[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.10 # Brahmandapurana 2.10 Brahmāṇḍapurāṇa 2.10 - **Language:** Sanskrit ## Contents - [2.10.120](https://indike.org/pramana/in.purana.brahmanda.2.10.120) — 1 part ### [2.10.1](https://indike.org/pramana/in.purana.brahmanda.2.10.1) bṛhaspatiruvāca saptaite jayatāṃ śreṣṭhāḥ svarge pitṛgaṇāḥ smṛtāḥ / catvāro murttimantaśca trayasteṣāmamūrttayaḥ // ### [2.10.2](https://indike.org/pramana/in.purana.brahmanda.2.10.2) teṣāṃ lokānvisargaṃ ca kīrttayiṣye nibodhata / yāvai duhitarasteṣāṃ dauhitrāśceva ye smṛtāḥ // ### [2.10.3](https://indike.org/pramana/in.purana.brahmanda.2.10.3) lokāḥ saṃtānakā nāma yatra tiṣṭhanti bhāsvarāḥ / amūrttayaḥ pitṛgaṇāste vai putrāḥ prajāpateḥ // ### [2.10.4](https://indike.org/pramana/in.purana.brahmanda.2.10.4) virājasya dvijaśreṣṭhā vairājā iti viśrutāḥ / ete vai pitarastāta yogānāṃ yogavardhanāḥ // ### [2.10.5](https://indike.org/pramana/in.purana.brahmanda.2.10.5) apyāyayanti ye nityaṃ yogāyogabalena tu / śrāddhairāpyāyitāste vai somamāpyāyayanti ca // ### [2.10.6](https://indike.org/pramana/in.purana.brahmanda.2.10.6) āpyāyitastataḥ somo lokānāpyāyayatyuta / eteṣāṃ mānasī kanyā menā nāma mahāgireḥ // ### [2.10.7](https://indike.org/pramana/in.purana.brahmanda.2.10.7) patnī himavataḥ putro yasyā maināka ucyate / parvatapravaraḥ so 'tha kraiñcaścāsya gireḥ sutaḥ // ### [2.10.8](https://indike.org/pramana/in.purana.brahmanda.2.10.8) tisraḥ kanyāstu menāyāṃ janayāmāsa śailārāṭ / aparṇāmekaparṇāṃ ca tṛtīyāmekapāṭalām // ### [2.10.9](https://indike.org/pramana/in.purana.brahmanda.2.10.9) nyagrodhame kaparṇā tu pāṭhalaṃ tvekapāṭalā / āśite dve aparṇā tu hyaniketā tapo 'carat // ### [2.10.10](https://indike.org/pramana/in.purana.brahmanda.2.10.10) śataṃ varṣasahasrāṇāṃ duścaraṃ devadānavaiḥ / āhāramekaparṇena hyekaparṇā samācarat // ### [2.10.11](https://indike.org/pramana/in.purana.brahmanda.2.10.11) pāṭalenaiva caikena vyadadhādekapāṭalā / pūrṇe varṣasahasre dve cāhāraṃ vai prajakratuḥ // ### [2.10.12](https://indike.org/pramana/in.purana.brahmanda.2.10.12) ekā tatra nirāhārā tāṃ mātā pratyabhāṣata / niṣedhayantī someti mātṛsrehena duḥkhitā // ### [2.10.13](https://indike.org/pramana/in.purana.brahmanda.2.10.13) sā tathoktā tadāparṇā devī duścaracāriṇī / umeti hi mahābhāgā triṣu lokeṣu viśrutā // ### [2.10.14](https://indike.org/pramana/in.purana.brahmanda.2.10.14) tathaiva nāmnā tenāsau niruktoktena karmaṇā / etattu trikumārīkaṃ jagatsthāvarajaṅga mam // ### [2.10.15](https://indike.org/pramana/in.purana.brahmanda.2.10.15) etāsāṃ tapasā sṛṣṭaṃ yāvadbhūmirddhariṣyati / tapaḥśarīrāstāḥ sarvāsthisro yogabalānvitāḥ // ### [2.10.16](https://indike.org/pramana/in.purana.brahmanda.2.10.16) sarvāstāḥ sumahābhāgāḥ sarvāśca sthirayauvanāḥ / sarvāśca brahmavādinyaḥ sarvāścaivordhvaretasaḥ // ### [2.10.17](https://indike.org/pramana/in.purana.brahmanda.2.10.17) umā tāsāṃ variṣṭhā ca śreṣṭhā ca varavarṇinī / mahāyogabalopetā mahādevamupasthitā // ### [2.10.18](https://indike.org/pramana/in.purana.brahmanda.2.10.18) dattakaścośānstasyāḥ putro vai bhṛgunandanaḥ / asitasyaikaparṇā tu patnī sādhvī pativratā // ### [2.10.19](https://indike.org/pramana/in.purana.brahmanda.2.10.19) dattā himavatā tasmai yogācāryāya dhīmate / devalaṃ suṣuve sā tu brahmiṣṭhaṃ jñānasaṃyutā // ### [2.10.20](https://indike.org/pramana/in.purana.brahmanda.2.10.20) yā vai tāsāṃ kumārīṇāṃ tṛtīyā caikapāṭalā / putraṃ śataśalākasya jaigīṣavyamupasthitā // ### [2.10.21](https://indike.org/pramana/in.purana.brahmanda.2.10.21) tasyāpi śaṅkhaliśitau smṛtau putrāvayonijau / ityetā vai mahābhāgāḥ kanyā himavataḥ śubhāḥ // ### [2.10.22](https://indike.org/pramana/in.purana.brahmanda.2.10.22) rudrāṇī sā tu pravarā svairguṇairatiricyate / anyonyaprītamanasorumāśaṅkarayoratha // ### [2.10.23](https://indike.org/pramana/in.purana.brahmanda.2.10.23) śleṣaṃ saṃsaktayorjñātvā śaṅkitaḥ kila vṛtrahā / tābhyāṃ maithunaśaktābhyāmapatyodbhavabhīruṇā // ### [2.10.24](https://indike.org/pramana/in.purana.brahmanda.2.10.24) tayoḥ sakāśamindreṇa preṣito havyavāhanaḥ / anāyo rativighnaṃ ca tvamācara hutāśana // ### [2.10.25](https://indike.org/pramana/in.purana.brahmanda.2.10.25) sarvatra gata eva tvaṃ na doṣo vidyate tava / ityevamukte tu tadā vahninā ca tathā kṛtam // ### [2.10.26](https://indike.org/pramana/in.purana.brahmanda.2.10.26) umāṃ devaḥ samutsṛjya śukraṃ bhūmau vyasarjayat / tato ruṣitayā sadyaḥ śapto 'gnirumayā tayā // ### [2.10.27](https://indike.org/pramana/in.purana.brahmanda.2.10.27) idaṃ coktavatī vahniṃ roṣagadgadayā girā / yasmānnāvavitṛptābhyāṃ rativighnaṃ hutāśana // ### [2.10.28](https://indike.org/pramana/in.purana.brahmanda.2.10.28) kṛtavānasya karttavyaṃ tasmāttvamasi durmatiḥ / yadevaṃ vigataṃ garbhaṃ raudraṃ śukraṃ mahāprabham // ### [2.10.29](https://indike.org/pramana/in.purana.brahmanda.2.10.29) garbhe tvaṃ dhārayasvaivameṣā te daṇḍadhāraṇā / sa śāpadoṣādrudrāṇyā antargarbho hutāśanaḥ // ### [2.10.30](https://indike.org/pramana/in.purana.brahmanda.2.10.30) bahūnvarṣagaṇāngarbhaṃ dhārayāmāsa vai dvija / sa gaṅgāmabhigamyāha śrūyatāṃ sariduttame // ### [2.10.31](https://indike.org/pramana/in.purana.brahmanda.2.10.31) sumahānparikhedo me jāyate garbhadhāraṇāt / maddhitārtha matho garbhamimaṃ dhāraya nimnage // ### [2.10.32](https://indike.org/pramana/in.purana.brahmanda.2.10.32) matprasādācca tanayo varadaste bhaviṣyati / tathetyuktvā tadā sā tu saṃpratdṛṣṭā mahānadī // ### [2.10.33](https://indike.org/pramana/in.purana.brahmanda.2.10.33) taṃ garbhaṃ dhārayāmāsa dahyamānena cetasā / sāpi kṛcchreṇa mahatā khidyamānā mahānadī // ### [2.10.34](https://indike.org/pramana/in.purana.brahmanda.2.10.34) prakṛṣṭaṃ vyasṛjadgarbhaṃ dīpyamāna mivānalam / rudrāgnigaṅgātanayastatra jāto 'ruṇaprabhaḥ // ### [2.10.35](https://indike.org/pramana/in.purana.brahmanda.2.10.35) ādityaśatasaṃkāśo mahātejāḥ pratāpavān / tasmiñjāte mahābhāge kumāre jāhnavīsute // ### [2.10.36](https://indike.org/pramana/in.purana.brahmanda.2.10.36) vimānayānairākāśaṃ patatrribhirivāvṛtam / devadundubhayo nedurākāśe madhurasvanāḥ // ### [2.10.37](https://indike.org/pramana/in.purana.brahmanda.2.10.37) mumucuḥ puṣpavarṣaṃ ca khecarāḥ siddhacāraṇāḥ / jagurgandharvamukhyāśca sarvaśastatra tatra ha // ### [2.10.38](https://indike.org/pramana/in.purana.brahmanda.2.10.38) yakṣā vidyādharāḥ siddhāḥ kinnarāścaiva sarvaśaḥ / mahānāgasahasrāṇi pravarāśca patatrriṇaḥ // ### [2.10.39](https://indike.org/pramana/in.purana.brahmanda.2.10.39) upatasthurmahābhāgamāgneyaṃ śaṅkarātmajam / prabhāveṇa hatāstena daityavānararākṣasāḥ // ### [2.10.40](https://indike.org/pramana/in.purana.brahmanda.2.10.40) sa hi saptarṣibhāryābhirārādevāgnisaṃbhavaḥ / abhiṣekaprayātābhirdṛṣṭo varjya tvarundhatīm // ### [2.10.41](https://indike.org/pramana/in.purana.brahmanda.2.10.41) tābhiḥ sa bālārkanibho raudraḥ parivṛtaḥ prabhuḥ / snihyamānābhiratyarthaṃ svakabhiriva mātṛbhiḥ // ### [2.10.42](https://indike.org/pramana/in.purana.brahmanda.2.10.42) yugapatsarvadevībhirdidhitsurjāhnavīṃ sutaḥ / ṣaṇmukhānyasṛjacchrīmāṃstenāyaṃ ṣaṇmukhaḥ smṛtaḥ // ### [2.10.43](https://indike.org/pramana/in.purana.brahmanda.2.10.43) tena jātena mahātā devānāmasahiṣṇavaḥ / skanditā dānavagaṇāstasmātskandaḥ pratāpavān // ### [2.10.44](https://indike.org/pramana/in.purana.brahmanda.2.10.44) kṛttikābhistu yasmātsa varddhito hi purātanaḥ / kārttikeya iti khyātastasmādasurasūdanaḥ // ### [2.10.45](https://indike.org/pramana/in.purana.brahmanda.2.10.45) jṛṃbhatastasya daityārerjvālā mālākulā tadā / mukhādvinirgatā tasya svaśaktiraparājitā // ### [2.10.46](https://indike.org/pramana/in.purana.brahmanda.2.10.46) krīḍārthaṃ caiva skandasya viṣṇunā prabhaviṣṇunā / garuḍādatisṛṣṭau