[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.36 # Brahmandapurana 1.36 Brahmāṇḍapurāṇa 1.36 - **Language:** Sanskrit ## Contents - [1.36.227](https://indike.org/pramana/in.purana.brahmanda.1.36.227) — 1 part ### [1.36.1](https://indike.org/pramana/in.purana.brahmanda.1.36.1) śāṃśapāyana uvāca manvantarāṇi śeṣāṇi śrotumicchāmyanukramāt / manvantarādhipāṃścaiva śakradevapurogamān // ### [1.36.2](https://indike.org/pramana/in.purana.brahmanda.1.36.2) sūta uvāca manvantarāṇi yāni syuratītānāgatāni ha / samāsā dvistarāccaiva bruvato me nibodhata // ### [1.36.3](https://indike.org/pramana/in.purana.brahmanda.1.36.3) svāyaṃbhuvo manuḥ pūrvaṃ manuḥ svārociṣastathā / uttamastāmasaścaiva raivataścākṣuṣastathā // ### [1.36.4](https://indike.org/pramana/in.purana.brahmanda.1.36.4) ṣaḍete manavo 'tītā vakṣyāmyaṣṭāvanāgatān / sāvarṇiścaiva raucyaśca bhautyo vaivasvatastathā // ### [1.36.5](https://indike.org/pramana/in.purana.brahmanda.1.36.5) vakṣyāmyetānpurastāttu manorvevasvatasya ca / manavaḥ pañca ye 'tītā mānasāṃstānnibodhata // ### [1.36.6](https://indike.org/pramana/in.purana.brahmanda.1.36.6) manvantaraṃ mayā vo 'dhya krāntaṃ svāyaṃbhuvasya ha / ata ūrdhvaṃ pravakṣyāmi manāḥ svārociṣasya ha // ### [1.36.7](https://indike.org/pramana/in.purana.brahmanda.1.36.7) prajāsargaṃ samāsena dvitīyasya mahātmanaḥ / āsanvai tuṣitā devā manoḥ svārociṣe 'ntare // ### [1.36.8](https://indike.org/pramana/in.purana.brahmanda.1.36.8) pārāvatāśca vidvāṃso dvāveva tu gaṇau smṛtau / tuṣitāyāṃ samutpannāḥ kratoḥ putrāḥ svarociṣaḥ // ### [1.36.9](https://indike.org/pramana/in.purana.brahmanda.1.36.9) pārāvatāśca vāsiṣṭhā dvādaśa dvau gaṇau smṛtau / chandajāśca caturviṃśaddevāste vai tadā smṛtāḥ // ### [1.36.10](https://indike.org/pramana/in.purana.brahmanda.1.36.10) divasparśo 'tha jāmitro gopado bhāsurastathā / ajaśca bhagavāścaiva draviṇaśya mahā balaḥ // ### [1.36.11](https://indike.org/pramana/in.purana.brahmanda.1.36.11) āyaścāpi mahābāhurmahaujāścāpi vīryavān / cikitvānviśruto yastu cāṃśo yaścaiva paṭhyate // ### [1.36.12](https://indike.org/pramana/in.purana.brahmanda.1.36.12) ṛtaścadvādaśasteṣāṃ tuṣitāḥ parikīrttitāḥ / ityete kratuputrāstu tadāsansomapāyinaḥ // ### [1.36.13](https://indike.org/pramana/in.purana.brahmanda.1.36.13) pracetāścaiva yo devo viśvadevastathaiva ca / samañjo viśruto yastu hyajihmaścārimarddanaḥ // ### [1.36.14](https://indike.org/pramana/in.purana.brahmanda.1.36.14) āyurdāno mahāmāno divyamānastathaiva ca / ajeyaśca mahābhāgo yavīyāṃśca mahābalaḥ // ### [1.36.15](https://indike.org/pramana/in.purana.brahmanda.1.36.15) hotā yajvā tathā hyete parikrāntāḥ parāvatāḥ / ityetā devatā hyāsanmanoḥ svārociṣāntare // ### [1.36.16](https://indike.org/pramana/in.purana.brahmanda.1.36.16) somapāstu tadā hyetāścaturviśati devatāḥ / teṣāmindrastadā hyāsīdvipaścillokaviśrutaḥ // ### [1.36.17](https://indike.org/pramana/in.purana.brahmanda.1.36.17) ūrjā vasiṣṭhaputraśca staṃbaḥ kāśyapa eva ca / bhārgavaśca tadhā prāma ṛṣabhoṃ'ṅgirasastathā // ### [1.36.18](https://indike.org/pramana/in.purana.brahmanda.1.36.18) paulastyaścaiva datto 'trirātreyo niścalastathā / paulaho 'thārvarīvāṃśca ete saptarṣayastathā // ### [1.36.19](https://indike.org/pramana/in.purana.brahmanda.1.36.19) caitraḥ kiṃpuruṣa ścaiva kṛtānto vibhṛto raviḥ / bṛhaduktho navaḥ setuḥ śrutaśceti nava smṛtāḥ // ### [1.36.20](https://indike.org/pramana/in.purana.brahmanda.1.36.20) manoḥ svārociṣasyaite putrā vaṃśakarāḥ prabho / purāṇe parisaṃkhyātā dvitīyaṃ vai tadantaram // ### [1.36.21](https://indike.org/pramana/in.purana.brahmanda.1.36.21) saptarṣayo manurdevāḥ pitaraśca catuṣṭayam / mūlaṃ manvantarasyaite teṣāṃ caivānvayāḥ prajāḥ // ### [1.36.22](https://indike.org/pramana/in.purana.brahmanda.1.36.22) ṛṣīṇāṃ devatāḥ putrāḥ pitaro devasūnavaḥ / ṛṣayo devaputrāśca iti śāstre viniścayaḥ // ### [1.36.23](https://indike.org/pramana/in.purana.brahmanda.1.36.23) manoḥ kṣatraṃ viśaścaiva saptarṣibhyo dvijā tayaḥ / etanmanvantaraṃ proktaṃ samāsācca na vistarāt // ### [1.36.24](https://indike.org/pramana/in.purana.brahmanda.1.36.24) svāyaṃbhuve na vistāro jñeyaḥ svārociṣasya ca / na śakyo vistarastasya vaktuṃ varṣaśatairapi // ### [1.36.25](https://indike.org/pramana/in.purana.brahmanda.1.36.25) punaruktabahutvāttu prajānāṃ vai kulekule / tṛtīye tvatha paryāye