrasya ca dakṣiṇe / kuravastatra tadvarṣaṃ puṇyaṃ siddhaniṣevitam // ### [1.15.72](https://indike.org/pramana/in.purana.brahmanda.1.15.72) tatra vṛkṣā madhu phalā nityapuṣpaphalopagāḥ / vastrāṇi ca prasūyante phaleṣvābharaṇāni ca // ### [1.15.73](https://indike.org/pramana/in.purana.brahmanda.1.15.73) sarvakāmapradāstatra kecidvakṣā manoramāḥ / gandhavarṇaraso petaṃ prakṣaranti madhūttamam // ### [1.15.74](https://indike.org/pramana/in.purana.brahmanda.1.15.74) apare kṣīriṇo nāma vṛkṣāstatra manoramāḥ / ye kṣaranti sadā kṣīraṃ ṣaḍrasaṃ hyamṛtopamam // ### [1.15.75](https://indike.org/pramana/in.purana.brahmanda.1.15.75) sarvā maṇimayī bhūmiḥ sūkṣmakāñcanavālukā / sarvartusukhasaṃpannā nniṣpaṅkā nīrajā śubhā // ### [1.15.76](https://indike.org/pramana/in.purana.brahmanda.1.15.76) devalokacyutāstatra jāyante mānavāḥ śubhāḥ / śuklābhijanasaṃpannāḥ sarve ca sthirayauvanāḥ // ### [1.15.77](https://indike.org/pramana/in.purana.brahmanda.1.15.77) mithunāni prasūyante striyaścāpsarasaḥ samāḥ / teṣāṃ te kṣīriṇāṃ kṣīraṃ pibanti hyamṛto pamam // ### [1.15.78](https://indike.org/pramana/in.purana.brahmanda.1.15.78) mithunaṃ jāyate sadyaḥ samaṃ caiva vivarddhate / samaṃ śīlaṃ ca rūpaṃ ca priyatā caiva tatsamā // ### [1.15.79](https://indike.org/pramana/in.purana.brahmanda.1.15.79) anyonyamanuraktāśca cakravākasadharmiṇaḥ / anāmayā hyaśokāśca nityaṃ sukhaniṣeviṇaḥ // ### [1.15.80](https://indike.org/pramana/in.purana.brahmanda.1.15.80) trayodaśasahasrāṇi śatāni daśa pañca ca / jīvanti te mahāvīryā na cānyastrīniṣeviṇaḥ // ### [1.15.80.p1](https://indike.org/pramana/in.purana.brahmanda.1.15.80.p1) iti śrībrahmāṇḍe mahāpurāṇe vāyuprokte pūrvabhāge dvītīye 'nuṣaṅgapāde pṛthivyāyāmavistaro nāma pañcadaśo 'dhyāyaḥ ## Linked texts (11) - [Vāyupurāṇa](https://indike.org/pramana/in.purana.vayu.1.34.3) — Vyāsa, Sanskrit - [Matsyapurāṇa](https://indike.org/pramana/in.purana.matsya.113.1) — Vyāsa, Sanskrit - [Varāhapurāṇa](https://indike.org/pramana/in.purana.varaha.75.2) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.48.34) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.vyasa*crit.6.7.34) — Sanskrit - [Mārkaṇḍeyapurāṇa](https://indike.org/pramana/in.purana.markandeya.54.2) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.7.4.52_96) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.54.34) — Ativīrarāma Pāṇṭiyar 1500, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.11.16) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.11.16) — Basava, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p29) — Mitramiśra, Sanskrit --- Source: [https://indike.org/pramana/in.purana.brahmanda.1.15](https://indike.org/pramana/in.purana.brahmanda.1.15) · Pramāṇa