[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.1 # Brahmandapurana 1.1 Brahmāṇḍapurāṇa 1.1 - **Language:** Sanskrit ## Contents - [1.1.174](https://indike.org/pramana/in.purana.brahmanda.1.1.174) — 1 part ### [1.1.1](https://indike.org/pramana/in.purana.brahmanda.1.1.1) atha brahmāṇḍamahāpurāṇaṃ pūrvabhāgaprārambhaḥ / namonamaḥ kṣaye sṛṣṭau sthitau sattvamayāya vā / namo rajastamaḥsattvatrirūpāya svayaṃbhuve // ### [1.1.2](https://indike.org/pramana/in.purana.brahmanda.1.1.2) jitaṃ bhagavatā tena hariṇā lokadhāriṇā / ajena viśvarūpeṇa nirguṇena guṇātmanā // ### [1.1.3](https://indike.org/pramana/in.purana.brahmanda.1.1.3) brahmāṇaṃ lokakarttāraṃ sarvajñamaparājitam / prabhuṃbhūtabhaviṣyasya sāmpratasya ca satpatim // ### [1.1.4](https://indike.org/pramana/in.purana.brahmanda.1.1.4) jñānamabratimaṃ tasya vairāgyaṃ ca jagatpateḥ / aiśvaryyaṃ caiva dharmaśca sadbhiḥ sevyaṃ catuṣṭayam // ### [1.1.5](https://indike.org/pramana/in.purana.brahmanda.1.1.5) imānnarasya vai bhāvānnityaṃ sadasadātmakān / aviṃśakaḥ punastānvai kriyābhāvārthamīśvaraḥ // ### [1.1.6](https://indike.org/pramana/in.purana.brahmanda.1.1.6) lokakṛllokatattvajño yogamāsthāya yogavit / asṛjatsarvabhūtāni sthāvarāṇi carāṇi ca // ### [1.1.7](https://indike.org/pramana/in.purana.brahmanda.1.1.7) tasahaṃ viśvakarmāṇaṃ satpatiṃ lokasākṣiṇam / purāṇākhyānajijñāsurgacchāmi śaraṇaṃ vibhum // ### [1.1.8](https://indike.org/pramana/in.purana.brahmanda.1.1.8) purāṇaṃ lokatattvārthamaśilaṃ vedasaṃmitam / praśaśaṃsa sa bhagavān vasiṣṭhāya prajāpatiḥ // ### [1.1.9](https://indike.org/pramana/in.purana.brahmanda.1.1.9) tattvajñānāmṛtaṃ puṇyaṃ vasiṣṭho bhagavānṛṣiḥ / pautramadhyāpayāmāsa śakteḥ putraṃ parāśaram // ### [1.1.10](https://indike.org/pramana/in.purana.brahmanda.1.1.10) parāśaraśca bhagavān jātūkarṇyamṛṣiṃ purā / tamadhyāpitavāndivyaṃ purāṇaṃ vedasaṃmitam // ### [1.1.11](https://indike.org/pramana/in.purana.brahmanda.1.1.11) adhigamya purāṇaṃ tu jātūkarṇyo viśeṣavit / dvaipāyanāya pradadau paraṃ brahma sanātanam // ### [1.1.12](https://indike.org/pramana/in.purana.brahmanda.1.1.12) dvaipāyanastataḥ prītaḥśaṣyebhyaḥpradadauvaśī / lokatattvavidhānārthaṃ pañcabhyaḥ paramādbhutam // ### [1.1.13](https://indike.org/pramana/in.purana.brahmanda.1.1.13) vikhyāpanārthaṃ lokeṣu bahvarthaṃ śrutisaṃmatam / jaiminiñca sumantuṃ ca vaiśaṃpāyanamevaca // ### [1.1.14](https://indike.org/pramana/in.purana.brahmanda.1.1.14) caturthaṃ pailavaṃ teṣāṃ pañcamaṃ lomaharṣaṇam / sūtamadbhutavṛttāntaṃ vinītaṃ dhārmikaṃ śrucim // ### [1.1.15](https://indike.org/pramana/in.purana.brahmanda.1.1.15) adhītya ca purāṇaṃ ca vinīto lomaharṣaṇaḥ / ṛṣiṇā ca tvayā pṛṣṭaḥ kṛtaprajñaḥ sudhārmikaḥ // ### [1.1.16](https://indike.org/pramana/in.purana.brahmanda.1.1.16) vasiṣṭhaścāpi munibhiḥ praṇāmya śirasā munīn / bhaktyā paramayā yuktaḥ kṛtvā cāpi pradakṣiṇam // ### [1.1.17](https://indike.org/pramana/in.purana.brahmanda.1.1.17) avāptavidyaḥ sartuṣṭaḥ kurukṣetramupāgamat / satre savitate yatra yajamānānṛṣīñśucīn // ### [1.1.18](https://indike.org/pramana/in.purana.brahmanda.1.1.18) vinayenopasaṃgamya satrriṇo romaharṣaṇam / vidhānato yathāśāstraṃ prajñayātijagāma ha // ### [1.1.19](https://indike.org/pramana/in.purana.brahmanda.1.1.19) ṛṣayaścāpi te sarve tadānīṃ romaharṣaṇam / dṛṣṭvā paramasaṃhṛṣṭāḥ prītāḥ sumanasastathā // ### [1.1.20](https://indike.org/pramana/in.purana.brahmanda.1.1.20) satkārairarccayāmāsurarghyapādyādibhistataḥ / abhivādya munīnsarvān rājājñāmabhigamya ca // ### [1.1.21](https://indike.org/pramana/in.purana.brahmanda.1.1.21) ṛṣibhistairanujñātaḥ pṛṣṭaḥ sarvamanāmayam / abhigamya munīnsarvāṃstejo brahma sanātanam / sadasyānumate ramye svāstīrṇe samupāviśat // ### [1.1.22](https://indike.org/pramana/in.purana.brahmanda.1.1.22) upaviṣṭe tadā tasminmunayaḥ śaṃsitavratāḥ / mudānvitā yathānyāyaṃ vinayasthāḥ samāhitāḥ // ### [1.1.23](https://indike.org/pramana/in.purana.brahmanda.1.1.23) sarve te ṛṣayaścainaṃ parivārya mahāvratam / paramaprītisaṃyuktā ityūcuḥ sūtanandanam // ### [1.1.24](https://indike.org/pramana/in.purana.brahmanda.1.1.24) svāgataṃ te mahābhāga diṣṭyā ca tvāṃnirāmayam / paśyāma dhīmannatrasthāḥ subrataṃ munisattamam // ### [1.1.25](https://indike.org/pramana/in.purana.brahmanda.1.1.25) aśūnyā me rasādyaiva bhavataḥ puṇyakarmaṇaḥ / bhavāṃstasya muneḥ sūta vyāsasyāpi mahātmanaḥ // ### [1.1.26](https://indike.org/pramana/in.purana.brahmanda.1.1.26) anugrāhyaḥ sadā dhīmātr śiṣyaḥ śiṣyaguṇānvitaḥ / kṛtabuddhiśca te tattvamanugrāhyatayā prabho // ### [1.1.27](https://indike.org/pramana/in.purana.brahmanda.1.1.27) avāpya vipulaṃ jñānaṃ sarvataśchinnasaṃśayaḥ / pṛccatāṃ naḥ sadā prājña sarvamākhyātumarhasi // ### [1.1.28](https://indike.org/pramana/in.purana.brahmanda.1.1.28) tadicchāmaḥ kathāṃ divyāṃ paurāṇīṃ śrutisaṃmitām / śrotuṃ dharmārthayuktāṃ tu etavdyāsācchrutaṃ tvayā // ### [1.1.29](https://indike.org/pramana/in.purana.brahmanda.1.1.29) evasuktastadā sūtastvṛṣibhirvinayānvitaḥ / uvāca paramāprākjño vinītottara muttamam // ### [1.1.30](https://indike.org/pramana/in.purana.brahmanda.1.1.30) ṛṣeḥ śuśrūṣaṇaṃ yacca tasmātprajñā ca yā mama / yasmācchuśūṣaṇārthaṃ ca tatsatyamiti niścayaḥ // ### [1.1.31](https://indike.org/pramana/in.purana.brahmanda.1.1.31) evaṃ gater'the yacchakyaṃ mayā vaktuṃ dvijottamāḥ / jijñāsā yatra yuṣmākaṃ tadājñātumihārhatha // ### [1.1.32](https://indike.org/pramana/in.purana.brahmanda.1.1.32) etacchrutvā tu munayo madhuraṃ tasya bhāṣitam / pratyūcuste punaḥ sūtaṃ bāṣpaparyākulekṣaṇam // ### [1.1.33](https://indike.org/pramana/in.purana.brahmanda.1.1.33) bhavān viśeṣakuśalo vyāsaṃ sākṣāttu dṛṣṭavān / tasmāttvaṃ saṃbhavaṃ kṛtsnaṃ lokasyemaṃ vidarśaya // ### [1.1.34](https://indike.org/pramana/in.purana.brahmanda.1.1.34) yasya yasyānvaye ye ye tāṃstānicchāma veditum / teṣāṃ pūrvavisṛṣṭiṃ ca vicitrāṃ tvaṃ prajāpateḥ / satkṛtya paripṛṣṭaḥ sa mahātmā romaharṣaṇaḥ // ### [1.1.35](https://indike.org/pramana/in.purana.brahmanda.1.1.35) vistareṇānupūrvyā ca kathayāmāsa sattamaḥ / sūta uvāca yo me dvaipāyanaprītaḥ kathāṃ vai dvijasattamāḥ // ### [1.1.36](https://indike.org/pramana/in.purana.brahmanda.1.1.36) puṇyāmākhyātavānviprāstāṃ vai vakṣyāmyanukramāt / purāṇaṃ saṃpravakṣyāmi yaduktaṃ mātariśvanā // ### [1.1.37](https://indike.org/pramana/in.purana.brahmanda.1.1.37) pṛṣṭena munibhiḥ pūrvaṃ naimiṣīyairma hātmabhiḥ / sargaśca pratisargaśca vaṃśo manvantarāṇi ca // ### [1.1.38](https://indike.org/pramana/in.purana.brahmanda.1.1.38) vaṃśyānucaritaṃ caiva purāṇaṃ pañcalakṣaṇam / prakriyā prathamaḥ pādaḥ kathāyāṃ syātparigrahaḥ // ### [1.1.39](https://indike.org/pramana/in.purana.brahmanda.1.1.39) anuṣaṅga utpoddhāta upasaṃhāra eva ca / evaṃ pādāstu catvāraḥ samāsātkīṃrtitā mayā // ### [1.1.40](https://indike.org/pramana/in.purana.brahmanda.1.1.40) vakṣyāmi tānpurastāttu vistareṇa yathākramam / prathamaṃ sarvaśāstrāṇāṃ purāṇaṃ brahmaṇā śrutam // ### [1.1.41](https://indike.org/pramana/in.purana.brahmanda.1.1.41) anantaraṃ ca vaktrebhyo vedāstasya viniḥsṛtāḥ / aṅgāni dharmaśāstraṃ ca vratāni niyamāstathā // ### [1.1.42](https://indike.org/pramana/in.purana.brahmanda.1.1.42) avyaktaṃ kāraṇaṃ yattannityaṃ sadasadātmakam / mahadādiviśeṣāntaṃ sṛjāmīti viniścayaḥ // ### [1.1.43](https://indike.org/pramana/in.purana.brahmanda.1.1.43) aṇḍaṃ hiraṇmayaṃ caiva brahmaṇaḥsūtiruttamā / aḍasyāvaraṇaṃ vārdhirapāmapi ca tejasā // ### [1.1.44](https://indike.org/pramana/in.purana.brahmanda.1.1.44) vāyunā tasya vāyośca khena bhūtādinā tataḥ / bhūtādirmahatā caiva avyaktenāvṛto mahān // ### [1.1.45](https://indike.org/pramana/in.purana.brahmanda.1.1.45) antarvarti ca bhūtānāmaṇḍamevopavarṇitam / nadīnāṃ parvatānāṃ ca prādurbhāvo 'tra paṭhyate // ### [1.1.46](https://indike.org/pramana/in.purana.brahmanda.1.1.46) manvantarāṇāṃ sarveṣāṃ kalpānāṃ caiva varṇanam / kīrttanaṃ brahmavṛkṣasya brahmajanma prakīrtyate // ### [1.1.47](https://indike.org/pramana/in.purana.brahmanda.1.1.47) ataḥ paraṃ brahmaṇaśca prajāsargopavarṇanam / avasthāścātra kīrtyante brahmaṇo 'vyaktajanmanaḥ // ### [1.1.48](https://indike.org/pramana/in.purana.brahmanda.1.1.48) kalpānāṃ saṃbhavaśceva jagataḥ sthāpanaṃ tathā / śayanaṃ ca harerapsu pṛthivyuddharaṇaṃ tathā // ### [1.1.49](https://indike.org/pramana/in.purana.brahmanda.1.1.49) saviśeṣaḥ purādīnāṃ varṇāśramavibhājanam / ṛkṣāṇāṃ grahasaṃsthānāṃ siddhānāṃ ca niveśanam // ### [1.1.50](https://indike.org/pramana/in.purana.brahmanda.1.1.50) yojanānāṃ yathā cava saṃcaro bahuvistaraḥ / svargasthānavibhāgaśca sartyānāṃ śubhacāriṇām // ### [1.1.51](https://indike.org/pramana/in.purana.brahmanda.1.1.51) vṛkṣāṇāmauṣadhīnāṃ ca vīrudhāṃ ca prakīrttanam / devatānāmṛṣīṇāṃ ca dve sṛtī parikīrtite // ### [1.1.52](https://indike.org/pramana/in.purana.brahmanda.1.1.52) āmlādīnāṃ tarūṇāṃ ca sarjanaṃ vyañjanaṃ tathā / paśūnāṃ puruṣāṇāṃ ca saṃbhavaḥ parikīrttitaḥ // ### [1.1.53](https://indike.org/pramana/in.purana.brahmanda.1.1.53) tathā nirvacanaṃ proktaṃ kalpasya ca parigrahaḥ / nava sargāḥ punaḥ proktā brahmaṇo buddhipūrvakāḥ // ### [1.1.54](https://indike.org/pramana/in.purana.brahmanda.1.1.54) trayo ye buddhipūrvāstu tathā yallokakalpanam / brahmaṇo 'vayavebhyaśca dharmādīnāṃ samudbhavaḥ // ### [1.1.55](https://indike.org/pramana/in.purana.brahmanda.1.1.55) ye dvādaśa prasūyante prajākalpe punaḥ punaḥ / kalpayorantare proktaṃ pratisaṃdhiśca yastayoḥ // ### [1.1.56](https://indike.org/pramana/in.purana.brahmanda.1.1.56) tamomātrā vṛtatvāttu brahmaṇo 'dharmasaṃbhavaḥ / sattvodriktācca dehācca puruṣasya ca saṃbhavaḥ // ### [1.1.57](https://indike.org/pramana/in.purana.brahmanda.1.1.57) tathaiva śatarūpāyāṃ tayoḥ putrāstataḥ param / priyavratottānapādau prasūtyākṛtayaḥ śubhāḥ // ### [1.1.58](https://indike.org/pramana/in.purana.brahmanda.1.1.58) kīrtyante dhūtapāpmānastrailokye ye pratiṣṭhitāḥ / ruceḥ prajāpateścorddhamākūtyāṃ mithunodbhavaḥ // ### [1.1.59](https://indike.org/pramana/in.purana.brahmanda.1.1.59) prasūtyamapi dakṣasya kanyānāmudbhavaḥ śubhaḥ / dākṣāyaṇīṣu vāpyūrdhvaṃśabdādyāsu mahātmanaḥ // ### [1.1.60](https://indike.org/pramana/in.purana.brahmanda.1.1.60) dharmasya kīrtyate sargaḥ sāttvikastu sukhodayaḥ / tathādharmasya hiṃsāyāṃ tamaso 'śubhalakṣaṇaḥ // ### [1.1.61](https://indike.org/pramana/in.purana.brahmanda.1.1.61) bhṛgvādīnāmṛṣīṇāṃ ca prajāsargopavarṇanam / brahmarṣeśca vasiṣṭhasya yatra gotrānukīrttanam // ### [1.1.62](https://indike.org/pramana/in.purana.brahmanda.1.1.62) agneḥ prajāyāḥ saṃbhūtiḥ svāhāyāṃ yatra kīrtyate / pitṝṇāṃ dviprakārāṇāṃ svadhāyāṃ tadanantaram // ### [1.1.63](https://indike.org/pramana/in.purana.brahmanda.1.1.63) pitṛvaṃśaprasaṃgena kīrtyate ca maheśvarāt / dakṣasya śāpaḥ satyāśca bhṛgvādīnāṃ ca dhīmatām // ### [1.1.64](https://indike.org/pramana/in.purana.brahmanda.1.1.64) pratiśāpaśca dakṣasya rudrādadbhutakarmaṇaḥ / pratiṣedhaśca vairasya kīrtyate doṣadarśanāt // ### [1.1.65](https://indike.org/pramana/in.purana.brahmanda.1.1.65) manvantaraprasaṃgena kālākhyānaṃ ca kīrtyate / prajāpateḥ karddamasya kanyāyāḥ śubhalakṣaṇam // ### [1.1.66](https://indike.org/pramana/in.purana.brahmanda.1.1.66) priyavratasya putrāṇāṃ kīrtyate yatra vistaraḥ / teṣāṃ niyogo dvīpeṣu deśeṣu ca pṛthak pṛthak // ### [1.1.67](https://indike.org/pramana/in.purana.brahmanda.1.1.67) svāyaṃbhuvasya sargasya tataścāpyanukīrttanam / varṣāṇāṃ ca nadīnāṃ ca tadbhedānāṃ ca sarvaśaḥ // ### [1.1.68](https://indike.org/pramana/in.purana.brahmanda.1.1.68) dvīpabhedasahasrāṇā mantarbhāvaśca saptasu / vistarānmaṇḍalaṃ caiva jaṃbūdvīpasamudrayoḥ // ### [1.1.69](https://indike.org/pramana/in.purana.brahmanda.1.1.69) pramāṇaṃ yojanāgreṇa kīrtyante parvataiḥ saha / himavānhemakūṭaśca niṣadho merureva ca / nīlaḥ śvetaśca śṛṅgī ca kīrtyante sapta parvatāḥ // ### [1.1.70](https://indike.org/pramana/in.purana.brahmanda.1.1.70) teṣāmantaraviṣkaṃbhā ucchrāyāyāmavistarāḥ // ### [1.1.71](https://indike.org/pramana/in.purana.brahmanda.1.1.71) kīrtyante yojanāgreṇa ye ca tatra nivāsinaḥ / bhāratādīni varṣāṇi nadībhiḥ parvataistathā // ### [1.1.72](https://indike.org/pramana/in.purana.brahmanda.1.1.72) bhūtaiścopaniviṣṭāni gatimadbhirdhuvai stathā / jaṃbūdvīpādayo dvīpāḥ samudraiḥ saptabhirvṛtāḥ // ### [1.1.73](https://indike.org/pramana/in.purana.brahmanda.1.1.73) tataḥ svarṇamayī bhūmirlokālokaśca kīrtyate / sapramāṇā ime lokāḥ saptadvīpā ca medinī // ### [1.1.74](https://indike.org/pramana/in.purana.brahmanda.1.1.74) rūpādayaḥ prakīrtyante karaṇātprākṛtaiḥ saha / sarvaṃ caitatpradhānasya pariṇāmaikadeśikam // ### [1.1.75](https://indike.org/pramana/in.purana.brahmanda.1.1.75) paryāyaparimāṇaṃ ca saṃkṣepeṇātra kīrtyate / sūryācandramasoścaiva pṛthivyāścāpyaśeṣataḥ // ### [1.1.76](https://indike.org/pramana/in.purana.brahmanda.1.1.76) pramāṇaṃ yojanāgreṇa sāṃpratairabhimānibhiḥ / mahendrādyāḥ śubhāḥ puṇyā mānasottaramūrdhani // ### [1.1.77](https://indike.org/pramana/in.purana.brahmanda.1.1.77) ata ūrdhdagatiścoktā sūryasyālātayakravat / nāgavīthyakṣavīthyośca lakṣaṇaṃ ca prakīrtyate // ### [1.1.78](https://indike.org/pramana/in.purana.brahmanda.1.1.78) koṣṭhayorlekhayoścaiva maṇḍalānāṃ ca yojanaiḥ / lokālokasya sandhyāyā ahno viṣuvatastathā // ### [1.1.79](https://indike.org/pramana/in.purana.brahmanda.1.1.79) lokapālāḥ sthitāścorddhaṃ kīrtyante te caturddiśam / pitṝṇāṃ devatānāṃ ca panthānau dakṣiṇottarau // ### [1.1.80](https://indike.org/pramana/in.purana.brahmanda.1.1.80) gṛhiṇāṃ nyāsināṃ cokto rajaḥsattvasamāśrayaḥ / kīrtyate ca padaṃ viṣṇordharmādyā yatra ca sthitāḥ // ### [1.1.81](https://indike.org/pramana/in.purana.brahmanda.1.1.81) sūryācandramasoścāro grahāṇāṃ jyotiṣāṃ tathā / kīrtyate dhṛtasāmarthyātprajānāṃ ca śubhāśubham // ### [1.1.82](https://indike.org/pramana/in.purana.brahmanda.1.1.82) brahmaṇā nirmitaḥ sauraḥ sādanārthaṃ ca sa svayam / kīrtyate bhagavānyena prasarppati divaḥ kṣayam // ### [1.1.83](https://indike.org/pramana/in.purana.brahmanda.1.1.83) sa ratho 'dhiṣṭhito devair ādityai ṛṣibhistathā / gandharvairapsarobhiśca grāmaṇīsarparākṣasaiḥ // ### [1.1.84](https://indike.org/pramana/in.purana.brahmanda.1.1.84) apāṃ sāramayātsyandātkathyate ca rasastathā / vṛddhikṣayau ca somasya kīrtyete somakāritau // ### [1.1.85](https://indike.org/pramana/in.purana.brahmanda.1.1.85) sūryādīnāṃ syandanānāṃ dhruvādeva pravarttanam / kīrtyate śiśumārasya yasya pucche dhruvaḥ sthitaḥ // ### [1.1.86](https://indike.org/pramana/in.purana.brahmanda.1.1.86) tārārūpāṇi sarvāṇi nakṣatrāṇi grahaiḥ saha / nivāsā yatra kīrtyante devānāṃ puṇyakarmaṇām // ### [1.1.87](https://indike.org/pramana/in.purana.brahmanda.1.1.87) sūryaraśmisahasraṃ ca varṣaśītoṣṇaviśravaḥ / pravibhāgaścaraśmīnāṃ nāmataḥ karmatīrthataḥ // ### [1.1.88](https://indike.org/pramana/in.purana.brahmanda.1.1.88) parimāṇaṃ gatiścoktā grahāṇāṃ sūryasaṃśrayāt / veśyārūpātpradhānasya parimāṇo mahādbhavaḥ // ### [1.1.89](https://indike.org/pramana/in.purana.brahmanda.1.1.89) purūravasa ailasya māhātmyasyānukīrttanam / pitṝṇāṃ dviprakārāṇāṃ māhātmyaṃ vā mṛtasya ca // ### [1.1.90](https://indike.org/pramana/in.purana.brahmanda.1.1.90) tataḥ parvāṇi kīrtyante parvaṇāṃ caiva saṃdhayaḥ / svargalokagatānāñca prāptānāñcāpyadhogatim // ### [1.1.91](https://indike.org/pramana/in.purana.brahmanda.1.1.91) pitṝṇāṃ dviprakārāṇāṃ śrāddhenānugraho mahān / yugasaṃkhyāpramāṇaṃ ca kīrtyate ca kṛtaṃ yugam // ### [1.1.92](https://indike.org/pramana/in.purana.brahmanda.1.1.92) tretāyuge cāpakarṣādvār ttāyāḥ saṃpravarttanam / varṇānāmāśramāṇāṃ ca saṃsthitirdharmatastathā // ### [1.1.93](https://indike.org/pramana/in.purana.brahmanda.1.1.93) vajrapravarttanaṃ caiva saṃvādo yatra kīrtyate / ṛṣīṇāṃ vasunā sārddhaṃ vasoścādhaḥ punargatiḥ / śabdatvaṃ ca pradhānāttu svāyambhuvamṛte manum // ### [1.1.94](https://indike.org/pramana/in.purana.brahmanda.1.1.94) praśaṃsā tapasaścoktā yugāvasthāśca kṛtsnaśaḥ / dvāparasya kaleścāpi saṃkṣepeṇa prakīrttanam // ### [1.1.95](https://indike.org/pramana/in.purana.brahmanda.1.1.95) manvantaraṃ ca saṃkhyā ca mānuṣeṇa prakīrttitā / manvantarāṇāṃ sarveṣāmetadeva ca lakṣaṇam // ### [1.1.96](https://indike.org/pramana/in.purana.brahmanda.1.1.96) atītānāgatānāṃ ca varttamānaṃ ca kīrtyate / tathā manvantarāṇāṃ ca pratisaṃdhānalakṣaṇam // ### [1.1.97](https://indike.org/pramana/in.purana.brahmanda.1.1.97) atītānā gatānāṃ ca proktaṃ svāyambhuve tataḥ / ṛṣīṇāṃ ca gatiḥ proktā kālajñānagatistathā // ### [1.1.98](https://indike.org/pramana/in.purana.brahmanda.1.1.98) durgasaṃkhyāpramāṇaṃ ca yugavārtā pravarttanam / tretāyāṃ cakravartīnāṃ lakṣaṇaṃ janma caiva hi // ### [1.1.99](https://indike.org/pramana/in.purana.brahmanda.1.1.99) pramateśca tathā janma atho kaliyugasya vai / aṅgulairhāsanaṃ caiva bhūtānāṃ yacca cocyate // ### [1.1.100](https://indike.org/pramana/in.purana.brahmanda.1.1.100) śāśānāṃ parisaṃkhyānaṃ śiṣyaprādhānyameva ca / vākyaṃ saptavidhaṃ caiva ṛṣigotrānukīrtanam // ### [1.1.101](https://indike.org/pramana/in.purana.brahmanda.1.1.101) lakṣaṇaṃ sūtaputrāṇāṃ brahmaṇāsya ca kṛtsnaśaḥ / dedānāṃ vyasanaṃ caiva vedavyāsairmahātmabhiḥ // ### [1.1.102](https://indike.org/pramana/in.purana.brahmanda.1.1.102) manvantareṣu devānāṃ prajeśānāṃ ca kīrttanam / manvantarakramaścaiva kālajñānaṃ ca kīrtyate // ### [1.1.103](https://indike.org/pramana/in.purana.brahmanda.1.1.103) dakṣasya cāpi dauhitrāḥ priyāyā duhituḥ śubhāḥ / brahmādibhistejanitā dakṣeṇaiva ca dhīmatā // ### [1.1.104](https://indike.org/pramana/in.purana.brahmanda.1.1.104) sāvarṇāścātra kīrtyante manavo merumāśritāḥ / dhruvasyauttānapādasya prajāsargopavarṇanam // ### [1.1.105](https://indike.org/pramana/in.purana.brahmanda.1.1.105) cākṣuṣasya manoḥ sargaḥ prajānāṃ vīryavarmanam / prabhuṇā caiva vainyena bhūmidohapravartatā // ### [1.1.106](https://indike.org/pramana/in.purana.brahmanda.1.1.106) pātrāṇāṃ payasāṃ caiva vatsānāṃ ca viśeṣaṇam / brahmādibhiḥ pūrvameva dugdhā caiyaṃ vasuṃdharā // ### [1.1.107](https://indike.org/pramana/in.purana.brahmanda.1.1.107) daśabhyaścaṃ pracetobhyo māriṣāyāṃ prajāpateḥ / dakṣasya kīrtyata janma samasyāṃśena dhīmataḥ // ### [1.1.108](https://indike.org/pramana/in.purana.brahmanda.1.1.108) bhūtabhavyabhaveśatvaṃ mahendrāṇāṃ ca kīrtyate / manvādikā bhaviṣyanti ākhyānaibarhubhirvṛtāḥ // ### [1.1.109](https://indike.org/pramana/in.purana.brahmanda.1.1.109) vaivasvatasya ca manoḥ kīrtyate sargavistaraḥ / brahmādikośa utpattirbhṛgvadīnāṃ ca kīrtyate // ### [1.1.110](https://indike.org/pramana/in.purana.brahmanda.1.1.110) viniṣkṛṣya prajāsarge cākṣuṣasya manoḥśubhe / dakṣasya kīrtyate sargo dhyānādvaivasvatāntare // ### [1.1.111](https://indike.org/pramana/in.purana.brahmanda.1.1.111) nāradaḥ kṛtasaṃvādo dakṣaputrānmahābalān / nāśayāmāsa śāpāya mānaso brahmaṇaḥ sutaḥ // ### [1.1.112](https://indike.org/pramana/in.purana.brahmanda.1.1.112) tato dakṣo 'sṛjatkanyā vairiṇā nāma viśrutāḥ / marutpravāhe maruto dityāṃ devyāṃ ca saṃbhavaḥ // ### [1.1.113](https://indike.org/pramana/in.purana.brahmanda.1.1.113) kīrtyate marutāṃ cātragaṇāste saptasaptakāḥ / devatvamindravāsena vāyuskandheṣu cāśramaḥ // ### [1.1.114](https://indike.org/pramana/in.purana.brahmanda.1.1.114) daityānāṃ dānavānāṃ ca yakṣagandharvarakṣasām / sarvabhūtapiśācānāṃ yakṣaṇāṃ pakṣivīrudhām // ### [1.1.115](https://indike.org/pramana/in.purana.brahmanda.1.1.115) utpattayaścāpsarasāṃ kīrtyante bahuvistarāt / mārtaṇḍamaṇḍalaṃ kṛtsnaṃ janmairāvatahastinaḥ // ### [1.1.116](https://indike.org/pramana/in.purana.brahmanda.1.1.116) vainateyasamutpattistathā rājyā bhiṣecanam / bhṛgūṇāṃ vistaraścoktastathā cāṅgirasāmapi // ### [1.1.117](https://indike.org/pramana/in.purana.brahmanda.1.1.117) kaśyapasya pulastyasya tathaivātrermahātmanaḥ / parāśarasya ca muneḥ prajānāṃ yatra vistaraḥ // ### [1.1.118](https://indike.org/pramana/in.purana.brahmanda.1.1.118) tisraḥ kanyāḥ sukīrtyante yāsulokāḥ pratiṣṭhitāḥ / icchāyā vistaraścokta ādityasya tataḥ param // ### [1.1.119](https://indike.org/pramana/in.purana.brahmanda.1.1.119) kiṅkuviccaritaṃ proktaṃ dhruvasyaiva nibarhaṇam / bṛhadbalānāṃ saṃkṣepādikṣvākvādyāḥ prakīrttitāḥ // ### [1.1.120](https://indike.org/pramana/in.purana.brahmanda.1.1.120) niśyādīnāṃ kṣitīśānāṃ palāṇḍu haraṇādibhiḥ / kīrtyate vistarātsarge yayāterapi bhūpateḥ // ### [1.1.121](https://indike.org/pramana/in.purana.brahmanda.1.1.121) yaduvaṃśasamuddeśo haihayasya ca vistaraḥ / krodhādanantaraṃ coktastathā vaṃśasya vistaraḥ // ### [1.1.122](https://indike.org/pramana/in.purana.brahmanda.1.1.122) jyāmaghasya ca māhātmyaṃ prajāsargaśca kīrtyate / devāvṛdhasyāndhakasya dhṛṣṭeścapi mahātmanaḥ // ### [1.1.123](https://indike.org/pramana/in.purana.brahmanda.1.1.123) animitrānvayaścaiva viśormithyābhiśaṃsanam / viśodhamanusaṃprāptirmaṇiratnasya dhīmataḥ // ### [1.1.124](https://indike.org/pramana/in.purana.brahmanda.1.1.124) satrājitaḥ prajāsarge rājarṣerdevamīḍhuṣaḥ / śūrasya janma cāpyuktaṃ caritaṃ ca māhātmanaḥ // ### [1.1.125](https://indike.org/pramana/in.purana.brahmanda.1.1.125) kaṃsasyāpi ca daurātmyamekīvaṃśyātsamudbhavaḥ / vāsudevasya deva kyāṃ viṣṇoramitatejasaḥ // ### [1.1.126](https://indike.org/pramana/in.purana.brahmanda.1.1.126) anantaramṛṣeḥ sargaḥ prajāsargopavarṇanam / devāsure samutpanne viṣṇunā strīvadhe kṛte // ### [1.1.127](https://indike.org/pramana/in.purana.brahmanda.1.1.127) saṃrakṣatā śakravadhaṃ śāpaḥ prāptaḥ purā bhṛgoḥ / bhṛguścotthāpayāmāsa divyāṃ śukrasya mātaram // ### [1.1.128](https://indike.org/pramana/in.purana.brahmanda.1.1.128) devānāṃ ca ṛṣīṇāṃ ca saṃkramā dvādaśātdṛtāḥ / nārasihaprabhṛtayaḥ kīrtyante pāpanāśanāḥ // ### [1.1.129](https://indike.org/pramana/in.purana.brahmanda.1.1.129) śukeṇārādhanaṃ sthāṇorghoreṇa tapasā tathā / varapradāna kṛttena yatra śarvastavaḥ kṛtaḥ // ### [1.1.130](https://indike.org/pramana/in.purana.brahmanda.1.1.130) anantaraṃ ca nirdiṣṭaṃ devāsuraviceṣṭitam / jayantyā saha śakreṇa yatra śuko mahātmani // ### [1.1.131](https://indike.org/pramana/in.purana.brahmanda.1.1.131) asurānmohayāmāsa śakrarūpeṇa buddhimān / bṛhaspatiśca taṃ śukaṃ śaśāpa sa mahādyutiḥ // ### [1.1.132](https://indike.org/pramana/in.purana.brahmanda.1.1.132) ukta ca viṣṇormāhātmyaṃ viṣṇorjanmani śabdyate / turvasuścātra dauhitro yavīyānyo yadorabhūt // ### [1.1.133](https://indike.org/pramana/in.purana.brahmanda.1.1.133) anurdruhyādayaḥ sarve