[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.7 # Brahmandapurana 1.7 Brahmāṇḍapurāṇa 1.7 - **Language:** Sanskrit ## Contents - [1.7.195](https://indike.org/pramana/in.purana.brahmanda.1.7.195) — 1 part ### [1.7.1](https://indike.org/pramana/in.purana.brahmanda.1.7.1) sūta uvāca tulyaṃ yugasahasraṃ vai naiśaṃ kālamupāsya saḥ / śarvaryaṃte prakurute brahmā tūtsargakāraṇāt // ### [1.7.2](https://indike.org/pramana/in.purana.brahmanda.1.7.2) brahmā tu salile tasmin vāyurbhūtvā tadācarat / andhakārārṇave tasminnaṣṭe sthāvarajaṃgame // ### [1.7.3](https://indike.org/pramana/in.purana.brahmanda.1.7.3) jalena samanuplāvya sarvataḥ pṛthivītale / pravibhāgena bhūteṣu satyamātre sthiteṣu vā // ### [1.7.4](https://indike.org/pramana/in.purana.brahmanda.1.7.4) niśayāmiva khadyotaḥ prāvṛṭ kāle tatastadā / tadā kāmena tarasāmanyāmānaḥsvayaṃ dhiyā // ### [1.7.5](https://indike.org/pramana/in.purana.brahmanda.1.7.5) sopyupāyaṃ pratiṣṭhāyāṃ mārgamāṇastadā bhuvam / tatastu salile tasmin jñātvā tvantargato mahīm // ### [1.7.6](https://indike.org/pramana/in.purana.brahmanda.1.7.6) andhamanyatamaṃ buddhā bhūmeruddharaṇakṣamaḥ / cakāra taṃ tu devo 'tha pūrvakalpādiṣu smṛtaḥ // ### [1.7.7](https://indike.org/pramana/in.purana.brahmanda.1.7.7) satyaṃ rūpaṃ varāhasya kṛtvābho 'nupraviśya ca / adbhiḥ saṃchāditāmicchan pṛthivīṃ sa prajāpatiḥ // ### [1.7.8](https://indike.org/pramana/in.purana.brahmanda.1.7.8) uddhṛtyorvīmatha nyastā sāpatyāṃtāmatinyasat / sāmudrāśca samudreṣu nādeyāśca nadīṣu ca // ### [1.7.9](https://indike.org/pramana/in.purana.brahmanda.1.7.9) pṛthaktāstu samīkṛtya pṛthivyāṃ so 'cinodgirīn / prāksarge dahyamāne tu purā saṃvarta kāgninā // ### [1.7.10](https://indike.org/pramana/in.purana.brahmanda.1.7.10) tenāgninā vilīnāste parvatā bhuvi sarvaśaḥ / śailyādekārṇave tasminvāyunā ye tu saṃhitāḥ // ### [1.7.11](https://indike.org/pramana/in.purana.brahmanda.1.7.11) niṣiktā yatra yatrāsaṃstatratatrācalo 'bhavat / skandhācalatvādacalāḥ parvabhiḥ parvatāḥ smṛtāḥ // ### [1.7.12](https://indike.org/pramana/in.purana.brahmanda.1.7.12) girayo hi nigīrṇatvādayanāttu śiloccayāḥ / tata stāvāsamuddhṛtya kṣitimaṃtarjalātprabhuḥ // ### [1.7.13](https://indike.org/pramana/in.purana.brahmanda.1.7.13) saptasapta tu varṣāṇi tasyā dvīpeṣu saptasu / viṣamāṇi samīkṛtya śilābhirabhito girīn // ### [1.7.14](https://indike.org/pramana/in.purana.brahmanda.1.7.14) dvīpeṣu teṣu varṣāṇi catvāriṃśattathaiva tu / tāvaṃtaḥ parvatāścaiva varṣāṃte samavasthitāḥ // ### [1.7.15](https://indike.org/pramana/in.purana.brahmanda.1.7.15) svargādau kāṃtiviṣṭāste svabhāvenaiva nānyathā / saptadvīpā samudrāśca anyonyasyānumaṃḍalam // ### [1.7.16](https://indike.org/pramana/in.purana.brahmanda.1.7.16) sanniviṣṭāḥ svabhāvena samāvṛtya parasparam / bhūrādyāścaturo lokāścaṃdrādityau grahaiḥ saha // ### [1.7.17](https://indike.org/pramana/in.purana.brahmanda.1.7.17) pūrvavannirmame brahmā sthāvarāṇīha sarvaśaḥ / kalpasya cāsya brahmā cāsṛjadyaḥ sthāninaḥ surān // ### [1.7.18](https://indike.org/pramana/in.purana.brahmanda.1.7.18) āpogniṃ pṛthivīṃ vāyumaṃtarikṣaṃ divaṃ tathā / svargaṃ diśaḥ samudrāṃśca nadīḥ sarvāṃstu parvatān // ### [1.7.19](https://indike.org/pramana/in.purana.brahmanda.1.7.19) oṣadhīnāmātmanaśca ātmano vṛkṣavīrudhām / lavakāṣṭhāḥ kalāścaiva muhurttānsaṃdhirātryahān // ### [1.7.20](https://indike.org/pramana/in.purana.brahmanda.1.7.20) arddhamāsāṃśca māsāṃśca ayanābdān yugāni ca / sthānābhimāninaścaiva sthānānica pṛthakpṛthak // ### [1.7.21](https://indike.org/pramana/in.purana.brahmanda.1.7.21) sthānātmanastu sṛṣṭvā ca yugāvasthā vinirmame / kṛtaṃ tretā dvāparaṃ ca tiṣyaṃ caiva tathā yugam // ### [1.7.22](https://indike.org/pramana/in.purana.brahmanda.1.7.22) kalpasyādau kṛtayuge prathamaṃ so 'sṛjatprajāḥ / prāguktāśca mayā tubhyaṃ pūrvve kalpe prajāstu tāḥ // ### [1.7.23](https://indike.org/pramana/in.purana.brahmanda.1.7.23) tasminsaṃvarta māne tu kalpe dagdhāstadagninā / aprāptāyāstapolokaṃ pṛthivyāṃ yāḥ samāsata // ### [1.7.24](https://indike.org/pramana/in.purana.brahmanda.1.7.24) āvartante punaḥ sarge vīkṣārthaṃ tā bhavanti hi / vīkṣyārthaṃ tāḥ sthitāstatra punaḥ sargasya kāraṇāt // ### [1.7.25](https://indike.org/pramana/in.purana.brahmanda.1.7.25) tatastāḥ sṛjyamānāstu santānārthaṃ bhavanti hi / dharmmārtha kāmamokṣāṇāmiha tāḥ sādhitāḥ smṛtāḥ // ### [1.7.26](https://indike.org/pramana/in.purana.brahmanda.1.7.26) devāśca pitaraścaiva kramaśo mānavāstathā / tataste tapasā yuktāḥ sthānānyāpūrayanpurā // ### [1.7.27](https://indike.org/pramana/in.purana.brahmanda.1.7.27) brāhmaṇo manavaste vai siddhātmāno bhavanti hi / āsaṃgadveṣayuktena karmaṇā te divaṃ gatāḥ // ### [1.7.28](https://indike.org/pramana/in.purana.brahmanda.1.7.28) āvartamānāste dehe saṃbhavanti yuge yuge / svakarmmaphalaśeṣeṇa khyātāścaiva tadātmakāḥ // ### [1.7.29](https://indike.org/pramana/in.purana.brahmanda.1.7.29) saṃbhavanti jane lokāḥ kalpāgamanibandhanāḥ / apsu yaḥ kāraṇaṃ teṣāṃ bodhayankarmmaṇā tu saḥ // ### [1.7.30](https://indike.org/pramana/in.purana.brahmanda.1.7.30) karmmabhistaistu jāyante janalokācchubhāśubhaiḥ / gṛhṇanti te śarīrāṇi nānārūpāṇi yoniṣu // ### [1.7.31](https://indike.org/pramana/in.purana.brahmanda.1.7.31) devādyāḥ sthāvarāṃtāstu āpadyante parasparam / teṣāṃ medhyāni karmmāṇi prāyaśaḥ pratipedire // ### [1.7.32](https://indike.org/pramana/in.purana.brahmanda.1.7.32) tasmādyannāṃmarūpāṇi tānyeva pratipedire / punaḥ punaste kalpeṣu jāyante nāmarūpeṇaḥ // ### [1.7.33](https://indike.org/pramana/in.purana.brahmanda.1.7.33) tataḥ sargo hyupasṛṣṭiṃ sisṛkṣorbrahmaṇastu vai / tāḥ prajā dhyāyatastasya satyābhidhyāyinastadā // ### [1.7.34](https://indike.org/pramana/in.purana.brahmanda.1.7.34) mithunānāṃ sahasraṃ tu mukhātsamabhavatkila / janāste hyupapadyante sattvodriktāḥ sutejasaḥ // ### [1.7.35](https://indike.org/pramana/in.purana.brahmanda.1.7.35) cakṣuṣo 'nyatsahasraṃ tu mithunānāṃ sasarjja ha / te sarve rajasodriktāḥ śuṣmiṇaścāpyamarṣiṇaḥ // ### [1.7.36](https://indike.org/pramana/in.purana.brahmanda.1.7.36) sahasramanyadasṛjad bāhūnāmasatāṃ punaḥ / rajastamobhyāsuddhiktā gṛhaśīlāstataḥ smṛtāḥ // ### [1.7.37](https://indike.org/pramana/in.purana.brahmanda.1.7.37) āyuṣoṃ'te prasūyaṃte mithunānyeva vāsakṛt / kūṭakākūṭakāścaiva utpadyaṃte mumūrṣuṇām // ### [1.7.38](https://indike.org/pramana/in.purana.brahmanda.1.7.38) kutaḥ kulamathotpādya tāḥ śarīrāṇi tatyajuḥ / tataḥ prabhṛti kalpe 'sminmaithunānāṃ ca saṃbhavaḥ // ### [1.7.39](https://indike.org/pramana/in.purana.brahmanda.1.7.39) dhyānena manasā tāsāṃ prajānāṃ jāyate kṛte / śabdādiviṣayaḥ śuddhaḥ pratyekaṃ pañcalakṣaṇam // ### [1.7.40](https://indike.org/pramana/in.purana.brahmanda.1.7.40) ityevaṃ mānasairbhāvaiḥ preṣṭhaṃ tiṣṭhaṃti cāprajāḥ / tathānvayāstu saṃbhūtā yairidaṃ pūritaṃ jagat // ### [1.7.41](https://indike.org/pramana/in.purana.brahmanda.1.7.41) saritsaraḥsamudrāṃśca sevaṃte parvatānapi / tadā tā hyalpasaṃtoṣāyuddhe tasmiṃścaraṃti vai // ### [1.7.42](https://indike.org/pramana/in.purana.brahmanda.1.7.42) pṛthvī rasavatī nāma āhāraṃ vyāharaṃti ca / tāḥ prajāḥ kāmacāriṇyo mānasīṃ siddhimicchataḥ // ### [1.7.43](https://indike.org/pramana/in.purana.brahmanda.1.7.43) tulyamāyuḥ sukhaṃ rūpaṃ tāsāmāsītkṛte yuge / dharmādharmauṃ tadā na staḥ kalpādau prathame yuge // ### [1.7.44](https://indike.org/pramana/in.purana.brahmanda.1.7.44) svenasvenādhi kāreṇa jajñire tu yugeyuge / catvāri tu sahasrāṇi varṣāṇāṃ divyasaṃkhyayā // ### [1.7.45](https://indike.org/pramana/in.purana.brahmanda.1.7.45) ādau kṛtayugaṃ prāhuḥ saṃdhyāṃśau ca catuḥśatau / tataḥ sahasraśastāstu prajāsu prathitāsviha // ### [1.7.46](https://indike.org/pramana/in.purana.brahmanda.1.7.46) na tāsāṃ pratighāto 'sti na dvaṃdvaṃ nāpi ca kramaḥ / parvatodadhivāsinyo hyaniketāśrayāstu tāḥ // ### [1.7.47](https://indike.org/pramana/in.purana.brahmanda.1.7.47) viśokāḥ sattvabahulā ekāṃtasukhinaḥ prajāḥ / tāśśaśvat kāmacariṇyo nityaṃ muditamānasāḥ // ### [1.7.48](https://indike.org/pramana/in.purana.brahmanda.1.7.48) paśavaḥ pakṣiṇaścaiva na tadāsansarīsṛpāḥ / nodvijā notkaṭāścaiva dharmasya prakriyā tu sā // ### [1.7.49](https://indike.org/pramana/in.purana.brahmanda.1.7.49) samūla phalapuṣpāṇi varttanāya tvaśeṣataḥ / sarvaikāntasukhaḥ kālo nātyarthaṃ hyuṣṇaśītalaḥ // ### [1.7.50](https://indike.org/pramana/in.purana.brahmanda.1.7.50) mano 'bhilaṣitaḥ kāma stāsāṃ sarvatra sarvadā / uttiṣṭhaṃti pṛthivyāṃ vai teṣāṃ dhyānai rasātalāt // ### [1.7.51](https://indike.org/pramana/in.purana.brahmanda.1.7.51) balavarṇakarī teṣāṃ jarārogapraṇāśinī / asaṃskāryaiḥ śarīraistu prajāstāḥ sthirayauvanāḥ // ### [1.7.52](https://indike.org/pramana/in.purana.brahmanda.1.7.52) tāsāṃ vinā tu saṃkalpājjāyaṃte sithunātprajāḥ / samaṃ janma ca rūpaṃ ca prīyaṃte caiva tāḥ samāḥ // ### [1.7.53](https://indike.org/pramana/in.purana.brahmanda.1.7.53) tadā satyamalobhaśca saṃtuṣṭiśca ca sukhaṃ damaḥ / nirviśeṣāśca tāḥ sarvā rūpāyuḥśilpaceṣṭitaiḥ // ### [1.7.54](https://indike.org/pramana/in.purana.brahmanda.1.7.54) abuddhipūrvikā pṛttiḥ prajānāṃ bhavati svayam / apravṛttiḥ kṛtadvāre karmaṇaḥ śubhapāpayoḥ // ### [1.7.55](https://indike.org/pramana/in.purana.brahmanda.1.7.55) varṇāśramavyavasthāśca na tadāsanna tatkarāḥ / anicchādveṣayuktāstā varttayanti parasparam // ### [1.7.56](https://indike.org/pramana/in.purana.brahmanda.1.7.56) tulyarūpāyuṣaḥ sarvā adhamottamavarjitāḥ / sukhaprāyā viśokāśca utpadyaṃte kṛte yuge // ### [1.7.57](https://indike.org/pramana/in.purana.brahmanda.1.7.57) lābhālābhau na vā syātāṃ mitrāmitrau priyāpriyau / manasā viṣayastāsāṃ nirīhāṇāṃ pravartate // ### [1.7.58](https://indike.org/pramana/in.purana.brahmanda.1.7.58) nāti hiṃsati vānyonyaṃ nānugṛṅṇaṃti vai tadā // ### [1.7.59](https://indike.org/pramana/in.purana.brahmanda.1.7.59) jñānaṃ paraṃ kṛtayuge tretāyāṃ yajña ucyate / pavṛttaṃ dvāpare yuddhaṃ steyameva kalau yuge // ### [1.7.60](https://indike.org/pramana/in.purana.brahmanda.1.7.60) sattvaṃ kṛtaṃ rajastretā dvāparaṃ tu rajastamaḥ / kalistamastu vijñeyaṃ guṇavṛttaṃ gumeṣu tat // ### [1.7.61](https://indike.org/pramana/in.purana.brahmanda.1.7.61) kālaḥ kṛtayuge tveṣa tasya sandhyāṃ nibodhata / catvāri tu sahasrāṇi varṣāṇāṃ tatkṛtaṃ yugam // ### [1.7.62](https://indike.org/pramana/in.purana.brahmanda.1.7.62) sādhyāṃśau tasya divyāni śatānyaṣṭau tu saṃkhyayā / catvāryaiva sahasrāṇi varṣāṇāṃ monuṣāṇi tu // ### [1.7.63](https://indike.org/pramana/in.purana.brahmanda.1.7.63) tadā tāsu bhavaṃtyāśu notkrośācca viparyayāḥ / tataḥ kṛtyuge tasmin sasaṃdhyāṃśe gate tadā // ### [1.7.64](https://indike.org/pramana/in.purana.brahmanda.1.7.64) pādāvaśiṣṭo bhavati yugadharmastu sarvaśaḥ / sandhyāyāstu vyatītāyāḥ sāṃdhyaḥ kālo yugasya saḥ // ### [1.7.65](https://indike.org/pramana/in.purana.brahmanda.1.7.65) pādamiśrāvaśiṣṭena saṃdhyādharme punaḥ punaḥ / evaṃ kṛtayuge tasminniśśeṣeṃtardadhe tadā // ### [1.7.66](https://indike.org/pramana/in.purana.brahmanda.1.7.66) tasyāṃ ca sandhau naṣṭāyāṃ mānasī cābhavatprajā / siddhiranyayuge tasmiṃstretākhye 'naṃtare kṛtāt // ### [1.7.67](https://indike.org/pramana/in.purana.brahmanda.1.7.67) sargādau yā mayāṣṭau tu mānasyo vai prakīrtitāḥ / aṣṭau tāḥ kramayogena siddhayo yāṃti saṃkṣayam // ### [1.7.68](https://indike.org/pramana/in.purana.brahmanda.1.7.68) kalpādau mānasī hyekā siddhirbhavati sā kṛte / manvaṃtareṣu sarveṣu caturyugavibhāgaśaḥ // ### [1.7.69](https://indike.org/pramana/in.purana.brahmanda.1.7.69) varṇāśramācārakṛtaḥ karmasiddhyudbhavaḥ kṛtaḥ / saṃdhyā kṛtasya pādena saṃkṣepeṇa vaśāttataḥ // ### [1.7.70](https://indike.org/pramana/in.purana.brahmanda.1.7.70) kṛtasaṃdhyāṃśakā hyete trīnādāya parasparam / hīyaṃte yugadharmāste tapaḥśrutabalāyuṣaḥ // ### [1.7.71](https://indike.org/pramana/in.purana.brahmanda.1.7.71) kṛte kṛtāśe 'tīte tu vabhūva tadanantaram / tretāyugasamutpattiḥ sāṃśā ca ṛṣisattamāḥ // ### [1.7.72](https://indike.org/pramana/in.purana.brahmanda.1.7.72) tasmin kṣīṇe kṛtāṃśe vai tāsu śiṣṭāsu saptasu / kalpādau saṃpravṛttāyāstretāyāḥ prasukhe tadā // ### [1.7.73](https://indike.org/pramana/in.purana.brahmanda.1.7.73) praṇaśyati tadā siddhiḥ kālayogena nānyathā / tasyāṃ siddhau pranaṣṭāyāmanyā siddhirajāyata // ### [1.7.74](https://indike.org/pramana/in.purana.brahmanda.1.7.74) apāṃśau tau pratigatau tadā meghātmānā tu vai / meghebhyaḥ stanayitṛbhyaḥ pravṛttaṃ pṛṣṭisarjanam // ### [1.7.75](https://indike.org/pramana/in.purana.brahmanda.1.7.75) sakṛdeva tayā vṛṣṭyā saṃsiddhe pṛṣivītale / prajā āsaṃstatastāsāṃ vṛkṣaśca gṛha saṃjñitāḥ // ### [1.7.76](https://indike.org/pramana/in.purana.brahmanda.1.7.76) sarvaḥ pratyupabhogastu tāsāṃ tebhyo vyajāyata / varttayaṃtesma tebhyastāstretāyugamukhe prajāḥ // ### [1.7.77](https://indike.org/pramana/in.purana.brahmanda.1.7.77) tataḥ kālena mahatā tāsāmeva viparyayāt / saṃgalolātmako bhāvastadā hyākasmiko 'bhavat // ### [1.7.78](https://indike.org/pramana/in.purana.brahmanda.1.7.78) yattadbhavati nārīṇāṃ jīvitāṃte tadārtavam / tadā tadvai na bhavati punaryugabalena tu // ### [1.7.79](https://indike.org/pramana/in.purana.brahmanda.1.7.79) tāsāṃ punaḥ pravṛttaṃ tanmāsimāsi tadārtavam / tatastenaiva yogena varttate maithunaṃ tadā // ### [1.7.80](https://indike.org/pramana/in.purana.brahmanda.1.7.80) teṣāṃ tatkā labhāvitvānmāsimāsyupagacchatām / akāle cārtavotpattyā garbhotpattistadābhavat // ### [1.7.81](https://indike.org/pramana/in.purana.brahmanda.1.7.81) viparyayeṇa teṣāṃ tu tena tatkāla bhāvitā / praṇaśyaṃti tataḥ sarve vṛkṣāste gṛhasaṃjñitāḥ // ### [1.7.82](https://indike.org/pramana/in.purana.brahmanda.1.7.82) tatasteṣu pranaṣṭeṣu vibhrāṃtā vyākulendriyāḥ / abhidhyāyaṃti tāḥ siddhiṃ satyābhidhyāyinastadā // ### [1.7.83](https://indike.org/pramana/in.purana.brahmanda.1.7.83) prādurbabhūvusteṣāṃ tu vṛkṣāste gṛhasaṃjñitāḥ / vastrāṇi ca prasūyaṃte phalānyābharaṇāni ca // ### [1.7.84](https://indike.org/pramana/in.purana.brahmanda.1.7.84) tathaiva jāyate teṣāṃ gandharvāṇāṃ rasānvitam / ānvīkṣikaṃ mahāvīryaṃ puṭake puṭake madhu // ### [1.7.85](https://indike.org/pramana/in.purana.brahmanda.1.7.85) tena tā varttayanti smamukhe tretāyugasya vai / tdṛṣṭapuṣṭāstayā siddhyā prajāstā vigatajvarāḥ // ### [1.7.86](https://indike.org/pramana/in.purana.brahmanda.1.7.86) tataḥ kālāṃtarepyevaṃ punarlobhāvṛtāḥ prajāḥ / vṛkṣāṃstāḥ paryagṛhṇaṃta madhu vā mākṣikaṃ balāt // ### [1.7.87](https://indike.org/pramana/in.purana.brahmanda.1.7.87) tāsāṃ tenāpacāreṇa punarlobhakṛtena vai / pranaṣṭā prabhuṇā sārddhaṃ kalpavṛkṣāḥ kvacitkvacit // ### [1.7.88](https://indike.org/pramana/in.purana.brahmanda.1.7.88) tasyāmevālpaśiṣṭāyāṃ siddhyāṃ kālavaśāttadā / varttaṃte cānayā tāsāṃ dvaṃdvānyatyutthitāni tu // ### [1.7.89](https://indike.org/pramana/in.purana.brahmanda.1.7.89) śītavātātapāstīvrāstatastā duḥkhitā bhṛśam / dvaṃdvaistaiḥ pīḍyamānāstu cukruśurāvṛṇāni vā // ### [1.7.90](https://indike.org/pramana/in.purana.brahmanda.1.7.90) kṛtvā dvandvapratīyātaṃ niketāni vicetasaḥ / pūrva nikāmacārāste hyaniketā yathābhavan // ### [1.7.91](https://indike.org/pramana/in.purana.brahmanda.1.7.91) yathāyogaṃ yathāprīti niketeṣvavasanpurā / madhudhunvatsu niṣṭheṣu parvateṣu nadīṣu ca // ### [1.7.92](https://indike.org/pramana/in.purana.brahmanda.1.7.92) saṃśrayaṃti ca durgāṇi dhanvapāvartamaudakam / yathājoṣaṃ yathākāmaṃ sameṣu viṣameṣu ca // ### [1.7.93](https://indike.org/pramana/in.purana.brahmanda.1.7.93) ārabdhāstānniketānvai kartuṃ śītoṣṇavāraṇāt / tatastānnirmayāmāsuḥ kheṭāni ca purāṇi ca // ### [1.7.94](https://indike.org/pramana/in.purana.brahmanda.1.7.94) grāmāṃścaiva yathābhāgaṃ tathaiva nagarāṇi ca / teṣāmāyāmaviṣkaṃbhāḥ sanniveśāṃtarāṇi ca // ### [1.7.95](https://indike.org/pramana/in.purana.brahmanda.1.7.95) cakrustadā yathājñānaṃ mītvāmītvātmanogulaiḥ / mānārthāni pramāṇāni tadā prabhṛti cakrire // ### [1.7.96](https://indike.org/pramana/in.purana.brahmanda.1.7.96) yayāṃgulapradeśāṃstrīnhastaḥ kiṣkuṃ dhanūṃṣi ca / daśa tvaṃgulaparvāṇi prādeśa iti saṃjñitaḥ // ### [1.7.97](https://indike.org/pramana/in.purana.brahmanda.1.7.97) aṃguṣṭhasya pradeśinyā vyāsaprādeśa ucyate / tālaḥ smṛto madhyamayā gokarṇaścāpyanāmayā // ### [1.7.98](https://indike.org/pramana/in.purana.brahmanda.1.7.98) kaniṣṭhayā vitastistu dvādaśāṃgula ucyate / ratniraṃgulaparvāṇi saṃkhyayā tvekaviśatiḥ // ### [1.7.99](https://indike.org/pramana/in.purana.brahmanda.1.7.99) catvāri viṃśatiścaiva hastaḥ syādaṃgulāni tu / kiṣkuḥ smṛto dviratnistu dvicatvāriṃśadaṃgulaḥ // ### [1.7.100](https://indike.org/pramana/in.purana.brahmanda.1.7.100) caturhasto dhanurddaṃḍo nālikā yugameva ca / dhanuḥsahastre dve tatra gavyūtistauḥ kṛtā tadā // ### [1.7.101](https://indike.org/pramana/in.purana.brahmanda.1.7.101) aṣṭau dhanuḥsahasrāṇi yojanaṃ tairvibhāvitam / etena