[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.33 # Brahmandapurana 1.33 Brahmāṇḍapurāṇa 1.33 - **Language:** Sanskrit ## Contents - [1.33.58](https://indike.org/pramana/in.purana.brahmanda.1.33.58) — 1 part ### [1.33.1](https://indike.org/pramana/in.purana.brahmanda.1.33.1) sūta uvāca ṛṣikāṇāṃ sutāścāpi vijñeyā ṛṣiputrakāḥ / brāhyaṇānāṃ pravaktāro nāmataśca nibodhata // ### [1.33.2](https://indike.org/pramana/in.purana.brahmanda.1.33.2) sapradhānāḥ pravakṣyante samāsācca śrutarṣayaḥ / bahvṛco bhārgavaḥ pailaḥ sāṃkṛtyo jājalistathā // ### [1.33.3](https://indike.org/pramana/in.purana.brahmanda.1.33.3) saṃdhyāstirmāṭharaścaiva yājñavalkyaḥ parāśaraḥ / upamanyurindrapramatirmāḍūkiḥ śākaliśca saḥ // ### [1.33.4](https://indike.org/pramana/in.purana.brahmanda.1.33.4) bāṣkaliḥ śokapāṇiśca nailaḥ pailo 'lakastathā / pannagāḥ pakṣagantāśca ṣaḍaśītiḥ śrutarṣayaḥ // ### [1.33.5](https://indike.org/pramana/in.purana.brahmanda.1.33.5) ete dvijātayo mukhyā bahvṛcānāṃ śrutarṣayaḥ / vaiśaṃpāyanalauhityau kaṇṭhakālāvaśāvadhaḥ // ### [1.33.6](https://indike.org/pramana/in.purana.brahmanda.1.33.6) śyāmāpatiḥ palāḍuśca ālaṃbiḥ kamalāpatiḥ / teṣāṃ śiṣyāḥ praśiṣyāśca ṣaḍaśīti śrutarṣayaḥ // ### [1.33.7](https://indike.org/pramana/in.purana.brahmanda.1.33.7) ete dvijarṣayaḥ proktāścarakādhvaryavo dvijāḥ / caiminiḥ sabharadvājaḥ kāvyaḥ pauṣyañjireva ca // ### [1.33.8](https://indike.org/pramana/in.purana.brahmanda.1.33.8) hiraṇyanābhaḥ kauśilyo laugākṣiḥ kusumistathā / laṅgalī śālihotraśca śaktirājaśca bhārgavaḥ // ### [1.33.9](https://indike.org/pramana/in.purana.brahmanda.1.33.9) sāmagānāmathācārya ailo rājā purūravāḥ / ṣaṭcatvāriṃśadanye vai teṣāṃ śiṣyāḥ śrutarṣayaḥ // ### [1.33.10](https://indike.org/pramana/in.purana.brahmanda.1.33.10) kauśītiḥ kaṅkamudgaśca kuṇḍakaḥ saparāśaraḥ / lobhālobhaśca dharmātmā tathā brahma balaśca saḥ // ### [1.33.11](https://indike.org/pramana/in.purana.brahmanda.1.33.11) kranthalo 'tho madagalo mārkaṇḍeyo 'tha dharmavit / ityete navatirjñeyā hotravadbrahmacāriṇaḥ // ### [1.33.12](https://indike.org/pramana/in.purana.brahmanda.1.33.12) carakādhvaryavaścāpi hyanumaṃntraṃ tu brāhmaṇam / calūbhiḥ sumatiścaiva tathā devavaraśca yaḥ // ### [1.33.13](https://indike.org/pramana/in.purana.brahmanda.1.33.13) anukṛṣṇastathāyuśca anubhūmistathaiva ca / tathāprītaḥ kṛśāśvaśva sumūlirbāṣkalistathā // ### [1.33.14](https://indike.org/pramana/in.purana.brahmanda.1.33.14) carakādhvaryakādhvaryunamasyurbrahmacāriṇaḥ / vaiyāsakiḥ śuko vidvāṃllaukirbhūriśravāstathā // ### [1.33.15](https://indike.org/pramana/in.purana.brahmanda.1.33.15) somāviratunāntakyastathā dhaumyaśca kāśyapaḥ / āraṇyā ilakaścaiva upamanyurvidastathā // ### [1.33.16](https://indike.org/pramana/in.purana.brahmanda.1.33.16) bhārgavo madhukaḥ piṅgaḥ śveta ketustathaiva ca / prajādarpaḥ kahoḍaśca yājñavalkyo 'tha śaunakaḥ // ### [1.33.17](https://indike.org/pramana/in.purana.brahmanda.1.33.17) anaṅgo niratālaśca madhyamādhvaryavastute / aditirdevamātā ca jalāpā caiva mānavī // ### [1.33.18](https://indike.org/pramana/in.purana.brahmanda.1.33.18) urvaśī viśvayoṣā ca hyapsaraḥpravare śubhe / mudgalā cātujīvaiva tārā caiva yaśasvinī // ### [1.33.19](https://indike.org/pramana/in.purana.brahmanda.1.33.19) prātimedhī ca mārgā ca sujātā ca mahātapā / lopāmudrā ca dharmajñā yā ca kośītikā smṛtā // ### [1.33.20](https://indike.org/pramana/in.purana.brahmanda.1.33.20) etāśca brahmavādinya apsaro rūpaṃsamatāḥ / ityetā mukhyaśaḥ proktā mayā ca ṛṣiputrakāḥ // ### [1.33.21](https://indike.org/pramana/in.purana.brahmanda.1.33.21) vaidaśākhāpraṇayanāstataste ṛṣayaḥ smṛtāḥ / īśvarā mantravaktāra ṛṣayo hyṛṣikāstathā // ### [1.33.22](https://indike.org/pramana/in.purana.brahmanda.1.33.22) ṛṣiputrāḥ pravaktaraḥ kalpānāṃ brāhmaṇasya tu / īśvarāṇāmṛṣīṇāṃ ca ṛṣikāṇāṃ sahātmajaiḥ // ### [1.33.23](https://indike.org/pramana/in.purana.brahmanda.1.33.23) tathā vākyāni janīṣva yathaiṣāṃ mantradṛṣṭayaḥ / tatrājñāyuktamadvaitaṃ dīptaṃ gaṃbhīraśabdavat // ### [1.33.24](https://indike.org/pramana/in.purana.brahmanda.1.33.24) atyantamaparokṣaṃ ca liṅgaṃ nāma tathaiva ca / sarvabhūtānyabhūtaṃ ca paridānaṃ ca yadbhavet // ### [1.33.25](https://indike.org/pramana/in.purana.brahmanda.1.33.25) kvacinniruktaproktārthaṃ vākyaṃ svāyaṃbhuvaṃ viduḥ / yatkiñcinmantrasaṃyuktaṃ tatra nāmavibhaktibhiḥ // ### [1.33.26](https://indike.org/pramana/in.purana.brahmanda.1.33.26) pratyakṣābhihitaṃ caivamṛṣīṇāṃ vacanaṃ matam / naigamairvividhaiḥ śabdairnipātairbahulaṃ ca yat // ### [1.33.27](https://indike.org/pramana/in.purana.brahmanda.1.33.27) yaccāpyasti mahadvākyamṛṣīkāṇāṃ vacaḥ smṛtam / avispaṣṭapadaṃ yacca yacca syādbahusaṃśayam // ### [1.33.28](https://indike.org/pramana/in.purana.brahmanda.1.33.28) ṛṣiputravacastadvai sarvāśca paridevatāḥ / hetudṛṣṭānta bahulaṃ citraśabdamapārthakam // ### [1.33.29](https://indike.org/pramana/in.purana.brahmanda.1.33.29) sarvāstu tamaśaktaṃ ca vākyametattu mānuṣam / miśrā iti samākhyātāḥ prabhāvādṛṣitāṃ gātāḥ // ### [1.33.30](https://indike.org/pramana/in.purana.brahmanda.1.33.30) samutkarṣāya karṣābhyāṃ jātivyatyāsasaṃbhavāḥ / bhūtabhavyabhavajjñāna