tathā tattanayā nṛpāḥ / anuvaṃśyāmahātmānasteṣāṃ pārthivasattamāḥ // ### [1.1.134](https://indike.org/pramana/in.purana.brahmanda.1.1.134) kīrtyante yatra kārtsnyena bhūridraviṇatejasaḥ / ātithyasya tu vibrarṣeḥ saptadhā dharmasaṃśrayāt // ### [1.1.135](https://indike.org/pramana/in.purana.brahmanda.1.1.135) bārhasvatyaṃ sūribhiśca yatra śāpamupāvṛtam / haravaṃśayaśaḥsparśaḥ śantanorvīryaśabdanam // ### [1.1.136](https://indike.org/pramana/in.purana.brahmanda.1.1.136) bhaviṣyatāṃ tathā rājñāmupasaṃhāraśabdanam / anāgatānāṃsaṃghānāṃ prabhūṇāṃ copavarṇanam // ### [1.1.137](https://indike.org/pramana/in.purana.brahmanda.1.1.137) bhautyasyānte kaliyuge kṣīṇe saṃhāravarṇanam / naimittikāḥ prākṛtikā yathaivātyantikāḥ smṛtāḥ // ### [1.1.138](https://indike.org/pramana/in.purana.brahmanda.1.1.138) vividhaḥ sarvabhūtānāṃ kīrtyate pratisaṃcaraḥ / anādṛṣṭirbhāskarasya ghoraḥ saṃvarttakānalaḥ // ### [1.1.139](https://indike.org/pramana/in.purana.brahmanda.1.1.139) sāṃkhye lakṣaṇamuddiṣṭaṃ tato brahma viśeṣataḥ / bhuvādīnāṃ ca lokānāṃ saptānāṃ copavarṇanam // ### [1.1.140](https://indike.org/pramana/in.purana.brahmanda.1.1.140) aparārddhāparaiścaiva lakṣaṇaṃ parikīrtyate / brahmaṇoyojanāgreṇa parimāṇavinirṇayaḥ // ### [1.1.141](https://indike.org/pramana/in.purana.brahmanda.1.1.141) kīrtyante cātra nirayāḥ pāpānāṃ rauravādayaḥ / sarveṣāṃ caiva sattvānāṃ pariṇāmavinirṇayaḥ // ### [1.1.142](https://indike.org/pramana/in.purana.brahmanda.1.1.142) brahmaṇaḥ pratisaṃsargātsarva saṃsāravarṇanam / gatirūrddhamadhaścoktā dharmādharmasamāśrayā // ### [1.1.143](https://indike.org/pramana/in.purana.brahmanda.1.1.143) kalpe kalpe ca bhūtānāṃ mahatāmapi saṃkṣayam / asaṃkhyayā ca duḥkhāni brahmaṇaścāpyanityatā // ### [1.1.144](https://indike.org/pramana/in.purana.brahmanda.1.1.144) daurātmyaṃ caiva bhogānāṃ saṃhārasya ca kaṣṭatā / durlabhatvaṃ ca mokṣasya vairāgyāddoṣadarśanāt // ### [1.1.145](https://indike.org/pramana/in.purana.brahmanda.1.1.145) vyaktāvyaktaṃ parityajya sattvaṃ brahmaṇi saṃsthitam / nānātvadarśanācchuddhastavastatra nivarttate // ### [1.1.146](https://indike.org/pramana/in.purana.brahmanda.1.1.146) tatastāpatrayād bhīto rūpārthohi nirañjanaḥ / ānandaṃ brahmaṇaḥ prāpya na bibheti kutaścana // ### [1.1.147](https://indike.org/pramana/in.purana.brahmanda.1.1.147) kīrtyate ca punaḥ sargo brahmaṇo 'nyasya pūrvavat / kīrtyate jagataścatra sargapralayavikriyāḥ // ### [1.1.148](https://indike.org/pramana/in.purana.brahmanda.1.1.148) pravṛttayaśca bhūtānāṃ prasutānāṃ phalāni ca / kīrtyate ṛṣivargasya sargaḥ pāpapraṇāśanaḥ // ### [1.1.149](https://indike.org/pramana/in.purana.brahmanda.1.1.149) prādurbhāvo vasiṣṭhasya śakterjanma tathaiva ca / saudāsāsthigrahaścāsya viśvāmitrakṛtena tu // ### [1.1.150](https://indike.org/pramana/in.purana.brahmanda.1.1.150) parāśarasya cotpattiradṛśyantyāṃ tathā vibhoḥ / saṃjajñe pitṛkanyāyāṃ vyāsaścāpi mahāmuniḥ // ### [1.1.151](https://indike.org/pramana/in.purana.brahmanda.1.1.151) śukasya ca tathā janma saha putrasya dhīmaptaḥ / parāśarasya pradvepo viśvāmitra ṛṣiṃ prati // ### [1.1.152](https://indike.org/pramana/in.purana.brahmanda.1.1.152) vasiṣṭhasaṃbhṛtiścāgnerviśvāmitrajighāṃsayā / devena vidhinā vipra viśvāmitrahitaiṣiṇā // ### [1.1.153](https://indike.org/pramana/in.purana.brahmanda.1.1.153) saṃtānahetorvibhunā gīrṇaskandhena dhīmatā / ekaṃ vedaṃ catuṣpādaṃ caturddhā punarīśvaraḥ // ### [1.1.154](https://indike.org/pramana/in.purana.brahmanda.1.1.154) tathā bibheda bhāgavān vyāsaḥ śārvādanugrahāt / tasya śiṣyapraśiṣyaiśca śākhā vedāyutāḥ kṛtāḥ // ### [1.1.155](https://indike.org/pramana/in.purana.brahmanda.1.1.155) prayoge prahvalā naiva yathā dṛṣṭaḥ svayaṃbhuvā / pṛṣṭa vanto viśiṣṭāste