[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.20 # Brahmandapurana 1.20 Brahmāṇḍapurāṇa 1.20 - **Language:** Sanskrit ## Contents - [1.20.58](https://indike.org/pramana/in.purana.brahmanda.1.20.58) — 2 parts ### [1.20.1](https://indike.org/pramana/in.purana.brahmanda.1.20.1) sūta uvāca adhaḥpramāṇamūrddhva ca vakṣyamāṇaṃ nibodhata / pṛthivī vāyurākāśamāpo jyotiśca pañcamam // ### [1.20.2](https://indike.org/pramana/in.purana.brahmanda.1.20.2) anantā dhātavo hyetaṃ vyāpakāstu prakīrttitāḥ / jananī sarvabhūtānāṃ sarvasattvadharā dharā // ### [1.20.3](https://indike.org/pramana/in.purana.brahmanda.1.20.3) nānājanapadākīrṇā nānādhiṣṭhānapattanā / nānānadanadīśailā naikajātisamākulā // ### [1.20.4](https://indike.org/pramana/in.purana.brahmanda.1.20.4) anantā gīyate devī pṛthivī bahuvistarā / nadīnadasasudrasthāstanthā kṣudrāśrayasthitāḥ // ### [1.20.5](https://indike.org/pramana/in.purana.brahmanda.1.20.5) parvatākāśasaṃsthāśca antarbhūmigātāśca yāḥ / āpo 'nantā hi vijñeyāstathāgniḥ sarvalokagaḥ // ### [1.20.6](https://indike.org/pramana/in.purana.brahmanda.1.20.6) anantaḥ paṭhyate caiva vyāpakaḥ sarvasaṃbhavaḥ / tathākāśamanālekhyaṃ ramyaṃ nānāśrayaṃ smṛtam // ### [1.20.7](https://indike.org/pramana/in.purana.brahmanda.1.20.7) anantaṃ paṭhyate caiva vāyuścākāśasambhavaḥ / āpaḥ pṛthivyāmudake pṛthivyupari saṃsthitāḥ // ### [1.20.8](https://indike.org/pramana/in.purana.brahmanda.1.20.8) ākāśaścāparamatha punarbhūmiḥ punarjalam / evaṃ matamanantasya bhautikasya na vidyate // ### [1.20.9](https://indike.org/pramana/in.purana.brahmanda.1.20.9) parasparaiḥ sopacitā bhūmiścaiva nibodhata / bhūmirjalamathā kāśamiti yā yā paraṃparā // ### [1.20.10](https://indike.org/pramana/in.purana.brahmanda.1.20.10) sthitireṣā tu vikhyātā saptame 'sminnasātale / daśayojanasāhasramekaṃ bhaumaṃ rasātalam // ### [1.20.11](https://indike.org/pramana/in.purana.brahmanda.1.20.11) sādhubhiḥ parisaṃkhyātamekaikenaiva vistaram / prathamaṃ tatvalaṃ nāma sutalaṃ tu tataḥ param // ### [1.20.12](https://indike.org/pramana/in.purana.brahmanda.1.20.12) tatastalātalaṃ vidyādatalaṃ bahuvistaram / tator'vākca talaṃ nāma parataśca rasātalam // ### [1.20.13](https://indike.org/pramana/in.purana.brahmanda.1.20.13) eteṣāmapyadhobhāge pātālaṃ saptamaṃ smṛtam / kṛṣṇabhaumaśca prathamo bhūmibhāgaḥ prakīrttitaḥ // ### [1.20.14](https://indike.org/pramana/in.purana.brahmanda.1.20.14) pāṇḍubhūmirdvitīyastu tṛtīyo nīlamṛttikaḥ / pītabhaumaścaturthastu pañcamaḥ śarkarāmayaḥ // ### [1.20.15](https://indike.org/pramana/in.purana.brahmanda.1.20.15) ṣaṣṭhaḥ śilāmayo jñeyaḥ sauvarṇaḥ saptamaḥ smṛtaḥ / prathame 'smiṃstale khyātamasuredrasya mandiram // ### [1.20.16](https://indike.org/pramana/in.purana.brahmanda.1.20.16) namucerindraśatrośca mahānādasya cālayam / puraṃ ca śaṅkukarṇasya kabandhasya ca mandiram // ### [1.20.17](https://indike.org/pramana/in.purana.brahmanda.1.20.17) niṣkulādasya ca puraṃ prahṛṣṭajanasaṃkulam / rākṣasasya ca bhīmasya śūladantasya cālayam // ### [1.20.18](https://indike.org/pramana/in.purana.brahmanda.1.20.18) lohitākṣakaliṅgānāṃ nagaraṃ śvāpadasya ca / dhanañjayasya ca puraṃ nāgendrasya mahātmanaḥ // ### [1.20.19](https://indike.org/pramana/in.purana.brahmanda.1.20.19) kāliyasya ca nāgasya nagaraṃ kauśikasya ca / evaṃ purasahasrāṇi nāgadānavarakṣasām // ### [1.20.20](https://indike.org/pramana/in.purana.brahmanda.1.20.20) tale