[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.25 # Brahmandapurana 1.25 Brahmāṇḍapurāṇa 1.25 - **Language:** Sanskrit ## Contents - [1.25.117](https://indike.org/pramana/in.purana.brahmanda.1.25.117) — 1 part ### [1.25.1](https://indike.org/pramana/in.purana.brahmanda.1.25.1) sūta uvāca etadukvā mahābuddhirvāyurllokahite rataḥ / jjāpa japyaṃ bhagavānmadhyaṃ prāpte divākare // ### [1.25.2](https://indike.org/pramana/in.purana.brahmanda.1.25.2) ṛṣayaścāpi te sarve ye tatrāsansamāgatāḥ / te sarve niyatātmānastasthuḥ prāñjalayastathā // ### [1.25.3](https://indike.org/pramana/in.purana.brahmanda.1.25.3) ya ijyo niyamasyānte prāṇināṃ jīvanaḥ prabhuḥ / nīlakaṇṭha namaste 'stu ityuvāca sadāgatiḥ // ### [1.25.4](https://indike.org/pramana/in.purana.brahmanda.1.25.4) śrutvā tu bhāvitātmāno munayaḥ śaṃsitavratāḥ / vālakhilyeti vikhyātāḥ pataṅgasahacāriṇaḥ // ### [1.25.5](https://indike.org/pramana/in.purana.brahmanda.1.25.5) aṣṭāśītisahasrāmi ṛṣīṇāmūrdhvaretasām / te sma pṛcchanti vāyu ca vāyuparṇāṃbu bhojanāḥ // ### [1.25.6](https://indike.org/pramana/in.purana.brahmanda.1.25.6) nīlakaṇṭheti yatproktaṃ tvayā pavanasattama / etadguhyaṃ pavitrāṇāṃ puṣṇaṃ puṇyavidāṃ varaḥ // ### [1.25.7](https://indike.org/pramana/in.purana.brahmanda.1.25.7) tadvayaṃ śrotumicchāma stanno nigada sattama / tatsarva śrotumicchāmastvatprasādātprabhañjana // ### [1.25.8](https://indike.org/pramana/in.purana.brahmanda.1.25.8) nīlatā yena kaṇṭhasya kāraṇenāṃvikāpateḥ / śrotumicchāmahe deva tava vaktrādviśeṣataḥ // ### [1.25.9](https://indike.org/pramana/in.purana.brahmanda.1.25.9) yāvadvācaḥ pravarttante sarvāstāḥ preritastvayā / varṇasthānagate vāyo vāgvidhiḥ saṃpravarttate // ### [1.25.10](https://indike.org/pramana/in.purana.brahmanda.1.25.10) jñāna pūrvamathotsāhastvatto vāyo pravarttate / tvayi niṣpūyamāne tu śeṣā varṇapravṛttayaḥ // ### [1.25.11](https://indike.org/pramana/in.purana.brahmanda.1.25.11) yatra vāco nivarttante dehavarṇāśca durlabhāḥ / tvatto hi varṇasadbhāvaḥ sarvagastvaṃ sadānila // ### [1.25.12](https://indike.org/pramana/in.purana.brahmanda.1.25.12) nānyaḥ sarvagato devastvadṛte 'sti samīraṇa / eṣa vai jīvalokaste pratyakṣaḥ sarvato 'nila // ### [1.25.13](https://indike.org/pramana/in.purana.brahmanda.1.25.13) vettha vācaspatiṃ devaṃ manonāyakamīśvaram / brūhi tatkaṇṭhadeśe tu kiṃ kṛtvā rūpavikriyā // ### [1.25.14](https://indike.org/pramana/in.purana.brahmanda.1.25.14) vacaḥ śrutvā tatasteṣāṃ munīnāṃ bhāvitātmanāma / pratyuvāca mahātejā vāyurllokanamaskṛtaḥ // ### [1.25.15](https://indike.org/pramana/in.purana.brahmanda.1.25.15) purā