[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.38 # Brahmandapurana 1.38 Brahmāṇḍapurāṇa 1.38 - **Language:** Sanskrit ## Contents - [1.38.33](https://indike.org/pramana/in.purana.brahmanda.1.38.33) — 2 parts ### [1.38.1](https://indike.org/pramana/in.purana.brahmanda.1.38.1) sūta uvāca saptama tvatha paryāye manorvaivasvatasya ha / mārīcātkaśyapāddevā jajñire paramarṣayaḥ // ### [1.38.2](https://indike.org/pramana/in.purana.brahmanda.1.38.2) ādityā vasavī rudrāḥ sādhyā viśve marudgaṇāḥ / bhṛgavoṃ'girasaścaiva te 'ṣṭhau devagaṇāḥ smṛtāḥ // ### [1.38.3](https://indike.org/pramana/in.purana.brahmanda.1.38.3) ādityā maruto rudrā vijñeyāḥ kaśyapātmajāḥ / sādhyāśya vasavo viśve dharmaputrāstrayo gaṇāḥ // ### [1.38.4](https://indike.org/pramana/in.purana.brahmanda.1.38.4) bhṛgostu bhṛgavo devā hyaṅgirasoṃ'giraḥ sutāḥ / vaivasvateṃ'tare hyasminnitye te chandajā matāḥ // ### [1.38.5](https://indike.org/pramana/in.purana.brahmanda.1.38.5) ete 'pi ca gamiṣyanti mahāntaṃ kālaparyayāt / evaṃ sargastu mārīco vijñeyaḥ sāṃprataḥ śubhaḥ // ### [1.38.6](https://indike.org/pramana/in.purana.brahmanda.1.38.6) tejasvī sāṃpratasteṣāmindro nāmnā mahābalaḥ / atītānāgatā ye ca varttante sāṃprataṃ ca ye // ### [1.38.7](https://indike.org/pramana/in.purana.brahmanda.1.38.7) sarve manvantaredrāste vijñeyāstulyalakṣaṇāḥ / bhūtabhavyabhavannāthāḥ sahasrākṣāḥ purandarāḥ // ### [1.38.8](https://indike.org/pramana/in.purana.brahmanda.1.38.8) saghavantaścate sarve śṛṅgiṇo vajrapāṇayaḥ / sarvaiḥ kratuśateneṣṭaṃ pṛthakchataguṇena tu // ### [1.38.9](https://indike.org/pramana/in.purana.brahmanda.1.38.9) trailokye yāni sattvāni gatimanti dhruvāṇi ca / abhibhūyāvatiṣṭhanti dharmādyaiḥ kāraṇairapi // ### [1.38.10](https://indike.org/pramana/in.purana.brahmanda.1.38.10) tejasā tapasā buddhyā balaśrutaparākramaiḥ / bhūtabhavyabhavannāthā yathā te prabhaviṣṇavaḥ // ### [1.38.11](https://indike.org/pramana/in.purana.brahmanda.1.38.11) etatsarvaṃ pravakṣyāmi bruvato me nibodhata / bhūtabhavyabhavaddhyeta tsamṛtaṃ lokatrayaṃ dvijaiḥ // ### [1.38.12](https://indike.org/pramana/in.purana.brahmanda.1.38.12) bhūrloko 'yaṃ smṛto bhūtamantarikṣaṃ bhavatsmṛtam / bhavyaṃ smṛtaṃ divaṃ hyetatteṣāṃ vakṣyāmi sādhanam // ### [1.38.13](https://indike.org/pramana/in.purana.brahmanda.1.38.13) dhyāyatā lokanāmāni brahmaṇāgre vibhāṣitam / bhūriti vyāhṛtaṃ pūrvaṃ bhūrloko 'yamabhūttadā // ### [1.38.14](https://indike.org/pramana/in.purana.brahmanda.1.38.14) bhū sattāyāṃ smṛto dhātustathāsau lokadarśane / bhūtatvāddarśanāccaiva bhūrloko 'yamabhūttataḥ // ### [1.38.15](https://indike.org/pramana/in.purana.brahmanda.1.38.15) ato 'yaṃ prathamo loko bhūtatvādbhūrdvajaiḥ smṛtaḥ / bhūte 'sminbhavadityuktaṃ dvitīyaṃ brahmaṇā punaḥ // ### [1.38.16](https://indike.org/pramana/in.purana.brahmanda.1.38.16) bhavadityatpadyamāne kāle śabdo 'yamucyate / bhavanāttu bhuvalloko niruttayā hi nirucyate // ### [1.38.17](https://indike.org/pramana/in.purana.brahmanda.1.38.17) antarikṣaṃ bhavattasmāddvitīyo loka ucyate / utpanne tu tathā loke dvitīye brahmaṇā punaḥ // ### [1.38.18](https://indike.org/pramana/in.purana.brahmanda.1.38.18) bhavyeti