[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.16 # Brahmandapurana 1.16 Brahmāṇḍapurāṇa 1.16 - **Language:** Sanskrit ## Contents - [1.16.69](https://indike.org/pramana/in.purana.brahmanda.1.16.69) — 1 part ### [1.16.1](https://indike.org/pramana/in.purana.brahmanda.1.16.1) sūta uvāca evameva nisargo vai varṣāṇāṃ bhārate śubhe / dṛṣṭaḥ paramatattvajñairbhūyaḥ kiṃ varṇayāmi vaḥ // ### [1.16.2](https://indike.org/pramana/in.purana.brahmanda.1.16.2) ṛṣiruvāca yadidaṃ bhārataṃ varṣaṃ yasminsvāyaṃbhuvādayaḥ / caturdaśaite manavaḥ prajāsarge 'bhavanpunaḥ // ### [1.16.3](https://indike.org/pramana/in.purana.brahmanda.1.16.3) etadveditumicchāmastanno nigada sattmaḥ / etacchrutavacasteṣāmabravīdromaharṣaṇaḥ // ### [1.16.4](https://indike.org/pramana/in.purana.brahmanda.1.16.4) atra vo varṇayiṣyāmi varṣe 'smin bhārate prajāḥ / idaṃ tu madhyamaṃ citraṃ śubhāśubhaphalodayam // ### [1.16.5](https://indike.org/pramana/in.purana.brahmanda.1.16.5) uttaraṃ yatmamudrasya himavaddakṣiṇaṃ ca yat / varṣaṃ tadbhārataṃ nāma yatreyaṃ bhāratī prajā // ### [1.16.6](https://indike.org/pramana/in.purana.brahmanda.1.16.6) bharaṇācca prajānāṃ vai manurbharata ucyate / niruktavacanāccaivaṃ varṣaṃ tadbhārataṃ smṛtam // ### [1.16.7](https://indike.org/pramana/in.purana.brahmanda.1.16.7) itaḥ svargaśca mokṣaśca madhyaścāntaśca gamyate / na khalvanyatra martyānāṃ bhūmau karma vidhīyate // ### [1.16.8](https://indike.org/pramana/in.purana.brahmanda.1.16.8) bhāratasyāsya varṣasya nava bhedānnibodhata / samudrātaritā jñeyāste tvagamyāḥ parasparam // ### [1.16.9](https://indike.org/pramana/in.purana.brahmanda.1.16.9) indradvīpaḥ kaśerūmāṃstāmravarṇo gabhastimān / nāgadvīpastathā saumyo gāndharvastvatha vāruṇaḥ // ### [1.16.10](https://indike.org/pramana/in.purana.brahmanda.1.16.10) ayaṃ tu navamasteṣāṃ dvīpaḥ sāgarasaṃvṛtaḥ / yojanānāṃ sahasre tu dvīpo 'yaṃ dakṣiṇottarāt // ### [1.16.11](https://indike.org/pramana/in.purana.brahmanda.1.16.11) āyato hyākumāryyā vai cāgaṅgāprabhavācca vai / tiryaguttaravistīrmaḥ sahasrāṇi navaiva tu // ### [1.16.12](https://indike.org/pramana/in.purana.brahmanda.1.16.12) dvīpo hyupaniviṣṭo 'yaṃ mlecchairanteṣu sarvaśaḥ / pūrve kirātā hyasyānte paścime yavanāḥ smṛtāḥ // ### [1.16.13](https://indike.org/pramana/in.purana.brahmanda.1.16.13) brāhmaṇāḥ kṣatriyā vaiśyā madhye śūdrāśca bhāgaśaḥ / ijyāyudhavaṇijyābhirvarttayanto vyavasthitāḥ // ### [1.16.14](https://indike.org/pramana/in.purana.brahmanda.1.16.14) teṣāṃ saṃvyavahāro 'tra varttate vai parasparam / dharmārthakāmasaṃyukto varṇānāṃ tu svakarmasu // ### [1.16.15](https://indike.org/pramana/in.purana.brahmanda.1.16.15) saṃkalpaḥ pañcamānāṃ ca hyāśramāṇāṃ yathāvidhi / iha svargāpavargārthaṃ pravṛttiryeṣu mānuṣī // ### [1.16.16](https://indike.org/pramana/in.purana.brahmanda.1.16.16) yastvayaṃ navamo dvīpastiryagāyāma ucyate / kṛtsnaṃ jayati yo hyenaṃ samrāḍityabhidhīyate // ### [1.16.17](https://indike.org/pramana/in.purana.brahmanda.1.16.17) ayaṃ lokastu vai samrāḍantarikṣaṃ virāṭ smṛtam / svarāḍasau smṛto laukaḥ punarvakṣyāmi vistarāt // ### [1.16.18](https://indike.org/pramana/in.purana.brahmanda.1.16.18) saptaivāsminsuparvāṇo