[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.32 # Brahmandapurana 1.32 Brahmāṇḍapurāṇa 1.32 - **Language:** Sanskrit ## Contents - [1.32.122](https://indike.org/pramana/in.purana.brahmanda.1.32.122) — 1 part ### [1.32.1](https://indike.org/pramana/in.purana.brahmanda.1.32.1) sūta uvāca yugeṣu yāstu jāyante prajāstā me nibodhata / āsurī sarpagāndharvā paiśācī yakṣarākṣasī // ### [1.32.2](https://indike.org/pramana/in.purana.brahmanda.1.32.2) yasminyuge ca saṃbhūti stāsāṃ yāvacca jīvitam / piśācāsuragandharvāṃ yakṣarākṣasapannagāḥ // ### [1.32.3](https://indike.org/pramana/in.purana.brahmanda.1.32.3) pariṇāhocchrayaistulyā jāyante ha kṛte yuge / ṣaṇṇavatyaṅgulo tsedho hyaṣṭānāṃ devajanmanām // ### [1.32.4](https://indike.org/pramana/in.purana.brahmanda.1.32.4) svenāṅgulapramāṇena niṣpannena ca pauṣṭikāt / etatsvābhāvikaṃ teṣāṃ pramāṇamiti kurvate // ### [1.32.5](https://indike.org/pramana/in.purana.brahmanda.1.32.5) manuṣyā vartamānāstu yugaṃ saṃdhyāśakeṣviha / devāsurapramāṇaṃ tu saptasaptaṅgulādasat // ### [1.32.6](https://indike.org/pramana/in.purana.brahmanda.1.32.6) aṅgulānāṃ śataṃ pūrṇamaṣṭapañcāśaduttaram / devāsurapramāṇaṃ tu ucchrayātkalijaiḥ smṛtam // ### [1.32.7](https://indike.org/pramana/in.purana.brahmanda.1.32.7) catvāraścāpyaśītiśca kalijairaṅgulaiḥ smṛtaḥ / svenāṅgulipramāṇena ūrddhvamāpādamastakāt // ### [1.32.8](https://indike.org/pramana/in.purana.brahmanda.1.32.8) ityeṣa mānuṣotsedho hrasatīha yugāṃśake / sarveṣu yugakāleṣu atītānāgateṣviha // ### [1.32.9](https://indike.org/pramana/in.purana.brahmanda.1.32.9) svenāṅgulipramāṇena aṣṭatālaḥ smṛto naraḥ / āpādatalamastiṣko navatālo bhavettu yaḥ // ### [1.32.10](https://indike.org/pramana/in.purana.brahmanda.1.32.10) saṃhatā jānubāhustu sa surairapi pūjyate / gavāśvahastināṃ caiva mahiṣa syāvarātmanām // ### [1.32.11](https://indike.org/pramana/in.purana.brahmanda.1.32.11) karmaṇaitena vijñeye hrāsavṛddhī yuge yuge / ṣaṭsaptatyaṅgulotsedhaḥ paśūnāṃ kakudastu vai // ### [1.32.12](https://indike.org/pramana/in.purana.brahmanda.1.32.12) aṅgulāṣṭaśataṃ pūrṇamutsedhaḥ kariṇāṃ smṛtaḥ / aṅgulānāṃ sahasraṃ tu catvāriṃśāṅgulairvinā // ### [1.32.13](https://indike.org/pramana/in.purana.brahmanda.1.32.13) pañcāśatā yavānāṃ ca utsedhaḥ śākhināṃ smṛtaḥ / mānuṣasya śarīrasya sanniveśastu yādṛśaḥ // ### [1.32.14](https://indike.org/pramana/in.purana.brahmanda.1.32.14) tallakṣaṇastu devānāṃ dṛśyeta tattvadarśanāt / buddhyātiśayayuktaśca devānāṃ kāya ucyate // ### [1.32.15](https://indike.org/pramana/in.purana.brahmanda.1.32.15) tathā sātiśayaschaiva mānuṣaḥ kāya ucyate / ityete vai parikrāntā bhāvā