vyāhṛtaṃ paścādbhavyo lokastato 'bhavat / anāgate bhavya ita śabda eṣa vibhāvyate // ### [1.38.19](https://indike.org/pramana/in.purana.brahmanda.1.38.19) tasmādbhavyo hyasau loko nāmatastridivaṃ smṛtam / bhūritīyaṃ smṛtā bhūmirantarikṣaṃ bhuvaḥ smṛtam // ### [1.38.20](https://indike.org/pramana/in.purana.brahmanda.1.38.20) divaṃ smṛtaṃ tathā bhavyaṃ tralokyasyaiṣa nirṇayaḥ / trailokyayuktairvyāhāraistisro vyāhṛtayo 'bhavan // ### [1.38.21](https://indike.org/pramana/in.purana.brahmanda.1.38.21) nātha ityeṣa dhāturvai dhātujñaiḥ pālane smṛtaḥ / yasmādbhūtasya lokasya bhavyasya bhavatastathā // ### [1.38.22](https://indike.org/pramana/in.purana.brahmanda.1.38.22) lokatrayasya nāthāste tasmādindrādvijaiḥ smṛtāḥ / pradhānabhūtā devendrā guṇabhūtāstathaiva ca // ### [1.38.23](https://indike.org/pramana/in.purana.brahmanda.1.38.23) manvantareṣu ye devā yajñabhājo bhavanti hi / yajñagandharvarakṣāṃsi piśāco ragamānuṣāḥ // ### [1.38.24](https://indike.org/pramana/in.purana.brahmanda.1.38.24) mahimānaḥ smṛtā hyete devendrāṇāṃ tu sarvaśaḥ / devendrā guravo nāthā rājānaḥ pitaro hi te // ### [1.38.25](https://indike.org/pramana/in.purana.brahmanda.1.38.25) rakṣantīmāḥ prajā hyete dharmeṇeha surottamāḥ / ityetallakṣaṇaṃ proktaṃ devendrāṇāṃ samāsataḥ // ### [1.38.26](https://indike.org/pramana/in.purana.brahmanda.1.38.26) saptarṣīnsaṃpravakṣyāmi sāṃprataṃ ye divaṃ śritāḥ / gādhijaḥ kauśiko dhīmānviśvāmitro mahātapāḥ // ### [1.38.27](https://indike.org/pramana/in.purana.brahmanda.1.38.27) bhārgavo jamadagniśca hyaurvaputraḥ pratāpavān / bṛhaspatisutaścāpi bharadvājo mahā yaśāḥ // ### [1.38.28](https://indike.org/pramana/in.purana.brahmanda.1.38.28) autathyo gautamo vidvāñśaradvānnāma dhārmikaḥ / svāyaṃbhuvo 'trirbhagavānbrahmakośaḥ sapañcamaḥ // ### [1.38.29](https://indike.org/pramana/in.purana.brahmanda.1.38.29) ṣaṣṭho vasiṣṭhaputrastu vasumāṃllokaviśrutaḥ / vatsaraḥ kāśyapaśyaiva saptaite sādhusaṃmatāḥ // ### [1.38.30](https://indike.org/pramana/in.purana.brahmanda.1.38.30) ete saptarṣayaśyoktā varttante sāṃprateṃ'tare / ikṣvākuśca nṛgaścaiva dhṛṣṭaḥ śaryātireba ca // ### [1.38.31](https://indike.org/pramana/in.purana.brahmanda.1.38.31) nariṣyantaścavikhyāto nābhāgo diṣṭa eva ca / karūṣaśca pṛṣadhraśca pāṃśuścanavamaḥ smṛtaḥ // ### [1.38.32](https://indike.org/pramana/in.purana.brahmanda.1.38.32) manorvaivasvatasyaite nava putrāḥ sudhārmikāḥ / kīrtitā vai tathā hyete saptamaṃ caitadantaram // ### [1.38.33](https://indike.org/pramana/in.purana.brahmanda.1.38.33) ityeṣa ha mayā pādo dvitīyaḥ kathitodvijāḥ / vistareṇānupūrvyā ca bhūyaḥ kiṃ kathayāmyaham // ### [1.38.33.p1](https://indike.org/pramana/in.purana.brahmanda.1.38.33.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde manvantaravarṇanaṃ nāmāṣṭātriṃśattamo 'dhyāyaḥ ### [1.38.33.p2](https://indike.org/pramana/in.purana.brahmanda.1.38.33.p2) samāpto 'yaṃ brahmāṇḍamahāpurāṇapūrvabhāgaḥ ## Linked texts (1) - [Mārkaṇḍeyapurāṇa](https://indike.org/pramana/in.purana.markandeya.79.1) — Vyāsa, Sanskrit --- Source: [https://indike.org/pramana/in.purana.brahmanda.1.38](https://indike.org/pramana/in.purana.brahmanda.1.38) · Pramāṇa