[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.21 # Brahmandapurana 1.21 Brahmāṇḍapurāṇa 1.21 - **Language:** Sanskrit ## Contents - [1.21.176](https://indike.org/pramana/in.purana.brahmanda.1.21.176) — 1 part ### [1.21.1](https://indike.org/pramana/in.purana.brahmanda.1.21.1) sūta uvāca sūryā candramasāvetau bhramato yāvadeva tu / prakāśaistu prabhābhistau maṇḍalābhyāṃ samucchritau // ### [1.21.2](https://indike.org/pramana/in.purana.brahmanda.1.21.2) saptānāṃ tu samudrāṇāṃ dvīpānāṃ satu vistaraḥ / vistarārddhe pṛthivyāstu bhavedanyatra bāhyataḥ // ### [1.21.3](https://indike.org/pramana/in.purana.brahmanda.1.21.3) paryāsaparimāṇaṃ tu candrādityau prakāśataḥ / paryāstātpārimāṇyena bhūmestulyaṃ divaṃ smṛtam // ### [1.21.4](https://indike.org/pramana/in.purana.brahmanda.1.21.4) avati trīnimāṃllokān yasmātsūryaḥ paribhraman / avidhātuḥ prakāśākhyo hyavanātsa raviḥ smṛtaḥ // ### [1.21.5](https://indike.org/pramana/in.purana.brahmanda.1.21.5) ataḥ paraṃ pravakṣyāmi pramāṇaṃ candrasūryayoḥ / mahittattvānmahīśabdo 'hyasminvarṣe nipādyate // ### [1.21.6](https://indike.org/pramana/in.purana.brahmanda.1.21.6) asya bhāratavarṣasya viṣkaṃbhāttulyavistṛtam / maṇḍalaṃ bhāskarasyātha yojanāni nibodhata // ### [1.21.7](https://indike.org/pramana/in.purana.brahmanda.1.21.7) navayojanasāhasro vistāro bhāskarasya tu / vistārātrriguṇaścāsya pariṇāhastu maṇḍale // ### [1.21.8](https://indike.org/pramana/in.purana.brahmanda.1.21.8) viṣkaṃbhamaṇḍalāccaiva bhāskarāddviguṇaḥ śaśī / atha pṛthivyā vakṣyāmi pramāṇaṃ yojanaiḥ saha // ### [1.21.9](https://indike.org/pramana/in.purana.brahmanda.1.21.9) saptadvīpasamudrāyā vistāro maṇḍalaṃ ca yat / ityetadiha saṃkhyātaṃ purāṇe parimāṇataḥ // ### [1.21.10](https://indike.org/pramana/in.purana.brahmanda.1.21.10) tadvakṣyāmi samākhyāya sāṃpratairabhimānibhiḥ / abhimāninovyatītā ye tulyāste sāṃprataistviha // ### [1.21.11](https://indike.org/pramana/in.purana.brahmanda.1.21.11) devā ye vai vyatītāstu rūpairnāmabhireva ca / tasmāttu sāṃpratairdevairvakṣyāmi vasudhātalam // ### [1.21.12](https://indike.org/pramana/in.purana.brahmanda.1.21.12) divāstu sanniveśaṃ vai sāṃprataireva kṛtsnaśaḥ / śatārddhakoṭivistārā pṛthivī kṛtsnaśaḥ smṛtā // ### [1.21.13](https://indike.org/pramana/in.purana.brahmanda.1.21.13) tasyā ūrddhvapramāṇena meroryāvattu saṃsthitiḥ / pṛthivyā hyarddhavistāro yojanāgrātprakīrttitaḥ // ### [1.21.14](https://indike.org/pramana/in.purana.brahmanda.1.21.14) merormadhyātpratidiśaṃ koṭirekā tu sā smṛtā / tathā śātasahasrāṇāmekona navatiḥ punaḥ // ### [1.21.15](https://indike.org/pramana/in.purana.brahmanda.1.21.15) pañcāśattu sahasrāṇi pṛthivyarddhasya maṇḍalam / gaṇitaṃ yojanāgrāttu koṭyastvekādaśa smṛtāḥ // ### [1.21.16](https://indike.org/pramana/in.purana.brahmanda.1.21.16) tathā śatasahasrāṇi saptatriṃśādhikāni tu / ityetadiha saṃśyātaṃ pṛthivyantasya maṇḍalam // ### [1.21.17](https://indike.org/pramana/in.purana.brahmanda.1.21.17) tārakāsaṃniveśāsya divi yāva cca maṇḍalam / paryāsasanniveśaśca bhūmeryāvattu maṇḍalam // ### [1.21.18](https://indike.org/pramana/in.purana.brahmanda.1.21.18) paryāsaparimāṇena bhūmestulyaṃ divaḥ smṛtam / saptānāmapi dvīpānāmeta tsthānaṃ prakīrtitam // ### [1.21.19](https://indike.org/pramana/in.purana.brahmanda.1.21.19) paryāyaparimāṇena maṇḍalānugatena ca / uparyupari lokānāṃ chatravatparimaṇḍalam // ### [1.21.20](https://indike.org/pramana/in.purana.brahmanda.1.21.20) saṃsthitirvihitā sarvā yeṣu tiṣṭhanti jantavaḥ / etadaṇḍakapālasya pramāṇaṃ parikīrttitam // ### [1.21.21](https://indike.org/pramana/in.purana.brahmanda.1.21.21) aṇḍasyāntastvime lokāḥ saptadvīpā ca medinī / bhūrlokaśca bhuvarllokastṛtīyassṛriti ssvataḥ // ### [1.21.22](https://indike.org/pramana/in.purana.brahmanda.1.21.22) maharlloko janaścaiva tapaḥ satyaṃ ca saptamam / ete sapta kṛtā lokāśchatrākārā vyavasthitāḥ // ### [1.21.23](https://indike.org/pramana/in.purana.brahmanda.1.21.23) svakairāvaraṇaiḥ sūkṣmairdhāryamāṇāḥ pṛthakpṛthak / daśabhāgādhikābhiśca tābhiḥ prakṛtibhirbahiḥ // ### [1.21.24](https://indike.org/pramana/in.purana.brahmanda.1.21.24) pūryamāṇā viśeṣaiśca samutpannaiḥ parasparāt / asyāṇḍasya samantācca sanniviṣṭo ghanodadhiḥ // ### [1.21.25](https://indike.org/pramana/in.purana.brahmanda.1.21.25) pṛthivyā maṇḍalaṃ kṛtsnaṃ ghanatoyena dhāryate / ghanodadhiḥ pareṇātha dhāryyate ghanatejasā // ### [1.21.26](https://indike.org/pramana/in.purana.brahmanda.1.21.26) bāhyato ghanatejasca tiryyagūrddhvaṃ tu maṇḍalam / saṃmatāddhanavātena dhāryamāṇaṃ pratiṣṭhitam // ### [1.21.27](https://indike.org/pramana/in.purana.brahmanda.1.21.27) ghanavātaṃ tathākāśamākāśaṃ ca mahātmanā / bhūtādinā vṛtaṃ sarvaṃ bhūtādirmahatā vṛtaḥ // ### [1.21.28](https://indike.org/pramana/in.purana.brahmanda.1.21.28) vṛto mahānanantena pradhānenāvya yātmanā / purāṇi lokapālānāṃ pravakṣyāmi yathākramam // ### [1.21.29](https://indike.org/pramana/in.purana.brahmanda.1.21.29) jyotirguṇapracārasya pramāṇaparisiddhaye / meroḥ prācyāṃ diśi tathā mānasasyaiva mūrddhani // ### [1.21.30](https://indike.org/pramana/in.purana.brahmanda.1.21.30) vasvaukasārā māhendrī purī hemapariṣkṛtā / dakṣiṇena punarmerormānasasyaiva mūrddhani // ### [1.21.31](https://indike.org/pramana/in.purana.brahmanda.1.21.31) vaivasvato niva sati yamaḥ saṃyamane pure / pratīcyāṃ tu punarmerormānasasyaiva mūrddhani // ### [1.21.32](https://indike.org/pramana/in.purana.brahmanda.1.21.32) sukhā nāma purī ramyā varuṇasyāpi dhīmataḥ / varuṇo yādasāṃ nāthassukhākhye vasate pure // ### [1.21.33](https://indike.org/pramana/in.purana.brahmanda.1.21.33) diśyuttarasyāṃ merostu mānasasyaiva mūrddhani / tulyā mahendrapuryyāstu somasyāpi vibhāvarī // ### [1.21.34](https://indike.org/pramana/in.purana.brahmanda.1.21.34) mānasottaravṛṣṭe tu lokapālāścaturdiśam / sthitā dharmavyavasthārtha lokamaṃrakṣaṇāya ca // ### [1.21.35](https://indike.org/pramana/in.purana.brahmanda.1.21.35) lokapālopariṣṭāttu sarvato dakṣiṇāyane / kāṣṭhāgatasya sūryasya gatiyā tāṃ nibodhata // ### [1.21.36](https://indike.org/pramana/in.purana.brahmanda.1.21.36) dakṣiṇo 'pakrame sūryyaḥ kṣipteṣuriva sarpati / jyotiṣāṃ cakramādāya satataṃ parigacchati // ### [1.21.37](https://indike.org/pramana/in.purana.brahmanda.1.21.37) madhyagaścāmarāvatyāṃ yadā bhavati bhāskaraḥ / vaivasvate saṃyamate udayastatra dṛśyate // ### [1.21.38](https://indike.org/pramana/in.purana.brahmanda.1.21.38) sukhāyāmarddharātraṃ syādvibhāyāmastameti ca / vaivasvate saṃyamane madhyagaḥ syādraviryadā / sukhāyāmatha vāruṇyāmuttiṣṭhansa tu dṛśyate // ### [1.21.39](https://indike.org/pramana/in.purana.brahmanda.1.21.39) vibhāyā marddharātraṃ syānmāhendyāmastameti ca / yadā dakṣiṇapurveṣāmaparāhṇo vidhīyate // ### [1.21.40](https://indike.org/pramana/in.purana.brahmanda.1.21.40) dakṣiṇāparadeśyānāṃ pūrvahṇaḥ parikī rttitaḥ / teṣāmapararātraśca ye janā uttarāḥ pare // ### [1.21.41](https://indike.org/pramana/in.purana.brahmanda.1.21.41) deśā uttarapūrvā ye pūvarātrastu tānprati / evamevottareṣvar ke bhuvaneṣu virājate // ### [1.21.42](https://indike.org/pramana/in.purana.brahmanda.1.21.42) sukhāyāsatha vāruṇyāṃ madhyāhne cāryamā yadā / vibhāyāṃ somapuryāṃ vā uttiṣṭhati vibhāvasuḥ // ### [1.21.43](https://indike.org/pramana/in.purana.brahmanda.1.21.43) rātryarddha cāmarāvatyāmastameti yamasya ca / somapuryā vibhāyāṃ tu madhyāhne syāddivākaraḥ // ### [1.21.44](https://indike.org/pramana/in.purana.brahmanda.1.21.44) mahedrasyāmarāvatyāṃ sūrya uttiṣṭhate tadā / arddharātraṃ saṃyamane vāruṇyāmastameti ca // ### [1.21.45](https://indike.org/pramana/in.purana.brahmanda.1.21.45) sa śīghrameva paryeti bhāskaro 'lātaca travat / bhramanvai bhramamārṇāni ṛkṣāṇi carate raviḥ // ### [1.21.46](https://indike.org/pramana/in.purana.brahmanda.1.21.46) evaṃ caturṣu pārśveṣu dakṣiṇāṃ tena sarpati / udayāstamane cāsāvṛtti ṣṭhati punaḥ punaḥ // ### [1.21.47](https://indike.org/pramana/in.purana.brahmanda.1.21.47) pūvāhṇe cāparāhṇe ca dvau dvau devālayau tu saḥ / tapatyarkaśca madhyāhne taireva ca svaraśmibhiḥ // ### [1.21.48](https://indike.org/pramana/in.purana.brahmanda.1.21.48) udito varddhamānābhirāmadhyāhnaṃ tapanraviḥ / ataḥ paraṃ hrasaṃtībhirgobhirastaṃ nigacchati // ### [1.21.49](https://indike.org/pramana/in.purana.brahmanda.1.21.49) udayāstamayābhyāṃ ca smṛte pūrvāpare diśau / yāvatpurastāttapati tāpatpṛṣṭhe 'tha pārśvayoḥ // ### [1.21.50](https://indike.org/pramana/in.purana.brahmanda.1.21.50) yatrodyandṛśyate sūryasteṣāṃ sa udayaḥ samṛtaḥ / praṇāśaṃ gacchate yatra teṣāmastaḥ sa ucyate // ### [1.21.51](https://indike.org/pramana/in.purana.brahmanda.1.21.51) sarveṣāmuttare meruloṅkālokaśca dakṣiṇe / vidūrabhāvādarkasya bhūmilekhāvṛtasya ca // ### [1.21.52](https://indike.org/pramana/in.purana.brahmanda.1.21.52) līyante raśmayo yasmāttena rātrau na dṛśyate / grahanakṣatrasomānāṃ darśanaṃ bhāskarasya ca // ### [1.21.53](https://indike.org/pramana/in.purana.brahmanda.1.21.53) ucdhrayasya pramāṇena jñeyamastamathodayam / śuklacchāyo 'gnirā paśca kṛṣṇacchāyā ca medinī // ### [1.21.54](https://indike.org/pramana/in.purana.brahmanda.1.21.54) vidūrabhāvādarkasya hyudyate 'pi viraśimatā / raktabhāvo viraśmatvādraktatvācjāpyanuṣṇatā // ### [1.21.55](https://indike.org/pramana/in.purana.brahmanda.1.21.55) lekhāyāmāsthitaḥ sūryo yatra yatra ca dṛśyate / ūrddhva śātasahasra tu yojanānāṃ sa dṛśyate // ### [1.21.56](https://indike.org/pramana/in.purana.brahmanda.1.21.56) prabhā hi saurī pādena hyastaṃ gacchati bhāskare / agnimāviśate rādrau tasmāddūrātprakāśate // ### [1.21.57](https://indike.org/pramana/in.purana.brahmanda.1.21.57) udite hi punaḥ sūrye hyauṣṇyamāgneyamāviśet / saṃyukto vahninā sūryastapate tu tato divā // ### [1.21.58](https://indike.org/pramana/in.purana.brahmanda.1.21.58) prākāśyaṃ ca tathauṣṇyaṃ ca saurāgneye ca tejasī / parasparānupraveśāddīpyete tu divāniśam // ### [1.21.59](https://indike.org/pramana/in.purana.brahmanda.1.21.59) uttare caiva bhūmyarddhe tathā tasmiṃśca dakṣiṇe / uttiṣṭhati tathā sūrye rātrirāviśatatvapaḥ // ### [1.21.60](https://indike.org/pramana/in.purana.brahmanda.1.21.60) tasmācchītā bhaktyāṃpo divārātripraveśanāt / astaṃ yāti punaḥ sūrye dinamāviśate tvaṣaḥ // ### [1.21.61](https://indike.org/pramana/in.purana.brahmanda.1.21.61) tasmāduṣṇā bhavatyāpo naktamahnaḥ praveśanāt / etena kramayogena bhūmyarddhe dakṣiṇottare // ### [1.21.62](https://indike.org/pramana/in.purana.brahmanda.1.21.62) udayāstamaner'kasya ahorātraṃ viśatyapaḥ / denaṃ sūryaprakāśākhyaṃ tāmasī rātrirūcyate // ### [1.21.63](https://indike.org/pramana/in.purana.brahmanda.1.21.63) tasmādvyavasthitā rātriḥ sūryāpekṣamahaḥ smṛtam / evaṃ puṣkaramadhyena yadā sarpati bhāskaraḥ // ### [1.21.64](https://indike.org/pramana/in.purana.brahmanda.1.21.64) aṃśāṃśakaṃ tu medinyāṃ muhūrttenaiva gacchati / yojanāgrānmuhūrttasya iha saṃkhyāṃ nibodhata // ### [1.21.65](https://indike.org/pramana/in.purana.brahmanda.1.21.65) pūrṇe śatasahasrāṇāmekatriṃśādhikaṃ smṛtam / pañcāśattu tathānyāni sahasrāṇyadhikāni ca // ### [1.21.66](https://indike.org/pramana/in.purana.brahmanda.1.21.66) mauhūrtti kī gatirhyeṣā sūryasya tu vidhīyate / etena gatiyogena yadā kāṣṭhāṃ tu dakṣiṇām // ### [1.21.67](https://indike.org/pramana/in.purana.brahmanda.1.21.67) paryāgacchetpataṅgo 'sau madhye kāṣṭhāntameva hi / madhyena puṣkarasyātha bhramate dakṣiṇāyane // ### [1.21.68](https://indike.org/pramana/in.purana.brahmanda.1.21.68) mānasottaraśaile tu antare viṣuvaṃ ca tat / sarpate dakṣiṇāyāṃ tu kāṣṭhāyāṃ vai nibodhata // ### [1.21.69](https://indike.org/pramana/in.purana.brahmanda.1.21.69) navakoṭyaḥ prasaṃkhyātā yojanaiḥ parimaṇḍalam / tathā śatasahasrāṇi catvāriṃśacca pañca ca // ### [1.21.70](https://indike.org/pramana/in.purana.brahmanda.1.21.70) ahorātrātpataṅgasya gatireṣā vidhīyate / dakṣiṇādvinivṛtto 'sau viṣuvastho yadā raviḥ // ### [1.21.71](https://indike.org/pramana/in.purana.brahmanda.1.21.71) kṣīrodasya samudrasyottarataścādritaścaran / maṇḍalaṃ viṣuvattasya yojanaistannibodhata // ### [1.21.72](https://indike.org/pramana/in.purana.brahmanda.1.21.72) tisraḥ koṭyastu saṃkhyātā viṣuvasyāpi maṇḍalam / tathā śatasahasrāṇāmaśītyekādhikā punaḥ // ### [1.21.73](https://indike.org/pramana/in.purana.brahmanda.1.21.73) śravaṇe cottaraṣāḍhe citrabhānuryadā bhavet / śākadvīpasya ṣaṣṭhasya uttarāto diśaścaran // ### [1.21.74](https://indike.org/pramana/in.purana.brahmanda.1.21.74) utarāyāḥ pramāṇaṃ ca kāṣṭhāyā maṇḍalasya ca / yojanāgrātprasaṃkhyātā koṭirekā tu sa dvijāḥ // ### [1.21.75](https://indike.org/pramana/in.purana.brahmanda.1.21.75) aśītirniyutānīha yojanānāṃ tathaiva ca / aṣṭapañcāśataṃ cava yojanānyadhikāni tu // ### [1.21.76](https://indike.org/pramana/in.purana.brahmanda.1.21.76) nāgavīthyuttarāvīthī hyaja vīthī ca dakṣiṇā / mūlaṃ caiva tathāṣāḍhe tvajavīthyudayāstrayaḥ // ### [1.21.77](https://indike.org/pramana/in.purana.brahmanda.1.21.77) aśvinī kṛttikā yāmyaṃ nāgavīthyudayāstrayaḥ / kāṣṭhayorantaraṃ yacca tadvakṣyeyajanaiḥ punaḥ // ### [1.21.78](https://indike.org/pramana/in.purana.brahmanda.1.21.78) etacchatasahasrāṇāmaṣṭābhiścottaraṃ śatam / trayaḥ śatādhikāścanye trayastriṃśacca yojanaiḥ // ### [1.21.79](https://indike.org/pramana/in.purana.brahmanda.1.21.79) kāṣṭhayorantaraṃ hyetadyojanāgrātprakīrtitam / kāṣṭhayorlekhayoścaiva hyantaraṃ dakṣiṇottare // ### [1.21.80](https://indike.org/pramana/in.purana.brahmanda.1.21.80) tenvavakṣye prasaṃkhyāya cojanaistannibodhata / ekaikamantaraṃ tasya viyutānyekasaptatiḥ // ### [1.21.81](https://indike.org/pramana/in.purana.brahmanda.1.21.81) sahasrāṇyatiriktāśca tato 'nyā pañcasaptatiḥ / lekhayoḥ kāṣṭhayoścaiva bāhyābhyantarayoḥ smṛtam // ### [1.21.82](https://indike.org/pramana/in.purana.brahmanda.1.21.82) abhyantaraṃ tu paryeti maṇḍalānyuttarāyaṇe / bāhyato dakṣiṇe caiva satataṃ tu yathākramam // ### [1.21.83](https://indike.org/pramana/in.purana.brahmanda.1.21.83) maṇḍalānāṃ śataṃ pūrmaṃ tryaśītyadhikamuttaram / carate dakṣiṇe cāpi tāvadeva vibhāvasuḥ // ### [1.21.84](https://indike.org/pramana/in.purana.brahmanda.1.21.84) pramāṇaṃ maṇḍalasyātha yojanāgraṃ nibodhata / yojanānāṃ sahasrāṇi saptādaśa samāsataḥ // ### [1.21.85](https://indike.org/pramana/in.purana.brahmanda.1.21.85) śate dve punarapyanye yojanāmāṃ prakīrttite / ekaviṃśatibhiścaiva yojanairadhikairhi te // ### [1.21.86](https://indike.org/pramana/in.purana.brahmanda.1.21.86) etatpramāṇamākhyātaṃ yojanairmaṇḍalasya ca / viṣkaṃbho maṇḍalasyātha tiryak sa tu vidhīyate // ### [1.21.87](https://indike.org/pramana/in.purana.brahmanda.1.21.87) pratyahaṃ carate tāni sūryā vai maṇḍalakramāt / kulālacakraparyanto yathā śīghraṃ nivarttate // ### [1.21.88](https://indike.org/pramana/in.purana.brahmanda.1.21.88) dakṣiṇaprakrame sūryastathā śīghraṃ pravarttate / tasmātprakṛṣṭāṃ bhūmiṃ tu kālenālpena gacchati // ### [1.21.89](https://indike.org/pramana/in.purana.brahmanda.1.21.89) sūryo dvādaśabhiḥ śairghyānmuhūrtairdakṣiṇāyane / trayodaśārddhamṛkṣāṇāmahnā tu carate raviḥ // ### [1.21.90](https://indike.org/pramana/in.purana.brahmanda.1.21.90) muhūrtai stāvadṛkṣāṇi naktamaṣṭādaśaiścaran / kulālacakramadhye tu yathā mandaṃ prasarpati // ### [1.21.91](https://indike.org/pramana/in.purana.brahmanda.1.21.91) tathodagayane sūryaḥ sarpate mandavikramaḥ / tasmā ddīrghena kālena bhūmiṃ svalpāni gacchati // ### [1.21.92](https://indike.org/pramana/in.purana.brahmanda.1.21.92) aṣṭādaśa muhūrta tu uttarāyaṇapaścimam / aho bhavati taccāpi carate mandavikramaḥ // ### [1.21.93](https://indike.org/pramana/in.purana.brahmanda.1.21.93) trayodaśārddhaṃ mādyena tvṛkṣāṇāṃ carate raviḥ / muhūrtaistāvadṛkṣāṇi naktaṃ dvādaśabhiścaran // ### [1.21.94](https://indike.org/pramana/in.purana.brahmanda.1.21.94) tato mandataraṃ nābhyāṃ cakraṃ bhramati vai yathā / mṛtpiṇḍa iva madhyastho dhruvo bhramati vai tathā // ### [1.21.95](https://indike.org/pramana/in.purana.brahmanda.1.21.95) triṃśanmuhūrtānevāhurahorātraṃ dhruvo bhraman / ubhayoḥ kāṣṭhayormadhye bhramate maṇḍalāni tu // ### [1.21.96](https://indike.org/pramana/in.purana.brahmanda.1.21.96) kulālacakranābhiśca yathā tatraiva varttate / dhruvastathā hi vijñeyastatraiva parīvarttate // ### [1.21.97](https://indike.org/pramana/in.purana.brahmanda.1.21.97) ubhayoḥ kāṣṭhayormadhye bhramate maṇḍalāni saḥ / divānaktaṃ ca sūryasya mandā śīghrā ca vai gātiḥ // ### [1.21.98](https://indike.org/pramana/in.purana.brahmanda.1.21.98) uttaraprakrame cāpi divā mandā gatistathā / tathaiva ca punarnaktaṃ śīghrā sūryasya vai gātiḥ // ### [1.21.99](https://indike.org/pramana/in.purana.brahmanda.1.21.99) dakṣiṇaprakrameṇaiva divā śīghraṃ vidhīyate / gatiḥ sūryasya naktaṃ ca mandā caiva gatistathā // ### [1.21.100](https://indike.org/pramana/in.purana.brahmanda.1.21.100) evaṃ gativiśeṣeṇa vibhajan rātryahāni tu / tajāpi saṃcaranmārgaṃ samena viṣameṇa ca // ### [1.21.101](https://indike.org/pramana/in.purana.brahmanda.1.21.101) lokālokasthitā hyete lokapālāścaturdiśam / agastyaścarate teṣāmupariṣṭājjavena tu // ### [1.21.102](https://indike.org/pramana/in.purana.brahmanda.1.21.102) bhuñjannasāpahorā tramevaṃ gativiśeṣaṇam / dakṣiṇe nāgavīthyāstu lokālokasya cottare // ### [1.21.103](https://indike.org/pramana/in.purana.brahmanda.1.21.103) lokasantānako hyeṣa vaiśvānarapathādvahiḥ / pṛṣṭe yāvatprabhā saurī purastātsaṃprakāśate // ### [1.21.104](https://indike.org/pramana/in.purana.brahmanda.1.21.104) pārśvataḥ pṛṣṭhataścaiva lokālokasya varttate / yojanānāṃ sahasrāṇi daśakaṃ tucchrito giriḥ // ### [1.21.105](https://indike.org/pramana/in.purana.brahmanda.1.21.105) prakāśaścāprakāśaśca sarvataḥ parimaṇḍalaḥ / nakṣatracandrasūryaśca grahaistārāgaṇaiḥ saha // ### [1.21.106](https://indike.org/pramana/in.purana.brahmanda.1.21.106) abhyantaraṃ prakāśante lokālokasya vai gireḥ / etāvāneva lokastu nirālokastataḥ param // ### [1.21.107](https://indike.org/pramana/in.purana.brahmanda.1.21.107) lokenālokavāneṣa nirālokastvalokataḥ / lokālokaṃ tu saṃdhatte yasmātsuryaparigraham // ### [1.21.108](https://indike.org/pramana/in.purana.brahmanda.1.21.108) tasmātsandhyeti tāmāhuruṣāvyuṣṭyoryadantaram / uṣā rātriḥ smṛtā viprairvyuṣṭiścāpi tvahaḥ smṛtam // ### [1.21.109](https://indike.org/pramana/in.purana.brahmanda.1.21.109) sūryāgnigrasamānānāṃ saṃdhyākāle hi rakṣasām / prajāpatiniyogena śāpastveṣāṃ durātmanām // ### [1.21.110](https://indike.org/pramana/in.purana.brahmanda.1.21.110) akṣayatvaṃ tu dehasya prāpitāmraṇaṃ tathā / tisraḥ koṭyastu vikhyātā mandehā nāma rākṣasāḥ // ### [1.21.111](https://indike.org/pramana/in.purana.brahmanda.1.21.111) prārthayanti sahasrāṃśubhudayantaṃ dinedine / tāpayantaṃ durātmānaḥ sūryamicchanti khāditum // ### [1.21.112](https://indike.org/pramana/in.purana.brahmanda.1.21.112) atha sūryasya teṣāṃ ca yuddhamāsītsudāruṇam / tato brahmā ca devāśca brāhmamāścaiva sattamāḥ // ### [1.21.113](https://indike.org/pramana/in.purana.brahmanda.1.21.113) saṃdhyāṃ tu samupāsīnāḥ prakṣipanti jalaṃ sadā / oṅkārabrahmasaṃyuktaṃ gāyatryā cābhimantritam // ### [1.21.114](https://indike.org/pramana/in.purana.brahmanda.1.21.114) sphūrjajjyotiśca caṇḍāṃśustathā dīpyati bhāskaraḥ / tataḥ punarmahātejā mahābalaparākramaḥ // ### [1.21.115](https://indike.org/pramana/in.purana.brahmanda.1.21.115) yojanānāṃ sahasrāṇi ūrddhvamuttiṣṭhate śatam / prayāti bhagavānāśu brāhmaṇairabhirakṣitaḥ / vālakhilyaiśca munibhirdhṛtārciḥ samarīcibhiḥ // ### [1.21.116](https://indike.org/pramana/in.purana.brahmanda.1.21.116) kāṣṭhā nimeṣā daśa pañca caiva triṃśacca kāṣṭhā gaṇayetkalāṃ tu / triṃśatkalāścāpi bhavenmuhūrttastaistriṃśatā rātryahanī samete // ### [1.21.117](https://indike.org/pramana/in.purana.brahmanda.1.21.117) hrāsavṛddhī tvaharbhāgairdivasānāṃ yathākramāt // ### [1.21.118](https://indike.org/pramana/in.purana.brahmanda.1.21.118) saṃdhyā muhūrttamātrā tu hrāsavṛddhistu sā smṛtā / lekhāprabhṛtyathāditye trimuhūrttagate tu vai // ### [1.21.119](https://indike.org/pramana/in.purana.brahmanda.1.21.119) prātastataḥ smṛtaḥ kālo bhāgaścāhnaḥ sa pañcamaḥ / tasmātprātastanātkālātrrimuhūrttastu saṃgavaḥ // ### [1.21.120](https://indike.org/pramana/in.purana.brahmanda.1.21.120) madhyāhnastrimuhūrttastu tasmātkālaśca saṃgavāt / tasmānmadhyandinātkālādaparāhṇa iti smṛtaḥ // ### [1.21.121](https://indike.org/pramana/in.purana.brahmanda.1.21.121) traya eva muhūrttāstu kālāgaḥ smṛto budhaiḥ / aparāhṇe vyatīte tu kālaḥ sāyāhna ucyate // ### [1.21.122](https://indike.org/pramana/in.purana.brahmanda.1.21.122) daśapañca muhūrtāhno muhūrttāstraya eva ca / daśapañcamuhūrtta vai hyaharvaiṣuvataṃ smṛtam // ### [1.21.123](https://indike.org/pramana/in.purana.brahmanda.1.21.123) varddhante ca hrasaṃte ca hyayane dakṣiṇottare / ahastu grasate rātriṃ rātriśca grasate tvahaḥ // ### [1.21.124](https://indike.org/pramana/in.purana.brahmanda.1.21.124) śaradvasaṃtayormadhyaṃ viṣuvatparibhāvyate / ahorātre kalāścaiva samaṃ somaḥ samaśnute // ### [1.21.125](https://indike.org/pramana/in.purana.brahmanda.1.21.125) tathā pañcadaśāhāni pakṣa ityabhidhīyate / dvauca pakṣaubhavenmāso dvaumāsāvarkajāvṛtuḥ // ### [1.21.126](https://indike.org/pramana/in.purana.brahmanda.1.21.126) ṛtutritayamayane dve hi varṣaṃ tu saurakam / nimeṣā vidyutaścaiva kāṣṭāstā daśa pañca ca // ### [1.21.127](https://indike.org/pramana/in.purana.brahmanda.1.21.127) kalāstāstriśataḥ kāṣṭhā mātrā śītidvayātmikā / saptaikā dvyadhikā triśanmātrā ṣaṭatriṃśaduttarā // ### [1.21.128](https://indike.org/pramana/in.purana.brahmanda.1.21.128) dviṣāṣṭinā trayoviṃśanmātrāyāśca kalā bhavet / catvāri śatsahasrāṇi śatānyaṣṭau ca vidyutaḥ // ### [1.21.129](https://indike.org/pramana/in.purana.brahmanda.1.21.129) saptatiścaiva tatrāpi navatiṃ viddhi niścaye / catvāryeva śatānyāhurvidyute dve ca saṃyute // ### [1.21.130](https://indike.org/pramana/in.purana.brahmanda.1.21.130) varāṃśo hyeṣa vijñeyo nāḍikā cātra kāraṇam / saṃvatsarādayaḥ pañca caturmānavikalpitāḥ // ### [1.21.131](https://indike.org/pramana/in.purana.brahmanda.1.21.131) niścayaḥ sarvakālasya yugamityabhidhīyate / saṃvatsarastu prathamo dvitīyaḥ parivatsaraḥ // ### [1.21.132](https://indike.org/pramana/in.purana.brahmanda.1.21.132) iḍāvatsarastṛtīyastu caturthaścānuvatsaraḥ / pañcamovatsarasteṣāṃ kālastu yugasaṃhitaḥ // ### [1.21.133](https://indike.org/pramana/in.purana.brahmanda.1.21.133) triṃśacchataṃ bhavetpūrṇaṃ parvaṇāṃ tu raveryuge / śatānyaṣṭādaśa triṃśadudayādbhāskarasya ca // ### [1.21.134](https://indike.org/pramana/in.purana.brahmanda.1.21.134) ṛtavastriṃśataḥ saurādayanāni daśaiva tu / pañca ca triśataṃ cāpi ṣaṣṭivarṣaṃ ca bhāskaram // ### [1.21.135](https://indike.org/pramana/in.purana.brahmanda.1.21.135) triśadeva tvahorātrāstaistu māsastu bhāskaraḥ / ekaṣaṣṭi tvahorātramṛtureko vibhāvyate // ### [1.21.136](https://indike.org/pramana/in.purana.brahmanda.1.21.136) ahnāṃ tu tryadhikāśītiḥ śataṃ cāpyadhikaṃ bhavet / mānaṃ taccitrabhānostu vijñeyamayanasya ha // ### [1.21.137](https://indike.org/pramana/in.purana.brahmanda.1.21.137) sauraṃ saumyaṃ tu vijñeyaṃ nākṣatraṃ sāvanaṃ tathā / mānānyetāni catvāri yaiḥpurāṇe hi niścayaḥ // ### [1.21.138](https://indike.org/pramana/in.purana.brahmanda.1.21.138) yaḥ śvetasyottaraścaiva śṛṅgavānnāma