ye divyamānuṣāḥ // ### [1.32.16](https://indike.org/pramana/in.purana.brahmanda.1.32.16) paśūnāṃ pakṣiṇāṃ caiva sthāvarāṇāṃ ca sarvaśaḥ / gāvo hyajāvayo 'śvāśca hastinaḥ pakṣiṇo nagāḥ // ### [1.32.17](https://indike.org/pramana/in.purana.brahmanda.1.32.17) upayuktāḥ kriyāsvete yajñiyāsviha sarvaśaḥ / devasthāneṣu jāyante tadrūpā eva te punaḥ // ### [1.32.18](https://indike.org/pramana/in.purana.brahmanda.1.32.18) yathāśayopabhogāstu devānāṃ śubhamūrttayaḥ / teṣāṃ rūpānurūpaistu pramāṇaiḥ sthāṇujaṅgamaiḥ // ### [1.32.19](https://indike.org/pramana/in.purana.brahmanda.1.32.19) manojñaistatra bhāvaiste sukhino hyupapedire / ataḥ śiṣṭānpravakṣyāmi sataḥ sādhūṃstathaiva ca // ### [1.32.20](https://indike.org/pramana/in.purana.brahmanda.1.32.20) saditi brahmaṇaḥ śabdastadvanto ye bhavantyuta / sājātyādbrahmaṇastvete tena santaḥ pracakṣate // ### [1.32.21](https://indike.org/pramana/in.purana.brahmanda.1.32.21) daśātmake ye viṣaye kāraṇe cāṣṭalakṣaṇe / na krudhyanti na tdṛṣyanti jitātmānastu te smṛtāḥ // ### [1.32.22](https://indike.org/pramana/in.purana.brahmanda.1.32.22) sāmānyeṣu tu dharmeṣu tathā vaiśeṣikeṣu ca / brahmakṣatraviśo yasmādyuktāstasmā ddvijātayaḥ // ### [1.32.23](https://indike.org/pramana/in.purana.brahmanda.1.32.23) varṇāśrameṣu yuktasya svargatau sukhacārimaḥ / śrautasmārtasya dharmasya jñānāddharmajña ucyate // ### [1.32.24](https://indike.org/pramana/in.purana.brahmanda.1.32.24) vidyāyāḥ sādhanātsādhurbrahmacārī gurorhitaḥ / gṛhāṇāṃ sādhanāccaiva gṛhasthaḥ sādhurucyate // ### [1.32.25](https://indike.org/pramana/in.purana.brahmanda.1.32.25) sādhanāttapaso 'raṇye sādhurvaikhānasaḥ smṛtaḥ / yatamāno yatiḥ sādhuḥ smṛto yogasya sādhanāt // ### [1.32.26](https://indike.org/pramana/in.purana.brahmanda.1.32.26) evamāśramadharmāṇāṃ sādhanātsādhavaḥ smṛtāḥ / gṛhastho brahmacārī ca vānaprastho yatistathā // ### [1.32.27](https://indike.org/pramana/in.purana.brahmanda.1.32.27) atha devā na pitaro munayo na ca mānuṣāḥ / ayaṃ dharmo hyayaṃ neti vindate bhinnadarśanāḥ // ### [1.32.28](https://indike.org/pramana/in.purana.brahmanda.1.32.28) dharmādharmāvihaproktau śabdāvetau kriyātmakau / kuśalākuśalaṃ karma dharmādharmāviha smṛtām // ### [1.32.29](https://indike.org/pramana/in.purana.brahmanda.1.32.29) dhāraṇartho dhṛtiścaiva dhātuḥ śabde prakīrttitaḥ / adhāraṇāmahattve ca adharma iti cocyate // ### [1.32.30](https://indike.org/pramana/in.purana.brahmanda.1.32.30) atheṣṭaprāpako dharma ācāryairupadiśyate / adharmaścāniṣṭaphalohyācāryairupadiśyate // ### [1.32.31](https://indike.org/pramana/in.purana.brahmanda.1.32.31) vṛddhāścālolupāścaiva tvātmavanto hyadāṃbhikāḥ / samyagvinītā ṛjavastānācāryānprajakṣate // ### [1.32.32](https://indike.org/pramana/in.purana.brahmanda.1.32.32) svayamācarate yasmādācāraṃ sthāpayatyapi / ācinoti ca śāstrāṇi ācāryastena cocyate // ### [1.32.33](https://indike.org/pramana/in.purana.brahmanda.1.32.33) dharmajñairvihito dharmaḥ śrautaḥ smārtto dvidhā dvijaiḥ / dārāgnihotrasambandhāddvidhā śrautasya lakṣaṇam // ### [1.32.34](https://indike.org/pramana/in.purana.brahmanda.1.32.34) smārtto varṇāśramācārairyamaiḥ saniyamaiḥ smṛtaḥ / pūrvebhyo vedayitveha śrautaṃ saptarṣa yo 'bruvan // ### [1.32.35](https://indike.org/pramana/in.purana.brahmanda.1.32.35) ṛco yajūṃsāmāni brahmaṇo 'ṅgāni ca śrutiḥ / manvantarasyātītasya smṛtvācārānmanurjagau // ### [1.32.36](https://indike.org/pramana/in.purana.brahmanda.1.32.36) tasmā tsmārttaḥ dharmo varṇāśramavibhājakaḥ / sa eṣa vividho dharmaḥ śiṣṭācāra ihocyate // ### [1.32.37](https://indike.org/pramana/in.purana.brahmanda.1.32.37) śeṣaśabdaḥ śiṣṭa iti śeṣaṃ śiṣṭaṃ pracakṣate / manvantareṣu ye śiṣṭā iha tiṣṭhanti dhārmikāḥ // ### [1.32.38](https://indike.org/pramana/in.purana.brahmanda.1.32.38) manuḥ saptarṣayaścaiva lokasaṃtānakāramāt / dharmārthaṃ ye ca tiṣṭhanti tāñchiṣṭānvai pracakṣate // ### [1.32.39](https://indike.org/pramana/in.purana.brahmanda.1.32.39) manvādayaśca ye 'śiṣṭā ye mayā prāgudīritāḥ / taiḥ śiṣṭaiścarito dharmaḥ samyageva yuge yuge // ### [1.32.40](https://indike.org/pramana/in.purana.brahmanda.1.32.40) trayī vārttā daṇḍanītirijyā varṇāśramāstathā / śiṣṭairācaryate yasmānmanunā ca punaḥ punaḥ // ### [1.32.41](https://indike.org/pramana/in.purana.brahmanda.1.32.41) pūrvaiḥ pūrvagatatvācca śiṣṭācāraḥ sa sātvataḥ / dānaṃ satyaṃ tapo jñānaṃ vidyejyā vrajanaṃ dayā // ### [1.32.42](https://indike.org/pramana/in.purana.brahmanda.1.32.42) aṣṭau tāni caritrāṇi śiṣṭācārasya lakṣaṇam / śiṣṭā yasmāccarantyenaṃ manuḥ saptarṣayastu vai // ### [1.32.43](https://indike.org/pramana/in.purana.brahmanda.1.32.43) manvantareṣu sarveṣu śiṣṭācārastataḥ smṛtaḥ / vijñeyaḥ śravaṇācchrautaḥ smaraṇātsmārtta ucyate // ### [1.32.44](https://indike.org/pramana/in.purana.brahmanda.1.32.44) ijyāvedātmakaḥ śrautaḥ smārtto varṇāśramātmakaḥ / pratyaṅgāni ca vakṣyāmi dharmasyeha tu lakṣaṇam // ### [1.32.45](https://indike.org/pramana/in.purana.brahmanda.1.32.45) dṛṣṭvā tu bhūtamarthaṃ yaḥ pṛṣṭo vai na nigū hati / yathā bhūtapravādastu ityetatsatyalakṣaṇam // ### [1.32.46](https://indike.org/pramana/in.purana.brahmanda.1.32.46) brahmacaryaṃ japo maunaṃ nirāhāratvameva ca / ityetattapaso rūpaṃ sughoraṃ sudurā sadam // ### [1.32.47](https://indike.org/pramana/in.purana.brahmanda.1.32.47) paśūnāṃ dravyahaviṣāmṛksāmayajuṣāṃ tathā / ṛtvijāṃ dakṣiṇānāṃ ca saṃyogo yajña ucyate // ### [1.32.48](https://indike.org/pramana/in.purana.brahmanda.1.32.48) ātmavatsarvabhūteṣu yā hitāyāhitāya ca / pravarttante samā dṛṣṭiḥ kṛtsnāpyeṣā dayā smṛtā // ### [1.32.49](https://indike.org/pramana/in.purana.brahmanda.1.32.49) ākruṣṭo nihato vāpi nākrośedyo na hanti ca / vāṅmanaḥkarmabhirvetti titikṣaiṣā kṣamā smṛtā // ### [1.32.50](https://indike.org/pramana/in.purana.brahmanda.1.32.50) svāminā rakṣyamāṇānāmutsṛṣṭānāṃ ca saṃbhrame / parasvānāmanādānamalobha iti kīrtyate // ### [1.32.51](https://indike.org/pramana/in.purana.brahmanda.1.32.51) maithunasyāsamācāro na cintā nānujalpanam / nivṛttirbrahmacaryaṃ tadacchidraṃ tapa ucyate // ### [1.32.52](https://indike.org/pramana/in.purana.brahmanda.1.32.52) ātmārthaṃ vā parārthaṃ vā cendriyāṇīha yasya vai / mithyā na saṃpravarttante śāmasyaitattu lakṣamam // ### [1.32.53](https://indike.org/pramana/in.purana.brahmanda.1.32.53) daśātmake yo viṣaye kāraṇe cāṣṭalakṣaṇe / na kruddhyeta pratihataḥ sa jitātmā vibhāvyate // ### [1.32.54](https://indike.org/pramana/in.purana.brahmanda.1.32.54) yadyadiṣṭatamaṃ dravyaṃ nyāyenaivāgataṃ ca yat / tattadguṇavate deyamityetaddānalakṣaṇam // ### [1.32.55](https://indike.org/pramana/in.purana.brahmanda.1.32.55) dānaṃ trividhamityetatkaniṣṭhajyeṣṭhamadhyamam / tatra naiśreyasaṃ jyeṣṭhaṃ kaniṣṭhaṃ svārthasiddhaye // ### [1.32.56](https://indike.org/pramana/in.purana.brahmanda.1.32.56) kāruṇyātsarvabhūteṣu saṃvibhāgastu madhyamaḥ / śrutismṛtibhyāṃ vihito dharmo varmāśramātmakaḥ // ### [1.32.57](https://indike.org/pramana/in.purana.brahmanda.1.32.57) śiṣṭācārāviruddhaśca dharmaḥ satsādhusaṃmataḥ / apradveṣohyani ṣṭeṣu tatheṣṭasyābhinandanam // ### [1.32.58](https://indike.org/pramana/in.purana.brahmanda.1.32.58) prītitāpaviṣādebhyo vinivṛttirviraktatā / saṃnyāsaḥ karmaṇāṃ nyāsaḥ kṛtānāmakṛtaiḥ saha // ### [1.32.59](https://indike.org/pramana/in.purana.brahmanda.1.32.59) kuśalākuśalānāṃ tu prahāṇaṃ nyāsa ucyate / vyaktā ye viśeṣāste vikāre 'sminnacetane // ### [1.32.60](https://indike.org/pramana/in.purana.brahmanda.1.32.60) cetanācetanānyatvavijñānaṃ jñānamucyate / pratyaṅgānāṃ tu dharmasya tvityetallakṣaṇaṃ smṛtam // ### [1.32.61](https://indike.org/pramana/in.purana.brahmanda.1.32.61) ṛṣibhirdharmatattvajñaiḥ pūrvaṃ svāyaṃbhuve 'ntare / atra vo varṇayiṣyāmi vidhiṃ manvantarasya yaḥ // ### [1.32.62](https://indike.org/pramana/in.purana.brahmanda.1.32.62) tathaiva cāturhetrasya cāturvidyasya caiva hi / pratimanvantare caiva śrutiranyā vidhīyate // ### [1.32.63](https://indike.org/pramana/in.purana.brahmanda.1.32.63) ṛco yajūṃṣi samāni yathā ca pratidaivatam / ābhūtasaṃplavasyāpi varjyaikaṃ śatarudriyam // ### [1.32.64](https://indike.org/pramana/in.purana.brahmanda.1.32.64) vidhirhaitrastathā stotraṃ pūrvavatsaṃpravartate / dravyastotraṃ guṇastotraṃ phalastotraṃ tathaiva ca // ### [1.32.65](https://indike.org/pramana/in.purana.brahmanda.1.32.65) caturthamābhijanakaṃ stotrametaccaturvidham / manvantareṣu sarveṣu yathā devā bhavanti ye // ### [1.32.66](https://indike.org/pramana/in.purana.brahmanda.1.32.66) pravartayati teṣāṃ vai brahmā stotraṃ caturvidham / evaṃ mantragaṇānāṃ tu samutpattiścaturvidhā // ### [1.32.67](https://indike.org/pramana/in.purana.brahmanda.1.32.67) atharvagaryajuṣāṃ sāmnāṃ vedeṣviha pṛthakpṛthak / ṛṣīṇāṃ tapyatāmugraṃ tapaḥ paramaduṣkaram // ### [1.32.68](https://indike.org/pramana/in.purana.brahmanda.1.32.68) mantrāḥ prādurbabhūvurhi pūrvamanvantareṣviha / asaṃtoṣādbhayā dduḥkhātsukhācchokācca pañcadhā // ### [1.32.69](https://indike.org/pramana/in.purana.brahmanda.1.32.69) ṛṣīṇāṃ tārakākhyena darśanena yadṛcchayā / ṛṣīṇāṃ yadṛṣitvaṃ hi tadvakṣyāmīha lakṣaṇaiḥ // ### [1.32.70](https://indike.org/pramana/in.purana.brahmanda.1.32.70) atītānāgatānāṃ ca pañcadhā tvṛṣirucyate / atastvṛṣīṇāṃ vakṣyāmi tatra hyārṣasamudbhavam // ### [1.32.71](https://indike.org/pramana/in.purana.brahmanda.1.32.71) guṇasāmye varttamāne sarvasaṃpralaye tadā / avibhāge tu vedānāmanirdeśye tamomaye // ### [1.32.72](https://indike.org/pramana/in.purana.brahmanda.1.32.72) abuddhibūrvakaṃ tadvai cetanārthe pravarttate / cetanābuddhipūrvaṃ tu cetanena pravarttate // ### [1.32.73](https://indike.org/pramana/in.purana.brahmanda.1.32.73) pravarttate tathā dvau tu yathā matsyodake ubhe / cetanādhiṣṭhitaṃ sattvaṃ pravarttati guṇātmakam // ### [1.32.74](https://indike.org/pramana/in.purana.brahmanda.1.32.74) kāraṇatvāttathā kāryaṃ tadā tasya pravarttate / viṣayo viṣayitvācca arther'thatvāttathaiva ca // ### [1.32.75](https://indike.org/pramana/in.purana.brahmanda.1.32.75) kālena prāpaṇīyena bhedāstu karaṇātmakāḥ / saṃsidhyanti tadā vyaktāḥ krameṇa mahadādayaḥ // ### [1.32.76](https://indike.org/pramana/in.purana.brahmanda.1.32.76) mahataścāpyahaṅkārastasmādbhūtedriyāṇi ca / bhūtabhedāśca bhūtebhyo jajñire sma parasparam // ### [1.32.77](https://indike.org/pramana/in.purana.brahmanda.1.32.77) saṃsiddhakāryakaraṇaḥ sadya eva vyavarttata / yatholmukāttu truṭayaḥ ekakālādbhavanti hi // ### [1.32.78](https://indike.org/pramana/in.purana.brahmanda.1.32.78) tathā vivṛttāḥ kṣetrajñāḥ kālenaikena kāraṇāt / yathāndhakāre khadyotaḥ sahasā saṃpradṛśyate // ### [1.32.79](https://indike.org/pramana/in.purana.brahmanda.1.32.79) tathā vivṛtto hyavyaktātkhadyota iva sañjvalan / sa māhansaśarīrastu yatraivāyamavarttata // ### [1.32.80](https://indike.org/pramana/in.purana.brahmanda.1.32.80) tatraiva saṃsthito vidvāndvāraśālāmukhe vibhuḥ / mahāṃstu tamasaḥ pāre vailakṣaṇyādvibhāvyate // ### [1.32.81](https://indike.org/pramana/in.purana.brahmanda.1.32.81) tatraiva saṃsthite vidvāṃstamasoṃ'ta iti śrutiḥ / buddhirvivarttamānasya prādurbhūtā caturvidhā // ### [1.32.82](https://indike.org/pramana/in.purana.brahmanda.1.32.82) jñānaṃ vairāgyamaiśvaryaṃ dharmaśceti catuṣṭayam / sāṃsiddhikānyathaitāni vijñeyāni narasya vai // ### [1.32.83](https://indike.org/pramana/in.purana.brahmanda.1.32.83) sa mahātmā śarīrasya vaivarttātsiddhirucyate / anuśete yataḥ sarvānkṣetrajñānamathāpi vā // ### [1.32.84](https://indike.org/pramana/in.purana.brahmanda.1.32.84) puriṣatvācca puruṣaḥ kṣatrejñānātsa ucyate / yasmādvuddhyānuśete ca tasmādvodhātmakaḥ sa vai // ### [1.32.85](https://indike.org/pramana/in.purana.brahmanda.1.32.85) saṃsiddhaye parigataṃ vyaktāvyaktamacetanam / evaṃ vivṛttaḥ kṣetrajñaḥ kṣetrajñānābhisaṃhitaḥ // ### [1.32.86](https://indike.org/pramana/in.purana.brahmanda.1.32.86) vivṛttisamakālaṃ tu buddhyāvyaktamṛṣiḥ svayam / paraṃ hyarṣayate yasmātparamarṣitvamasya tat // ### [1.32.87](https://indike.org/pramana/in.purana.brahmanda.1.32.87) gatyarthādṛṣaterdhātornāma nirvṛtirāditaḥ / yasmādeva svayaṃ bhūtastasmāccāpyṛṣitā smṛtā // ### [1.32.88](https://indike.org/pramana/in.purana.brahmanda.1.32.88) īśvarātsvayamudbhūtā mānasā brahmaṇaḥ sutāḥ / yasmādutpadyamānaistairmahānparigataḥ paraḥ // ### [1.32.89](https://indike.org/pramana/in.purana.brahmanda.1.32.89) yasmāda-ṣanti te dhīrā mahāntaṃ sarvato guṇaiḥ / tasmānmaharṣayaḥ proktā buddheḥ parama darśinā // ### [1.32.90](https://indike.org/pramana/in.purana.brahmanda.1.32.90) īśvarāṇāṃ sutāsteṣāṃ mānasā aurasāśca vai / ahaṅkāraṃ tapaścaiva ṛṣanti ṛṣitāṃ gatāḥ // ### [1.32.91](https://indike.org/pramana/in.purana.brahmanda.1.32.91) tasmātsaptarṣayaste vai bhūtādau tattvadarśanāt / ṛṣiputrā ṛṣīkāstu maithunādgarbhasaṃbhavāḥ // ### [1.32.92](https://indike.org/pramana/in.purana.brahmanda.1.32.92) tanmātrāṇi ca satyaṃ ca ṛṣante te mahaujasaḥ / saptaṣaryasta taste ca parasatyasya darśanāḥ // ### [1.32.93](https://indike.org/pramana/in.purana.brahmanda.1.32.93) ṛṣīkāṇāṃ sutāste syurvijñeyā ṛṣiputrakāḥ / ṛṣanti te ṛtaṃ yasmādviśeṣāṃścaiva tattvataḥ // ### [1.32.94](https://indike.org/pramana/in.purana.brahmanda.1.32.94) tasmātsaptarṣayastepi śruteḥ paramadarśanāt / avyaktātmā mahānātmāhaṅkārātmā tathaiva ca // ### [1.32.95](https://indike.org/pramana/in.purana.brahmanda.1.32.95) bhūtātmā cendriyātmā ca teṣāṃ tajjñānamucyate / ityetā ṛṣijātīstā nāmabhiḥ pañca vai śṛṇu // ### [1.32.96](https://indike.org/pramana/in.purana.brahmanda.1.32.96) bhṛgurmarīciratriśca hyaṅgirāḥ pulahaḥ kratuḥ / manurdakṣo vasiṣṭaśca pulastyaśceti te daśa // ### [1.32.97](https://indike.org/pramana/in.purana.brahmanda.1.32.97) brahmaṇo mānasā hyete udbhūtāḥ svayamīśvarāḥ / paratvenarṣayo yasmātsmṛtāstasmānmaharṣayaḥ // ### [1.32.98](https://indike.org/pramana/in.purana.brahmanda.1.32.98) īśvarāṇāṃ sutā hyete ṛṣayastānnibodhata / kāvyo bṛhaspatiścaiva kaśyapaśvyavanastathā // ### [1.32.99](https://indike.org/pramana/in.purana.brahmanda.1.32.99) utathyo vāmadevaśca apā syaścośijastathā / kardamo viśravāḥ śaktirvālakhilyāstathārvataḥ // ### [1.32.100](https://indike.org/pramana/in.purana.brahmanda.1.32.100) ityete ṛṣayaḥ proktāstapasā carṣitāṃ gatāḥ / ṛṣiputrānṛ ṣīkāṃstu garbhotpannānnibodhata // ### [1.32.101](https://indike.org/pramana/in.purana.brahmanda.1.32.101) vatsaro nagṛhūścaiva bharadvājastathaiva ca / ṛṣidīrghatamāścaiva bṛhadukthaḥ śaradvataḥ // ### [1.32.102](https://indike.org/pramana/in.purana.brahmanda.1.32.102) vājaśravāḥ śuciścaiva vaśyāśvaśca parāśaraḥ / dadhīcaḥ śaṃśapāścaiva rājā vaiśravaṇastathā // ### [1.32.103](https://indike.org/pramana/in.purana.brahmanda.1.32.103) ityete ṛṣikāḥ proktāste satyādṛṣitāṃ gatāḥ / īśvarā ṛṣayaścaiva ṛṣikāścaiva te smṛtāḥ // ### [1.32.104](https://indike.org/pramana/in.purana.brahmanda.1.32.104) ete mantrakṛtaḥ sarve kṛtsnaśastānnibodhata / bhṛguḥ kāvyaḥ pracetāśca ṛcīko hyātmavānapi // ### [1.32.105](https://indike.org/pramana/in.purana.brahmanda.1.32.105) aurvātha jamadagniśca vidaḥ sārasvatastathā / ārṣṭiṣeṇo yudhājicca vītahavyasuvarcasau // ### [1.32.106](https://indike.org/pramana/in.purana.brahmanda.1.32.106) vainyaḥ pṛthurdivodāso bādhyaśvo gṛtsaśaunakau / ekonaviśatirhyetebhṛgavo mantravāditaḥ // ### [1.32.107](https://indike.org/pramana/in.purana.brahmanda.1.32.107) aṅgirā vaidyagaścaiva bharadvājo 'tha bāṣkaliḥ / ṛtavākastathā gargaḥ śiniḥ saṃkṛtireva ca // ### [1.32.108](https://indike.org/pramana/in.purana.brahmanda.1.32.108) purukutsaśca māndhātā hyaṃbarīṣastathaiva ca / yuvanāśvaḥ paurakutsastrasaddasyuśca dasyumān // ### [1.32.109](https://indike.org/pramana/in.purana.brahmanda.1.32.109) āhāryo hyajamīḍhaśca tukṣayaḥ kapireva ca / vṛṣādarbho virūpāśvaḥ kaṇvaścaivātha mudgalaḥ // ### [1.32.110](https://indike.org/pramana/in.purana.brahmanda.1.32.110) utathyaśca sanadvājastathā vājaśravā api / ayāsyaścakravarttī