[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.11 # Brahmandapurana 2.11 Brahmāṇḍapurāṇa 2.11 - **Language:** Sanskrit ## Contents - [2.11.116](https://indike.org/pramana/in.purana.brahmanda.2.11.116) — 1 part ### [2.11.1](https://indike.org/pramana/in.purana.brahmanda.2.11.1) bṛhaspatiruvāca rājataṃ rājatāktaṃ vā pitṝṇāṃ pātramucyate / rājatasya kathāvāpi darśanaṃ dāna meva vā // ### [2.11.2](https://indike.org/pramana/in.purana.brahmanda.2.11.2) anantamakṣayaṃ svarge rājate dānamucyate / pitṝnetena dānena satputrāstārayantyuta // ### [2.11.3](https://indike.org/pramana/in.purana.brahmanda.2.11.3) rājate hi svadhā dugdhā pātre taiḥ pṛthivī purā / svadhāṃ vā pārthibhistāta tasmin dattaṃ tadakṣayam // ### [2.11.4](https://indike.org/pramana/in.purana.brahmanda.2.11.4) kṛṣṇājinasya sāṃnidhyaṃ darśanaṃ dānameva ca / rakṣoghnaṃ brahma varcasyaṃ paśūnputrāṃśca tārayet // ### [2.11.5](https://indike.org/pramana/in.purana.brahmanda.2.11.5) kanakaṃ rājataṃ pātraṃ dauhitraṃ kutupastilāḥ / vastūni pāvanīyāni tridaṇḍīyoga eva vā // ### [2.11.6](https://indike.org/pramana/in.purana.brahmanda.2.11.6) śrāddhakarmaṇyayaṃ śreṣṭho vidhirbrāhmaḥ sanātanaḥ / āyuḥkīrtiprajaiśvaryaprajñāsaṃtativarddhanaḥ // ### [2.11.7](https://indike.org/pramana/in.purana.brahmanda.2.11.7) diśidakṣiṇapūrvasyāṃ vedisthānaṃ nivedayet / sarvato 'ratnimātraṃ ca caturasraṃ susaṃsthitam // ### [2.11.8](https://indike.org/pramana/in.purana.brahmanda.2.11.8) vakṣyāmi vidhivatsthānaṃ pitṝṇāmanuśāsitam / dhanyamāyuṣyamārogyaṃ balavarṇavivarddhanamā // ### [2.11.9](https://indike.org/pramana/in.purana.brahmanda.2.11.9) tatra gartāstrayaḥ kāyārstrayo daṇḍāśca khādirāḥ / aratnimātrāste kāryā rajataiḥ pravibhūṣitāḥ // ### [2.11.10](https://indike.org/pramana/in.purana.brahmanda.2.11.10) te vitastyāyatā garttāḥ sarvataścaturaṅgulāḥ / prāgdakṣiṇamukhānkuryātsthirānaśuṣirāṃstathā // ### [2.11.11](https://indike.org/pramana/in.purana.brahmanda.2.11.11) adbhiḥ pavitrayuktābhiḥ pāvayetsatataṃ śuciḥ / payasā hyāja gavyena śodhanaṃ cādbhireva ca // ### [2.11.12](https://indike.org/pramana/in.purana.brahmanda.2.11.12) satataṃ tarpaṇaṃ hyetattṛptirbhavati śāsvatī / iha vāmutra ya vaśī sarvakāmasamanvitaḥ // ### [2.11.13](https://indike.org/pramana/in.purana.brahmanda.2.11.13) evaṃ triṣavaṇasnāto yor'cayetprayataḥ pitṝn / mantreṇa vidhivatsamyagaśvamedhaphalaṃ labhet // ### [2.11.14](https://indike.org/pramana/in.purana.brahmanda.2.11.14) tānsthāpayedamāvāsyāṃ garttānvai caturaṅgulān / triḥsaptasaṃsthāste yajñāstrailokyaṃ dhāryate tu yaḥ // ### [2.11.15](https://indike.org/pramana/in.purana.brahmanda.2.11.15) tasya