[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.29 # Brahmandapurana 1.29 Brahmāṇḍapurāṇa 1.29 - **Language:** Sanskrit ## Contents - [1.29.92](https://indike.org/pramana/in.purana.brahmanda.1.29.92) — 1 part ### [1.29.1](https://indike.org/pramana/in.purana.brahmanda.1.29.1) ṛṣiruvāca caturyugāni yānyāsanpūrvaṃ svāyaṃbhuve 'ntare / teṣāṃ nisargaṃ tattvaṃ ca śrotumicchāmi vistarāt // ### [1.29.2](https://indike.org/pramana/in.purana.brahmanda.1.29.2) sūta uvāca pṛthivyādiprasaṃgena yanmayā prāgudīritam / teṣāṃ caturyugaṃ hyetattadvakṣyāmi nibodhata // ### [1.29.3](https://indike.org/pramana/in.purana.brahmanda.1.29.3) saṃkhyayeha prasaṃkhyāya vistarāccaiva sarvaśaḥ / yugaṃ ca yugabhedaśca yugadharmastathaiva ca // ### [1.29.4](https://indike.org/pramana/in.purana.brahmanda.1.29.4) yugasaṃdhyāṃśakaścaiva yugasaṃdhānameva ca / ṣaṭprakāśayugākhyaiṣā tā pravakṣyāmi tattvataḥ // ### [1.29.5](https://indike.org/pramana/in.purana.brahmanda.1.29.5) laukikena pramāṇena niṣpādyābdaṃ tu mānuṣam / tenābdena prasaṃkhyāyai vakṣyāmīha vaturyugam / nimeṣakāla tulyaṃ hi vidyāllaghvakṣaraṃ ca yat // ### [1.29.6](https://indike.org/pramana/in.purana.brahmanda.1.29.6) kāṣṭhā nimeṣā daśa pañca caiva triśacca kāṣṭhā gaṇayetkalāṃ tu / triṃśatkalāścāpi bhavenmuhūrttastai striṃśatā rātryahanī same te // ### [1.29.7](https://indike.org/pramana/in.purana.brahmanda.1.29.7) ahorātrau vibhajate sūryo mānuṣalaukikau // ### [1.29.8](https://indike.org/pramana/in.purana.brahmanda.1.29.8) tatrāhaḥ karmaceṣṭāyāṃ rātriḥ svapnāya kalpate / pitrye rātryahanī māsaḥ pravibhāgastayoḥ punaḥ // ### [1.29.9](https://indike.org/pramana/in.purana.brahmanda.1.29.9) kṛṣṇapakṣastvahasteṣāṃ śuklaḥ svapnāya śarvarī / triṃśadye mānuṣā māsāḥ pitryo māsastu saḥ smṛtaḥ // ### [1.29.10](https://indike.org/pramana/in.purana.brahmanda.1.29.10) śatāni trīṇi māsānāṃ ṣaṣṭyā cāpyadhikāni vai / pitryaḥ saṃvatsaro hyeṣa mānuṣeṇa vibhāvyate // ### [1.29.11](https://indike.org/pramana/in.purana.brahmanda.1.29.11) mānuṣe ṇaiva mānena varṣāṇāṃ yacchataṃ bhavet / pitṝṇāṃ trīṇi varṣāṇi saṃkhyātānīha tāni vai // ### [1.29.12](https://indike.org/pramana/in.purana.brahmanda.1.29.12) daśa caivādhikā māsāḥ pitṛsaṃkhyeha saṃjñitāḥ / laukikenaiva mānena hṛbdo yo mānuṣaḥ smṛtaḥ // ### [1.29.13](https://indike.org/pramana/in.purana.brahmanda.1.29.13) etaddivyamahorātraṃ śāstre syānniścayo gataḥ / divye rātryahanī varṣa pravibhāgastayoḥ punaḥ // ### [1.29.14](https://indike.org/pramana/in.purana.brahmanda.1.29.14) ahastatrodagayanaṃ rātriḥ syāddakṣiṇāyanam / ye te rātryahanī divye prasaṃkhyānaṃ tayoḥ punaḥ // ### [1.29.15](https://indike.org/pramana/in.purana.brahmanda.1.29.15) triṃśadyāni tu varṣāṇi dipyo māsastu sa