[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.17 # Brahmandapurana 1.17 Brahmāṇḍapurāṇa 1.17 - **Language:** Sanskrit ## Contents - [1.17.37](https://indike.org/pramana/in.purana.brahmanda.1.17.37) — 1 part ### [1.17.1](https://indike.org/pramana/in.purana.brahmanda.1.17.1) ṛṣaya ūcuḥ yacca kiṃpuruṣaṃ varṣaṃ harivarṣaṃ tathaiva ca / ācakṣva no yathātattvaṃ kīrttitaṃ bhārataṃ tvayā // ### [1.17.2](https://indike.org/pramana/in.purana.brahmanda.1.17.2) sūta uvāca śuśrūṣā yatra vo viprāstacchṛṇudhvamatandritāḥ / plakṣakhaṇḍaḥ kiṃpuruṣe sumahānnandanopamaḥ // ### [1.17.3](https://indike.org/pramana/in.purana.brahmanda.1.17.3) daśavarṣasahasrāṇi sthitiḥ kiṃpuruṣe smṛtā / suvarṇavarṇāḥ puruṣāḥ striyaścāpsaraso pamāḥ // ### [1.17.4](https://indike.org/pramana/in.purana.brahmanda.1.17.4) anāmayā aśokāśca nityaṃ muditamānasāḥ / jāyante mānavāstatra nistaptakanakaprabhāḥ // ### [1.17.5](https://indike.org/pramana/in.purana.brahmanda.1.17.5) varṣe kiṃpuruṣe puṇye vṛkṣo madhuvahaḥ śubhaḥ / tasya kiṃpuruṣāḥ sarve 'piban hi rasamuttamam // ### [1.17.6](https://indike.org/pramana/in.purana.brahmanda.1.17.6) tataḥ paraṃ kiṃpuruṣo harivarṣaḥ pracakṣate / mahārajatasaṃkāśā jāyante tatra mānavāḥ // ### [1.17.7](https://indike.org/pramana/in.purana.brahmanda.1.17.7) devalokacyutāḥ sarve devānūkāśca sarveśaḥ / harivarṣe narāḥ sarve pibantīkṣurasaṃ śupham // ### [1.17.8](https://indike.org/pramana/in.purana.brahmanda.1.17.8) ekādaśa sahasrāṇi varṣāṇāṃ tu nirāmayāḥ / harivarṣe tu jīvanti sarve muditamānasāḥ // ### [1.17.9](https://indike.org/pramana/in.purana.brahmanda.1.17.9) na jarā bādhate tatra na mriyante ca te 'cirāt / madhyamaṃ yanmayā proktaṃ nāmnā varṣamilāvṛtam // ### [1.17.10](https://indike.org/pramana/in.purana.brahmanda.1.17.10) na tatra sūryastapati na tu jīryanti mānavāḥ / candrasūryai sanakṣatrau na prakāśāvilā vṛte // ### [1.17.11](https://indike.org/pramana/in.purana.brahmanda.1.17.11) padmaprabhāḥ padbavarṇāstathā padbanibhekṣaṇāḥ / padmapatrasugandhāśca jāyante tatra mānavāḥ // ### [1.17.12](https://indike.org/pramana/in.purana.brahmanda.1.17.12) jaṃbūphalarasāhārā aniṣyandāḥ sugandhinaḥ / manasvino bhuktabhogāḥ satkarmaphalabhoginaḥ // ### [1.17.13](https://indike.org/pramana/in.purana.brahmanda.1.17.13) devalokacyatāścaiva mahārajatavāsasaḥ / trayodaśasahasrāṇi varṣāṇāṃ te narottamāḥ // ### [1.17.14](https://indike.org/pramana/in.purana.brahmanda.1.17.14) āyuḥ pramāṇaṃ jīvanti ye tu varṣa ilāvṛte / meroḥ pratidiśaṃ yacca navasāhasravistṛtam // ### [1.17.15](https://indike.org/pramana/in.purana.brahmanda.1.17.15) yojanānāṃ sahasrāṇi ṣaṭtriṃśattasya vistaraḥ / yaturasraṃ samantācca śarāvākārasaṃsthitam // ### [1.17.16](https://indike.org/pramana/in.purana.brahmanda.1.17.16) meroḥ paścimabhāge tu navasāhasrasammite / catustriṃśatsahasrāṇi gandhamādanaparvataḥ // ### [1.17.17](https://indike.org/pramana/in.purana.brahmanda.1.17.17) udagdakṣiṇataścaiva ānīlaniṣadhāyataḥ / catvāriṃśatsahasrāṇi parivṛddho mahītalāt // ### [1.17.18](https://indike.org/pramana/in.purana.brahmanda.1.17.18) sahasramavagāḍhaśca tāvadeva ca vistṛtaḥ / pūrveṇa mālyavāñchailastatpramāṇaḥ prakīrttitaḥ // ### [1.17.19](https://indike.org/pramana/in.purana.brahmanda.1.17.19) dakṣiṇena tu nīlaśca niṣadhaścottareṇa tu / teṣāṃ madhye mahāmeruḥ svaiḥ pramāṇaiḥ pratiṣṭhitaḥ // ### [1.17.20](https://indike.org/pramana/in.purana.brahmanda.1.17.20) sarveṣāmeva śailānāmavagāḍho yathā bhavet / vistarastatpramāṇaḥ syādāyāmo niyutaṃ smṛtaḥ // ### [1.17.21](https://indike.org/pramana/in.purana.brahmanda.1.17.21) vṛttabhāvāssamudrasya