puṣṭistathaiśvaryamāyuḥ saṃtatireva ca / divi ca bhrājatelakṣmyā mokṣaṃ ca labhate kramāt // ### [2.11.16](https://indike.org/pramana/in.purana.brahmanda.2.11.16) pāpmāpahaṃ pāvanīyaṃ hyaśvamedhaphalaṃ labhet / aśvamedhaphalaṃ hyettaddvijaiḥ saṃskṛtya pūjitam // ### [2.11.17](https://indike.org/pramana/in.purana.brahmanda.2.11.17) mantraṃ vakṣyāmyahaṃ tasmādamṛtaṃ brahmanirmitam / deṃvatebhyaḥ pitṛbhyaśca mahāyogibhya eva ca // ### [2.11.18](https://indike.org/pramana/in.purana.brahmanda.2.11.18) namaḥ svāhayai svadhāyai nityameva bhavatyuta / āddhe 'vasāne śrāddhasya trirāvṛttaṃ japetsadā // ### [2.11.19](https://indike.org/pramana/in.purana.brahmanda.2.11.19) piṇḍanirvapaṇe vāpi japedetaṃ samāhitaḥ / kṣipramāyānti pitaro rakṣāṃsi pradravanti ca // ### [2.11.20](https://indike.org/pramana/in.purana.brahmanda.2.11.20) pitryaṃ tu triṣu kāleṣu mantro 'yaṃ tārayatyuta / paṭhyamānaḥ sadā śrāddhe niyatairbrahmavādibhiḥ // ### [2.11.21](https://indike.org/pramana/in.purana.brahmanda.2.11.21) rājyakāmo japedetaṃ sadā mantramatandritaḥ / vīryaśauryārthasattvāśīrāyurbuddhivivarddhanam // ### [2.11.22](https://indike.org/pramana/in.purana.brahmanda.2.11.22) prīyante pitaro yena japena niyamena ca / saptarciṣaṃ pravakṣyāmi sarvakāmapradaṃ śubham // ### [2.11.23](https://indike.org/pramana/in.purana.brahmanda.2.11.23) amūrttīnāṃ samūrttināṃ pitṝṇāṃ dīptatejasām / namasyāmi sadā teṣāṃ dhyānināṃ yogacakṣuṣām // ### [2.11.24](https://indike.org/pramana/in.purana.brahmanda.2.11.24) indrādīnāṃ ca netāro daśamārīcayostathā / saptarṣīṇāṃ pitṝṇāṃ ca tānnamasyāmi kāmadān // ### [2.11.25](https://indike.org/pramana/in.purana.brahmanda.2.11.25) manvādināṃ ca netāraḥ sūryācandramasostathā / tānnamaskṛtya sarvānvai pitṛmatsu vidhiṣvapi // ### [2.11.26](https://indike.org/pramana/in.purana.brahmanda.2.11.26) nakṣatrāṇāṃ grahāṇāṃ ca vāyvagnyośca pitṝnatha / dyāvāpṛthivyośca sadā nāmasyāmi kṛtāñjaliḥ // ### [2.11.27](https://indike.org/pramana/in.purana.brahmanda.2.11.27) devarṣīṇāṃ ca netāraḥ sarvalokanamaskṛtāḥ / trātāraḥ sarvabhūtānāṃ namasyāmi pitāmahān // ### [2.11.28](https://indike.org/pramana/in.purana.brahmanda.2.11.28) prajāpatergavāṃ vahneḥ somāya ca yamāya ca / yogeśvarebhyaśca sadā namasyāmi kṛtāñjaliḥ // ### [2.11.29](https://indike.org/pramana/in.purana.brahmanda.2.11.29) pitṛgaṇebhyaḥ saptabhyo namo lokeṣu saptasu / svayaṃbhuve namaścaiva brahmaṇe yogacakṣuṣe // ### [2.11\_2](https://indike.org/pramana/in.purana.brahmanda.2.11_2) etaduktaṃ ca saptārcirbrahmarṣigaṇasevitam / pavitraṃ paramaṃ hyetacchrīmadrogavināśanam // ### [2.11.31](https://indike.org/pramana/in.purana.brahmanda.2.11.31) etena