yojaneneha sanniveśāstataḥ kṛtāḥ // ### [1.7.102](https://indike.org/pramana/in.purana.brahmanda.1.7.102) caturṇāmatha durgāṇāṃ svayamutthāni trīṇi ca / caturtha kṛtimaṃ duga tasya vakṣyāmi nirṇayam // ### [1.7.103](https://indike.org/pramana/in.purana.brahmanda.1.7.103) sotsedharaṃdhraprākāraṃ sarvataḥ khātakāvṛtam / rucakaḥ pratikadvāraṃ kumārīpurameva ca // ### [1.7.104](https://indike.org/pramana/in.purana.brahmanda.1.7.104) dvihastaḥ srotasāṃ śreṣṭhaṃ kumārīpuramañcatān / hastasroto daśaśreṣṭho navahastoṣṭa eva ca // ### [1.7.105](https://indike.org/pramana/in.purana.brahmanda.1.7.105) kheṭānāṃ ca purāṇāṃ ca grāmāṇāṃ caiva sarvaśaḥ / trividhānāṃ ca durgāṇāṃ parvatodakadhanvinām // ### [1.7.106](https://indike.org/pramana/in.purana.brahmanda.1.7.106) kṛtrimāṇāṃ ca durgāṇāṃ viṣkambhāyāmameva ca / yojanādarddhaviṣkambhamaṣṭabhāgādhikāyatam // ### [1.7.107](https://indike.org/pramana/in.purana.brahmanda.1.7.107) paramārddhārddhamāyāmaṃ prāgudakplavanaṃ puram / chinnakarṇavikarṇaṃ ca vyajanākṛtisaṃsthitam // ### [1.7.108](https://indike.org/pramana/in.purana.brahmanda.1.7.108) vṛttaṃ vajraṃ ca dīrgha ca nagaraṃ na praśasyate / caturasrayutaṃ divyaṃ praśastaṃ taiḥ puraṃ kṛtam // ### [1.7.109](https://indike.org/pramana/in.purana.brahmanda.1.7.109) caturviṃśatparaṃ hrasvaṃ vāstu vāṣṭaśataṃ param / atra madhyaṃ praśaṃsaṃti hrasvaṃ kāṣṭhavivarjjitam // ### [1.7.110](https://indike.org/pramana/in.purana.brahmanda.1.7.110) atha kiṣkuśatānyaṣṭau prāhurmukhyaṃ niveśanam / nagarādarddhaviṣakaṃbhaḥ kheṭaṃ pānaṃ tadūrddhataḥ // ### [1.7.111](https://indike.org/pramana/in.purana.brahmanda.1.7.111) nagarādyojanaṃ kheṭaṃ kheṭādgāmorddhayojanam / dvikrośaḥ paramā sīmā kṣetrasīmā caturddhanuḥ // ### [1.7.112](https://indike.org/pramana/in.purana.brahmanda.1.7.112) viṃśaddhanūṃṣi vistīrṇo diśāṃ mārgastu taiḥ kṛtaḥ / viṃśaddhanurgrāmamārgaḥ sīmāmārgo daśaiva tu // ### [1.7.113](https://indike.org/pramana/in.purana.brahmanda.1.7.113) dhanūṃṣi daśa vistīrṇaḥ śrīmān rājapathaḥ kṛtaḥ / nṛvājirathanāgānāmasaṃbādhastu saṃcaraḥ // ### [1.7.114](https://indike.org/pramana/in.purana.brahmanda.1.7.114) dhanūṃṣi cāpi catvāri śākhārathyāśca tairmitāḥ / trikā rathyoparathyāḥ syurdvikā ścāpyuparatyakāḥ // ### [1.7.115](https://indike.org/pramana/in.purana.brahmanda.1.7.115) jaṃghāpathaścatuṣpādastripadaṃ ca gṛhāṃtaram / dhṛtimārgastūrddhaṣaṣṭhaṃ kramaśaḥ padikaḥ smṛtaḥ // ### [1.7.116](https://indike.org/pramana/in.purana.brahmanda.1.7.116) avaskāraparīvāraḥ pādamātraṃ samaṃtataḥ / kṛteṣu teṣu sthāneṣu punargehagṛhāṇi vai // ### [1.7.117](https://indike.org/pramana/in.purana.brahmanda.1.7.117) yathā te pūrvamāsaṃśca vṛkṣāstu gṛha saṃsthitāḥ / tathā kartuṃ samārabdhāściṃtayitvā punaḥ punaḥ // ### [1.7.118](https://indike.org/pramana/in.purana.brahmanda.1.7.118) vṛkṣasyārvāggatāḥ śākhā itaścaivāparā gatāḥ / ata ūrddha gatāścānyā evaṃ tiryaggatāḥ parā // ### [1.7.119](https://indike.org/pramana/in.purana.brahmanda.1.7.119) buddhyānviṣya yathānyāyaṃ vṛkṣaśākhā gatā yathā / yathā kṛtāstu taiḥ śākhāsta smācchālāstu tāḥ smṛtāḥ // ### [1.7.120](https://indike.org/pramana/in.purana.brahmanda.1.7.120) evaṃ prasiddhāḥ śākhābhyaḥ śāloścaiva gṛhāṇi ca / tasmāttāśca smṛtāḥ śālāḥ śālātvaṃ tāsu tatsmṛtam // ### [1.7.121](https://indike.org/pramana/in.purana.brahmanda.1.7.121) prasīdaṃti yatasteṣu tataḥ prāsādasaṃjñitaḥ / tasmād gṛhāṇi śālāśca prāsādāścaiva saṃjñitā // ### [1.7.122](https://indike.org/pramana/in.purana.brahmanda.1.7.122) kṛtvā dvaṃdvābhighātāstāntvārtopāyamaciṃtayān / naṣṭeṣu madhunā sārddhaṃ kalpavṛkṣeṣu vai tadā // ### [1.7.123](https://indike.org/pramana/in.purana.brahmanda.1.7.123) viṣādavyākulāstā vai prajāḥ sṛṣṭāstu darśitāḥ / tataḥ prādurbabhau tāsāṃ siddhistretāyuge tadā // ### [1.7.124](https://indike.org/pramana/in.purana.brahmanda.1.7.124) sarvārthasādhakā hyanyā vṛṣṭistāsāṃ nikāmataḥ / tāsāṃ vṛṣṭyudakānīha yāni miṣṭagatāni ca // ### [1.7.125](https://indike.org/pramana/in.purana.brahmanda.1.7.125) evaṃ nayaḥ pravṛttastu dvitīye vṛṣṭisarjane / ye parastādapāṃ stokāḥ saṃpātāḥ puthivītale // ### [1.7.126](https://indike.org/pramana/in.purana.brahmanda.1.7.126) apāṃ bhūmestu saṃyogādoṣadhyastāstadābhavan / puṣpamūlaphalinyastu oṣadhyastā hi jajñire // ### [1.7.127](https://indike.org/pramana/in.purana.brahmanda.1.7.127) aphālakṛṣṭāścānuptā grābhyāramyāścaturddaśa / ṛtupuṣpaphalāścaiva vṛkṣā gulmāśca jajñire // ### [1.7.128](https://indike.org/pramana/in.purana.brahmanda.1.7.128) prādurbhūtāstu tretāyāṃ māyāyāmauṣadhasya vā / tadauṣadhena vartaṃte prajāstretā mukhe tadā // ### [1.7.129](https://indike.org/pramana/in.purana.brahmanda.1.7.129) tataḥ punarabhūttāsāṃ rāgo lobhastu sarvadā / avaśyabhāvinārthena tretāyugavaśena ca // ### [1.7.130](https://indike.org/pramana/in.purana.brahmanda.1.7.130) tataste paryagṛhṇaṃstu nadīkṣetrāṇi parvatān / vṛkṣagulmauṣadhīścaiva prasahya tu yathābalam // ### [1.7.131](https://indike.org/pramana/in.purana.brahmanda.1.7.131) siddhātmānastu ye pūrvaṃ vyākhyātā vaḥ kṛte mayā / brahmaṇo mānasāste vai utpannā ye janādiha // ### [1.7.132](https://indike.org/pramana/in.purana.brahmanda.1.7.132) śāṃtā ye śuṣmiṇaścaiva karmiṇo duḥkhitāstathā / tata āvarttamānāste tretāyāṃ jajñire punaḥ // ### [1.7.133](https://indike.org/pramana/in.purana.brahmanda.1.7.133) brāhmaṇāḥ kṣatriyā vaiśyāḥśūdrā drohajanāstathā / bhāvitāḥ pūrvajātīṣu khyātyā te śubhapāpayoḥ // ### [1.7.134](https://indike.org/pramana/in.purana.brahmanda.1.7.134) tataste prabalā ye tu satyaśīlā ahiṃsakāḥ / vītalobhā jitātmāno nivasaṃti smṛteṣu vai // ### [1.7.135](https://indike.org/pramana/in.purana.brahmanda.1.7.135) parigrahaṃ na kurvaṃti vadaṃtastu upasthitāḥ / teṣāṃ karmāṇi kurvaṃti tebhyaścaivābalāśca ye // ### [1.7.136](https://indike.org/pramana/in.purana.brahmanda.1.7.136) paricaryāsu varttante tebhyaścānye 'lpatejasaḥ / evaṃ vipratipanneṣu prapanneṣu parasparam // ### [1.7.137](https://indike.org/pramana/in.purana.brahmanda.1.7.137) tena doṣeṇa vai śāṃtā oṣadhyo nitarāṃ tadā / pranaṣṭā gṛhyamāṇā vai muṣṭibhyāṃ sikatā yathā // ### [1.7.138](https://indike.org/pramana/in.purana.brahmanda.1.7.138) athāsya tu yugabalādgāmyāraṇyāścaturddaśa / phalairgṛhṇaṃti puṣpaiśca tathā mūlaiśca tāḥ punaḥ // ### [1.7.139](https://indike.org/pramana/in.purana.brahmanda.1.7.139) tatastāsu pranaṣṭāsu vibhrāṃtāstāḥ prajāstadā / kṣudhāviṣṭāstadā sarvā jagmustā vai svayambhuvam // ### [1.7.140](https://indike.org/pramana/in.purana.brahmanda.1.7.140) vṛttyarthamabhilipsaṃtyo hyādau tretāyugasya tāḥ / brahmā svayaṃbhūrbhagavān jñātvā tāsāṃ manīṣitam // ### [1.7.141](https://indike.org/pramana/in.purana.brahmanda.1.7.141) puṣṭipratyakṣadṛṣṭena darśanena vicārya saḥ / grastāḥ pṛthivyā tvoṣadhyo jñātvā pratyarūhatpunaḥ // ### [1.7.142](https://indike.org/pramana/in.purana.brahmanda.1.7.142) kṛtvā vatsaṃ sameruṃ tu dudoha pṛthivīmimām / dugdheyaṃ gaustadā tena bījāni vasudhātale // ### [1.7.143](https://indike.org/pramana/in.purana.brahmanda.1.7.143) jajñire tāni bījāni grāmāraṇyāstu tāḥ prabhuḥ / oṣadhyaḥ phalapākātāḥ kṣaṇasaptavaśāstu tāḥ // ### [1.7.144](https://indike.org/pramana/in.purana.brahmanda.1.7.144) vrīhayaśca yavāścaiva godhūmāścaṇakāstilāḥ / priyaṃgava udārāste koraduṣṭāḥ savāmakāḥ // ### [1.7.145](https://indike.org/pramana/in.purana.brahmanda.1.7.145) māṣā mudgā masūrāstu nīvārāḥ sakulatthakāḥ / harikāścarakāścaiva gamaḥ saptadaśa smṛtāḥ // ### [1.7.146](https://indike.org/pramana/in.purana.brahmanda.1.7.146) ityetā oṣadhīnāṃ tu grāmyāṇāṃ jātayaḥ smṛtāḥ / śyāmākāścaiva nīvārā jartilāḥ sagavedhukāḥ // ### [1.7.147](https://indike.org/pramana/in.purana.brahmanda.1.7.147) kuruviṃdo veṇuyavāstā mātīrkāṭakāḥ smṛtāḥ / grāmāraṇyāḥ smṛtā hyetā oṣadhyastu caturdaśa // ### [1.7.148](https://indike.org/pramana/in.purana.brahmanda.1.7.148) utpannāḥ prathamasyaitā ādau tretāyugasya ha / aphālakṛṣṭāstāḥ sarvā grāmyāraṇyaścaturddaśa // ### [1.7.149](https://indike.org/pramana/in.purana.brahmanda.1.7.149) vṛkṣagulmalatāvallyo vīrudhastṛṇajātayaḥ / mūlaiḥ phalaiśca rohaiścagṛhṇanpuṣṭāśca yatphalam // ### [1.7.150](https://indike.org/pramana/in.purana.brahmanda.1.7.150) pṛthvī dugdhā tu bījāni yāni pūrvaṃ svayaṃbhuvā / ṛtupuṣpaphalāstā vai oṣadhyo jajñire tviha // ### [1.7.151](https://indike.org/pramana/in.purana.brahmanda.1.7.151) yadā prasṛṣṭā oṣadhyo na prathaṃtīha yāḥ punaḥ / tatastāsāṃ ca pṛttyarthai