mahīmaṇḍalabhāvataḥ / āyāmāḥ parihīyante caturasrasamāḥ smṛtāḥ // ### [1.17.22](https://indike.org/pramana/in.purana.brahmanda.1.17.22) ilāvṛtaṃ catuṣkoṇaṃ bhindantī madhyabhāgataḥ / prabhinnāñjanasaṃkāśā jambūrasavatī nadī // ### [1.17.23](https://indike.org/pramana/in.purana.brahmanda.1.17.23) merostu dakṣiṇe pārśve niṣadhasyottareṇa ca / sudarśano nāma mahāñjambūvṛkṣaḥ sanātanaḥ // ### [1.17.24](https://indike.org/pramana/in.purana.brahmanda.1.17.24) nityapuṣpaphalopetaḥ siddhacāraṇasevitaḥ / tasya nāmnā samā khyāto jambūdvīpo vanaspateḥ // ### [1.17.25](https://indike.org/pramana/in.purana.brahmanda.1.17.25) yojanānāṃ sahasraṃ ca śataṃ cānyanmahātmanaḥ / utsedho vṛkṣarājasya divaṃ spṛśati sarvataḥ // ### [1.17.26](https://indike.org/pramana/in.purana.brahmanda.1.17.26) aratnīnāṃ śatānyaṣṭāvekaṣaṣṭyadhikāni tu / phalapramāṇaṃ saṃkhyātamṛṣibhistattvadarśibhiḥ // ### [1.17.27](https://indike.org/pramana/in.purana.brahmanda.1.17.27) patamānāni tānyurvyāṃ kurvanti vipulaṃ svanam / tasyā jambvāḥ phalaraso nadī bhūtvā prasarppati // ### [1.17.28](https://indike.org/pramana/in.purana.brahmanda.1.17.28) meruṃ pradakṣiṇaṃ kṛtvā jambūmūlaṃ viśatyadhaḥ / taṃ pibanti sadā tdṛṣṭā jaṃbūrasamilāvṛte // ### [1.17.29](https://indike.org/pramana/in.purana.brahmanda.1.17.29) jaṃbūphalarase pīte na jarā bādhate tu tān / na kṣudhā na śramaścāpi na mṛtyurna ca tandri tam // ### [1.17.30](https://indike.org/pramana/in.purana.brahmanda.1.17.30) tatra jāṃbūnadaṃ nāma kanakaṃ devabhūṣamam / indragopakasaṃkāśaṃ jāyate bhāsvaraṃ tu tat // ### [1.17.31](https://indike.org/pramana/in.purana.brahmanda.1.17.31) sarveṣāṃ varṣavṛkṣāṇāṃ śubhaḥ phalarasaḥ stutaḥ / skannaṃ bhavati tacchubhraṃ kanakaṃ devabhūṣaṇam // ### [1.17.32](https://indike.org/pramana/in.purana.brahmanda.1.17.32) teṣāṃ mūtraṃ purīṣaṃ ca dikṣu sarvāsu sarvaśaḥ / īśvarānugrahādbhūmirmṛtāśca grasate tu tān // ### [1.17.33](https://indike.org/pramana/in.purana.brahmanda.1.17.33) rakṣaḥpiśācayakṣāśca sarve haimavataḥ smṛtāḥ / hemakūṭe tu gandharvā vijñeyāḥ sāpsarogaṇāḥ // ### [1.17.34](https://indike.org/pramana/in.purana.brahmanda.1.17.34) sarve nāgastu niṣadhe śeṣavāsukitakṣakāḥ / mahāmerau trayastriṃśatkrīḍante yajñiyāḥ surāḥ // ### [1.17.35](https://indike.org/pramana/in.purana.brahmanda.1.17.35) nīle tu vaidūryamaye siddhā brahmarṣayo 'malāḥ / daityānāṃ dānavānāṃ car śvetaḥ parvata ucyate // ### [1.17.36](https://indike.org/pramana/in.purana.brahmanda.1.17.36) śṛṅgavānparvataśreṣṭhaḥ pitṝṇāṃ pratisaṃcaraḥ / navasveteṣu varṣeṣu yathābhāgaṃ sthiteṣu vai // ### [1.17.37](https://indike.org/pramana/in.purana.brahmanda.1.17.37) bhūtānyupaniviṣṭāni gatimanti dhruvāṇi ca / teṣāṃ vivṛddhirbahudhā dṛśyate divyamānuṣī / na saṃkhyā parisaṃkhyātuṃ śraddheyā tu bubhūṣatām // ### [1.17.37.p1](https://indike.org/pramana/in.purana.brahmanda.1.17.37.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde kiṃpuruṣādivarṣavarṇanaṃ nāma saptadaśo 'dhyāyaḥ ## Linked texts (6) - [Vāyupurāṇa](https://indike.org/pramana/in.purana.vayu.1.46.4) — Vyāsa, Sanskrit - [Matsyapurāṇa](https://indike.org/pramana/in.purana.matsya.114.59) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.vyasa*crit.6.8.19) — Sanskrit - [Liṅgapurāṇa](https://indike.org/pramana/in.purana.linga.1.52.37) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.60.4) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.58.37) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.1.17](https://indike.org/pramana/in.purana.brahmanda.1.17) · Pramāṇa