vidhinā yuktastrīnvarāṃllabhate naraḥ / annamāyuḥ sutāścaiva dadate pitaro bhuvi // ### [2.11.32](https://indike.org/pramana/in.purana.brahmanda.2.11.32) bhaktyā paramayā yuktaḥ śraddhadhāno jitendriyaḥ / saptārci ṣaṃ japedyastu nityameva samāhitaḥ // ### [2.11.33](https://indike.org/pramana/in.purana.brahmanda.2.11.33) saptadvīpasamudrāyāṃ pṛthivyāmekarāḍ bhavet / yatkiñcitpacyate gehe bhakṣyaṃ vā bhojyameva vā // ### [2.11.34](https://indike.org/pramana/in.purana.brahmanda.2.11.34) anivedya na bhoktavyaṃ tasminnayatane sadā / kramaśaḥ kīrtayiṣyāmi balipātrāṇyataḥ param // ### [2.11.35](https://indike.org/pramana/in.purana.brahmanda.2.11.35) yeṣu yacca phalaṃ proktaṃ tanme nigadataḥ śruṇu / palāśe brahmavarcastvamaśvatthe vasubhāvanā // ### [2.11.36](https://indike.org/pramana/in.purana.brahmanda.2.11.36) sarvabhūtādhipatyaṃ ca plakṣe nityabhudātdṛtam / puṣṭiḥ prajāśca nyagrodhe buddhiḥ prajñā dhṛtiḥ smṛtiḥ // ### [2.11.37](https://indike.org/pramana/in.purana.brahmanda.2.11.37) raśodhnaṃ ca yaśasyaṃ ca kāśmarīpātramucyate / saubhāgyamuttamaṃ loke mādhūke samudātdṛtam // ### [2.11.38](https://indike.org/pramana/in.purana.brahmanda.2.11.38) phalagupātreṣu kurvāṇaḥ sarvānkāmānavāpnuyāt / parāṃ dyutimathārketu prākāśyaṃ ca viśeṣataḥ // ### [2.11.39](https://indike.org/pramana/in.purana.brahmanda.2.11.39) bailve lakṣmīntathā medhāṃ nityamāyustathaiva ca / kṣetrārāmataḍāgeṣu sarvasasyeṣu caiva ha // ### [2.11.40](https://indike.org/pramana/in.purana.brahmanda.2.11.40) varṣatya jasraṃ parjanyo veṇupātreṣu kurvataḥ / eteṣveva supātreṣu bhojanāgramaśeṣataḥ // ### [2.11.41](https://indike.org/pramana/in.purana.brahmanda.2.11.41) sadā dadyātsa yajñānāṃ sarveṣāṃ phalamāpnuyāt / pitṛbhyaḥ puṣpamālyāni sugandhāni ca tatparaḥ // ### [2.11.42](https://indike.org/pramana/in.purana.brahmanda.2.11.42) sadā dadyātkriyāyuktaḥ śa vibhāti divākaraḥ / guggulādīṃstathā dhūpānpitṛbhyo yaḥ prayacchati // ### [2.11.43](https://indike.org/pramana/in.purana.brahmanda.2.11.43) saṃyuktānmadhusarpirbhyaṃ so 'gniṣṭomaphalaṃ labhet / dhūpaṃ gandhaguṇopetaṃ kṛtvā pitṛparāyaṇaḥ // ### [2.11.44](https://indike.org/pramana/in.purana.brahmanda.2.11.44) labhate ca suśarmāṇi iha cāmutra cobhayoḥ / dadyādevaṃ pitṛbhyāstu nityameva hyatandritaḥ // ### [2.11.45](https://indike.org/pramana/in.purana.brahmanda.2.11.45) dīpaṃ pitṛbhyaḥ prayataḥ sadā yastu prayacchati / gatiṃ cāpratimaṃ cakṣustasmātsalabhate śubham // ### [2.11.46](https://indike.org/pramana/in.purana.brahmanda.2.11.46) tejasā yaśasā caiva kāntyā cāpi balena ca / bhuvi prakāśo bhavati brājate ca triviṣṭape // ### [2.11.47](https://indike.org/pramana/in.purana.brahmanda.2.11.47) apsarobhiḥ parivṛto vimānāgre ca modate / gandhapuṣpaiśca dhūpaiśva japāhutibhireva ca // ### [2.11.48](https://indike.org/pramana/in.purana.brahmanda.2.11.48) phalamūlanamaskāraiḥ pitṝṇāṃ prayataḥ śuciḥ / pūjāṃ kṛtvā dvijānpaścātpūjayedannasaṃpadā // ### [2.11.49](https://indike.org/pramana/in.purana.brahmanda.2.11.49) śrāddhakāleṣu niyataṃ vāyubhūtāḥ pitāmahāḥ / āviśanti dvijāñchreṣṭhāṃstasmādetadbravīmi te // ### [2.11.50](https://indike.org/pramana/in.purana.brahmanda.2.11.50) vastrai ratnapradānaiśca bhakṣyaiḥ peyaistathaiva ca / gobhiraśvaistathā grāmaiḥ pūjayeddvijasattamān // ### [2.11.51](https://indike.org/pramana/in.purana.brahmanda.2.11.51) bhavanti pitaraḥ prītāḥ pūjiteṣu dvijātiṣu / tasmādyatnena vidhivatpūjayeta dvijānsadā // ### [2.11.52](https://indike.org/pramana/in.purana.brahmanda.2.11.52) savyottarābhyāṃ pāṇibhyāṃ kuryādullekhanaṃ dvijāḥ / prokṣaṇaṃ ca tataḥ kuryācchrāddhakarmaṇyatandritaḥ // ### [2.11.53](https://indike.org/pramana/in.purana.brahmanda.2.11.53) darbhānpiṇḍāṃstathā bhakṣyānpuṣpāṇi vividhāni ca / gandhadānamalaṅkāramekaikaṃ nirvaped budhaḥ // ### [2.11.54](https://indike.org/pramana/in.purana.brahmanda.2.11.54) peṣayitvāñjanaṃ samyagviśveṣāmuttarottaram / abhyaṅgaṃ darbhaviñjūlaistribhiḥ kuryādyathāvidhi // ### [2.11.55](https://indike.org/pramana/in.purana.brahmanda.2.11.55) apasavyaṃ vitṛbhayaśca dadyādañjanamuttamam / nipātya jānu sarveṣāṃ vastrārthaṃ sūtrameva vā // ### [2.11.56](https://indike.org/pramana/in.purana.brahmanda.2.11.56) khaṇḍanaṃ prokṣaṇaṃ caiva tathaivollekhanaṃ dvijaḥ / sakṛddevapitṝṇāṃ syātpitṝṇāṃ tribhirucyate // ### [2.11.57](https://indike.org/pramana/in.purana.brahmanda.2.11.57) ekaṃ pavitraṃ hastena pitṝnasarvānsakṛtsakṛt / cailamantreṇa piṇḍebhyo dattvādarśāñjine hi tam // ### [2.11.58](https://indike.org/pramana/in.purana.brahmanda.2.11.58) sadā sarpistilairyuktāṃstrīnpiṇḍānnirvapedbhuvi / jānu kṛtvā tathā savyaṃ bhūmau pitṛparāyaṇaḥ // ### [2.11.59](https://indike.org/pramana/in.purana.brahmanda.2.11.59) pitṝnpitāmahāṃścaiva tathaiva prapitāmahān / āhūya ca pitṝnprāñcaḥ pitṛtīrthena yatnataḥ // ### [2.11.60](https://indike.org/pramana/in.purana.brahmanda.2.11.60) piṇḍānparikṣipetsamyagapasavyamatandritaḥ / annādyaireva mukhyaiścabhakṣyaiścaiva pṛthagvidhaiḥ // ### [2.11.61](https://indike.org/pramana/in.purana.brahmanda.2.11.61) pṛthaṅmātāmahānāṃ tu kecidicchanti mānavāḥ / trīnpiṇḍānānupūrvyeṇa sāṃguṣṭhānpuṣṭivarddhanān // ### [2.11.62](https://indike.org/pramana/in.purana.brahmanda.2.11.62) jānvantarābhyāṃ yatnena piṇḍāndadyādyathākramam / savyottarābhyāṃ pāṇibhyāṃ dhārārthaṃ mantramuccaran // ### [2.11.63](https://indike.org/pramana/in.purana.brahmanda.2.11.63) namo vaḥ pitaraḥ śoṣāyeti sarvamatandritaḥ / dakṣiṇasyāṃ tu pāṇibhyāṃ prathamaṃ piṇḍamutsṛjet // ### [2.11.64](https://indike.org/pramana/in.purana.brahmanda.2.11.64) namo vaḥ pitaraḥ saumyaḥ paṭhannevamatandritaḥ / savyottarābhyāṃ pāṇibhyāṃ dharmer'dhaṃ samatandritaḥ // ### [2.11.65](https://indike.org/pramana/in.purana.brahmanda.2.11.65) ulūkhalasya lekhāyāmudapātrāvasecanam / kṣaumaṃ sūtraṃ navaṃ dadyācchāṇaṃ kārpāsakaṃ tathā // ### [2.11.66](https://indike.org/pramana/in.purana.brahmanda.2.11.66) patrorṇaṃ paṭṭasūtraṃ ca kauśeyaṃ parivarjayet / varjayedyakṣaṇaṃ yajñe yadyapyahatavastrajām // ### [2.11.67](https://indike.org/pramana/in.purana.brahmanda.2.11.67) na prīṇanti tathaitāni dātu ścāpyahitaṃ bhavet / śreṣṭhamāhustrikakudamañjanaṃ nityameva ca // ### [2.11.68](https://indike.org/pramana/in.purana.brahmanda.2.11.68) kṛṣṇebhyaśca telaistailaṃ yatnātsuparirakṣitam / candanāguruṇī cobhe tamālośīrapadmakam // ### [2.11.69](https://indike.org/pramana/in.purana.brahmanda.2.11.69) dhūpaśca guggalaḥ śreṣṭasturuṣkaḥ śveta eva ca / śuklāḥ sumanasaḥ śreṣṭhāstathā padmotpalāni ca // ### [2.11.70](https://indike.org/pramana/in.purana.brahmanda.2.11.70) gandharūpopapannāni cāraṇyāni ca kṛtsnaśaḥ / tathā hi sumanā nāḍīrūpikāsmakuraṇḍikā // ### [2.11.71](https://indike.org/pramana/in.purana.brahmanda.2.11.71) puṣpāṇi varjanīyāni śrāddhakarmaṇi nityaśaḥ / yathā gandhādapetāni cogragandhāni yāni ca // ### [2.11.72](https://indike.org/pramana/in.purana.brahmanda.2.11.72) varjanīyāni puṣpāṇi puṣṭimanviccatā sadā / dvijātayo yathoddiṣṭā niyatāḥ syurudaṅmukhāḥ // ### [2.11.73](https://indike.org/pramana/in.purana.brahmanda.2.11.73) pūjayedyajamānastu vidhivadyakṣiṇāmukhaḥ / teṣāmabhimukho dadyāddarbhatpiṇḍāṃśca yatnataḥ // ### [2.11.74](https://indike.org/pramana/in.purana.brahmanda.2.11.74) anena vidhinā sākṣādarcitāḥ syuḥ pitāmahāḥ / haritā vai sa piñjālāḥ puṣṭāḥ snigdhāḥ samāhitāḥ // ### [2.11.75](https://indike.org/pramana/in.purana.brahmanda.2.11.75) ratnimātrāḥ pramāṇena vitṛtīrthena saṃsmṛtāḥ / upamūle tathā nīlā viṣṭarārthaṃ kuśottamāḥ // ### [2.11.76](https://indike.org/pramana/in.purana.brahmanda.2.11.76) tathā śyāmākanīvārā dūrvā ca samudāhṛtā / pūrvaṃ kīrttimatāṃ śreṣṭho babhūvāśvaḥ prajāpatiḥ // ### [2.11.77](https://indike.org/pramana/in.purana.brahmanda.2.11.77) tasya bālā nipatitā bhūmau kāśatvāmāgatāḥ / tasmāddeyāḥ sadā kāśāḥ śrāddhakarmasu pūjitāḥ // ### [2.11.78](https://indike.org/pramana/in.purana.brahmanda.2.11.78) piṇḍanirvapaṇaṃ teṣu karttavyaṃ bhūtimicchatā / prajāḥ puṣṭidyutiprajñākīrttikāntisamanvitāḥ // ### [2.11.79](https://indike.org/pramana/in.purana.brahmanda.2.11.79) bhavanti rucirā nityaṃ vipāpmāno 'ghavarjitāḥ / sakṛdevāstaredyarbhānpiṇḍārthe dakṣiṇāmukhaḥ // ### [2.11.80](https://indike.org/pramana/in.purana.brahmanda.2.11.80) prāgdakṣiṇāgrānniyato vidhi cāpyatra vakṣyati / na dīno nāpi vā kruddho na caivānyamanā naraḥ / ekatra cādhāya manaḥ śrāddhaṃ kuryātsamāhitaḥ // ### [2.11.81](https://indike.org/pramana/in.purana.brahmanda.2.11.81) nihanmi sarvaṃ yadamedhyavadbhaveddhataśca sarve suradānavā mayā / rakṣāṃsi yakṣāḥ sapiśācasaṃghā hatā mayā yātudhānāśca sarve // ### [2.11.82](https://indike.org/pramana/in.purana.brahmanda.2.11.82) etena mantreṇa tu saṃyatātmā tāṃ vai vediṃ sakṛdullikhya dhīraḥ / śivāṃ hi buddhiṃ dhruvamicchamānaḥ kṣipeddvicātirdiśamuttarāṃ gataḥ // ### [2.11.83](https://indike.org/pramana/in.purana.brahmanda.2.11.83) evaṃ pitryaṃ dṛṣṭamantraṃ hi yasyatasyāsurā varjayantīha sarve / yasmindeśe paṭhyate mantra eṣa taṃ vai deśaṃ rākṣasā varjayanti // ### [2.11.84](https://indike.org/pramana/in.purana.brahmanda.2.11.84) annaprakārānaśucīnasādhūnsaṃvīkṣate no spṛśaṃśvāpi dadyāt / pavitrapāṇiśca bhavenna vā hi yaḥ pumānna kāryasya phalaṃ samaśnute // ### [2.11.85](https://indike.org/pramana/in.purana.brahmanda.2.11.85) anena vidhinā nityaṃ śrāddhaṃ kuryāddhi yaḥ sadā / manasā kāṅkṣate yadyattattadyadyuḥ pitamahāḥ // ### [2.11.86](https://indike.org/pramana/in.purana.brahmanda.2.11.86) pitaro hṛṣṭamanaso rakṣāṃsi vimanāṃsi ca / bhavantyevaṃ kṛte śrāddhe nityameva prayatnataḥ // ### [2.11.87](https://indike.org/pramana/in.purana.brahmanda.2.11.87) śūdrāḥ śrāddheṣvavikṣīraṃ balvajā upalāstathā / viraṇāścotuvālāśca laḍvā varjyāśca nityaśaḥ // ### [2.11.88](https://indike.org/pramana/in.purana.brahmanda.2.11.88) evamādīnyayajñāni tṛṇāni parivarjayet / añjanābhyajanaṃ gandhānsūtrapraṇayanaṃ tathā // ### [2.11.89](https://indike.org/pramana/in.purana.brahmanda.2.11.89) kāśeḥ punarbhavaiḥ kāryamaśvamedhaphalaṃ labhet / kāśāḥ punarbhavā ye ca barhiṇo hyupabarhiṇaḥ // ### [2.11.90](https://indike.org/pramana/in.purana.brahmanda.2.11.90) ityete pitaro devā devāśca pitaraḥ punaḥ / puṣpagandhavibhūṣāṇāmeṣa mantra udāhṛtaḥ // ### [2.11.91](https://indike.org/pramana/in.purana.brahmanda.2.11.91) āhṛtya dakṣiṇāgniṃ tu homārthaṃ vai prayatnataḥ / anyārthe laukikaṃ vāpi juhuyātkarmasiddhaye // ### [2.11.92](https://indike.org/pramana/in.purana.brahmanda.2.11.92) antarvidhāya samidhastato dīpto vidhīyate / samāhitena manasā praṇīyāgniṃ samantataḥ // ### [2.11.93](https://indike.org/pramana/in.purana.brahmanda.2.11.93) agnaye kavyavāhāya svadhā aṅgirase namaḥ / somāya vai pitṛmate svadhā aṅgirase punaḥ // ### [2.11.94](https://indike.org/pramana/in.purana.brahmanda.2.11.94) yamāya vaivasvataye svadhānama iti dhruvam / ityete homamantrāstu trayāṇāmanupūrvaśaḥ // ### [2.11.95](https://indike.org/pramana/in.purana.brahmanda.2.11.95) dakṣiṇenāgnaye nityaṃ somāyottaratastathā / etayorantare nityaṃ juhuyādvai vivasvate // ### [2.11.96](https://indike.org/pramana/in.purana.brahmanda.2.11.96) upahāraḥ svadhākārastathaivollekhanaṃ ca yat / homajapye namaskāraḥ prokṣaṇaṃ ca viśeṣataḥ // ### [2.11.97](https://indike.org/pramana/in.purana.brahmanda.2.11.97) bahuhavyendhane cāgnau susamiddhe tathaiva ca / añjanābyañjanaṃ caiva piṇḍanirvapaṇaṃ tathā // ### [2.11.98](https://indike.org/pramana/in.purana.brahmanda.2.11.98) aśvamedhaphalaṃ caitatsamiddhe yatkṛtaṃ dvijaiḥ / kriyā sarvā yathoddiṣṭāḥ prayatnena samācaret // ### [2.11.99](https://indike.org/pramana/in.purana.brahmanda.2.11.99) bahuhavyendhane cāgnau susamiddhe viśeṣataḥ / vidhūme lelihāne ca hotavyaṃ karmasiddhaye // ### [2.11.100](https://indike.org/pramana/in.purana.brahmanda.2.11.100) aprabuddhe samiddhe vā juhuyādyo hutāśane / yajamāno bhave dandhaḥ so 'mutreti hi naḥ śrutam // ### [2.11.101](https://indike.org/pramana/in.purana.brahmanda.2.11.101) alpendhano vā rūkṣo 'gnirvasphuliṅgaśca sarvaśaḥ / jvālādhūmāpasavyaśca sa tu vahnirasiddhaye // ### [2.11.102](https://indike.org/pramana/in.purana.brahmanda.2.11.102) durgandhaścaiva nīlaśca kṛṣṇaścaiva viśeṣataḥ / bhūmiṃ vagāhate yatra tatra vidyātparābhavat // ### [2.11.103](https://indike.org/pramana/in.purana.brahmanda.2.11.103) arciṣmān piṇḍitaśikhaḥ sarppikāñjanasannibhaḥ / snigdhaḥ pradakṣiṇaścaiva vahniḥ syātkāryasiddhaye // ### [2.11.104](https://indike.org/pramana/in.purana.brahmanda.2.11.104) naranārīgaṇebhyaśca pūjāṃ prāpnoti śāśvatīm / akṣayaṃ pūjitāstena bhavanti pitaro 'gnayaḥ // ### [2.11.105](https://indike.org/pramana/in.purana.brahmanda.2.11.105) bilvoduṃbarapatrāṇi phalāni samidhastathā / śrāddhe mahāpavitrāṇi medhyāni ca viśeṣataḥ // ### [2.11.106](https://indike.org/pramana/in.purana.brahmanda.2.11.106) pavitraṃ ca dvijaśreṣṭhāḥ śuddhaye janmakarmaṇām / pātreṣu phalamuddiṣṭaṃ yanmayā śrāddhakarmaṇi // ### [2.11.107](https://indike.org/pramana/in.purana.brahmanda.2.11.107) tadeva kṛtsnaṃ vijñeyaṃ samitsu ca yathākramam / kṛtvā samāhitaṃ cittamāgneyaṃ vai karomyaham // ### [2.11.108](https://indike.org/pramana/in.purana.brahmanda.2.11.108) anujñātaḥ kuruṣveti tathaiva dvijasattamaiḥ / ghṛtamādāya pātre ca