[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.5 # Brahmandapurana 1.5 Brahmāṇḍapurāṇa 1.5 - **Language:** Sanskrit ## Contents - [1.5.141](https://indike.org/pramana/in.purana.brahmanda.1.5.141) — 1 part ### [1.5.1](https://indike.org/pramana/in.purana.brahmanda.1.5.1) śrīsūta uvāca āpo 'gre sarvagā āsannenasimanpṛthivītale / śāntavātaiḥ pralīne 'sminna prājñāyata kiñcana // ### [1.5.2](https://indike.org/pramana/in.purana.brahmanda.1.5.2) ekārṇave tadā tasminnaṣṭe sthāvarajaṅgame / vibhurbhavati sa brahmā sahasrākṣaḥ sahasrapāt // ### [1.5.3](https://indike.org/pramana/in.purana.brahmanda.1.5.3) sahasraśīrṣā puruṣo rukmavarṇo hyatīndriyaḥ / brahma nārāyaṇākhyastu suṣvāpa salile tadā // ### [1.5.4](https://indike.org/pramana/in.purana.brahmanda.1.5.4) sattvodrekānniṣiddhastu śūnyaṃ lokamavaikṣata / imaṃ codāharantyatrar ślokaṃ nārāyaṇaṃ prati // ### [1.5.5](https://indike.org/pramana/in.purana.brahmanda.1.5.5) āpo nārā iti proktā āpo vai narasūnavaḥ / ayana tasya tāḥproktāstena nārāyaṇaḥ smṛtaḥ // ### [1.5.6](https://indike.org/pramana/in.purana.brahmanda.1.5.6) tulya yugasahasrasya vasankālamupāsyataḥ / svarṇapatreprakurute brahmatvādarśakāraṇāt // ### [1.5.7](https://indike.org/pramana/in.purana.brahmanda.1.5.7) brahma tu salile tasminnavāg bhūtvā tadā caran / niśāyāmiva khadyotaḥ prāpṛṭkāle tatastataḥ // ### [1.5.8](https://indike.org/pramana/in.purana.brahmanda.1.5.8) tatastu salile tasmin vijñāyāntargate mahat / anumānādasaṃmūḍho bhūmeraddharaṇaṃ prati // ### [1.5.9](https://indike.org/pramana/in.purana.brahmanda.1.5.9) oṅkārāṣṛtanuṃ tvanyāṃ kalpādiṣu yathā purā / tato mahātmā manasā divyarūpama cintayat // ### [1.5.10](https://indike.org/pramana/in.purana.brahmanda.1.5.10) salile 'vaplutāṃ bhūmiṃ dṛṣṭvā sa samacintayat / kiṃ tu rūpamahaṃ kṛtvā salilāduddhare mahīm // ### [1.5.11](https://indike.org/pramana/in.purana.brahmanda.1.5.11) jalakrīḍāsamucitaṃ vārāhaṃ rūpamasmarat / udṛśyaṃ sarvabhūtānāṃ vāṅmayaṃ brahmasaṃjñitam // ### [1.5.12](https://indike.org/pramana/in.purana.brahmanda.1.5.12) daśayojanavistīrṇamāyataṃśatayojanam / nīlameghapratīkāśaṃ meghastanitaniḥsvanam // ### [1.5.13](https://indike.org/pramana/in.purana.brahmanda.1.5.13) mahāparvatavarṣmāṇaṃ śvetatīkṣṇogradaṃṣṭriṇām / vidyudagnipratikāśamādityasamatejasam // ### [1.5.14](https://indike.org/pramana/in.purana.brahmanda.1.5.14) pīnavṛttāyataskandhaṃ viṣṇuvikramagāmi ca / pīnonnatakaṭīdeśaṃ vṛṣalakṣaṇapūjitam // ### [1.5.15](https://indike.org/pramana/in.purana.brahmanda.1.5.15) āsthāya rūpamatulaṃ vārāhamamitaṃ hariḥ / pṛthivyuddharaṇārthāya praviveśa rasātalam // ### [1.5.16](https://indike.org/pramana/in.purana.brahmanda.1.5.16) dīkṣāsamāptīṣṭidaṃṣṭraḥkratudanto juhūsukhaḥ / agnijihvo darbharomā brahmaśīrṣo mahātapāḥ // ### [1.5.17](https://indike.org/pramana/in.purana.brahmanda.1.5.17) vedaskandho havirgandhirhavyakavyādivegavān / prāgvaṃśakāyo dyutimān nānādīkṣābhiranvitaḥ // ### [1.5.18](https://indike.org/pramana/in.purana.brahmanda.1.5.18) dakṣiṇā tdṛdayo yogī śraddhāsattvamayo vibhuḥ / upākarmaruciścaiva pravargyāvartabhūṣaṇaḥ // ### [1.5.19](https://indike.org/pramana/in.purana.brahmanda.1.5.19) nānāchandogatipatho guhyopaniṣadāsanaḥ / māyāpatnīsahāyo vai giriśṛṅgamivocchrayaḥ // ### [1.5.20](https://indike.org/pramana/in.purana.brahmanda.1.5.20) ahorātrekṣaṇādharo vedāṅgaśrutibhūṣaṇaḥ / ājyagandhaḥ sruvastuṇḍaḥ sāmaghoṣasvano mahān // ### [1.5.21](https://indike.org/pramana/in.purana.brahmanda.1.5.21) satyadharmamayaḥ śrīmān karmavikramasatkṛtaḥ / prāyaścittanakho ghoraḥ paśujānurmahāmakhaḥ // ### [1.5.22](https://indike.org/pramana/in.purana.brahmanda.1.5.22) udgātātro homaliṅgaḥ phalabījamahoṣadhīḥ / vādyantarātmasatrasya nāsmikāso maśoṇitaḥ // ### [1.5.23](https://indike.org/pramana/in.purana.brahmanda.1.5.23) bhaktā yajñavarāhāntāścāpaḥ saṃprāviśatpunaḥ / agnisaṃchāditāṃ bhūmiṃ samāmicchanprajāpatim // ### [1.5.24](https://indike.org/pramana/in.purana.brahmanda.1.5.24) upagamyā juhāvaitā madyaścādyasamanyasat / māmudrāśca samudreṣu nādeyāśca nadīṣu ca / pṛthak tāstu samīkṛtya pṛthivyāṃ so 'cinodgirīn // ### [1.5.25](https://indike.org/pramana/in.purana.brahmanda.1.5.25) prāksarge dahyamānāstu tadā saṃvartakāgninā / denāgninā vilīnāste parvatā bhuvi sarvaśaḥ // ### [1.5.26](https://indike.org/pramana/in.purana.brahmanda.1.5.26) satyādekārṇave tasmin vāyunā yattu saṃhitāḥ / niṣiktā yatrayatrāsaṃstatratatrācalo 'bhavat // ### [1.5.27](https://indike.org/pramana/in.purana.brahmanda.1.5.27) tatasteṣu prakīrṇeṣu lokodadhigirīṃstathā / viśvakarmā vibhajate kalpādiṣu punaḥ punaḥ // ### [1.5.28](https://indike.org/pramana/in.purana.brahmanda.1.5.28) sasamudrāmimāṃ pṛthvīṃ saptadvīpāṃ saparvatām / bhūrādyāṃścaturo lokānpunaḥpunarakalpayat // ### [1.5.29](https://indike.org/pramana/in.purana.brahmanda.1.5.29) lākānprakalpayitvā ca prajāsarga sasarja ha / brahmā svayaṃbhūrbhagavām sisṛkṣurvividhāḥ prajāḥ // ### [1.5.30](https://indike.org/pramana/in.purana.brahmanda.1.5.30) sasarja sṛṣṭaṃ tadrūpaṃ kalpādiṣu yathā purā / tasyābhidhyāyataḥ sargaṃ tadā vai buddhipūrvakam // ### [1.5.31](https://indike.org/pramana/in.purana.brahmanda.1.5.31) pradhānasamakāle ca prādurbhūtastamo mayaḥ / tamo moho mahāmohastāmisro hyandhasaṃjñitaḥ // ### [1.5.32](https://indike.org/pramana/in.purana.brahmanda.1.5.32) avidyā pañcaparvaiṣā prādurbhūtā mahātmanaḥ / pañcadhāvasthitaḥ sargo dhyāyata sābhimāninaḥ // ### [1.5.33](https://indike.org/pramana/in.purana.brahmanda.1.5.33) sarvatastamasā caiva bījakuṃbhalatāvṛtāḥ / bahirantaścāprakāśastathāniḥsaṃjña eva ca // ### [1.5.34](https://indike.org/pramana/in.purana.brahmanda.1.5.34) yasmātteṣāṃ kṛtā buddhir duḥkhāni karaṇāni ca / tasmācca saṃvṛtātmāno nagā mukhyāḥ prakīrtitāḥ // ### [1.5.35](https://indike.org/pramana/in.purana.brahmanda.1.5.35) mukhyasarge tadodbhūtaṃ dṛṣṭvā brahmātmasaṃbhavaḥ / apratī tamanāḥ sotha tadotpattimamanyata // ### [1.5.36](https://indike.org/pramana/in.purana.brahmanda.1.5.36) tasyābhidhyāyataścānyastiryaksroto 'bhyavartata / yasmāttiryagvivartteta tiryakasrotastataḥ smṛtaḥ // ### [1.5.37](https://indike.org/pramana/in.purana.brahmanda.1.5.37) tamobahutvātte sarve hyajñānabahulāḥ smṛtāḥ / utpādyagrāhimaścaiva te 'jñāne jñānamāninaḥ // ### [1.5.38](https://indike.org/pramana/in.purana.brahmanda.1.5.38) ahaṅkṛtā ahaṃmānā aṣṭāviṃśaddvidhātmikāḥ / ekādaśandriyavidhā navadhātmādayastathā // ### [1.5.39](https://indike.org/pramana/in.purana.brahmanda.1.5.39) aṣṭau tu tārakādyāśca teṣāṃ śaktivadhāḥ smṛtāḥ / antaḥ prakāśāste sarve āvṛtāśca bahiḥ punaḥ // ### [1.5.40](https://indike.org/pramana/in.purana.brahmanda.1.5.40) tiryak srotasa ucyante vaśyātmānastrisaṃjñakāḥ // ### [1.5.41](https://indike.org/pramana/in.purana.brahmanda.1.5.41) tiryak srotastu sṛṣṭvā vai dvitīyaṃ viśvamīśvaraḥ / abhiprāyamathodbhūtaṃ dṛṣṭvā sargaṃ tathāvidham // ### [1.5.42](https://indike.org/pramana/in.purana.brahmanda.1.5.42) tasyābhidhyāyato yontyaḥ sāttvikaḥ samajāyata / ūrddhasrotastṛtīyastu tadvai corddhaṃ vyavasthitam // ### [1.5.43](https://indike.org/pramana/in.purana.brahmanda.1.5.43) yasmādūrddhaṃ nyavartanta tadūrddhasrotasaṃjñakam / tāḥ sukhaṃ prītibahulā bahirantaśca vāvṛtāḥ // ### [1.5.44](https://indike.org/pramana/in.purana.brahmanda.1.5.44) prakāśā bahirantaśca ūrddhasrotaḥprajāḥ smṛtāḥ / navadhātādayaste vai tuṣṭātmāno budhāḥ smṛtāḥ // ### [1.5.45](https://indike.org/pramana/in.purana.brahmanda.1.5.45) ūrddhasrota stutīyo yaḥ smṛtaḥ sarvaḥ sadaivikaḥ / ūrddhasrotaḥsu sṛṣṭeṣu deveṣu sa tadā prabhuḥ // ### [1.5.46](https://indike.org/pramana/in.purana.brahmanda.1.5.46) prītimānabhavadbrahmā tato 'nyaṃ nābhimanyata / sargamanyaṃ simṛkṣustaṃ sādhakaṃ punarīśvaraḥ // ### [1.5.47](https://indike.org/pramana/in.purana.brahmanda.1.5.47) tasyābhidhyāyataḥ sargaṃ satyābhidhyāyinastadā / prādurbabhau bhautasargaḥ sorvāk srotastu sādhakaḥ // ### [1.5.48](https://indike.org/pramana/in.purana.brahmanda.1.5.48) yasmāttervākpravartante tatorvākūsrotasastu te / te ca prakāśabahulāstamaspṛṣṭarajodhikāḥ // ### [1.5.49](https://indike.org/pramana/in.purana.brahmanda.1.5.49) tasmātte duḥkhabahulā bhūyobhūyaśca kārimaḥ / prakāśā bahirantaśca manuṣyāḥ sādhakāśca te // ### [1.5.50](https://indike.org/pramana/in.purana.brahmanda.1.5.50) lakṣaṇairnārakādyaistairaṣṭadhā ca vyavasthitāḥ / siddhātmāno manuṣyāste gandharvaiḥ saha dharmiṇaḥ // ### [1.5.51](https://indike.org/pramana/in.purana.brahmanda.1.5.51) pañcamo 'nugrahaḥ sargaścaturddhā sa vyavasthitaḥ / viparyayeṇa śaktyā ca siddha mukhyāstathaiva ca // ### [1.5.52](https://indike.org/pramana/in.purana.brahmanda.1.5.52) nivṛttā vartamānāśca prajāyante punaḥpunaḥ / bhūtādikānāṃ sattvānāṃ ṣaṣṭhaḥ sargaḥ sa ucyate // ### [1.5.53](https://indike.org/pramana/in.purana.brahmanda.1.5.53) svādanāścāpyaśīlāśca jñeyā bhūtādikāśca te / prathamo mahataḥ sargo vijñeyo brahmaṇastu saḥ // ### [1.5.54](https://indike.org/pramana/in.purana.brahmanda.1.5.54) tanmātrāṇāṃ dvitīyastu bhūta sargaḥ sa ucyate / vaikārikastṛtīyastu caidriyaḥ sarga ucyate // ### [1.5.55](https://indike.org/pramana/in.purana.brahmanda.1.5.55) ityeta prākṛtāḥ sargā utpannā buddhipūrvakāḥ / mukhyasargaśca turthastu mukhyā vai sthāvarāḥ smṛtāḥ // ### [1.5.56](https://indike.org/pramana/in.purana.brahmanda.1.5.56) tiryaksrotaḥsasargastu