vārtopāyaṃ cakāra ha // ### [1.7.152](https://indike.org/pramana/in.purana.brahmanda.1.7.152) tāsāṃ svayaṃbhūrbhagavān hastasiddhiṃ svakarmajām / tataḥ prabhṛti cauṣadhyaḥ kṛṣṭapacyāstu jajñire // ### [1.7.153](https://indike.org/pramana/in.purana.brahmanda.1.7.153) saṃsiddhakāyo vārtāyāṃ tatastāsāṃ prajāpatiḥ / maryādāṃ sthāpayāmāsa yayārakṣatparasparam // ### [1.7.154](https://indike.org/pramana/in.purana.brahmanda.1.7.154) ye vai parigrahītārastāsāmāsanbalīyasaḥ / itareṣāṃ kṛtatrāṇān sthāpayāmāsa kṣatriyān // ### [1.7.155](https://indike.org/pramana/in.purana.brahmanda.1.7.155) upatiṣṭhaṃti tāvaṃto yāvanto nirmitāstathā / satyaṃ būta yathābhūtaṃ dhruvaṃ vo brahmaṇāstu tāḥ // ### [1.7.156](https://indike.org/pramana/in.purana.brahmanda.1.7.156) ye cānye hyabalāsteṣāṃ saṃrakṣākarmmaṇi sthitāḥ / krītāni nāśayaṃti sma pṛthivyāṃ te vyavasthitāḥ // ### [1.7.157](https://indike.org/pramana/in.purana.brahmanda.1.7.157) vaiśyānityeva tānāhuḥ kīnāśānvṛttisādhakān / sevaṃtaśca dravaṃtaśca paricaryāsu ye ratāḥ // ### [1.7.158](https://indike.org/pramana/in.purana.brahmanda.1.7.158) nistejaso 'lpavīryāśca śūdrāṃstānabravīcca saḥ / teṣāṃ karmāṇi dharmāṃśca brahmā tu vyadadhātprabhuḥ // ### [1.7.159](https://indike.org/pramana/in.purana.brahmanda.1.7.159) saṃsthityāṃ tu kṛtāyāṃ hi yāturvarṇyasya tena vai / punaḥ prajāstu tā mohāddharmmaṃ taṃ nānvapālayan // ### [1.7.160](https://indike.org/pramana/in.purana.brahmanda.1.7.160) varṇadharmaiśca jīvaṃtyo vyaruddhyaṃta parasparam / brahmā buddhā tu tatsarvaṃ yāthātathyena sa prabhuḥ // ### [1.7.161](https://indike.org/pramana/in.purana.brahmanda.1.7.161) kṣatriyāṇāṃ balaṃ daṃḍaṃ yuddhamājīvyamādiśat / yājanādhyāpane brahmā tathā dānapratigraham // ### [1.7.162](https://indike.org/pramana/in.purana.brahmanda.1.7.162) brāhmaṇānāṃ vibhusteṣāṃ karmāṇyetā nyathādiśat / pāśupālyaṃ ca vāṇijyaṃ kṛṣiṃ caiva viśāṃ dadau // ### [1.7.163](https://indike.org/pramana/in.purana.brahmanda.1.7.163) śilpājīvabhṛtāṃ caiva śūdrāṇāṃ vyadadhātpunaḥ / sāmānyāni ca karmāṇi brahmakṣatraviśāṃ punaḥ // ### [1.7.164](https://indike.org/pramana/in.purana.brahmanda.1.7.164) yajanādhyāpane dānaṃ sāmānyānītareṣu ca / karmājīvaṃ tu vai dattvā teṣāmiha parasparam // ### [1.7.165](https://indike.org/pramana/in.purana.brahmanda.1.7.165) teṣāṃ lokāṃtare mūrdhni sthānāni vidadhe punaḥ / prājāpatyaṃ dvijātīnāṃ smṛtaṃ sthānaṃ kriyāvatām // ### [1.7.166](https://indike.org/pramana/in.purana.brahmanda.1.7.166) sthānamaidraṃ kṣatriyāṇāṃ saṃgrāmeṣvapalāyinām / vaiśyānāṃ mārutaṃ sthānaṃ svasvakarmopajīvinām // ### [1.7.167](https://indike.org/pramana/in.purana.brahmanda.1.7.167) gāṃdharvaṃ śūdrajātīnāṃ paricarye ca tiṣṭhatām / sthānānyetāni varṇānāṃ yogyācāravatāṃ satām // ### [1.7.168](https://indike.org/pramana/in.purana.brahmanda.1.7.168) saṃsthityāṃ sukṛtāyāṃ vai cāturvarṇyasya tasya tat / varṇāstu daṃḍabhayataḥ svesve varṇye vyavasthitāḥ / tataḥ sthiteṣu varṇeṣu sthāpayāmāsa hyāśramān // ### [1.7.169](https://indike.org/pramana/in.purana.brahmanda.1.7.169) gṛhastho brahmacārī ca vānaprastho yatistathā / āśramāścaturo hyetānpūrvavatsthāpayanprabhuḥ // ### [1.7.170](https://indike.org/pramana/in.purana.brahmanda.1.7.170) varṇakarmāṇi ye kecitteṣāmiha caturbhavaḥ / kṛtakarmma kṛtāvāsā āśramādupabhuñjate // ### [1.7.171](https://indike.org/pramana/in.purana.brahmanda.1.7.171) brahmā tānsthāpayāmāsa āśramān bhrāmatāmataḥ / nirddideśa tatasteṣāṃ brahmā dharmānprabhā ṣate // ### [1.7.172](https://indike.org/pramana/in.purana.brahmanda.1.7.172) prasthānāni tu teṣāṃ ca yamānsaniyamāṃstathā / caturvarṇātmakaḥ pūrvaṃ gṛhasthasyāśramaḥ sthitaḥ // ### [1.7.173](https://indike.org/pramana/in.purana.brahmanda.1.7.173) trayāṇā māśramāṇāṃ ca vṛttiyonīti caiva hi / yathākramaṃ ca vakṣyāmi vrataiśca niyamaistathā // ### [1.7.174](https://indike.org/pramana/in.purana.brahmanda.1.7.174) dārāgnayaścātithaya iṣṭāḥ śrāddhakriyāḥ prajāḥ / ityeṣa vai gṛhasthasya samāsāddharmasaṃgrahaḥ // ### [1.7.175](https://indike.org/pramana/in.purana.brahmanda.1.7.175) ḍhaṃḍī ca mekhalī caiva adhaḥśāyī tathājinī / guruśuśrūṣaṇaṃ bhaikṣyaṃvidyārthī brahmacāriṇaḥ // ### [1.7.176](https://indike.org/pramana/in.purana.brahmanda.1.7.176) cīrapatrājināni