hi pakṣiṇau dvau prabhadrakau // ### [2.10.47](https://indike.org/pramana/in.purana.brahmanda.2.10.47) mayūraḥ kukkuṭaścaiva patākā caiva vāyunā / yasya dattā sarasvatyā mahāvīṇā mahāsvanā // ### [2.10.48](https://indike.org/pramana/in.purana.brahmanda.2.10.48) ajaḥ svayaṃbhuvā datto meṣo dattaśca śaṃbhunā / māyāviharaṇe vipra girau kraiñce nipātite // ### [2.10.49](https://indike.org/pramana/in.purana.brahmanda.2.10.49) tārake cāsuravare samudīrṇe nipātite / seṃdropendrairmahābhāgairdevairagnisutaḥ prabhuḥ // ### [2.10.50](https://indike.org/pramana/in.purana.brahmanda.2.10.50) senāpatyena daityārirabhiṣiktaḥ pratāpavān / devasenāpatistveṣa paṭhyate suranāyakaḥ // ### [2.10.51](https://indike.org/pramana/in.purana.brahmanda.2.10.51) devāriskandanaḥ skandaḥ sarvalokeśvaraḥ prabhuḥ / pramathairvidhairdevastathā bhūtagaṇairapi // ### [2.10.52](https://indike.org/pramana/in.purana.brahmanda.2.10.52) mātṛbhirvividhābhiśca vināyakagaṇaistataḥ / lokāḥ somapadā nāma marīceryatra vai sutāḥ // ### [2.10.53](https://indike.org/pramana/in.purana.brahmanda.2.10.53) tatra te divi varttante devāstānpūjayantyuta / śrutā barhiṣado nāma pitaraḥ somapāstu te // ### [2.10.54](https://indike.org/pramana/in.purana.brahmanda.2.10.54) eteṣāṃ mānasī kanyā acchodā nāma nimnagā / acchaudaṃ nāma taddivyaṃ saro yasmātsamutthitā // ### [2.10.55](https://indike.org/pramana/in.purana.brahmanda.2.10.55) tathā na dṛṣṭapūrvāstu vitaraste kadācana / saṃbhūtā mānasī teṣāṃ pitṝnsvānnābhijānatī // ### [2.10.56](https://indike.org/pramana/in.purana.brahmanda.2.10.56) sā tvanyaṃ pitaraṃ vavre tānatikramya vai pitṝn / amāvasumiti khyātamailaputraṃ nabhaścaram // ### [2.10.57](https://indike.org/pramana/in.purana.brahmanda.2.10.57) adrikāpsarasā yuktaṃ vimānādhiṣṭhitaṃ divi / sā tena vyabhicāreṇa gagane nāprajāriṇī // ### [2.10.58](https://indike.org/pramana/in.purana.brahmanda.2.10.58) pitaraṃ prārthayitvānyaṃ yogabhraṣṭā papāta ha / trīṇyavaśyadvimānāni patantī sā divaścyutā // ### [2.10.59](https://indike.org/pramana/in.purana.brahmanda.2.10.59) trasareṇupramāṇāni teṣu cāvasthitānpitṝn / susūkṣmānaparivyaktānagnīnagniṣvivāhitān // ### [2.10.60](https://indike.org/pramana/in.purana.brahmanda.2.10.60) trāyadhvamityuvācārtā patatī cāpyavākśirāḥ / tairukā sā tu mā bhaiṣī rityato 'dhiṣṭhitābhavat // ### [2.10.61](https://indike.org/pramana/in.purana.brahmanda.2.10.61) tataḥ prasādayatsā vai sīdantī tvanayā girā / ūcuste pitaraḥ kanyāṃ bhraṣṭaiśvaryāṃ vyatikramāt // ### [2.10.62](https://indike.org/pramana/in.purana.brahmanda.2.10.62) bhraṣṭaiśvaryāṃ svadoṣeṇa patasi tvaṃ śucismite / yairācaranti karmaṇi śarīrairiha devatāḥ // ### [2.10.63](https://indike.org/pramana/in.purana.brahmanda.2.10.63) taireva tatkarmabhalaṃ prāpnuvanti sadā sma ha / sadyaḥ phalanti karmāṇi devatve pretya mānuṣe // ### [2.10.64](https://indike.org/pramana/in.purana.brahmanda.2.10.64) tasmātsvatapasaḥ putri pretya saṃprāpsyase phalam / ityuktayā tu pitaraḥ punaste tu prasāditāḥ // ### [2.10\_2](https://indike.org/pramana/in.purana.brahmanda.2.10_2) dhyātvā prasādaṃ te cakrustasyāstadanukaṃpayā / avaśyaṃ bhāvinaṃ dṛṣṭvā hyarthamūcustadā tu tām // ### [2.10.66](https://indike.org/pramana/in.purana.brahmanda.2.10.66) somapāḥ pitaraḥ kanyāṃ rajño 'syaiva tvamāvasoḥ / utpannasya pṛthivyāṃ tu mānuṣeṣu mahātmanaḥ // ### [2.10.67](https://indike.org/pramana/in.purana.brahmanda.2.10.67) kanyā bhūtvā tvimāṃllokānpunaḥ prāpsyasi bhāmini / aṣṭāviṃśe bhavitrī tvaṃ dvāpare matsyayonijā // ### [2.10.68](https://indike.org/pramana/in.purana.brahmanda.2.10.68) asyaiva rājño duhitā hyadrikāyāmamāvasoḥ / parāśarasya dāyādamṛṣiṃ tvaṃ janayiṣyasi // ### [2.10.69](https://indike.org/pramana/in.purana.brahmanda.2.10.69) sa vedamekaṃ brahmarṣi ścaturddhā vibhajiṣyati / mahābhiṣasya putrau dvau śantanoḥ kīrttivarddhanau // ### [2.10.70](https://indike.org/pramana/in.purana.brahmanda.2.10.70) vicitravīryaṃ dharmajñaṃ tvamevotpādayiṣyasi / citrāṅgadaṃ ca rājānaṃ sarvasattvabalānvitam // ### [2.10.71](https://indike.org/pramana/in.purana.brahmanda.2.10.71) etānutpādayitvātha punarlokānavā psyasi / vyabhicārātpitṝṇāṃ tvaṃ prāpsyase janma kutsitam // ### [2.10.72](https://indike.org/pramana/in.purana.brahmanda.2.10.72) tasyaiva rājñastvaṃ kanyā adrikāyāṃ bhaviṣyasi / kanyā bhūtvā tataśca tvamimāṃllokānavāpsyasi // ### [2.10.73](https://indike.org/pramana/in.purana.brahmanda.2.10.73) evamukatvā tu dāśeyī jātā satyavatī tu sā / adrikāyāḥ sutā matsyā sutā jātā hyamāvasoḥ // ### [2.10.74](https://indike.org/pramana/in.purana.brahmanda.2.10.74) adikāmatsyasaṃbhūtā gaṅgāyamunasaṃgame / tasyā rājño hi sā kanyā rājño vīryeṇa caiva hi // ### [2.10.77](https://indike.org/pramana/in.purana.brahmanda.2.10.77) virajānāma te lokā divi rocanti te gaṇāḥ / agniṣvāttāḥ smṛtāstatra pitaro bhāskaraprabhāḥ pulahasya prajāpateḥ / eteṣāṃ mānasī kanyā pīvarī nāma viśrutā // ### [2.10.78](https://indike.org/pramana/in.purana.brahmanda.2.10.78) yoginī yogapatnī ca yogamātā tathaiva ca / bhavitā dvāparaṃ prāpya aṣṭāviṃśatimeva tu // ### [2.10.79](https://indike.org/pramana/in.purana.brahmanda.2.10.79) śrīmānvyāso mahāyogī