[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.27 # Brahmandapurana 1.27 Brahmāṇḍapurāṇa 1.27 - **Language:** Sanskrit ## Contents - [1.27.129](https://indike.org/pramana/in.purana.brahmanda.1.27.129) — 1 part ### [1.27.1](https://indike.org/pramana/in.purana.brahmanda.1.27.1) ṛṣaya ūcuḥ bhūya ṣuta mahābuddhe kathayasva mahātmanaḥ / mahādevasya māhātmyaṃ śrotuṃ kautūhalaṃ ca naḥ // ### [1.27.2](https://indike.org/pramana/in.purana.brahmanda.1.27.2) kathaṃ dāruvaṇe deva-ṛṣisaṃghaniṣevite / cakāra veṣaṃ vikṛtaṃ yena buddhā maharṣayaḥ // ### [1.27.3](https://indike.org/pramana/in.purana.brahmanda.1.27.3) jñātvā ca te mahādevaṃ tato bhrāntā hyacetasaḥ / ārādhayanprasādārthaṃ naiṣāṃ tuṣṭaḥ punarbhavaḥ // ### [1.27.4](https://indike.org/pramana/in.purana.brahmanda.1.27.4) etatsarvaṃ yathāvṛttaṃ devadevena ceṣṭitam / tatsarvaṃ kathayasveha tvaṃ no buddhimatāṃ varaḥ // ### [1.27.5](https://indike.org/pramana/in.purana.brahmanda.1.27.5) sūta uvāca śrūyatāmabhidhāsyāmi dharmametamatandritāḥ / nirmmitaṃ devadevena bhaktānāmanukaṃpayā // ### [1.27.6](https://indike.org/pramana/in.purana.brahmanda.1.27.6) purā kṛtayuge viprāḥ śṛṅge himavataḥ śubhe / devadāruvanaṃ ramyaṃ nānādrumalatākulam // ### [1.27.7](https://indike.org/pramana/in.purana.brahmanda.1.27.7) bahavo munayastatra tapasyanto munivratāḥ / śaivāla bhojanāḥ kecitkecidantarjaleśayāḥ // ### [1.27.8](https://indike.org/pramana/in.purana.brahmanda.1.27.8) kecidabhrāvakāśāstu pādāṅguṣṭhāgradhiṣṭhitāḥ / dantolūkhalinaścānye tvaśmakuṭṭāstathā pare // ### [1.27.9](https://indike.org/pramana/in.purana.brahmanda.1.27.9) sthānavīrāsanāścānye mṛgayaryāratāstathā / kālaṃ nayanti tapasā tīvreṇa ca mahādhiyaḥ // ### [1.27.10](https://indike.org/pramana/in.purana.brahmanda.1.27.10) tatasteṣāṃ prasādārtha devastadvanamāgataḥ / bhasmapāṇḍuradigdhāṅgo nagno vikṛtalakṣaṇaḥ // ### [1.27.11](https://indike.org/pramana/in.purana.brahmanda.1.27.11) vikṛtasrastakeśaśca karāladaśanastathā / ulmukavyagrahastaśca raktapiṅgalalocanaḥ // ### [1.27.12](https://indike.org/pramana/in.purana.brahmanda.1.27.12) śiśnaṃ savṛṣaṇaṃ tasya raktagairikasannibham / mukhamaṅgāravarṇena śuklena ca vibhūṣitam // ### [1.27.13](https://indike.org/pramana/in.purana.brahmanda.1.27.13) kvacitsa hasate raudraṃ kvacidgāyati vismi taḥ / kvacinnṛtyati śṛṅgārī kvacidrauti muhurmuhuḥ // ### [1.27.14](https://indike.org/pramana/in.purana.brahmanda.1.27.14) nṛtyanta rurudhustūrṇaṃ patnyasteṣāṃ vimohitāḥ / āśrame 'bhyāgato 'bhīkṣṇaṃ yā cate ca punaḥ punaḥ // ### [1.27.15](https://indike.org/pramana/in.purana.brahmanda.1.27.15) bhāryā kṛtā tathārūpā tṛṇābharaṇabhūṣitā / vṛṣanādaṃ pragarjanvai kharanādaṃ nanāda ca // ### [1.27.16](https://indike.org/pramana/in.purana.brahmanda.1.27.16) tathā vañcitumā rabdho hāsayansarvadehinaḥ / tataste munayaḥ kruddhāḥ krodhena kaluṣīkṛtāḥ // ### [1.27.17](https://indike.org/pramana/in.purana.brahmanda.1.27.17) mohitā māyayā sarve śapituṃ samupasthitāḥ / karavadgāyase yasmātkharastasmādbhaviṣyasi // ### [1.27.18](https://indike.org/pramana/in.purana.brahmanda.1.27.18) rākṣaso vā piśāco vā dānavo vātha vā tathā / yathā vaicchaṃstathā sarve kruddhāste munayaḥ samam // ### [1.27.19](https://indike.org/pramana/in.purana.brahmanda.1.27.19) śepuḥ śāsaistu vividhaistaṃ devaṃ bhuvaneśvaram / tapāṃsi teṣāṃ sarveṣāṃ pratyāhanyanta śaṅkare // ### [1.27.20](https://indike.org/pramana/in.purana.brahmanda.1.27.20) yathādityaprakāśena tārakā nabhasi sthitāḥ / na dyotante prakāśena tadvattejāṃsi śaṅkare // ### [1.27.21](https://indike.org/pramana/in.purana.brahmanda.1.27.21) śrūyate ṛṣiśāpena brahmaṇaḥ sumahātmanaḥ / samṛddhaḥ śreyasāṃ yauniryajño vai nāśamāptavān // ### [1.27.22](https://indike.org/pramana/in.purana.brahmanda.1.27.22) bhṛgorapi ca śāpena viṣṇuḥ paramaviyavān / prādurbhāvāndaśa prāpto duḥkhitaśca sadā kṛtaḥ // ### [1.27.23](https://indike.org/pramana/in.purana.brahmanda.1.27.23) indrasyāpi hi dharmajñaḥ śiśnaṃ savṛṣaṇaṃ purā / ṛṣiṇā gautamenorvyāṃ kruddhena vinipātitam // ### [1.27.24](https://indike.org/pramana/in.purana.brahmanda.1.27.24) garbhavāso vasūnāṃ ca śāpena vihita stathā / ṛṣīṇāṃ caiva śāpena nahuṣaḥ sarpatāṃ gataḥ // ### [1.27.25](https://indike.org/pramana/in.purana.brahmanda.1.27.25) kṣīrodaśca samudraśca hyapeyo brāhmaṇaiḥ kṛtaḥ / dharmaścātra praśapto vai māṇḍavyena mahātmanā // ### [1.27.26](https://indike.org/pramana/in.purana.brahmanda.1.27.26) ete cānye ca bahavo yātanāṃ ca samāgatāḥ / varjayitvā virūpākṣaṃ devadevaṃ maheśvaram // ### [1.27.27](https://indike.org/pramana/in.purana.brahmanda.1.27.27) evaṃ hi mohitāstena na cābuddhyanta śaṅkaram / tataste ṛṣayaḥ sarve parasparamathābruvan // ### [1.27.28](https://indike.org/pramana/in.purana.brahmanda.1.27.28) na cāyaṃ vidhirasmākaṃ gṛhasthānāṃ vidhīyate / brahmacarya ratānāṃ ca vane vā vanavāsinām // ### [1.27.29](https://indike.org/pramana/in.purana.brahmanda.1.27.29) yatīnāṃ vā tathā dharmo nāyaṃ dṛṣṭaḥ kathañcana / anayastu mahāneṣa yenāyaṃ mohito dvijāḥ // ### [1.27.30](https://indike.org/pramana/in.purana.brahmanda.1.27.30) liṅgaṃ prapātayasvaitannāyaṃ dharmastapasvinām / vadasva vācā madhuraṃ vastramekaṃ samāśraya // ### [1.27.31](https://indike.org/pramana/in.purana.brahmanda.1.27.31) tyājite ca tvayā liṅge tataḥ pūjāmavāpsyasi / ṛṣīṇāṃ tadvacaḥ śrutvā bhagavānbhaganetrahā // ### [1.27.32](https://indike.org/pramana/in.purana.brahmanda.1.27.32) uvāca ślakṣṇayā vācā prahasanniva śaṅkaraḥ / na śakyamidamasmā kaṃ liṅgaṃ pātayituṃ balāt // ### [1.27.33](https://indike.org/pramana/in.purana.brahmanda.1.27.33) brahmādidaivataiḥ sarvaiḥ kimutānyaistapodhanaiḥ / pātayeyamahaṃ caitalliṅgaṃ bho dvijasattamāḥ // ### [1.27.34](https://indike.org/pramana/in.purana.brahmanda.1.27.34) āśrame tiṣṭha vā gaccha vākyamityeva te 'bruvan / evamukto mahādevaḥ pratdṛṣṭendriyaceṣṭitaḥ // ### [1.27.35](https://indike.org/pramana/in.purana.brahmanda.1.27.35) sarveṣāṃ paśyatāmeva tatraivāntardadhe prabhuḥ / antarhite bhagavati tathā liṅge kṛte bhave // ### [1.27.36](https://indike.org/pramana/in.purana.brahmanda.1.27.36) trailokye sarvabhūtānāṃ prādurbhāvo na jāyate / vyākulaṃ ca tadā sarvaṃ na prakāśeta kiñcana // ### [1.27.37](https://indike.org/pramana/in.purana.brahmanda.1.27.37) tapate caiva nādityo niṣprabhaḥ pāvakastathā / nakṣatrāṇi grahāścaiva viparītā vijajñire // ### [1.27.38](https://indike.org/pramana/in.purana.brahmanda.1.27.38) saṃtānārtha pravṛttānāmṛṣīṇāṃ vibhavātmanām / kratavo na vyavarttanta ṛtukālābhigāminām // ### [1.27.39](https://indike.org/pramana/in.purana.brahmanda.1.27.39) te carati punarddharmmaṃ nirmamā nirahaṅkṛtāḥ / naṣṭaprabhāvavīryāśca naṣṭatejasa eva ca // ### [1.27.40](https://indike.org/pramana/in.purana.brahmanda.1.27.40) dharme caiva matisteṣāṃ tadā na vyavatiṣṭhate / te tusarve samāgamya brahmalokamupāgatāḥ // ### [1.27.41](https://indike.org/pramana/in.purana.brahmanda.1.27.41) brahmaṇo bhavanaṃ gatvā dṛṣṭvā puṣpakasaṃbhavam / pādayoḥ patitāḥ sarve śivavṛttāntamūcire // ### [1.27.42](https://indike.org/pramana/in.purana.brahmanda.1.27.42) vikaṭaḥ stabdhakeśaśca karāladaśanastathā / ulūkavyagrahastaśca raktapiṅgalalocanaḥ // ### [1.27.43](https://indike.org/pramana/in.purana.brahmanda.1.27.43) śiśnaṃ savṛṣaṇaṃ tasya raktaṃ gairikamaṇḍitam / snuṣāṇāṃ ca duhitṝṇāṃ putrīṇāṃ ca viśeṣataḥ // ### [1.27.44](https://indike.org/pramana/in.purana.brahmanda.1.27.44) vartamānastataḥ pārśve viparītābhilāṣataḥ / unmatta iti vijñāya so 'smābhiravamānitaḥ // ### [1.27.45](https://indike.org/pramana/in.purana.brahmanda.1.27.45) ākruṣṭastāḍitaścāpi liṅgaṃ cāpyasya coddhṛtam / tasya krodhaprasādārthaṃ vayaṃ te śaraṇaṃ gatāḥ // ### [1.27.46](https://indike.org/pramana/in.purana.brahmanda.1.27.46) etatkāryaṃ na jānīmastanno brūhi pitāmaha / ṛṣīṇāṃ tadvacaḥ śrutvā dhyānādvijñāya ceśvaram // ### [1.27.47](https://indike.org/pramana/in.purana.brahmanda.1.27.47) pratyuvāca tato brahmā vākyaṃ ca susamā hitaḥ / eṣa devo mahādevo vijñeyastu maheśvaraḥ // ### [1.27.48](https://indike.org/pramana/in.purana.brahmanda.1.27.48) na tasya paramaṃ kiñcitpadaṃ samadhigamyate / devānāṃ ca ṛṣīṇāṃ ca pitṛṇāṃ caiva sa prabhuḥ // ### [1.27.49](https://indike.org/pramana/in.purana.brahmanda.1.27.49) sahasrayugaparyante pralaye sarvadehinām / saṃharatyeṣa bhagavān kālo bhūtvā maheśvaraḥ // ### [1.27.50](https://indike.org/pramana/in.purana.brahmanda.1.27.50) eṣa caiva prajāḥ sarvāḥ sṛjatyekaḥ svatejasā / eṣa cikrī ca vakṣojaśrīvatsakṛtalakṣaṇaḥ // ### [1.27.51](https://indike.org/pramana/in.purana.brahmanda.1.27.51) yegī kṛtayuge caiva tretāyāṃ kraturucyate / dvāpare caiva kālāgnirdharmaketuḥ kalau smṛtaḥ // ### [1.27.52](https://indike.org/pramana/in.purana.brahmanda.1.27.52) rudrasya mūrttayastisro vijñeyāścāpi paṇḍitaiḥ / tamo hyagnī rajo brahmā sattvaṃ viṣṇuḥ prakāśakaḥ // ### [1.27.53](https://indike.org/pramana/in.purana.brahmanda.1.27.53) mūrttirekā smṛtā yasya digvāsāśca śivāhvayā / yatra tiṣṭhanti tadbrahmayogena tu samanvitam // ### [1.27.54](https://indike.org/pramana/in.purana.brahmanda.1.27.54) tasmāddevaṃ devadevamī śānaṃ prabhumavyayam / ārādhayata viprendrā jitakrodhā jitendriyāḥ // ### [1.27.55](https://indike.org/pramana/in.purana.brahmanda.1.27.55) dṛṣṭaṃ vai yādṛśaṃ tasya liṅgamāsīnmahātmanaḥ / tādṛkpratikṛtiṃ kṛtvā śūlapāṇiṃ prapadyata // ### [1.27.56](https://indike.org/pramana/in.purana.brahmanda.1.27.56) tato drakṣyatha deveśaṃ durdarśamakṛtātmabhiḥ / yaṃ dṛṣṭvā sarvamajñānamadharmaśca pramaśyati // ### [1.27.57](https://indike.org/pramana/in.purana.brahmanda.1.27.57) tataḥ pradakṣiṇaṃ kṛtvā brahmāṇamamitaujasam / āsthitā vītaśokāste devadāruvane tataḥ // ### [1.27.58](https://indike.org/pramana/in.purana.brahmanda.1.27.58) ārādhayitumārabdhā brahmaṇā kathitaṃ yathā / sthaṇḍileṣu vicitreṣu parvateṣu guhāsu ca // ### [1.27.59](https://indike.org/pramana/in.purana.brahmanda.1.27.59) nadīnāṃ ca vicitreṣu pulineṣu śubheṣu ca / evaṃ saṃvatsare pūrṇe vasaṃte samupasthite / tadeva rūpamāsthāya devastadvanamāgataḥ // ### [1.27.60](https://indike.org/pramana/in.purana.brahmanda.1.27.60) kusumitabahupādapālatākaṃ bhramaragaṇai rupagīyamānakhaṇḍam / parabhṛtaparipūrṇacāruśabdaṃ praviśati tadvanamāśramaṃ maheśaḥ // ### [1.27.61](https://indike.org/pramana/in.purana.brahmanda.1.27.61) tatastaṃ munayaḥ sarve tuṣṭuvuḥ susamāhitāḥ // ### [1.27.62](https://indike.org/pramana/in.purana.brahmanda.1.27.62) adbhirvivadhamālyaiśca dhūpamandhaistathaiva ca / sapatnīkā mahābhāgāḥ saputrāḥ saparicchadāḥ // ### [1.27.63](https://indike.org/pramana/in.purana.brahmanda.1.27.63) mṛdu bhaste tadā vāgbhirgirīśamidamabruvan / ajñānāddevadevasya yadasmābhignuṣṭhitam // ### [1.27.64](https://indike.org/pramana/in.purana.brahmanda.1.27.64) karmaṇā manasā vācā tatsarvaṃ kṣantumarhasi / caritāni vicitrāṇi guhyāni gahanāni ca // ### [1.27.65](https://indike.org/pramana/in.purana.brahmanda.1.27.65) brahmādīnāṃ ca devānāṃ durvijñeyāni śaṅkara / svāgataṃ te na jānīmo gatiṃ naiva ca naiva ca // ### [1.27.66](https://indike.org/pramana/in.purana.brahmanda.1.27.66) viśveśvara mahādeva yo 'si so 'si namo 'stu te / stuvanti tvāṃ mahātmāno devadevaṃ maheśvaram // ### [1.27.67](https://indike.org/pramana/in.purana.brahmanda.1.27.67) namo bhavāya bhavyāya bhāvanāyodbhavāya ca / anantabalavīryāya bhūtānāṃ pataye namaḥ // ### [1.27.68](https://indike.org/pramana/in.purana.brahmanda.1.27.68) saṃhartre kapiśāṅgāya avyayāya vyayāya ca / gaṅgā saliladhārāya cādhārāya guṇātmane // ### [1.27.69](https://indike.org/pramana/in.purana.brahmanda.1.27.69) tryaṃbakāya trinetrāya triśūlavaradhāriṇe / kandarpāya namastubhyaṃ namo 'stu paramātmane // ### [1.27.70](https://indike.org/pramana/in.purana.brahmanda.1.27.70) śakarāya vṛṣāṅkāya gaṇānāṃ pataye namaḥ / daṇḍahastāya kālāya pāśahastāya vai namaḥ // ### [1.27.71](https://indike.org/pramana/in.purana.brahmanda.1.27.71) vedamantrapradhānāya śatajihvāya te namaḥ / bhūtaṃ bhavyaṃ bhaviṣyacca sthāvaraṃ caṅgamaṃ ca yat // ### [1.27.72](https://indike.org/pramana/in.purana.brahmanda.1.27.72) tava dehātsamutpannaṃ deva sarvamidaṃ jagat / śebho pāhi ca bhadraṃ te prasīda bhagavaṃstataḥ // ### [1.27.73](https://indike.org/pramana/in.purana.brahmanda.1.27.73) ajñānādyadi vā jñānādyatkiñcitkurute naraḥ / tatsarvaṃ bhagavāneva kurute yogamāyayā // ### [1.27.74](https://indike.org/pramana/in.purana.brahmanda.1.27.74) evaṃ stutvā tu munayaḥ prahṛṣṭenāntarātmanā / yācante tapasā yuktāḥ paśyāmasttvāṃ yathā purā // ### [1.27.75](https://indike.org/pramana/in.purana.brahmanda.1.27.75) prakṛtisthaṃ ca te liṅgaṃ tathaivāstu yathā purā / namo digvāsase nityaṃ kiṅkiṇījālamāline // ### [1.27.76](https://indike.org/pramana/in.purana.brahmanda.1.27.76) vikaṭāya karālāya karālavadanāya ca / arūpāya surūpāya viśvarūpāya te namaḥ // ### [1.27.77](https://indike.org/pramana/in.purana.brahmanda.1.27.77) kaṭaṅkaṭāya rūdrāya svāhākārāya vai namaḥ / sarvaprāṇātmane tubhyaṃ guṇadehāya vai namaḥ // ### [1.27.78](https://indike.org/pramana/in.purana.brahmanda.1.27.78) durggandhāya sugandhāya śūlahastāya vai namaḥ / svayaṃ nīlaśikhaṇḍāya śrīkaṇṭhāya namo namaḥ / nīlakaṇṭhāya devāya citābhasmāṅgarāgiṇe // ### [1.27.79](https://indike.org/pramana/in.purana.brahmanda.1.27.79) guṇatrayātmane tubhyaṃ namo viśvāya vedhase / śmaśānavāsine nityaṃ pretarūpāya vai namaḥ // ### [1.27.80](https://indike.org/pramana/in.purana.brahmanda.1.27.80) tvaṃ brahmā sarvadevānāṃ rudrāṇāṃ nīlalohitaḥ / ātmā ca sarvabhūtānāṃ sāṃkhyaiḥ puruṣa ucyate // ### [1.27.81](https://indike.org/pramana/in.purana.brahmanda.1.27.81) parvatānāṃ mahāmerurnakṣatrāṇāṃ ca candramāḥ / ṛṣīṇāṃ ca vasiṣṭhastvaṃ devānāṃ vāsavastathā // ### [1.27.82](https://indike.org/pramana/in.purana.brahmanda.1.27.82) oṅkaraḥ sarvavedānāṃ jyeṣṭhasāma ca sāmasu / āraṇyānāṃ ca sarveṣāṃ siṃhastvaṃ parameśvaraḥ // ### [1.27.83](https://indike.org/pramana/in.purana.brahmanda.1.27.83) grāmyāṇāmṛṣabhaścāpi bhagavāṃllokapūjitaḥ / sarvathā varttamāno 'pi yoyo bhāvo bhaviṣyati // ### [1.27.84](https://indike.org/pramana/in.purana.brahmanda.1.27.84) tvāmeva tatra paśyāmo brahmaṇā kathitaṃ yathā / kāmaḥ krodhaśca lobhaśca viṣādo mada eva ca // ### [1.27.85](https://indike.org/pramana/in.purana.brahmanda.1.27.85) etadicchāma vai roddhuṃ prasīda parameśvara / mahāsaṃharaṇe prāpte tvayā deva kṛtātmanā // ### [1.27.86](https://indike.org/pramana/in.purana.brahmanda.1.27.86) karaṃ lalāṭe saṃpīḍya vahnirutpāditastvayā / tenāgninā tadā lokā arcirbhiḥ sarvato vṛtāḥ // ### [1.27.87](https://indike.org/pramana/in.purana.brahmanda.1.27.87) tasmādagnisamā hyete bahavo vikṛtāgnayaḥ / yāni cānyānibhūtāni sthāvarāṇi carāṇi ca // ### [1.27.88](https://indike.org/pramana/in.purana.brahmanda.1.27.88) dahyante prāṇinaste tu tvatsamutthena vāhninā / asmākaṃ dahyamānānāṃ trātā bhava sureśvara // ### [1.27.89](https://indike.org/pramana/in.purana.brahmanda.1.27.89) tvaṃ ca lokahitārthāya bhūtāni pariṣiñcasi / maheśvara mahābhāga prabho śubhanirīkṣaka // ### [1.27.90](https://indike.org/pramana/in.purana.brahmanda.1.27.90) ājñāpaya vayaṃ nātha karttāro vacanaṃ tava / rūpakoṭisahasreṣu rūpakoṭiśateṣu ca // ### [1.27.91](https://indike.org/pramana/in.purana.brahmanda.1.27.91) antaṃ gantuṃ na śaktāḥ sma tava deva namo 'stu te / tatastu bhagavānīśa idaṃ vacanamabravīt // ### [1.27.92](https://indike.org/pramana/in.purana.brahmanda.1.27.92) ye hi me bhasmaniratā bhasmanā dagdhakilbiṣāḥ / yathoktakāriṇo dāntā viprā dhyānaparāyaṇāḥ // ### [1.27.93](https://indike.org/pramana/in.purana.brahmanda.1.27.93) na tānparivadedvidvān na ca tānatilaṅghayet / na cemānapriyaṃ brūyādamutreha hitārthavān // ### [1.27.94](https://indike.org/pramana/in.purana.brahmanda.1.27.94) yastānnindati mūḍhātmā mahādevaṃsa nindati / yastvetānpūjayennityaṃ sa pūjayati śaṅkaram / evaṃ caratha bhadraṃ vo mattaḥ siddhimavāpsyatha // ### [1.27.95](https://indike.org/pramana/in.purana.brahmanda.1.27.95) atulamiha mahātamaḥ praṇāśaṃśivakathitaṃ paramaṃ vidhiṃ viditvā / apagatabhayalobhamohacintāḥ saha patitāḥ mahasā śirobhirūhuḥ // ### [1.27.96](https://indike.org/pramana/in.purana.brahmanda.1.27.96) tataste muditā viprāḥ prakṛtisthe maheśvare / gandhodakaiḥ suśuddhaiśca kuśapuṣpavimiśritaiḥ // ### [1.27.97](https://indike.org/pramana/in.purana.brahmanda.1.27.97) snāpayanti mahākumbhairadbhirdevaṃ maheśvaram / gāyanti vividhairguhyair huṃkāraiścāpi susvaraiḥ // ### [1.27.98](https://indike.org/pramana/in.purana.brahmanda.1.27.98) namo digvāsase deva kiṅkiṇīdhrāya vai namaḥ / arddha nārīśarīrāya sāṃkhyayogapravarttine // ### [1.27.99](https://indike.org/pramana/in.purana.brahmanda.1.27.99) ghanavāhanakṛṣṇāya gajacarmanivāsine / kṛṣṇājinottarīyāya vyālayajñopavītine // ### [1.27.100](https://indike.org/pramana/in.purana.brahmanda.1.27.100) suracitacitravicitrakuṇḍalāya suracitamālyavibhūṣaṇāya tubhyam / mṛgapativaracarmavāsase te pṛthuparaśo ca namostu śaṅkarāya // ### [1.27.101](https://indike.org/pramana/in.purana.brahmanda.1.27.101) bhūyaśca