jñeyāni prathame kṛṣṇabhaume na saṃśayaḥ / dvitīye sutale viprā daityendrasya ca rakṣasaḥ // ### [1.20.21](https://indike.org/pramana/in.purana.brahmanda.1.20.21) mahājaṃbhasya tu tathā nagaraṃ prathamasya tu / iyagrīvasya kṛṣṇasya nikumbhasya ca mandiram // ### [1.20.22](https://indike.org/pramana/in.purana.brahmanda.1.20.22) śaṅkhakhyasya ca daityasya nagaraṃ gomukhasya ca / rākṣasasya ca nīlasya meghasya kathanasya ca // ### [1.20.23](https://indike.org/pramana/in.purana.brahmanda.1.20.23) ālayaṃ kukupādasya mahoṣṇīṣasya cālayam / kaṃbalasya ca nāgasya puramaśvatarasya ca // ### [1.20.24](https://indike.org/pramana/in.purana.brahmanda.1.20.24) kadrūputrasya ca puraṃ takṣakasya mahātmanaḥ / evaṃ purasahasrāṇi nāgadānavarakṣasām // ### [1.20.25](https://indike.org/pramana/in.purana.brahmanda.1.20.25) dvitīye 'smin tale viprāḥ pāṇḍubhaume na saṃśayaḥ / tṛtīye tu tale khyātaṃ prahlādasya mahātmanaḥ // ### [1.20.26](https://indike.org/pramana/in.purana.brahmanda.1.20.26) anudrādasya ca puraṃ puramagnimukhasya ca / tārakāśyasya ca puraṃ puraṃ triśirasastathā // ### [1.20.27](https://indike.org/pramana/in.purana.brahmanda.1.20.27) śiśumārasya ca puraṃ tripurasya tathā puram / purañjanasya daityasya hṛṣṭapuṣṭajanākulam // ### [1.20.28](https://indike.org/pramana/in.purana.brahmanda.1.20.28) cyavanasya tu vijñeyaṃ rākṣasasya ca mandiram / rākṣaseṃdrasya ca puraṃ kumbhilasya kharasya ca // ### [1.20.29](https://indike.org/pramana/in.purana.brahmanda.1.20.29) virādhasya ca krūrasya puramulkāsukhasya ca / hemakasya ca nāgasya tathā pāṇḍurakasya ca // ### [1.20.30](https://indike.org/pramana/in.purana.brahmanda.1.20.30) maṇināgasya ca puraṃ kapilasya ca mandiram / nedakasyoragapatorviśālākṣasya mandiram // ### [1.20.31](https://indike.org/pramana/in.purana.brahmanda.1.20.31) evaṃ purasahasrāṇi nāgadānavarakṣasām / tṛtīye 'smiṃstale viprā nīlabhaume na saṃśayaḥ // ### [1.20.32](https://indike.org/pramana/in.purana.brahmanda.1.20.32) caturthe daityasiṃhasya kālanemermahātmanaḥ / gajakarṇasya ca puraṃ nagaraṃ kuñjarasya ca // ### [1.20.33](https://indike.org/pramana/in.purana.brahmanda.1.20.33) rākṣaseṃdrasya ca puraṃ sumālerbahuvistaram / muñjasya lokanāthasya vṛkavaktrasya cālayam // ### [1.20.34](https://indike.org/pramana/in.purana.brahmanda.1.20.34) bahuyojanavistīrṇaṃ bahupakṣisamākulam / nagalaṃ vainateyasya caturthe 'sminnasātale // ### [1.20.35](https://indike.org/pramana/in.purana.brahmanda.1.20.35) pañcame śarkarābhaume bahuyojanavistaram / virojanasya nagaraṃ daityasiṃhasya dhīmataḥ // ### [1.20.36](https://indike.org/pramana/in.purana.brahmanda.1.20.36) vaidyutasyāgniji hvasya hiraṇyākṣasya cālayam / puraṃ ca vidyujjihvasya rākṣasendrasya dhīmataḥ // ### [1.20.37](https://indike.org/pramana/in.purana.brahmanda.1.20.37) sahāmeghasya ca puraṃ rākṣaseṃdrasya mālinaḥ / kirmīrasya ca nāgasya svastikasya jayasya ca // ### [1.20.38](https://indike.org/pramana/in.purana.brahmanda.1.20.38) evaṃ purasahasrāṇi nāgadānavarakṣasām / pañcame 'smiṃstale jñeyaṃ śarkarānicaye sadā // ### [1.20.39](https://indike.org/pramana/in.purana.brahmanda.1.20.39) ṣaṣṭhe tale daityapateḥ kesare nagarottamam / suparvaṇaḥ pulomnaśca nagaraṃ mahiṣasya ca // ### [1.20.40](https://indike.org/pramana/in.purana.brahmanda.1.20.40) rākṣaseṃdrasya ca puraṃ suroṣasya mahātmanaḥ / tatrāste suramāputraḥ śataśīrṣo mudā yutaḥ // ### [1.20.41](https://indike.org/pramana/in.purana.brahmanda.1.20.41) mahendrasya sakhā śrīmānvāsukināma nāgarāṭ / evaṃ purasahasrāṇi nāgadānavarakṣasām // ### [1.20.42](https://indike.org/pramana/in.purana.brahmanda.1.20.42) ṣaṣṭhe tale 'sminvikhyāte śilābhaume rasātale / saptame tu tale jñeyaṃ pātāle sarvapaścime // ### [1.20.43](https://indike.org/pramana/in.purana.brahmanda.1.20.43) puraṃ baleḥ pramuditaṃ naranā rīgaṇākulam / asurāśīviṣaiḥ pūrṇaṃ sukhitairdevaśatrubhiḥ // ### [1.20.44](https://indike.org/pramana/in.purana.brahmanda.1.20.44) mucukundasya detyasya tatraiva nagaraṃ mahāt / anekairditiputrāṇāṃ samudīrṇairmahāpuraiḥ // ### [1.20.45](https://indike.org/pramana/in.purana.brahmanda.1.20.45) tathaiva nāganagarairdyutimadbhiḥ sahasraśaḥ / daityānāṃ dānavānāṃ ca samudīrṇairmahāpuraiḥ // ### [1.20.46](https://indike.org/pramana/in.purana.brahmanda.1.20.46) udīrṇai rākṣasāvāsairanekaiśca samākulam / pātālānte ca viprendrā vistīṇa bahuyojane // ### [1.20.47](https://indike.org/pramana/in.purana.brahmanda.1.20.47) āste raktāravindākṣo mahātmā hyajarāmaraḥ / dhautaśaṅkhodaravapurnīla vāsā mahābalaḥ // ### [1.20.48](https://indike.org/pramana/in.purana.brahmanda.1.20.48) viśālabhogo dyutimāṃścitramālyadharo balī / rukmaśṛṅgāvadātena dīptāsyena virājatā // ### [1.20.49](https://indike.org/pramana/in.purana.brahmanda.1.20.49) prabhurmukha sahasreṇa śobhate caikakuṇḍalī / sa jihvāmālayā dīpto lolajjvālānalārciṣā // ### [1.20.50](https://indike.org/pramana/in.purana.brahmanda.1.20.50) jvālāmālāparikṣiptaḥ kailāsa iva lakṣya te / sa tu netrasahasreṇa dviguṇena virājatā // ### [1.20.51](https://indike.org/pramana/in.purana.brahmanda.1.20.51) bālasūryābhitāmreṇa śarīrasnigdhapāṇḍunā / tasya kundenduvarṇasya netramālā virājate // ### [1.20.52](https://indike.org/pramana/in.purana.brahmanda.1.20.52) taruṇādityamāleva śvetaparvatamūrddhani / vikarālocchritatanurlakṣyate śayanāsane // ### [1.20.53](https://indike.org/pramana/in.purana.brahmanda.1.20.53) vistīrṇa iva medinyāṃ sahasraśikharo giriḥ / mahānāgairmahābhogairmahāvijñairmahātmabhiḥ // ### [1.20.54](https://indike.org/pramana/in.purana.brahmanda.1.20.54) upāsyate mahātejā mahānāgapatiḥ svayam / sa rājā sarvanāgānāṃ śeṣo 'nanto mahādyutiḥ // ### [1.20.55](https://indike.org/pramana/in.purana.brahmanda.1.20.55) sā vaiṣṇavī vyavahṛtirmaryādā yā vyavasthitā / saptaivamete kathitā vyavahāryā rasātalāḥ // ### [1.20.56](https://indike.org/pramana/in.purana.brahmanda.1.20.56) devāsurama hānāgarākṣasādhyuṣitāḥ sadā / ataḥ paramanālokamagamyaṃ siddhasādhubhiḥ // ### [1.20.57](https://indike.org/pramana/in.purana.brahmanda.1.20.57) devānāmapyaviditaṃ vyavahāravivakṣayā / pṛthvyaṃbuva ṅnivāyūnāṃ nabhasaśca dvijottamāḥ // ### [1.20.58](https://indike.org/pramana/in.purana.brahmanda.1.20.58) mahattvamṛṣibhiścaivaṃ varṇyate nātra saṃśayaḥ / ata ūrddhvaṃ pravakṣyāmi sūryācandramasorgatim // ### [1.20.58.p1](https://indike.org/pramana/in.purana.brahmanda.1.20.58.p1) iti śrībrahmāṇḍe mahāpurāṇe vāyuprokte pūrvabhāge ### [1.20.58.p2](https://indike.org/pramana/in.purana.brahmanda.1.20.58.p2) dvitīye 'nuṣaṅgapāde 'dholokavarṇanaṃ nāma viṃśatitamo 'dhyāyaḥ ## Linked texts (1) - [Vāyupurāṇa](https://indike.org/pramana/in.purana.vayu.1.50.3) — Vyāsa, Sanskrit --- Source: [https://indike.org/pramana/in.purana.brahmanda.1.20](https://indike.org/pramana/in.purana.brahmanda.1.20) · Pramāṇa