yogastasmindvijottamāḥ / vyāsādaraṇyāṃ saṃbhūto vidhūma iva pāvakaḥ // ### [2.10.80](https://indike.org/pramana/in.purana.brahmanda.2.10.80) parāśarakulodbhūtaḥ śuko nāma mahātapāḥ / sa tasyāṃ pitṛkanyāyāṃ pīvaryāṃ janayadvibhuḥ // ### [2.10.81](https://indike.org/pramana/in.purana.brahmanda.2.10.81) putrānpañca yogacaryāpariburṇānpariśrutān / kṛṣṇā gauraṃ prabhuṃ śaṃbhuṃ tathā bhūriśrutaṃ ca vai // ### [2.10.82](https://indike.org/pramana/in.purana.brahmanda.2.10.82) kanyāṃ kīrtimatīṃ caiva yoginīṃ yogamātaram / brahmadattasya cananī mahiṣī tvaṇuhasya sā // ### [2.10.83](https://indike.org/pramana/in.purana.brahmanda.2.10.83) ādityakiraṇopetamapunarmārgamāsthitaḥ / sarvavyāpī vinirmukto bhaviṣyati mahāmuniḥ // ### [2.10.84](https://indike.org/pramana/in.purana.brahmanda.2.10.84) traya ete gāṇāḥ proktāścatuḥ śeṣānnibodhata / tānvakṣyāmi dvijaśreṣṭhāḥ prabhāmūrttimato gaṇān // ### [2.10.85](https://indike.org/pramana/in.purana.brahmanda.2.10.85) utpannāstu svadhāyāṃ te kāvyā hyagneḥ kaveḥ sutāḥ / pitaro devalokeṣu jyotirbhāsiṣu bhāsvarāḥ // ### [2.10.86](https://indike.org/pramana/in.purana.brahmanda.2.10.86) sarvakāmasamṛddheṣu dvijāstānbhāvayantyuta / eteṣāṃ mānasī kanyā yogotpattiritiśrutā // ### [2.10.87](https://indike.org/pramana/in.purana.brahmanda.2.10.87) dattā sanatkumāreṇa śukrasya mahiṣī tu yā / ekaśṛṅgeti vikhyātā bhṛgūṇāṃ kīrtivarddhinī // ### [2.10.88](https://indike.org/pramana/in.purana.brahmanda.2.10.88) marīci garbhāste lokāḥ samāvṛtya divi sthitāḥ / ete hyaṅgirasaḥ putrāḥ sādhyaiḥ saṃvarddhitāḥ purā // ### [2.10.89](https://indike.org/pramana/in.purana.brahmanda.2.10.89) upahūtāḥ smṛtāste vai pitaro bhāsvarā divi / tānkṣatriyagaṇāḥ sapta bhāvayanti phalārthinaḥ // ### [2.10.90](https://indike.org/pramana/in.purana.brahmanda.2.10.90) eteṣāṃ mānasī kanyā yaśodā nāma viśrutā / matā yā jananī devī khaṭvāṅgasya mahātmanaḥ // ### [2.10.91](https://indike.org/pramana/in.purana.brahmanda.2.10.91) yajñe yasya purā gītā gāthāgītairmaharṣibhiḥ / agnerjanma tadā dṛṣṭvā śāṇḍilyasya mahātmanaḥ // ### [2.10.92](https://indike.org/pramana/in.purana.brahmanda.2.10.92) yajamānaṃ dilīpaṃ ye paśyantyatra samāhitāḥ / satyavrataṃ mahātmānaṃ te 'pi svargajito narāḥ // ### [2.10.93](https://indike.org/pramana/in.purana.brahmanda.2.10.93) ājyapā nāma pitaraḥ kardamasya prajā pateḥ / samutpannasya pulahādutpannāstasya te sutāḥ // ### [2.10.94](https://indike.org/pramana/in.purana.brahmanda.2.10.94) lakiṣu teṣu vaivartāḥ kāmagoṣu vihaṅgamāḥ / etānvaiśyagaṇāḥ śrāddhe bhāva yanti phalārthinaḥ // ### [2.10.95](https://indike.org/pramana/in.purana.brahmanda.2.10.95) eteṣāṃ mānasī kanyā virajā nāma viśrutā / yayāterjananī sādhvī patnī sā nahuṣasya ca // ### [2.10.96](https://indike.org/pramana/in.purana.brahmanda.2.10.96) sukālā nāma pitaro vasiṣṭhasya mahātmanaḥ / hairaṇyagarbhasya sutāḥ śūdrāstāṃ bhāvayantyuta // ### [2.10.97](https://indike.org/pramana/in.purana.brahmanda.2.10.97) mānasā nāma te lokā vartante yatra te divi / eteṣāṃ mānasī kanyā narmadā saritāṃ varā // ### [2.10.98](https://indike.org/pramana/in.purana.brahmanda.2.10.98) sā bhāvayati bhūtāni dakṣiṇāpathagāminī / jananī sātrasaddasyoḥ purukutsaparigrahaḥ // ### [2.10.99](https://indike.org/pramana/in.purana.brahmanda.2.10.99) eteṣāmabhyupagamānmanurmanvantareśvaraḥ / manvantarādau śrāddhāni pravartayati sarvaśaḥ // ### [2.10.100](https://indike.org/pramana/in.purana.brahmanda.2.10.100) pitṝṇāmānupūrvyeṇa sarveṣāṃ dvijasattamāḥ / tasmādetatsvadharmeṇa deyaṃ śrāddhaṃ ca śraddhayā // ### [2.10.101](https://indike.org/pramana/in.purana.brahmanda.2.10.101) sarveṣāṃ rājataiḥ pātrairapi vā rajatānvitaiḥ / dattaṃ svadhāṃ purodhāya śrāddhaṃ prīṇāti vai pitṝn // ### [2.10.102](https://indike.org/pramana/in.purana.brahmanda.2.10.102) saumyāyane vāgrayaṇe hyaśvamedhaṃ tadapnuyāt / somaścāpyāyanaṃ kṛtvā hyaganervevasvatasya ca // ### [2.10.103](https://indike.org/pramana/in.purana.brahmanda.2.10.103) pitṝnprīṇāti yo vaṃśyaḥ pitaraḥ prīṇayanti tam / pitaraḥ puṣṭikāmasya prajākāmasya vā punaḥ // ### [2.10.104](https://indike.org/pramana/in.purana.brahmanda.2.10.104) puṣṭiṃ prajāstathā svargaṃ prayacchanti na saṃśayaḥ / devakāryādapi sadā pitṛkāryaṃ viśiṣyate // ### [2.10.105](https://indike.org/pramana/in.purana.brahmanda.2.10.105) devatābhyaḥ pitṝṇāṃ hi pūrvamāpyāyanaṃ smṛtam / na hi yoga gatiḥ sūkṣmā pitṝṇāṃ na pitṛkṣayaḥ // ### [2.10.106](https://indike.org/pramana/in.purana.brahmanda.2.10.106) tapasā viprasiddhena dṛśyate māsacakṣuṣā / ityete pitaraścaiva lokā duhitaraśca vai // ### [2.10.107](https://indike.org/pramana/in.purana.brahmanda.2.10.107) dauhitrā yajamānāśca proktā ye bhāvayanti yān / catvāro mūrtimantastu trayasteṣāmamūrtayaḥ // ### [2.10.108](https://indike.org/pramana/in.purana.brahmanda.2.10.108) tebhyaḥ śrāddhāni satkṛtya devāḥ kurvanti yatnataḥ / bhaktyā prāñjalayaḥ sarveseṃdrāstadgatamānasāḥ // ### [2.10.109](https://indike.org/pramana/in.purana.brahmanda.2.10.109) viśve ca sikatāścaiva pṛśnijāḥ śṛṅgiṇastathā / kṛṣṇāḥ śvetāṃbujāścaiva vidhiva tpūjayantyuta // ### [2.10.110](https://indike.org/pramana/in.purana.brahmanda.2.10.110) praśastā vātarasanā