[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.6 # Brahmandapurana 1.6 Brahmāṇḍapurāṇa 1.6 - **Language:** Sanskrit ## Contents - [1.6.77](https://indike.org/pramana/in.purana.brahmanda.1.6.77) — 1 part ### [1.6.1](https://indike.org/pramana/in.purana.brahmanda.1.6.1) sūta uvāca ityevaṃ prathamaṃ pādaṃ prakṛtyarthaṃ prakīrtitam / śrutvā tu saṃhṛṣṭamanāḥ kāpeyaḥ saṃśayāyati // ### [1.6.2](https://indike.org/pramana/in.purana.brahmanda.1.6.2) ārādhya vacasā sūtaṃ tasyārtha tvaparāṃ kathām / atha prabṛti kalpajñaḥ pratisaṃdhiḥ pracakṣate // ### [1.6.3](https://indike.org/pramana/in.purana.brahmanda.1.6.3) samatītasya kalpasya vartamānasya cānayoḥ / kalpayorantaraṃ yatra pratisaṃdhiśca yastayoḥ / etadveditumicchāmi yathāvatkuśalo hyasi // ### [1.6.4](https://indike.org/pramana/in.purana.brahmanda.1.6.4) kāpeyenaivamuktastu sūtaḥ pravadatāṃ varaḥ / trailokyasyodbhavaṃ kṛtsnamākhyātumupacakrame // ### [1.6.5](https://indike.org/pramana/in.purana.brahmanda.1.6.5) sūta uvāca atra vai varṇayiṣyāmi yāthātathyena suvratāḥ / kalpaṃ bhūtaṃ bhaviṣyaṃ ca pratisaṃdhiśca yastayoḥ // ### [1.6.6](https://indike.org/pramana/in.purana.brahmanda.1.6.6) manvantarāṇi kalpeṣu yāni yāni ca suvratāḥ / yaścāyaṃ vartate kalpo vārāhaḥ sāṃprataḥ śubhaḥ // ### [1.6.7](https://indike.org/pramana/in.purana.brahmanda.1.6.7) asmātkalpāttu yaḥ pūrvaḥ kalpo 'tītaḥ sanātanaḥ / tasya cāsya ca kalpasya madhyāvasthāṃ nibodhata // ### [1.6.8](https://indike.org/pramana/in.purana.brahmanda.1.6.8) pratyāgate pūrvakalpe pratisaṃdhiṃ vinānaghāḥ / anyaḥ pravarttate kalpo janalokādayaḥ punaḥ // ### [1.6.9](https://indike.org/pramana/in.purana.brahmanda.1.6.9) vyucchinnapratisaṃdhistu kalpātkalpaḥ parasparam / vyucchidyante prajāḥ sarvāḥ kalpānte sarvaśastadā // ### [1.6.10](https://indike.org/pramana/in.purana.brahmanda.1.6.10) tasmātkalpāttu kalpasya pratisaṃdhirna vidyate / manvantare yugākhyānāmavicchinnāstu saṃdhayaḥ // ### [1.6.11](https://indike.org/pramana/in.purana.brahmanda.1.6.11) parasparāt pravartante manvantarayugaiḥ saha / uktā ye prakriyārthena pūrvakalpāḥ samāsataḥ // ### [1.6.12](https://indike.org/pramana/in.purana.brahmanda.1.6.12) teṣāṃ parārddhakalpānāṃ pūrve yasmāttu yaḥ paraḥ / āsītkalpe vyatīte vai pararddhātparamastu yaḥ // ### [1.6.13](https://indike.org/pramana/in.purana.brahmanda.1.6.13) kalpāstvanye bhaviṣyā ye hyaparārddhaguṇīkṛtāḥ / prathamaḥ sāṃpratasteṣāṃ kalpoṃ yo vartate dvijāḥ // ### [1.6.14](https://indike.org/pramana/in.purana.brahmanda.1.6.14) asminpūrve parārddhe tu dvitīyaḥ para ucyate / eṣa saṃsthitakālastu pratyāhārastataḥ smṛtaḥ // ### [1.6.15](https://indike.org/pramana/in.purana.brahmanda.1.6.15) asmātkalpāttataḥ pūrvaṃ kalpo 'tītaḥ purātanaḥ / caturyugasahasrati saha manvantaraiḥ purā // ### [1.6.16](https://indike.org/pramana/in.purana.brahmanda.1.6.16) kṣīṇe kalpe tatastasmin dāhakāla upasthite / tasminkāle tadā devā āsanvaimānikāstu ye // ### [1.6.17](https://indike.org/pramana/in.purana.brahmanda.1.6.17) nakṣatragrahatārāśca candrasūryādayastu te / aṣṭāviṃśatirevaitāḥ koṭyastu sukṛtātma nām // ### [1.6.18](https://indike.org/pramana/in.purana.brahmanda.1.6.18) manvantare yathaikasmin caturddaśasu vai tathā / trīṇi koṭiśatānyāsan koṭyo dvinavatistathā // ### [1.6.19](https://indike.org/pramana/in.purana.brahmanda.1.6.19) athādhikāsapta tiśca sahasrāṇāṃ purā smṛtā / ekaikasmiṃstu kalpe vai devā vaimānikāḥ smṛtāḥ // ### [1.6.20](https://indike.org/pramana/in.purana.brahmanda.1.6.20) atha manvantareṣvāsaṃścaturdaśasu khe divi / devāśca pitaraścaiva ṛṣayo 'mṛtapāstathā // ### [1.6.21](https://indike.org/pramana/in.purana.brahmanda.1.6.21) teṣāmanucarāścaiva patnyaḥ putrāstathaiva ca / varṇāśramātiriktāśca tasminkāle tu khe surāḥ // ### [1.6.22](https://indike.org/pramana/in.purana.brahmanda.1.6.22) taistaiḥ sāyujyagaiḥ sārddha prāpte vastumaye tadā / tulyaniṣṭhābhavansarve prāpte hyābhūtasaṃplave // ### [1.6.23](https://indike.org/pramana/in.purana.brahmanda.1.6.23) tataste 'vaśyabhāvitvādū buddhyāḥ paryā yamātmanaḥ / trailokyavāsino devā iha tānābhimāninaḥ // ### [1.6.24](https://indike.org/pramana/in.purana.brahmanda.1.6.24) sthitikāle tadā pūrṇe āsanne paścimottare / kalpāvasānikā devāsta sminaprāpte hyupaplave // ### [1.6.25](https://indike.org/pramana/in.purana.brahmanda.1.6.25) tadotsukā viṣādeṃna tyaktasthānāni bhāgaśaḥ / maharlokāya saṃvignāstataste dadhire manaḥ // ### [1.6.26](https://indike.org/pramana/in.purana.brahmanda.1.6.26) te yuktā nupapadyante mahatīṃ ca śarīrike / viśuddhibahulāḥ sarve mānasīṃ siddhimāsthitāḥ // ### [1.6.27](https://indike.org/pramana/in.purana.brahmanda.1.6.27) taiḥ kalpavāsibhiḥ sārddhaṃ mahānāsāditastadā / brāhmaṇaiḥ kṣatriyairvaiśyaistadbhavaiścāparairjanaiḥ // ### [1.6.28](https://indike.org/pramana/in.purana.brahmanda.1.6.28) gatvā tu te mahārlokaṃ devasaṃghāścaturddaśa / stataste janalokāya sodvegā dadhire manaḥ // ### [1.6.29](https://indike.org/pramana/in.purana.brahmanda.1.6.29) etena kramayogena yayuste kalpavāsinaḥ / evaṃ devayugānāṃ tu sahasrāṇi parasparam // ### [1.6.30](https://indike.org/pramana/in.purana.brahmanda.1.6.30) viśuddhibahulāḥ sarve mānasīṃ siddhimāsthitāḥ / taiḥ kalpavāsibhiḥ sārddhaṃ jana āsāditastu vai // ### [1.6.31](https://indike.org/pramana/in.purana.brahmanda.1.6.31) tatra kalpāndaśa sthitvā satyaṃ gacchanti vai punaḥ / gatvā te brahmalokaṃ vai aparāvarttinīṃ gatim // ### [1.6.32](https://indike.org/pramana/in.purana.brahmanda.1.6.32) ādhipatyaṃ vimāne vai aiśvaryeṇa tu tatsamāḥ / bhavanti brahmaṇā tulyā rūpeṇa viṣayeṇa ca // ### [1.6.33](https://indike.org/pramana/in.purana.brahmanda.1.6.33) tatra te hyavatiṣṭhanta prītiyuktāśca saṃyamān / ānandaṃ brahmaṇaḥ prāpya mucyante brahmaṇā saha // ### [1.6.34](https://indike.org/pramana/in.purana.brahmanda.1.6.34) avaśyabhāvinārthena prākṛtenaiva te svayam / mānārcanābhiḥ saṃbaddhāstadā tatkālabhāvitāḥ // ### [1.6.35](https://indike.org/pramana/in.purana.brahmanda.1.6.35) svapato buddhipūrvaṃ tu bodho bhavati vai yathā / tathātu bhāvite sevāṃ tathānandaḥ pravartate // ### [1.6.36](https://indike.org/pramana/in.purana.brahmanda.1.6.36) pratyāhāraistu bhodānāṃ yeṣāṃ bhinnāni śuṣmiṇām / taiḥ sārddha varddhate teṣāṃ kāryāṇi karaṇāni ca // ### [1.6.37](https://indike.org/pramana/in.purana.brahmanda.1.6.37) nānā tvadarśināṃ teṣāṃ brahmalokanivāsinām / vinivṛttādhikāraṇāṃ svena dharmeṇa tiṣṭhatām // ### [1.6.38](https://indike.org/pramana/in.purana.brahmanda.1.6.38) te tulyalakṣaṇāḥ siddhāḥ śuddhātmāno nirañjanāḥ / prākṛte karaṇopetāḥ svātmanyeva vyavasthitāḥ // ### [1.6.39](https://indike.org/pramana/in.purana.brahmanda.1.6.39) prakhyāpayitvā cātmānaṃ prakṛtistveṣa tattvataḥ / puruṣānyabahutvena pratītā tatpravartate // ### [1.6.40](https://indike.org/pramana/in.purana.brahmanda.1.6.40) pravartite punaḥ sarge teṣāṃ sākāraṇātmanām / saṃyoge prakṛtirjñaiyā muktānāṃ tattvadarśinām // ### [1.6.41](https://indike.org/pramana/in.purana.brahmanda.1.6.41) tatropavargiṇāṃ teṣāṃ na punarmārgagāminām / abhāvaḥ punarutpannaḥ śāntānāmarciṣāmiva // ### [1.6.42](https://indike.org/pramana/in.purana.brahmanda.1.6.42) tatasteṣu gateṣūrdhvaṃ trailokyeṣu mahātmasu / etaiḥ sārdhaṃ maharlokastadānāsāditastu vai // ### [1.6.43](https://indike.org/pramana/in.purana.brahmanda.1.6.43) tacchiṣyā vai bhaviṣyanti kalpadāha upasthite / gandharvādyāḥ piśācāśca mānuṣā brāhmaṇādayaḥ // ### [1.6.44](https://indike.org/pramana/in.purana.brahmanda.1.6.44) paśavaḥ pakṣiṇascaiva sthāvarāśca sarīsṛpāḥ / tiṣṭhatsu teṣu tatkālaṃ pṛthivītalavāsiṣu // ### [1.6.45](https://indike.org/pramana/in.purana.brahmanda.1.6.45) sahasraṃ yattu raśmīnāṃ svayameva vibhāvyate / tatsaptaraśmayo bhūtvā ekaiko jāyate raviḥ // ### [1.6.46](https://indike.org/pramana/in.purana.brahmanda.1.6.46) krameṇottiṣṭamānāste trīṃllokānpradahantyuta / jaṅgamāḥ sthāvarāścaivanadyaḥ sarve ca parvatāḥ // ### [1.6.47](https://indike.org/pramana/in.purana.brahmanda.1.6.47) śuṣkāḥ pūrvamanāvṛṣṭyā sūryyaiste ca pradhūpitāḥ / tadā tu vivaśāḥ sarve nirdagdhāḥ sūryaraśmi bhiḥ // ### [1.6.48](https://indike.org/pramana/in.purana.brahmanda.1.6.48) jaṅgamāḥ sthāvarāścaiva dharmādharmātmakāstu