sthāpite liṅge lokānāṃ hitakāmyayā / varṇadharmaparāścaiva ceruste munisattamāḥ // ### [1.27.102](https://indike.org/pramana/in.purana.brahmanda.1.27.102) tatastānsa munīnprītaḥ pratyuvāca maheśvaraḥ / prītosmi yuṣmattapasā varaṃ vṛṇuta muvratāḥ // ### [1.27.103](https://indike.org/pramana/in.purana.brahmanda.1.27.103) tataste munayassarve praṇipatya maheśvaram / bhṛgvaṅgirā vasiṣṭhaśca viśvāmitrastathaiva ca // ### [1.27.104](https://indike.org/pramana/in.purana.brahmanda.1.27.104) gautamo 'triḥ sukeśaśca pulastyaḥ pulahaḥ kratuḥ / marīciḥ kaśyapaścāpi saṃvartaśca mahātapāḥ // ### [1.27.105](https://indike.org/pramana/in.purana.brahmanda.1.27.105) te praṇamya mahādevamidaṃ vacanamabruvan / bhasmasnānaṃ ca nagnatvaṃ vāmatvaṃ pratilomatā / sevyāsevyatvaṃ tu vibho etadicchāma veditum // ### [1.27.106](https://indike.org/pramana/in.purana.brahmanda.1.27.106) bhagavānuvāca etadvaḥ saṃpravakṣyāmi kathāsarvasvamadya vai / agnirhyahaṃ somayutaḥ somaścāgnimupaśritaḥ // ### [1.27.107](https://indike.org/pramana/in.purana.brahmanda.1.27.107) kṛtākṛtaṃ vadantyagniṃ bhūyo lokāḥ samāśritāḥ / asakṛccāgninā dagdhaṃ jagatsthāvarajaṅgamam // ### [1.27.108](https://indike.org/pramana/in.purana.brahmanda.1.27.108) bhasmasādhyaṃ hi tatsarvaṃ pavitramida muttamam / bhasmanā vīryamāsthāya bhūtāni pariṣiñcati // ### [1.27.109](https://indike.org/pramana/in.purana.brahmanda.1.27.109) agnikāryaṃ ca yatkṛtvā kariṣyati ca tryāyuṣam / bhasmanā mama vīryeṇa mucyate sarvakilbiṣaiḥ // ### [1.27.110](https://indike.org/pramana/in.purana.brahmanda.1.27.110) bhāsayatyeva yadbhasma śubhaṃ vāsayate ca yat / tatkṣaṇātsarvapāpānāṃ bhasmeti parikīrtyate // ### [1.27.111](https://indike.org/pramana/in.purana.brahmanda.1.27.111) ūṣmapāḥ pitaro jñeyā devā vai somasaṃbhavāḥ / agnīṣomātmakaṃ sarvaṃ jagatsthāvarajaṃ gamam // ### [1.27.112](https://indike.org/pramana/in.purana.brahmanda.1.27.112) ahamagnirmahātejāḥ somaścaiṣā mamāṃbikā / ahamagniśca somaśca prakṛtyā puruṣaḥ svayam // ### [1.27.113](https://indike.org/pramana/in.purana.brahmanda.1.27.113) tasmādbhasma mahābhāgā madvīryamiti cocyate / svavīryaṃ vapuṣā caiva dhārayāmīti vai sthitiḥ // ### [1.27.114](https://indike.org/pramana/in.purana.brahmanda.1.27.114) tadā prabhṛti lokeṣu rakṣārthamaśubheṣu ca / bhasmanā kriyate rakṣā sūtikānāṃ gṛheṣu ca // ### [1.27.115](https://indike.org/pramana/in.purana.brahmanda.1.27.115) bhasmasnānaviśuddhātmā jitakrodho jitendriyaḥ / matsamīpasupāgamya na bhūyo vinivartate // ### [1.27.116](https://indike.org/pramana/in.purana.brahmanda.1.27.116) vrataṃ pāśupataṃ yogaṃ kāpālaṃ yoganirmitam / pūrvaṃ pāśupataṃ hyetannirmitaṃ tadanuttamam // ### [1.27.117](https://indike.org/pramana/in.purana.brahmanda.1.27.117) śeṣāścāśramiṇaḥ sarve paścātsṛṣṭāḥ svayaṃbhuvā / sṛṣṭireṣā mayā sṛṣṭā lajjāmohabhayātmikā // ### [1.27.118](https://indike.org/pramana/in.purana.brahmanda.1.27.118) nagnā eva hi jāyante devatā munayastathā / ye cānyemānavā loke sarve jāyantyavāsasaḥ // ### [1.27.119](https://indike.org/pramana/in.purana.brahmanda.1.27.119) indriyairajitairnagnā dukūlenāpi saṃvṛtāḥ / taireva saṃvṛto guptona vastraṃ kāraṇaṃ smṛtam // ### [1.27.120](https://indike.org/pramana/in.purana.brahmanda.1.27.120) kṣamā dhṛtirahiṃsā ca vairāgyaṃ caiva sarvaśaḥ / tulyau mānāpamānau ca tatprāvaraṇamuttamam // ### [1.27.121](https://indike.org/pramana/in.purana.brahmanda.1.27.121) bhasmapāṇḍuradigdhāṅgo dhyāyate manasā bhavam / yadyakāryasahasrāṇi kṛtvā snāyati bhasmanā // ### [1.27.122](https://indike.org/pramana/in.purana.brahmanda.1.27.122) tatsarvaṃ dahate bhasma yathāgnistejasā vanam / tasmā dyatnaparo bhūtvā trikālamapi yaḥ sadā // ### [1.27.123](https://indike.org/pramana/in.purana.brahmanda.1.27.123) bhasmanā kurute snānaṃ gāṇapatyaṃ sa gacchati / saṃhṛtya ca kratūnsarvāngṛhītvāmṛtamutta mam // ### [1.27.124](https://indike.org/pramana/in.purana.brahmanda.1.27.124) dhyāyanti ye mahādevaṃ līnāstadbhāvabhāvitāḥ / uttareṇātha panthānaṃ te 'mṛtatvamavāpnuyuḥ // ### [1.27.125](https://indike.org/pramana/in.purana.brahmanda.1.27.125) dakṣiṇenātha panthānaṃ ye śmaśānāni bhejire / aṇimā mahimā caiva laghimā prāptireva ca // ### [1.27.126](https://indike.org/pramana/in.purana.brahmanda.1.27.126) garimā pañcamī caiva ṣaṣṭhaṃ prākāmyameva ca / īśitvaṃ ca vaśitvaṃ ca hyamaratvaṃ ca te gatāḥ // ### [1.27.127](https://indike.org/pramana/in.purana.brahmanda.1.27.127) indrādayastathā devāḥ kāmikaṃ vratamāsthitāḥ / aiśvaryaṃ paramaṃ prāpya sarve prathitatejasaḥ // ### [1.27.128](https://indike.org/pramana/in.purana.brahmanda.1.27.128) vyapagatamadamohamuktarāgāstamerahajadoṣavivarjitasvabhāvāḥ / paribhavamidamuttamaṃ viditvā paśupatidayitamidaṃ vrataṃ caradhvam // ### [1.27.129](https://indike.org/pramana/in.purana.brahmanda.1.27.129) yaḥ paṭhedvai śucirbhūtvā śraddadhāno jitendriyaḥ / sarvapāpaviśuddhātmā rudralokaṃ sa gacchati // ### [1.27.129.p1](https://indike.org/pramana/in.purana.brahmanda.1.27.129.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāda dāruvanapraveśabhasmasnānavidhirnāma saptaviṃśatitamo 'dhyāyaḥ ## Linked texts (4) - [Bṛhatstotraratnākaraḥ](https://indike.org/pramana/in.sampradaya.general.stotra.brhatstotraratnakara.362_326) — Sanskrit - [Parameśvarastutiḥ](https://indike.org/pramana/in.sampradaya.general.saura.paramesvarastuti.2) — Sanskrit - [Śivapurāṇa (complete text)](https://indike.org/pramana/in.purana.siva*complete-2.2.4.12.43) — Sanskrit - [Saurapurāṇa](https://indike.org/pramana/in.purana.upa.saiva.saura.24.38) — Sanskrit --- Source: [https://indike.org/pramana/in.purana.brahmanda.1.27](https://indike.org/pramana/in.purana.brahmanda.1.27) · Pramāṇa