divākṛtyāstathaiva ca / meghāśca marutaścaiva brahmādyāśca divaukasaḥ // ### [2.10.111](https://indike.org/pramana/in.purana.brahmanda.2.10.111) atribhṛgvaṅgirādyāśca ṛṣayaḥ sarva eva te / yakṣā nāgāḥ suparṇāśca kinnarā rākṣasaiḥ saha // ### [2.10.112](https://indike.org/pramana/in.purana.brahmanda.2.10.112) pitṝṃste 'pūjayansarve nityameva phalārthinaḥ / evamete mahātmānaḥ śrāddhe satkṛtya pūjitāḥ // ### [2.10.113](https://indike.org/pramana/in.purana.brahmanda.2.10.113) sarvānkāmānprayacchanti śataśo 'tha sahasraśaḥ / hitvā trailokyasaṃsāraṃ jarāmṛtyumayaṃ tathā // ### [2.10.114](https://indike.org/pramana/in.purana.brahmanda.2.10.114) mokṣaṃ yogamathaiśvaryaṃ sūkṣmadehamadehinām / kṛtsnaṃ vairāgyamānantyaṃ prayacchanti pitāmahāḥ // ### [2.10.115](https://indike.org/pramana/in.purana.brahmanda.2.10.115) eśvaryaṃ vihitaṃ yogameśvaryaṃ yoga ucyate / yogaiśvaryamṛte mokṣaḥ kathañcinnopapadyate // ### [2.10.116](https://indike.org/pramana/in.purana.brahmanda.2.10.116) apakṣasyeva gamanaṃ gagane pakṣiṇo yathā / variṣṭhaḥ sarvadharmāṇāṃ mokṣadharmaḥ sanātanaḥ // ### [2.10.117](https://indike.org/pramana/in.purana.brahmanda.2.10.117) pitṝṇāṃ hi prasādena prāpyate sa mahātmanām / muktāvaiḍūryavāsāṃsi vājināgāyutāni ca // ### [2.10.1118](https://indike.org/pramana/in.purana.brahmanda.2.10.1118) koṭiśaścāpi ratnāniprayacchanti pitāmahāḥ / haṃsabarhiṇayuktani muktāvaiḍhūryavanti ca // ### [2.10.119](https://indike.org/pramana/in.purana.brahmanda.2.10.119) kiṅkiṇījālanaddhāni sadā puṣpaphalāni ca / vimānānāṃ sahasrāṇi yuktānyapsarasāṃ gaṇaiḥ // ### [2.10.120](https://indike.org/pramana/in.purana.brahmanda.2.10.120) sarvakāmasamṛddhāni prayacchanti pitāmahāḥ / prajāṃ puṣṭiṃ smṛtiṃ medhāṃ rājyamārogyameva ca / prītā nityaṃ prayacchanti mānuṣāṇāṃ pitāmahāḥ // ### [2.10.120.p1](https://indike.org/pramana/in.purana.brahmanda.2.10.120.p1) iti śrībrahmāṇḍe mahāpurāṇe vāyuprokte madhyabhāge tṛtīye upoddhātapāde pitṛrājya kalpo nāma daśamo 'dhyāyaḥ // 10// ## Linked texts (5) - [Vāyupurāṇa](https://indike.org/pramana/in.purana.vayu.2.11.2) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.13.7) — Sanskrit - [Padmapurāṇa](https://indike.org/pramana/in.purana.padma.1.9.22) — Vyāsa, Sanskrit - [Dāśarathīyatantra](https://indike.org/pramana/in.sampradaya.vaisnava.tantra.dasarathiyatantra.2000) — Sanskrit - [Narasiṃhapurāṇa](https://indike.org/pramana/in.purana.upa.vaisnava.narasimha.20.4) — Sanskrit --- Source: [https://indike.org/pramana/in.purana.brahmanda.2.10](https://indike.org/pramana/in.purana.brahmanda.2.10) · Pramāṇa