tairyagyonyastu pañcamaḥ / tathorddhasrotasāṃ sargaḥ ṣaṣṭho devata ucyate // ### [1.5.57](https://indike.org/pramana/in.purana.brahmanda.1.5.57) tatrorddhasrotasāṃ sargaḥ saptamaḥ sa tu mānuṣaḥ / aṣṭamonugrahaḥ sargaḥ sāttvikastāmasaśca saḥ // ### [1.5.58](https://indike.org/pramana/in.purana.brahmanda.1.5.58) pañcaite vaikṛtāḥ sargāḥ prākṛtādyāstrayaḥ smṛtāḥ / prākṛto vaikṛtaścaiva kaumāro navamaḥ smṛtaḥ // ### [1.5.59](https://indike.org/pramana/in.purana.brahmanda.1.5.59) prakṛtā buddhipūrvāstu trayaḥ sargāstu vaikṛtāḥ / duddhiburvāḥ pravarteyustadvargā brāhmaṇāstu vai // ### [1.5.60](https://indike.org/pramana/in.purana.brahmanda.1.5.60) vistarācca yathā sarve kīrtyamānaṃ nibodhata / caturddhā ca sthitasso 'pi sarvabhūteṣu kṛtsnaśaḥ // ### [1.5.61](https://indike.org/pramana/in.purana.brahmanda.1.5.61) viparyayoṇa śattyā ca buddhyā siddhyā tathaiva ca / sthāvareṣu viparyāsastiryagyoniṣu śaktitaḥ // ### [1.5.62](https://indike.org/pramana/in.purana.brahmanda.1.5.62) siddhātmāno manuṣyāstu puṣṭirdeveṣu kṛtsnaśaḥ / atho sasarja vai brahmā mānasānātmanaḥ samān // ### [1.5.63](https://indike.org/pramana/in.purana.brahmanda.1.5.63) vaivartyena tu jñānena nivṛttāste mahau jasaḥ / saṃbuddhya caiva nāmātho apavṛttāstrayastu te // ### [1.5.64](https://indike.org/pramana/in.purana.brahmanda.1.5.64) asṛṣṭvaiva prajāsargaṃpratisargaṃ tatastataḥ / brahmā teṣu vyarakteṣu tato 'nyānsā dhakānsṛjan // ### [1.5.65](https://indike.org/pramana/in.purana.brahmanda.1.5.65) sthānābhimānino devāḥ punarbrahmānuśāsanam / abhūtasṛṣṭyavasthā ce sthāninastānnibodha me // ### [1.5.66](https://indike.org/pramana/in.purana.brahmanda.1.5.66) āpo 'gniḥ pṛthivī vāyurantarikṣo divaṃ tathā / svargo diśaḥ samudrāśca nadyaścaiva vanaspatīn // ### [1.5.67](https://indike.org/pramana/in.purana.brahmanda.1.5.67) auṣadhīnāṃ tathātmāno hyātmano vṛkṣavīrudhām / latāḥ kāṣṭhāḥ kalāścaiva muhūrtāḥ saṃdhirātryahāḥ // ### [1.5.68](https://indike.org/pramana/in.purana.brahmanda.1.5.68) arddhamāsāśca māsāśca ayanābdayugāni ca / sthāne srotaḥsvabhīmānāḥ sthānākhyāścaiva te smṛtāḥ // ### [1.5.69](https://indike.org/pramana/in.purana.brahmanda.1.5.69) sthānātmanaḥ sa sṛṣṭvā tu tato 'nyānsa tadāsṛjat / devāṃścaiva pitṝṃścaiva yaurimā varddhitāḥ prajāḥ // ### [1.5.70](https://indike.org/pramana/in.purana.brahmanda.1.5.70) bhṛgvaṅgirā marīciśca pulastyaḥ pulahaḥ kratuḥ / dakṣo 'triśca vasiṣṭhaśca sāsṛjannava mānasān // ### [1.5.71](https://indike.org/pramana/in.purana.brahmanda.1.5.71) nava brahmāṇa ityete purāṇe niścayaṃ gatāḥ / brahmā yathātmakānāṃ tu sarveṣāṃ brahmayoginām // ### [1.5.72](https://indike.org/pramana/in.purana.brahmanda.1.5.72) tato 'sṛjatpunarbrahmā rudraṃ roṣatmasaṃbhavam / saṃkalpaṃ caiva dharma ca sarveṣāmeva parvatau // ### [1.5.73](https://indike.org/pramana/in.purana.brahmanda.1.5.73) so 'sṛjadvyavasāyaṃ tu brahmā bhūtaṃ sukhātmakam / saṃkalpāccaiva saṃkalpo jajñe so 'vyaktayoninaḥ // ### [1.5.74](https://indike.org/pramana/in.purana.brahmanda.1.5.74) prāṇāddakṣo 'sṛjadvācaṃ cakṣurbhyāṃ ca marīcinam / bhṛguśca hṛdayājjajñe