[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.9 # Brahmandapurana 1.9 Brahmāṇḍapurāṇa 1.9 - **Language:** Sanskrit ## Contents - [1.9.92](https://indike.org/pramana/in.purana.brahmanda.1.9.92) — 1 part ### [1.9.1](https://indike.org/pramana/in.purana.brahmanda.1.9.1) sūta uvāca rudraṃ dharmaṃ manaścaiva ruciṃ caivākṛtiṃ tathā / pañca kartṝn hi sa tadā manasā vyasṛjatprabhuḥ // ### [1.9.2](https://indike.org/pramana/in.purana.brahmanda.1.9.2) ete mahābhujāḥ sarve prajānāṃ sthitihetavaḥ / auṣadhīḥ pratisaṃdhatte rudraḥ kṣīṇaḥ punaḥ punaḥ // ### [1.9.3](https://indike.org/pramana/in.purana.brahmanda.1.9.3) prāptauṣadhiphalairdevaḥ samyagiṣṭaḥ phalārthibhiḥ / tribhireva kapālaistu tryaṃbakairoṣadhīkṣaye // ### [1.9.4](https://indike.org/pramana/in.purana.brahmanda.1.9.4) ijyate munibhiryasmāttasmātttryaṃbaka ucyate / gāyatrīṃ caiva triṣṭup ca jagatī caiva tāḥ smṛtāḥ // ### [1.9.5](https://indike.org/pramana/in.purana.brahmanda.1.9.5) aṃbikānāṃ mayā proktā yonayaḥ svanaspateḥ / tābhirekatvabhūtā bhistrividhābhiḥ svavīryataḥ // ### [1.9.6](https://indike.org/pramana/in.purana.brahmanda.1.9.6) trisādhanaḥ puroḍāśastrikapālastataḥ smṛtaḥ / tryaṃbakaḥ sa puroḍāśasteneha tryaṃbakaḥsmṛtaḥ // ### [1.9.7](https://indike.org/pramana/in.purana.brahmanda.1.9.7) dhatte dharmaḥ prajāḥ sarvā mano jñānakaraṃ smṛtam / ākṛtiḥ suruce rūpaṃ ruciḥ śraddhākaraḥ smṛtaḥ // ### [1.9.8](https://indike.org/pramana/in.purana.brahmanda.1.9.8) evamete prajāpālāḥ prajānāṃ sthitihetavaḥ / athāsya sṛjataḥ sargaṃ prajānāṃ parivṛddhaye // ### [1.9.9](https://indike.org/pramana/in.purana.brahmanda.1.9.9) na vyavarddhata tāḥ sṛṣṭāḥ prajāḥ kenāpi hetunā / tataḥ sa vidadhe buddhimarthaniścayagā minīm // ### [1.9.10](https://indike.org/pramana/in.purana.brahmanda.1.9.10) athātmani samadrākṣīttamomātrāṃ tu cāriṇīm / rajaḥ sattvaṃ parityajya vartamānāṃ svakarmataḥ // ### [1.9.11](https://indike.org/pramana/in.purana.brahmanda.1.9.11) tataḥ sa tena dukhenaśucaṃ cakre jagatpatiḥ / tamaśca vyanudatpaścād rajasātu samāvṛṇot // ### [1.9.12](https://indike.org/pramana/in.purana.brahmanda.1.9.12) tattamaḥ pratinuttaṃ vai mithunaṃ saṃprasūyata / adharmācaraṇā ttasya hiṃsā śoko vyajāyata // ### [1.9.13](https://indike.org/pramana/in.purana.brahmanda.1.9.13) tatastasminsamudbhūte mithune varaṇātmake / tataḥ sa bhagavānāsīt prītaścaitaṃ hi śiśriye // ### [1.9.14](https://indike.org/pramana/in.purana.brahmanda.1.9.14) evaṃ prītātmanastasya svadehārddhādviniḥsṛtā / nārī paramakalyāṇī sarvabhūtamanoharā // ### [1.9.15](https://indike.org/pramana/in.purana.brahmanda.1.9.15) sā hi kāmātmanā sṛṣṭā prakṛteḥ sā surūpiṇī / śatarūpeti sā proktā sā proktaiva punaḥ punaḥ // ### [1.9.16](https://indike.org/pramana/in.purana.brahmanda.1.9.16) tataḥ prajāḥ samudbhūtā yathā proktā mayā purā / prakriyāyāṃ yathā tubhyaṃ tretāmadhye mahātmanaḥ // ### [1.9.17](https://indike.org/pramana/in.purana.brahmanda.1.9.17) yadā prajāstu tāḥ sṛṣṭā na vyavaddhata dhīmataḥ / tato 'nyānmānasānputrānātmanaḥ sadṛśo 'sṛjata // ### [1.9.18](https://indike.org/pramana/in.purana.brahmanda.1.9.18) bhṛgvaṅgiromarīcīṃśca pulastyaṃ pulahaṃ kratum / dakṣamatriṃ vasiṣṭhaṃ ca nirmame mānasānsutān // ### [1.9.19](https://indike.org/pramana/in.purana.brahmanda.1.9.19) nava brahmāṇa ityete purāṇe niścayaṃ gatāḥ / brahmā yatātmakānāṃ tu sarveṣāmātmayoninām // ### [1.9.20](https://indike.org/pramana/in.purana.brahmanda.1.9.20) tato 'sṛjatpunarbrahmā dharmaṃ bhūtasukhāvaham / prajāpatiṃ ruciṃ caiva pūrveṣāmeva pūrvajau // ### [1.9.21](https://indike.org/pramana/in.purana.brahmanda.1.9.21) buddhitaḥ sasṛje dharmaṃ sarvabhūtasukhāvaham / manasastu rucirnāma jajñe jo 'vyaktajanmanaḥ // ### [1.9.22](https://indike.org/pramana/in.purana.brahmanda.1.9.22) bhṛgustu tdṛdayājjajñe ṛṣiḥ sālalayoninaḥ / prāṇāddakṣaṃ sṛjanbrahmā cakṣurbhyāṃ tu marīcinam // ### [1.9.23](https://indike.org/pramana/in.purana.brahmanda.1.9.23) abhimānātmakaṃ rudraṃ nirmame nīlalohitam / śirasoṃgirasaṃ caiva śrotrādatriṃ tathaiva ca // ### [1.9.24](https://indike.org/pramana/in.purana.brahmanda.1.9.24) pulastyaṃ ca tathodānādvyānācca pulahaṃ punaḥ / samānajo vasiṣṭhaśca hyapānānnirmame kratum // ### [1.9.25](https://indike.org/pramana/in.purana.brahmanda.1.9.25) ityete brahmaṇaḥ putrāḥ prajādau dvādaśa smṛtāḥ / dharmasteṣāṃ prathamajo devatānāṃ smṛtastu vai // ### [1.9.26](https://indike.org/pramana/in.purana.brahmanda.1.9.26) bhṛgvādayastu ye sṛṣṭāste vai brahmarṣayaḥ smṛtāḥ / gṛhamedhipurāṇāste dharmastaiḥ prāk pravarttitaḥ // ### [1.9.27](https://indike.org/pramana/in.purana.brahmanda.1.9.27) dvādaśaite prasūyante prajāḥ kalpe punaḥ punaḥ / teṣāṃ dvādaśa te vaṃśā divyā devaguṇānvitāḥ // ### [1.9.28](https://indike.org/pramana/in.purana.brahmanda.1.9.28) kriyāvantaḥ prajāvanto maharṣibhiralaṅkṛtāḥ / yadā tairiha sṛṣṭaistu dharmmādyaiśca maharṣibhiḥ // ### [1.9.29](https://indike.org/pramana/in.purana.brahmanda.1.9.29) sṛjyamānāḥ prajāścaiva na vyavarddhanta dhīmataḥ / tamomātrāvṛtaḥ so 'bhūcchokapratihataśca vai // ### [1.9.30](https://indike.org/pramana/in.purana.brahmanda.1.9.30) yathā'vṛtaḥ sa vai brahmā tamomātrā tu sā punaḥ / putrāṇāṃ ca tamomātrā aparā niḥsṛtābhavat // ### [1.9.31](https://indike.org/pramana/in.purana.brahmanda.1.9.31) pratisrotātmako 'dharmo hiṃsā caivāśubhātmikā / tataḥ pratihate tasya pratīte varaṇātmake // ### [1.9.32](https://indike.org/pramana/in.purana.brahmanda.1.9.32) svāṃ tanuṃ sa tadā brahmā samapohata bhāsvarām / dvidhā kṛtvā svakaṃ dehamarddhena puruṣo 'bhavat // ### [1.9.33](https://indike.org/pramana/in.purana.brahmanda.1.9.33) ardhena nārī sā tasya śatarūpā vyajāyata / prakṛtirbhūtadhātrī sā kāmādvai sṛjataḥ prabhoḥ // ### [1.9.34](https://indike.org/pramana/in.purana.brahmanda.1.9.34) sā divaṃ pṛthivīṃ caiva mahimnā vyāpya susthitā / brahmāṇaḥ sā tanuḥ pūrvā divamāvṛtya tiṣṭataḥ // ### [1.9.35](https://indike.org/pramana/in.purana.brahmanda.1.9.35) yā tvarddhā sṛjyate nārī śatarūpā vyajāyata / sā devī niyutaṃ taptvā tapaḥ parama duścaram // ### [1.9.36](https://indike.org/pramana/in.purana.brahmanda.1.9.36) bharttāraṃ dīptayaśasaṃ puruṣaṃ pratyapadyata / sa vai svāyaṃbhuvaḥ pūrvaṃ puruṣo manurucyate // ### [1.9.37](https://indike.org/pramana/in.purana.brahmanda.1.9.37) tasyaikasaptatiyugaṃ manvantaramihocyate / labdhvā tu puruṣaḥ patnīṃ śatarūpāmayonijām // ### [1.9.38](https://indike.org/pramana/in.purana.brahmanda.1.9.38) tayā sa ramate sārddhaṃ tasmātsā ratirucyate / prathamaḥ saṃprayogaḥ sa kalpādau samavarttata // ### [1.9.39](https://indike.org/pramana/in.purana.brahmanda.1.9.39) virājamasṛjadbrahmā so 'bhavatpuruṣo virāṭ / samrāṭ saśatarūpastu vairājastu manuḥ smṛtaḥ // ### [1.9.40](https://indike.org/pramana/in.purana.brahmanda.1.9.40) sa vairājaḥ prajāsargaṃ sasarja puruṣo manuḥ / vairājātpuruṣādvīrau śatarūpā vyajāyata // ### [1.9.41](https://indike.org/pramana/in.purana.brahmanda.1.9.41) priyavratottānapādau putrau putravatāṃ varau / kanye dve sumahābhāge yābhyāṃ jātā imāḥ prajāḥ // ### [1.9.42](https://indike.org/pramana/in.purana.brahmanda.1.9.42) devī nāmnā tathākūliḥ prasūtiścaiva te śubhe / svāyaṃbhuvaḥ prasūtiṃ tu dakṣāya vyasṛjatprabhuḥ // ### [1.9.43](https://indike.org/pramana/in.purana.brahmanda.1.9.43) ruceḥ prajāpateścaiva ākūtiṃ pratya pādayat / ākūtyāṃ mithunaṃ jajñe mānasasya ruceḥ śubham // ### [1.9.44](https://indike.org/pramana/in.purana.brahmanda.1.9.44) yajñaśca dakṣiṇā caiva yamalau tau babhūvatuḥ / yajñasya dakṣiṇāyāṃ ca putrā dvādaśa jajñire // ### [1.9.45](https://indike.org/pramana/in.purana.brahmanda.1.9.45) yāmā iti samākhyātā devāḥ svāyaṃbhuvetare / yamasya putrā yajñasya tasmādyāmāstu te smṛtāḥ // ### [1.9.46](https://indike.org/pramana/in.purana.brahmanda.1.9.46) ajitāścaiva śukrāśca dvau gaṇau brahmaṇaḥ smṛtau / yāmāḥ pūrvaṃ parikrāntā yeṣāṃ saṃjñā divaukasaḥ // ### [1.9.47](https://indike.org/pramana/in.purana.brahmanda.1.9.47) svāyaṃbhūva sutāyāṃ tu prasūtyāṃ lokamātaraḥ / tasyāṃ kanyāścaturviṃśaddakṣastvajanayatprabhuḥ // ### [1.9.48](https://indike.org/pramana/in.purana.brahmanda.1.9.48) sarvāstāśca mahābhāgāḥ sarvāḥ kamalalocanāḥ / yogapatnyaśca tāḥ sarvāḥ sarvāstā yogamātaraḥ // ### [1.9.49](https://indike.org/pramana/in.purana.brahmanda.1.9.49) sarvāśca brahmavādinyaḥ sarvā viśvasya mātaraḥ / śraddhā lakṣmīrdhṛtistuṣṭiḥ puṣṭirmedhā tathā kriyā // ### [1.9.50](https://indike.org/pramana/in.purana.brahmanda.1.9.50) buddhirlajjā vasuḥ śāntiḥ siddhiḥ kīrttistrayodaśa / patnyarthaṃ pratijagrāha dharmo dākṣāyaṇīḥ prabhuḥ // ### [1.9.51](https://indike.org/pramana/in.purana.brahmanda.1.9.51) dvārāṇyetāni caivāsya vihitāni svayaṃbhuvā / yānyāḥ śiṣṭā yavīyasya ekādaśa sulocanāḥ // ### [1.9.52](https://indike.org/pramana/in.purana.brahmanda.1.9.52) satī khyātiśca saṃbhūtiḥ smṛtiḥ prītiḥ kṣamā tathā / sannatiścānasūyā ca ūrjā svāhā svadhā tathā // ### [1.9.53](https://indike.org/pramana/in.purana.brahmanda.1.9.53) tāstadā pratyagṛhṇanta punaranye mahārṣayaḥ / rudro bhṛgurmarīciśca aṅgirāḥ pulahaḥ kratuḥ // ### [1.9.54](https://indike.org/pramana/in.purana.brahmanda.1.9.54) pulastyo 'trirvasiṣṭhaśca pitaro 'gristathaiva ca / satīṃ bhavāya prāyacchatkhyātiṃ ca bhṛgave tathā // ### [1.9.55](https://indike.org/pramana/in.purana.brahmanda.1.9.55) marīcaye tu saṃbhūtiṃ smṛtimaṅgirase dadau / prītiṃ caiva pulastyāya kṣamāṃ vai pulahāya ca // ### [1.9.56](https://indike.org/pramana/in.purana.brahmanda.1.9.56) kratave saṃtatiṃ nāma anasūyāṃ tathātraye / ūrjāṃ dadau vasiṣṭhāya svāhāṃ caivāgnaye dadau // ### [1.9.57](https://indike.org/pramana/in.purana.brahmanda.1.9.57) svadhāṃ caiva pitṛbhyastu tāsvapatyāni me śṛṇu / etāḥ sarvā mahābhāgāḥ prajāstvanusṛtāḥ sthitāḥ // ### [1.9.58](https://indike.org/pramana/in.purana.brahmanda.1.9.58) manvantareṣu sarveṣu yāvadābhūtasaṃplavam / śraddhā kāmaṃ prajajñe 'tha darpo lakṣmī sutaḥ smṛtaḥ // ### [1.9.59](https://indike.org/pramana/in.purana.brahmanda.1.9.59) dhṛtyāstu niyamaḥ putrastuṣṭyāḥ saṃtoṣa ucyate / puṣṭyā lābhaḥ sutaścāpi medhāputraḥ śrutastathā // ### [1.9.60](https://indike.org/pramana/in.purana.brahmanda.1.9.60) kriyāyāstanayau proktau damaśca śama eva ca / buddherbodhaḥ sutaścāpi apramādaśca tāvubhau // ### [1.9.61](https://indike.org/pramana/in.purana.brahmanda.1.9.61) lajjāyā vinayaḥ putro vyavasāyo vasoḥ sutaḥ / kṣemaḥ śānteḥ sutaścāpi sukhaṃ siddhervyajāyata // ### [1.9.62](https://indike.org/pramana/in.purana.brahmanda.1.9.62) yaśaḥ kīrteḥ sutaścāpi ityete dharmasūnavaḥ / kāmasya tu suto harṣo devyāṃ siddhyāṃ vyajāyata // ### [1.9.63](https://indike.org/pramana/in.purana.brahmanda.1.9.63) ityeṣa vai sukhodarkaḥ sargo dharmasya sāttvikaḥ / jajñe hiṃsā tvadharmādvai nikṛtiṃ cānṛtaṃ ca te // ### [1.9.64](https://indike.org/pramana/in.purana.brahmanda.1.9.64) nikṛtyanṛtayorjajña bhayaṃ naraka eva ca / māyā ca vedanā cāpi mithunadvayametayoḥ // ### [1.9.65](https://indike.org/pramana/in.purana.brahmanda.1.9.65) mayājjajñe 'tha vai māyā