syurvanamūlaphalauṣadhaiḥ / ubhe saṃdhye vagāhaśca homaścāraṇyavāsinām // ### [1.7.177](https://indike.org/pramana/in.purana.brahmanda.1.7.177) vipannamusale bhaikṣyamāsteyaṃ śaucameva ca / apramādo 'vyavāyaśca dayā bhūteṣu ca kṣamā // ### [1.7.178](https://indike.org/pramana/in.purana.brahmanda.1.7.178) śravaṇaṃ guruśuśrūṣā satyaṃ ca daśamaṃ smṛtam / daśalakṣaṇako hyeṣa dharmaḥ proktaḥ svayaṃbhūvā // ### [1.7.179](https://indike.org/pramana/in.purana.brahmanda.1.7.179) bhikṣorvratāni paṃcātra bhaikṣyavedavratāni ca / teṣāṃ sthānānyaśuṣmiṃ ca saṃsthitānā macaṣṭa saḥ // ### [1.7.180](https://indike.org/pramana/in.purana.brahmanda.1.7.180) aṣṭāśītisahasrāṇi ṛṣīṇāmūrdhvaretasām / smṛtaṃ teṣāṃ tu yat sthānaṃ tadeva guruvāsinām // ### [1.7.181](https://indike.org/pramana/in.purana.brahmanda.1.7.181) saptarṣīṇā tu yatsthānaṃ smṛtaṃ tadvai vanaukasām / prājāpatyaṃ gṛhasthānāṃ nyāsināṃ brahmaṇaḥkṣayam // ### [1.7.182](https://indike.org/pramana/in.purana.brahmanda.1.7.182) yogināmakṛtaṃ sthānaṃ tānājitbā na vidyate / sthānānyāśramiṇastāni brahmasthānasthitāni tu // ### [1.7.183](https://indike.org/pramana/in.purana.brahmanda.1.7.183) catvāra eva paṃthāno devayānāni nirmitāḥ / paṃthānaḥ pitṛyānāstu samṛtāścatvāra eva te // ### [1.7.184](https://indike.org/pramana/in.purana.brahmanda.1.7.184) brahmaṇāṃ lokatantreṇa ādye manvantare purā / paṃthāno devayānā ye teṣāṃ dvāraṃ raṃviḥ smṛtaḥ / tathaiva pitṛyānānāṃ candramā dvāramucyate // ### [1.7.185](https://indike.org/pramana/in.purana.brahmanda.1.7.185) evaṃ varṇāśramāṇāṃ ca pravibhāge kṛte tadā / yadā prajā nā varddhaṃta varṇadharmasamāsikāḥ // ### [1.7.186](https://indike.org/pramana/in.purana.brahmanda.1.7.186) tato 'nyāṃ mānasīṃ svāṃ vai tretāmadhye 'sṛjatprajāḥ / ātmanastu śarīrebhyastulyāścaivātmanā tu tāḥ // ### [1.7.187](https://indike.org/pramana/in.purana.brahmanda.1.7.187) tasmistretāyuge tvādye madhyaṃ prāpte krameṇa tu / tato 'nyāṃ mānasīṃ so 'tha prajāḥ sraṣṭuṃ pracakrame // ### [1.7.188](https://indike.org/pramana/in.purana.brahmanda.1.7.188) tataḥ sattvarajodriktāḥ prajāḥ sahyasṛjatprabhuḥ / dharmārthakāmamokṣāṇāṃ vārttānāṃ sādhakāśca yāḥ // ### [1.7.189](https://indike.org/pramana/in.purana.brahmanda.1.7.189) devāśca pitaraścaiva ṛṣayo manavastathā / yugānurūpā dharmeṇa yairimā varddhitāḥ prajāḥ // ### [1.7.190](https://indike.org/pramana/in.purana.brahmanda.1.7.190) upasthite tadā tasmin sṛṣṭivarge svayaṃbhuvaḥ / abhidhyāya prajā brahmā nānāvīryāḥ svamānasīḥ // ### [1.7.191](https://indike.org/pramana/in.purana.brahmanda.1.7.191) pūrvoktā yā mayā tubhyaṃ janānīkaṃ samāśritāḥ / kalpe 'tīte purāṇyāsīddevādyāstu prajā iha // ### [1.7.192](https://indike.org/pramana/in.purana.brahmanda.1.7.192) dhyāyatastasya tānīha saṃbhūtyarthamupastitāḥ / manvaṃtarakrameṇeha kaniṣṭhāḥ prathamena tāḥ // ### [1.7.193](https://indike.org/pramana/in.purana.brahmanda.1.7.193) khyātāstu vaṃśyairetaistu pūrvaṃ yairiha bhāvitāḥ / kuśalākuśalaiḥ kaṃdairakṣīṇaistaistadā yutāḥ // ### [1.7.194](https://indike.org/pramana/in.purana.brahmanda.1.7.194) tatkarmaphaladoṣeṇa hyupabādhāḥ prajajñire / devāsurapitṝṃścaiva yakṣairgandharvamānuṣaiḥ // ### [1.7.195](https://indike.org/pramana/in.purana.brahmanda.1.7.195) rākṣasaistu piśācaistaiḥ paśupakṣisarīsṛpaiḥ / vṛkṣanārakakīṭādyaistaistaiḥ sarvairupasthitāḥ / āhārārthaṃ prajānāṃ vai vidātmāno vinirmame // ### [1.7.195.p1](https://indike.org/pramana/in.purana.brahmanda.1.7.195.p1) iti śrībrahmāṃḍe mahāpurāṇe vāyuprokte pūrvabhāge dvitīye 'nuṣaṃgapāde lokajñāna varṇanaṃ nāma saptamo 'dhyāyaḥ ## Linked texts (7) - [Vāyupurāṇa](https://indike.org/pramana/in.purana.vayu.1.8.2) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.49.3) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.39.17) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.156) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.6.2.74.49) — Sanskrit - [Garuḍapurāṇa](https://indike.org/pramana/in.purana.garuda.1.49.26) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.45.17) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.1.7](https://indike.org/pramana/in.purana.brahmanda.1.7) · Pramāṇa