[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.28 # Brahmandapurana 1.28 Brahmāṇḍapurāṇa 1.28 - **Language:** Sanskrit ## Contents - [1.28.100](https://indike.org/pramana/in.purana.brahmanda.1.28.100) — 1 part ### [1.28.1](https://indike.org/pramana/in.purana.brahmanda.1.28.1) ṛṣiruvāca agātkathamamāvasyāṃ māsi māsi divaṃ nṛpaḥ / ailaḥ purūravāḥ sūta kathaṃ vātarpayatpitṝn // ### [1.28.2](https://indike.org/pramana/in.purana.brahmanda.1.28.2) sūta uvāca tasya te 'haṃ pravakṣyāmi prabhāvaṃ śāṃśapāyane / ailasyādityasaṃyogaṃ somasya ca mahātmanaḥ // ### [1.28.3](https://indike.org/pramana/in.purana.brahmanda.1.28.3) antaḥsāramayasyendoḥ pakṣayoḥ śuklakṛṣṇayoḥ / hrāsavṛddhī pidṛmataḥ pitryasya ca vinirṇayam // ### [1.28.4](https://indike.org/pramana/in.purana.brahmanda.1.28.4) somāccaivāmṛtaprāptiṃ pitṝṇāṃ tarvaṇaṃ tathā / kāvyāgniṣvāttamaumyānāṃ pitṝṇāñcaiva darśanam // ### [1.28.5](https://indike.org/pramana/in.purana.brahmanda.1.28.5) yathā purūravāścaiva tarpayāmāsa vai pitṝn / etatsarvaṃ pravakṣyāmi parvāṇi ca yathākramam // ### [1.28.6](https://indike.org/pramana/in.purana.brahmanda.1.28.6) yadā tu candrasūryauṃ vai nakṣatreṇa samāgatau / amāvasyāṃ nivasata ekarātraikamaṇḍalau // ### [1.28.7](https://indike.org/pramana/in.purana.brahmanda.1.28.7) sa gacchati tadā draṣṭuṃ divākaraniśākarau / amāvasyāmamāvāsyāṃ mātāmahapitāmahau // ### [1.28.8](https://indike.org/pramana/in.purana.brahmanda.1.28.8) abhivādya sa tau tatra kālāpekṣaḥ pratīkṣate / prasyandamānātsomāttu pitrarthaṃ tu pariśravān // ### [1.28.9](https://indike.org/pramana/in.purana.brahmanda.1.28.9) ailaḥ purūravā vidvānmāsaśrāddhacikīrṣayā / upāste pitṛmantaṃ taṃ somaṃ divi samāsthitaḥ // ### [1.28.10](https://indike.org/pramana/in.purana.brahmanda.1.28.10) dvilavāṃ kuhūmātrāṃ ca te ubhe tu vicārya saḥ / sinīvālīpramāṇebhyaḥ sinīvālīmupāsya saḥ // ### [1.28.11](https://indike.org/pramana/in.purana.brahmanda.1.28.11) kuhūmātraḥ kalāṃ caiva jñātvopāste kuhūṃ tathā / sa tadā tāmupāsīnaḥ kālāpekṣaḥ prapaśyati // ### [1.28.12](https://indike.org/pramana/in.purana.brahmanda.1.28.12) sudhāmṛtaṃ tu tatsomātsravadvai māsatṛptaye / daśabhiḥ pañcabhiścaiva sudhāmṛtaparisravaiḥ // ### [1.28.13](https://indike.org/pramana/in.purana.brahmanda.1.28.13) kṛṣṇapakṣe bhujāṃ prītyā dahyamānāṃ tathāṃśubhiḥ / sadyaḥ prakṣaratā tena saumyena madhunā tu saḥ // ### [1.28.14](https://indike.org/pramana/in.purana.brahmanda.1.28.14) nirvāteṣtratha pakṣeṣu pitryeṇa vidhinā divi / sudhāmṛtena rājaindrastarpa yāmāsa vai pitṝn // ### [1.28.15](https://indike.org/pramana/in.purana.brahmanda.1.28.15) saumyānbarhiṣadaḥ kāvyānagniṣvāttāṃstathaiva ca / ṛtamagnistu yaḥ proktaḥ sa tu saṃvatsaro mataḥ // ### [1.28.16](https://indike.org/pramana/in.purana.brahmanda.1.28.16) jajñire hyṛtavastasmāddhyṛtubhyaścārttavāstathā / ārtavā hyarddhamāsākhyāḥ pitaro hyṛtusūnavaḥ // ### [1.28.17](https://indike.org/pramana/in.purana.brahmanda.1.28.17) ṛtavaḥ pitāmahā māsā ayanāhyabdasūnavaḥ / prapitāmahāstu vai devāḥ pañcābdā brahmaṇaḥ sutāḥ // ### [1.28.18](https://indike.org/pramana/in.purana.brahmanda.1.28.18) saumyāstu somajā jñeyāḥ kāvyā jñeyāḥ kaveḥ sutāḥ / upahūtāḥ smṛtā devāḥ somajāḥ somapāḥ smṛtāḥ // ### [1.28.19](https://indike.org/pramana/in.purana.brahmanda.1.28.19) ājyapāstu smṛtāḥ kāvyāstisrastāḥ pitṛjātayaḥ / kāvyā barhiṣada ścaiva agniṣvāttāśca tāstridhā // ### [1.28.20](https://indike.org/pramana/in.purana.brahmanda.1.28.20) gṛhasthā ye ca yajvāna ṛturbarhiṣado dhruvam / gṛhasthāścāpyayajvāna agniṣvāttāstathārttavāḥ // ### [1.28.21](https://indike.org/pramana/in.purana.brahmanda.1.28.21) aṣṭakāpatayaḥ kāvyāḥ pañcābdāstānnibodhata / teṣāṃ saṃvatsaro hyagniḥ sūyastu parivatsaraḥ // ### [1.28.22](https://indike.org/pramana/in.purana.brahmanda.1.28.22) soma iḍvatsaraḥ prokto vāyuścaivānuvatsaraḥ / rudrastu vatsarasteṣāṃ pañcābdāste yugātmakāḥ // ### [1.28.23](https://indike.org/pramana/in.purana.brahmanda.1.28.23) kāvyāścaivoṣmapāścaiva divākīrtyāśca te smṛtāḥ / ye te pibantyamāvasyāṃ māsimāsi sudhāṃ divi // ### [1.28.24](https://indike.org/pramana/in.purana.brahmanda.1.28.24) tāṃstena tarpayāmāsa yāvadāsītpurūravāḥ / yasmātprasravate somānmāsi māsi dhinoti ca // ### [1.28.25](https://indike.org/pramana/in.purana.brahmanda.1.28.25) tasmātsudhāmṛtaṃ tadvai pitṝṇāṃ somapāyinām / evaṃ tadamṛtaṃ saumyaṃ sudhā ca madu caiva ha // ### [1.28.26](https://indike.org/pramana/in.purana.brahmanda.1.28.26) kṛṣṇapakṣe yathā vendoḥ kalāḥ pañcadaśa kramāt / pibantyaṃbumayaṃ devāstrayastriṃśattu chandanāḥ // ### [1.28.27](https://indike.org/pramana/in.purana.brahmanda.1.28.27) pītvārddhamāsaṃ gacchanti caturdaśyāṃ sudhāmṛtam / ityevaṃ pīyamānaistu devaiḥ sarvairniśākaraḥ // ### [1.28.28](https://indike.org/pramana/in.purana.brahmanda.1.28.28) samāgacchatyamāvasyāṃ bhāge pañcadaśe sthitaḥ / suṣumṇāpyāyitaṃ caiva hyamāvasyāṃ yathā kramam // ### [1.28.29](https://indike.org/pramana/in.purana.brahmanda.1.28.29) pibanti dvilavaṃ kālaṃ pitaraste