[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.2 # Brahmandapurana 1.2 Brahmāṇḍapurāṇa 1.2 - **Language:** Sanskrit ## Contents - [1.2.48](https://indike.org/pramana/in.purana.brahmanda.1.2.48) — 1 part ### [1.2.1](https://indike.org/pramana/in.purana.brahmanda.1.2.1) pratyavocanpunaḥ sūtamṛṣayaste tapodhanāḥ / kutra satraṃ samabhattevaṣāmadbhutakarmaṇām // ### [1.2.2](https://indike.org/pramana/in.purana.brahmanda.1.2.2) kiyantaṃ caiva tatkālaṃ kathaṃ ca samavarttata / ācacakṣe purāṇaṃ ca kathaṃ tatsaprabhañjanaḥ // ### [1.2.3](https://indike.org/pramana/in.purana.brahmanda.1.2.3) ācakhyau vistareṇaiva para kautūhalaṃ hi naḥ / iti saṃcoditaḥ sūtaḥ pratyuvāca śubhaṃ vacaḥ // ### [1.2.4](https://indike.org/pramana/in.purana.brahmanda.1.2.4) śṛṇudhvaṃ yatra te dhīrā menire mantramuttamam / yāvantaṃ cābhavatkālaṃ yathā ca samavartata // ### [1.2.5](https://indike.org/pramana/in.purana.brahmanda.1.2.5) sisṛkṣamāṇo viśvaṃ hi yajate visṛjatpurā / satraṃ hi te 'tipuṇyaṃ ca sahasraparivatsarān // ### [1.2.6](https://indike.org/pramana/in.purana.brahmanda.1.2.6) tapogṛhapateryatra brahmā caivābhavatsvayam / iḍāyā yatra patnītvaṃ śāmitraṃ yatra buddhimān // ### [1.2.7](https://indike.org/pramana/in.purana.brahmanda.1.2.7) mṛtyuścake mahātejāstasminsatre mahātmanām / vibudhāścoṣire tatra sahasraparivatsarān // ### [1.2.8](https://indike.org/pramana/in.purana.brahmanda.1.2.8) bhramato dharmacakrasya yatra nemiraśīryata / karmaṇā tena vikhyātaṃ naimiṣaṃ munipūjitam // ### [1.2.9](https://indike.org/pramana/in.purana.brahmanda.1.2.9) yatra sā gomatī puṇyā siddhacāraṇasevitā / rohiṇī sa sutā tatra gomatī sābhavat kṣaṇāt // ### [1.2.10](https://indike.org/pramana/in.purana.brahmanda.1.2.10) śaktirjyeṣṭhā samabhavadvasiṣṭhasya mahātmanaḥ / rundhatyāḥ sutāyātrādānamuttamatejasaḥ // ### [1.2.11](https://indike.org/pramana/in.purana.brahmanda.1.2.11) kalmāṣapādo nṛpatiryatra śakraśca śaktinā / yatra vairaṃ samabhavadviśvāmitravasiṣṭhayoḥ // ### [1.2.12](https://indike.org/pramana/in.purana.brahmanda.1.2.12) adṛśyantyāṃ samabhavanmuniryatra parāśaraḥ / parābhavo vasiṣṭhasya yasya jñāne hyavarttayat // ### [1.2.13](https://indike.org/pramana/in.purana.brahmanda.1.2.13) tatra te menire śailaṃ naimiṣe brahmavādinaḥ / naimiṣaṃ jajñire yasmānnaimiṣīyāstataḥ smṛtāḥ // ### [1.2.14](https://indike.org/pramana/in.purana.brahmanda.1.2.14) tatsatramabhavatteṣāṃ samā dvādaśa dhīmatām / purūravasi vikrānte praśāsati vasuṃdharām // ### [1.2.15](https://indike.org/pramana/in.purana.brahmanda.1.2.15) aṣṭādaśa samudrasya dvīpānaśran purūravāḥ / tutoṣa naiva ratnānāṃ lobhāditi hi naḥ śrutam // ### [1.2.16](https://indike.org/pramana/in.purana.brahmanda.1.2.16) urvaśī cakame taṃ ca devadūtapracoditā / ājahāra ca tatsatramurvaśyā saha saṃgataḥ // ### [1.2.17](https://indike.org/pramana/in.purana.brahmanda.1.2.17) tasminnarapatau satre naimiṣīyāḥ pracakrire / yaṃ garbhaṃ suṣuve gaṅgā pāvakāddīptatejasam // ### [1.2.18](https://indike.org/pramana/in.purana.brahmanda.1.2.18) tattulyaṃ parvate nyastaṃ hiraṇyaṃ samapadyata / hiraṇmayaṃ tataścake yajñavāṭaṃ mahātmanām // ### [1.2.19](https://indike.org/pramana/in.purana.brahmanda.1.2.19) viśvakarmā svayandevo bhāvano lokabhāvanaḥ / sa praviśya tataḥ satre teṣāmamitatejasām // ### [1.2.20](https://indike.org/pramana/in.purana.brahmanda.1.2.20) aiḍaḥ purūravā bheje taṃ deśaṃ mṛgayāṃ caran / taṃ dṛṣṭvā mahādāśvaryaṃ yajñavāṭaṃ hiraṇmayam // ### [1.2.21](https://indike.org/pramana/in.purana.brahmanda.1.2.21) lobhena hatavijñānastadādātumupākramat / naimiṣeyāstatastasya cukrudhurnṛpatiṃ bhṛśam // ### [1.2.22](https://indike.org/pramana/in.purana.brahmanda.1.2.22) nijaghnuścāpi taṃ kruddhāḥ kuśavajrairmanīṣiṇaḥ / taponiṣṭhāśca rājānaṃ munayo devacoditāḥ // ### [1.2.23](https://indike.org/pramana/in.purana.brahmanda.1.2.23) kuśavajraurviniṣpiṣṭaḥ sa rājā vyajahāttanum / aurvaśeyaistatastasya yuddhaṃ cakre nṛpo bhuvi // ### [1.2.24](https://indike.org/pramana/in.purana.brahmanda.1.2.24) nahuṣasya mahātmānaṃ pitaraṃ yaṃ pracakṣate / sa teṣvavabhṛtheṣveva dharmmaśīlo mahīpatiḥ // ### [1.2.25](https://indike.org/pramana/in.purana.brahmanda.1.2.25) āyurāyabhavāyāgryamasmin satre narottamaḥ / śāntayitvā tu rājānaṃ tadā brahmavidastathā // ### [1.2.26](https://indike.org/pramana/in.purana.brahmanda.1.2.26) satramārebhire karttuṃ pṛthvīvatsā tmamūrtayaḥ / babhūva satre teṣāṃ tu brahmacaryaṃ mahātmanām // ### [1.2.27](https://indike.org/pramana/in.purana.brahmanda.1.2.27) viśvaṃ sisṛkṣamāṇānāṃ purā visvasṛjāmiva / vaikhānasaiḥ priyasakhairvāla khilyairmarīcibhiḥ // ### [1.2.28](https://indike.org/pramana/in.purana.brahmanda.1.2.28) ajaiśca munibhirjātaṃ sūryavaiśvānaraprabhaḥ / vitṛdevāpsaraḥsiddhairgandharvoragacāraṇaiḥ // ### [1.2.29](https://indike.org/pramana/in.purana.brahmanda.1.2.29) bhārataiḥ śuśubhe rājā devairindrasamo yathā / stotraśastrairgṛhairdevānpitṝnpitryaiśca karmabhiḥ // ### [1.2.30](https://indike.org/pramana/in.purana.brahmanda.1.2.30) ānarcuḥsma yathājāti gandharvādīn yathāvidhi / ārādhane sa sasmāra tataḥ karmāntareṣu ca // ### [1.2.31](https://indike.org/pramana/in.purana.brahmanda.1.2.31) jaguḥ sāmāni gandharvā nanṛtuścāpsarogaṇāḥ / vyājahrurmunayo vācaṃ citrākṣarapadāṃ śubhām // ### [1.2.32](https://indike.org/pramana/in.purana.brahmanda.1.2.32) mantrādi tatra vidvāṃso jajapuśca parasparam / vitaṇḍāvacanaiścaiva nijaghnuḥ prativādinaḥ // ### [1.2.33](https://indike.org/pramana/in.purana.brahmanda.1.2.33) ṛṣayaścaiva vidvāṃsaḥ śabdārthanyāyakovidāḥ / na tatra hāritaṃ kiñcidviviśurbrahmarākṣasāḥ // ### [1.2.34](https://indike.org/pramana/in.purana.brahmanda.1.2.34) naiva