vai / dagdhadehāstadā te tu dhūtapāpāyugāntare // ### [1.6.49](https://indike.org/pramana/in.purana.brahmanda.1.6.49) khyātātapā vinirmuktāḥ śubhaya cātibandhayā / tataste hyupapadyante tulyarūpairjanairjanāḥ // ### [1.6.50](https://indike.org/pramana/in.purana.brahmanda.1.6.50) uṣitvā rajanīṃ tatra brahmaṇo 'vyaktajanmanaḥ / punaḥ sarge bhavantīha mānasā brahmaṇaḥ sutāḥ // ### [1.6.51](https://indike.org/pramana/in.purana.brahmanda.1.6.51) tatasteṣūpapanneṣu janaistrailokyavāsiṣu / nirdagdheṣu ca lokeṣu tadā sūryaistu saptabhiḥ // ### [1.6.52](https://indike.org/pramana/in.purana.brahmanda.1.6.52) vṛṣṭyā kṣitau plāvitāyāṃ vijaneṣvarṇaveṣu ca / sāmudrāścaiva meghāśca āpaḥ sarvāśca pārthivāḥ // ### [1.6.53](https://indike.org/pramana/in.purana.brahmanda.1.6.53) śaramāṇā vrajantyeva salilākhyāstathā nugāḥ / āgatāgatikaṃ caiva yadā tatsalilaṃ bahu // ### [1.6.54](https://indike.org/pramana/in.purana.brahmanda.1.6.54) saṃchādyemāṃ sthitāṃ bhamimarṇavākhyaṃ tadābhavat / ābhāti yasmāt svābhāso bhāśabdo vyāptidīptiṣu // ### [1.6.55](https://indike.org/pramana/in.purana.brahmanda.1.6.55) sarvataḥ samanuprāptyā tāsāṃ cāmbho vibhāvyate / tadantastanute yasmātsarvāṃ pṛthvīṃ samanta tataḥ // ### [1.6.56](https://indike.org/pramana/in.purana.brahmanda.1.6.56) dhātustanoti vistāre nacaitāstanavaḥ smṛtāḥ / śara ityeṣa śīrṇe tu nānārtho dhāturucyate // ### [1.6.57](https://indike.org/pramana/in.purana.brahmanda.1.6.57) ekārṇave bhavatyāpo na śīghrāstena te narāḥ / tasmin yugasahasrānte saṃsthite brahmaṇo 'hani // ### [1.6.58](https://indike.org/pramana/in.purana.brahmanda.1.6.58) tāvatkāle rajanyāṃ ca vartantyāṃ salilātmanā / tatastu salile tāsminnaṣṭāgnau pṛthavītale // ### [1.6.59](https://indike.org/pramana/in.purana.brahmanda.1.6.59) praśāntavāte 'ndhakāre nirāloke samantataḥ / etenādhiṣṭhitaṃ hīdaṃ brahmā sa puruṣaḥ prabhuḥ // ### [1.6.60](https://indike.org/pramana/in.purana.brahmanda.1.6.60) vibhāgamasya lokasya prakartuṃ punaraicchata / ekārṇave tadā tasminnaṣṭe sthāvarajaṅgame // ### [1.6.61](https://indike.org/pramana/in.purana.brahmanda.1.6.61) tadā bhavati sa brahmā sahasrākṣaḥ sahasrapāt / sahasraśīrṣā puruṣo rukmavarṇo jitendriyaḥ / imaṃ codāharantyatrar ślokaṃ nārāyaṇaṃ prati // ### [1.6.62](https://indike.org/pramana/in.purana.brahmanda.1.6.62) āpo nārāstattanava ityarthā nanuśuśruma / āpūryamāṇāstatrāste tena nārāyaṇaḥ smṛtaḥ // ### [1.6.63](https://indike.org/pramana/in.purana.brahmanda.1.6.63) sahasraśīrṣā sumanāḥ sahasrapāt sahasracakṣurvadanaḥ sahasrakṛt / sahasrabāhuḥ prathamaḥ prajāpatistrayīmayo 'yaṃ puruṣo nirucyate // ### [1.6.64](https://indike.org/pramana/in.purana.brahmanda.1.6.64) ādityavarṇo bhuvanasya goptā eko hyamūrtaḥ prathamastvaso virāṭ / hiraṇya garbhaḥ puruṣo mahātmā saṃpadyate vai manasaḥ parastāt // ### [1.6.65](https://indike.org/pramana/in.purana.brahmanda.1.6.65) kalpādau rajasodrikto brahmā bhūstvāsṛjatprabhuḥ / kalpānte tamasodriktaḥ kālo bhūtvāgrasatpunaḥ // ### [1.6.66](https://indike.org/pramana/in.purana.brahmanda.1.6.66) sa vai nārāyaṇo bhūtvā sattvodrikto jalāśaye / tridhā vibhajya cātmānaṃ trailokye saṃpravarttate // ### [1.6.67](https://indike.org/pramana/in.purana.brahmanda.1.6.67) sṛjati grasate caiva vīkṣyate ca tribhiḥ svayam / ekārṇave tadā tasminnaṣṭe sthāvarajaṅgame // ### [1.6.68](https://indike.org/pramana/in.purana.brahmanda.1.6.68) caturyugasahasrānte sarvataḥ sa jalāvṛte / brahmāṃ nārāyaṇākhyastu sa cakāśe bhave svayam // ### [1.6.69](https://indike.org/pramana/in.purana.brahmanda.1.6.69) caturvidhāḥ prajāḥ sarvā brahmaśaktyā tamovṛtāḥ / paśyanti taṃ maharloke kālaṃ suptaṃ maharṣayaḥ // ### [1.6.70](https://indike.org/pramana/in.purana.brahmanda.1.6.70) bhṛgvādayo yathoddiṣṭāstasmin kāle maharṣayaḥ / satyādayastathā tvaṣṭau kalpe līne maharṣayaḥ / tadā vivartyamānaistairmahatparigataṃ parām // ### [1.6.71](https://indike.org/pramana/in.purana.brahmanda.1.6.71) gatyarthādṛṣaterdhātornāmaniṣpattirucyate / yasmādṛṣatisattvena mahattasmānmaharṣayaḥ // ### [1.6.72](https://indike.org/pramana/in.purana.brahmanda.1.6.72) maharlokasthitairdṛṣṭaḥ kālaḥ suptastadā ca taiḥ / sattvādyāḥ sapta ye tvāsankalpe 'tīte maharṣayaḥ // ### [1.6.73](https://indike.org/pramana/in.purana.brahmanda.1.6.73) evaṃ brahmā tāsu tāsu rajanīṣu sahasraśaḥ / dṛṣṭavantastadānītāḥ kālaṃ suptaṃ maharṣayaḥ // ### [1.6.74](https://indike.org/pramana/in.purana.brahmanda.1.6.74) kalpasyādau subahulā yasmātsaṃsthāścaturddaśa / kalpayā māsa vai brahmā tasmātkalpo nirucyate // ### [1.6.75](https://indike.org/pramana/in.purana.brahmanda.1.6.75) sa sraṣṭā sarvabhūtānāṃ kalpādiṣu punaḥ punaḥ / vyaktāvyako mahādevastasya sarvamidaṃ jagat // ### [1.6.76](https://indike.org/pramana/in.purana.brahmanda.1.6.76) ityeṣa pratisaṃbandhaḥ kīrtitaḥ kalpayordvayoḥ / sāṃprataṃ hi tayormadhye prāgavasthā babhūva ha // ### [1.6.77](https://indike.org/pramana/in.purana.brahmanda.1.6.77) kīrtitastu samāsena pūrvakalpe yathātatham / sāṃprataṃ saṃpravakṣyāmi kalpametaṃ nibodhata // ### [1.6.77.p1](https://indike.org/pramana/in.purana.brahmanda.1.6.77.p1) iti śrībrahmāṇḍe mahāpurāṇe vāyuprokte pūrvabhāge dvitīye anuṣaṅgāpāde kalpamanvantarākhyānavarṇanaṃ nāma ṣaṣṭho 'dhyāyaḥ ## Linked texts (1) - [Vāyupurāṇa](https://indike.org/pramana/in.purana.vayu.1.7.6) — Vyāsa, Sanskrit --- Source: [https://indike.org/pramana/in.purana.brahmanda.1.6](https://indike.org/pramana/in.purana.brahmanda.1.6) · Pramāṇa