sudhāmṛtam / pītakṣayaṃ tataḥ somaṃ sūryo 'sāvekaraśminā // ### [1.28.30](https://indike.org/pramana/in.purana.brahmanda.1.28.30) āpyāyayatsuṣumṇātaḥ punastānsomapāyinaḥ / niḥ śeṣāyāṃ kalāyāṃ tu somamāpyāyayatpunaḥ // ### [1.28.31](https://indike.org/pramana/in.purana.brahmanda.1.28.31) suṣumṇāpyāyamānasya bhāgaṃ bhāgamahaḥ kramāt / kalāḥ kṣīyanti tāḥ kṛṣṇāḥ śuklā cāpyāyayanti tam // ### [1.28.32](https://indike.org/pramana/in.purana.brahmanda.1.28.32) evaṃ sūryasya vīryeṇa candrasyāpyāyitā tanuḥ / dṛśyate paurṇamāsyāṃ vai śuklaḥ saṃpūrṇamaṇḍalaḥ // ### [1.28.33](https://indike.org/pramana/in.purana.brahmanda.1.28.33) saṃsiddhirevaṃ somasya pakṣayoḥ śuklakṛṣṇayoḥ / ityevaṃ pitṛmānsomaḥ smṛta iḍvatsarātmakaḥ // ### [1.28.34](https://indike.org/pramana/in.purana.brahmanda.1.28.34) krāntaḥ pañcadaśaiḥ sārddhaṃ sudhāmṛtaparisravaiḥ / ataḥ parvāṇi vakṣyāmi varvaṇāṃ saṃdhayaśca ye // ### [1.28.35](https://indike.org/pramana/in.purana.brahmanda.1.28.35) granthimanti yathā parvāṇīkṣuve ṇvorbhavantyuta / tathārddhamāsi parvāṇi śuklakṛṣṇāni caiva hi // ### [1.28.36](https://indike.org/pramana/in.purana.brahmanda.1.28.36) pūrṇāmāvasyayorbhedau granthayaḥ saṃdhayaśca vai / arddhamāsaṃ tu parvāṇi dvitīyāprabhṛtīni tu // ### [1.28.37](https://indike.org/pramana/in.purana.brahmanda.1.28.37) anvādhānakriyā yasmātkriyate parvasaṃdhiṣu / tasmāttu parvaṇāmādau pratipatsarvasaṃdhiṣu // ### [1.28.38](https://indike.org/pramana/in.purana.brahmanda.1.28.38) sāyāhne 'hyanumatyādau kālo dvilava ucyate / lavau dvāveva rākāyāṃ kālo jñeyo 'parāhṇakaḥ // ### [1.28.39](https://indike.org/pramana/in.purana.brahmanda.1.28.39) pratipatkṛṣṇapakṣasya kāle 'tīte 'parāhṇake / sāyāhne pratipanne ca sa kālaḥ paurṇamāsikaḥ // ### [1.28.40](https://indike.org/pramana/in.purana.brahmanda.1.28.40) vyatīpāte sthite sūrye lekhārddhe tu yugāntare / yugāntarodite caiva leśārddhe śaśinaḥ kramāt // ### [1.28.41](https://indike.org/pramana/in.purana.brahmanda.1.28.41) paurṇamāsī vyatīpāte yadīkṣetāṃ parasparam / yasminkāle samau syātāṃ tau vyatīpāta eva saḥ // ### [1.28.42](https://indike.org/pramana/in.purana.brahmanda.1.28.42) taṃ kālaṃ sūryanirddeśyaṃ dṛṣṭvā saṃkhyāṃ tu sarpati / sa vai vaṣaṭākriyākālaḥ sadyaḥ kālaṃ vidhīyate // ### [1.28.43](https://indike.org/pramana/in.purana.brahmanda.1.28.43) pūrṇandoḥ pūrṇapakṣe tu rātrisaṃdhiśca pūrṇimā / tato virajyate naktaṃ paurṇamāsyāṃ niśākaraḥ // ### [1.28.44](https://indike.org/pramana/in.purana.brahmanda.1.28.44) yadīkṣete vyatīpāte