janmaduḥkhacikitsanam // ### [1.33.31](https://indike.org/pramana/in.purana.brahmanda.1.33.31) miśrāṇāṃ tadbhavedvākyaṃ gurorbalapravarttanam / dharmaśāstrapraṇetāro mahimnā sarvagāśca vai // ### [1.33.32](https://indike.org/pramana/in.purana.brahmanda.1.33.32) tapaḥprakarṣaḥ sumahānyeṣāṃ te ṛṣayaḥ smṛtāḥ / bṛhaspatiśca śukraśca vyāsaḥ sārasvatastathā // ### [1.33.33](https://indike.org/pramana/in.purana.brahmanda.1.33.33) vyāsāḥ śāstrapraṇayanā vedavyāsa iti smṛtāḥ / yasmādavārajāḥ saṃtaḥ pūrvebhyo medhayādhikāḥ // ### [1.33.34](https://indike.org/pramana/in.purana.brahmanda.1.33.34) aiśvaryeṇa ca saṃpannāstataste ṛṣayaḥ smṛtāḥ / yasminkālo na caṃ vayaḥ pramāṇamṛṣibhāvane // ### [1.33.35](https://indike.org/pramana/in.purana.brahmanda.1.33.35) dṛśyate hi pumānkaścitkaścijjyeṣṭhatamo dhiyā / yasmādbuddhyā ca varṣīyānbalo 'pi śrutavānṛṣiḥ // ### [1.33.36](https://indike.org/pramana/in.purana.brahmanda.1.33.36) yaḥ kaścitpādavānmadhye prayukto 'kṣara saṃpadā / viniyuktāvasānāṃ tu tāmṛcaṃ paricakṣate // ### [1.33.37](https://indike.org/pramana/in.purana.brahmanda.1.33.37) yaḥ kaścitkaraṇairmantro na ca pādakṣarairmitaḥ / atiyuktāvasānaṃ ca tadyajurvai pracakṣate // ### [1.33.38](https://indike.org/pramana/in.purana.brahmanda.1.33.38) hrīṅkāraḥ praṇavo gītaḥ prastāvaśca caturthakam / pañcamaḥ pratihotraśca ṣaṣṭhamāhurupadravam // ### [1.33.39](https://indike.org/pramana/in.purana.brahmanda.1.33.39) nidhanaṃ saptamaṃ sāmnaḥ saptavindhya midaṃ smṛtam / pañcavindhya iti proktaṃ hrīṅkāraḥ praṇavādṛte // ### [1.33.40](https://indike.org/pramana/in.purana.brahmanda.1.33.40) brahmaṇe dharmamatyuktau yattadā jñāpyater'thataḥ / āśāstistu prasaṃkhyātā vilāpaḥ paridevanā // ### [1.33.41](https://indike.org/pramana/in.purana.brahmanda.1.33.41) krodhādvā dveṣaṇāccaiva praśrākhyānaṃ tathaiva ca / etattu sarvavidyānāṃ vihitaṃ mantralakṣaṇam // ### [1.33.42](https://indike.org/pramana/in.purana.brahmanda.1.33.42) mantrā navavidhāḥ proktā ṛgyajuḥ sāmalakṣaṇāḥ / mūrtirnindā praśaṃsā cākrośastoṣastathaiva ca // ### [1.33.43](https://indike.org/pramana/in.purana.brahmanda.1.33.43) praśrānujñāstathākhyānamāśāsmatividhayo matāḥ / mantrabhedāṃśca vakṣyāmi caturviśatilakṣaṇān // ### [1.33.44](https://indike.org/pramana/in.purana.brahmanda.1.33.44) praśaṃsā stutirākrośo nindā ca paridevanā / abhiśāpo viśāpaśca praśnaḥ prativacastathā // ### [1.33.45](https://indike.org/pramana/in.purana.brahmanda.1.33.45) āśīryajñastathākṣepa arthākhyānaṃ ca saṃkathā / viyogā hyabhiyogāśca kathā saṃsthā varaśca vai // ### [1.33.46](https://indike.org/pramana/in.purana.brahmanda.1.33.46) pratiṣedhopa