[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.18 # Brahmandapurana 1.18 Brahmāṇḍapurāṇa 1.18 - **Language:** Sanskrit ## Contents - [1.18.84](https://indike.org/pramana/in.purana.brahmanda.1.18.84) — 1 part ### [1.18.1](https://indike.org/pramana/in.purana.brahmanda.1.18.1) sūta uvāca madhye himavataḥ pṛṣṭhe kailāso nāma parvataḥ / tasminnivasati śrīmānkuberaḥ saha rākṣasaiḥ // ### [1.18.2](https://indike.org/pramana/in.purana.brahmanda.1.18.2) apsaronucaro rājā modate hyalakādhipaḥ / kailāsapādātsaṃbhūtaṃ puṇyaṃ śītajalaṃ śubham // ### [1.18.3](https://indike.org/pramana/in.purana.brahmanda.1.18.3) madaṃ nāmnā kumudvatttsarastūdadhisannibham / tasmāddivyātprabhavati nadī mandākinī śubhā // ### [1.18.4](https://indike.org/pramana/in.purana.brahmanda.1.18.4) divyaṃ ca nandanavanaṃ tasyāstīre mahadvanam / prāguttarema kailāsāddivyaṃ sarvauṃṣadhi girim // ### [1.18.5](https://indike.org/pramana/in.purana.brahmanda.1.18.5) ratnadhātumayaṃ citraṃ sabalaṃ parvataṃ prati / candraprabho nāma giriḥ suśubhro ratnasannibhaḥ // ### [1.18.6](https://indike.org/pramana/in.purana.brahmanda.1.18.6) tasya pāde mahāddivyaṃ svacchodaṃ nāma tatsaraḥ / tasmāddivyātprabhavati svacchodā nāma nimnagā // ### [1.18.7](https://indike.org/pramana/in.purana.brahmanda.1.18.7) tasyāstīre mahaddivyaṃ vanaṃ caitrarathaṃ śubham / tasmin girau nivasati maṇibhadraḥ sahānugaḥ // ### [1.18.8](https://indike.org/pramana/in.purana.brahmanda.1.18.8) yakṣasenāpatiḥ krūro guhyakaiḥ parivāritaḥ / puṇyā mandākinī caiva nadī svacchodakā ca yā // ### [1.18.9](https://indike.org/pramana/in.purana.brahmanda.1.18.9) mahīmaṇḍalamadhyena praviṣṭe te mahodadhim / kailāsāddakṣiṇe prācyāṃ śivasattvauṣadhiṃ girim // ### [1.18.10](https://indike.org/pramana/in.purana.brahmanda.1.18.10) manaḥ śilāmayaṃ divyaṃ citrāṅgaṃ parvataṃ prati / lohito hemaśṛṅgaśca giriḥ sūryaprabho mahān // ### [1.18.11](https://indike.org/pramana/in.purana.brahmanda.1.18.11) tasya pāde mahaddivyaṃ lohitaṃ nāma tatsaraḥ / tasmātpuṇyaḥ prabhavati lauhityaḥ sa nado mahān // ### [1.18.12](https://indike.org/pramana/in.purana.brahmanda.1.18.12) devāraṇyaṃ viśokaṃ ca tasya tīre mahadvanam / tasmingirau nivasati yakṣo maṇidharo vaśī // ### [1.18.13](https://indike.org/pramana/in.purana.brahmanda.1.18.13) saumyaiḥ mudhārmikaiścaiva guhyake parivāritaḥ / kailāsāddakṣiṇe pārśve krūrasattvauṣadhirgiriḥ // ### [1.18.14](https://indike.org/pramana/in.purana.brahmanda.1.18.14) vṛtrakāyātkilotpannamañjanaṃ trikakuṃ prati / sarvadhātumayastatra sumahānvaidyuto giriḥ // ### [1.18.15](https://indike.org/pramana/in.purana.brahmanda.1.18.15) tasya pāde kalaḥ puṇyaṃ mānasaṃ siddhasevitam / tasmātprabhavete puṇyā sarayūrlokaviśrutā // ### [1.18.16](https://indike.org/pramana/in.purana.brahmanda.1.18.16) tasyāstīre vana divyaṃ vaibhrājaṃ nāma viśrutam / kuberā nucarastatra prahetitanayo vaśī // ### [1.18.17](https://indike.org/pramana/in.purana.brahmanda.1.18.17) brahmapito