parvvataḥ / trīṇitasya tu śṛṅgāṇi spṛśantīva nabhastalam // ### [1.21.139](https://indike.org/pramana/in.purana.brahmanda.1.21.139) taiścāpi śṛṅgaissanagaḥ śṛṅgavā niti kathyate / ekaśca mārgaviṣkaṃbhavistāraścāsya kīrtitaḥ // ### [1.21.140](https://indike.org/pramana/in.purana.brahmanda.1.21.140) tasya vai pūrvataḥ śṛṅgaṃ madhyamaṃ taddhiraṇmayam / dakṣiṇaṃ rājataṃ caiva śṛṅgaṃ tu sphaṭikaprabham // ### [1.21.141](https://indike.org/pramana/in.purana.brahmanda.1.21.141) sarvaratnamayaṃ caiva śṛṅgamuttaramuttamam / evaṃ kūṭaistribhiḥ śailaḥ śṛṅgavāniti viśrutaḥ // ### [1.21.142](https://indike.org/pramana/in.purana.brahmanda.1.21.142) yattadvai pūrvataḥ śṛṅgaṃ tadarkaḥ pratipadyate / śaradvasaṃtayormadhye madhyamāṃ gatimāsthitaḥ // ### [1.21.143](https://indike.org/pramana/in.purana.brahmanda.1.21.143) atastulyamahorātraṃ karoti timirā pahaḥ / haritāśca hayā divyāstasya yuktā mahārathe / anuliptā ivābhānti padmaraktairgabhastibhiḥ // ### [1.21.144](https://indike.org/pramana/in.purana.brahmanda.1.21.144) meṣati ca tulānte ca bhāskarodayataḥ smṛtāḥ / muhūrttā daśa pañcaiva aho rātriśca tāvatī // ### [1.21.145](https://indike.org/pramana/in.purana.brahmanda.1.21.145) kṛttikānāṃ yadā sūryaḥ prathamāṃ śagato bhavet / viśākhānāṃ tadā jñeyaścaturthāṃśa niśākaraḥ // ### [1.21.146](https://indike.org/pramana/in.purana.brahmanda.1.21.146) viśākhānāṃ yadā sūryaścarateṃśaṃ tṛtīyakam / tadā candraṃ vijānīyātkṛttikāśirasi sthitam // ### [1.21.147](https://indike.org/pramana/in.purana.brahmanda.1.21.147) viṣuvaṃ taṃ vijānīyādevamāhurmaharṣayaḥ // ### [1.21.148](https://indike.org/pramana/in.purana.brahmanda.1.21.148) sūryeṇa viṣuvaṃ vidyā tkālaṃ somena lakṣayet / samā rātrirahaścaiva yadā tadviṣuvaṃ bhavet // ### [1.21.149](https://indike.org/pramana/in.purana.brahmanda.1.21.149) tadā dānāni deyāni pitṛbhyo viṣuveṣu ca / brāhmaṇebhyo viśeṣeṇa mukhametattu daivatam // ### [1.21.150](https://indike.org/pramana/in.purana.brahmanda.1.21.150) ūnamāsādhimāsau ca kalā kāṣṭhā muhūrttakāḥ / paurṇamāsī tathā jñeyā amāvāsyā tathaiva ca / sinīvālī kuhūścaiva rākā cānumatistathā // ### [1.21.151](https://indike.org/pramana/in.purana.brahmanda.1.21.151) tapastapasyau madumādhavau ca śukraḥśuciścāyanamuttaraṃ syāt / nabhonabhasyāviṣaūrjasaṃjñau sahaḥsahasyāviti dakṣiṇaṃ syāt // ### [1.21.152](https://indike.org/pramana/in.purana.brahmanda.1.21.152) ārtavāśca tato jñeyā pañcābdā brahmaṇāḥ sutāḥ // ### [1.21.153](https://indike.org/pramana/in.purana.brahmanda.1.21.153) tasmācca ṛtavo jñeyā ṛtubhyo hyārttavāḥ smṛtāḥ / tasmādṛtumukhī jñeyā amāvāsyāsya parvaṇaḥ // ### [1.21.154](https://indike.org/pramana/in.purana.brahmanda.1.21.154) tasmāttu viṣuvaṃ jñeyaṃ pitṛdevahitaṃ sadā / parva jñātvā na muhyeta pitrye daive ca mānavaḥ // ### [1.21.155](https://indike.org/pramana/in.purana.brahmanda.1.21.155) tasmātsmṛtaṃ pracānāṃ vai viṣuvatsarvagaṃ sadā / ālokāttu smṛto loko lokālokaḥ sa ucyate // ### [1.21.156](https://indike.org/pramana/in.purana.brahmanda.1.21.156) lokapālāḥ sthitāstatra lokālokasya madhyataḥ / catvāraste mahātmānastiṣṭantyābhūtasaṃplavāt // ### [1.21.157](https://indike.org/pramana/in.purana.brahmanda.1.21.157) sudhāmā caiva vairājaḥ kardamaḥ śaṅkhapāstathā / hiraṇyaromā parjanyaḥ ketumānrājasaśca yaḥ // ### [1.21.158](https://indike.org/pramana/in.purana.brahmanda.1.21.158) nirdvandvā nirabhīmānā niḥ sīmā niṣparigrahāḥ / lokapālāḥ sthitā hyete lokāloke caturdiśam // ### [1.21.159](https://indike.org/pramana/in.purana.brahmanda.1.21.159) uttaraṃ yadapastasya hyajavīthyāśca dakṣiṇām / pitṛyānaḥ sa vai panthā vaiśvānarapathādvahiḥ // ### [1.21.160](https://indike.org/pramana/in.purana.brahmanda.1.21.160) tatrāsate prajāvanto munayo ye 'gnihotriṇaḥ / lokasya saṃtānakarāḥ pitṛyānapathe sthitāḥ // ### [1.21.161](https://indike.org/pramana/in.purana.brahmanda.1.21.161) bhūtāraṃbhakṛtaṃ karma āśiṣo ṛtvigudyatāḥ / prārabhante lokakāmāsteṣāṃ panthāḥ sa dakṣiṇāḥ // ### [1.21.162](https://indike.org/pramana/in.purana.brahmanda.1.21.162) calitaṃ te punardharmaṃ sthāpayanti yugeyuge / saṃtaptāstapasā caiva maryādābhiḥ śrutena ca // ### [1.21.163](https://indike.org/pramana/in.purana.brahmanda.1.21.163) jāyamānāstu pūrve vai paścimānāṃ gṛhe ṣviha / paścimāścaiva pūrveṣāṃ jāyante nidhaneṣvapi // ### [1.21.164](https://indike.org/pramana/in.purana.brahmanda.1.21.164) evamāvarttamānāste tiṣṭhantyābhūtasaṃplavāt / aṣṭāśītisahasrāṇi ṛṣīmāṅgṛhamedhinām // ### [1.21.165](https://indike.org/pramana/in.purana.brahmanda.1.21.165) saviturdakṣiṇaṃ mārgaśritā hyācandratārakam / kriyāvatāṃ prasaṃkhyaiṣā ye śmaśānāni bhejire // ### [1.21.166](https://indike.org/pramana/in.purana.brahmanda.1.21.166) lokasaṃvyavahārāśca bhūtāraṃbhakṛtena ca / icchādveṣapravṛttyā ca maithunopagamena vai // ### [1.21.167](https://indike.org/pramana/in.purana.brahmanda.1.21.167) tathā kāmakṛteneha sevanādviṣayasya ca / etaistaiḥ kāraṇaiḥ siddhā ye śmaśānāni bhejire // ### [1.21.168](https://indike.org/pramana/in.purana.brahmanda.1.21.168) pracaiṣiṇaste munayo dvāpareṣviha jajñire / nāgavīthyuttaro yaśca saptarṣigaṇadakṣiṇaḥ // ### [1.21.169](https://indike.org/pramana/in.purana.brahmanda.1.21.169) uttaraḥ savituḥ panthā devayānaśca sa smṛtaḥ / yatra te vāsinaḥ siddhā vimalā brahmacāriṇaḥ // ### [1.21.170](https://indike.org/pramana/in.purana.brahmanda.1.21.170) saṃtatiṃ te jugupsaṃte tasmānmṛtyustu tairjitaḥ / aṣṭāśītisahasrāṇi ṛṣīṇāmūrddhvaretasām // ### [1.21.171](https://indike.org/pramana/in.purana.brahmanda.1.21.171) udakpanthānamatyarthaṃ śritā hyāśritasaṃplavāt / te saṃprayogāllokasya maithunasya ca varjanāt // ### [1.21.172](https://indike.org/pramana/in.purana.brahmanda.1.21.172) icchādveṣanivṛttyā ca bhūtāraṃbhavivarjanāt / punaścākāmasaṃyogācchabdāderdeṣadar śanāt // ### [1.21.173](https://indike.org/pramana/in.purana.brahmanda.1.21.173) ityetaiḥ kāraṇaiḥ siddhāste 'mṛtatvaṃ hi bhejire / ābhūtasaṃplavasthānāmamṛtatvaṃ vibhāvyate // ### [1.21.174](https://indike.org/pramana/in.purana.brahmanda.1.21.174) trailokyasthiti kālāya punardārābhigaminām / brūṇahatyāśvamedhābhyāṃ puṇyapāpakṛto 'pare // ### [1.21.175](https://indike.org/pramana/in.purana.brahmanda.1.21.175) ābhūtasaṃplavānte tu kṣīyaṃ te hyūrdhvaretasaḥ / urddhvottaramṛṣibhyastu dhruvo yatra sa vai smṛtaḥ // ### [1.21.176](https://indike.org/pramana/in.purana.brahmanda.1.21.176) etadviṣṇupadaṃ divyaṃ tṛtīyaṃ vyomni bhāsvaram / yatra gatvā na śocanti tadviṣṇoḥ paramaṃ padam / dharmadhruvādyāstiṣṭhanti yatra te lokasādhakāḥ // ### [1.21.176.p1](https://indike.org/pramana/in.purana.brahmanda.1.21.176.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde ādityavyūhakīrttanaṃ nāmaikaviṃśatitamo 'dhyāyaḥ ## Linked texts (11) - [Vāyupurāṇa](https://indike.org/pramana/in.purana.vayu.1.50.60) — Vyāsa, Sanskrit - [Matsyapurāṇa](https://indike.org/pramana/in.purana.matsya.124.3) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.8.18) — Sanskrit - [Sāmbapurāṇa](https://indike.org/pramana/in.purana.upa.surya.samba.19.5) — Sanskrit - [Liṅgapurāṇa](https://indike.org/pramana/in.purana.linga.1.54.4) — Vyāsa, Sanskrit - [Kālahastīśavilāsa](https://indike.org/pramana/in.lit.kavya.mahakavya.saiva.kalahastisavilasa.1.124) — Sanskrit - [Critical edition (BORI)](https://indike.org/pramana/in.lit.mahabharata.vyasa*crit.7.57.33) — Sanskrit - [Agnipurāṇa](https://indike.org/pramana/in.purana.agni.120.29) — Vyāsa, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.17.60) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.17.60) — Basava, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.60.4) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.1.21](https://indike.org/pramana/in.purana.brahmanda.1.21) · Pramāṇa