ṛṣiḥ salilayoninaḥ // ### [1.5.75](https://indike.org/pramana/in.purana.brahmanda.1.5.75) śirasaścāṅgirāścaiva śrotrādatristathaiva ca / pulastyaśca tathodānādvyānāttu pulahastathā // ### [1.5.76](https://indike.org/pramana/in.purana.brahmanda.1.5.76) samānato vasiṣṭhaśca hyapānānnirmame kratum / ityete brahmaṇaḥ śreṣṭhāḥ putrā vai dvādaśa smṛtāḥ // ### [1.5.77](https://indike.org/pramana/in.purana.brahmanda.1.5.77) dharmādayaḥ prathamajā vijñeyā brahmamaḥ smṛtāḥ / bhṛgvādayastu ye sṛṣṭā na ca te brahmavādinaḥ // ### [1.5.78](https://indike.org/pramana/in.purana.brahmanda.1.5.78) gṛhamedhipurāṇāste vijñeyā brahmaṇaḥ sutāḥ / dvādaśaite prasūyante saha rūdreṇa ca dvijāḥ // ### [1.5.79](https://indike.org/pramana/in.purana.brahmanda.1.5.79) kratuḥ sanatkumāraśca dvāvetāvūrddharetasau / pūrvotpattau purā hyetau sarveṣāmapi pūrvajau // ### [1.5.80](https://indike.org/pramana/in.purana.brahmanda.1.5.80) vyatītau saptame kalpe purāṇau lokasādhakau / virajete 'tra vai loke tejasākṣipya cātmanaḥ // ### [1.5.81](https://indike.org/pramana/in.purana.brahmanda.1.5.81) tāpubhau yogadharmāṇāvāropyātmānamātmanā / prajādharmaṃ ca kāmaṃ ca vartayete mahaujasau // ### [1.5.82](https://indike.org/pramana/in.purana.brahmanda.1.5.82) yathotpannastathaiveha kumāra iti cocyate / tataḥ sanatkumāreti nāma tasya pratiṣṭhitam // ### [1.5.83](https://indike.org/pramana/in.purana.brahmanda.1.5.83) teṣāṃ dvādaśa te vaṃśā divyā devagāṇānvitāḥ / kriyāvantaḥ prajāvanto maharṣibhiralaṅkṛtāḥ // ### [1.5.84](https://indike.org/pramana/in.purana.brahmanda.1.5.84) prāṇajāṃstu sa dṛṣṭvā vai brahmā dvādaśa sāttvikān / tato 'surānpitṝndevānmanuṣyāṃścāsṛjatprabhuḥ // ### [1.5.85](https://indike.org/pramana/in.purana.brahmanda.1.5.85) mukhāddevānajanayat pitṝṃścaivātha vakṣasaḥ / prajananānmanuṣyānvai jaghanānnirmame 'surān // ### [1.5.86](https://indike.org/pramana/in.purana.brahmanda.1.5.86) naktaṃ sṛjanpunarbrahmā jyotsnāyā mānuṣātmanaḥ / sudhāyāśca pitṝṃścaiva devadevaḥ sasarjaha // ### [1.5.87](https://indike.org/pramana/in.purana.brahmanda.1.5.87) mukhyāmukhyān mṛjandevānasurāṃśca tataḥ punaḥ / sanasaśca manuṣyāṃśca pitṛvanmahataḥ pitṝn // ### [1.5.88](https://indike.org/pramana/in.purana.brahmanda.1.5.88) vidyuto 'śanimeghāṃśca lohitendradhanūṃṣi ca / ṛco yajūṃṣi sāmāni nirmame yajñasiddhaye // ### [1.5.89](https://indike.org/pramana/in.purana.brahmanda.1.5.89) uccāvacāni bhūtāni mahasastasya jajñire / brahmaṇastu prajāsargaṃ devārṣipitṛmānavam // ### [1.5.90](https://indike.org/pramana/in.purana.brahmanda.1.5.90) punaḥ sṛjati bhūtāni carāṇi sthāvarāṇi ca / yakṣānpiśācān gandharvānsarvaśo 'psarasastathā // ### [1.5.91](https://indike.org/pramana/in.purana.brahmanda.1.5.91) narakinnararakṣāṃsi vayaḥ paśumṛgoragān / avyayaṃ vā vyayañcaiva dvayaṃ sthāvarajaṅgamam // ### [1.5.92](https://indike.org/pramana/in.purana.brahmanda.1.5.92) teṣāṃ te yānti karmāṇi prāk sṛṣṭāni svayaṃbhuvā / tānyeva pratipadyante sṛjyamānāḥ punaḥ punaḥ // ### [1.5.93](https://indike.org/pramana/in.purana.brahmanda.1.5.93) hiṃsrāhiṃsre mṛdukrūre dharmādharmauṃ kṛtākṛte / teṣāmeva