viśrutāḥ kula parvatāḥ / mahendro malayaḥ sahyaḥ śuktimānṛkṣaparvataḥ // ### [1.16.19](https://indike.org/pramana/in.purana.brahmanda.1.16.19) vindhyaśca pāriyātraśca saptaite kulaparvatāḥ / teṣāṃ sahasraścānye parva tāstu samīpagāḥ // ### [1.16.20](https://indike.org/pramana/in.purana.brahmanda.1.16.20) avijñātāḥ sāravanto vipulāścitrasānavaḥ / saṃdaraḥ parvataśreṣṭho vaihāro durdurastathā // ### [1.16.21](https://indike.org/pramana/in.purana.brahmanda.1.16.21) kolāhalaḥ sasuraso maināko vaidyutastathā / vātandhamo nāgagiristathā pāṇḍuraparvataḥ // ### [1.16.22](https://indike.org/pramana/in.purana.brahmanda.1.16.22) tuṅgaprasthaḥ kṛṣṇagirirgodhano girireva ca / puṣpagiryujjayantau ca śailo raivatakastathā // ### [1.16.23](https://indike.org/pramana/in.purana.brahmanda.1.16.23) śrīparvataścitrakūṭaḥ kūṭaśailo giristathā / anye tebhyo 'parijñātā hrasvāḥ svalapopajī vinaḥ // ### [1.16.24](https://indike.org/pramana/in.purana.brahmanda.1.16.24) tairvimiśrā janapadā āryā mlecchāśca bhāgaśaḥ / pīyante yairimā nadyo gaṅgā siṃdhu sarasvatī // ### [1.16.25](https://indike.org/pramana/in.purana.brahmanda.1.16.25) śatadruścandra bhāgā ca yamunā sarayūstathā / irāvatī vitastā ca vipāśā devikā kuhūḥ // ### [1.16.26](https://indike.org/pramana/in.purana.brahmanda.1.16.26) gomatī dhūtapāpā ca budbudā ca dṛṣadvatī / kauśakī tridivā caiva niṣṭhīvī geḍakī tathā // ### [1.16.27](https://indike.org/pramana/in.purana.brahmanda.1.16.27) cakṣurlohita ityetā himavatpādanissṛtāḥ / vedasmṛtirvedavatī vṛtraghnī siṃdhu reva ca // ### [1.16.28](https://indike.org/pramana/in.purana.brahmanda.1.16.28) varṇāśā nandanā caiva sadānīrā mahānadī / pāśā carmaṇvatīnūpā vidiśā vetravatyapi // ### [1.16.29](https://indike.org/pramana/in.purana.brahmanda.1.16.29) kṣiprā hyavanti ca tathā pāriyātrāśrayāḥ smṛtāḥ / śoṇo mahānadaścaiva narmmadā surasā kriyā // ### [1.16.30](https://indike.org/pramana/in.purana.brahmanda.1.16.30) mandākinī daśārṇā ca citrakūṭā tathaiva ca / tamasā pippalā śyenā karamodā piśācikā // ### [1.16.31](https://indike.org/pramana/in.purana.brahmanda.1.16.31) citropalā viśālā ca bañjulā vāstuvāhinī / sanerujā śuktimatī maṅkutī tridivā kratuḥ // ### [1.16.32](https://indike.org/pramana/in.purana.brahmanda.1.16.32) ṛkṣavatsaṃprasūtāstā nadyo maṇijalāḥ śivāḥ / tāpī payoṣṇī nirvindhyā sṛpā ca niṣadhā nadī // ### [1.16.33](https://indike.org/pramana/in.purana.brahmanda.1.16.33) veṇī vaitaraṇī caiva kṣiprā vālā kumudvatī / toyā caiva mahāgaurī durgā vānnaśilā tathā // ### [1.16.34](https://indike.org/pramana/in.purana.brahmanda.1.16.34) vindhyapādaprasūtāstā nadyaḥ puṇyajalāḥ śubhāḥ / godāvarī bhīmarathī kṛṣṇaveṇātha bañjulā // ### [1.16.35](https://indike.org/pramana/in.purana.brahmanda.1.16.35) tuṅgabhadrā suprayogā bāhyā kāveryathāpi ca / dakṣiṇapravahā nadyaḥ sahya pādādviniḥsmṛtāḥ // ### [1.16.36](https://indike.org/pramana/in.purana.brahmanda.1.16.36) kṛtamālā tāmraparṇī puṣpajātyutpalāvatī / nadyo 'bhijātā malayātsarvāḥ śītajalāḥ śubhāḥ // ### [1.16.37](https://indike.org/pramana/in.purana.brahmanda.1.16.37) trisāmā ṛṣikulyā ca bañjulā tridivābalā / lāṅgūlinī vaṃśadharā mahendratanayāḥ smṛtāḥ // ### [1.16.38](https://indike.org/pramana/in.purana.brahmanda.1.16.38) ṛṣikulyā kumārī ca mandagā mandagāminī / kṛpā palāśinī caiva śuktimatprabhavāḥ smṛtāḥ // ### [1.16.39](https://indike.org/pramana/in.purana.brahmanda.1.16.39) tāstu nadyaḥ sarasvatyaḥ sarvā gaṅgāḥ samudragāḥ / viśvasya mātaraḥ sarvā jagatpāpaharāḥ smṛtāḥ // ### [1.16.40](https://indike.org/pramana/in.purana.brahmanda.1.16.40) tāsāṃ nadyupanadyo 'nyāḥ śataśo 'tha sahasraśaḥ / tāsvime kurupāñcālāḥ śālvā mādreyajāṅgalāḥ // ### [1.16.41](https://indike.org/pramana/in.purana.brahmanda.1.16.41) śūrasenā bhadrakārā bodhāḥ sahapaṭaccarāḥ / matsyāḥ kuśalyāḥ sauśalyāḥ kuntalāḥ kāśikośalāḥ // ### [1.16.42](https://indike.org/pramana/in.purana.brahmanda.1.16.42) godhā bhadrāḥ kariṅgāśca māgadhāścotkalaiḥ saha / madhyadeśyā janapadāḥ prāyaśasttra kīrttitāḥ // ### [1.16.43](https://indike.org/pramana/in.purana.brahmanda.1.16.43) sahyasya cauttarānteṣu yatra godāvarī nadī / pṛthivyāmapi kṛtsnāyāṃ sa pradeśo manoramaḥ // ### [1.16.44](https://indike.org/pramana/in.purana.brahmanda.1.16.44) tatra govardhanaṃ nāma puraṃ rāmeṇa nirmitam / rāmapriyātha svargīyā vṛkṣa divyāsta thauṣadhīḥ // ### [1.16.45](https://indike.org/pramana/in.purana.brahmanda.1.16.45) bharadvājena muninā tatpriyārthe 'varopitāḥ / ataḥ purvaroddeśastena jajñe manoramaḥ // ### [1.16.46](https://indike.org/pramana/in.purana.brahmanda.1.16.46) bāhlīkā vāṭadhānāśca ābhīrā kālatoyakāḥ / aparāntāśca muhmāśca pāñcalāścarmamaṇḍalāḥ // ### [1.16.47](https://indike.org/pramana/in.purana.brahmanda.1.16.47) gāndhārā yavanāścaiva siṃdhusauvīramaṇḍalāḥ / cīnāścaiva tuṣārāśca pallavā girigahvarāḥ // ### [1.16.48](https://indike.org/pramana/in.purana.brahmanda.1.16.48) śākā bhadrāḥ kulindāśca pāradā vindhyacūlikāḥ / abhīṣāhā ulūtāśca kekayā daśāmālikāḥ // ### [1.16.49](https://indike.org/pramana/in.purana.brahmanda.1.16.49) brāhmaṇāḥ kṣatriyāścaiva vaiśyaśūdrakulāni tu / kāṃvojā daradāścaiva barbarā aṅgalauhikāḥ // ### [1.16.50](https://indike.org/pramana/in.purana.brahmanda.1.16.50) atrayaḥ sabharadvājāḥ prasthalāśca daśerakāḥ / lamakāstālaśālāśca bhūṣikā ījikaiḥ saha // ### [1.16.51](https://indike.org/pramana/in.purana.brahmanda.1.16.51) ete deśā udīcyā vai prācyāndeśānnibodhata / aṅgavaṅgā ścolabhadrāḥ kirātānāṃ ca jātayaḥ / tomarā haṃsabhaṅgāśca kāśmīrāstaṅgaṇāstathā // ### [1.16.52](https://indike.org/pramana/in.purana.brahmanda.1.16.52) jhillikāścāhukāścaiva hūṇadarvāstathaiva ca // ### [1.16.53](https://indike.org/pramana/in.purana.brahmanda.1.16.53) andhravākā mudgarakā antargiribahirgirāḥ / tataḥ plavaṅgavo jñeyā maladā malavartikāḥ // ### [1.16.54](https://indike.org/pramana/in.purana.brahmanda.1.16.54) samantarāḥ prāvṛṣeyā bhārgavā gopapārthivāḥ / prāgjyotiṣāśca puṇḍrāśca videhāstāmraliptakāḥ // ### [1.16.55](https://indike.org/pramana/in.purana.brahmanda.1.16.55) mallā magadhagonardāḥ prācyāṃ janapadāḥ smṛtāḥ / athāpare janapadā dakṣiṇāpathavāsinaḥ // ### [1.16.56](https://indike.org/pramana/in.purana.brahmanda.1.16.56) paṇḍyāśca keralāścaiva colāḥ kulyāstathaiva ca / setukā mūṣikāścaiva kṣapaṇā vanavāsikāḥ // ### [1.16.57](https://indike.org/pramana/in.purana.brahmanda.1.16.57) māharāṣṭrā mahiṣikāḥ kaliṅgaścaiva sarvaśaḥ / ābhīrāśca sahaiṣīkā āṭavyā sāravāstathā // ### [1.16.58](https://indike.org/pramana/in.purana.brahmanda.1.16.58) pulindā vindhyamaulīyā vaidarbhā daṇḍakaiḥ saha / paurikā maulikāścaiva śmakā bhogavarddhināḥ // ### [1.16.59](https://indike.org/pramana/in.purana.brahmanda.1.16.59) koṅkaṇāḥ kantalāścāndhrāḥ kulindāṅgāramāriṣāḥ / dākṣiṇāścaiva ye deśā aparāṃstānnibodhata // ### [1.16.60](https://indike.org/pramana/in.purana.brahmanda.1.16.60) sūryyārakāḥ kalivanā durgālāḥ kuntarauḥ sahaḥ / pauleyāśca kirātāśca rūpakāstāpakaiḥ saha // ### [1.16.61](https://indike.org/pramana/in.purana.brahmanda.1.16.61) tathā karītayaścaiva sarve caiva karandharāḥ / nāsikāścaiva ye cānye ye caivāntaranarmadāḥ // ### [1.16.62](https://indike.org/pramana/in.purana.brahmanda.1.16.62) sahakacchāḥ samāheyāḥ saha sārasvatairapi / kacchipāśca surāṣṭrāśca ānartāścarbudaiḥ saha // ### [1.16.63](https://indike.org/pramana/in.purana.brahmanda.1.16.63) ityete aparāntāśca śṛṇudhvaṃ vindhyavāsinaḥ / maladāśca karūthāśca mekalāścaitkalaiḥ saha // ### [1.16.64](https://indike.org/pramana/in.purana.brahmanda.1.16.64) uttamānāṃ daśārṇāśca bhojāḥ kiṣkindhakaiḥ saha / tośalāḥ kośalāścaiva traipurā vaidiśāstathā // ### [1.16.65](https://indike.org/pramana/in.purana.brahmanda.1.16.65) tuhuṇḍā barbarāścaiva ṣaṭpurā naiṣadhaiḥ saha / anūpāstuṇḍikerāśca vītihotrā hyavantayaḥ // ### [1.16.66](https://indike.org/pramana/in.purana.brahmanda.1.16.66) ete janapadāḥ sarve vindhyapṛṣṭhanivāsinaḥ / ato deśānpravakṣyāmi parvatāśrayiṇaśca ye // ### [1.16.67](https://indike.org/pramana/in.purana.brahmanda.1.16.67) nihīrā haṃsamārgāśca kupathāstaṅgaṇāḥ śakāḥ / apaprāva raṇāścaiva ūrṇā darvāḥ sahūhukāḥ // ### [1.16.68](https://indike.org/pramana/in.purana.brahmanda.1.16.68) trigarttā maṇḍalāścaiva kirātāstāmaraiḥ saha / catvāri bhārate varṣe yugāni ṛṣayo 'bruvan // ### [1.16.69](https://indike.org/pramana/in.purana.brahmanda.1.16.69) kṛtaṃ tretāyugaṃ caiva dvāparaṃ tiṣyameva ca / teṣāṃ nisargaṃ vakṣyāmi upariṣṭādaśeṣataḥ // ### [1.16.69.p1](https://indike.org/pramana/in.purana.brahmanda.1.16.69.p1) iti śrībradṛmahāpurāṇe vāyuprokte pūrvabhāge dvitīye 'nuṣaṅgapāde bhāratavarmataṃ nāma ṣoḍaśo 'dhyāyaḥ ## Linked texts (11) - [Vāyupurāṇa](https://indike.org/pramana/in.purana.vayu.1.45.72) — Vyāsa, Sanskrit - [Matsyapurāṇa](https://indike.org/pramana/in.purana.matsya.114.1) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.57.5) — Vyāsa, Sanskrit - [Vāmanapurāṇa](https://indike.org/pramana/in.purana.vamana.13.12) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.3.9) — Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p34) — Mitramiśra, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.13.90) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.13.90) — Basava, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.1.p189) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.1.p189) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.1.p188) — Hemādri, Sanskrit --- Source: [https://indike.org/pramana/in.purana.brahmanda.1.16](https://indike.org/pramana/in.purana.brahmanda.1.16) · Pramāṇa