[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.24 # Brahmandapurana 1.24 Brahmāṇḍapurāṇa 1.24 - **Language:** Sanskrit ## Contents - [1.24.152](https://indike.org/pramana/in.purana.brahmanda.1.24.152) — 1 part ### [1.24.1](https://indike.org/pramana/in.purana.brahmanda.1.24.1) sūta uvāca etacchrutvā tu sunayaḥ punaste saṃśayānvitāḥ / papracchuruttaraṃ bhūyastadā te romaharṣaṇam // ### [1.24.2](https://indike.org/pramana/in.purana.brahmanda.1.24.2) yadetaduktaṃ bhavatāgṛhāṇītyeva vistṛtam / kathaṃ devagṛhāṇi syuḥ kathaṃ jyotīṃṣivarṇaya // ### [1.24.3](https://indike.org/pramana/in.purana.brahmanda.1.24.3) etatsarvaṃ samācakṣva jyotiṣāṃ caiva nirṇayam / vāyuruvāca śrutvā tu vacanaṃ teṣāṃ tadā sūtaḥ samāhitaḥ // ### [1.24.4](https://indike.org/pramana/in.purana.brahmanda.1.24.4) uvāca paramaṃ vākyaṃ teṣāṃ saṃśayanirṇayam / asminnarthe māhāprājñairyaduktaṃ jñānabuddhibhiḥ // ### [1.24.5](https://indike.org/pramana/in.purana.brahmanda.1.24.5) etadvo 'haṃ pravakṣyāmi sūryācandramasorbhavam / yathā devagṛhāṇīha sūryacandragrahāḥ smṛtāḥ // ### [1.24.6](https://indike.org/pramana/in.purana.brahmanda.1.24.6) tataḥ paraṃ ca trividhasyāgnervakṣye samudbhavam / divyasya bhautikasyāgnerabyoneḥ pārthi vasya tu // ### [1.24.7](https://indike.org/pramana/in.purana.brahmanda.1.24.7) vyuṣṭāyāṃ tu rajanyāṃ vai brahmaṇo 'vyaktajanmanaḥ / avyākṛtamidaṃ tvāsīnnaiśena tamasāvṛtam // ### [1.24.8](https://indike.org/pramana/in.purana.brahmanda.1.24.8) sarvabhūtāvaśiṣṭe 'smiṃlloke naṣṭaviśeṣaṇe / svayaṃbhūrbhagavāṃstatra lokatantrārthasādhakaḥ // ### [1.24.9](https://indike.org/pramana/in.purana.brahmanda.1.24.9) khadyotavatsa vyacaradāvirbhāvacikīrṣayā / so 'gniṃ dṛṣṭvātha lokādau pṛthivījalasaṃśritam // ### [1.24.10](https://indike.org/pramana/in.purana.brahmanda.1.24.10) saṃvṛtya taṃ prakāśārthaṃ tridhā vyamajadīśvaraḥ / pavano yastu loke 'sminpārthivaḥ so 'gnirucyate // ### [1.24.11](https://indike.org/pramana/in.purana.brahmanda.1.24.11) yaścāsau tapate sūrye śuciragnistu sa smṛtaḥ / vaidyuto 'bjastu vijñeyasteṣāṃ vakṣye 'tha lakṣamam // ### [1.24.12](https://indike.org/pramana/in.purana.brahmanda.1.24.12) vaidyuto jāṭharaḥ sauro hyapāṃ garbhāstrayo 'grayaḥ / tasmādapaḥ pibansūryo gobhirdīpyatyasau divi // ### [1.24.13](https://indike.org/pramana/in.purana.brahmanda.1.24.13) vaidyutena samāviṣṭo vārṣyo nādbhiḥ praśāmyati / mānavā nāṃ ca kukṣistho nādbhiḥ śāsyati pāvakaḥ // ### [1.24.14](https://indike.org/pramana/in.purana.brahmanda.1.24.14) tasmātsauro vaidyutaśca jāṭharaścapyanindhanaḥ / kiñcidapsu mataṃ tejaḥ kiñciddṛṣṭamabiṃ dhanam // ### [1.24.15](https://indike.org/pramana/in.purana.brahmanda.1.24.15) kāṣṭhendhanastu nirmathyaḥ so 'dbhiḥ śāmyati pāvakaḥ / arciṣmānpavamāno 'gnirniṣprabho jāṭharaḥ smṛtaḥ // ### [1.24.16](https://indike.org/pramana/in.purana.brahmanda.1.24.16) yaścāyaṃ maṇḍale śuklo nirūṣmā saṃprakāśakaḥ / prabhā saurī tu pādena hyastaṃ yāti devākare // ### [1.24.17](https://indike.org/pramana/in.purana.brahmanda.1.24.17) agnimāviśate rātrau tasmāddūrātprakāśate / udyantaṃ ca punaḥ sūryamauṣṇamayamāgneyamāviśat // ### [1.24.18](https://indike.org/pramana/in.purana.brahmanda.1.24.18) pādena pārthivasyāgnestasmādagnistapatyasau / prākāśyaṃ ca tathauṣṇyaṃ ca saurāgneye tu tejasī // ### [1.24.19](https://indike.org/pramana/in.purana.brahmanda.1.24.19) parasparānupraveśādāpyāyete parasparam / uttare caiva bhūmyarddhe tathā hyagniśca dakṣiṇe // ### [1.24.20](https://indike.org/pramana/in.purana.brahmanda.1.24.20) uttiṣṭhati punaḥ sūrye rātrirāviśate hyapaḥ / tasmāttaptā bhavantyāpo divāratripraveśanāt // ### [1.24.21](https://indike.org/pramana/in.purana.brahmanda.1.24.21) astaṃ yāti puna sūrye aharvai praviśatyapaḥ / tasmānnaktaṃ punaḥ śuklā āpo 'dṛśyanta bhāsvarāḥ // ### [1.24.22](https://indike.org/pramana/in.purana.brahmanda.1.24.22) etena kramayogena bhūmyarddhe dakṣiṇottare / udayāstamane nityamahorātraṃ viśatyapaḥ // ### [1.24.23](https://indike.org/pramana/in.purana.brahmanda.1.24.23) yaścāsau tapate sūryaḥ pibannaṃbho gabhastibhiḥ / pārthivāgnivimiśro 'sau divyaḥ śuciriti smṛtaḥ // ### [1.24.24](https://indike.org/pramana/in.purana.brahmanda.1.24.24) sahasrapādasau vahnirghṛtakuṃbhanibhaḥ śuciḥ / ādatte sa tu nāḍīnāṃ sahasreṇa samantataḥ // ### [1.24.25](https://indike.org/pramana/in.purana.brahmanda.1.24.25) nādeyīścaiva sāmudrīḥ kaupyāścaiva samantataḥ / sthāvarā jaṅgamāścaiva yāśca kulyādikā apaḥ // ### [1.24.26](https://indike.org/pramana/in.purana.brahmanda.1.24.26) tasya raśmisahasraṃ tu śītavarṣoṣṇaniḥstavam / tāsāṃ catuḥśatā nāḍyo varṣante citra mūrttayaḥ // ### [1.24.27](https://indike.org/pramana/in.purana.brahmanda.1.24.27) candanāścaiva sādhyaśca kūtanākūtanāstathā / amṛtā nāmataḥ sarvā raśmayo vṛṣṭisarjanāḥ // ### [1.24.28](https://indike.org/pramana/in.purana.brahmanda.1.24.28) himodgatāśca tābhyo 'nyā raśmayastriśatāḥ punaḥ / dṛśyā meghāśca yāmyaśca hradinyo himasarjanāḥ // ### [1.24.29](https://indike.org/pramana/in.purana.brahmanda.1.24.29) candrāstā nāmataḥ proktā mitābhāstu gabhastayaḥ / śuklāśca kuhakāścaiva gāvo viśvabhṛtastathā // ### [1.24.30](https://indike.org/pramana/in.purana.brahmanda.1.24.30) śuklāstā nāmataḥ sarvastriśatā dharmasarjanāḥ / samaṃ vibhajya nāḍīstu manuṣṭapitṛdevatāḥ // ### [1.24.31](https://indike.org/pramana/in.purana.brahmanda.1.24.31) manuṣyānauṣadheneha svadhayā tu pitṝnapi / amṛtena surānsarvāṃstrīṃstribhistarpayatyasau // ### [1.24.32](https://indike.org/pramana/in.purana.brahmanda.1.24.32) vasaṃte caiva grīṣme ca śataiḥ sa tapati tribhiḥ / varṣāsvatho śaradi vai caturbhiśca pravarṣati // ### [1.24.33](https://indike.org/pramana/in.purana.brahmanda.1.24.33) hemante śiśire caiva hima mutsṛjate tribhiḥ / indro dhātā bhagaḥ pūṣā mitro 'tha varuṇor'yamā // ### [1.24.34](https://indike.org/pramana/in.purana.brahmanda.1.24.34) aṃśurvivasvāstvaṣṭā ca savitā viṣṇureva ca / māghamāse tu varuṇaḥ pūṣā caiva tu phalālgune // ### [1.24.35](https://indike.org/pramana/in.purana.brahmanda.1.24.35) caitre māsi tu detoṃśurdhātā vaiśākhatāpanaḥ / jyeṣṭhamāse bhavedindraścāṣāḍhe savitā raviḥ // ### [1.24.36](https://indike.org/pramana/in.purana.brahmanda.1.24.36) vivasvāñchrāvaṇe māsi proṣṭhe māse bhāgaḥ smṛtaḥ / parjanyo 'śvayuje māsi tvaṣṭā ca kārtike raviḥ // ### [1.24.37](https://indike.org/pramana/in.purana.brahmanda.1.24.37) mārgaśīrṣe bhavenmitraḥ pauṣeviṣṇuḥ sanātanaḥ / pañcaraśmisahasrāṇi varuṇasyārkakarmaṇi // ### [1.24.38](https://indike.org/pramana/in.purana.brahmanda.1.24.38) ṣaḍbhiḥ sahasraiḥ pūṣā tu devo 'śusaptabhistathā / dhātāṣṭabhiḥ sahasraistu navabhistu śatakratuḥ // ### [1.24.39](https://indike.org/pramana/in.purana.brahmanda.1.24.39) savitā daśabhiryāti yātyekādaśabhirbhagaḥ / saptabhistapate sitrastvaṣṭā caivāṣṭabhistapet // ### [1.24.40](https://indike.org/pramana/in.purana.brahmanda.1.24.40) aryamā daśābhiryāti parjanyo navabhistapet / ṣaḍbhī raśmisahasraistu viṣaṇustapati medinīm // ### [1.24.41](https://indike.org/pramana/in.purana.brahmanda.1.24.41) vasaṃte kapilaḥ sūryo grīṣmer'kaḥ kanakaprabhaḥ / śvetavarṇastu varṣāsu pāṇḍuḥ śaradi bhāskaraḥ // ### [1.24.42](https://indike.org/pramana/in.purana.brahmanda.1.24.42) hemante tāmravarṇastu śaiśire lohito raviḥ / iti varṇāḥ samā khyātāḥ sūryasyartusamudbhavāḥ // ### [1.24.43](https://indike.org/pramana/in.purana.brahmanda.1.24.43) auṣadhīṣu balaṃ dhatte svadhayā ca pidṛṣvapi / sūryo 'mareṣvapyamṛtaṃ trayaṃ triṣu na yacchati // ### [1.24.44](https://indike.org/pramana/in.purana.brahmanda.1.24.44) evaṃ raśmisahasraṃ tu sauraṃ lokārthasādhakam / bhidyate ṛtumāsādya jalaśītoṣṇanisravam // ### [1.24.45](https://indike.org/pramana/in.purana.brahmanda.1.24.45) ityetanmaṇḍalaṃ śuklaṃ bhāsvaraṃ sūrya saṃjñitam / nakṣatragrahasomānāṃ pratiṣṭhā yonireva ca // ### [1.24.46](https://indike.org/pramana/in.purana.brahmanda.1.24.46) candraṛkṣagrahāḥ sarve vijñeyāḥ sūryasaṃbhavāḥ / nakṣatrādhipatiḥ somo graha rājo divākaraḥ // ### [1.24.47](https://indike.org/pramana/in.purana.brahmanda.1.24.47) śeṣāḥ pañca grahā jñeyā īśvarāḥ kāmacāriṇaḥ / paṭhyate cāgnirāditya udakaṃ candramāḥ smṛtaḥ // ### [1.24.48](https://indike.org/pramana/in.purana.brahmanda.1.24.48) śeṣāṇā prakṛtīḥ smayagvarṇyamānā nibodhata / surasenāpatiḥ skandaḥ paṭhyate 'ṅgārako grahaḥ // ### [1.24.49](https://indike.org/pramana/in.purana.brahmanda.1.24.49) nārāyaṇaṃ budhaṃ prāhurvedajñānavido budhāḥ / rudro vaivasvataḥ sākṣādyamo lokaprabhuḥ svayam // ### [1.24.50](https://indike.org/pramana/in.purana.brahmanda.1.24.50) mahāgraho dvijaśreṣṭho mandagāmī śanaiśvaraḥ / devāsuragurū dvau tu bhānumantau mahā grahau // ### [1.24.51](https://indike.org/pramana/in.purana.brahmanda.1.24.51) prajāpatisutāvetāvubhau śukrabṛhaspatī / ādityamūlamakhilaṃ trailokyaṃ nātra saṃśayaḥ // ### [1.24.52](https://indike.org/pramana/in.purana.brahmanda.1.24.52) bhavatyasmājjagatkṛtsnaṃ sadevāsuramānuṣam / rudropendrendracandrāṇāṃ viprendrāstridivaukasām // ### [1.24.53](https://indike.org/pramana/in.purana.brahmanda.1.24.53) dyutirdyutimatāṃ kṛtsnaṃ yattejaḥ sārvalaukikam / sarvātmā sarvalokeśo mahādevaḥ prajāpatiḥ // ### [1.24.54](https://indike.org/pramana/in.purana.brahmanda.1.24.54) sūrya eva trilokasya sūlaṃ paramadaivatam / tataḥ saṃjāyate sarvaṃ tatra caiva pralīyate // ### [1.24.55](https://indike.org/pramana/in.purana.brahmanda.1.24.55) bhāvābhāvau hi lokānāmādityānniḥmṛtau purā / jagajjñeyo graho viprā dīptimānsuprabho raviḥ // ### [1.24.56](https://indike.org/pramana/in.purana.brahmanda.1.24.56) atra gacchanti nidhanaṃ jāyante ca punaḥ punaḥ / kṣaṇā muhūrttā divasā niśāḥ pakṣāśca kṛtsnaśaḥ // ### [1.24.57](https://indike.org/pramana/in.purana.brahmanda.1.24.57) māsāḥ saṃvatsarāścaiva ṛtavo 'tha yugāni ca / tadādityādṛte hyeṣā kālaṃsakhyā na vidyate // ### [1.24.58](https://indike.org/pramana/in.purana.brahmanda.1.24.58) kālādṛte na nigamo na dīkṣā nāhnikakramaḥ / ṛtūnāmavibhāgācca puṣpamūlaphalaṃ kutaḥ // ### [1.24.59](https://indike.org/pramana/in.purana.brahmanda.1.24.59) kutaḥ sasyaviniṣpattistṛṇauṣadhigaṇo 'pi vā / abhāvo vyavahārāṇāṃ jantūnāṃ divi caiha ca // ### [1.24.60](https://indike.org/pramana/in.purana.brahmanda.1.24.60) jagatpratāpanamṛte bhāskaraṃ vāritaskaram / sa eṣa kālaścāgniśca dvādaśātmā prajāpatiḥ // ### [1.24.61](https://indike.org/pramana/in.purana.brahmanda.1.24.61) tapatyeṣa dvijaśreṣṭhāstrailokyaṃ sacarācaram / sa eṣa tecasāṃ rāśistamo ghransārvalaukikam // ### [1.24.62](https://indike.org/pramana/in.purana.brahmanda.1.24.62) uttamaṃ mārgamāsthāya vāyorbhābhiridaṃ jagat / pārśvamūrdhvamadhaścaiva tāpayatyeṣa sarvaśaḥ // ### [1.24.63](https://indike.org/pramana/in.purana.brahmanda.1.24.63) yathā prabhākaro dīpogṛhamadhye 'valaṃbitaḥ / pārśvamūrdhvamadhaścaiva tamo nāśayate samam // ### [1.24.64](https://indike.org/pramana/in.purana.brahmanda.1.24.64) tadvatsahasrakiraṇo graharājo jagatpatiḥ / sūryo gobhirjagatsarvamādīpayati sarvataḥ // ### [1.24.65](https://indike.org/pramana/in.purana.brahmanda.1.24.65) rave raśmisahasraṃ yatprāṅmayā samudātdṛtam / teṣāṃ śreṣṭhāḥ punaḥ sapta raśmayo grahayo nayaḥ // ### [1.24.66](https://indike.org/pramana/in.purana.brahmanda.1.24.66) suṣumṇo harikeśaśca viśvakarmā tathaiva ca / viśvaśravāḥ punaścānyaḥ saṃpadvasurataḥ paraḥ // ### [1.24.67](https://indike.org/pramana/in.purana.brahmanda.1.24.67) arvāvasuḥ punaścānyaḥ svarāḍanyaḥ prakīrttitaḥ / suṣumṇaḥ sūryaraśmistu kṣīṇa śaśinamedhayet // ### [1.24.68](https://indike.org/pramana/in.purana.brahmanda.1.24.68) tiryagūrdhvapracāro 'sau suṣumṇaḥ parikīrttitaḥ / hari keśaḥ purastādya ṛkṣayoniḥ sa kītyate // ### [1.24.69](https://indike.org/pramana/in.purana.brahmanda.1.24.69) dakṣiṇe viśvakarmā tu raśminvarddhayate vudham / viśvaśravāstu yaḥ paścacchukrayoniḥ smṛto budhaiḥ // ### [1.24.70](https://indike.org/pramana/in.purana.brahmanda.1.24.70) saṃpadvasustu yo raśmiḥ sa yonirlohitasya tu / ṣaṣṭhastvarvvāvasū raśmiryonistu sa bṛhaspateḥ // ### [1.24.71](https://indike.org/pramana/in.purana.brahmanda.1.24.71) śanaiścaraṃpuna ścāpi raśmirāpyāyate svarāṭ / evaṃ sūryaprabhāveṇa grahanakṣatratārakāḥ // ### [1.24.72](https://indike.org/pramana/in.purana.brahmanda.1.24.72) vartnte divi tāḥ sarvā viśvaṃ caidaṃ punarjagat / nakṣīyante yatastāni tasmānnakṣatrasaṃjñitāḥ // ### [1.24.73](https://indike.org/pramana/in.purana.brahmanda.1.24.73) kṣetrāṇyetāni vai pūrvamāpatanti gabhastibhiḥ / teṣāṃ kṣetrāṇyathādatte sūryo nakṣatrakārakāḥ // ### [1.24.74](https://indike.org/pramana/in.purana.brahmanda.1.24.74) tīrṇānāṃ sukṛteneha sukṛtānte grahāśrayāt / tāraṇāttārakā hyetāḥ śuklatvāccaiva tārakāḥ // ### [1.24.75](https://indike.org/pramana/in.purana.brahmanda.1.24.75) divyānāṃ pārthivānāṃ ca naiśānāṃ caiva sarvaśaḥ / ādānānnityamādityastejasā tapasāmapi // ### [1.24.76](https://indike.org/pramana/in.purana.brahmanda.1.24.76) svanaṃ syandanārthe cu dhātureṣu vibhāvyate / svanāttejaso 'pāṃ ca tenāsau savitā mataḥ // ### [1.24.77](https://indike.org/pramana/in.purana.brahmanda.1.24.77) bahvarthaścadirityeṣa hlādane dhāturucyate / śuklatve cāmṛtatve ca śītatve ca vibhāvyate // ### [1.24.78](https://indike.org/pramana/in.purana.brahmanda.1.24.78) sūryācandramaso rdivye maṇḍale bhāsvare khage / jalatecaumaye śukle vṛttakuṃbhanibhe