deśau ca namaskāraḥ spṛhā tathā / vilāpaśceti mantrāṇāṃ caturviṃśatiruddhṛtāḥ // ### [1.33.47](https://indike.org/pramana/in.purana.brahmanda.1.33.47) ṛṣibhiryajñatattvajñairvihitaṃ brahmaṇaṃ purā / hetu rnirvacanaṃ nindā praśastiḥ saṃśayo nidhiḥ // ### [1.33.48](https://indike.org/pramana/in.purana.brahmanda.1.33.48) purākṛtipurākalpau vyavadhāraṇakalpanā / upamā ca daśaite vai vidhayo brāhmaṇasya tu // ### [1.33.49](https://indike.org/pramana/in.purana.brahmanda.1.33.49) lakṣaṇaṃ brāhmaṇasyainadvihitaṃ sarvaśākhināma / heturhanteḥ smṛto dhātoryannihantyuditaṃ paraiḥ // ### [1.33.50](https://indike.org/pramana/in.purana.brahmanda.1.33.50) athavārthe pariprāpte hino tergatikarmaṇā / tathā nirvacanaṃ brūyādvākyārthasyāvadhāraṇam // ### [1.33.51](https://indike.org/pramana/in.purana.brahmanda.1.33.51) nindāṃ tāmāhurāyāryā yaddoṣe nindanaṃ vacaḥ / prapūrvācchaṃsaterdhātoḥ praśaṃsāguṇavattayā // ### [1.33.52](https://indike.org/pramana/in.purana.brahmanda.1.33.52) idaṃ tvidamidaṃ naidamityaniścitya saṃśayam / idamevaṃ vidhātavyamityayaṃ vidhirucyate // ### [1.33.53](https://indike.org/pramana/in.purana.brahmanda.1.33.53) anyasyānyasya cauktiryā budhaiḥ soktā purākṛtiḥ / yo hyatyantaparokṣārthaḥ sa purākalpa ucyate // ### [1.33.54](https://indike.org/pramana/in.purana.brahmanda.1.33.54) purātikrāntavācitvātpurākalpasya kalpa nām / mantrabrāhmaṇakalpaiśca nigamaiḥ śuddhavistaraiḥ // ### [1.33.55](https://indike.org/pramana/in.purana.brahmanda.1.33.55) aniścitya kṛtāmāhurvyavadhāraṇakalpanām / yathā hīdaṃ tathā tadvai idaṃ caiva tathaiva tat // ### [1.33.56](https://indike.org/pramana/in.purana.brahmanda.1.33.56) ityevameṣā hyupamā daśamo brāhmaṇasya tu / ityetadbrahmaṇasyādau vihitaṃ rakṣaṇaṃ budhaiḥ // ### [1.33.57](https://indike.org/pramana/in.purana.brahmanda.1.33.57) tasya tadvidbhiruddiṣṭā vyākhyāmyanupadaṃ dvijaiḥ / mantrāṇāṃ kalpanā caiva vidhidṛṣṭiṣu karmasu // ### [1.33.58](https://indike.org/pramana/in.purana.brahmanda.1.33.58) mantro mantrayaterddhātorbrāhmaṇo brāhmaṇena tu / alpākṣaramasaṃdigdhaṃ sāravadviśvatomukham / astobhamanavadyaṃ ca sūtraṃ sūtravido viduḥ // ### [1.33.58.p1](https://indike.org/pramana/in.purana.brahmanda.1.33.58.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde ṛṣilakṣaṇaṃ nāma trayastrinttamo 'dhyāyaḥ ## Linked texts (1) - [Vāyupurāṇa](https://indike.org/pramana/in.purana.vayu.1.59.110) — Vyāsa, Sanskrit --- Source: [https://indike.org/pramana/in.purana.brahmanda.1.33](https://indike.org/pramana/in.purana.brahmanda.1.33) · Pramāṇa