smṛtaḥ / yanmānuṣaṃ śataṃ viddhi divyā māsāstrayastu te // ### [1.29.16](https://indike.org/pramana/in.purana.brahmanda.1.29.16) daśa caiva tathāhāni divyo hyeṣa vidhiḥ smṛtaḥ / trīṇi varṣaśatānyeva ṣaṣṭivarṣāṇi yāni tu / divyaḥ saṃvatsaro hyeṣa mānuṣeṇa prakīrttitaḥ // ### [1.29.17](https://indike.org/pramana/in.purana.brahmanda.1.29.17) trīṇi varṣa sahasrāṇi mānuṣāṇi pramāṇataḥ / triṃśadanyāni varṣāṇi mataḥ saptarṣivatsaraḥ // ### [1.29.18](https://indike.org/pramana/in.purana.brahmanda.1.29.18) nava yāni sahasrāṇi varṣāṇāṃ mānuṣāṇi tu / anyāni navatiścaiva dhruvaḥ saṃvatsaraḥ smṛtaḥ // ### [1.29.19](https://indike.org/pramana/in.purana.brahmanda.1.29.19) ṣaḍviṃśatisahasrāṇi varṣāṇi mānuṣāṇi tu / varṣāṇāṃ tu śataṃ jñeyaṃ divyo hyeṣa vidhiḥ smṛtaḥ // ### [1.29.20](https://indike.org/pramana/in.purana.brahmanda.1.29.20) trīṇyeva niyutānyāhurvarṣāṇāṃ mānuṣāṇi tu // ### [1.29.21](https://indike.org/pramana/in.purana.brahmanda.1.29.21) ṣaṣṭiścaiva sahasrāṇi saṃkhyātāni tu saṃkhyāyā / divyavarṣasahasra tu prāhuḥ saṃkhyāvido janāḥ // ### [1.29.22](https://indike.org/pramana/in.purana.brahmanda.1.29.22) ityevamṛṣibhirgītaṃ divyayā saṃkhyāyā tviha / divyenaiva pramāṇena yugasaṃkhyāprakalpanam // ### [1.29.23](https://indike.org/pramana/in.purana.brahmanda.1.29.23) catvāri bhārate varṣe yugāni kavayo 'buvan / kṛtaṃ tretā dvāparaṃ ca kaliśceti catuṣṭayam // ### [1.29.24](https://indike.org/pramana/in.purana.brahmanda.1.29.24) pūrva kṛtayukaṃ nāma tatastretī vidhīyate / dvāparaṃ ca kaliścaiva yugānyetāni kalpayet // ### [1.29.25](https://indike.org/pramana/in.purana.brahmanda.1.29.25) catvāryāhuḥ sahasrāṇi varṣāṇāṃ ca kṛta yugam / tasya tāvacchatī saṃdhyā saṃdhyāṃśaḥ saṃdhyāyā samaḥ // ### [1.29.26](https://indike.org/pramana/in.purana.brahmanda.1.29.26) itareṣu sasaṃdhyeṣu sasaṃdhyāṃśeṣu ca triṣu / ekanyāyena vartante sahasrāṇi śatāni ca // ### [1.29.27](https://indike.org/pramana/in.purana.brahmanda.1.29.27) trīṇi dve ca sahasrāṇi tretādvāparayoḥ kramāt / triśatī dviśatī saṃdhye saṃdhyāṃśau cāpi tatsamau // ### [1.29.28](https://indike.org/pramana/in.purana.brahmanda.1.29.28) kaliṃ varṣasarasraṃ tu yugamāhurdvijottamāḥ / tasyaikaśatikā saṃdhyā saṃdhyāṃśaḥ saṃdhyayā samaḥ // ### [1.29.29](https://indike.org/pramana/in.purana.brahmanda.1.29.29) teṣāṃ dvādaśasāhasrī yugasaṃkhyā prakīrttitā / kṛtaṃ tretā dvāparaṃ ca kaliścaiva catuṣṭayam // ### [1.29.30](https://indike.org/pramana/in.purana.brahmanda.1.29.30) atra saṃvatsarā dṛṣṭā mānuṣeṇa pramāṇataḥ / kṛtasya tāvadvakṣyāmi varṣāṇi ca nibodhata // ### [1.29.31](https://indike.org/pramana/in.purana.brahmanda.1.29.31) sahasrāṇāṃ śatānyāhuścaturdaśa hi saṃkhyāyā / catvāriṃśatsahasrāṇi tathānyāni kṛtaṃ yugam // ### [1.29.32](https://indike.org/pramana/in.purana.brahmanda.1.29.32) tathā śatasahasrāṇi varṣāṇi daśasaṃkhyāyā / aśītiśca sahasrāṇi kālastretāyugasya saḥ // ### [1.29.33](https://indike.org/pramana/in.purana.brahmanda.1.29.33) saptaiva niyutānyāhurvarṣāṇāṃ mānuṣeṇa tu / viṃśatiśca sahasrāmi kālaḥ sa dvāparasya ca // ### [1.29.34](https://indike.org/pramana/in.purana.brahmanda.1.29.34) tathā śatasahasrāṇi varṣāṇāṃ trīṇi saṃkhyayā / ṣaṣṭiścaiva sahasrāṇi kālaḥ kaliyugasya tu // ### [1.29.35](https://indike.org/pramana/in.purana.brahmanda.1.29.35) evaṃ caturyuge kāla ṛtaiḥ saṃdhyāṃśakaiḥ smṛtaḥ / niyutānyeva ṣaḍiṃśānnirasāni yugāni vai // ### [1.29.36](https://indike.org/pramana/in.purana.brahmanda.1.29.36) catvāriṃśattathā trīṇi niyutā nīha saṃkhyayā / viṃśatiśca sahasrāṇi sa saṃdhyāṃśaścaturyugaḥ // ### [1.29.37](https://indike.org/pramana/in.purana.brahmanda.1.29.37) evaṃ caturyugākhyānāṃ sādhikā hyekasaptatiḥ / kṛtatretādiyuktānāṃ manorantaramucyate // ### [1.29.38](https://indike.org/pramana/in.purana.brahmanda.1.29.38) manvantarasya saṃkhyāṃ tu varṣāgreṇa nibodhata / triṃśatkoṭyastu varṣāṇāṃ mānuṣeṇa prakīrttitāḥ // ### [1.29.39](https://indike.org/pramana/in.purana.brahmanda.1.29.39) sapta ṣaṣṭistathānyāni niyutānyadhikāni tu / viśatiśca sahasrāṇi kālo 'yaṃ sādhikaṃ vinā // ### [1.29.40](https://indike.org/pramana/in.purana.brahmanda.1.29.40) manvantarasya saṃkhyaiṣā saṃkhyā vidbhirdvijaiḥ smṛtā / manvantarasya kālo 'yaṃ yugaiḥ sārddhaṃ ca kīrttitaḥ // ### [1.29.41](https://indike.org/pramana/in.purana.brahmanda.1.29.41) catuḥ sāhasrayuktaṃ vai prākṛtaṃ tatkṛtaṃ yugam / tretāśiṣṭaṃ pravakṣyāmi dvāparaṃ kalimeva ca // ### [1.29.42](https://indike.org/pramana/in.purana.brahmanda.1.29.42) yugapatsamayenārtho dvidhā vaktuṃ na śakyate / kramāgataṃ mayā hyetattubhyaṃ nokta yuga dvayam // ### [1.29.43](https://indike.org/pramana/in.purana.brahmanda.1.29.43) ṛṣivaṃśaprasaṃgena vyākulatvāttathaiva ca / atra tretāyugasyādau manuḥ saptarṣayaśca ye // ### [1.29.44](https://indike.org/pramana/in.purana.brahmanda.1.29.44) śrauta smārtta ca te dharma brahmaṇānupracauditam / dārāgnihotrasaṃbandhamṛgyajuḥ sāmasaṃhitam // ### [1.29.45](https://indike.org/pramana/in.purana.brahmanda.1.29.45) ityādilakṣaṇaṃ śrautaṃ dharma saptarṣayo 'bruvan / paraṃparāgataṃ dharma smārttaṃ cācāralakṣaṇam // ### [1.29.46](https://indike.org/pramana/in.purana.brahmanda.1.29.46) varṇāśramācārayutaṃ manuḥ svāyaṃbhuvo 'bravīt / satyena brahmacaryeṇa śrutena tapasā ca vai // ### [1.29.47](https://indike.org/pramana/in.purana.brahmanda.1.29.47) teṣāṃ tu taptatapasā ārṣeṇopakrameṇa tu / saptarṣīṇāṃ manoścaiva hyādye tretāyuge tathā // ### [1.29.48](https://indike.org/pramana/in.purana.brahmanda.1.29.48) abuddhipūrvakaṃ teṣāmakriyāpūrvameva ca / abhivyaktāstu te mantrāstārakādyairnidarśanaiḥ // ### [1.29.49](https://indike.org/pramana/in.purana.brahmanda.1.29.49) ādikalpe tu devānāṃ prādurbhūtāstu yāḥ svayam / prāṇāśeṣvatha siddhīnāmanyāsāṃ ca pravarttanam // ### [1.29.50](https://indike.org/pramana/in.purana.brahmanda.1.29.50) āsanmantrā vyatīteṣu ye kalpeṣu sahasraśaḥ / te mantrā vai punasteṣāṃ pratibhāyāmupasthitāḥ // ### [1.29.51](https://indike.org/pramana/in.purana.brahmanda.1.29.51) ṛco yajūṃṣi sāmāni mantraścātharvaṇāni tu / saptarṣibhistu te proktāḥ smārttaṃ dharmaṃ manurjagau // ### [1.29.52](https://indike.org/pramana/in.purana.brahmanda.1.29.52) tretādau saṃhitā vedāḥ kevalā dharmasetavaḥ / saṃrodhādāyuṣaścaiva vartsyante dvāpareṣu vai // ### [1.29.53](https://indike.org/pramana/in.purana.brahmanda.1.29.53) ṛṣayastapasā vedāndvāparādiṣvadhīyate / anādinidhinā divyāḥ pūrvaṃ sṛṣṭāḥ svayaṃbhuvā // ### [1.29.54](https://indike.org/pramana/in.purana.brahmanda.1.29.54) sadharmāḥ savratāḥ sāṃgā yathādharmaṃ yugeyuge / vikriyante samānārthā vedavādā yathāyugam // ### [1.29.55](https://indike.org/pramana/in.purana.brahmanda.1.29.55) āraṃbhayajñāḥ kṣatrāśca haviryajñā viśastathā / paricārayajñāḥ śūdrāstu japayajñā dvijottamāḥ // ### [1.29.56](https://indike.org/pramana/in.purana.brahmanda.1.29.56) tadā pramuditā varṇāstretāyāṃ dharmapālitāḥ / kriyāvantaḥ prajāvantaḥ samṛddhāḥ sukhinastathā // ### [1.29.57](https://indike.org/pramana/in.purana.brahmanda.1.29.57) brāhmaṇānanurttante kṣatriyāḥ kṣatriyānviśaḥ / vaiśyānuvarttinaḥ śudrāḥ parasparamanuvratāḥ // ### [1.29.58](https://indike.org/pramana/in.purana.brahmanda.1.29.58) śubhāḥ pravṛttayasteṣāṃ dharmā varṇāśramāstathā / saṃkalpitena manasā vācoktena svakarmaṇā // ### [1.29.59](https://indike.org/pramana/in.purana.brahmanda.1.29.59) tretāyuge ca viphalaḥ karmāraṃbhaḥ prasiddhyati / āyurmedhā balaṃ rūpamārogyaṃ dharmaśīlatā // ### [1.29.60](https://indike.org/pramana/in.purana.brahmanda.1.29.60) sarvasādhāraṇā hyete tretāyāṃ vai bhavaṃ tyuta / varṇāśramavyavasthānaṃ teṣāṃ brahmā tadākarot // ### [1.29.61](https://indike.org/pramana/in.purana.brahmanda.1.29.61) punaḥ prajāstu tā mohāddharmā stānapyapālayan / parasparavirodhena manuṃ tāḥ punarabhyayuḥ // ### [1.29.62](https://indike.org/pramana/in.purana.brahmanda.1.29.62) punaḥ svāyaṃbhuvo dṛṣṭvā yāthātathyaṃ prajāpatiḥ / dhyātvā tu śatarūpāyāṃ putrau sa udapādayat // ### [1.29.63](https://indike.org/pramana/in.purana.brahmanda.1.29.63) priyavrato ttānapādau prathamau tau mohīkṣitau / tataḥ prabhṛti rājāna utpannā daṇḍadhāriṇaḥ // ### [1.29.64](https://indike.org/pramana/in.purana.brahmanda.1.29.64) prajānāṃ rañjanāccaiva rājānaste 