[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.34 # Brahmandapurana 1.34 Brahmāṇḍapurāṇa 1.34 - **Language:** Sanskrit ## Contents - [1.34.68](https://indike.org/pramana/in.purana.brahmanda.1.34.68) — 1 part ### [1.34.1](https://indike.org/pramana/in.purana.brahmanda.1.34.1) vāyuruvāca ṛṣayastadvacaḥ śrutvā sūtamāhustaduttaram / kathaṃ vedāḥ punarvyastāstanno brūhi mahāmate // ### [1.34.2](https://indike.org/pramana/in.purana.brahmanda.1.34.2) sūta uvāca dvāpare tu purāvṛtte manoḥ svāyaṃbhuvāntare / brahmā manumuvācedaṃ rakṣavedaṃ mahāmate // ### [1.34.3](https://indike.org/pramana/in.purana.brahmanda.1.34.3) parivṛttaṃ yugaṃ tāta svalpavīryā dvijātayaḥ / saṃvṛtā yugadoṣeṇa sarve caiva yathākramam // ### [1.34.4](https://indike.org/pramana/in.purana.brahmanda.1.34.4) tasya mānaṃ yugavaśādalpaṃ caiva hi dṛśyate / daśasāhasrabhāgena hyavaśiṣṭaṃ kṛtoditam // ### [1.34.5](https://indike.org/pramana/in.purana.brahmanda.1.34.5) vāya tejo balaṃ cālpaṃ sarvaṃ caiva praṇaśyati / vedakriyā hi kāryāḥ syurmābhūdvedavināśanam // ### [1.34.6](https://indike.org/pramana/in.purana.brahmanda.1.34.6) vede nāśamanuprāpte yajño nāśaṃ gamiṣyati / yajñe naṣṭe vedanāśastataḥ sarvaṃ praṇaśyati // ### [1.34.7](https://indike.org/pramana/in.purana.brahmanda.1.34.7) ādyo vedaśca tuṣpādaḥ śatasāhasrasaṃmitaḥ / punardaśaguṇaḥ kṛṣṇo yajño vai sarvakāmadhuk // ### [1.34.8](https://indike.org/pramana/in.purana.brahmanda.1.34.8) evamuktastathetyuktvā manurlaukahite rataḥ / vedamekaṃ catuṣpādaṃ caturddhā vyabhajatprabhuḥ // ### [1.34.9](https://indike.org/pramana/in.purana.brahmanda.1.34.9) brahmaṇo vacanāttāta lokānāṃ hitakāmyayā / tadahaṃ varttamānena yuṣmākaṃ vedakalpanam // ### [1.34.10](https://indike.org/pramana/in.purana.brahmanda.1.34.10) manvantareṇa vakṣyami vyatītānāṃ prakalpanam / pratyakṣeṇa varokṣaṃvai tannibodhata sattamāḥ // ### [1.34.11](https://indike.org/pramana/in.purana.brahmanda.1.34.11) asminyuge tadā vyāsaḥ pārāśaryaḥ parantapaḥ / dvaipāyana iti khyāto viṣṇoraṃśaḥ sanātanaḥ // ### [1.34.12](https://indike.org/pramana/in.purana.brahmanda.1.34.12) brahmaṇā coditaḥ so 'smin vedaṃ vaktuṃ pracakrame / atha śiṣyānsajagrāha caturo vedakāraṇāt // ### [1.34.13](https://indike.org/pramana/in.purana.brahmanda.1.34.13) jaiminiṃ ca sumantuṃ ca vaiśaṃpāyanameva ca / caturthaṃ pailameteṣāṃ pañcamaṃ lomaharṣaṇam // ### [1.34.14](https://indike.org/pramana/in.purana.brahmanda.1.34.14) ṛgvedaśrāvakaṃ pailamagrahīdvidhivaddvijāḥ / yajurvedapravaktāraṃ vaiśaṃpāyanameva ca // ### [1.34.15](https://indike.org/pramana/in.purana.brahmanda.1.34.15) jaiminiṃ sāmavedārthaśrāvakaṃ so 'nvapadyata / tathaivāthar vavedasya sumantumṛṣisattamam // ### [1.34.16](https://indike.org/pramana/in.purana.brahmanda.1.34.16) itihāsapurāṇasya kalapavākyasya caiva hi / māṃ caiva pratijagrāha bhagavānīśvaraḥ prabhuḥ // ### [1.34.17](https://indike.org/pramana/in.purana.brahmanda.1.34.17) eka āsīdyajurvedastaṃ caturddhā vyakalpayat / cāturhetramabhūttasmiṃstena yajñamakalpayat // ### [1.34.18](https://indike.org/pramana/in.purana.brahmanda.1.34.18) ādhvaryavaṃ yajurbhistu ṛgbhirhetraṃ tathaiva ca / audgātraṃ sāmabhiścakre brahmatvaṃ cāpyatharvabhiḥ // ### [1.34.19](https://indike.org/pramana/in.purana.brahmanda.1.34.19) tataḥ sa ṛca uddhṛtya ṛgvedaṃ samakalpayat / hotṛkaṃ kalpayattena yajurvedaṃ jagatpatiḥ // ### [1.34.20](https://indike.org/pramana/in.purana.brahmanda.1.34.20) sāmabhiḥ sāmavedaṃ ca tenaudgātramakalpayat / rā5stvatharvavedena sarvakarmāṇyakārayat // ### [1.34.21](https://indike.org/pramana/in.purana.brahmanda.1.34.21) ākhyānaiścāpyupākhyānairgāthābhiḥ kalpajoktibhiḥ / purāmasaṃhitāṃ cakre purāṇārthaviśāradaḥ // ### [1.34.22](https://indike.org/pramana/in.purana.brahmanda.1.34.22) yacchiṣṭaṃ tu yajurvede tena ya5mayuñjata / yajanātsa yajurveda iti śāstraviniścayaḥ // ### [1.34.23](https://indike.org/pramana/in.purana.brahmanda.1.34.23) pādānāmuddhatatvācca yajūṃṣi viṣamāṇi ca / śatenoddhatavīryastu ṛtvigbhirvedapāragaiḥ // ### [1.34.24](https://indike.org/pramana/in.purana.brahmanda.1.34.24) prayujyate hyaśvamedhastena vā puṣyate tu saḥ / ṛco gṛhītvā pailastu vyabhajattu dvidhā punaḥ // ### [1.34.25](https://indike.org/pramana/in.purana.brahmanda.1.34.25) dve kṛtvā saṃhite caiva śiṣyābhyā madadādvibuḥ / indrapramattaye caikāṃ dvitīyāṃ bāṣkalāya ca // ### [1.34.26](https://indike.org/pramana/in.purana.brahmanda.1.34.26) catasraḥ saṃhitāḥ kṛtvā bāṣkalo dvijasattamaḥ / śiṣyānadhyāpayā māsa śuśruṣābhiratānhitān // ### [1.34.27](https://indike.org/pramana/in.purana.brahmanda.1.34.27) bodhyāṃ tu prathamāṃ śākhāṃ dvitīyāmagnimātaram / pārāśarīṃ tṛtīyāṃ tu yā5valkyāmathāparām // ### [1.34.28](https://indike.org/pramana/in.purana.brahmanda.1.34.28) indrapramatirekāṃ tu saṃhitāmṛṣisattamaḥ / adhyāpayanmahābhāgaṃ māṇḍūkeyaṃ yaśasvinam // ### [1.34.29](https://indike.org/pramana/in.purana.brahmanda.1.34.29) styasravasamagryaṃ tu putraṃ sa tu mahāyaśāḥ / satyasravāḥ satyahitaṃ putramadhyāpayadvibhuḥ // ### [1.34.30](https://indike.org/pramana/in.purana.brahmanda.1.34.30) so 'pi satyahitaḥ putraṃ punaradhyāpayaddvijāḥ / satyaśriyaṃ mahātmānaṃ satya dharmaparāyaṇam // ### [1.34.31](https://indike.org/pramana/in.purana.brahmanda.1.34.31) abhavaṃstasya śiṣyā vai trayastu sumahaujasaḥ / satyaśriyāśca vidvāṃsaḥ śāstragrahaṇatatparāḥ // ### [1.34.32](https://indike.org/pramana/in.purana.brahmanda.1.34.32) śākalyaḥ prathamasteṣāṃ tasmādanyo rathītaraḥ / bāṣkaliśca bharadvāja iti śākhāpravarttakāḥ // ### [1.34.33](https://indike.org/pramana/in.purana.brahmanda.1.34.33) devamitrastu śākalyo jñānāhaṅkāragarvitaḥ / janakasya sa yajñe vai vināśāmagamaddvijāḥ // ### [1.34.34](https://indike.org/pramana/in.purana.brahmanda.1.34.34) śāṃśapāyana uvāca kathaṃ vināśamagamatsa munirjñānagarvitaḥ / janakasyāśvamedhe tu katha vādābhyajāyata // ### [1.34.35](https://indike.org/pramana/in.purana.brahmanda.1.34.35) kimarthaṃ vābhavadvādaḥ kena sārddhamathāpi vā / etatsarvaṃ yathā vṛttamācakṣtra viditaṃ tava // ### [1.34.36](https://indike.org/pramana/in.purana.brahmanda.1.34.36) sūta uvāca janakasyāśvamedhe tu mahānāsītsamāgamaḥ / ṛṣīṇāṃ hi sahasrāṇi tatrājagmuranekaśaḥ // ### [1.34.37](https://indike.org/pramana/in.purana.brahmanda.1.34.37) rājarṣerjanakasyātha taṃ yajñaṃ hi didṛkṣavaḥ / āgatānbrāhmaṇāndṛṣṭvā jijñāsāsyābhavattataḥ // ### [1.34.38](https://indike.org/pramana/in.purana.brahmanda.1.34.38) ko nveṣāṃ brāhmaṇaśreṣṭhaḥ kathaṃ me niścayo bhavet / iti niścitya manasā buddhiṃ cakre janādhipaḥ // ### [1.34.39](https://indike.org/pramana/in.purana.brahmanda.1.34.39) gavāṃ sahasramādāya suvarṇamadhikaṃ tataḥ / grāmānratnāni dāsīscha munīnprāha narādhipaḥ // ### [1.34.40](https://indike.org/pramana/in.purana.brahmanda.1.34.40) sarvānahaṃ prapanno vaḥ śirasā śreṣṭhabhāginaḥ / yadetadāhṛtaṃ vittaṃ yo vā śreṣṭhatamo bhavet // ### [1.34.41](https://indike.org/pramana/in.purana.brahmanda.1.34.41) tasmai tadupanītaṃ me vitta vittaṃ dvijottamāḥ / janakasya vacaḥ śrutvā ṛṣayaste śrutikṣamāḥ // ### [1.34.42](https://indike.org/pramana/in.purana.brahmanda.1.34.42) dṛṣṭvā dhanaṃ mahāsāraṃ dhanagṛdhnā jighṛkṣavaḥ / āhvayāñcakrire 'nyonyaṃ vedajñānamadolbaṇān // ### [1.34.43](https://indike.org/pramana/in.purana.brahmanda.1.34.43) manasā gatavittāste mamaitaddhanamityuta / mamaitanna tavetyanyo brūhi vā kiṃ vikatthase // ### [1.34.44](https://indike.org/pramana/in.purana.brahmanda.1.34.44) ityevaṃ dhanadoṣeṇa vādāṃścakuranekaśaḥ / athānyastatravai vidvānbrahmaṇastu sutaḥ kaviḥ // ### [1.34.45](https://indike.org/pramana/in.purana.brahmanda.1.34.45) yājñavalkyo mahātejāstapasvī brahmavittamaḥ / brahmaṇoṃ'śasamutpanno vākyaṃ provāca susvaram // ### [1.34.46](https://indike.org/pramana/in.purana.brahmanda.1.34.46) śiṣyaṃ brahmavidāṃ śreṣṭhaṃ dhanametadgṛhāṇa vai / nayasva ca gṛhaṃvatsa mamaitannātra saṃśayaḥ // ### [1.34.47](https://indike.org/pramana/in.purana.brahmanda.1.34.47) sarvavādeṣvahaṃ vaktā nānyaḥ kaścittu matsamaḥ / yo vā na prīyate vidvānsamāhvayatu māciram // ### [1.34.48](https://indike.org/pramana/in.purana.brahmanda.1.34.48) tato brahmārṇavaḥ kṣubdaḥ samudra iva saṃplave / tānuvāca tataḥ svastho yājñavalkyo hasanniva // ### [1.34.49](https://indike.org/pramana/in.purana.brahmanda.1.34.49) krodhaṃ mā kārṣṭa vidvāṃso bhavantaḥ satyavādinaḥ / vadāmahe yathāśakti jijñāsaṃtaḥ parasparam // ### [1.34.50](https://indike.org/pramana/in.purana.brahmanda.1.34.50) tato 'bhyupagatāsteṣāṃ vādāḥ śabdairanekaśaḥ / sahasradhā śubhairarthaiḥ sukṣmadarśanasaṃbhavaiḥ // ### [1.34.51](https://indike.org/pramana/in.purana.brahmanda.1.34.51) loke vede tathādhyātmavidyāsthānairalaṅkṛtaiḥ / saṃtyuttamaguṇairyuktā nṛpasyāpi parīkṣakāḥ // ### [1.34.52](https://indike.org/pramana/in.purana.brahmanda.1.34.52) vādāḥ samabhavaṃstatra dhanahetormahātmanām / ṛṣayastvekataḥ sarve yājñavalkyastathaikataḥ // ### [1.34.53](https://indike.org/pramana/in.purana.brahmanda.1.34.53) sarve te munayastena yājñavalkyena dhīmatā / ekaikaśastataḥ pṛṣṭā naivottaramathābruvan // ### [1.34.54](https://indike.org/pramana/in.purana.brahmanda.1.34.54) sa vijitya munīnsarvān brahmarāśirmahāmatiḥ / śākalyamiti hovāca vādakarttāramañjasā // ### [1.34.55](https://indike.org/pramana/in.purana.brahmanda.1.34.55) śākalya vada vaktavyaṃ kiṃ dhyāyannavatiṣṭhase / paṇastu yajamānena baddho nīto yathā dhṛtaḥ // ### [1.34.56](https://indike.org/pramana/in.purana.brahmanda.1.34.56) evaṃ sa dharṣitastena roṣāttāmrāsyalocanaḥ / provāca yājñavalkyaṃ sapuruṣaṃ munisannidhau // ### [1.34.57](https://indike.org/pramana/in.purana.brahmanda.1.34.57) tvamasmāstṛṇavatkṛtvā tathaivānyāndvijottamān / vidyādhanaṃ mahāsāraṃ svayaṅgrāhaṃ jighṛkṣasi // ### [1.34.58](https://indike.org/pramana/in.purana.brahmanda.1.34.58) śākalyenaivamuktastu yājñavalkyastamabravīt / brahmiṣṭhānāṃ balaṃ viddhi vidyātattvārthadarśanam // ### [1.34.59](https://indike.org/pramana/in.purana.brahmanda.1.34.59) kāmasyārthena saṃbandhastenārthaṃ kāmayāmahe / kāmaprarśnadhanā viprāḥ kāmapraśnaṃ vadāmahe // ### [1.34.60](https://indike.org/pramana/in.purana.brahmanda.1.34.60) paṇaścaivāsya rājarṣestasmānnītaṃ dhanaṃ mayā / etacchrutvā vacastasya śākalyaḥ krodhamūrcchitaḥ // ### [1.34.61](https://indike.org/pramana/in.purana.brahmanda.1.34.61) yā5valkyamathovāca kāmapraśnārthakṛdvacaḥ / brūhīdānīṃ mayoddiṣṭānkāmapraśnānyathārthataḥ // ### [1.34.62](https://indike.org/pramana/in.purana.brahmanda.1.34.62) tataḥ samabhavadvādastayorbrahmavidormahān / sāgraṃ praśnasahasraṃ tu śākalyaḥ so 'karottadā // ### [1.34.63](https://indike.org/pramana/in.purana.brahmanda.1.34.63) yājñavalkyo 'bravītsarvamṛṣīṇāṃ śṛṇvatāṃ tadā / śākalyastvāsa nirvādo yājñavalkyastamabravīt // ### [1.34.64](https://indike.org/pramana/in.purana.brahmanda.1.34.64) praśnamekaṃ mamāpi tvaṃ śākalya vada kāmikam / paṇaprāpyasya vādasya bruvatormṛtyuratra vai // ### [1.34.65](https://indike.org/pramana/in.purana.brahmanda.1.34.65) susūkṣmajñānasaṃyuktaṃ sāṃkhyaṃyogamathāpi vā / adhyātmasya gatiṃ mukhyāṃ dhyānamārgamathāpi vā // ### [1.34.66](https://indike.org/pramana/in.purana.brahmanda.1.34.66) atha saṃcoditaḥ praśno yājñavalkyena dhīmatā / śākalyastamavijñāya tathā mṛtyumavāptavān // ### [1.34.67](https://indike.org/pramana/in.purana.brahmanda.1.34.67) evaṃ smṛtaḥ sa śākalyaḥ praśnavyākhyānapīḍitaḥ / evaṃ vivādaḥ sumahānāsītteṣāṃ dhanārthinām // ### [1.34.68](https://indike.org/pramana/in.purana.brahmanda.1.34.68) ṛṣīṇāmṛṣibhiḥ sārddhaṃ yājñavalkyasya caiva hi / yājñavalkyo dhanaṃ gṛhya yaśo vikhyāya cātmanaḥ / jagāma vai gṛhaṃ svacchaṃ śiṣyaiḥ parivṛto vaśī // ### [1.34.68.p1](https://indike.org/pramana/in.purana.brahmanda.1.34.68.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde vyāsaśiṣyotpattivarṇanaṃ nāma catustriṃśattamo 'dhyāyaḥ ## Linked texts (5) - [Vāyupurāṇa](https://indike.org/pramana/in.purana.vayu.1.60.6) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.3.4.2) — Sanskrit - [Nandipurāṇa](https://indike.org/pramana/in.purana.upa.saiva.nandi.1.7-3.2) — Sanskrit - [Agnipurāṇa](https://indike.org/pramana/in.purana.agni.150.25) — Vyāsa, Sanskrit - [Kālahastīśavilāsa](https://indike.org/pramana/in.lit.kavya.mahakavya.saiva.kalahastisavilasa.2.69) — Sanskrit --- Source: [https://indike.org/pramana/in.purana.brahmanda.1.34](https://indike.org/pramana/in.purana.brahmanda.1.34) · Pramāṇa