munayo dharmakāṅkṣiṇaḥ // ### [1.1.156](https://indike.org/pramana/in.purana.brahmanda.1.1.156) deśaṃ puṇyamabhīpsato vibhunā taddhitaiṣiṇā / sunābhaṃ divyarūpābhaṃ saptāṅgaṃ śubhaśaṃsanam // ### [1.1.157](https://indike.org/pramana/in.purana.brahmanda.1.1.157) ānaupamyamidaṃ cakraṃ varttamānamatandritāḥ / pṛṣṭhato yāta niyatāstataḥ prāpsyatha pāṭitam // ### [1.1.158](https://indike.org/pramana/in.purana.brahmanda.1.1.158) gacchatastasya cakrasya yatra nemirviśīryate / puṇyaḥ sa deśo mantavyaḥ pratyuvāca tadā prabhuḥ // ### [1.1.159](https://indike.org/pramana/in.purana.brahmanda.1.1.159) uktvā caivamṛṣīnsarvānadṛśyatvamupāgamat / gaṅgā garbha yavāhārā naimiṣeyāstathaiva ca // ### [1.1.160](https://indike.org/pramana/in.purana.brahmanda.1.1.160) īśire caiva satreṇa munayo naimiṣe tadā // ### [1.1.161](https://indike.org/pramana/in.purana.brahmanda.1.1.161) mṛteśaradvatitathā tasya cotthāpanaṅkṛtam / ṛṣayo naimiṣeyāśca dayayā parayā yutāḥ // ### [1.1.162](https://indike.org/pramana/in.purana.brahmanda.1.1.162) niḥsīmāṃ gāmimāṃ kṛtvā kṛṣaṇaṃ rājānamāharat / prītiṃ caiva kṛtātithyaṃ rājānaṃ vidhivattadā // ### [1.1.163](https://indike.org/pramana/in.purana.brahmanda.1.1.163) antaḥ sargagataḥ krūraḥ svarbhānurasuro haran / drute rājani rājānu madrate munayastataḥ // ### [1.1.164](https://indike.org/pramana/in.purana.brahmanda.1.1.164) gandharvarakṣitaṃ dṛṣṭvā kalāpagrāmaketanam / sannipātaḥ punastasya tathā yajñe maharṣibhiḥ // ### [1.1.165](https://indike.org/pramana/in.purana.brahmanda.1.1.165) dṛṣṭvā hiraṇmayaṃ sarvaṃ vivādastasya tairabhūt / tadā vai naimiṣeyānāṃ satre dvādaśavārṣike // ### [1.1.166](https://indike.org/pramana/in.purana.brahmanda.1.1.166) tathā vivadamānaiśca yaduḥ saṃsthāpitaśca taiḥ / janayitvā tvaraṇyaṃ vai yaduputramathāyutam // ### [1.1.167](https://indike.org/pramana/in.purana.brahmanda.1.1.167) samāpayitvā tatsatraṃ vāyuṃ te paryupāsata / iti kṛtyasamuddeśaḥ purāṇāṃśopavarṇitaḥ // ### [1.1.168](https://indike.org/pramana/in.purana.brahmanda.1.1.168) anenānukrameṇaiva purāṇaṃ saṃprakāśate / sukhamarthaḥ samāsena mahānapyupalakṣyate // ### [1.1.169](https://indike.org/pramana/in.purana.brahmanda.1.1.169) tasmātsamāsamuddiśya vakṣyāmi tava vistaram / pādamādyamidaṃ samyag yo 'dhīte vijitedriyaḥ // ### [1.1.170](https://indike.org/pramana/in.purana.brahmanda.1.1.170) tenādhītaṃ purāṇaṃ syātsarvaṃ nāstyatrasaṃśayaḥ / yo vidyāccaturo vedān sāṃgopaniṣadān dvijāḥ // ### [1.1.171](https://indike.org/pramana/in.purana.brahmanda.1.1.171) itihāsapurāṇābhyāṃ vedaṃ samupabṛṃhayet / bibhetyalpaśrutādvedo māmayaṃ prahariṣyati // ### [1.1.172](https://indike.org/pramana/in.purana.brahmanda.1.1.172) abhyasannimamadhyāyaṃ sākṣātproktaṃ svayaṃbhuvā / nāpadaṃ prāpya muhyeta yatheṣṭāṃ prāpnuyādgatim // ### [1.1.173](https://indike.org/pramana/in.purana.brahmanda.1.1.173) yasmātpurā hyabhūccaitatpurāṇaṃ tena tatsmṛtam / niruktamasya yo veda sarvapāpaiḥ pramucyate // ### [1.1.174](https://indike.org/pramana/in.purana.brahmanda.1.1.174) ataśca saṃkṣepamimaṃ śṛṇudhvaṃ nārāyaṇaḥ sarvamidaṃ purāṇam / saṃsargakāle 'pi karoti marga saṃhāra kāle ca na vāsti bhūyaḥ // ### [1.1.174.p1](https://indike.org/pramana/in.purana.brahmanda.1.1.174.p1) iti śrībrahmāṇḍe mahāpurāṇe vāyuprokte pūrvabhāge prathame prakriyāpāde kṛtyasamuddeśo nāma prathamo 'dhyāyaḥ ## Linked texts (3) - [Padmapurāṇa](https://indike.org/pramana/in.purana.padma.1.1.2-2) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.1.31) — Vyāsa, Sanskrit - [Agnipurāṇa](https://indike.org/pramana/in.purana.agni.2.1) — Vyāsa, Sanskrit --- Source: [https://indike.org/pramana/in.purana.brahmanda.1.1](https://indike.org/pramana/in.purana.brahmanda.1.1) · Pramāṇa