'bhavannṛpāḥ / pracchanna pāpāstairye ca na śakyāstu narādhipaiḥ // ### [1.29.65](https://indike.org/pramana/in.purana.brahmanda.1.29.65) dharmarājaḥ smṛtasteṣāṃ śāstā vaivasvato yamaḥ / varṇānāṃ pravibhāgāśca tretāyāṃ saṃprakīrttitāḥ // ### [1.29.66](https://indike.org/pramana/in.purana.brahmanda.1.29.66) saṃbhṛtācca tadā mantrā ṛṣibhirbrahmaṇaḥ sutaiḥ / yajñāḥ pravarttitāścaiva tadā hyeva tu daivataiḥ // ### [1.29.67](https://indike.org/pramana/in.purana.brahmanda.1.29.67) yāmaśukrārjitaiścaiva sarvasādhana saṃbhṛtaiḥ / sārddhaṃ viśvabhujā caiva devendreṇa mahaujasā // ### [1.29.68](https://indike.org/pramana/in.purana.brahmanda.1.29.68) svāyaṃbhuveṃ'tare devairyajñastaiḥ prākpravarttitaḥ / satyaṃ japastapo dānaṃ tretāyā dharma ucyate // ### [1.29.69](https://indike.org/pramana/in.purana.brahmanda.1.29.69) tadā dharmmasahasrānte 'hiṃsādharmaḥ pravarttate / jāyante ca tadā śūrā āyuṣmanto mahābalāḥ // ### [1.29.70](https://indike.org/pramana/in.purana.brahmanda.1.29.70) vyastadaṇḍā mahābhāgā dharmiṣṭhā brahmavādinaḥ / padmapatrāyatākṣāśca pṛthūraskāḥ susaṃhatāḥ // ### [1.29.71](https://indike.org/pramana/in.purana.brahmanda.1.29.71) siṃhātaṅkā mahāsattvā mattamātaṅgagaminaḥ / mahādhanurddharāścaiva tretāyāṃ cakravarttinaḥ // ### [1.29.72](https://indike.org/pramana/in.purana.brahmanda.1.29.72) sarvalakṣaṇasampūrmā nyagrodhaparimaṇḍalāḥ / nyagrodhau tu smṛtau bāhū vyāmo nyagrodha ucyate // ### [1.29.73](https://indike.org/pramana/in.purana.brahmanda.1.29.73) vyāme naivochrayo yasya sama ūrddhaṃ tu dehinaḥ / samochrayaparīṇāho jñeyo nyagrodhamaṇḍalaḥ // ### [1.29.74](https://indike.org/pramana/in.purana.brahmanda.1.29.74) cakraṃ ratho maṇirbhāryā nidhiraśvo gajastathā / saptaitāni ca ratnāni sarveṣāṃ cakravartināma // ### [1.29.75](https://indike.org/pramana/in.purana.brahmanda.1.29.75) cakraṃ ratho maṇiḥ khaḍgaścarmaratnaṃ ca pañcamam / keturnidhiśca saptaiva prāṇahīnāni cakṣate // ### [1.29.76](https://indike.org/pramana/in.purana.brahmanda.1.29.76) bhāryā purohitaścaiva senānī rathakṛcca yaḥ / mantryaśvaḥ kalabhaścaiva prāṇinaḥ sapta kīrttitāḥ // ### [1.29.77](https://indike.org/pramana/in.purana.brahmanda.1.29.77) ratnānyetāni divyāni saṃsiddhāni mahātmanām / caturdaśa vidheyāni sarveṣāṃ cakravarttinām // ### [1.29.78](https://indike.org/pramana/in.purana.brahmanda.1.29.78) viṣṇoraṃśena jāyante pṛthivyāṃ cakravarttinaḥ / manvantareṣu sarveṣu atītānāgateṣviha // ### [1.29.79](https://indike.org/pramana/in.purana.brahmanda.1.29.79) bhūtabhavyāni yānīha varttamānāni yāni ca / tretāyuge ca tānyatra jāyante cakravarttinaḥ // ### [1.29.80](https://indike.org/pramana/in.purana.brahmanda.1.29.80) bhadrāṇīmāni teṣāṃ vai bhavantīha mahīkṣitām / atyadbhutāni