divā pūrṇe parasparam / candrārkāvaparāhṇe tu pūrṇātmānau tu pūrṇimā // ### [1.28.45](https://indike.org/pramana/in.purana.brahmanda.1.28.45) yasmāttāmanumanyante pitaro daivataiḥ saha / tasmādanumatirnāma pūrṇimā prathamā smṛtā // ### [1.28.46](https://indike.org/pramana/in.purana.brahmanda.1.28.46) atyarthaṃ bhrājate yasmādvyomnyasyāṃ vai niśākaraḥ / rañjanāccaiva candrasya rāketi kavayo 'bruvan // ### [1.28.47](https://indike.org/pramana/in.purana.brahmanda.1.28.47) amāvasetāmṛkṣe tu yadā candradivākarau / rākā pañcadaśī rātriramāvāsyā tataḥ smṛtā // ### [1.28.48](https://indike.org/pramana/in.purana.brahmanda.1.28.48) vyucchidya tamamāvasyāṃ paśyatastau samāgatau / anyonyaṃ candrasūryauṃ tau yadā tadvarśa ucyate // ### [1.28.49](https://indike.org/pramana/in.purana.brahmanda.1.28.49) dvau dvau lavāvamāvāsyā sa kālaḥ parvasaṃdhiṣu / dvyakṣara kuhumātraśca parvakālāstrayaḥ smṛtāḥ // ### [1.28.50](https://indike.org/pramana/in.purana.brahmanda.1.28.50) naṣṭacandrā tvamāvasyā yā madhyāṅnātpravarttate / divasārddhena rātryā ca sūryaṃ prāpya tu candramāḥ // ### [1.28.51](https://indike.org/pramana/in.purana.brahmanda.1.28.51) sūryeṇa saha sāmudraṃ gatvā prātastanātsa vai / dvau kālau saṃgamaṃ caiva madhyāhne niyataṃ raviḥ // ### [1.28.52](https://indike.org/pramana/in.purana.brahmanda.1.28.52) pratipacchuklapakṣasya candramāḥ sūrya maṇḍalāt / vimucyamānayormadhye tayormaṇḍalayostu vai // ### [1.28.53](https://indike.org/pramana/in.purana.brahmanda.1.28.53) sa tadā hyāhuteḥ kālo darśasya tu vaṣaṭkriyā / etadṛtumukhaṃ jñeyamamā vāsyāsya parvaṇaḥ // ### [1.28.54](https://indike.org/pramana/in.purana.brahmanda.1.28.54) divāparva hyamāvāsyā kṣīṇendau bahule tu vai / tasmāddivā hyamāvāsyāṃ gṛhyate 'sau divākaraḥ // ### [1.28.55](https://indike.org/pramana/in.purana.brahmanda.1.28.55) gṛhyate tu divā tasmādamāvāsyāṃ divi kṣayām / kalānāmapi caitāsāṃ vṛddhihānyā jalātmanaḥ // ### [1.28.56](https://indike.org/pramana/in.purana.brahmanda.1.28.56) tithīnāṃ nāmadheyāni vidvadbhiḥ saṃjñitāni vai / darśayetāmathātmānaṃ sūryācandramasāvubhau // ### [1.28.57](https://indike.org/pramana/in.purana.brahmanda.1.28.57) niṣkrāmatyatha tenaiva kramaśaḥ sūryamaṇḍalāt / dvilavonamahorātraṃ bhāskaraṃ spṛśate śaśī // ### [1.28.58](https://indike.org/pramana/in.purana.brahmanda.1.28.58) sa tadā hyāhuteḥ kālodarśasya tu vaṣaṭkriyā / kuheti kokilenokto yaḥ sa kālaḥ samāpyate // ### [1.28.59](https://indike.org/pramana/in.purana.brahmanda.1.28.59) tatkālasaṃmitā yasmādamāvāsyā kuhūḥ smṛtā / sinīvālīpramāṇastu kṣīṇaśeṣo niśākaraḥ // ### [1.28.60](https://indike.org/pramana/in.purana.brahmanda.1.28.60) āmāvasyāṃ viśatyarkassinī vālītataḥ smṛtā / anumatyāścarākāyāḥ sinīvālyāḥ kuhūṃvinā // ### [1.28.61](https://indike.org/pramana/in.purana.brahmanda.1.28.61) etāsāṃ dvilavaḥ kālaḥ kuhūmātraṅkuhūḥsmṛtāḥ / candrasūryavyatīpāte saṃgate pūrṇimāntare // ### [1.28.62](https://indike.org/pramana/in.purana.brahmanda.1.28.62) pratipatpratipadyeta parvakālo dvimātrakaḥ / kālaḥ kahūsinīvālyoḥ sāmudrasya tu madhyataḥ // ### [1.28.63](https://indike.org/pramana/in.purana.brahmanda.1.28.63) arkāgni maṇḍale some parvakālaḥ kalāsamaḥ / evaṃ sa śuklapakṣe vai rajanyāṃ parvasaṃdhiṣu // ### [1.28.64](https://indike.org/pramana/in.purana.brahmanda.1.28.64) saṃpūrmamaṇḍalaḥ śrīmāṃścandramā uparajyate / yasmādā dāpyāyate somaḥ pañcadaśyāṃ tu pūrṇimā // ### [1.28.65](https://indike.org/pramana/in.purana.brahmanda.1.28.65) daśabhiḥ pañcabhiścaiva kalābhirdivasakramāt / tasmātkalāḥ pañcadaśa somenāsya tu ṣoḍaśī // ### [1.28.66](https://indike.org/pramana/in.purana.brahmanda.1.28.66) tasmātsomasya bhavati pañcadaśyāprapāṃ kṣayaḥ / ityete pitaro devāḥ somapāḥ somavarddhanāḥ // ### [1.28.67](https://indike.org/pramana/in.purana.brahmanda.1.28.67) ārtavā ṛtavo hyṛddhā devāstānbhāvayanti vai / ataḥ pitṝnpravakṣyāmi māsaśrāddhabhujastu ye // ### [1.28.68](https://indike.org/pramana/in.purana.brahmanda.1.28.68) teṣāṃ gatiṃ satattvāṃ ca prāptiṃ śrāddhasya caiva hi / na mṛtānāṃ gatiḥ śakyā jñātuṃ na punarāgatiḥ // ### [1.28.69](https://indike.org/pramana/in.purana.brahmanda.1.28.69) tapasāpi prasiddhena kiṃpunarmāsacakṣuṣā / anudevapitṝnete pitaro laukikāḥ smṛtāḥ // ### [1.28.70](https://indike.org/pramana/in.purana.brahmanda.1.28.70) devāḥ saumyāśca kāvyāśca ayajvāno hyaconijāḥ / devāste pitaraḥ sarve devāstānvādayantyuta // ### [1.28.71](https://indike.org/pramana/in.purana.brahmanda.1.28.71) manuṣyapitaraścaiva tebhyo 'nye laukikāḥ smṛtāḥ / pitā pitāmahaścāpi tathā yaḥ prapitāmahaḥ // ### [1.28.72](https://indike.org/pramana/in.purana.brahmanda.1.28.72) yajvāno ye tu sāmena somavantastu te smṛtāḥ / ye yajvāno haviryajñe te vai barhiṣadaḥ smṛtāḥ // ### [1.28.73](https://indike.org/pramana/in.purana.brahmanda.1.28.73) agniṣvāttāḥ smṛtāsteṣāṃ homino 'yājyayājinaḥ / teṣāṃ tu dharmasādharmyātsmṛtāḥ sāyujyagā dvijaiḥ // ### [1.28.74](https://indike.org/pramana/in.purana.brahmanda.1.28.74) ye cāpyāśramadharmāṇāṃ prasthāneṣu vyavasthitāḥ / ante tu nāvasīdanti śraddhāyuktāstu karmasu // ### [1.28.75](https://indike.org/pramana/in.purana.brahmanda.1.28.75) tapasā brahmacaryeṇa yajñena prajayā ca vai / śrāddhena vidyayā caiva pradānena ca saptadhā // ### [1.28.76](https://indike.org/pramana/in.purana.brahmanda.1.28.76) karmasveteṣu ye yuktā bhavantyādehapātanāt / daivaistaiḥ pitṛbhiḥ sārddhaṃ sūkṣmajaiḥ somayājanaiḥ // ### [1.28.77](https://indike.org/pramana/in.purana.brahmanda.1.28.77) svargatā divi modante pitṛvatta upāsate / teṣāṃ nivāpe datte tu tatkulīnaiśca bandhubhiḥ // ### [1.28.78](https://indike.org/pramana/in.purana.brahmanda.1.28.78) māsaśrāddhabhujastṛptiṃ labhante somalaukikāḥ / ete manuṣyapitaro māsaśrāddhabhujastu ye // ### [1.28.79](https://indike.org/pramana/in.purana.brahmanda.1.28.79) tebhyo 'pare tu ye 'pyanye saṃkīrṇāḥ karmayoniṣu / bhraṣṭāścāśramadharmebhyaḥ svadhāsvāhāvivarjitāḥ // ### [1.28.80](https://indike.org/pramana/in.purana.brahmanda.1.28.80) bhinnadehā durātmānaḥ pretabhūtā yamakṣaye / svakarmāṇya nuśocanto yātanāsthānamāgatāḥ // ### [1.28.81](https://indike.org/pramana/in.purana.brahmanda.1.28.81) dīrghāyuṣo 'tiśuṣkāśca śmaśrulāśca vivāsasaḥ / kṣutpipāsāparītāśca vidravantastatastataḥ // ### [1.28.82](https://indike.org/pramana/in.purana.brahmanda.1.28.82) saritsarastaḍāgāni vāpīścāpyupalipsavaḥ / parānnāni ca lipsaṃtaḥ kālyamānāstatastataḥ // ### [1.28.83](https://indike.org/pramana/in.purana.brahmanda.1.28.83) sthāneṣu pātyamānāśca yātanāśca punaḥ punaḥ / śālmale vaitaraṇyāṃ ca kuṃbhīpāke tathaiva ca // ### [1.28.84](https://indike.org/pramana/in.purana.brahmanda.1.28.84) karaṃbhavālukāyāṃ ca asipatravane tathā / śilā saṃpeṣaṇe caiva pātyamānāḥ svakarmabhiḥ // ### [1.28.85](https://indike.org/pramana/in.purana.brahmanda.1.28.85) tatrasthānāṃ hi teṣāṃ vai duḥ khitānāmanāśinām / teṣāṃ lokāntarasthānāṃ bāndhavairnāma gotrataḥ // ### [1.28.86](https://indike.org/pramana/in.purana.brahmanda.1.28.86) bhūmāvasavyaṃ darbheṣu dattāḥ piṇḍāstrayastu vai / yānti tāstarpayante ca pretasthāneṣvadhiṣṭhitān // ### [1.28.87](https://indike.org/pramana/in.purana.brahmanda.1.28.87) aprāptā yātanāsthānaṃ prabhraṣṭā ya ca pañcadhā / paścādye sthāvarānte vai jātā nīcaiḥ svakarmabhiḥ // ### [1.28.88](https://indike.org/pramana/in.purana.brahmanda.1.28.88) nānārūpāsu jāyante tiryagyoniṣvayoniṣu / yadāhārā bhavantyete tāsu tāsviha yoniṣu // ### [1.28.89](https://indike.org/pramana/in.purana.brahmanda.1.28.89) tasmiṃstasmiṃstadāhāre śrāddhaṃ dattaṃ pratiṣṭhate / kāle nyāyāgataṃ pātre vidhinā pratipāditam // ### [1.28.90](https://indike.org/pramana/in.purana.brahmanda.1.28.90) prāpnotyannaṃ yathādattaṃ janturyatrāvatiṣṭhate / yathā goṣu pranaṣṭāmu vatso vindati mātaram // ### [1.28.91](https://indike.org/pramana/in.purana.brahmanda.1.28.91) tathā śrāddheṣu dattānnaṃ mantraḥ prāpayate pitṝn / evaṃ hyaviphalaṃ śrāddhaṃ śraddhādattaṃ tu mantrataḥ // ### [1.28.92](https://indike.org/pramana/in.purana.brahmanda.1.28.92) tattatkumāraḥ provāca paśyandivyena cakṣuṣā / gatāgatajñaḥ pretānāṃ prāptiṃ śrāddhasya taiḥ saha // ### [1.28.93](https://indike.org/pramana/in.purana.brahmanda.1.28.93) bāhlīkāścoṣmapāścaiva divākīrtyāśca te smṛtāḥ / kṛṣṇapakṣastvahasteṣāṃ śuklaḥ svapnāya śarvarī // ### [1.28.94](https://indike.org/pramana/in.purana.brahmanda.1.28.94) ityete pitaro devā devāśca pitaraśca vai / ṛtvartavārddhamāsāstu anyonyaṃ pitaraḥ smṛtāḥ // ### [1.28.95](https://indike.org/pramana/in.purana.brahmanda.1.28.95) ityeta pitaro devā manuṣyapitaraśca ye / prīteṣu teṣu prīyante śrāddhayukteṣu karmasu // ### [1.28.96](https://indike.org/pramana/in.purana.brahmanda.1.28.96) ityeṣa vicayaḥ proktaḥ pitṝṇāṃ somapāyinām / evaṃ pitṛsatattvaṃ hi purāṇe niścayaṃ gatam // ### [1.28.97](https://indike.org/pramana/in.purana.brahmanda.1.28.97) ityarkapitṛsomānāmailasya ca samāgamaḥ / sudhāmṛtasya ca prāptiḥ pitṝṇāṃ caiva tarppaṇam // ### [1.28.98](https://indike.org/pramana/in.purana.brahmanda.1.28.98) pūrṇā māvāsyayoḥ kālo yātanāsthānameva ca / samāsātkīrtitastubhyameṣa sargaḥ manātanaḥ // ### [1.28.99](https://indike.org/pramana/in.purana.brahmanda.1.28.99) vaiśvarūpyaṃ tu sargasya kathitaṃ hyekadaiśikam / na śakyaṃ parisaṃkhyātuṃ śraddheyaṃ bhūtimicchatā // ### [1.28.100](https://indike.org/pramana/in.purana.brahmanda.1.28.100) svāyaṃbhuvasya hi hyeṣa sargaḥ krānto mayā tu vai / vistareṇānupūrvyā ca bhūyaḥ kiṃ varṇayāmyaham // ### [1.28.100.p1](https://indike.org/pramana/in.purana.brahmanda.1.28.100.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde amāvasyāśrāddhe pitṛvicayonāmāṣṭāviṃśati tamo 'dhyāyaḥ ## Linked texts (3) - [Vāyupurāṇa](https://indike.org/pramana/in.purana.vayu.1.56.2) — Vyāsa, Sanskrit - [Matsyapurāṇa](https://indike.org/pramana/in.purana.matsya.141.1) — Vyāsa, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.14.p1.1) — Ratnākara 1688, Sanskrit --- Source: [https://indike.org/pramana/in.purana.brahmanda.1.28](https://indike.org/pramana/in.purana.brahmanda.1.28) · Pramāṇa