[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.3 # Brahmandapurana 1.3 Brahmāṇḍapurāṇa 1.3 - **Language:** Sanskrit ## Contents - [1.3.38](https://indike.org/pramana/in.purana.brahmanda.1.3.38) — 1 part ### [1.3.1](https://indike.org/pramana/in.purana.brahmanda.1.3.1) sūta uvāca śṛṇu teṣāṃ kathāṃ divyāṃ sarvapāpapramocanīm / kathyamānāṃ mayā citrāṃ bahvarthāṃ śrutisaṃmatām // ### [1.3.2](https://indike.org/pramana/in.purana.brahmanda.1.3.2) ya imāṃ dhārayennityaṃ śṛṇuyādvāpyabhīkṣṇaśaḥ / svavaṃśaṃ dhāraṇaṃ kṛtvā svargaloke mahīyate // ### [1.3.3](https://indike.org/pramana/in.purana.brahmanda.1.3.3) viśvatārā yā ca pañca yathāvṛttaṃ yathāśrutam / kīrtyamānaṃ nibodhārthaṃ pūrveṣāṃ kīrttivarddhanam // ### [1.3.4](https://indike.org/pramana/in.purana.brahmanda.1.3.4) dhanyaṃ yaśasyamāyuṣyaṃ svargyaṃ śatrughnameva ca / kīrttanaṃ sthirakīrtīnāṃ sarveṣāṃ puṇyakarmaṇām // ### [1.3.5](https://indike.org/pramana/in.purana.brahmanda.1.3.5) yasmātkalpāyate kalpaḥ samagraṃ śucaye śuciḥ / tasmai hiraṇyagarbhāya puruṣāyeśvarāya ca // ### [1.3.6](https://indike.org/pramana/in.purana.brahmanda.1.3.6) ajāya prathamāyaiva variṣṭhāya prajāsṛje / brahmaṇe lokatantrāya namaskṛtya svayaṃbhuve // ### [1.3.7](https://indike.org/pramana/in.purana.brahmanda.1.3.7) mahadādyaṃ viśeṣāntaṃ savairūpyaṃ salakṣaṇam / pañcapramāṇaṃ ṣadśrāntaḥ puruṣādhiṣṭhitaṃ ca yat // ### [1.3.8](https://indike.org/pramana/in.purana.brahmanda.1.3.8) āsaṃyamātpravakṣyāmi bhūtasargamanuttamam / avyaktaṃ kāraṇaṃ yattannityaṃ sadasadātmakam // ### [1.3.9](https://indike.org/pramana/in.purana.brahmanda.1.3.9) pradhānaṃ prakṛtiṃ caiva yamāhustattvacintakāḥ / gandharūparasairhīnaṃ śabdasparśavivarjitam // ### [1.3.10](https://indike.org/pramana/in.purana.brahmanda.1.3.10) jagadyonimmahābhūtaṃ paraṃ brahmasanātanam / vigrahaṃ sarvabhūtānāmavyaktamabhavatkila // ### [1.3.11](https://indike.org/pramana/in.purana.brahmanda.1.3.11) anādyantamajaṃ sūkṣmaṃ triguṇaṃ prabhavāpyayam / asāṃpratikamajñeyaṃ brahma yatsadasatparam // ### [1.3.12](https://indike.org/pramana/in.purana.brahmanda.1.3.12) tasyātmanā sarvamidaṃ vyāptamāsīttamomayam / guṇasāmye tadā tasminnavibhātaṃ tamomayam // ### [1.3.13](https://indike.org/pramana/in.purana.brahmanda.1.3.13) sargakāle pradhānasya kṣatrajñādhiṣṭhitasya vai / guṇabhāvādbhāsamāne mahātattva babhūva ha // ### [1.3.14](https://indike.org/pramana/in.purana.brahmanda.1.3.14) sūkṣmaḥ sa tu mahānagre avyaktena samāvṛtaḥ / sattvodreko mahānagre sattvamātraprakāśakaḥ // ### [1.3.15](https://indike.org/pramana/in.purana.brahmanda.1.3.15) sattvānmahānsa vijñeya ekastatkāraṇaḥ samṛtaḥ / niṅgamātraṃ samutpannaṃ kṣetrajñādhiṣṭitaṃ mahat // ### [1.3.16](https://indike.org/pramana/in.purana.brahmanda.1.3.16) saṃkalpo 'dhyavasāyaśca tasya vṛttidvayaṃ smṛtam / mahāsṛṣṭiṃ ca kurute vītamānaḥ sisṛkṣayā // ### [1.3.17](https://indike.org/pramana/in.purana.brahmanda.1.3.17) dharmādīni ca bhūtāni lokatattvārthahetavaḥ / mano mahātmani brahma durbuddhikhyātirīśvarāt // ### [1.3.18](https://indike.org/pramana/in.purana.brahmanda.1.3.18) prajñāsaṃdhiśca sarvasvaṃ saṃkhyāyatanaraśmibhiḥ / manute sarvabhūtānāṃ tasmācceṣṭaphalo vibhuḥ // ### [1.3.19](https://indike.org/pramana/in.purana.brahmanda.1.3.19) bhoktā trātā vibhaktātmā varttanaṃ mana ucyate / tattvānāṃ saṃgrahe yasmānmahāṃśca parimāṇataḥ // ### [1.3.20](https://indike.org/pramana/in.purana.brahmanda.1.3.20) śeṣebhyo guṇātattvebhyo mahāniva tanuḥ smṛtaḥ / vibhaktimānaṃ manute vibhāgaṃ manyate 'pi vā // ### [1.3.21](https://indike.org/pramana/in.purana.brahmanda.1.3.21) puruṣo bhogasaṃbandhāttena cāsau sati smṛtaḥ / bṛhattvādvṛṃhaṇatvācca