catvāri balaṃ dharmaḥ sukhaṃ dhanam // ### [1.29.81](https://indike.org/pramana/in.purana.brahmanda.1.29.81) anyonyasyāvirodhena prāpyante tu nṛpaiḥ samam / artho dharmaśca kāmaśca yaśo vijaya eva ca // ### [1.29.82](https://indike.org/pramana/in.purana.brahmanda.1.29.82) aiśvaryeṇāṇimādyena prabhuśaktyā tathaiva ca / śrutena tapasā caiva munīnabhibhavanti vai // ### [1.29.83](https://indike.org/pramana/in.purana.brahmanda.1.29.83) balena tapasā caiva devadānavamānavān / lakṣaṇaiścaiva jāyante śarīrasthairamānuṣaiḥ // ### [1.29.84](https://indike.org/pramana/in.purana.brahmanda.1.29.84) keśāḥsnigdhā lalāṭoccā jihvā cāsya pramārjinī / tāmraprabhoṣṭanetrāśca śrīvatsāścaiddhvaromaśāḥ // ### [1.29.85](https://indike.org/pramana/in.purana.brahmanda.1.29.85) ājānubāhavaschaiva tadāmrahastāḥ kaṭau kṛśāḥ / nyagrodhapariṇāhāśca siṃhaskandhāstu mehanāḥ // ### [1.29.86](https://indike.org/pramana/in.purana.brahmanda.1.29.86) gajedragatayaścaiva mahāhanava eva ca / pādayoścakramatsyontu śaṅkhapadmau tuhastayoḥ // ### [1.29.87](https://indike.org/pramana/in.purana.brahmanda.1.29.87) pañcāśītisahasrāṇi te rājantyajarā nṛpāḥ / asaṃgagatayasteṣāṃ catasraścakravarttinām // ### [1.29.88](https://indike.org/pramana/in.purana.brahmanda.1.29.88) antarikṣe samudri ca pātāle parvateṣu ca / ijyā dānaṃ tapaḥ satyaṃ tretāyāṃ dharma ucyate // ### [1.29.89](https://indike.org/pramana/in.purana.brahmanda.1.29.89) tadā pravarttate dharmo varṇāśramavibhāgaśaḥ / maryādāsthāpanārthaṃ ca daṇḍanītiḥ pravarttate // ### [1.29.90](https://indike.org/pramana/in.purana.brahmanda.1.29.90) tdṛṣṭapuṣṭāḥ prajāḥ sarvā arogāḥ pūrṇamānasāḥ / eko vedaścatuṣpādastretāyugavidhausmṛtaḥ // ### [1.29.91](https://indike.org/pramana/in.purana.brahmanda.1.29.91) trīṇi varṣasahasrāṇi tadā jīvanti mānavāḥ / putrapautrasamākīrṇā mriyante ca krameṇa tu // ### [1.29.92](https://indike.org/pramana/in.purana.brahmanda.1.29.92) eṣa tretāyuge dharmastretāsaṃdhyāṃ nibodhata / tretāyugasvabhāvānāṃ saṃdhyā pādena varttate / saṃdhyāpādaḥ svabhāvastu soṃ'śapadena tiṣṭhati // ### [1.29.92.p1](https://indike.org/pramana/in.purana.brahmanda.1.29.92.p1) iti śrī brahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde saṃkhyāvartto nāmaikonatriśattamo 'dhyāyaḥ ## Linked texts (4) - [Vāyupurāṇa](https://indike.org/pramana/in.purana.vayu.1.57.2) — Vyāsa, Sanskrit - [Matsyapurāṇa](https://indike.org/pramana/in.purana.matsya.142.3) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.1.4.37.47) — Sanskrit - [Bhāgavatapurāṇa](https://indike.org/pramana/in.purana.bhagavata.3.12.41) — Vyāsa, Sanskrit --- Source: [https://indike.org/pramana/in.purana.brahmanda.1.29](https://indike.org/pramana/in.purana.brahmanda.1.29) · Pramāṇa