[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.30 # Brahmandapurana 1.30 Brahmāṇḍapurāṇa 1.30 - **Language:** Sanskrit ## Contents - [1.30.48](https://indike.org/pramana/in.purana.brahmanda.1.30.48) — 1 part ### [1.30.1](https://indike.org/pramana/in.purana.brahmanda.1.30.1) śāṃśāpāyaniruvāca kathaṃ tretāyugamukhe yajñasya syātpravarttanam / pūrvaṃ svāyaṃbhuve sarge yathāvattacca brūhi me // ### [1.30.2](https://indike.org/pramana/in.purana.brahmanda.1.30.2) antarhitāyāṃ saṃdhyāyāṃ sārddhaṃ kṛtayugena vai / kālākhyāyāṃ pravṛttāyāṃ prāpte tretāyuge tadā // ### [1.30.3](https://indike.org/pramana/in.purana.brahmanda.1.30.3) auṣadhīṣu ca jātāsu pravṛtte vṛṣṭisarjane / pratiṣṭhitāyāṃ vārttāyāṃ gṛhāśramapare punaḥ // ### [1.30.4](https://indike.org/pramana/in.purana.brahmanda.1.30.4) varṇāśramavyavasthānaṃ kṛtavantaśca saṃkhyayā / saṃbhārāṃstāṃstu maṃbhṛtya kathaṃ yajñaḥ pravarttitaḥ // ### [1.30.5](https://indike.org/pramana/in.purana.brahmanda.1.30.5) etacchutvābravītsūtaḥ śrūyatāṃ śāṃśapāyane / yathā tretāyugamukhe yajñasya syātpravartanam // ### [1.30.6](https://indike.org/pramana/in.purana.brahmanda.1.30.6) pūrvaṃ svāyaṃbhuve sarge tadvakṣyāmyānupūrvyataḥ / antarhitāyāṃ saṃdhyāyāṃ sārddhaṃ kṛtayugena tu // ### [1.30.7](https://indike.org/pramana/in.purana.brahmanda.1.30.7) kālākhyāyāṃ pravṛttāyāṃ prapte tretāyuge tadā / auṣadhīṣu ca jātāsu pravṛtte vṛṣṭisarjane // ### [1.30.8](https://indike.org/pramana/in.purana.brahmanda.1.30.8) pratiṣṭhitāyāṃ vārttāyāṃ gṛhaśramapareṣu ca / varṇāśramavyavasthānaṃ kṛtvā mantrāṃstu saṃhatān // ### [1.30.9](https://indike.org/pramana/in.purana.brahmanda.1.30.9) mantrāṃstānyojayitvātha ihāmutra ca karmasu / tadā viśvabhugindraśca yajñaṃ prāvarttayatprabhuḥ // ### [1.30.10](https://indike.org/pramana/in.purana.brahmanda.1.30.10) daivataiḥ sahitaiḥ sarvaiḥ sarvasaṃbhārasaṃbhṛtaiḥ / tasyāśvamedhe vitate samājagmurmaharṣayaḥ // ### [1.30.11](https://indike.org/pramana/in.purana.brahmanda.1.30.11) yajantaṃ paśubhirme dhyairūcuḥ sarve samāgatāḥ / karmavyagreṣu ṛtvikṣu saṃtate yajñakarmaṇi // ### [1.30.12](https://indike.org/pramana/in.purana.brahmanda.1.30.12) saṃpragītheṣu sarveṣu sāmageṣvatha susvagm / parikrānteṣu laghuṣu hyadhvaryuvṛṣabheṣu ca // ### [1.30.13](https://indike.org/pramana/in.purana.brahmanda.1.30.13) ālabdheṣu ca medhyeṣu tathā paśugaṇeṣu ca / haviṣyagnau hūyamāne brāhmaṇaiścāgnihotribhiḥ // ### [1.30.14](https://indike.org/pramana/in.purana.brahmanda.1.30.14) āhūteṣu ca sarveṣu yajñabhākṣu kramāttadā / ya indriyātmakā devāstadā te yajñabhāginaḥ // ### [1.30.15](https://indike.org/pramana/in.purana.brahmanda.1.30.15) tadyacante tadā devānkalpādiṣu bhavanti ye / adhvaryavaḥ praiṣakāle vyatthitā vai maharṣayaḥ // ### [1.30.16](https://indike.org/pramana/in.purana.brahmanda.1.30.16) maharṣayastu tāndṛṣṭvā dīnānpaśugaṇāṃstadā / prapacchuridraṃ saṃbhūya ko 'yaṃ yajña vidhistava // ### [1.30.17](https://indike.org/pramana/in.purana.brahmanda.1.30.17) adharmo balavāneṣa hiṃsādharmepsayā tataḥ / tataḥ paśuvadhaścaiṣa tava yajñe surottama // ### [1.30.18](https://indike.org/pramana/in.purana.brahmanda.1.30.18) adharmo dharmaghātāya prārabdhaḥ paśuhisayā / nāyaṃ dharmo hyadharmo 'yaṃ na hiṃsā dharma ucyate // ### [1.30.19](https://indike.org/pramana/in.purana.brahmanda.1.30.19) āgamena bhavānyajñaṃ karotu yadihecchati / vidhidṛṣṭena yajñena dharmeṇāvyapasetunā // ### [1.30.20](https://indike.org/pramana/in.purana.brahmanda.1.30.20) yajñabīcaiḥ sureśraṣṭha yeṣu hiṃsā na vidyate / trivarṣaṃ paramaṃ kālamuṣitairaprarohibhiḥ // ### [1.30.21](https://indike.org/pramana/in.purana.brahmanda.1.30.21) eṣa dharmo mahāprājña virañcivihitaḥ purā / evaṃ viśvabhugindrastu ṛṣibhistattvadarśibhiḥ // ### [1.30.22](https://indike.org/pramana/in.purana.brahmanda.1.30.22) tadā vivādaḥ sumahānindrasyāsīnmaharṣibhiḥ / jaṅgamasthāvaraiḥ kairhi yaṣṭavyamiti cocyate // ### [1.30.23](https://indike.org/pramana/in.purana.brahmanda.1.30.23) te tu khinnā vivādena tattvamuttvā maharṣayaḥ / sandhāya vākyamindreṇa papracchuḥ khecaraṃ vasum // ### [1.30.24](https://indike.org/pramana/in.purana.brahmanda.1.30.24) sahāprājña kathaṃ dṛṣṭastvayā yajñavidhirnṛpa / auttānapāde prabrūhi saṃśayaṃ no nuda prabho // ### [1.30.25](https://indike.org/pramana/in.purana.brahmanda.1.30.25) śrutvā vākyaṃ vasusteṣāma vicārya balābalam / vedaśāstramanusmṛtya yajñatattvamuvāca ha // ### [1.30.26](https://indike.org/pramana/in.purana.brahmanda.1.30.26) yathopanīrtairyaṣṭavyamiti hovāca pārthivaḥ / yaṣṭavyaṃ paśubhirme dhyairatha bījaiḥ phalairapi // ### [1.30.27](https://indike.org/pramana/in.purana.brahmanda.1.30.27) hiṃsāsvabhāvo yajñasya iti me darśanāgamau / yatheha devatā mantrā hiṃsāliṅgā maharṣibhiḥ // ### [1.30.28](https://indike.org/pramana/in.purana.brahmanda.1.30.28) dīrgheṇa tapasā yuktairdarśanaistārakādibhiḥ / tatprāmāṇyānmayā coktaṃ tasmātsa prāptumarhatha // ### [1.30.29](https://indike.org/pramana/in.purana.brahmanda.1.30.29) yadi pramāṇaṃ tānyeva mantravākyāni vai dvijāḥ / tathā pravatatāṃ yajño hyanyathā vo 'nṛtaṃ vacaḥ // ### [1.30.30](https://indike.org/pramana/in.purana.brahmanda.1.30.30) evaṃ kṛtottarāste vai yuktātmānastapodhanāḥ / avaśyabhāvitaṃ dṛṣṭvā tamatho vāgyatābhavan // ### [1.30.31](https://indike.org/pramana/in.purana.brahmanda.1.30.31) ityuktamātre nṛpatiḥ praviveśa rasātalam / ūrdhvacārī vasurbhūtvā rasātalacaro 'bhavat // ### [1.30.32](https://indike.org/pramana/in.purana.brahmanda.1.30.32) vasudhā talavāsī tu tena vākyena so 'bhavat / dharmāṇāṃ saṃśayacchettā rājā vasuradhogataḥ // ### [1.30.33](https://indike.org/pramana/in.purana.brahmanda.1.30.33) tasmānna vācyamekena bahujñenāpi saṃśaye / bahudvārasya dharmasya sūkṣmā dūratarā gatiḥ // ### [1.30.34](https://indike.org/pramana/in.purana.brahmanda.1.30.34) tasmānna niścayādvaktuṃ dharmaḥ śakyastu kenacit / devānṛṣīnupādāya svāyaṃbhuvamṛte manum // ### [1.30.35](https://indike.org/pramana/in.purana.brahmanda.1.30.35) tasmādahiṃsā dharmasya dvāramuktaṃ maharṣibhiḥ / ṛṣikoṭisahasrāṇi svatapobhirdivaṃ yayuḥ // ### [1.30.36](https://indike.org/pramana/in.purana.brahmanda.1.30.36) tasmānna dānaṃ yajñaṃ vā praśaṃsaṃti maharṣayaḥ / uñchamūlaphalaṃ śākamudapātraṃ tapodhanāḥ // ### [1.30.37](https://indike.org/pramana/in.purana.brahmanda.1.30.37) etaddatvā vibhavataḥ svarge loke pratiṣṭhitāḥ / adrohaścāpya lobhaśca tapo bhutadayā damaḥ // ### [1.30.38](https://indike.org/pramana/in.purana.brahmanda.1.30.38) brahmacaryaṃ tathā satyamanukrośaḥ kṣamā dhṛtiḥ / sanātanasya dharmasya mūlametaddurāsadam // ### [1.30.39](https://indike.org/pramana/in.purana.brahmanda.1.30.39) śrūyante hi tapaḥsiddhā brahmakṣatrādayo 'naghāḥ / priyavratottānapādau dhruvo medhātithirvasuḥ // ### [1.30.40](https://indike.org/pramana/in.purana.brahmanda.1.30.40) sudhāmā virajāścaiva śaṅkhaḥ pāṇḍyaja eva ca / prājīnabarhiḥ parjanyo havirdhānādayo nṛpaḥ // ### [1.30.41](https://indike.org/pramana/in.purana.brahmanda.1.30.41) ete cānye ca bahavaḥ svaistapobhirdivaṃ gatāḥ / rājarṣayo mahāsattvā yeṣāṃ kīrttiḥ pratiṣṭhitā // ### [1.30.42](https://indike.org/pramana/in.purana.brahmanda.1.30.42) tasmādviśiṣyate yajñāttapaḥ sarvaistu kāraṇaḥ / brahmaṇā tapasā sṛṣṭaṃ jagadviśvamidaṃ purā // ### [1.30.43](https://indike.org/pramana/in.purana.brahmanda.1.30.43) tasmānnānveti tadyajñastapomūlamidaṃ smṛtam / dravyamantrātmako yajñastapastvanaśanātmakam // ### [1.30.44](https://indike.org/pramana/in.purana.brahmanda.1.30.44) yajñena devānāpnoti vairājaṃ tapasā punaḥ / brāhmaṃ tu karma saṃnyāsādvairāgyātprakṛterjayam // ### [1.30.45](https://indike.org/pramana/in.purana.brahmanda.1.30.45) jñānātprāpnoti kaivalyaṃ pañcaitāgatayaḥ smṛtāḥ / evaṃ vivādaḥ sumahānya jñasyāsītpravarttane // ### [1.30.46](https://indike.org/pramana/in.purana.brahmanda.1.30.46) devatānāmṛṣīṇāṃ ca pūrva svāyaṃbhuve 'ntare / tatastamṛṣayo dṛṣṭvā hataṃ dharmabalena tu // ### [1.30.47](https://indike.org/pramana/in.purana.brahmanda.1.30.47) vasorvākyamanā dṛtya jagamuḥ sarve yathāgatam / gateṣu munisaṃgheṣu devā yajñaṃ samāpnuvan // ### [1.30.48](https://indike.org/pramana/in.purana.brahmanda.1.30.48) yajñapravarttanaṃ hyevamāsītsvāyaṃbhuve 'ntare / tataḥ prabhṛti yajño 'yaṃ yugaiḥ saha vivarttitaḥ // ### [1.30.48.p1](https://indike.org/pramana/in.purana.brahmanda.1.30.48.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde yajñapravarttanaṃ nāma triśattamo 'dhyāyaḥ ## Linked texts (4) - [Vāyupurāṇa](https://indike.org/pramana/in.purana.vayu.1.57.88) — Vyāsa, Sanskrit - [Matsyapurāṇa](https://indike.org/pramana/in.purana.matsya.143.1) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.vyasa*crit.14.94.15) — Sanskrit - [Śivapurāṇa (complete text)](https://indike.org/pramana/in.purana.siva*complete-2.3.4.26) — Sanskrit --- Source: [https://indike.org/pramana/in.purana.brahmanda.1.30](https://indike.org/pramana/in.purana.brahmanda.1.30) · Pramāṇa