pṛthak sūtamavibhaktaṃ trayaṃ viduḥ // ### [1.5.94](https://indike.org/pramana/in.purana.brahmanda.1.5.94) etadevaṃ ca naivaṃ ca na cobhe nānubhe tathā / karma svaviṣayaṃ prāhuḥ sattvasthāḥ samadarśinaḥ // ### [1.5.95](https://indike.org/pramana/in.purana.brahmanda.1.5.95) nāmātmapañcabhūtānāṃ kṛtānāṃ ca prapañcatām / divaśabdena pañcaite nirmame samaheśvaraḥ // ### [1.5.96](https://indike.org/pramana/in.purana.brahmanda.1.5.96) ārṣāṇi caiva nāmāni yāśca deveṣu sṛṣṭayaḥ / śarvaryāṃ na prasūyante punastebhyodadhatprabhuḥ // ### [1.5.97](https://indike.org/pramana/in.purana.brahmanda.1.5.97) ityevaṃ kāraṇādbhūto lokasargaḥ svayaṃbhuvaḥ / mahadādyā viśeṣāntā vikārāḥ prākṛtāḥ svayam // ### [1.5.98](https://indike.org/pramana/in.purana.brahmanda.1.5.98) candrasūryaprabho loko grahanakṣatramaṇḍitaḥ / nadībhiśca samudraiśca parvataiśca sahasraśaḥ // ### [1.5.99](https://indike.org/pramana/in.purana.brahmanda.1.5.99) puraiśca vividhai ramyaiḥ sphītairjanapadaistathā / asmin brahmavane 'vyakto brahmā carati sarvavit // ### [1.5.100](https://indike.org/pramana/in.purana.brahmanda.1.5.100) avyaktabījaprabhavastasyaivānugrahe sthitaḥ / buddhiskandhamayaścaiva indriyāntarakoṭaraḥ // ### [1.5.101](https://indike.org/pramana/in.purana.brahmanda.1.5.101) mahābhūtaprakāśaśca viśeṣaiḥ patravāṃstu saḥ / dharmādharmasupuṣpastu sukhaduḥkhaphalodayaḥ // ### [1.5.102](https://indike.org/pramana/in.purana.brahmanda.1.5.102) ājīvaḥ sarvabhūtānāṃ brahmavṛkṣaḥ sanātanaḥ / etadbrahmavanaṃ caiva brahmavṛkṣasya tasya tat // ### [1.5.103](https://indike.org/pramana/in.purana.brahmanda.1.5.103) avyaktaṃ kāraṇaṃ yatra nityaṃ sadasadātmakam / pradhānaṃ prakṛtiṃmāyāṃ caivāhustattvacintakāḥ // ### [1.5.104](https://indike.org/pramana/in.purana.brahmanda.1.5.104) ityeṣo 'nugrahaḥmargo brahmanaimittikaḥ smṛtaḥ / abuddhipūrvakāḥ sargā brahmaṇaḥ prākṛtāstrayaḥ // ### [1.5.105](https://indike.org/pramana/in.purana.brahmanda.1.5.105) sukhyādayastu ṣaṭ sargā vaikṛtā buddhipūrvakāḥ / vaikalpātsaṃpravartante brahmaṇastebhimanyavaḥ // ### [1.5.106](https://indike.org/pramana/in.purana.brahmanda.1.5.106) ityete prākṛtāścaiva vaikṛtāśca nava smṛtāḥ / sargāḥ parasparotpannāḥ kāraṇaṃ tu budhaiḥ smṛtam // ### [1.5.107](https://indike.org/pramana/in.purana.brahmanda.1.5.107) mūrddhānaṃ vai yasya vedā vadanti viyannābhiścandrasūryauṃ ca netre / diśaḥ śrotre viddhi pādau kṣitiṃ ca so 'cintyātmā sarvabhūtapraṇetā // ### [1.5.108](https://indike.org/pramana/in.purana.brahmanda.1.5.108) vaktrādyasya brāhmaṇāḥ saṃprasūtā vakṣasaścaiva kṣatriyāḥ pūrvabhāge / vaiśyā ūrubhyāṃ yasya padbhyāṃ ca śūdrāḥsarvevarṇā gātrataḥ saṃprasūtāḥ // ### [1.5.109](https://indike.org/pramana/in.purana.brahmanda.1.5.109) nārāyaṇātparovyaktādaṇḍamavyaktasaṃjñitam / aṇḍajastu svayaṃ brahmā lokāstena kṛtāḥ svayam // ### [1.5.110](https://indike.org/pramana/in.purana.brahmanda.1.5.110) tatra kalpān daśasthitvā satyaṃ gacchanti te punaḥ / te lokā brahmalokaṃ vai aparāvartinīṃ gatim // ### [1.5.111](https://indike.org/pramana/in.purana.brahmanda.1.5.111) ādhipatyaṃ vinā te vai aiśvaryeṇa tu tatsamāḥ / bhavanti brahmaṇā tulyā rūpeṇa viṣayeṇa ca // ### [1.5.112](https://indike.org/pramana/in.purana.brahmanda.1.5.112) tatra te hyavatiṣṭhante prītiyuktāḥ svasaṃyutāḥ / avaśyaṃbhāvinārthena prākṛtaṃ tanute svayam // ### [1.5.113](https://indike.org/pramana/in.purana.brahmanda.1.5.113) nānātvanābhisaṃbadhyāstadā tatkālabhāvitāḥ / svapato 'buddhipūrva hi bodho bhavati vai yathā // ### [1.5.114](https://indike.org/pramana/in.purana.brahmanda.1.5.114) tatkālabhāvite teṣāṃ tathā jñānaṃ pravarttate / pratyāhāraistu bhedānāṃ teṣāṃ hi na tu śuṣmiṇām // ### [1.5.115](https://indike.org/pramana/in.purana.brahmanda.1.5.115) taiśva sārdhaṃ pravartante kāryāṇi kāraṇāni ca / nānātvadarśināṃ teṣāṃ brahmalokanivāsinām // ### [1.5.116](https://indike.org/pramana/in.purana.brahmanda.1.5.116) vinivṛttavikārāṇāṃ svena dharmeṇa tiṣṭhatām / tulyalakṣaṇa siddhāstu śubhātmāno nirañjanāḥ // ### [1.5.117](https://indike.org/pramana/in.purana.brahmanda.1.5.117) prākṛte karaṇopetāḥ svātmanyeva vyavasthitāḥ / prasthāpayitvā cātmānaṃ prakṛtistveṣa tattavataḥ // ### [1.5.118](https://indike.org/pramana/in.purana.brahmanda.1.5.118) puruṣānyabahutvena pratītā na pravartate / pravartate punaḥ sargasteṣāṃ sākāraṇātmanām // ### [1.5.119](https://indike.org/pramana/in.purana.brahmanda.1.5.119) saṃyogaḥ prakṛtirjñeyā yaktānāṃ tattvadarśinām / tatropavargiṇī teṣāmapunarbhāragāminām // ### [1.5.120](https://indike.org/pramana/in.purana.brahmanda.1.5.120) abhāvataḥ punaḥ satyaṃ śāntānāmarciṣāmiva / tatarateṣu gateṣūrddhaṃ trailokyāttu mudātmasu // ### [1.5.121](https://indike.org/pramana/in.purana.brahmanda.1.5.121) te sārddhaṃ cairmaharllokastadānāsāditastu vai / tacchiṣyā ye ha tiṣṭhanti kalpadāha upasthite // ### [1.5.122](https://indike.org/pramana/in.purana.brahmanda.1.5.122) gandharvādyāḥ piśācāścamānuṣā brahmaṇādayaḥ / paśavaḥ pakṣiṇaścaiva sthāvarāḥ sasarīsṛpāḥ // ### [1.5.123](https://indike.org/pramana/in.purana.brahmanda.1.5.123) tiṣṭhatsuteṣu tatkālaṃ pṛthivītalavasiṣu / sahasraṃyattu raśmīnāṃ sūryasyeha vinaśyati // ### [1.5.124](https://indike.org/pramana/in.purana.brahmanda.1.5.124) te sapta raśmayo bhūtvā ekaiko jāyate raviḥ / krameṇa śatamānāste trīṃllokānpradahantyuta // ### [1.5.125](https://indike.org/pramana/in.purana.brahmanda.1.5.125) jaṅgamānsthāvarāṃścaiva nadīḥ sarvāśca parvatān / śuṣke pūrvamanāvṛṣṭyā caistaiśacaiva pratāpitāḥ // ### [1.5.126](https://indike.org/pramana/in.purana.brahmanda.1.5.126) tadā te vivaśāḥ sarve nirdagdhāḥ sūryaraśmibhiḥ / jaṅgamāḥ sthāvarāścaiva dharmādharmādikāstu vai // ### [1.5.127](https://indike.org/pramana/in.purana.brahmanda.1.5.127) dagdhadehāstadā te tu dhūtapāpā yugātyaye / khyātātapā vinirmuktāḥ śubhayā cātibandhayā // ### [1.5.128](https://indike.org/pramana/in.purana.brahmanda.1.5.128) tataste hyupapadyante tulyarūpairjanairjanāḥ / uṣitvā rajanīṃ te ca brahmaṇo 'vyaktajanmanaḥ // ### [1.5.129](https://indike.org/pramana/in.purana.brahmanda.1.5.129) punaḥ sarge bhavantīha mānasyo brahmaṇaḥ prajāḥ / tatasteṣu prapanneṣu janaistrailokyavāsiṣu // ### [1.5.130](https://indike.org/pramana/in.purana.brahmanda.1.5.130) nirdagdheṣu