śubhe // ### [1.24.79](https://indike.org/pramana/in.purana.brahmanda.1.24.79) ghanatoyātmakaṃ tatra maṇḍalaṃ śaśinaḥ smṛtam / ghanatejomayaṃ śuklaṃ maṇḍalaṃ bhāskarasya tu // ### [1.24.80](https://indike.org/pramana/in.purana.brahmanda.1.24.80) viśanti sarvadevāstu sthānānyetāni sarvaśaḥ / manvantareṣu sarveṣu ṛkṣasūryagrahāśrayāḥ // ### [1.24.81](https://indike.org/pramana/in.purana.brahmanda.1.24.81) tāni devagṛhāṇyeva tadākhyāste bhavanti ca / sauraṃ sūryo viśetsthānaṃ saumyaṃ somastathaiva ca // ### [1.24.82](https://indike.org/pramana/in.purana.brahmanda.1.24.82) śaukraṃ śukro viśetsthānaṃ ṣoḍa śārciḥ prabhāsvaram / jaivaṃ bṛhaspatiścaiva lauhitaṃ caiva lohitaḥ // ### [1.24.83](https://indike.org/pramana/in.purana.brahmanda.1.24.83) śanaiścaro rviśetsthānaṃ devaḥ śānaiscaraṃ tathā / baudhaṃ budho 'tha svarbhānuḥ svarbhānusthānamāsthitaḥ // ### [1.24.84](https://indike.org/pramana/in.purana.brahmanda.1.24.84) nakṣatrāṇi ca sarvāṇi nakṣatrāṇi viśantyuta / gṛhāṇyetāni sarvāṇi jyotīṃṣi sukṛtātma nām // ### [1.24.85](https://indike.org/pramana/in.purana.brahmanda.1.24.85) kalpādau saṃpravṛttāni nirmitāni svayaṃbhuvā / sthānānyetāni tiṣṭhanti yāvadātrūtasaṃplavam // ### [1.24.86](https://indike.org/pramana/in.purana.brahmanda.1.24.86) manvantareṣu sarveṣu devasthānāni tāni vai / abhimānino 'vatiṣṭhante devasthānāni vai punaḥ // ### [1.24.87](https://indike.org/pramana/in.purana.brahmanda.1.24.87) atītaistu sahātītā bhāvyā bhāvyaiḥ suraiḥ saha / varttante varttamānaiśca sthānibhistaiḥ suraiḥ saha / asminmanvantare caiva grahā vaitānikāḥ smṛtāḥ // ### [1.24.88](https://indike.org/pramana/in.purana.brahmanda.1.24.88) vivasvānaditeḥ putraḥ sūryo vaivasvate 'ntare / tviṣināmā dharmasutaḥ somo devo vasuḥ smṛtaḥ // ### [1.24.89](https://indike.org/pramana/in.purana.brahmanda.1.24.89) śukro devastu vijñeyo bhārgavo 'surayājakaḥ / bṛhattejāḥ smṛto devo devācāryo 'gi rassutaḥ // ### [1.24.90](https://indike.org/pramana/in.purana.brahmanda.1.24.90) budho manoharaścaiva tviṣiputrastu sa smṛtaḥ / śanaiścaro virūpastu saṃjñāputro vivasvataḥ // ### [1.24.91](https://indike.org/pramana/in.purana.brahmanda.1.24.91) agnervikeśyāṃ jajñe tu yuvāsau lohitādhipaḥ / nakṣatrāṇyṛkṣanāmāno dākṣāyaṇyastu tāḥ smṛtāḥ // ### [1.24.92](https://indike.org/pramana/in.purana.brahmanda.1.24.92) svarbhānuḥ siṃhikāputro bhūtasaṃtāpano 'suraḥ / somarkṣagrahasūryeṣu kīrttitā hyabhimāninaḥ // ### [1.24.93](https://indike.org/pramana/in.purana.brahmanda.1.24.93) sthānānyetāni coktāni sthāninaścātha devatāḥ / śuklamagnimayaṃ sthānaṃ sahasrāṃśorvivasvataḥ // ### [1.24.94](https://indike.org/pramana/in.purana.brahmanda.1.24.94) sahasrāṃśostviṣeḥ sthānamammayaṃ śuklameva ca / āpyaṃ śyāmaṃ manojñasya pañcaraśmergṛhaṃ smṛtam // ### [1.24.95](https://indike.org/pramana/in.purana.brahmanda.1.24.95) śukrasyāpyammayaṃ śuklaṃ padmaṃ ṣauḍaḥśaraśmiṣu / navaraśmestu bhaumasya lauhitaṃ sthānamammayam // ### [1.24.96](https://indike.org/pramana/in.purana.brahmanda.1.24.96) haridāpyaṃ bṛhatsthānaṃ dvādaśāṃśairbṛhaspateḥ / aṣṛ raśmigṛhaṃ proktaṃ kṛṣṇaṃ mandasya cāmmayam // ### [1.24.97](https://indike.org/pramana/in.purana.brahmanda.1.24.97) svarbhānostāmasaṃ sthānaṃ bhūtasaṃtāpanālayam / vijñeyāstārakāḥ sarvā ammayāsttve karaśmayaḥ // ### [1.24.98](https://indike.org/pramana/in.purana.brahmanda.1.24.98) āśrayāḥ puṇyakīrtīnāṃ suśuklāścāpi varṇataḥ / ghanatoyātmikā jñeyāḥ kalpādāveva nirmitāḥ // ### [1.24.99](https://indike.org/pramana/in.purana.brahmanda.1.24.99) ādityaraśmisaṃyogātsaṃprakāśātmikāḥ smṛtāḥ / navayojanasāhasro viṣkaṃbhaḥ savituḥ smṛtaḥ // ### [1.24.100](https://indike.org/pramana/in.purana.brahmanda.1.24.100) triguṇāstasya vistāro maṇḍalasya pramāṇataḥ / dviguṇaḥ sūryavistārādvistāraḥ śaśinaḥ smṛtaḥ // ### [1.24.101](https://indike.org/pramana/in.purana.brahmanda.1.24.101) tulyastayostu svarbhānurbhūtvādhastātprasarpati / uddhṛtya pṛthivīchāyāṃ nirmito maṇḍalākṛtiḥ // ### [1.24.102](https://indike.org/pramana/in.purana.brahmanda.1.24.102) svarbhānostu bṛhatsthānaṃ tṛtīyaṃ yattamomayam / ādityāttacca niṣkramya somaṃ gacchati parvasu // ### [1.24.103](https://indike.org/pramana/in.purana.brahmanda.1.24.103) ādityameti somācca punaḥ saureṣu parvasu / svarbhāsā nudate yasmāttasmātsvarbhānurucyate // ### [1.24.104](https://indike.org/pramana/in.purana.brahmanda.1.24.104) candrasya ṣoḍaśo bhāgo bhārgavastu vidhīyate / viṣkaṃbhānmaṇḍalāccaiva yojanāgrātpramāṇataḥ // ### [1.24.105](https://indike.org/pramana/in.purana.brahmanda.1.24.105) bhārgavātpādahīnastu vijñeyo vai bṛhaspatiḥ / bṛhaspateḥ pāda hīnau bhaumasaurāvubhau smṛtau // ### [1.24.106](https://indike.org/pramana/in.purana.brahmanda.1.24.106) vistārānmaṇḍalāccaiva pādahīnastayorbudhaḥ / tārānakṣatrarūpāṇi vapuṣmanti ca yāni vai // ### [1.24.107](https://indike.org/pramana/in.purana.brahmanda.1.24.107) budhena samarūpāṇi vistārānmaṇḍalācca vai / prāyaśaścandrayogīni vidyādṛkṣāṇi tattvavit // ### [1.24.108](https://indike.org/pramana/in.purana.brahmanda.1.24.108) tārānakṣatrarūpāṇi hīnāni tu parasparāt / śatāni pañca catvāri trīṇi dve caiva yojane // ### [1.24.109](https://indike.org/pramana/in.purana.brahmanda.1.24.109) pūrvāparanikṛṣṭāni tārakāmaṇḍalāni ca / yojanādyarddhamātrāṇi tebhyo hrasvaṃ na vidyate // ### [1.24.110](https://indike.org/pramana/in.purana.brahmanda.1.24.110) upariṣṭāttrayasteṣāṃ grahā ye dūrasarpiṇaḥ / sauroṅgirāśca vakraśca jñeyā mandavicāriṇaḥ // ### [1.24.111](https://indike.org/pramana/in.purana.brahmanda.1.24.111) tebhyo 'dha stāttu catvāraḥ punareva mahāgrahāḥ / sūryasomau budhaścaiva bhārgavaścaiva śīghragāḥ // ### [1.24.112](https://indike.org/pramana/in.purana.brahmanda.1.24.112) tāvatyastārakākoṭyo yāvadṛkṣāṇi sarvaśaḥ / vidhinā niyamāccaiṣāmṛkṣacaryā vyavasthitā // ### [1.24.113](https://indike.org/pramana/in.purana.brahmanda.1.24.113) gatistāsu ca sūryasya nīcaucce tvayanakramāt / uttarāyaṇamārgastho yadā parvasu candramāḥ // ### [1.24.114](https://indike.org/pramana/in.purana.brahmanda.1.24.114) uccatvāddṛśyate śīghraṃ nītivyaktairgabhastibhiḥ / tadā dakṣiṇamārgasyo nīyāṃ vithīmupāśritaḥ // ### [1.24.115](https://indike.org/pramana/in.purana.brahmanda.1.24.115) bhūmi lekhāvṛtaḥ sūryaḥ pūrṇāmāvāsyayoḥ sadā / na dṛśyate yathākālaṃ śīghramastamupaiti ca // ### [1.24.116](https://indike.org/pramana/in.purana.brahmanda.1.24.116) tasmāduttaramārgastho hyamāvasyāṃ niśākaraḥ / dṛśyate dakṣiṇe mārge niyamāddṛśyate na ca // ### [1.24.117](https://indike.org/pramana/in.purana.brahmanda.1.24.117) jyotiṣāṃ gatiyogena sūryācandramasāvṛtaḥ / samānakālāstamayau viṣuvatsu samodayau // ### [1.24.118](https://indike.org/pramana/in.purana.brahmanda.1.24.118) uttarāsu ca vīthīṣu vyantarāstamanodayau / pūrṇāmavāsyayorjñoyau jyotiścakrānuvartinau // ### [1.24.119](https://indike.org/pramana/in.purana.brahmanda.1.24.119) dakṣiṇāyanamārgastho yadā carati raśmivān / tadā sarvagrahāṇāṃ ca sūryo 'dhastātprasarpati // ### [1.24.120](https://indike.org/pramana/in.purana.brahmanda.1.24.120) vistīrṇa maṇḍalaṃ kṛtvā tasyorddhva carate śaśī / nakṣatramaṇḍalaṃ kṛtsnaṃ somādūrddhva prasarpati // ### [1.24.121](https://indike.org/pramana/in.purana.brahmanda.1.24.121) nakṣatrebhyo budhaścorddhra budhādūrddhvaṃ tu bhārgavaḥ / vakrastu bhārgavādūrddhva vakrādūrddhvaṃ bṛhaspatiḥ // ### [1.24.122](https://indike.org/pramana/in.purana.brahmanda.1.24.122) tasmācchanaiścaraścorddhvaṃ tasmātsaptarṣimaṇḍalam / ṛṣīṇāṃ cāpi saptānāṃ dhruva ūrddhvaṃ vyavasthitaḥ // ### [1.24.123](https://indike.org/pramana/in.purana.brahmanda.1.24.123) dviguṇeṣu sahasreṣu yojanānāṃ śateṣu ca / tārāgrahāntarāṇi syurupariṣṭādyathākramam // ### [1.24.124](https://indike.org/pramana/in.purana.brahmanda.1.24.124) grahāśca candrasūryauṃ ca divi divyena teja sā / nityamṛkṣeṣu yujyante gacchanto niyatāḥ kramāt // ### [1.24.125](https://indike.org/pramana/in.purana.brahmanda.1.24.125) grahanakṣatrasūryāstu nīcoccamṛjavastathā / samāgame ca bhede ca paśyanti yugapatprajāḥ // ### [1.24.126](https://indike.org/pramana/in.purana.brahmanda.1.24.126) parasparasthitā hyete yujyante ca parasparam / asaṃkareṇa vijñeyasteṣāṃ yogastu vai budhaiḥ // ### [1.24.127](https://indike.org/pramana/in.purana.brahmanda.1.24.127) ityevaṃ sanniveśo vai vṛthivyā jyautiṣasya ca / dvipānāmudadhīnāṃ ca parvatānāṃ tthaiva ca // ### [1.24.128](https://indike.org/pramana/in.purana.brahmanda.1.24.128) varṣāṇāṃ ca nadīnāṃ ca ye ca teṣu vasaṃti vai / eteṣveva grahāḥ sarve nakṣatreṣu samutthitāḥ // ### [1.24.129](https://indike.org/pramana/in.purana.brahmanda.1.24.129) vivasvānaditeḥ putraḥ sūryo vai cākṣuṣeṃ'tare / viśākhāsu samutpanno grahāṇāṃ prathamo grahaḥ // ### [1.24.130](https://indike.org/pramana/in.purana.brahmanda.1.24.130) tviṣimān dharmaputrastu somo devo vasossutaḥ / śītaraśmiḥ samutpannaḥ kṛttikāsu niśākaraḥ // ### [1.24.131](https://indike.org/pramana/in.purana.brahmanda.1.24.131) ṣoḍaśārcirbhṛgoḥ putraḥ śukraḥ sūryādanantaram / tārāgrahāṇāṃ pravarastiṣyaṛkṣe samutthitaḥ // ### [1.24.132](https://indike.org/pramana/in.purana.brahmanda.1.24.132) grahaścāṅgirasaḥ putro dvādaśārcirbṛhaspatiḥ / phālgunīṣu samutpannaḥ pūrvāsu ca jagadguruḥ // ### [1.24.133](https://indike.org/pramana/in.purana.brahmanda.1.24.133) navārcirlohitāṅgaśca prajāpatisuto grahaḥ / āṣāḍhāsviha pūrvāsu samutpanna iti śrutiḥ // ### [1.24.134](https://indike.org/pramana/in.purana.brahmanda.1.24.134) revatīṣveva saptārcistathā sauriḥ śanaiścaraḥ / saumyo budho dhaniṣṭhāsu pañcārcirudito grahaḥ // ### [1.24.135](https://indike.org/pramana/in.purana.brahmanda.1.24.135) tamomayo mṛtyusutaḥ prajākṣayakaraḥ śikhī / ārśleṣāsu samutpannaḥ sarvahārī mahāgrahaḥ // ### [1.24.136](https://indike.org/pramana/in.purana.brahmanda.1.24.136) tathā svanāmadheyeṣu dākṣāyaṇyaḥ samuchritāḥ / tamovīryamayo rāhuḥ prakṛtyā kṛṣṇamaṇḍalaḥ // ### [1.24.137](https://indike.org/pramana/in.purana.brahmanda.1.24.137) bharaṇīṣu samutpanno grahaścandrārkamarddanaḥ / ete tārā grahāścāpi boddhavyā bhārgavādayaḥ // ### [1.24.138](https://indike.org/pramana/in.purana.brahmanda.1.24.138) janmanakṣatrapīḍāsu yānti vaiguṇyatāṃ yataḥ / spṛśyante tena doṣeṇa tatastadgrahabhaktitaḥ // ### [1.24.139](https://indike.org/pramana/in.purana.brahmanda.1.24.139) sarvagrahāṇāmeteṣāmādirāditya ucyate / tārāgrahāṇāṃ śukrastu ketūnāmapi dhūmavān // ### [1.24.140](https://indike.org/pramana/in.purana.brahmanda.1.24.140) dhruvaḥ kīlo grahāṇāṃ tu vibhaktānāṃ caturddiśam / nakṣatrāṇāṃ śraviṣṭhā syādayanānāṃ tathottaram // ### [1.24.141](https://indike.org/pramana/in.purana.brahmanda.1.24.141) varṣāṇāṃ cāpi pañcānāmādyaḥ saṃvatsaraḥ smṛtaḥ / ṛtūnāṃ śiśiraścāpi māsānāṃ māgha eva ca // ### [1.24.142](https://indike.org/pramana/in.purana.brahmanda.1.24.142) pakṣāṇāṃ śuklapakṣaśca tithīnāṃ pratipattathā / ahorātravibhāgānāmahaścāpi prakīrtitam // ### [1.24.143](https://indike.org/pramana/in.purana.brahmanda.1.24.143) muhūrttānāṃ tathaivādirmuhūrtto rudradaivataḥ / kṣaṇaścāpi nimeṣādiḥ kālaḥ kālavidāṃ varāḥ // ### [1.24.144](https://indike.org/pramana/in.purana.brahmanda.1.24.144) śravaṇāntaṃ dhaniṣṭhādi yugaṃ syātpañcavārṣikam / bhānorgativiśeṣeṇa cakravatparivarttate // ### [1.24.145](https://indike.org/pramana/in.purana.brahmanda.1.24.145) divākaraḥ smṛtastasmātkālastadvidbhirīśvaraḥ / caturvidhānāṃ bhūtānāṃ pravarttakanivarttakaḥ // ### [1.24.146](https://indike.org/pramana/in.purana.brahmanda.1.24.146) tasyāpi bhagavānrudraḥ sākṣāddevaḥ pravarttakaḥ / ityeṣa jyotiṣāmeva saṃniveśor'thaniścayāt // ### [1.24.147](https://indike.org/pramana/in.purana.brahmanda.1.24.147) lokasaṃvyavahārārtha mīśvareṇa vinirmitaḥ / uttarāśravaṇenāsau saṃkṣiptaśca dhruve tathā // ### [1.24.148](https://indike.org/pramana/in.purana.brahmanda.1.24.148) sarvatasteṣu vistīrṇo vṛttākāra iva sthitaḥ / buddhibūrvaṃ bhāgavatā kalpadau saṃpravarttitaḥ // ### [1.24.149](https://indike.org/pramana/in.purana.brahmanda.1.24.149) sāśrayaḥ so 'bhimānī ca sarvasya jyotiṣātmakaḥ / vaiśvarūpapradhānasya pariṇāmo 'yamadbhutaḥ // ### [1.24.150](https://indike.org/pramana/in.purana.brahmanda.1.24.150) naitacchakyaṃ prasaṃkhyātuṃ yāthātathyena kenacit / gatāgataṃ manuṣyeṇa jyotiṣāṃ sāṃsacakṣuṣā // ### [1.24.151](https://indike.org/pramana/in.purana.brahmanda.1.24.151) āgamādanumā nācca pratyakṣadupapattitaḥ / parikṣya nipuṇaṃ buddhyā śraddhātavyaṃ vipaścitā // ### [1.24.152](https://indike.org/pramana/in.purana.brahmanda.1.24.152) cakṣuḥ śāstraṃ jalaṃ lekhyaṃ gaṇitaṃ buddhivittamāḥ / pañcaite hetavo viprā jyotirgaṇavivecane // ### [1.24.152.p1](https://indike.org/pramana/in.purana.brahmanda.1.24.152.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde jyotiṣāṃ sanniveśaṃnaṃ nāma caturviṃśatitamo 'dhyāyaḥ ## Linked texts (6) - [Liṅgapurāṇa](https://indike.org/pramana/in.purana.linga.1.59.1) — Vyāsa, Sanskrit - [Vāyupurāṇa](https://indike.org/pramana/in.purana.vayu.1.53.2) — Vyāsa, Sanskrit - [Matsyapurāṇa](https://indike.org/pramana/in.purana.matsya.128.3) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.41.12) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.12.35) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.65.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.1.24](https://indike.org/pramana/in.purana.brahmanda.1.24) · Pramāṇa