kṛtayuge vipro vedanirṇayatatparaḥ / vasiṣṭho nāma dharmātmā mānaso vai prajāpatiḥ // ### [1.25.16](https://indike.org/pramana/in.purana.brahmanda.1.25.16) papraccha kārttikeyaṃ vai mayūravaravāhanam / mahiṣāsuranārīṇāṃ nayanāñjanataskaram // ### [1.25.17](https://indike.org/pramana/in.purana.brahmanda.1.25.17) mahāsenaṃ mahātmanaṃ meghastanitanisvanam / umāmanaḥ praharṣāṇāṃ bārakacchadmarūpiṇam // ### [1.25.18](https://indike.org/pramana/in.purana.brahmanda.1.25.18) kraiñcajīvitahartāraṃ gaurīhṛdayanandanam / yadetaddṛśyate varya śubhraṃ śubhrāñjanopamam // ### [1.25.19](https://indike.org/pramana/in.purana.brahmanda.1.25.19) tatkimarthaṃ samutpannaṃ kaṇṭhe kaṇṭhekundendusaprabhe / etaddīptāṃya dāntāya bhaktāya brūhi pṛcchate // ### [1.25.20](https://indike.org/pramana/in.purana.brahmanda.1.25.20) kathāṃ maṅgalasaṃyuktāṃ pavitrāṃ pāpanāśinīm / matpriyārthaṃmahābhāga vaktumarhasyaśeṣataḥ // ### [1.25.21](https://indike.org/pramana/in.purana.brahmanda.1.25.21) śrutvā vākyaṃ tatastasya vasiṣṭhasya mahātmanaḥ / pratyuvāca mahātejā devāribalasūdanaḥ // ### [1.25.22](https://indike.org/pramana/in.purana.brahmanda.1.25.22) śṛṇuṣva vadatāṃ śreṣṭakathyamānaṃ vaco mama / umotsaṃgopaviṣṭena yathāpūrvaṃ mayā śrutam // ### [1.25.23](https://indike.org/pramana/in.purana.brahmanda.1.25.23) pārvatyā saha saṃvādaḥ śarvasya ca mahātmanaḥ / tamahaṃ saṃpravakṣyāmi tvatpriyārthaṃ mahāmune // ### [1.25.24](https://indike.org/pramana/in.purana.brahmanda.1.25.24) kailāsaśikhare ramye nānādhātuvicitrite / taruṇādityasaṃkāśe taptacāmīkaraprabhe // ### [1.25.25](https://indike.org/pramana/in.purana.brahmanda.1.25.25) vajrasphaṭikasopāne citrapādaśilātale / jāṃbūnadamaye divye nānādhātu vicitrite // ### [1.25.26](https://indike.org/pramana/in.purana.brahmanda.1.25.26) nānādrumalatākīrṇe nānāpuṣpaphalopage / haṃsakāraṇḍavākīrṇe cakravākopaśobhite // ### [1.25.27](https://indike.org/pramana/in.purana.brahmanda.1.25.27) ṣaṭpadodgītabahule dhārāsaṃpātanādite / mattakraiñcamayūrāṇāṃ nādairvikruṣṭakandare // ### [1.25.28](https://indike.org/pramana/in.purana.brahmanda.1.25.28) apsarogaṇasaṃkīrṇe kinnarairupaśobhite / jīvaṃ jīvakajātīnāṃ virāvairupakūjite // ### [1.25.29](https://indike.org/pramana/in.purana.brahmanda.1.25.29) kokilārāvabahule siddhacāraṇasevite / saurabheyaninādāḍhyaṃ meghastanitanisvane // ### [1.25.30](https://indike.org/pramana/in.purana.brahmanda.1.25.30) vināyakabhayodvignakuṃ jarairmuktakandaraiḥ / vīṇāvāditranirgheṣaiḥ śrotrendriyamanoramaiḥ // ### [1.25.31](https://indike.org/pramana/in.purana.brahmanda.1.25.31) dolālaṃbitasaṃghāte vanitāsaṃghasevite / dhvajālaṃbitadolānāṃ ghaṇṭānāṃ ninadākule // ### [1.25.32](https://indike.org/pramana/in.purana.brahmanda.1.25.32) vallakīveṇubahule triṃśadbarhiṇasaṃkule / mukhamarddalavāditrairvalitāsphoṭitaistathā // ### [1.25.33](https://indike.org/pramana/in.purana.brahmanda.1.25.33) krīḍāvegavivādānāṃ nirghoṣaiḥ pūrṇakandare / haṃsaiḥ parāvataiścaiva bakarājaiḥ sukhasthite // ### [1.25.34](https://indike.org/pramana/in.purana.brahmanda.1.25.34) dehabandhairvicitraiścaprakrīḍitagaṇeśvare / siṃhavyāghramukhairghoravāśitaiścaṇḍavegitaiḥ // ### [1.25.35](https://indike.org/pramana/in.purana.brahmanda.1.25.35) mṛgamaṣamukhaiścānyairgajavājimukhaistathā / biḍālavadanaiścograiḥ kroṣṭukākārasūrttibhiḥ // ### [1.25.36](https://indike.org/pramana/in.purana.brahmanda.1.25.36) hrasvairdīrghaiśca sukṛśairlaṃbodaramahīdaraiḥ / hrasvajaṅghaiḥ praleboṣṭhaistālajaṅghaistathāparaiḥ // ### [1.25.37](https://indike.org/pramana/in.purana.brahmanda.1.25.37) gokarṇairekakarṇaiśca mahākarṇairakarṇakaiḥ / bahupādairmahāpādairekapādairapādakaiḥ // ### [1.25.38](https://indike.org/pramana/in.purana.brahmanda.1.25.38) bahunetrairmahānetrairekanetrairanetrakaiḥ / ekadaṃṣṭrairmahādaṃṣṭrairbahudaṃṣṭrairadaṃṣṭrakaiḥ // ### [1.25.39](https://indike.org/pramana/in.purana.brahmanda.1.25.39) ekaśīrṣairmahāśīrṣabahuśīrṣairaśīrṣakaiḥ / ekajihvairmahājihvairbahujihvairajihvakaiḥ / evaṃrūpairmahāyogaibhūtarbhūtapatirvṛtaḥ // ### [1.25.40](https://indike.org/pramana/in.purana.brahmanda.1.25.40) viśuddhamuktāmaṇiratnabhūṣite śilātale svarṇamaye suramyake / sukhopaviṣṭaṃ madanāganāśanaṃ provāca vākyaṃ girirājaputrī // ### [1.25.41](https://indike.org/pramana/in.purana.brahmanda.1.25.41) bhagavanbhūtabhavyeśa govṛṣāṅkitaśāsana / tava kaṇṭhe mahādeva bhrājateṃbudasannibham // ### [1.25.42](https://indike.org/pramana/in.purana.brahmanda.1.25.42) nātyulbaṇaṃ śubhaṃśubhre nīlābujacayopamam / kimidaṃ dīpyate deva kaṇṭhe kāmāṅganāśana // ### [1.25.43](https://indike.org/pramana/in.purana.brahmanda.1.25.43) ko hetuḥ kāraṇaṃ kiṃ vā kaṇṭhe nīlasttvamīśvara / etatsarvaṃ yathānyāyaṃ būhi kautūhalaṃ hi me // ### [1.25.44](https://indike.org/pramana/in.purana.brahmanda.1.25.44) śrutvā vākyaṃ tatastasyāḥ pārvatyāḥ pāvatīpriyaḥ / kathāṃ maṅgalasaṃyuktāṃ kathayāmāsa śaṅkaraḥ // ### [1.25.45](https://indike.org/pramana/in.purana.brahmanda.1.25.45) maheśvara uvāca mathyamāne 'mṛte pūrvaṃ kṣīrode suradānavaiḥ / agre samutthitaṃ ghoraṃ viṣaṅkālānalaprabham // ### [1.25.46](https://indike.org/pramana/in.purana.brahmanda.1.25.46) taṃ dṛṣṭvā surasaṃghasca daityāścaiva varānane / viṣaṇṇavadanāḥ sarve gatāste brahmaṇo 'ntakam // ### [1.25.47](https://indike.org/pramana/in.purana.brahmanda.1.25.47) dṛṣṭvā suragaṇānbhītānbrahmovāca mahādyutiḥ / kimarthaṃ vai mahābhāgā bhītā udvignacetanāḥ // ### [1.25.48](https://indike.org/pramana/in.purana.brahmanda.1.25.48) mayā triguṇamaiśvaryaṃ bhavatāṃ saṃprakalpitam / tena vyāvarttitaiśvaryā yūyaṃ bho surasattamāḥ // ### [1.25.49](https://indike.org/pramana/in.purana.brahmanda.1.25.49) tralokyasyeśvarā yūyaṃ sarve vai vigatajvarāḥ / prajāsarge na so 'stīha yaścājñāṃ me 'tivartayet // ### [1.25.50](https://indike.org/pramana/in.purana.brahmanda.1.25.50) vimānacāriṇa sarve sarve svacchandagāminaḥ / ādhyātmike cādhibhūte adhidaive ca nityaśaḥ // ### [1.25.51](https://indike.org/pramana/in.purana.brahmanda.1.25.51) prajāḥ karmavipākena śaktā yūyaṃ pravarttitum / tatkimarthaṃ bhayodvignā mṛgāḥ siṃhārditā iva // ### [1.25.52](https://indike.org/pramana/in.purana.brahmanda.1.25.52) kiṃ duḥśaṃ ko 'nusaṃtāpaḥ kuto vā bhayamāgatam / etatsarvaṃ yathānyāyaṃ śīghramākhyā tumarhatha // ### [1.25.53](https://indike.org/pramana/in.purana.brahmanda.1.25.53) śrutvā vākyaṃ tatastasya brahmaṇaḥ paramātmanaḥ / ūcuste ṛṣibhiḥ sārddhaṃ suradaityendradānavāḥ // ### [1.25.54](https://indike.org/pramana/in.purana.brahmanda.1.25.54) surāsurairmathyamāne pajorāśau pitamāha / bhujaṅgabhṛṅgasaṃkāśaṃ nīlajīmūtasannibham // ### [1.25.55](https://indike.org/pramana/in.purana.brahmanda.1.25.55) prādurbhūtaṃ viṣaṃ ghoraṃ saṃvartāgnisamaprabham / kālamṛtyurivodbhūtaṃ yugāntādityavarcasam // ### [1.25.56](https://indike.org/pramana/in.purana.brahmanda.1.25.56) trailokyotsādasūryābhaṃ visphurattat samantataḥ / viṣeṇottiṣṭhamānena kālānalasamatviṣā // ### [1.25.57](https://indike.org/pramana/in.purana.brahmanda.1.25.57) nirdagdho raktagaurāṅgo kṛtaḥ kṛṣṇo janārddanaḥ / taṃ dṛṣṭvā raktagaurāṅgaṃ kṛtaṃ kṛṣṇaṃ janārddanam // ### [1.25.58](https://indike.org/pramana/in.purana.brahmanda.1.25.58) tataḥ sarve vayaṃ bhītāstvā meva śaraṇaṃ gatāḥ / surāṇāmasurāṇāṃ ca śrutvā vākyaṃ bhayāvaham // ### [1.25.59](https://indike.org/pramana/in.purana.brahmanda.1.25.59) pratyuvāca mahātejā brahmā lokapitāmahaḥ / śṛṇvantu devatāḥ sarve ṛṣayaśca tapodhanāḥ // ### [1.25.60](https://indike.org/pramana/in.purana.brahmanda.1.25.60) yattadagre samutpannaṃ mathyamāne mahodadhau / viṣaṃ kālānalaprakhyaṃ kālakūṭamiti śrutam // ### [1.25.61](https://indike.org/pramana/in.purana.brahmanda.1.25.61) yena prodbhūtamātreṇa na vyarājanta devatāḥ / tasya viṣṇurahaṃ vāpi sarve vā