juhuyāddhavyavāhane // ### [2.11.109](https://indike.org/pramana/in.purana.brahmanda.2.11.109) palāśaplakṣanyagrodhaplakṣāśvatthavikaṅkatāḥ / uduṃbarastathābilvaścandano yajñiyāśca ye // ### [2.11.110](https://indike.org/pramana/in.purana.brahmanda.2.11.110) saralo devadāruśca śālaśca kadirastathā / samidarthe praśastāḥ syurete vṛkṣā viśeṣataḥ // ### [2.11.111](https://indike.org/pramana/in.purana.brahmanda.2.11.111) grāmyāḥ kaṇṭakinaścaiva yājñiyā ye ca kecana / pūjitāḥ samidarthaṃ te pitṝṇāṃ vacanaṃ yathā // ### [2.11.112](https://indike.org/pramana/in.purana.brahmanda.2.11.112) samidbhiḥ ṣaṭphaleyābhirjuhuyādyo hutāśanam / phalaṃ yatkarmaṇastasya tanme nigadataḥ śṛṇu // ### [2.11.113](https://indike.org/pramana/in.purana.brahmanda.2.11.113) akṣayaṃ sarvakāmīyamaśvamedhaphalaṃ hi tat / śleṣmāntako naktamālaḥ kapitthaḥ śālmalistathā // ### [2.11.114](https://indike.org/pramana/in.purana.brahmanda.2.11.114) nīpo vibhītakaścaiva śrāddhakarmaṇi garhitāḥ / cirabilvastathā kolastidukaḥ śrāddhakarmaṇi // ### [2.11.115](https://indike.org/pramana/in.purana.brahmanda.2.11.115) balvajaḥ kovidāraśca varjanīyāḥ samantataḥ / śakunānāṃ nivāsāṃśca varjayeta mahīruhān // ### [2.11.116](https://indike.org/pramana/in.purana.brahmanda.2.11.116) anyāṃścaivaṃvidhānsarvānnayajñīyāṃśca varjayet / svadheti caiva mantrāṇāṃ pitṝṇāṃ vacanaṃ yathā / svāheti caiva devānāṃ yajñakarmaṇyudāhṛtam // ### [2.11.116.p1](https://indike.org/pramana/in.purana.brahmanda.2.11.116.p1) iti śrībrahmāṇḍe mahāpurāṇe vāyuprokte madhyabhāge tṛtīye upoddhātapāde śrāddhakalpe samidvarṇana nāmaikādaśo 'dhyāyaḥ // 11// ## Linked texts (10) - [Vāyupurāṇa](https://indike.org/pramana/in.purana.vayu.2.12.1) — Vyāsa, Sanskrit - [Garuḍapurāṇa](https://indike.org/pramana/in.purana.garuda.1.89.51) — Vyāsa, Sanskrit - [Padmapurāṇa](https://indike.org/pramana/in.purana.padma.1.9.143) — Vyāsa, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p75) — Devaṇṇabhaṭṭa, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p184.3) — Dalapatirāja 1511, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p86) — Gadādhara Rājaguru 1725, Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.36.3) — Kamalākarabhaṭṭa, Sanskrit - [Kālasāra](https://indike.org/pramana/in.astro.muhurta.kala.kalasara.18.p80) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p80) — Gadādhara (Pāraskara commentator), Sanskrit - [Īśvarasaṃhitā](https://indike.org/pramana/in.sampradaya.vaisnava.pancaratra.isvara.1.p6.3) — Sanskrit --- Source: [https://indike.org/pramana/in.purana.brahmanda.2.11](https://indike.org/pramana/in.purana.brahmanda.2.11) · Pramāṇa