[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.26 # Brahmandapurana 1.26 Brahmāṇḍapurāṇa 1.26 - **Language:** Sanskrit ## Contents - [1.26.66](https://indike.org/pramana/in.purana.brahmanda.1.26.66) — 1 part ### [1.26.1](https://indike.org/pramana/in.purana.brahmanda.1.26.1) ṛṣaya ūcuḥ mahādevasya mahātmyaṃ prabhutvaṃ ca mahātmanaḥ / śrotumicchāmahe samyagaiśvaryaguṇavistaram // ### [1.26.2](https://indike.org/pramana/in.purana.brahmanda.1.26.2) sūta uvāca pūrvaṃ trailokyavijaye viṣṇunā samudātdṛ tam / baliṃ baddhvā mahāvīryaṃ trailokyādhipatiṃ purā // ### [1.26.3](https://indike.org/pramana/in.purana.brahmanda.1.26.3) pranaṣṭeṣu tu daityeṣu prahṛṣṭe tu śacīpatau / athājagmuḥ prabhuṃ draṣṭuṃ sarve devāḥ sanātanam // ### [1.26.4](https://indike.org/pramana/in.purana.brahmanda.1.26.4) yatrāste viśvarūpātmā kṣīrodasya masīpataḥ / siddhā brahmarṣayo yakṣā gandharvāpsarasāṃ gaṇāḥ // ### [1.26.5](https://indike.org/pramana/in.purana.brahmanda.1.26.5) nāgā devarṣayaścaiva nadyaḥ sarve ca parvatāḥ / abhigamya mahātmānaṃ stuvanti puruṣaṃ harim // ### [1.26.6](https://indike.org/pramana/in.purana.brahmanda.1.26.6) tvaṃ dhātā tvaṃ ca kartāsi tvaṃ lokānsṛjasi prabho / tvatprasādācca kalyāṇaṃ prāptaṃ trailokyamavyayam // ### [1.26.7](https://indike.org/pramana/in.purana.brahmanda.1.26.7) asurāśca jitāḥ sarve balirbaddhaśca vai tvayā / evamuktaḥ surairviṣṇaḥ siddhaiśca paramarṣibhiḥ // ### [1.26.8](https://indike.org/pramana/in.purana.brahmanda.1.26.8) pratyuvāca tadā devān sarvāṃstānpuruṣottamaḥ / śrūyatāmabhidhāsyāmi kāraṇaṃ surasattamāḥ // ### [1.26.9](https://indike.org/pramana/in.purana.brahmanda.1.26.9) yaḥ sraṣṭā sarvabhūtānāṃ kālaḥ kālakaraḥ prabhuḥ / yenāhaṃ brahmaṇā sārddhaṃ sṛṣṭā lokāśca māyayā // ### [1.26.10](https://indike.org/pramana/in.purana.brahmanda.1.26.10) tasyaiva ca prasādena ādau siddhatvamāgataḥ / purā tamasi cāvyakte trailokye grasite mayā // ### [1.26.11](https://indike.org/pramana/in.purana.brahmanda.1.26.11) udarastheṣu bhūteṣu tveko 'haṃ śayita stadā / sahasraśīrṣā bhūtvā ca sahasrākṣaḥ sahasrapāt // ### [1.26.12](https://indike.org/pramana/in.purana.brahmanda.1.26.12) śaṅkhacakragadāpāṇiḥ śayito vimaleṃ'bhasi / etasminnantare dūrātpaśyāmi hyamitaprabham // ### [1.26.13](https://indike.org/pramana/in.purana.brahmanda.1.26.13) śatasūryapratīkāśaṃ jvalantaṃ svena tejasā / caturvaktraṃ mahāyogaṃ puruṣaṃ kāñcanaprabham // ### [1.26.14](https://indike.org/pramana/in.purana.brahmanda.1.26.14) kṛṣṇājinadharaṃ devaṃ kamaṇḍaluvibhūṣitam / nimeṣāntaramātreṇa prāpto 'sau puruṣottamaḥ // ### [1.26.15](https://indike.org/pramana/in.purana.brahmanda.1.26.15) tato māmabravīdbrahmā sarvalokanamaskṛtaḥ / kastvaṃ kuto vā ki ceha tiṣṭhase vada me vibho // ### [1.26.16](https://indike.org/pramana/in.purana.brahmanda.1.26.16) ahaṃ kartāsmi lokānāṃ svayaṃbhūrviśvatomukhaḥ / evamuktastadā tena brahmaṇāhamuvāca tam // ### [1.26.17](https://indike.org/pramana/in.purana.brahmanda.1.26.17) ahaṃ karttā hi lokānāṃ saṃhartā ca punaḥ punaḥ / evaṃ saṃbhāṣamāṇau tu parasparajayaiṣiṇau // ### [1.26.18](https://indike.org/pramana/in.purana.brahmanda.1.26.18) uttarāṃ diśamāsthāya jvālāmadrākṣva viṣṭhitām / jvālāṃ tatastāmālokya vismitau ca tadānaghāḥ // ### [1.26.19](https://indike.org/pramana/in.purana.brahmanda.1.26.19) tejasā ca balenātha śārvaṃ jyotiḥ kṛtāñjalī / varddhamānāṃ tadā jvālāmatyantaparamādbhutām // ### [1.26.20](https://indike.org/pramana/in.purana.brahmanda.1.26.20) abhidudrāva tāṃ jvālāṃ brahmā cāhaṃ ca satvarau / divaṃ bhūmiṃ ca nirbhidya tiṣṭhantaṃ javālamaṇḍalam // ### [1.26.21](https://indike.org/pramana/in.purana.brahmanda.1.26.21) tasyā jvālasya madhye tu paśyāvo vipulaprabham / prādeśamātramavyaktaṃ liṅgaṃ paramadīptimat // ### [1.26.22](https://indike.org/pramana/in.purana.brahmanda.1.26.22) na ca tatkāñcanaṃ madhye naśailaṃ na ca rājatam / anirdeśyamacintyaṃ ca lakṣyālakṣyaṃ punaḥ punaḥ // ### [1.26.23](https://indike.org/pramana/in.purana.brahmanda.1.26.23) jvālāmālāsahasrāḍhyaṃ vismayaṃ paramadbhutam / mahatā tejasāyuktaṃ vardabhamānaṃbhṛśantathā // ### [1.26.24](https://indike.org/pramana/in.purana.brahmanda.1.26.24) jvālāmālātataṃ nyastaṃ sarvabhūtabhayaṅkaram / ghorarūpiṇamatyarthaṃ bhindaṃ tamiva rodasī // ### [1.26.25](https://indike.org/pramana/in.purana.brahmanda.1.26.25) tato māmabravīdbrahmā adho gaccha tvamāśu vai / antamasya vijānīvo liṅgasya tu mahātmanaḥ // ### [1.26.26](https://indike.org/pramana/in.purana.brahmanda.1.26.26) ahamūrdhvaṃ gamiṣyāmi yāvadanto 'sya dṛśyate / tadā tu samayaṃ kṛtvā gata urddhvamadhaśca hi // ### [1.26.27](https://indike.org/pramana/in.purana.brahmanda.1.26.27) tato varṣasahasraṃ tu hyahaṃ punaradho gataḥ / na paśyāmi ca tasyāntaṃ bhītaścāhaṃ tato 'bhavam // ### [1.26.28](https://indike.org/pramana/in.purana.brahmanda.1.26.28) tathaiva brahmā hyūdhva ca na cāntaṃ tasya labdhavān / samāgato mayā sārddha tatraiva ca mahābhasi // ### [1.26.29](https://indike.org/pramana/in.purana.brahmanda.1.26.29) tato vismayamāpannau bhītau tasya mahātmanaḥ / māyayā mohitau tena naṣṭasaṃjñai vyavasthitau // ### [1.26.30](https://indike.org/pramana/in.purana.brahmanda.1.26.30) tato dhyānaratau tatra ceśvaraṃ sarvatomukham / prabhavaṃ nidhanaṃ caiva laukānāṃ prabhumavyayam // ### [1.26.31](https://indike.org/pramana/in.purana.brahmanda.1.26.31) prahvāñjalipuṭau bhūtvā tasmai śarvāya śūline / mahābhairavanādāya bhīmarūpāya daṃṣṭriṇe / avyaktāyātha mahate namaskāraṃ prakurvahe // ### [1.26.32](https://indike.org/pramana/in.purana.brahmanda.1.26.32) namo 'stu te lokasureśa deva namo 'stu te bhūtapate mahātman / namo 'stu te śāśvatasiddhayogine namostu te sarvajagatpratiṣṭhita // ### [1.26.33](https://indike.org/pramana/in.purana.brahmanda.1.26.33) parameṣṭhī paraṃ brahma tvakṣaraṃ paramaṃ padam / jyeṣṭhastvaṃ vāmadevaśca rudraḥ skandaḥ śivaḥ prabhuḥ // ### [1.26.34](https://indike.org/pramana/in.purana.brahmanda.1.26.34) tvaṃ ya5stvaṃ vaṣaṭkārastvamoṅkāraḥ parantapaḥ / svāhākāro namaskāraḥ saṃskāraḥ sarvakarmaṇām // ### [1.26.35](https://indike.org/pramana/in.purana.brahmanda.1.26.35) svadhākāraśca