yajñaharā daityā naiva vājamukhāstriṇaḥ / prāyaścittaṃ daridraṃ ca na tatra samajāyata // ### [1.2.35](https://indike.org/pramana/in.purana.brahmanda.1.2.35) śaktiprajñākriyāyegairvidhirāśīṣvanuṣṭitaḥ / evaṃ ca vavṛdhe satraṃ dvādaśābdaṃ manīṣiṇām // ### [1.2.36](https://indike.org/pramana/in.purana.brahmanda.1.2.36) ṛṣīṇāṃ naimiṣīyāṇāṃ tadabhūdiva vajriṇaḥ / vṛddhādyā ṛtvijo vīrā jyotiṣṭomān pṛthakpṛthak // ### [1.2.37](https://indike.org/pramana/in.purana.brahmanda.1.2.37) cakrire pṛṣṭhagamanāḥ sarvānayutadakṣiṇān / samāptayajño yatrāste vāsudevaṃ mahādhipam // ### [1.2.38](https://indike.org/pramana/in.purana.brahmanda.1.2.38) papracchuramitātmānaṃ bhavadbhiryadahaṃ dvijaḥ / pracoditaḥ svavaṃśārthaṃ sa ca tānabravītprabhuḥ // ### [1.2.39](https://indike.org/pramana/in.purana.brahmanda.1.2.39) śiṣyaḥsvayaṃbhuvo devaḥ sarvaṃ pratyakṣadṛgvaśī / aṇimādibhiraṣṭābhiḥ sūkṣmairaṅgaiḥ samanvitaḥ // ### [1.2.40](https://indike.org/pramana/in.purana.brahmanda.1.2.40) tiryagvātādibhirvarṣaiḥ sarvāṃ llokānbibharti yaḥ / saptaskandhā bhṛtāḥ śākhāḥ sarvatoyājarājarān // ### [1.2.41](https://indike.org/pramana/in.purana.brahmanda.1.2.41) viṣayair maruto yasya saṃsthitāḥ saptasaptakāḥ / vyūhatrayāṇāṃ sūtānāṃ kurvan satraṃ mahābalaḥ // ### [1.2.42](https://indike.org/pramana/in.purana.brahmanda.1.2.42) tejasaśvāpyupāyānāṃ dadhātīha śarīriṇaḥ / prāṇādyā vṛttayaḥ pañca dhāraṇānāṃ svavṛttibhiḥ // ### [1.2.43](https://indike.org/pramana/in.purana.brahmanda.1.2.43) pūryamāmaḥ śarīrāṇāṃ dhāraṇaṃ yasya kurvate / ākāśayonirdviguṇaḥ śābdasparśasamanvitaḥ // ### [1.2.44](https://indike.org/pramana/in.purana.brahmanda.1.2.44) vācoraṇiḥ samākhyātā śabdaśāstravicakṣaṇaiḥ / bhāratyārḥ ślakṣṇayā sarvānmunīnprahlādayanniva // ### [1.2.45](https://indike.org/pramana/in.purana.brahmanda.1.2.45) purāṇajñāḥ sumanasaḥ purāṇāśrayayuktayā / purāma niyatā viprāḥ kathāmakathayadvibhuḥ // ### [1.2.46](https://indike.org/pramana/in.purana.brahmanda.1.2.46) etatsarvaṃ yathāvṛttamākhyānaṃ dvijasattamāḥ / ṛṣīṇāṃ ca paraṃ caitallokatattvamanuttamam // ### [1.2.47](https://indike.org/pramana/in.purana.brahmanda.1.2.47) brahmaṇā yatpurā proktaṃ purāṇaṃ jñānamuttamam / devatānāmṛṣīṇāṃ ca sarvapāpapramocanam // ### [1.2.48](https://indike.org/pramana/in.purana.brahmanda.1.2.48) vistareṇānupūrvyā ca tasya vakṣyāmyanukramam // ### [1.2.48.p1](https://indike.org/pramana/in.purana.brahmanda.1.2.48.p1) iti śrībrahmāṇḍe mahāpurāṇe vāyuprokte pūrvabhāge prathame prakriyāpāde naimiṣākhyānakathanaṃ nāma dvitīyo 'dhyāyaḥ ## Linked texts (2) - [Vāyupurāṇa](https://indike.org/pramana/in.purana.vayu.1.2.3) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.3.27.p69) — Vyāsa, Sanskrit --- Source: [https://indike.org/pramana/in.purana.brahmanda.1.2](https://indike.org/pramana/in.purana.brahmanda.1.2) · Pramāṇa