surapuṅgavāḥ // ### [1.25.62](https://indike.org/pramana/in.purana.brahmanda.1.25.62) na śaknuvanti vai soḍhuṃ vegamanyatra śaṅkarāt / ityuktvā padmagarbhābhaḥ padmāyonirayonijaḥ // ### [1.25.63](https://indike.org/pramana/in.purana.brahmanda.1.25.63) oṅkāraṃ samanusmṛtya dhyāyañjayotiḥ samantataḥ / tataḥ stotuṃ samārabdho brahmā veda vidāṃ varaḥ // ### [1.25.64](https://indike.org/pramana/in.purana.brahmanda.1.25.64) namastubhyaṃ virūpākṣa namaste divyacakṣuṣe / namaḥ pinākahastāya vajrahastāya vai namaḥ // ### [1.25.65](https://indike.org/pramana/in.purana.brahmanda.1.25.65) namastrailokya nāthāya bhūtānāṃ pataye namaḥ / namaḥ surārihantre ca somasūryāgnicakṣuṣe // ### [1.25.66](https://indike.org/pramana/in.purana.brahmanda.1.25.66) brahmaṇe caiva rudrāya viṣṇave caiva te namaḥ / sāṃkhyāya caiva yogāya bhūtagrāmāya vai namaḥ // ### [1.25.67](https://indike.org/pramana/in.purana.brahmanda.1.25.67) manmathāṅgavināśāya kālapṛṣṭhāya vai namaḥ / suretase 'tha rudrāya devadevāya raṃhase // ### [1.25.68](https://indike.org/pramana/in.purana.brahmanda.1.25.68) kapardine karālāya śaṅkarāya harāya ca / kapāline virūpāya śivāya varadāya ca // ### [1.25.69](https://indike.org/pramana/in.purana.brahmanda.1.25.69) tripuraghnamakhaghnāya mātṝṇāṃ pataye namaḥ / vṛddhāya caiva śuddhāya muktāyaiva balāya ca // ### [1.25.70](https://indike.org/pramana/in.purana.brahmanda.1.25.70) lokatrayaikavīrāya candrāya varuṇāya ca / agrāya caiva cogrāya viprāyānekacakṣuṣe // ### [1.25.71](https://indike.org/pramana/in.purana.brahmanda.1.25.71) rajase caiva sattvāya namaste 'vyaktayonaye / nityāya caivānityāya nityānityāya vai namaḥ // ### [1.25.72](https://indike.org/pramana/in.purana.brahmanda.1.25.72) vyaktāya caivāvyaktāya vyaktāvyaktāya vai namaḥ / cintyāya caivācintyāya cintyācintyāya vai namaḥ // ### [1.25.73](https://indike.org/pramana/in.purana.brahmanda.1.25.73) jagatāmārttināśāya priyanārāyaṇāya ca / umāpriyāya śarvāya nandivaktrāṅkitāya ca // ### [1.25.74](https://indike.org/pramana/in.purana.brahmanda.1.25.74) pakṣamāsāhddhamāsāya ṛtusaṃvatsarāya ca / bahurūpāya muṇḍāya daṇḍine ca varūthine // ### [1.25.75](https://indike.org/pramana/in.purana.brahmanda.1.25.75) namaḥ kapālahastāya digvāsāya śikhaṇḍine / dhanvine rathine caiva yamine brahmacāriṇe // ### [1.25.76](https://indike.org/pramana/in.purana.brahmanda.1.25.76) ṛgyajuḥ sāmavedāya puruṣāyeśvarāya ca / ityeva mādicaritaiḥ stotraiḥ stutya namī'stu te / evaṃ stutvā tato brahmā praṇipatya varānane // ### [1.25.77](https://indike.org/pramana/in.purana.brahmanda.1.25.77) jñātvā tu bhaktiṃ mama devatānāṃ gaṅgājalā sphālitamuktakeśaḥ / sūkṣmo 'si yogātiśayādacintyo na hi prabho vyaktimuphaiṣi rudraḥ // ### [1.25.78](https://indike.org/pramana/in.purana.brahmanda.1.25.78) evaṃ bhagavatā pūrvaṃ brahmaṇā lokakartṛṇā / stuto 'haṃ vividhaiḥ stotrairvedavedāṅgasaṃbhavaiḥ // ### [1.25.79](https://indike.org/pramana/in.purana.brahmanda.1.25.79) tato 'haṃ mukhyayā vācā pitāmahamathābravam / bhūtabhavyabhavannātha lokanātha jagatpate // ### [1.25.80](https://indike.org/pramana/in.purana.brahmanda.1.25.80) kiṃ kāryaṃ te mayā brahmankarttavyaṃ vada suvrata / śrutvā vākyaṃ tato brahmā pratyuvācāṃbujekṣaṇaḥ // ### [1.25.81](https://indike.org/pramana/in.purana.brahmanda.1.25.81) bhūtabhavyabhavannātha śrūyatāṃ kāraṇeśvara / surāsurairmathyamāne payodhau paṅkajekṣaṇa // ### [1.25.82](https://indike.org/pramana/in.purana.brahmanda.1.25.82) bhagavanmeghasaṃkāśaṃ nīlajīmūtasannibham / prādurbhūtaṃ viṣaṃ ghoraṃ saṃvarttāgnisamaprabham // ### [1.25.83](https://indike.org/pramana/in.purana.brahmanda.1.25.83) taṃ dṛṣṭvā ca vayaṃ sarve bhītāḥ saṃbhrāntacetasaḥ / tatpibasva mahādeva lokānāṃ hitakāmyayā // ### [1.25.84](https://indike.org/pramana/in.purana.brahmanda.1.25.84) bhavāñchaktaśca bhoktā vai bhavāndevavaraḥ prabho / tvadṛte 'nyo mahādeva vegaṃ soḍhuṃ na vidyate // ### [1.25.85](https://indike.org/pramana/in.purana.brahmanda.1.25.85) evaṃ tasya vacaḥ śrutvā brahmaṇaḥ parameṣṭhinaḥ / bāḍha mityeva tadvākyaṃ pratigṛhya varānane // ### [1.25.86](https://indike.org/pramana/in.purana.brahmanda.1.25.86) tato 'haṃ pātumārabdho viṣamantakasannibham / pibato me mahāghoraṃ viṣaṃ surabhayapradam // ### [1.25.87](https://indike.org/pramana/in.purana.brahmanda.1.25.87) kaṇṭhaḥ samabhavattūrṇaṃ kṛṣṇo vai varavarṇini / taṃ dṛṣṭvotpalapatrābhaṃ kaṇṭhasaktamivoragam // ### [1.25.88](https://indike.org/pramana/in.purana.brahmanda.1.25.88) takṣakaṃ nāgarājānaṃ lelihānamivotthitam / athovāca mahātejā brahmā lokapitāmahaḥ // ### [1.25.89](https://indike.org/pramana/in.purana.brahmanda.1.25.89) śobhase tvaṃ mahādeva kaṇṭhenānena suvrata / tatastasya vacaḥśrutvā mayā girivarātmaje // ### [1.25.90](https://indike.org/pramana/in.purana.brahmanda.1.25.90) kaṇṭhe dhṛtaṃ viṣaṃ ghoraṃ nīlakaṇṭhastato 'smyaham / paśyatāṃ surasaṃghānāṃ daityānāṃ ca varānane / yakṣagandharvabhūtānāṃ piśācoragarakṣasām // ### [1.25.91](https://indike.org/pramana/in.purana.brahmanda.1.25.91) tatkālakūṭaṃ viṣamugravegaṃ kaṇṭhe dhṛtaṃ parvatarājaputri / niveśyamānaṃ suradaityasaṃgho dṛṣṭvā paraṃ vismayamājagāma // ### [1.25.92](https://indike.org/pramana/in.purana.brahmanda.1.25.92) tataḥ muragaṇāḥ sarve sadaityoragarākṣasāḥ / ūcuḥ prāñjalayo bhūtvā mattamātaṅgagāmini // ### [1.25.93](https://indike.org/pramana/in.purana.brahmanda.1.25.93) ahobalaṃ vīryaparākramaste tvaho vapuryogabalaṃ taveśa // ### [1.25.94](https://indike.org/pramana/in.purana.brahmanda.1.25.94) aho prabhutvaṃ tava devadeva mahādbhutaṃ manmathadehanāśana / tvameva viṣṇuścaturānanastvaṃ tvameva mṛtyurvaradastvameva // ### [1.25.95](https://indike.org/pramana/in.purana.brahmanda.1.25.95) tvameva sūryo rajanīkaraśca vyaktistvamevāsya carācarasya / tvameva vahniḥ pavanastvameva tvameva bhūmiḥ salilaṃ tvameva // ### [1.25.96](https://indike.org/pramana/in.purana.brahmanda.1.25.96) tvameva sarvasya carācarasya dhātā vidhātā pralayastvameva / ityeva muktvā vacanaṃ suredrāḥ pragṛhya somaṃ praṇipatya mūrdhrā / gatā vimānairanilopavegairmahānagaṃ merumupetya sarve // ### [1.25.97](https://indike.org/pramana/in.purana.brahmanda.1.25.97) ityetatparamaṃ guhyaṃ puṇyātpuṇyatamaṃ mahat // ### [1.25.98](https://indike.org/pramana/in.purana.brahmanda.1.25.98) nīlakaṇṭha iti proktaṃ triṣu lokeṣu viśrutam / svayaṃbhuvā svayaṃ proktā kathā pāpapraṇāśinī // ### [1.25.99](https://indike.org/pramana/in.purana.brahmanda.1.25.99) yastu dhārayate nityaṃ brahmodgītāmimāṃ śubhām / tasyāhaṃ saṃpravakṣyāmi phalaṃ suvipulaṃ mahat // ### [1.25.100](https://indike.org/pramana/in.purana.brahmanda.1.25.100) viṣaṃ tasya varārohe sthāvaraṃ jaṅgamaṃ tathā / gātraṃ prāpya tu suśroṇi kṣapraṃ tatpratihanyate // ### [1.25.101](https://indike.org/pramana/in.purana.brahmanda.1.25.101) śamāyatyaśubhaṃ ghoraṃ duḥkhapnaṃ cāpakarṣati / strīṣu vallabhatāṃ yāti sabhāyāṃ pārthivasya ca // ### [1.25.102](https://indike.org/pramana/in.purana.brahmanda.1.25.102) vivāde jayamāpnoti yuddhe vijayameva ca / gacchati kṣemamadhvānaṃ gṛhebhyo nityasaṃpadā // ### [1.25.103](https://indike.org/pramana/in.purana.brahmanda.1.25.103) śarīrasyeha vakṣyāmi gatiṃ tasya varānane / hariśmaśrurnīlakaṇṭhaḥ śaśāṅkāṅkitamūrddhajaḥ // ### [1.25.104](https://indike.org/pramana/in.purana.brahmanda.1.25.104) tryakṣastriśūlapāṇiśca vṛṣa cānaḥ pinākadhṛk / nanditulyabalaḥ śrīmānnanditulyaparākramaḥ // ### [1.25.105](https://indike.org/pramana/in.purana.brahmanda.1.25.105) vicaratyakhilāṃllokāmsaptalokānmamājñayā / na hanyate gati stasya anilasya yathāṃbare // ### [1.25.106](https://indike.org/pramana/in.purana.brahmanda.1.25.106) mama tulyabalo bhūtvā tiṣṭhatyābhūtasaṃplavāt / mama bhaktayā varārohe ye ca śṛmvanti mānavāḥ // ### [1.25.107](https://indike.org/pramana/in.purana.brahmanda.1.25.107) teṣāṃ gatiṃ pravakṣyāmi tviha loke paratra ca / brāhmaṇo vedamāpnoti kṣatriyo vindate mahīm // ### [1.25.108](https://indike.org/pramana/in.purana.brahmanda.1.25.108) vaiśyastu labhate lābhaṃ śūdraḥ sukhamavāpnuyāt / vyādhito mucyate rogādbaddho mucyeta bandhanāt // ### [1.25.109](https://indike.org/pramana/in.purana.brahmanda.1.25.109) gurviṇī labhate putraṃ kanyā vidati satpatim / naṣṭaṃ ca labhate dravyamiha loke paratra ca // ### [1.25.110](https://indike.org/pramana/in.purana.brahmanda.1.25.110) gavāṃ śatasahasrasya samyagdattasya yatphalam / tatphalaṃ labhate martyaḥ śrutvā divyā mimāṃ kathām // ### [1.25.111](https://indike.org/pramana/in.purana.brahmanda.1.25.111) pādaṃ vāthārddhapādaṃ vār ślokarṃ ślokārddhameva vā / yastu dhārayate nityaṃ rudralokaṃ sa gacchati // ### [1.25.112](https://indike.org/pramana/in.purana.brahmanda.1.25.112) athavā sarvamevedaṃ devabrāhmaṇasannidhau / yaḥ paṭhenmānavo nityaṃ madgatenāntarātmanā // ### [1.25.113](https://indike.org/pramana/in.purana.brahmanda.1.25.113) śraddhadhānaḥ sadā bhakto rūdralokaṃ sa gacchati / paṭhecca devi bhaktyā ca pāṭhayecca naraḥ sadā // ### [1.25.114](https://indike.org/pramana/in.purana.brahmanda.1.25.114) ataḥ parataraṃ stotraṃ na bhūtaṃ na bhaviṣyati / nāpi yakṣāḥ piśācā vā na bhūtā na vināyakāḥ / kuryurvighnaṃ gṛhe tasya yatrāyaṃ tiṣṭhati stavaḥ // ### [1.25.115](https://indike.org/pramana/in.purana.brahmanda.1.25.115) mayā nu tuṣṭena tavāṃbujekṣaṇe stavasya māhātmyama ghaughanāśanam / niveditaṃ puṇyaphalādiyuktaṃ svayaṃ ca kītaṃ caturānanena // ### [1.25.116](https://indike.org/pramana/in.purana.brahmanda.1.25.116) kathāmimāṃ puṇyaphalādiyuktāṃ nivedya devyai śaśibaddhamūrddhajaḥ / vṛṣasya pṛṣṭhena sahomayā prabhujagāma kailāsaguhāṃ guhapriyaḥ // ### [1.25.117](https://indike.org/pramana/in.purana.brahmanda.1.25.117) śrutaṃ mayā pāpaharaṃ tadantike niveditaṃ te 'tha mayā prajāpateḥ / adhītya sarvaṃ tvakhilaṃ salakṣaṇaṃ prayāti cādityapadaṃ dvijottamaḥ // ### [1.25.117.p1](https://indike.org/pramana/in.purana.brahmanda.1.25.117.p1) iti śrībrahmāṇḍe mahāpurāṇe vāyuprokte pūrva bhāge dvitīye 'nuṣaṅgapāde nīlakaṇṭhanāmotpattikathanaṃ nāma pañcaviṃśatitamo 'dhyāyaḥ ## Linked texts (3) - [Vāyupurāṇa](https://indike.org/pramana/in.purana.vayu.1.54.10) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.7.12.584_132) — Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.65.21) — Kumāra Kavi, Sanskrit --- Source: [https://indike.org/pramana/in.purana.brahmanda.1.25](https://indike.org/pramana/in.purana.brahmanda.1.25) · Pramāṇa