ca lokeṣu tadā sūryaistu saptabhiḥ / vṛṣṭyā kṣitau plāvitāyāṃ vijaneṣvarṇaveṣu vā // ### [1.5.131](https://indike.org/pramana/in.purana.brahmanda.1.5.131) samudrāścaiva meghāśca āpaścaivātha pārthivāḥ / śaramāṇā vrajantyeva salilākhyāstathācalāḥ // ### [1.5.132](https://indike.org/pramana/in.purana.brahmanda.1.5.132) āgatāgatikaṃ caiva yadā tu salilaṃ bahu / saṃchādyemāṃ sthitāṃ bhūmimarṇavākhyaṃ tadābhavata // ### [1.5.133](https://indike.org/pramana/in.purana.brahmanda.1.5.133) ābhāti yasmāccābhāsādbhāśabdaḥ kāntidīptiṣu / sa sarvaḥ samanuprāptā māsāṃ bhābhyo vibhāvyate // ### [1.5.134](https://indike.org/pramana/in.purana.brahmanda.1.5.134) tadantastanute yasmātsarvāṃ pṛthvīṃ samatataḥ / dhātustanoti vistāraṃ tatopatanavaḥ smṛtāḥ // ### [1.5.135](https://indike.org/pramana/in.purana.brahmanda.1.5.135) śāra ityeva śīrṇe tu nānārtho dhātu rucyate / ekārṇave bhavantyāpo na śīrṇāstena tā narāḥ // ### [1.5.136](https://indike.org/pramana/in.purana.brahmanda.1.5.136) tasmin yugasahasrānte saṃsthite brahmaṇo 'hani / tāvatkālaṃ rajanyāṃ ca vartantyāṃ salilātmanaḥ // ### [1.5.137](https://indike.org/pramana/in.purana.brahmanda.1.5.137) tataste salile tasmin naṣṭāgnau pṛthivītale / praśāntavāte 'ndhakāre nirāloke samantataḥ // ### [1.5.138](https://indike.org/pramana/in.purana.brahmanda.1.5.138) yenaivādhiṣṭhitaṃ hīdaṃ brahmaṇaḥ puruṣaḥ prabhuḥ / vibhāgamasya lokasya prakartuṃ punaraicchata // ### [1.5.139](https://indike.org/pramana/in.purana.brahmanda.1.5.139) śāra ityeva śīrṇe tu nānārtho dhātu rucyate / ekarṇave tatastasminnaṣṭe sthāvara jaṅgame / tadā bhavati sa brahmā sahasrākṣaḥ sahasrapāt // ### [1.5.140](https://indike.org/pramana/in.purana.brahmanda.1.5.140) sahasraśīrṣā puruṣo rukmavarṇo hyatīndriyaḥ / brahmā nārāyaṇā khyastu suṣvāpa salile tadā // ### [1.5.141](https://indike.org/pramana/in.purana.brahmanda.1.5.141) sattvodrekātprabuddhastu sa śūnyaṃ lokamaikṣata / anenādyena pādena purāṇaṃ parikīrtitam // ### [1.5.141.p1](https://indike.org/pramana/in.purana.brahmanda.1.5.141.p1) iti śrībrahmāṇḍe mahāpurāṇe vāyuprokte pūrvabhāge prathame prakriyāpāde lokakalpanaṃ nāma pañcamo 'dhyāyaḥ ## Linked texts (11) - [Vāyupurāṇa](https://indike.org/pramana/in.purana.vayu.1.6.4) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.11.13.p32) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.6.3) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.5.10) — Sanskrit - [Mārkaṇḍeyapurāṇa](https://indike.org/pramana/in.purana.markandeya.47.11) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.65-3) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.22.33) — Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.2.36) — Ṭoḍaramalla 1564, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.6.p1) — Ativīrarāma Pāṇṭiyar, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.8.16) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.8.16) — Basava, Sanskrit --- Source: [https://indike.org/pramana/in.purana.brahmanda.1.5](https://indike.org/pramana/in.purana.brahmanda.1.5) · Pramāṇa