cavāmadevastathaiva ca // ### [1.32.111](https://indike.org/pramana/in.purana.brahmanda.1.32.111) asijo bṛhadukthaśca ṛṣirdīrghatamāstathā / kakṣīvāṃśca trayastriṃśatsmṛtā hyāṅgirasā varāḥ // ### [1.32.112](https://indike.org/pramana/in.purana.brahmanda.1.32.112) ete mantrakṛtaḥ sarve kāśyapāṃstu nibodhata / kāśyapaścaiva vatsāro naidhruvo raibhya eva ca // ### [1.32.113](https://indike.org/pramana/in.purana.brahmanda.1.32.113) asito deva laścaiva ṣaḍete brahmavādinaḥ / atrirarvasanaścaiva śyāvāśvaśca gaviṣṭhiraḥ // ### [1.32.114](https://indike.org/pramana/in.purana.brahmanda.1.32.114) āvihotra ṛṣirddhīmāṃstathā pūrvātithiśca saḥ / ityete cā trayaḥ proktā mantrakārā maharṣayaḥ // ### [1.32.115](https://indike.org/pramana/in.purana.brahmanda.1.32.115) vasiṣṭhaścaiva śaktiśca tathaiva ca parāśaraḥ / caturtha indrapramatiḥ pañcamaśca bharadvasuḥ // ### [1.32.116](https://indike.org/pramana/in.purana.brahmanda.1.32.116) ṣaṣṭhaśca maitrāvaruṇiḥ kuṇḍinaḥ saptamastathā / iti sapta vaśiṣṭhāśca vijñeyā brahmavādinaḥ // ### [1.32.117](https://indike.org/pramana/in.purana.brahmanda.1.32.117) viśvāmitrastu gādheyo devarātastathodgalaḥ / tathā vidvānmadhucchandā ṛṣiścānyo 'ghamarṣaṇaḥ // ### [1.32.118](https://indike.org/pramana/in.purana.brahmanda.1.32.118) aṣṭako lohitaścaiva kataḥ kolaśca tāvubhau / devaśravāstathā reṇuḥ pūraṇo 'tha dhanañjayaḥ // ### [1.32.119](https://indike.org/pramana/in.purana.brahmanda.1.32.119) trayodaśaite dharmiṣṭhā vijñeyāḥ kuśikāvarāḥ / agastyo 'yo dṛḍhāyuśca vidhmavāhastathaiva ca // ### [1.32.120](https://indike.org/pramana/in.purana.brahmanda.1.32.120) brahmiṣṭhāgastapā hyete trayaḥ paramakīrttayaḥ / manurvaivasvataścaiva elo rājā purūkhāḥ // ### [1.32.121](https://indike.org/pramana/in.purana.brahmanda.1.32.121) kṣatrriyāṇāṃ carāvetau vijñeyau mantravādinau / bhalandanaśca vatsaśca saṃkīlaścaiva te trayaḥ // ### [1.32.122](https://indike.org/pramana/in.purana.brahmanda.1.32.122) ete mantrakṛtaścaiva vaiśyānāṃ pravarāḥ smṛtāḥ / ityeṣā navatiḥ proktā mantrā yairṛṣibhiḥ kṛtāḥ / brāhyaṇāḥ kṣatriyā vaiśyā ṛṣiputrānnibodhata // ### [1.32.122.p1](https://indike.org/pramana/in.purana.brahmanda.1.32.122.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde yugaprajālakṣaṇamṛṣipravaravarṇanaṃ ca nāma dvātriṃśattamo 'dhyāyaḥ ## Linked texts (2) - [Vāyupurāṇa](https://indike.org/pramana/in.purana.vayu.1.59.2) — Vyāsa, Sanskrit - [Matsyapurāṇa](https://indike.org/pramana/in.purana.matsya.145.9) — Vyāsa, Sanskrit --- Source: [https://indike.org/pramana/in.purana.brahmanda.1.32](https://indike.org/pramana/in.purana.brahmanda.1.32) · Pramāṇa