[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.23 # Brahmandapurana 1.23 Brahmāṇḍapurāṇa 1.23 - **Language:** Sanskrit ## Contents - [1.23.89](https://indike.org/pramana/in.purana.brahmanda.1.23.89) — 1 part - [1.23.108](https://indike.org/pramana/in.purana.brahmanda.1.23.108) — 1 part ### [1.23.1](https://indike.org/pramana/in.purana.brahmanda.1.23.1) sūta uvāca saratho 'dhiṣṭhito devairādityairmunibhistathā / gandharvairapsarobhiśca grāmaṇīsarparākṣasaiḥ // ### [1.23.2](https://indike.org/pramana/in.purana.brahmanda.1.23.2) ete vasaṃti vai sūrye dvau dvau māsau krameṇa tu / dhātār'yamā pulastyaśca pulahaśca prajāpatiḥ // ### [1.23.3](https://indike.org/pramana/in.purana.brahmanda.1.23.3) erāvato vāsukiśca kaṃso bhīmaśca tāvubhau / rathakṛcca rathaujāśca yakṣāvetāvudā tdṛtau // ### [1.23.4](https://indike.org/pramana/in.purana.brahmanda.1.23.4) tuṃbururnāradaścaiva susthalā puñjikasthalā / rakṣo hetiḥ prahetiśca yātudhānāvudāhṛtau // ### [1.23.5](https://indike.org/pramana/in.purana.brahmanda.1.23.5) ete vasaṃti vai sūryye madhumādhavayoḥ sadā / mitraśca varuṇaścaiva muniratrirudāhṛtaḥ // ### [1.23.6](https://indike.org/pramana/in.purana.brahmanda.1.23.6) tathā vasiṣṭho vikhyātaḥ sahajanyā ca menakā / rākṣasau ca samākhyātau pauruṣeyo vadhastathā // ### [1.23.7](https://indike.org/pramana/in.purana.brahmanda.1.23.7) hāhā hūhūśca gandharvauṃ yajñaścāpi rathasvanaḥ / rathacitrastathaivānyo nāgasākṣakasaṃjñetaḥ // ### [1.23.8](https://indike.org/pramana/in.purana.brahmanda.1.23.8) raṃbhakaśca vasantyete māsayoḥ śuciśukrayoḥ / tataḥ sūrye punastvanyā nivasaṃtīha devatāḥ // ### [1.23.9](https://indike.org/pramana/in.purana.brahmanda.1.23.9) idraścaiva vivasvāṃśca aṅgirā bhṛgureva ca / elāpatrastathā sarpaḥ śaṅkhapālāśca tāvubhau // ### [1.23.10](https://indike.org/pramana/in.purana.brahmanda.1.23.10) viśvāvasūgrasenau ca śvetaścaivāruṇastathā / pramlocā iti vikhyātānumloceti ca te ubhe // ### [1.23.11](https://indike.org/pramana/in.purana.brahmanda.1.23.11) yātudhānastadā sarpo vyāghraścava tu tāvubhau / nabhonabhasyayoreṣa gāṇo vasati bhāskare // ### [1.23.12](https://indike.org/pramana/in.purana.brahmanda.1.23.12) śaradyanyāḥ punaḥ śubhrā vasaṃti munidevatāḥ parjanyaścaiva pūṣā ca bhāradvājaḥ sagautamaḥ // ### [1.23.13](https://indike.org/pramana/in.purana.brahmanda.1.23.13) parāvasuśca gandharvastathaiva suruciśca yaḥ / viśvācī ca ghṛtācī ca ubhe te śubhalakṣaṇe // ### [1.23.14](https://indike.org/pramana/in.purana.brahmanda.1.23.14) nāga erāvataścaiva viśrutaśca dhanañjayaḥ / ścenajicca suṣeṇaśca senīrgrāma ṇīśca tau // ### [1.23.15](https://indike.org/pramana/in.purana.brahmanda.1.23.15) āpo vātaśca dvāvetau yātudhānāvudāhṛtau / vasaṃtyete tu vai sūrye sadaivāśvinakartike // ### [1.23.16](https://indike.org/pramana/in.purana.brahmanda.1.23.16) haimantikau tu dvau māsau vasaṃti ca divākare / aṃśo bhagaśca dvāvaitau kaśyapaśya kratuśca ha // ### [1.23.17](https://indike.org/pramana/in.purana.brahmanda.1.23.17) bhujaṅgaśca mahāpadmaḥ sarvaḥ karkeṭaka stathā / citrasenaśca gandharva ūrṇāyuścaiva tāvubhau // ### [1.23.18](https://indike.org/pramana/in.purana.brahmanda.1.23.18) urvaśī pūrvacittiśca tathaivāpsarasā ubhe / tārkṣaścāriṣṭanemiśca senānīr grāmaṇīśca tau // ### [1.23.19](https://indike.org/pramana/in.purana.brahmanda.1.23.19) vidyutsphūrjaḥ śatāyuśca yātudhānāvudātdṛtau / sahe caiva sahasye ca vasaṃtyete divākare // ### [1.23.20](https://indike.org/pramana/in.purana.brahmanda.1.23.20) tataḥ śaiśira yoścāpi māsayornivasaṃti vai / tvaṣṭā viṣṇurjāmadagnyo viśvāmitrastathaiva ca // ### [1.23.21](https://indike.org/pramana/in.purana.brahmanda.1.23.21) kādraveyau tathā nāgau kaṃbalāśvatarāvubhau / gandharvo dhṛtarāṣṭraśca sūryavarcāstathaiva ca // ### [1.23.22](https://indike.org/pramana/in.purana.brahmanda.1.23.22) tilottamā tathā raṃbhā brahmāpetaśca rākṣasaḥ / yajñāpetamtathaivānyo viśyāto rākṣaso ttamaḥ // ### [1.23.23](https://indike.org/pramana/in.purana.brahmanda.1.23.23) ṛtajitsatyajiccaiva gandharvauṃ samudāhṛtau / tapastapasyayoḥ sūrye vasaṃti munisattamāḥ // ### [1.23.24](https://indike.org/pramana/in.purana.brahmanda.1.23.24) pitṛdevamanuṣyādīnsa sadāpyāyayanprabhuḥ / parivarttatyahorātrakāraṇaṃ savitā dvijāḥ // ### [1.23.25](https://indike.org/pramana/in.purana.brahmanda.1.23.25) ete devā vasaṃtyarke dvau dvau māsau krameṇa tu / sthānābhimānino hyete gāṇā dvādaśasaptakāḥ // ### [1.23.26](https://indike.org/pramana/in.purana.brahmanda.1.23.26) suryasyāpyāyayantyete tejasā teja uttamamā / grathitaiḥ svairvacobhiśca stuvanti hyṛṣayo ravim // ### [1.23.27](https://indike.org/pramana/in.purana.brahmanda.1.23.27) gandharvāpsarasaścaiva gītanṛtyairupāsate / grāmaṇīyakṣabhūtāni kurvate 'bhīṣusaṃgraham // ### [1.23.28](https://indike.org/pramana/in.purana.brahmanda.1.23.28) sarpā vahanti vai sūryaṃ yātudhānāstu yānti ca / vālakhilyā naṃyatyastaṃ parivāryodayādravim // ### [1.23.29](https://indike.org/pramana/in.purana.brahmanda.1.23.29) eteṣāmeva devānāṃ yathāvīryaṃ yathātapaḥ / yathādharmaṃ yathāyogaṃ yathāsatyaṃ yathābalam // ### [1.23.30](https://indike.org/pramana/in.purana.brahmanda.1.23.30) tapatyasau taśrā sūrya eṣāmindrastu tejasā / ityete nivasaṃtīha dvau dvau māsau divākare // ### [1.23.31](https://indike.org/pramana/in.purana.brahmanda.1.23.31) ṛṣayo devagandharvāḥ pannagāpsarasāṃ gaṇāḥ / grāmaṇyaśca tathā yakṣā yātudhānāśca mukhyaśaḥ // ### [1.23.32](https://indike.org/pramana/in.purana.brahmanda.1.23.32) ete tapanti varṣanti bhānti vānti sṛjanti ca / bhūtānāṃ caśubhaṃ karma vyapohanti prakīrttitāḥ // ### [1.23.33](https://indike.org/pramana/in.purana.brahmanda.1.23.33) mānavānāṃ śubhaṃ hyete harante duritātmanām / duritaṃ supracārāṇāṃ vyapohanti kvaci tkvacit // ### [1.23.34](https://indike.org/pramana/in.purana.brahmanda.1.23.34) ete sahaiva sūryeṇa bhramanti divāsānugāḥ / varṣantaśca tapantaśca hlādayantaśca vai prajāḥ // ### [1.23.35](https://indike.org/pramana/in.purana.brahmanda.1.23.35) gopāyanti ca bhūtāni sarvāṇīhāmanukṣayāt / sthānābhimānināmetatsthānaṃ manvantareṣu vai // ### [1.23.36](https://indike.org/pramana/in.purana.brahmanda.1.23.36) atītānāgatānāṃ ca varttante sāṃprataṃ ca ye / evaṃ vasaṃti vai sūrye saptakāste caturdaśa / caturdaśasu sarveṣu gaṇā manvantareṣviha // ### [1.23.37](https://indike.org/pramana/in.purana.brahmanda.1.23.37) grīṣme ca varṣāsu ca muñcamāno gharmaṃ himaṃ varṣa dinaṃ niśāṃ ca / gacchatyasāvṛtuvaśātparivṛttaraśmirdevān pitṝ#ṃśca manujāṃśca hi tarpayanvai // ### [1.23.38](https://indike.org/pramana/in.purana.brahmanda.1.23.38) prīṇāti devānamṛtena sūryaḥ somaṃ suṣumṇena ca varddhayitvā / śukle tu pūrṇaṃ divasakrameṇa taṃ kṛṣṇapakṣe vibudhāḥ pibanti // ### [1.23.39](https://indike.org/pramana/in.purana.brahmanda.1.23.39) pītaṃ ca somaṃ hi kalāvaśiṣṭaṃ kṛṣṇakṣaye raśmibhirakṣarantam / sudhāmṛtaṃ tatpitaraḥ pibanti devāśca saumyāśca tathaiva kāvyāḥ // ### [1.23.40](https://indike.org/pramana/in.purana.brahmanda.1.23.40) sūryeṇa gobhiśca samujjhitābhiradbhiḥ punaścaiva samuddhṛtābhiḥ / vṛṣṭyābhivṛddhābhirathauṣadhībhirmartyāḥ kṣudhaṃ tvannapānairjayanti // ### [1.23.41](https://indike.org/pramana/in.purana.brahmanda.1.23.41) tṛptiśca śukle sudhayā surāṇāṃ pakṣe ca kṛṣṇe sudhayā pitaṇām / annena śaśvacca dadhāti martyānsuryastapaṃstānsubibhartti gobhiḥ // ### [1.23.42](https://indike.org/pramana/in.purana.brahmanda.1.23.42) hriyanharistairharibhisturaṅgamairharatyathāpaḥ kiraṇairharidbhiḥ / visargakāle visṛjaṃśca tāḥ punarbibhartti śaśvatsavitā carācaram // ### [1.23.43](https://indike.org/pramana/in.purana.brahmanda.1.23.43) harirharidbhirhri yate turaṅgamaiḥ pibatyathāpo haribhiḥ sahasradhā / tataḥ pramuñcatyapi tāstvasau hariḥ samūhyamāno haribhisturaṅgamaiḥ // ### [1.23.44](https://indike.org/pramana/in.purana.brahmanda.1.23.44) ityeṣa ekacakreṇa sūryastūrṇarathena tu / bhadraistairakramairaśvaiḥ spandane vaidikakṣayaḥ // ### [1.23.45](https://indike.org/pramana/in.purana.brahmanda.1.23.45) ahorātrādrathenāsāvekacakreṇa vai bhraman / saptadvīpasamudrāntāṃ saptabhiḥ saptabhirhayaiḥ // ### [1.23.46](https://indike.org/pramana/in.purana.brahmanda.1.23.46) chandobhiraśvarūpaistairyataścakraṃ tataḥ sthitaiḥ / kāmarūpaiḥ sakṛdyuktairvāmatastairmanojavaiḥ // ### [1.23.47](https://indike.org/pramana/in.purana.brahmanda.1.23.47) haritaikhyayaiḥ piṅgairīśvarairbrahmavādibhiḥ / tryaśītimaṇḍalaśataṃ bhramantyabdena te hayāḥ // ### [1.23.48](https://indike.org/pramana/in.purana.brahmanda.1.23.48) bāhyamābhyantaraṃ caiva maṇḍalaṃ divasakramāt / kalpādau saṃpra yuktāste vahantyābhūtasaṃplavāt // ### [1.23.49](https://indike.org/pramana/in.purana.brahmanda.1.23.49) āvṛttā vālakhilyaiste bhramante rātryahāni tu / vacobhiragryairgrathitaiḥ stūyamāno maharṣibhiḥ // ### [1.23.50](https://indike.org/pramana/in.purana.brahmanda.1.23.50) sevyate gītanṛtyaiśca gandharvaiścāpsarogaṇaiḥ / pataṅgaiḥ patagairaśvairbhramamāṇo divaspatiḥ // ### [1.23.51](https://indike.org/pramana/in.purana.brahmanda.1.23.51) rathāstracakraḥsomasya kudābhāstasya vājinaḥ / vāmadakṣiṇato yuktā daśa tena carantyasau // ### [1.23.52](https://indike.org/pramana/in.purana.brahmanda.1.23.52) vīthyāśrayāṇi ṛkṣāṇi dhruvādhāreṇa vegitāḥ / hrāsavṛddhī tathaivāsya raśmīnāṃ sūryavatsmṛte // ### [1.23.53](https://indike.org/pramana/in.purana.brahmanda.1.23.53) tricakrobhayato 'śvaśca vijñeyaḥ śaśino rathaḥ / apāṃ garṇātsamutpanno rathaḥ sāśvaḥ sasārathiḥ // ### [1.23.54](https://indike.org/pramana/in.purana.brahmanda.1.23.54) śatāraiśca tribhiścakrairyuktaḥ śuklairhayottamaiḥ / daśabhistu kṛśairdivyairasaṃgaistairmanojavaiḥ // ### [1.23.55](https://indike.org/pramana/in.purana.brahmanda.1.23.55) sakṛdyukte rathe tāsminvahante cāyugakṣayāt / saṃgṛhītarathe tasmiñśvetaścakṣuḥśravāśca vai // ### [1.23.56](https://indike.org/pramana/in.purana.brahmanda.1.23.56) aśvāstamekavarṇaste vahante śaṅkhavarcasaḥ / yajuścaṇḍamanāścaiva vṛṣo vājī naro hayaḥ // ### [1.23.57](https://indike.org/pramana/in.purana.brahmanda.1.23.57) aśvo gaviṣṇurvikhyāto haṃso vyomo mṛgastathā / ityete nāmabhiḥ sarve daśa candramaso hayāḥ // ### [1.23.58](https://indike.org/pramana/in.purana.brahmanda.1.23.58) ete candramasaṃ devaṃ vahanti saha dīkṣayā / devaiḥ parivṛtaḥ somaḥ pitṛbhiścaiva gacchati // ### [1.23.59](https://indike.org/pramana/in.purana.brahmanda.1.23.59) somasya śuklapakṣādau bhāskare parataḥ sthire / āpūryate parasyānte satataṃ divasakramāt // ### [1.23.60](https://indike.org/pramana/in.purana.brahmanda.1.23.60) devaiḥ pītatanuṃ somamāpyāyayati nityadā / kṣīṇaṃ pañcadaśāhaṃ tu raśminaikena bhāskaraḥ // ### [1.23.61](https://indike.org/pramana/in.purana.brahmanda.1.23.61) āpūrayansuṣumṇena bhāgaṃ bhāgamahaḥkramāt / suṣumṇāpyāyamānasya śuklā varddhanti vai kalāḥ // ### [1.23.62](https://indike.org/pramana/in.purana.brahmanda.1.23.62) tasmāddhrasaṃti vai kṛṣṇe śukle svāpyāyayanti tam / ityevaṃ sūryavīryeṇa candraścāpyāyitastataḥ // ### [1.23.63](https://indike.org/pramana/in.purana.brahmanda.1.23.63) paurṇamāsyāṃ sa dṛśyeta śuklaḥ saṃpūrṇamaṇḍalaḥ / evamāpyāyitaḥ somaḥ śukla pakṣe dinakramāt // ### [1.23.64](https://indike.org/pramana/in.purana.brahmanda.1.23.64) tato dvitīyāprabhṛti bahulasya caturddaśīm / apāṃ sāramayasyendo rasamātrātmakasya tu // ### [1.23.65](https://indike.org/pramana/in.purana.brahmanda.1.23.65) pibatyaṃbumayaṃ devā hṛṣṭāḥ saumyaṃ svadhāmṛtam / saṃbhṛtaṃ tvarddhamāsena hyamṛtaṃ sūryatejasā // ### [1.23.66](https://indike.org/pramana/in.purana.brahmanda.1.23.66) bhakṣārthamamṛtaṃ somaḥ paurṇamāsyāmupāsate / ekāṃ rātriṃ suraiḥ sarvaiḥ pitṛbhiḥ sarṣibhiḥ saha // ### [1.23.67](https://indike.org/pramana/in.purana.brahmanda.1.23.67) somasya kṛṣṇapakṣādau bhāskarābhimukhasya tu / prakṣīyante pidṛdevaiḥ pīyamānāḥ kalāḥ kramāt // ### [1.23.68](https://indike.org/pramana/in.purana.brahmanda.1.23.68) trayaśca triṃśataścaiva trayastriṃśattathaiva ca / trayaśca trisahasrāśca devāḥ somaṃ pibanti vai // ### [1.23.69](https://indike.org/pramana/in.purana.brahmanda.1.23.69) ityetaiḥ pīyamānasya kṛṣṇā varddhati vai kalāḥ / kṣīyanti tasmācchuklāśca kṛṣṇā āpyāyayanti ca // ### [1.23.70](https://indike.org/pramana/in.purana.brahmanda.1.23.70) evaṃ dinakramātpīte vibudhaistu niśākare / pītvārddha māsaṃ gacchanti cāmāvāsyāṃ surottamāḥ // ### [1.23.71](https://indike.org/pramana/in.purana.brahmanda.1.23.71) pitaraścopatiṣṭhanti hyamāvāsyāṃ niśākaram / tataḥ pañcadaśekāle kiñcicchiṣṭe kalātmake // ### [1.23.72](https://indike.org/pramana/in.purana.brahmanda.1.23.72) aparāhṇe pitṛgaṇā jaghanyaṃ payupāsate / pibanti dvilavaṃ kālaṃ śiṣṭāstasya kalāstu yāḥ // ### [1.23.73](https://indike.org/pramana/in.purana.brahmanda.1.23.73) niḥsṛtaṃ tadamāvāsyāṃ gabhastibhyaḥ svadhāmṛtam / tāṃ svadhāṃ māsatṛptyai ca pītvā gacchanti te 'mṛtam // ### [1.23.74](https://indike.org/pramana/in.purana.brahmanda.1.23.74) sūryastasminsuṣumṇe yastāpitastena candramāḥ / kṛṣṇapakṣe suraistadvatpīyate vai sudhāmayaḥ // ### [1.23.75](https://indike.org/pramana/in.purana.brahmanda.1.23.75) saumyā barhiṣadaścaiva agniṣvāttāśca te tridhā / kāvyaścaiva tu ye proktāḥ pitaraḥ sarva eva te // ### [1.23.76](https://indike.org/pramana/in.purana.brahmanda.1.23.76) saṃvatsarāstu vai kāvyāḥ pañcābdā ye dvicaiḥ smṛtāḥ / saumyāstu ṛtuvo jñeyā māsā barhiṣadaḥ smṛtāḥ // ### [1.23.77](https://indike.org/pramana/in.purana.brahmanda.1.23.77) agniṣvāttārttavāścaiva pitṛsargā hi vai dvijāḥ / pitṛbhiḥ pīyamānasya pañcadaśyāṃ kalā tu vai // ### [1.23.78](https://indike.org/pramana/in.purana.brahmanda.1.23.78) yāvatprakṣīyate tasya bhāgaḥ pañcadaśastu yaḥ / amāvāsyāṃ tadā tasya tata āpūryate paraḥ // ### [1.23.79](https://indike.org/pramana/in.purana.brahmanda.1.23.79) vṛddhakṣayau vai pakṣādau ṣoḍaśyāṃ śaśinaḥ smṛtā / evaṃ sūryanimittaiṣa kṣayovṛddhirniśākare // ### [1.23.80](https://indike.org/pramana/in.purana.brahmanda.1.23.80) tārāgrahāṇāṃ vakṣyāmi svarbhānośca rathānpunaḥ / teyatejomayaḥ śubhraḥ somaputrasya vai rathaḥ // ### [1.23.81](https://indike.org/pramana/in.purana.brahmanda.1.23.81) sopāsaṃgapa tākastu sadhvajo meghanisvanaḥ / bhārgavasya rathaḥ śrīmāṃstejasā sūryasannibhaḥ // ### [1.23.82](https://indike.org/pramana/in.purana.brahmanda.1.23.82) pṛthivīsaṃbhavairyukto nānāvarṇairhayottamaiḥ / śvetaḥ piśaṅgaḥ sāraṅgo nīlaḥ pīto vilohitaḥ // ### [1.23.83](https://indike.org/pramana/in.purana.brahmanda.1.23.83) kṛṣṇaśca haritaścaiva pṛṣataḥ pṛśrireva ca / daśabhistairmahābhāgairakṛśairvātaraṃhasaiḥ // ### [1.23.84](https://indike.org/pramana/in.purana.brahmanda.1.23.84) aṣṭāśvaḥ kāñcanaḥ śrīmānbhaumasyāpi rathottamaḥ / asaṃgairlohitairaśvaiḥ sarvagairagnisaṃbhavaiḥ // ### [1.23.85](https://indike.org/pramana/in.purana.brahmanda.1.23.85) prasarpati kumāro vai ṛjuvakrānuva kragaiḥ / tataścāṅgiraso vidvāndevācāryo bṛhaspatiḥ // ### [1.23.86](https://indike.org/pramana/in.purana.brahmanda.1.23.86) gaurairaśvaiḥ kāñcanena syandanena prasarpati / abjaistu vājibhirdivyairaṣṭabhirvātaraṃhasaiḥ // ### [1.23.87](https://indike.org/pramana/in.purana.brahmanda.1.23.87) nakṣatre 'bdaṃ sa tiṣṭhanvai saṃvedhāstena gacchati / tataḥ śanaiścaro 'pyaśvaiḥ sabalairvyomasaṃbhavaiḥ // ### [1.23.88](https://indike.org/pramana/in.purana.brahmanda.1.23.88) kārṣṇāyasaṃ samāruhya syandanaṃ yāti vai śanaiḥ / svarbhānośca tathaivāśvāḥ kṛṣṇā hyaṣṭau manojavāḥ // ### [1.23.89](https://indike.org/pramana/in.purana.brahmanda.1.23.89) rathaṃ tamomayaṃ tasya sakṛdyuktā vahaṃ tyuta / ādityānniḥsṛto rāhuḥ somaṃ gacchati parvasu // ### [1.23.89.p1](https://indike.org/pramana/in.purana.brahmanda.1.23.89.p1) ādityameti somaśca punaḥ saureṣu parvasu / ### [1.23.90](https://indike.org/pramana/in.purana.brahmanda.1.23.90) atha keturathasyāśvā aṣṭau vai vātaraṃhasaḥ // ### [1.23.91](https://indike.org/pramana/in.purana.brahmanda.1.23.91) palāladhūmavarṇābhā sabalā rāsabhāruṇāḥ / ete vāhā grahāṇāṃ ca hyupākhyātā rathaiḥ saha // ### [1.23.92](https://indike.org/pramana/in.purana.brahmanda.1.23.92) sarve dhruvaniba ddhāste pravṛddhā vātaraśmibhiḥ / tapante brāmyamāṇāstu yathāyogaṃ bhramanti vai // ### [1.23.93](https://indike.org/pramana/in.purana.brahmanda.1.23.93) vāyavyābhiradṛśyābhiḥ pravṛddhā vātaraśmibhiḥ / paribhramanti tadbraddhāṃścandrasuryagrahā divi // ### [1.23.94](https://indike.org/pramana/in.purana.brahmanda.1.23.94) bhramantamanugachanti dhruvaṃ te jyotiṣāṃ gaṇāḥ / yathā nahyudake naustu salilena saho hyate // ### [1.23.95](https://indike.org/pramana/in.purana.brahmanda.1.23.95) tathā devālayā hyete ūhyante vātaraśmibhiḥ / sarppamāṇā na dṛśyante vyomni devagaṇāstu te // ### [1.23.96](https://indike.org/pramana/in.purana.brahmanda.1.23.96) yāvatyaścaiva tārāśca tāvanto vātaraśmayaḥ / sarvā dhruve nibaddhāśca bhramantyo bhrāmayanti tāḥ // ### [1.23.97](https://indike.org/pramana/in.purana.brahmanda.1.23.97) tailapīḍā yathā cakraṃ bhramanto bhrāmayanti ha / tathā bhramanti jyotīṃṣi vātabaddhāni sarvaśaḥ // ### [1.23.98](https://indike.org/pramana/in.purana.brahmanda.1.23.98) alātacakravadyānti vātacakreritāni tu / yato jyotīṃṣi vahate pravahastena sa smṛtaḥ // ### [1.23.99](https://indike.org/pramana/in.purana.brahmanda.1.23.99) evaṃ dhruvanibaddho 'sau sarpate jyotiṣāṃ gaṇaḥ / saiṣa tārāmayo jñeyaḥ śiśumāro dhruvo divi // ### [1.23.100](https://indike.org/pramana/in.purana.brahmanda.1.23.100) yadahnā kurute pāpaṃ dṛṣṭvā tanniśimuñcate / yāvatyaścaiva tārāstāḥ śiśumārāśritā divi // ### [1.23.101](https://indike.org/pramana/in.purana.brahmanda.1.23.101) tāvantyeva tu varṣāṇi jīvatābhyadhikāni tu / sākāraḥ śiśumāraśca vijñeyaḥ pravibhāgaśaḥ // ### [1.23.102](https://indike.org/pramana/in.purana.brahmanda.1.23.102) auttānapādastasyātha vijñeyo hyattaro hanuḥ / yajñaḥ parastu vijñeyo dharmo marddhānamāśritaḥ // ### [1.23.103](https://indike.org/pramana/in.purana.brahmanda.1.23.103) hṛdi nārāyaṇaḥ sādhyo hyaśvinau pūrvapādayoḥ / varuṇaścāryamā caiva paścime tasya sakthinī // ### [1.23.104](https://indike.org/pramana/in.purana.brahmanda.1.23.104) śiśraṃ saṃvatsarastasya mitro 'pānaṃ samāśritaḥ / pucche 'gniśca mahendraśca mārīcaḥ kaśyapo dhruvaḥ // ### [1.23.105](https://indike.org/pramana/in.purana.brahmanda.1.23.105) tārakāḥ śiśumārasya nāstaṃ yāti catuṣṭayam / nakṣatracandramūryāśca grahāstārāgaṇaiḥ saha // ### [1.23.106](https://indike.org/pramana/in.purana.brahmanda.1.23.106) unmukhā vimukhāḥ sarve vakrībhūtāḥ śritā divi / dhruveṇādhiṣṭhitāścaiva dhruvameva pradakṣiṇam // ### [1.23.107](https://indike.org/pramana/in.purana.brahmanda.1.23.107) pariyāntīśvaraśreṣṭhaṃ meḍhībhūtaṃ druvaṃ divi / agnīndrakaśyapānāṃ tu caramo 'sau dhruvaḥ smṛtaḥ // ### [1.23.108](https://indike.org/pramana/in.purana.brahmanda.1.23.108) eka eva bhramatyeṣa meruparvatamūrddhani / jyotiṣāṃ cakrametaddhi gadā karṣannavāṅmukhaḥ / merumālokayatyeṣa paryante hi pradakṣiṇam // ### [1.23.108.p1](https://indike.org/pramana/in.purana.brahmanda.1.23.108.p1) iti śrībrahmāṇḍe mahādṛvāyuprokte pūrvabhāge dvitīye 'nuṣaṅgapāde dhruvacaryākīrttanaṃ nāma trayoviṃśatitamo 'dhyāyaḥ ## Linked texts (13) - [Vāyupurāṇa](https://indike.org/pramana/in.purana.vayu.1.52.10) — Vyāsa, Sanskrit - [Matsyapurāṇa](https://indike.org/pramana/in.purana.matsya.126.10) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.55.53) — Vyāsa, Sanskrit - [Sāmbapurāṇa](https://indike.org/pramana/in.purana.upa.surya.samba.20.29) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.11.21) — Sanskrit - [Mudgalapurāṇa](https://indike.org/pramana/in.purana.upa.surya.mudgala.2.13.21) — Sanskrit - [Kūrmapurāṇa](https://indike.org/pramana/in.purana.kurma.1.40.20) — Vyāsa, Sanskrit - [Varāhapurāṇa](https://indike.org/pramana/in.purana.varaha.123.25) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.61.53) — Ativīrarāma Pāṇṭiyar 1500, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.18.60) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.18.60) — Basava, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.108.31.p1.33) — Hemādri, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.5.p563) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.brahmanda.1.23](https://indike.org/pramana/in.purana.brahmanda.1.23) · Pramāṇa