bhāvānāmakhilāśrayāt // ### [1.3.22](https://indike.org/pramana/in.purana.brahmanda.1.3.22) yasmādvṛṃhayata bhāvān brahmā tena nirucyate / āpūrayati yasmācca sarvān dehānanugrahaiḥ // ### [1.3.23](https://indike.org/pramana/in.purana.brahmanda.1.3.23) budhyate puruṣaścātra sarvān bhāvānpṛthak pṛthak / tasmiṃstu kāryakaraṇaṃ saṃsiddhaṃ brahmaṇaḥ purā // ### [1.3.24](https://indike.org/pramana/in.purana.brahmanda.1.3.24) prākṛtaṃ devi vartaṃ māṃ kṣetrajño brahmasaṃmitaḥ / sa vai śarīrī prathamaḥ purā puruṣa ucyate // ### [1.3.25](https://indike.org/pramana/in.purana.brahmanda.1.3.25) ādikarttā sa bhūtānāṃ brahmāgre samavarttinām // ### [1.3.26](https://indike.org/pramana/in.purana.brahmanda.1.3.26) hiraṇyagabhaḥ so 'ṇḍe 'sminprādurbhūtaścaturmukhaḥ / sarge ca pratisarge ca kṣetrajño brahma saṃsitaḥ // ### [1.3.27](https://indike.org/pramana/in.purana.brahmanda.1.3.27) karaṇaiḥ saha pṛcchante pratyāhārestyajanti ca / bhajante ca punardehāṃste samāhārasaṃdhisu // ### [1.3.28](https://indike.org/pramana/in.purana.brahmanda.1.3.28) hiraṇmayastu yo merustasyoddharturmahātmanaḥ / gartodakaṃ sabudāstu hareyuścāpi pañcatāḥ // ### [1.3.29](https://indike.org/pramana/in.purana.brahmanda.1.3.29) yasminnaṇḍa ime lokāḥ sapta vai saṃpratiṣṭhitāḥ / pṛthivī saptabhirdvīpaiḥ samudraiḥ saha saptabhiḥ // ### [1.3.30](https://indike.org/pramana/in.purana.brahmanda.1.3.30) parvataiḥ sumahadbhiśca nadībhiśca sahasraśaḥ / antaḥsthasya tvime lokā antarviśvamidaṃ jagat // ### [1.3.31](https://indike.org/pramana/in.purana.brahmanda.1.3.31) candrādityau sanakṣatau saṃgrahaḥ saha vāyunā / lokālokaṃ ca yat kiñcidaṇḍe tasminpratiṣṭitam // ### [1.3.32](https://indike.org/pramana/in.purana.brahmanda.1.3.32) āpo daśaguṇe naiva tejasā bāhyato vṛtāḥ / tejo daśaguṇenaiva bāhyato vāyunā vṛtam // ### [1.3.33](https://indike.org/pramana/in.purana.brahmanda.1.3.33) vāyurdaśaguṇenaiva bāhyato nabhasā vṛtaḥ / ākāśamāvṛtaṃ sarvaṃ bahirbhūtādinā tathā // ### [1.3.34](https://indike.org/pramana/in.purana.brahmanda.1.3.34) bhūtādirmahatā caiva pradhānenāvṛto mahān / ebhirāvaraṇairaṇḍaṃ saptabhiḥ prākṛtairvṛtam // ### [1.3.35](https://indike.org/pramana/in.purana.brahmanda.1.3.35) icchayā vṛtya cānyonyamaraṇe prakṛtayaḥ sthitaḥ / prasargakāle sthitvā ca grasaṃtasca parasparam // ### [1.3.36](https://indike.org/pramana/in.purana.brahmanda.1.3.36) evaṃ parasparaiścaiva dhārayanti parasparam / ādhārādheyabhāvena vikārāste vikāriṣu // ### [1.3.37](https://indike.org/pramana/in.purana.brahmanda.1.3.37) avyaktaṃ kṣetramityuktaṃ brahma kṣetrajñamucyate / ityevaṃ prākṛtaḥ sargaḥ kṣetrajñādhiṣṭhitastu saḥ // ### [1.3.38](https://indike.org/pramana/in.purana.brahmanda.1.3.38) abuddhipūrvaḥ prathamaḥ prādurbhūtastaḍidyathā / etaddhiraṇyagarbhasya canma yo vetti tattvataḥ / āyuṣmānkīrtimāndhanyaḥ prajñāvāṃśca na saṃśayaḥ // ### [1.3.38.p1](https://indike.org/pramana/in.purana.brahmanda.1.3.38.p1) iti śrībrahmāṇḍe mahāpurāṇe vāyuprokte pūrvabhāge prathame prakriyāpāde hiraṇyagarbhotpattivarṇanaṃ nāma tṛtīyo 'dhyāya ## Linked texts (7) - [Vāyupurāṇa](https://indike.org/pramana/in.purana.vayu.1.4.6) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.6.2.5.20) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.2.59) — Sanskrit - [Kūrmapurāṇa](https://indike.org/pramana/in.purana.kurma.1.4.46) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.45.69) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.21.27) — Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.1.112) — Ṭoḍaramalla 1564, Sanskrit --- Source: [https://indike.org/pramana/in.purana.brahmanda.1.3](https://indike.org/pramana/in.purana.brahmanda.1.3) · Pramāṇa