yajñaśca vratāni niyamāstathā / vedā lokāśca devāśca bhagavāneva sarvaśaḥ // ### [1.26.36](https://indike.org/pramana/in.purana.brahmanda.1.26.36) ākāśasya ca śabdastvaṃbhūtānāṃ prabhavāpyayaḥ / bhūmau gandho rasaścāpsu tejorūpaṃ maheśvaraḥ // ### [1.26.37](https://indike.org/pramana/in.purana.brahmanda.1.26.37) vāyoḥ sparśaśca deveśa vapuścandramasastathā // ### [1.26.38](https://indike.org/pramana/in.purana.brahmanda.1.26.38) buddhau jñānaṃ ca deveśa prakṛterbījameva ca // ### [1.26.39](https://indike.org/pramana/in.purana.brahmanda.1.26.39) saṃharttā sarvalokānāṃ kālo mṛtyumayoṃ'takaḥ / tvaṃ dhārayasi lokāṃstrīṃstvameva sṛjasi prabho // ### [1.26.40](https://indike.org/pramana/in.purana.brahmanda.1.26.40) pūrveṇa vadanena tvamindratvaṃ prakaroṣi vai / dakṣiṇena tu vaktreṇa lokānsaṃkṣipase punaḥ // ### [1.26.41](https://indike.org/pramana/in.purana.brahmanda.1.26.41) paścimena tu vaktreṇa varuṇastho na saṃśayaḥ / uttareṇa tu vaktreṇa somastvaṃ devasattamaḥ // ### [1.26.42](https://indike.org/pramana/in.purana.brahmanda.1.26.42) ekadhā bahudhā deva lokānāṃ prabhavāpyayaḥ / ādityā vasavo rudrā marutaśca sahāśvinaḥ // ### [1.26.43](https://indike.org/pramana/in.purana.brahmanda.1.26.43) sādhyā vidyādharā nāgāścāraṇāśca tapodhanāḥ / vālakhilyā mahātmānastapaḥ siddhāśca suvratāḥ // ### [1.26.44](https://indike.org/pramana/in.purana.brahmanda.1.26.44) tvattaḥ prasūtā deveśa ye cānye niyatavratāḥ / umā sītā sinīvālī kuhūrgāyatrya eva ca // ### [1.26.45](https://indike.org/pramana/in.purana.brahmanda.1.26.45) lakṣmīḥ kīrttirdhṛtirmedhā lajjā kāntirvapuḥ svadhā / tuṣṭiḥ puṣṭiḥ kriyā caiva vācāṃ devī sarasvatī / tvattaḥ prasūtā deveśa saṃdhyā rātristathaiva ca // ### [1.26.46](https://indike.org/pramana/in.purana.brahmanda.1.26.46) sūryāyutānāmayutaprabhāva namo 'stu te candrasahasragaura / namo 'stu te vajrapinākadhāriṇe namostu te deva hiraṇyavāsase // ### [1.26.47](https://indike.org/pramana/in.purana.brahmanda.1.26.47) namostu te bhasmavibhūṣitāṅga namo 'stu te kāmaśarīranāśana / namo 'stu te deva hiraṇyaretase namo 'stu te deva hiraṇyavāsase // ### [1.26.48](https://indike.org/pramana/in.purana.brahmanda.1.26.48) namo 'stu te deva hiraṇyayone namo 'stu te deva hiraṇyanābha / namo 'stu te deva hiraṇyaretase namo 'stu te netrasahasracitra // ### [1.26.49](https://indike.org/pramana/in.purana.brahmanda.1.26.49) namo 'stu te deva hiraṇyavarṇa namo 'stu te deva hiraṇyakeśa / namo 'stu te deva hiraṇyavīra namo 'stu te deva hiraṇyadāyine // ### [1.26.50](https://indike.org/pramana/in.purana.brahmanda.1.26.50) namo 'stu te deva hiraṇyanātha namo 'śtute deva hiraṇyanāda / namo 'stu te deva pinākapāṇe namo 'śtute te śaṅkara nīlakaṇṭha // ### [1.26.51](https://indike.org/pramana/in.purana.brahmanda.1.26.51) evaṃ saṃstūyamānastu vyakto bhūtvā mahāmatiḥ / devadevo jagadyoniḥ sūrya koṭisamaprabhaḥ // ### [1.26.52](https://indike.org/pramana/in.purana.brahmanda.1.26.52) ābabhāṣe kṛpāviṣṭo mahādevo mahādyutiḥ / vaktrakoṭisahasreṇa grasamāna ivāṃbaram // ### [1.26.53](https://indike.org/pramana/in.purana.brahmanda.1.26.53) kaṃbugrīvaḥ suja ṭharo nānābhūṣaṇabhūṣitaḥ / nānāratnavicitrāṅgo nānāmālyānulepanaḥ // ### [1.26.54](https://indike.org/pramana/in.purana.brahmanda.1.26.54) pinākapāṇirbhagavānsurapūjyastriśūladhṛk / vyālaya jñopavītī ca surāṇāmabhayaṅkaraḥ // ### [1.26.55](https://indike.org/pramana/in.purana.brahmanda.1.26.55) dundubhisvaranirghoṣaḥ parjanyaninadopamaḥ / mukto hāsastadā tena sarvamāpūrayañjagat // ### [1.26.56](https://indike.org/pramana/in.purana.brahmanda.1.26.56) tena śabdena mahatā cāvāṃ bhītau mahātmanaḥ / athovāca mahādevaḥ prīto 'haṃ surasattamau // ### [1.26.57](https://indike.org/pramana/in.purana.brahmanda.1.26.57) paśyatāṃ ca mahāyogaṃ bhayaṃ sarva pramucyatām / yuvāṃ prasūtau gātrebhyo mama pūrvaṃ sanātanau // ### [1.26.58](https://indike.org/pramana/in.purana.brahmanda.1.26.58) yaṃ me dakṣiṇo bāhurbrahmā lokapitāmahaḥ / vāmo bāhuśca me viṣṇurnityaṃ yuddheṣvanirjitaḥ // ### [1.26.59](https://indike.org/pramana/in.purana.brahmanda.1.26.59) prīto 'haṃ yuvayoḥ samyagvaraṃ dadyāṃ yathaipsitam / tataḥ prahṛṣṭamanasau praṇatau pādayoḥ prabhoḥ // ### [1.26.60](https://indike.org/pramana/in.purana.brahmanda.1.26.60) abrūtāṃ ca mahādevaṃ prasādābhimukhaṃ sthitam / yadi prītiḥ samutpannā yadi deyo varaśca te / bhaktirbhavatu nau nityaṃ tvayi deva sureśvara // ### [1.26.61](https://indike.org/pramana/in.purana.brahmanda.1.26.61) devadeva uvāca evamastu mahābhāgau sṛjatāṃ vipulāḥ prajāḥ / evamuktvā sa bhagavāṃstatraivātaradhādvibhuḥ // ### [1.26.62](https://indike.org/pramana/in.purana.brahmanda.1.26.62) eṣa eva mayokto vaḥ prabhāvastasya dhīmataḥ / etaddhi paramaṃ jñānamavyaktaṃ śivasaṃjñitam // ### [1.26.63](https://indike.org/pramana/in.purana.brahmanda.1.26.63) etatsūkṣmamacintyaṃ ca paśyanti jña3nacakṣuṣaḥ / tasmai devādhidevāya namaskāraṃ prakurmahe / mahādeva namaste 'stu maheśvara namo 'stu te // ### [1.26.64](https://indike.org/pramana/in.purana.brahmanda.1.26.64) sūta uvāca etacchrutvā gatāḥ sarve surāḥ svaṃ svaṃ niveśanam / namaskāraṃ prakurvāṇāḥ śaṅkarāya mahātmane // ### [1.26.65](https://indike.org/pramana/in.purana.brahmanda.1.26.65) imaṃ stavaṃ paṭhidyastu ceśvarasya mahātmanaḥ / kāmāṃśca labhate sarvān pāpebhyaśca pramucyate // ### [1.26.66](https://indike.org/pramana/in.purana.brahmanda.1.26.66) etatsarvaṃ tadā tena na viṣṇunā prabhaviṣṇunā / mahādevaprasādena hyuktaṃ brahma sanātanam / etadvaḥ sarvamākhyātaṃ mayā māheśvaraṃ balam // ### [1.26.66.p1](https://indike.org/pramana/in.purana.brahmanda.1.26.66.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde liṅgotpattikathanaṃ nāma ṣaḍviṃśatitamo 'dhyāyaḥ ## Linked texts (3) - [Vāyupurāṇa](https://indike.org/pramana/in.purana.vayu.1.55.6) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.2.1.9.23) — Sanskrit - [Mudgalapurāṇa](https://indike.org/pramana/in.purana.upa.surya.mudgala.2.14.35) — Sanskrit --- Source: [https://indike.org/pramana/in.purana.brahmanda.1.26](https://indike.org/pramana/in.purana.brahmanda.1.26) · Pramāṇa