uttamasyāntare manoḥ // ### [1.36.26](https://indike.org/pramana/in.purana.brahmanda.1.36.26) pañca devagaṇā proktāstānvakṣyāmi nibodhata / sudhāmānaśca ye devā ye cānye vaśavarttinaḥ // ### [1.36.27](https://indike.org/pramana/in.purana.brahmanda.1.36.27) pratardanāḥ śivāḥ satyāgaṇā dvādaśakāḥ smṛtāḥ / satyo dhṛtirdamo dāntaḥ kṣamaḥ kṣāmo dhvaniḥ śuciḥ // ### [1.36.28](https://indike.org/pramana/in.purana.brahmanda.1.36.28) iṣorjjaśca tathā śreṣṭhaḥ suparṇo dvādaśastathā / ityete dvādaśa proktāḥ sudhāmānastu nāmabhiḥ // ### [1.36.29](https://indike.org/pramana/in.purana.brahmanda.1.36.29) sahasradhāro viśvāyuḥ samitāro vṛhadvasuḥ / viśvadhā viśvakarmā ca mānasastu virājasaḥ // ### [1.36.30](https://indike.org/pramana/in.purana.brahmanda.1.36.30) jyotiścaiva vibhāsaśca kīrttitā vaṃśavartinaḥ / avadhyo 'varatirdevo vasurdhiṣṇyo vibhāvasuḥ // ### [1.36.31](https://indike.org/pramana/in.purana.brahmanda.1.36.31) vittaḥ kratuḥ sudharmā ca dhṛtadharmā yaśasvijaḥ / rathormiḥ ketumāñchcaiva kīrttitāstu pratardanāḥ // ### [1.36.32](https://indike.org/pramana/in.purana.brahmanda.1.36.32) haṃsasvārau vadānyau ca pratardanayaśaskarau / sudāno vasudānaśca sumañjasaviṣāvubhau // ### [1.36.33](https://indike.org/pramana/in.purana.brahmanda.1.36.33) yamo vahnir yatiścaiva sucitraḥ sutapāstathā / śivā hyete tu vijñeyā yajñiyā dvādaśāparāḥ // ### [1.36.34](https://indike.org/pramana/in.purana.brahmanda.1.36.34) satyānāmapi nāmāni nibodhata yathātatham / dikpatirvākpatiścaiva viśvaḥ śaṃbhustathaiva ca // ### [1.36.35](https://indike.org/pramana/in.purana.brahmanda.1.36.35) svamṛḍīko diviścaiva varcodhāmā bṛhadvapuḥ / aśvaścaiva sadaśvaśca kṣemānandau tathaiva ca // ### [1.36.36](https://indike.org/pramana/in.purana.brahmanda.1.36.36) satyā hyete parikrāntā yajñiyā dvādaśāparāḥ / ityetā devatā hyāsannauttamasyāntare manoḥ // ### [1.36.37](https://indike.org/pramana/in.purana.brahmanda.1.36.37) teṣāmindrastu devānāṃ suśāntirnāma viśrutaḥ / putrāsttavaṅgirasaste vai uttamasya prajāpateḥ // ### [1.36.38](https://indike.org/pramana/in.purana.brahmanda.1.36.38) vaśiṣṭhaputrāḥ saptāsanvāśiṣṭhā iti viśrutāḥ / saptarṣayastu te sarva uttamasyāntare manoḥ // ### [1.36.39](https://indike.org/pramana/in.purana.brahmanda.1.36.39) ācaśca paraśuścaiva divyo divyauṣadhirnayaḥ / devāmvujaścāpratimau mahotsāho gajastathā // ### [1.36.40](https://indike.org/pramana/in.purana.brahmanda.1.36.40) vinītaśca suketuśca sumitraḥ sumatiḥ śrutiḥ / uttamasya manoḥ putrāstrayodaśa mahātmanaḥ // ### [1.36.41](https://indike.org/pramana/in.purana.brahmanda.1.36.41) ete kṣatrapraṇetārastṛtīyaṃ caitadantaram / auttamaḥ parisaṃkhyātaḥ sargaḥ svārociṣeṇa tu // ### [1.36.42](https://indike.org/pramana/in.purana.brahmanda.1.36.42) vistareṇānupūrvyā ca tāmasasya nibodhata / caturthe tvatha paryāye tāmasasyātare manoḥ // ### [1.36.43](https://indike.org/pramana/in.purana.brahmanda.1.36.43) satyāḥ surūpāḥ sudhiyo harayaśca gaṇāḥ smṛtāḥ / pulastyaputrāste devāstāmasasyāntare manoḥ // ### [1.36.44](https://indike.org/pramana/in.purana.brahmanda.1.36.44) gaṇastu teṣāṃ devānāmekaikaḥ pañcaviṃśakaḥ / indriyāṇāṃ pratīyeta ṛṣayaḥ pratijānate // ### [1.36.45](https://indike.org/pramana/in.purana.brahmanda.1.36.45) sapramāṇāstu śīrṣaṇyaṃ manaścaivāṣṭamaṃ tathā / indriyāṇi tathā devā manostasyāntare smṛtāḥ // ### [1.36.46](https://indike.org/pramana/in.purana.brahmanda.1.36.46) teṣāṃ babhūva devānāṃ śibirindraḥ pratāpavān / saptarṣayoṃ'tare ye ca tānnibodhata sattamāḥ // ### [1.36.47](https://indike.org/pramana/in.purana.brahmanda.1.36.47) kāvya āṅgirasaścaiva kāśyapaḥ pṛthureva ca / atreyastvagnirityeva jyotirdhāmā ca bhārgavaḥ // ### [1.36.48](https://indike.org/pramana/in.purana.brahmanda.1.36.48) paulahaścarakaścātra vāśiṣṭhaḥ pīvarastathā / caitrastathaiva paulastya ṛṣayastāmaseṃ'tare // ### [1.36.49](https://indike.org/pramana/in.purana.brahmanda.1.36.49) jānujaṅghastathā śāntirnaraḥ khyātiḥ śubhastathā / priyabhṛtyo parīkṣicca prasthalo 'tha dṛḍheṣudhiḥ // ### [1.36.50](https://indike.org/pramana/in.purana.brahmanda.1.36.50) kṛśāśvaḥ kṛtabandhuśca tāmasasya manoḥ sutāḥ / pañcametvatha paryāye manoḥ svārociṣeṃ'tare // ### [1.36.51](https://indike.org/pramana/in.purana.brahmanda.1.36.51) guṇāstu ye samākhyātā devānāṃ tānnibodhata / amitābhā bhūtarayo vaikuṇṭhāḥ sasumedhasaḥ // ### [1.36.52](https://indike.org/pramana/in.purana.brahmanda.1.36.52) variṣṭhāśca śubhāḥ putrā vasiṣṭhasya prajāpateḥ / caturdaśa tu catvāro gaṇāsteṣāṃ subhāsvarāḥ // ### [1.36.53](https://indike.org/pramana/in.purana.brahmanda.1.36.53) ugraḥ prajño 'gnibhāvaśca prajyotiścāmṛtastathā / sumatirvā virāvaśca dhāmā nādaḥ śravāstathā // ### [1.36.54](https://indike.org/pramana/in.purana.brahmanda.1.36.54) vṛttirāśī ca vādaśca śabaraśca caturdaśa / amitābhāḥ smṛtā hyete devāḥ svārociṣeṃ'tare // ### [1.36.55](https://indike.org/pramana/in.purana.brahmanda.1.36.55) matiśca sumatiścaiva ṛtasatyau tathaidhanaḥ / adhṛtirvidhṛtiścaiva damo niyama eva ca // ### [1.36.56](https://indike.org/pramana/in.purana.brahmanda.1.36.56) vrato viṣṇuḥ sahaścaiva dyutimānsuśravāstathā / ityetānīha nāmāni ābhūtayasāṃ viduḥ // ### [1.36.57](https://indike.org/pramana/in.purana.brahmanda.1.36.57) vṛṣo bhettā jayo bhīmaḥ śucirdānto yaśo damaḥ / nātho vidvānajeyaśca kṛśo gauro dhruvastathā // ### [1.36.58](https://indike.org/pramana/in.purana.brahmanda.1.36.58) kīrttitāstu vikuṇṭhā vai sumedhāṃstu nibodhata / medhā medhā tithiścaiva satyamedhāstathaiva ca // ### [1.36.59](https://indike.org/pramana/in.purana.brahmanda.1.36.59) pṛśnimedhālpamedhāśca bhūyomedhāśca yaḥ prabhuḥ / dīptimedhā yaśomedhā sthiramedhāstathaiva ca // ### [1.36.60](https://indike.org/pramana/in.purana.brahmanda.1.36.60) sarvamedhā sumedhāśca pratimedhāśca yaḥ smṛtaḥ / medhajā medhahantā ca kīrttitāste sumedhasaḥ // ### [1.36.61](https://indike.org/pramana/in.purana.brahmanda.1.36.61) vibhurindrastathā teṣāmāsīdvi krāntapauruṣaḥ / paulastyo davabāhuśca sudhāmā nāma kāśyapaḥ // ### [1.36.62](https://indike.org/pramana/in.purana.brahmanda.1.36.62) hiraṇyaromāṅgiraso vedaśrīścaiva bhārgavaḥ / ūrdhvabāhuśca vāśiṣṭhaḥ parjanyaḥ paulahastathā // ### [1.36.63](https://indike.org/pramana/in.purana.brahmanda.1.36.63) satyanetrastathātreya ṛṣayo raivateṃ'tare / mahāvīryaḥ susaṃbhāvyaḥ satyako harahā śuciḥ // ### [1.36.64](https://indike.org/pramana/in.purana.brahmanda.1.36.64) balabandhurnirāmitraḥ kaṃbuḥ śṛgo dhṛtavrataḥ / raivatasya ca putrāste pañcamaṃ vai tadantaram // ### [1.36.65](https://indike.org/pramana/in.purana.brahmanda.1.36.65) svārociṣaścottamo 'pi tāmaso raivatastathā / priyavratānvayā hyete catvāro manavaḥ smṛtāḥ // ### [1.36.66](https://indike.org/pramana/in.purana.brahmanda.1.36.66) ṣaṣṭhe khalvapi paryāye devā ye cākṣuṣeṃ'tare / ādyāḥ prasūtā bhāvyaśca pṛthukāśca divaukasaḥ // ### [1.36.67](https://indike.org/pramana/in.purana.brahmanda.1.36.67) mahānubhāvā lekhāscha pañca devagaṇāḥ smṛtāḥ / divaukasaḥ sarva eva procyante mātṛnāmabhiḥ // ### [1.36.68](https://indike.org/pramana/in.purana.brahmanda.1.36.68) atreḥ putrasya naptāro hyāraṇyasya prajāpateḥ / gaṇastu teṣāṃ devānāmekaiko hyaṣṭakaḥ smṛtaḥ // ### [1.36.69](https://indike.org/pramana/in.purana.brahmanda.1.36.69) antarikṣo vasurhavyo hyatithiśca priyavrataḥ / śrotā mantānumantā ca tvādyā hyete prakīrttitāḥ // ### [1.36.70](https://indike.org/pramana/in.purana.brahmanda.1.36.70) śyenabhadrastathā caiva śvetacakṣurmahāyaśāḥ / sumanāśca pracetāśca vanenaḥ supracetsau // ### [1.36.71](https://indike.org/pramana/in.purana.brahmanda.1.36.71) muniścaiva mahāsattvaḥ prasūtāḥ parikīrttitāḥ / vijayaḥ sujayaścaiva manasyodau tathaiva ca // ### [1.36.72](https://indike.org/pramana/in.purana.brahmanda.1.36.72) matiḥ parimatiścaiva vicetāḥ priyaniścayaḥ / bhavyā hyete smṛtā devāḥ pṛthukāṃśca nibodhata // ### [1.36.73](https://indike.org/pramana/in.purana.brahmanda.1.36.73) ojiṣṭhaḥ śakuno devo vānatdṛṣṭastathaiva ca / satkṛtaḥ satyadṛṣṭiśca jigīṣurvijayastathā // ### [1.36.74](https://indike.org/pramana/in.purana.brahmanda.1.36.74) ajitaśca mahābhāgaḥ pṛthukāste divaukasaḥ / leśāstathā pravakṣyāmi nāmatastānnibodhata // ### [1.36.75](https://indike.org/pramana/in.purana.brahmanda.1.36.75) manojavaḥ praghāsaśca pracetāśca mahāyaśāḥ / dhruvo dhruvakṣitiścaiva atyutaścaiva vīryavān // ### [1.36.76](https://indike.org/pramana/in.purana.brahmanda.1.36.76) yuvanā bṛhaspatiścaiva lekhāḥ saṃparikīrttitāḥ / manojavo mahāvīryasteṣāmindrastadābhavat // ### [1.36.77](https://indike.org/pramana/in.purana.brahmanda.1.36.77) uttamo bhārgavaścaiva haviṣmānaṅgiraḥsutaḥ / sudhāmā kāśyapaścaiva vaśiṣṭho virajāstathā // ### [1.36.78](https://indike.org/pramana/in.purana.brahmanda.1.36.78) atināmā ca paulastyaḥ sahiṣṇuḥ paulahastathā / madhurātreya ityete sapta vai cākṣuṣeṃ'tare // ### [1.36.79](https://indike.org/pramana/in.purana.brahmanda.1.36.79) ūruḥ puruḥ śatadyumnastapasvī satyavākkṛtiḥ / agniṣṭudatirātraśca sudyumnaśaceti te nava // ### [1.36.80](https://indike.org/pramana/in.purana.brahmanda.1.36.80) abhimanyuśca daśamo nāḍvaleyā manoḥ sutāḥ / cākṣuṣasya sutāḥ hyete ṣaṣṭhaṃ caiva tadantaram // ### [1.36.81](https://indike.org/pramana/in.purana.brahmanda.1.36.81) vaivasvatena saṃkhyātastatsargaḥ sāṃpratena tu / vistareṇānupūrvyā ca cākṣuṣasyāntare manoḥ // ### [1.36.82](https://indike.org/pramana/in.purana.brahmanda.1.36.82) ṛṣaya ūcuḥ cākṣuṣaḥ kasya dāyādaḥ saṃbhūtaḥ sakya vānvaye / tasyānvavāye ye 'pyanyetānno brūhi yathātatham // ### [1.36.83](https://indike.org/pramana/in.purana.brahmanda.1.36.83) sūta uvāca cākṣuṣasya visargaṃ tu samāsācchṛṇuta dvijāḥ / yasyānvavāye saṃbhūtaḥ pṛthurvainyaḥ pratāpavān // ### [1.36.84](https://indike.org/pramana/in.purana.brahmanda.1.36.84) prajānāṃ patayaścānye dakṣaḥ prācetasastathā / uttānapādaṃ jagrāha putramatriprajāpatiḥ // ### [1.36.85](https://indike.org/pramana/in.purana.brahmanda.1.36.85) dattakaḥ sa tu putro 'sya rājā hyāsītprajāpatiḥ / svāyaṃbhuvena manunā datto 'treḥ kāraṇaṃ prati // ### [1.36.86](https://indike.org/pramana/in.purana.brahmanda.1.36.86) manvantaramathāsādya bhaviṣyaccākṣuṣasya ha / ṣaṣṭhaṃ tadanu vakṣyāmi upoddhātena vai dvijāḥ // ### [1.36.87](https://indike.org/pramana/in.purana.brahmanda.1.36.87) uttānapādāccaturaḥ sūnṛtāsūta bhāminī / dharmasya kanyā suśroṇī sūnṛtā nāma viśrutā // ### [1.36.88](https://indike.org/pramana/in.purana.brahmanda.1.36.88) utpannā jāpi dharmema dhruvasya jananī śubhā / dharmasya patnyāṃ lakṣmayāṃ vai utpannā sā śucismitā // ### [1.36.89](https://indike.org/pramana/in.purana.brahmanda.1.36.89) dhruvaṃ ca kīrttimantaṃ ca tvāyuṣmantaṃ vasuṃ tathā / uttānapādo 'janayatkanye dve ca śucismite // ### [1.36.90](https://indike.org/pramana/in.purana.brahmanda.1.36.90) svarāmanasvinī caiva tayoḥ putrāḥ prakīrttitāḥ / dhruvo varṣasahasrāṇi daśa divyāni vīryavān // ### [1.36.91](https://indike.org/pramana/in.purana.brahmanda.1.36.91) tapastepe nirāhāraḥ prārthayanvipulaṃ yaśaḥ / tretāyuge tu prathame pautraḥ svāyaṃbhuvasya tu // ### [1.36.92](https://indike.org/pramana/in.purana.brahmanda.1.36.92) ātmānaṃ dhārayanyogānprārthayansumahadyaśaḥ / tasmai brahmā dadau prīto jyotiṣāṃ sthānamuttamam // ### [1.36.93](https://indike.org/pramana/in.purana.brahmanda.1.36.93) ābhūtasaṃplavāddivyamastodayavivārjitam / tasyātimātrāmṛddhiṃ ca mahimānaṃ nirīkṣya tu // ### [1.36.94](https://indike.org/pramana/in.purana.brahmanda.1.36.94) daityā surāṇāmācāryaḥ ślokamapyuśānā jagau / aho 'sya tapaso vīryamaho śrutamaho vratam // ### [1.36.95](https://indike.org/pramana/in.purana.brahmanda.1.36.95) kṛtvā yadenamupari dhruvaṃ saptarṣayaḥ sthitāḥ / druve tridivamāsaktamīśvaraḥ sa divaspatiḥ // ### [1.36.96](https://indike.org/pramana/in.purana.brahmanda.1.36.96) dhruvātsṛṣṭiṃ ca bhavyaṃ ca bhūmistau suṣuve nṛpau / svāṃ chāyāmāha vai sṛṣṭirbhavanārīti tāṃ prabhuḥ // ### [1.36.97](https://indike.org/pramana/in.purana.brahmanda.1.36.97) satyābhivyahṛtestasya sadyaḥ strī sābhavattadā / divyasaṃhananā chāyā divyābharaṇabhūṣitā // ### [1.36.98](https://indike.org/pramana/in.purana.brahmanda.1.36.98) chāyāyāṃ sṛṣṭirādhatta pañca putrānakalmaṣān / prājīnagarbhaṃ vṛṣabhaṃ vṛkañca vṛkalaṃ dhṛtim // ### [1.36.99](https://indike.org/pramana/in.purana.brahmanda.1.36.99) patnī prācīnagarbhasya suvarcā suṣuve nupam / nāmnodāradhiyaṃ putramindro yaḥ pūrvajanmani // ### [1.36.100](https://indike.org/pramana/in.purana.brahmanda.1.36.100) saṃvatsarasahasrānte sakṛdāhāramāharan / evaṃ manvantaraṃ yukta indratvaṃ prāptavānprabhuḥ // ### [1.36.101](https://indike.org/pramana/in.purana.brahmanda.1.36.101) udāradheḥ sutaṃ bhadrājanayatsā divañjayam / ripuṃ ripuñjayājjajñe varāṅgī tu divañjayāt // ### [1.36.102](https://indike.org/pramana/in.purana.brahmanda.1.36.102) riporādhatta bṛhatī vakṣuṣaṃ sarvatejasam / tasya putro manurvidvān brahmakṣattrapravattakaḥ / vyajījanatpuṣkariṇī vāruṇī cākṣuṣaṃ manum // ### [1.36.103](https://indike.org/pramana/in.purana.brahmanda.1.36.103) ṛṣaya ūcuḥ prajāpateḥ sutā kasmādvāruṇī procyate 'nagha / etadācakṣva tatvena kuśalo hyasi vistare // ### [1.36.104](https://indike.org/pramana/in.purana.brahmanda.1.36.104) sūta uvāca araṇyasyodakaḥ putro varuṇatvamupāgataḥ / tena sā vāruṇī jñeyā bhrātrā khyātimupāgatā // ### [1.36.105](https://indike.org/pramana/in.purana.brahmanda.1.36.105) manorajāyanta daśa naḍvalāyāṃ sutāḥ śubhāḥ / kanyāyāṃ sumahāvīryā virajasya prajāpateḥ // ### [1.36.106](https://indike.org/pramana/in.purana.brahmanda.1.36.106) ūruḥ puruḥ śatadyumnastapasvī satyavākkṛtiḥ / agniṣṭudatirātraśca sudyumnaśceti vai nava // ### [1.36.107](https://indike.org/pramana/in.purana.brahmanda.1.36.107) abhimanyuśca daśamo naḍvalāyāṃ manoḥ sutāḥ / ūrorajanayatputrānṣaḍāgneyī mahāprabhān // ### [1.36.108](https://indike.org/pramana/in.purana.brahmanda.1.36.108) aṅgaṃ sumanasaṃ khyātiṅgayaṃ śukraṃ vrajājinau / aṅgātsunīthāpatyaṃvai venamekaṃ vyajāyata // ### [1.36.109](https://indike.org/pramana/in.purana.brahmanda.1.36.109) tasyāparādhādvenasya prakopastu mahānabhūt / prajārthamṛṣayo yasyamamanthurdakṣiṇāṃ karam // ### [1.36.110](https://indike.org/pramana/in.purana.brahmanda.1.36.110) janitastasya pāṇau tu mathite rūpavānpṛthuḥ / janayitvā sutaṃ tasya pṛthuṃ prathitapauruṣam // ### [1.36.111](https://indike.org/pramana/in.purana.brahmanda.1.36.111) abru vaṃstveṣa vo rājā ṛṣayo muditāḥ prajāḥ / sa dhanvī kavacī jajñe tejasā nirdahanniva // ### [1.36.112](https://indike.org/pramana/in.purana.brahmanda.1.36.112) vṛttīnāmeṣa vo dātā bhaviṣyati narādhipaḥ / pṛthurvainyastadā lokānrarakṣa kṣatrapūrvajaḥ // ### [1.36.113](https://indike.org/pramana/in.purana.brahmanda.1.36.113) rājasūyābhiṣiktānāmādyassa vasudhādhipaḥ / tasya stavārthamutpannau nipuṇau sūtamāgadhau // ### [1.36.114](https://indike.org/pramana/in.purana.brahmanda.1.36.114) teneyaṃ gaurmahārājñā dugdhā sasyāni dhīmatā / prajānāṃ vṛttikāmānāṃ devaiścarṣigaṇaiḥ saha // ### [1.36.115](https://indike.org/pramana/in.purana.brahmanda.1.36.115) pitṛbhir dānavaiścaiva gandharvaiścāpsarogaṇaiḥ / sarpaiḥ puṇyajanaiścaiva parvatairvṛkṣavīrudhaiḥ // ### [1.36.116](https://indike.org/pramana/in.purana.brahmanda.1.36.116) teṣu teṣu tu pātreṣu duhyamānā vasuṃdharā / prādādyathepsi taṃ kṣīraṃ tena prāṇānadhārayan // ### [1.36.117](https://indike.org/pramana/in.purana.brahmanda.1.36.117) śāṃśapāyana uvāca vistareṇa pṛthorjanma kīrttayasva mahāvrata / yathā mahātmanā tena pūrvaṃ dugdhā vasuṃdharā // ### [1.36.118](https://indike.org/pramana/in.purana.brahmanda.1.36.118) yathā devaiśca nāgaiśca yathā brahmarṣibhiḥ saha / yakṣai rākṣasagandharvairapsarobhiryathā purā // ### [1.36.119](https://indike.org/pramana/in.purana.brahmanda.1.36.119) yathā yathā ca vai sūta vidhinā yena yena ca / teṣāṃ pātraviśeṣāṃśca dogdhāraṃ kṣīrameva ca // ### [1.36.120](https://indike.org/pramana/in.purana.brahmanda.1.36.120) tathā vatsaviśeṣāṃśca tvaṃnaḥ prabrūhi pṛcchatām / yathā kṣīraviśeṣāṃśca sarvānevānupūrvaśaḥ // ### [1.36.121](https://indike.org/pramana/in.purana.brahmanda.1.36.121) yasmiṃśca kāraṇe pāṇirvanasya mathitaḥ purā / kuddhairmaharṣibhiḥ pūrvaiḥ kāraṇaṃ brūhi taddhi naḥ // ### [1.36.122](https://indike.org/pramana/in.purana.brahmanda.1.36.122) sūta uvāca kathayiṣyāmi vo viprāḥ pṛthorvainyasya saṃbhavam / ekāgrāḥ prayatāścaiva śuśrūṣadhvaṃ dvijottamāḥ // ### [1.36.123](https://indike.org/pramana/in.purana.brahmanda.1.36.123) nāśuddhāya na pāpāya nāśiṣyāyāhitāya ca / varttanīyamidaṃ brahma nāvratāya kathañcana // ### [1.36.124](https://indike.org/pramana/in.purana.brahmanda.1.36.124) dhanyaṃ yaśasyamāyuṣyaṃ puṇyaṃ vedaiśca saṃmitam / rahasyamṛṣibhiḥ proktaṃ śṛṇuyādyo 'nasūyakaḥ // ### [1.36.125](https://indike.org/pramana/in.purana.brahmanda.1.36.125) yaścaivaṃ śrāvayenmartyaḥ pṛthorvainyasya saṃbhavam / brāhmaṇebhyo namaskṛtya na sa śocetkṛtākṛtam // ### [1.36.126](https://indike.org/pramana/in.purana.brahmanda.1.36.126) goptā dharmasya rājāsau babhūvātrisamaḥ prabhuḥ / atrivaṃśasamutpanno hyaṅgo nāma prajāpatiḥ // ### [1.36.127](https://indike.org/pramana/in.purana.brahmanda.1.36.127) tasya putro 'bhavadveno nātyarthaṃ dhārmikastathā / jāto mṛtyusutāyāṃ vai sunīthāyāṃ prajāpatiḥ // ### [1.36.128](https://indike.org/pramana/in.purana.brahmanda.1.36.128) sa mātāmahadoṣeṇa venaḥ kālātma jātmajaḥ / sa dharmaṃ vṛṣṭhataḥ kṛtvā kāmāllokeṣvartata // ### [1.36.129](https://indike.org/pramana/in.purana.brahmanda.1.36.129) sthāpanāṃ sthāpayāmāsa dharmāyetāṃ sa pārthivaḥ / vedaśāstrāṇyatikramya so 'dharme nirato 'bhavat // ### [1.36.130](https://indike.org/pramana/in.purana.brahmanda.1.36.130) niḥsvādhyāyavaṣṭkāre tasminrājyaṃ praśāsati / na pibanti tadā somaṃ mahāyajñeṣu devatāḥ // ### [1.36.131](https://indike.org/pramana/in.purana.brahmanda.1.36.131) na yaṣṭavyaṃ na dātavyamiti tasya prajāpateḥ / āsītpratijñā krūreyaṃ vināśe pratyupasthite // ### [1.36.132](https://indike.org/pramana/in.purana.brahmanda.1.36.132) ahamījyaśca pūjyaśca yajñe devadvijātibhiḥ / mayi yajñā vidhātavyā mayi hotavyamityapi // ### [1.36.133](https://indike.org/pramana/in.purana.brahmanda.1.36.133) tamatikrāntamaryādamavadānasusaṃvṛtam / ūcurmaharṣayaḥ sarve marīcipramukhāstadā // ### [1.36.134](https://indike.org/pramana/in.purana.brahmanda.1.36.134) vayaṃ dīkṣāṃ pravekṣyāmaḥ saṃvatsaraśataṃ nṛpa / tvaṃ mā kārṣīradharmaṃ vai naiṣa dharmaḥ sanātanaḥ // ### [1.36.135](https://indike.org/pramana/in.purana.brahmanda.1.36.135) nidhane saṃprasūtastvaṃ prajāpatirasaṃśayaḥ / pālayiṣye prajāśceti pūrvaṃ te samayaḥ kṛtaḥ // ### [1.36.136](https://indike.org/pramana/in.purana.brahmanda.1.36.136) tāṃ stathā vādinaḥ sarvānbrahmarṣīnabravīttadā / venaḥ prahasya durbuddhirviditena ca kovidaḥ // ### [1.36.137](https://indike.org/pramana/in.purana.brahmanda.1.36.137) sraṣṭā dharmasya kaścānyaḥ śrotavyaṃ kasya vā mayā / vīryaṇa tapasā satyairmayā vā kaḥ samo bhuvi // ### [1.36.138](https://indike.org/pramana/in.purana.brahmanda.1.36.138) mandātmāno na nūnaṃ māṃ yūyaṃ jānīta tattvataḥ / prabhavaṃ sarvalokānāṃ dharmāṇāṃ ca viśeṣataḥ // ### [1.36.139](https://indike.org/pramana/in.purana.brahmanda.1.36.139) icchandaheyaṃ pṛthivīṃ plāvayeyaṃ jalena vā / sṛjeyaṃ vā graseyaṃ vā nātra kāryā vicāraṇā // ### [1.36.140](https://indike.org/pramana/in.purana.brahmanda.1.36.140) yadā na śakyate staṃbhādānāryyabhṛśasaṃhitaḥ / anunetuṃ tadā venastataḥ kruddhā maharṣayaḥ // ### [1.36.141](https://indike.org/pramana/in.purana.brahmanda.1.36.141) nigṛhya taṃ ca bāhubhyāṃ visphurantaṃ mahā balam / tato 'sya vāmahastaṃ te mamanthurbhṛśakopitāḥ // ### [1.36.142](https://indike.org/pramana/in.purana.brahmanda.1.36.142) tasmātpramathyamānādvai jajña pūrvamiti śrutiḥ / hrasvo 'timātraṃ puruṣaḥ kṛṣṇaścāpi babhūva ha // ### [1.36.143](https://indike.org/pramana/in.purana.brahmanda.1.36.143) sa bhītaḥ prāñjaliścaiva tasthivānākulendriyaḥ / tamārttaṃ vihvalaṃ dṛṣṭvā niṣīdetyabruvankila // ### [1.36.144](https://indike.org/pramana/in.purana.brahmanda.1.36.144) niṣādavaṃśakartāsau babhūvānantavikramaḥ / dhīvarānasṛjaccāpi venakalmaṣasaṃbhavān // ### [1.36.145](https://indike.org/pramana/in.purana.brahmanda.1.36.145) ye cānye vindhyanilayāstaṃburāstuburāḥ khaśāḥ / adharmarucayaścāpi viddhi tānvenakalmaṣān // ### [1.36.146](https://indike.org/pramana/in.purana.brahmanda.1.36.146) punarmaharṣayastasya pāṇiṃ venasya dakṣiṇam / araṇīmiva saṃrabdhā mamanthurjātamanyavaḥ // ### [1.36.147](https://indike.org/pramana/in.purana.brahmanda.1.36.147) pṛthustasmātsamutpannaḥ karājjalajasannibhāt / pṛthoḥ karatalādvāpi yasmājjātaḥ pṛṣustataḥ // ### [1.36.148](https://indike.org/pramana/in.purana.brahmanda.1.36.148) dīpyamānaśca vapuṣā sākṣādagniriva jvalan / ādyamājagavaṃ nāma dhanurgṛhya mahāravam // ### [1.36.149](https://indike.org/pramana/in.purana.brahmanda.1.36.149) śārāṃśca bibhradrakṣārtha kavacaṃ ca mahāprabham / tasmiñjā te 'tha bhūtāni saṃprahṛṣṭāni sarvaśaḥ // ### [1.36.150](https://indike.org/pramana/in.purana.brahmanda.1.36.150) samāpeturmahārājaṃ venaśca tridivaṃ gataḥ / samutpannena rājarṣiḥ satputreṇa mahātmanā // ### [1.36.151](https://indike.org/pramana/in.purana.brahmanda.1.36.151) trātaḥ sa puruṣavyāghraḥ punnāmno narakāttadā / taṃ nadyaśca samudrāśca ratnānyādāya sarvaśaḥ // ### [1.36.152](https://indike.org/pramana/in.purana.brahmanda.1.36.152) abhiṣekāya toyaṃ ca sarva evopata sthire / pitāmahaśca bhagavānaṅgirobhiḥ sahāmaraiḥ // ### [1.36.153](https://indike.org/pramana/in.purana.brahmanda.1.36.153) sthāvarāṇi ca bhūtāni jaṅgamāni ca sarvaśaḥ / samāgamya tadā vainyamabhya ṣiñcannarādhipam // ### [1.36.154](https://indike.org/pramana/in.purana.brahmanda.1.36.154) mahatā rājarājena prajāpālaṃ mahādyutim / so 'bhiṣikto mahārājo devairaṅgirasaḥ sutaiḥ // ### [1.36.155](https://indike.org/pramana/in.purana.brahmanda.1.36.155) ādi rājo mahābhāgaḥ pṛthurvainyaḥ pratāpavān / pitrāparañjitāstasya prajāstenānurañjitāḥ // ### [1.36.156](https://indike.org/pramana/in.purana.brahmanda.1.36.156) tato rājeti nāmāsya hyanurāgādajāyata / āpastastaṃbhire tasya samudramabhiyāsyataḥ // ### [1.36.157](https://indike.org/pramana/in.purana.brahmanda.1.36.157) parvatāścāvadīryanta dhvajabhaṅgaśca nābhavat / akṛṣṭapacyā pṛthivī siddhyantyannāni cintayā // ### [1.36.158](https://indike.org/pramana/in.purana.brahmanda.1.36.158) sarvakāmadughā gāvaḥ pṛṭake puṭake madhu / etasminneva kāle tu yajatastasya vai makhe // ### [1.36.159](https://indike.org/pramana/in.purana.brahmanda.1.36.159) some sute samu tpannaḥ sūtaḥ sautye tadāhani / tasminnevaṃ samutpanne punarjajñe 'tha māgadhaḥ // ### [1.36.160](https://indike.org/pramana/in.purana.brahmanda.1.36.160) sāmageṣu ca gāyatsu śubhāṇḍe vaiśvadevike / samāgate samutpannastasmānmāgadha ucyate // ### [1.36.161](https://indike.org/pramana/in.purana.brahmanda.1.36.161) aindreṇa haviṣā cāpi haviḥ pṛktaṃ bṛhaspateḥ / juhāvendrāya daivena tataḥ sūto vyajāyata // ### [1.36.162](https://indike.org/pramana/in.purana.brahmanda.1.36.162) pramādastatra saṃjajña prāyaścittaṃ ca karmasu / śiṣyahavyena yatpṛktamabhibhūtaṃ gurorhaviḥ // ### [1.36.163](https://indike.org/pramana/in.purana.brahmanda.1.36.163) adharottaracāreṇa jajñe tadvarṇavaikṛtam / yacca kṣatrātsamabhavadbrāhmaṇyāṃ hīnayonitaḥ // ### [1.36.164](https://indike.org/pramana/in.purana.brahmanda.1.36.164) sūtaḥ pūrveṇa sādharmyāttulyadharmaḥ prakīrttitaḥ / madhyamo hyeṣa sūtasya dharmaḥ kṣetropajīvanam // ### [1.36.165](https://indike.org/pramana/in.purana.brahmanda.1.36.165) rathanāgāśvacaritaṃ jaghanyaṃ ca cikitsitam / pṛthustavārthaṃ tau tatra samāhūtau maharṣibhiḥ // ### [1.36.166](https://indike.org/pramana/in.purana.brahmanda.1.36.166) tāvūcurmunayaḥ sarve stūyatāmeṣa pārthivaḥ / karmaitadanurūpaṃ ca pātraṃ cāyaṃ narādhipaḥ // ### [1.36.167](https://indike.org/pramana/in.purana.brahmanda.1.36.167) tāvūcatustataḥ sarvāṃstānṛṣīnsūtamāgadhau / āvāṃ devānṛṣīṃścaiva prīṇayāvaḥ svakarmataḥ // ### [1.36.168](https://indike.org/pramana/in.purana.brahmanda.1.36.168) na cāsya vidvo vai karma na tathā lakṣaṇaṃ yaśaḥ / stotraṃ yenāsya kuryāva procustejasvino dvijāḥ // ### [1.36.169](https://indike.org/pramana/in.purana.brahmanda.1.36.169) eṣa karmarato nityaṃ satyavāksaṃyatendriyaḥ / jñānaśīlo vadānyaśca saṃgrāmeṣvaparajitaḥ // ### [1.36.170](https://indike.org/pramana/in.purana.brahmanda.1.36.170) ṛṣibhistau niyuktau tu bhaviṣyaiḥ stūyatāmiti / yāni karmāṇi kṛtavān pṛthuḥ paścānmahābalaḥ // ### [1.36.171](https://indike.org/pramana/in.purana.brahmanda.1.36.171) tāni gītanibaddhāni hyastutāṃ sūtamāgadhau / tatastavānte suprītaḥ pṛthuḥ prādātprajeśvaraḥ // ### [1.36.172](https://indike.org/pramana/in.purana.brahmanda.1.36.172) anūpadeśaṃ sūtāya magadhaṃ māgadhāya ca / tadādi pṛthivīpālāḥ stūyante sūtamāgadhaiḥ // ### [1.36.173](https://indike.org/pramana/in.purana.brahmanda.1.36.173) āśīrvādaiḥ prabodhyante sūtamāgadhabandibhiḥ / taṃ dṛṣṭvā paramaprītāḥ prajā ūcurmaharṣayaḥ // ### [1.36.174](https://indike.org/pramana/in.purana.brahmanda.1.36.174) eṣa vṛttiprado vainyo bhaviṣyati narādhipaḥ / tato vainyaṃ mahābhāgaṃ prajāḥ samabhidudruvuḥ // ### [1.36.175](https://indike.org/pramana/in.purana.brahmanda.1.36.175) tvaṃ no vṛttiṃ vidhatsveti mahārṣivaca nāttadā / so 'bhidrutaḥ prajābhistu prajāhitacikīrṣayā // ### [1.36.176](https://indike.org/pramana/in.purana.brahmanda.1.36.176) dhanurgṛhītvā bāṇāṃśca vasudhāmādravadbalī / tato vainyabhayatrastā gaurbhūtvā prādravanmahī // ### [1.36.177](https://indike.org/pramana/in.purana.brahmanda.1.36.177) tāṃ pṛthurdhanurādāya dravantīmanvadhāvata / sā lokānbrahmalokādīngatvā vainyabhayāttadā // ### [1.36.178](https://indike.org/pramana/in.purana.brahmanda.1.36.178) saṃdadarśāgrato vainyaṃ kārmukodyatapāṇikam / jvaladbhirniśitairbāṇairdīptatejasamacyutam // ### [1.36.179](https://indike.org/pramana/in.purana.brahmanda.1.36.179) mahāyogaṃ mahātmānaṃ durddharṣamamarairapi / alabantī tu sā trāṇaṃ vainyamevānvapadyata // ### [1.36.180](https://indike.org/pramana/in.purana.brahmanda.1.36.180) kṛtāñjalipuṭā devī pūjyā lokaistribhiḥ sādā / uvāca vainaṃ nādharmaḥ strīvadhe paripaśyati // ### [1.36.181](https://indike.org/pramana/in.purana.brahmanda.1.36.181) kathaṃ dhārayitā cāsi prajā yā varddhitā mayā / mayi lokāḥ sthitā rājanmayedaṃ dhāryate jagat // ### [1.36.182](https://indike.org/pramana/in.purana.brahmanda.1.36.182) matkṛte na vinaśyeyuḥ prajāḥ pārthiva varddhitāḥ / sa māṃ narhasi vai hantuṃ śreyastvaṃ ca cikīrṣasi // ### [1.36.183](https://indike.org/pramana/in.purana.brahmanda.1.36.183) prajānāṃ pṛthivīpāla śṛṇu cedaṃ vaco mama / upāyataḥ samārabdhā sarve siddhyantyupakramāḥ // ### [1.36.184](https://indike.org/pramana/in.purana.brahmanda.1.36.184) hatvāpi māṃ na śaktastvaṃ prajānāṃ pālane nṛpa / antarbhūtā bhaviṣyāmi jahi kopaṃ mahādyute // ### [1.36.185](https://indike.org/pramana/in.purana.brahmanda.1.36.185) avadhyaśca striyaḥ prāhustiryagyonigateṣvapi / sattvaṣu pṛthivīpāla dhama na tyaktumarhasi // ### [1.36.186](https://indike.org/pramana/in.purana.brahmanda.1.36.186) evaṃ bahuvidhaṃ vākyaṃ śrutvā tasyā mahāmanāḥ / krodhaṃ nigṛhya dharmātmā vasudhāmidamabravīt // ### [1.36.187](https://indike.org/pramana/in.purana.brahmanda.1.36.187) ekasyārthāya yo hanyādātmano vā parasya ca / ekaṃ prāṇī bahūnvāpi karma tasyāsti pātakam // ### [1.36.188](https://indike.org/pramana/in.purana.brahmanda.1.36.188) yasmiṃstu nihate bhadre jīvante bahavaḥ sukham / tasminhate nāsti śubhe pātakaṃ copapātakam // ### [1.36.189](https://indike.org/pramana/in.purana.brahmanda.1.36.189) so 'haṃ prajānimittaṃ tvāṃ haniṣyāmi vasundhare / yadi me vacanaṃ nādya kariṣyasi jagaddhitam // ### [1.36.190](https://indike.org/pramana/in.purana.brahmanda.1.36.190) tvāṃ nihatyāśu bāṇena macchāsanaparāṅmukhīm / ātmānaṃ prathayitveha prajā dhārayitā svayam // ### [1.36.191](https://indike.org/pramana/in.purana.brahmanda.1.36.191) sā tvaṃ vacanamāsthāya mama dharmabhṛtāṃ vare / saṃjīvaya prajā nityaṃ śaktā hyasi na saṃśayaḥ // ### [1.36.192](https://indike.org/pramana/in.purana.brahmanda.1.36.192) duhitṛtvaṃ ca me gaccha caivametamahaṃ śaram / niyaccheyaṃ tvadvadhārthamudyantaṃ ghoradarśanam // ### [1.36.193](https://indike.org/pramana/in.purana.brahmanda.1.36.193) pratyuvāca tato vainyamevamuktā satī mahī / sarvametadahaṃ rājanvidhāsyāmi na saṃśayaḥ // ### [1.36.194](https://indike.org/pramana/in.purana.brahmanda.1.36.194) vatsaṃ tu mama taṃ paśya kṣareyaṃ yena vatsalā / samāṃ ca kuru sarvatra māṃ tvaṃ dharmmabhṛtāṃ vara / yathā vispandamānaṃ me kṣīraṃ sarvatra bhāvayet // ### [1.36.195](https://indike.org/pramana/in.purana.brahmanda.1.36.195) sūta uvāca tata utsārayāmāsa śilājālani sarvaśaḥ / dhanuṣkoṭyā tathā vainyastena śailā vivarddhitāḥ // ### [1.36.196](https://indike.org/pramana/in.purana.brahmanda.1.36.196) manvantareṣvatīteṣu viṣamāsīdvasundharā / svabhāvenā bhavattasyāḥ samāni viṣamāṇi ca // ### [1.36.197](https://indike.org/pramana/in.purana.brahmanda.1.36.197) na hi pūrvanisarge vai viṣame pṛthivītale / pravibhāgaḥ purāṇāṃ vā grāmāṇāṃ vāpi vidyate // ### [1.36.198](https://indike.org/pramana/in.purana.brahmanda.1.36.198) na sasyāni na gorakṣaṃ na kṛṣirna vaṇikpathaḥ / cākṣuṣasyāntare pūrvamāsīdetatpurā kila // ### [1.36.199](https://indike.org/pramana/in.purana.brahmanda.1.36.199) vaivasvateṃ'tare tasminsarva syaitasya saṃbhavaḥ / samatvaṃ yatra yatrāsīdbhūmeḥ kasmiṃścideva hi // ### [1.36.200](https://indike.org/pramana/in.purana.brahmanda.1.36.200) tatra tatra prajāstā vai nivasaṃti ca sarvaśaḥ / āhāraḥ phala mūle tu prajānāmabhavatkila // _First 200 of 229 passages. [Read on](https://indike.org/pramana/in.purana.brahmanda.1.36)_ ## Linked texts (9) - [Skandamahāpurāṇa (vulgate)](https://indike.org/pramana/in.purana.skanda*vulgate.8.9.304_1138) — Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.2.7) — Sanskrit - [Brahmapurāṇa](https://indike.org/pramana/in.purana.brahma.2.7) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.10.6) — Ānandabhaṭṭa 1510, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.18.15) — Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.13.5) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.30.22) — Sanskrit - [Garuḍapurāṇa](https://indike.org/pramana/in.purana.garuda.1.87.9) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.49.19) — Vyāsa, Sanskrit --- Source: [https://indike.org/pramana/in.purana.brahmanda.1.36](https://indike.org/pramana/in.purana.brahmanda.1.36) · Pramāṇa