mṛtyuṃ bhūtāpahāriṇam / vedanāyāṃ tataścāpi jejña duḥkhaṃ tu rauravāt // ### [1.9.66](https://indike.org/pramana/in.purana.brahmanda.1.9.66) mṛtyorvyādhirjarāśokakrodhāsūyā vijajñire / duḥkhottarāḥ smṛtā hyete sarve cādharmalakṣaṇāḥ // ### [1.9.67](https://indike.org/pramana/in.purana.brahmanda.1.9.67) teṣāṃ bhāryāsti putro vā sarve hyanidhanāḥ smṛtāḥ / ityeṣa tāmasaḥ sargo jajñe dharmaniyā makaḥ // ### [1.9.68](https://indike.org/pramana/in.purana.brahmanda.1.9.68) prajāḥ sṛceti vyādiṣṭo brahmaṇā nīlalohitaḥ / so 'bhidhyāya satīṃ bhāryāṃ nirmame cātmasaṃbhavān // ### [1.9.69](https://indike.org/pramana/in.purana.brahmanda.1.9.69) nādhikānna ca hīnāstānmānasānātmanā samān / sahasraṃ ca sahasrāṇāmasṛjatkṛttivāsasaḥ // ### [1.9.70](https://indike.org/pramana/in.purana.brahmanda.1.9.70) tulyānevātmanā sarvān rūpatejobala śrutaiḥ / piṅgalānsaniṣaṅgāṃśca kapardī nīlalohitān // ### [1.9.71](https://indike.org/pramana/in.purana.brahmanda.1.9.71) viśikhānhīnakeśāṃśca dṛṣṭighnāstānkapālinaḥ / mahārūpānvirūpāṃśca viśvarūpāśca rūpiṇaḥ // ### [1.9.72](https://indike.org/pramana/in.purana.brahmanda.1.9.72) rathino varmiṇaścaiva dhanvino 'tha varūthinaḥ / sahasraśatabāhūṃśca divyabhaumāntarikṣagān // ### [1.9.73](https://indike.org/pramana/in.purana.brahmanda.1.9.73) sthūla śīrṣānaṣṭadaṃṣṭrān dvijihvāṃstu trilocanān / annādānpiśitādāṃśca ājyapānsomapostathā // ### [1.9.74](https://indike.org/pramana/in.purana.brahmanda.1.9.74) atimeḍhrograkāyāṃśca śitikaṇṭhogramanyukān / saniṣaṅgatanutrāṃśca dhanvino hyasicarmiṇaḥ // ### [1.9.75](https://indike.org/pramana/in.purana.brahmanda.1.9.75) āsīnān dhāvataścāpi jṛṃbhataścāpyadhiṣṭhitān / adhīyānāśca japato yuñjato dhyāyatastathā // ### [1.9.76](https://indike.org/pramana/in.purana.brahmanda.1.9.76) jvalato varṣataścaiva dyotamānānpradhūpitān / buddhānbuddhatamāṃścaiva brahmasvān brahmadarśinaḥ // ### [1.9.77](https://indike.org/pramana/in.purana.brahmanda.1.9.77) nīlagrīvānsahasrākṣān sarvāṃścaiva kṣamācarān / adṛśyānsarvabhūtānāṃ mahāyogānmahaujasaḥ // ### [1.9.78](https://indike.org/pramana/in.purana.brahmanda.1.9.78) rudato dravataścaiva evaṃ yuktānsahasraśaḥ / ayātayāmān sṛjataṃ rudrametānsurottamān // ### [1.9.79](https://indike.org/pramana/in.purana.brahmanda.1.9.79) dṛṣṭvā brahmābravīdenaṃ māsrākṣīrīdṛśīḥ prajāḥ / na sraṣṭavyātmana stalyā prajā naivādhikā tathā // ### [1.9.80](https://indike.org/pramana/in.purana.brahmanda.1.9.80) anyāḥ sṛjasva bhadraṃ te prajāstvaṃ mṛtyusaṃyutāḥ / nārabhante hi karmāṇi prajā vigatamṛtyavaḥ // ### [1.9.81](https://indike.org/pramana/in.purana.brahmanda.1.9.81) evasukto 'bravīdenaṃ nāhaṃ mṛtyujarānvitāḥ / prajāḥ srakṣyāmi bhadraṃ te sthito 'haṃ tvaṃ sṛja prabho // ### [1.9.82](https://indike.org/pramana/in.purana.brahmanda.1.9.82) ete ye vai mayā sṛṣṭā virūpā nīlalohitāḥ / sahasraṃ hi sahasrāṇāmātmano mama niḥsṛtāḥ // ### [1.9.83](https://indike.org/pramana/in.purana.brahmanda.1.9.83) ete devā bhaviṣyanti rudrā nāma mahābalāḥ / pṛthivyāmantarikṣe ca rudrāṇyastāḥ pariśrutāḥ // ### [1.9.84](https://indike.org/pramana/in.purana.brahmanda.1.9.84) śatarudre samāmnātā bhaviṣyantīha yajñiyāḥ / yajñabhājo bhaviṣyanti sarve devagaṇaiḥ saha // ### [1.9.85](https://indike.org/pramana/in.purana.brahmanda.1.9.85) manvantareṣu ye devā bhaviṣyantīha chandajāḥ / taiḥ sārddhamijyamānāste sthāsyantīhāyugakṣayāt // ### [1.9.86](https://indike.org/pramana/in.purana.brahmanda.1.9.86) evamuktastato brahmā mahādevena sa prabhuḥ / pratyuvāca tathā bhīmaṃ tdṛṣyamāṇaḥ prajāpatiḥ // ### [1.9.87](https://indike.org/pramana/in.purana.brahmanda.1.9.87) evaṃ bhavatu bhadraṃ te yathā te vyātdṛtaṃ prabho / brahmaṇā samanu jñāte tataḥ sarvamabhūtkila // ### [1.9.88](https://indike.org/pramana/in.purana.brahmanda.1.9.88) tataḥ prabhṛti devaḥ sa na prāsūyata vai prajāḥ / ūrdhvaretāḥ sthitaḥ sthāṇuryāvadābhūtasaṃplavam // ### [1.9.89](https://indike.org/pramana/in.purana.brahmanda.1.9.89) yasmātproktaṃ sthito 'smīti tasmātsthāṇurbudhaiḥ smṛtaḥ / jñānaṃ tapaśca satyaṃ ca hyaiśvaryaṃ dharma eva ca // ### [1.9.90](https://indike.org/pramana/in.purana.brahmanda.1.9.90) vairāgyamātmasaṃbodhaḥ kṛtsnānyetāni śaṅkare / sarvāndevānṛṣīṃścaiva sametānasuraiḥ saha // ### [1.9.91](https://indike.org/pramana/in.purana.brahmanda.1.9.91) atyeti tejasā devo mahādevastataḥ smṛtaḥ / atyeti devā naiśvaryādvalena ca mahāsurān // ### [1.9.92](https://indike.org/pramana/in.purana.brahmanda.1.9.92) jñānena ca munīnsarvānyogādbhūtāni sarvaśaḥ / evameva mahādevaḥ sarvadevanamaskṛtaḥ / prajāmanu dyāmāṃ sṛṣṭvā sargādupararāma ha // ### [1.9.92.p1](https://indike.org/pramana/in.purana.brahmanda.1.9.92.p1) iti śrī brahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde rudraprasavavarṇanaṃ nāma navamo 'dhyāyaḥ ## Linked texts (8) - [Vāyupurāṇa](https://indike.org/pramana/in.purana.vayu.1.10.5) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.8.3) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.17.3) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.193) — Vyāsa, Sanskrit - [Agnipurāṇa](https://indike.org/pramana/in.purana.agni.20.19) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.7.29) — Sanskrit - [Mārkaṇḍeyapurāṇa](https://indike.org/pramana/in.purana.markandeya.50.30) — Vyāsa, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.8.p2) — Ativīrarāma Pāṇṭiyar, Sanskrit --- Source: [https://indike.org/pramana/in.purana.brahmanda.1.9](https://indike.org/pramana/in.purana.brahmanda.1.9) · Pramāṇa