nivasati rākṣaso 'nantavikramaḥ / atarikṣacarairghorairyātudhānaśatairvṛtaḥ // ### [1.18.18](https://indike.org/pramana/in.purana.brahmanda.1.18.18) apareṇa tu kailāsātpuṇyasattvauṣadhirgiriḥ / aruṇaḥ parvataśreṣṭho rukmadhātumayaḥ śubhaḥ // ### [1.18.19](https://indike.org/pramana/in.purana.brahmanda.1.18.19) bhavasya dayitaḥ śrīmānparvato meghasannibhaḥ / śātakaiṃbhamayaiḥ śubhraiḥ śilājālaiḥ samāvṛtaḥ // ### [1.18.20](https://indike.org/pramana/in.purana.brahmanda.1.18.20) śātasaṃkhyaistāpanīyaiḥ śṛṅgairdivamivollikhan / muñjavāstu mahādivyo durgaḥ śailo himācitaḥ // ### [1.18.21](https://indike.org/pramana/in.purana.brahmanda.1.18.21) tasmingirau nivasati girīśo dhūmralocanaḥ / tasyā pādātprabhavati śailodaṃ nāma tatsaraḥ // ### [1.18.22](https://indike.org/pramana/in.purana.brahmanda.1.18.22) tasmātprabhavate puṇyā śilodā nāma nimragā / sā cakṣuḥ sītayormadhye praviṣṭā lavaṇodadhim // ### [1.18.23](https://indike.org/pramana/in.purana.brahmanda.1.18.23) tasyāstīre vanaṃ divyaṃ viśrutaṃ surabhīti vai / savyottareṇa kailāsācchivaḥ sattvauṣadhirgiriḥ // ### [1.18.24](https://indike.org/pramana/in.purana.brahmanda.1.18.24) gauraṃ nāma giriśreṣṭhaṃ haritālamayaṃ prati / hiraṇyaśṛṅgaḥ sumahān divyo maṇimayo giriḥ // ### [1.18.25](https://indike.org/pramana/in.purana.brahmanda.1.18.25) tasyā pāde mahāddivyaṃ śubhaṃ kāñcanavālukam / ramyaṃ bindusaro nāma yatra rājā bhagīrathaḥ // ### [1.18.26](https://indike.org/pramana/in.purana.brahmanda.1.18.26) gaṅganimittaṃ rājarṣiruvāsa bahulāḥ samāḥ / divaṃ yāsyanti te burve gaṅgatoyapariplutāḥ // ### [1.18.27](https://indike.org/pramana/in.purana.brahmanda.1.18.27) madīya iti niścitya samāhitamanāḥ śive / tatra tripayagā devī prathamaṃ tu pratiṣṭhitā / somapādātprasūtā sā saptadhā pratipadyate // ### [1.18.28](https://indike.org/pramana/in.purana.brahmanda.1.18.28) yūpā maṇimayāstatra vitatāśca hiraṇmayāḥ / tatreṣṭvā tu gataḥ siddhiṃ śakraḥ sarvaiḥ suraiḥ saha // ### [1.18.29](https://indike.org/pramana/in.purana.brahmanda.1.18.29) divi cchāyāpatho yastu anunakṣatramaṇḍalaḥ / dṛśyate bhāsvaro rātrau devī tripathagā tu sā // ### [1.18.30](https://indike.org/pramana/in.purana.brahmanda.1.18.30) antarikṣaṃ divañcaiva bhāvayantī surāpagā / bhavottamāṅge patitā saṃrūddhā yaugamāyayā // ### [1.18.31](https://indike.org/pramana/in.purana.brahmanda.1.18.31) tasyā ye bindavaḥ kecit kruddhāyāḥ patitā bhuvi / kṛtaṃ tu tairbidusarastato bindusaraḥ smṛtam // ### [1.18.32](https://indike.org/pramana/in.purana.brahmanda.1.18.32) tato nirūddhā sā devī bhavena smayatā kila / cintayāmāsa manasā śaṅkarakṣepamaṃ prati // ### [1.18.33](https://indike.org/pramana/in.purana.brahmanda.1.18.33) bhittvā viśāmi pātālaṃ srotasāgṛhya śaṅkaram / jñātvā tamyā abhiprāyaṃ krūraṃ devyāścikīrṣitam // ### [1.18.34](https://indike.org/pramana/in.purana.brahmanda.1.18.34) tirobhāvayituṃ buddhirāsīdaṅgeṣu tāṃ nadīm / tasyāvalepaṃ jñātvā tu nadyāḥkruddhastuśaṅkaraḥ // ### [1.18.35](https://indike.org/pramana/in.purana.brahmanda.1.18.35) nyarupācca śirasyenāṃ vegena patatīṃ bhuvi / etasminneva kāle tu dṛṣṭvā rājānamagrataḥ // ### [1.18.36](https://indike.org/pramana/in.purana.brahmanda.1.18.36) dhamanīsaṃtataṃ kṣīṇaṃ kṣudhayā vyākulendriyam / anena toṣitaścāhaṃ nadyarthaṃ pūrvameva tu // ### [1.18.37](https://indike.org/pramana/in.purana.brahmanda.1.18.37) buddhāsya varadānaṃ ca kopaṃ niyatavāṃstu saḥ / brahmaṇo vacanaṃ śrutvā dhāraya svarṇadīmiti // ### [1.18.38](https://indike.org/pramana/in.purana.brahmanda.1.18.38) tato visarjayāmāsa saṃruddhāṃ svena tejasā / nadīṃ bhagīrathasyārthe tapasogreṇa toṣitaḥ // ### [1.18.39](https://indike.org/pramana/in.purana.brahmanda.1.18.39) tato visṛjyamānāyāḥ srota statsaptadhā gatam / tisraḥ ptācīmimukhaṃ pratīcīṃ tisra eva tu // ### [1.18.40](https://indike.org/pramana/in.purana.brahmanda.1.18.40) nadyāḥ srotastu gaṅgāyāḥ pratyapadyata saptadhā / nalinī hlādinī caiva pāvanī caiva prācyagāḥ // ### [1.18.41](https://indike.org/pramana/in.purana.brahmanda.1.18.41) sītā cakṣuśca sindhuśca pratīcīndiśamāsthitāḥ / saptamī tvanvagāttāsāṃ dakṣiṇena bhagīratham // ### [1.18.42](https://indike.org/pramana/in.purana.brahmanda.1.18.42) tasmādbhāgīrathī yā sā praviṣṭā lavaṇodadhim / saptaitā bhāvayantīdaṃ himāhvaṃ varṣameva tu // ### [1.18.43](https://indike.org/pramana/in.purana.brahmanda.1.18.43) prasūtāḥ sapta nadyastāḥ śubhā bindu sarodbhavāḥ / nānādeśānplāvayantyo malecchaprāyāstu sarvaśaḥ // ### [1.18.44](https://indike.org/pramana/in.purana.brahmanda.1.18.44) upagacchanti tāḥ sarvā yato varṣati vāsavaḥ / śilīndhrānkunta lāṃścīnānbarbarānyavanādhrakān // ### [1.18.45](https://indike.org/pramana/in.purana.brahmanda.1.18.45) puṣkarāśca kulindāṃśca acoṃladvicarāśca ye / kṛtvā tridhā siṃhavantaṃ sītāgātpaścimoda dhim // ### [1.18.46](https://indike.org/pramana/in.purana.brahmanda.1.18.46) atha cīnamarūṃścaiva tālāṃśca masamūlikān / bhadrāstuṣārāṃllāmyākānbāhlavānpāraṭānkhaśān // ### [1.18.47](https://indike.org/pramana/in.purana.brahmanda.1.18.47) etāñjanapadāṃ ścakṣuḥ prāvayantī gatodadhim / daradāṃśca sakāśmīrān gāndharān raurasān kuhān // ### [1.18.48](https://indike.org/pramana/in.purana.brahmanda.1.18.48) śivaśailānindrapadānvasatīśca visarjamān / saindhavānrandhrakarakāñchamaṭhābhīrarohakān // ### [1.18.49](https://indike.org/pramana/in.purana.brahmanda.1.18.49) śunāsukhāṃścorddhamarūnsindhuretānniṣevate / gandharvakinnarānyakṣānrakṣovidyādharoragān // ### [1.18.50](https://indike.org/pramana/in.purana.brahmanda.1.18.50) kalāpagrāmakāṃścaiva pāradāṃstadgaṇān khaśān / kirātāṃścapulindāṃśca kurūn sabharatānapi // ### [1.18.51](https://indike.org/pramana/in.purana.brahmanda.1.18.51) pañcālānkāśimatsyāṃ śca magadhāṅgāṃstathaiva ca / suhmottarāṃśca vaṅgāṃśca tāmraliptāṃstathaiva ca // ### [1.18.52](https://indike.org/pramana/in.purana.brahmanda.1.18.52) etāñjanapadānmānyāngaṅgā bhāvayate śubhān / tataḥ pratihatā vindhyātpraviṣṭā lavaṇodadhim // ### [1.18.53](https://indike.org/pramana/in.purana.brahmanda.1.18.53) tataśca hlādinī puṇya prācīmabhimukhā yayau / prāvayantyupabhāgāṃśca naiṣadhāṃśca trigarta kān // ### [1.18.54](https://indike.org/pramana/in.purana.brahmanda.1.18.54) dhīvarānṛṣikāṃścaiva tathā nīlamukhānapi / kekarānauṣṭakarṇāṃśca kirātānapi caiva hi // ### [1.18.55](https://indike.org/pramana/in.purana.brahmanda.1.18.55) kālodarānvivarṇāśca kumārānsvarṇabhūmikān / āmaṇḍalaṃ samudrasya tirobhūtāṃśca pūrvataḥ // ### [1.18.56](https://indike.org/pramana/in.purana.brahmanda.1.18.56) tatastu pāvanī cāpi prācīmeva diśaṃ yayau / supathānpāvayaṃ tīha tvindradyumnasaropi ca // ### [1.18.57](https://indike.org/pramana/in.purana.brahmanda.1.18.57) tathā kharapathāṃścaiva vetraśaṅkupathānapi / madhyatojānakimatho kuthaprāvaraṇānyayau // ### [1.18.58](https://indike.org/pramana/in.purana.brahmanda.1.18.58) indradvīpa samudraṃ tu praviṣṭāṃ lavaṇodadhim / tatastu nalinī prāyāt prācīmāśāṃ javena tu // ### [1.18.59](https://indike.org/pramana/in.purana.brahmanda.1.18.59) tomarānbhāvayantīha haṃsamārgānsahaihayān / pūrvandeśāṃśca sevantī bhittvā sā bahudhāgirīn // ### [1.18.60](https://indike.org/pramana/in.purana.brahmanda.1.18.60) karṇaprāvaraṇānprāpya saṃgatyā śvamukhānapi / sikatāparvatamaruṃ gatvā vidyādharānyayau // ### [1.18.61](https://indike.org/pramana/in.purana.brahmanda.1.18.61) nagamaṇḍalamadhyena praviṣṭā lavaṇodadhim / tāsāṃ nadyupanadyaśca śataśo 'tha sahasraśaḥ // ### [1.18.62](https://indike.org/pramana/in.purana.brahmanda.1.18.62) upagacchanti tāḥ sarvā yato varṣati vāsavaḥ / vakvaukasāyāstīre tu vanaṃ surabhi viśrutam // ### [1.18.63](https://indike.org/pramana/in.purana.brahmanda.1.18.63) hiraṇyaśṛṅge vasati vidvānkauberako vaśī / yajñopetaśca sumahānamitaujāḥ suvikramaḥ // ### [1.18.64](https://indike.org/pramana/in.purana.brahmanda.1.18.64) tatratyaistaiḥ parivṛtau vidvadbhirbrahmarākṣasaiḥ / kuberānucarā hyete catvārastu samāḥ smṛtāḥ // ### [1.18.65](https://indike.org/pramana/in.purana.brahmanda.1.18.65) evameva tu vijñeyā ṛddhiḥ parvatavāsinām / paraspareṇa dviguṇā dharmataḥ kāmator'thataḥ // ### [1.18.66](https://indike.org/pramana/in.purana.brahmanda.1.18.66) hemakūṭasya pṛṣṭhe tu varcovannāmataḥ saraḥ / manasvinīprabhavati tasmājjyotiṣmatī ca yā // ### [1.18.67](https://indike.org/pramana/in.purana.brahmanda.1.18.67) avagāḍhe hyubhayataḥ samudrau pūrvapaścimau / saro viṣṇupadaṃ nāma niṣadhe parvatottame // ### [1.18.68](https://indike.org/pramana/in.purana.brahmanda.1.18.68) tasmāddvayaṃ prabhavati gāndharvī nākulī ca taiḥ / meroḥ pārśvātprabhavati hradaścandraprabho mahān // ### [1.18.69](https://indike.org/pramana/in.purana.brahmanda.1.18.69) tatra jaṃbūnadī puṇyā yasyā jāṃbūnadaṃ smṛtam / payodaṃ tu saro nīle suśubhraṃ puṇḍarīkavat // ### [1.18.70](https://indike.org/pramana/in.purana.brahmanda.1.18.70) puṇḍarīkā payodā ya tasmānnadyau vinirgate / śvetātpravarttate puṇyaṃ sarayūrmānasāddhruvam // ### [1.18.71](https://indike.org/pramana/in.purana.brahmanda.1.18.71) jyotsnā ca mṛgākāmā ca tasmāddve saṃbabhūvatuḥ / saraḥ kuruṣu vikhyātaṃ padmamīnadvijākulam // ### [1.18.72](https://indike.org/pramana/in.purana.brahmanda.1.18.72) rudrakāntamiti khyātaṃ nirmitaṃ tadbhavena tu / anye cāpyatra vikhyātāḥ padmāmīnadvijākulāḥ // ### [1.18.73](https://indike.org/pramana/in.purana.brahmanda.1.18.73) nāmnā hradā jayā nāma dvādaśodadhisannibhāḥ / tebhyaḥ śāntā ya mādhvī ca dve nadyau saṃbabhūvatuḥ // ### [1.18.74](https://indike.org/pramana/in.purana.brahmanda.1.18.74) yāni kiṃpuruṣādyāni teṣu devo na varṣati / udbhidānyudakānyatra pravahanti saridvarāḥ // ### [1.18.75](https://indike.org/pramana/in.purana.brahmanda.1.18.75) ṛṣabho dundubhiścaiva dhūmnaśca sumahāgiriḥ / pūrvāyatā mahāparvā nimagnā lavaṇābhasi // ### [1.18.76](https://indike.org/pramana/in.purana.brahmanda.1.18.76) candraḥ kākastathā droṇaḥ sumahāntaḥ śiloccayāḥ / udagyātā udīcyāntā avagāḍhā mahodadhim // ### [1.18.77](https://indike.org/pramana/in.purana.brahmanda.1.18.77) somakaśca varāhaśca nāradaśca mahīdharaḥ / pratīcyāmāyatāste vai praviṣṭā lavaṇodadhima // ### [1.18.78](https://indike.org/pramana/in.purana.brahmanda.1.18.78) cakro balāhakaścaiva maināko yaśca parvataḥ / āyatāste mahāśailāḥ samudraṃ dakṣiṇaṃ prati // ### [1.18.79](https://indike.org/pramana/in.purana.brahmanda.1.18.79) cakramainākayormadhya vidiśaṃ dakṣiṇāṃ prati / tatra saṃvarttako nāma so 'gniḥ pibati tajjalam // ### [1.18.80](https://indike.org/pramana/in.purana.brahmanda.1.18.80) nāmnā samudravāsastu aurvaḥsa vaḍavāmukhaḥ / dvādaśaite praviṣṭā hi parvatā lavaṇodadhim // ### [1.18.81](https://indike.org/pramana/in.purana.brahmanda.1.18.81) mahendrabhayavitrastāḥ pakṣacche dabhayātpurā / yadetaddṛśyate candre śvete kṛṣṇaśaśākṛti // ### [1.18.82](https://indike.org/pramana/in.purana.brahmanda.1.18.82) bhāratasya tu varṣasya bhedāste nava kīrttitāḥ / ihoditasya dṛśyante yathānye 'nyatra codite // ### [1.18.83](https://indike.org/pramana/in.purana.brahmanda.1.18.83) uttarottarameteṣāṃ varṣamuddiśyate guṇaiḥ / ārogyāyuḥ pramāṇānāṃ dharmataḥ kāmator'thataḥ // ### [1.18.84](https://indike.org/pramana/in.purana.brahmanda.1.18.84) samanvitāni bhūtāni puṇyairetaistu bhāgaśaḥ / vasaṃti nānājātīni teṣu varṣeṣu tāni vai / ityeṣā dhārayantīdaṃ pṛthvī viśvaṃ jagatsthitam // ### [1.18.84.p1](https://indike.org/pramana/in.purana.brahmanda.1.18.84.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde jambūdvīpavarṇanaṃ nāmāṣṭādaśo 'dhyāyaḥ ## Linked texts (3) - [Vāyupurāṇa](https://indike.org/pramana/in.purana.vayu.1.47.2) — Vyāsa, Sanskrit - [Matsyapurāṇa](https://indike.org/pramana/in.purana.matsya.121.2) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.3.14) — Sanskrit --- Source: [https://indike.org/pramana/in.purana.brahmanda.1.18](https://indike.org/pramana/in.purana.brahmanda.1.18) · Pramāṇa