[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.14 # Brahmandapurana 2.14 Brahmāṇḍapurāṇa 2.14 - **Language:** Sanskrit ## Contents - [2.14.112](https://indike.org/pramana/in.purana.brahmanda.2.14.112) — 1 part - [2.14.117](https://indike.org/pramana/in.purana.brahmanda.2.14.117) — 1 part ### [2.14.1](https://indike.org/pramana/in.purana.brahmanda.2.14.1) bṛhaspatiruvāca ataḥ paraṃ pravakṣyāmi sarvadānaphalāni ca / śrāddhakarmaṇi medhyāni varjanīyāni yāni ca // ### [2.14.2](https://indike.org/pramana/in.purana.brahmanda.2.14.2) himaprapatane kuryādā haredvā himaṃ tataḥ / agnihotramupāyuṣyaṃ pavitraṃ paramaṃ hitam // ### [2.14.3](https://indike.org/pramana/in.purana.brahmanda.2.14.3) naktaṃ tu varjayecchrāddhaṃ rāhoranyatra darśanāt / sarvasvenāpi karttavyaṅkṣipraṃ vai rāhudarśane // ### [2.14.4](https://indike.org/pramana/in.purana.brahmanda.2.14.4) uparāge na kuryādyaḥ paṅke gauriva sīdati / kurvāṇastattaretpāpaṃ satī nauriva sāgare // ### [2.14.5](https://indike.org/pramana/in.purana.brahmanda.2.14.5) vaiśvadevaṃ ca saumyaṃ ca khaḍgamāṃsaṃ paraṃ haviḥ / viṣāṇavarjaṃ khaḍgasya mātsaryānnāśayāmahe // ### [2.14.6](https://indike.org/pramana/in.purana.brahmanda.2.14.6) tvāṣṭrā vai yajamānena deveśena mahātmanā / pibañchacīpatiḥ somaṃ pṛthivyāṃ madhyagaḥ purā // ### [2.14.7](https://indike.org/pramana/in.purana.brahmanda.2.14.7) śyāmākāstatra utpannāḥ pitrarthamaparajitāḥ / vipruṣastasya nāsābhyāmāsaktābhyāṃ tathekṣavaḥ // ### [2.14.8](https://indike.org/pramana/in.purana.brahmanda.2.14.8) śreṣmalāḥ śītalāḥ snigdhā madhurāśca tathekṣavaḥ / śyāmākairikṣubhiścaiva pitṝṇāṃ sarvakāmikam // ### [2.14.9](https://indike.org/pramana/in.purana.brahmanda.2.14.9) kuryādāgrayaṇaṃ yastu sa śīghraṃ siddhimāpnuyāt / śyāmākāstu dvināmāno vihitā yajanesmṛte // ### [2.14.10](https://indike.org/pramana/in.purana.brahmanda.2.14.10) yasmāttedevasṛṣṭāstu tasmātte cākṣayāḥ smṛtāḥ / prasātikāḥ priyaṅguśca mudgāśca haritāstathā // ### [2.14.11](https://indike.org/pramana/in.purana.brahmanda.2.14.11) etānyapi samānāni śyāmākānāṃ guṇaistu taiḥ / kṛṣṇamāṣāstilāścaiva śreṣṭhāstu yavaśālayaḥ // ### [2.14.12](https://indike.org/pramana/in.purana.brahmanda.2.14.12) mahāyavāśca niṣpāvāstathaiva ca madhūlikāḥ / kṛṣṇāścaivānnalohāśca garhyāḥ syuḥ śrāddhakarmaṇi // ### [2.14.13](https://indike.org/pramana/in.purana.brahmanda.2.14.13) rājamāṣāstathānye vai varjanīyāḥ prayatnataḥ / masūrāścaiva puṇyāśca kusuṃbhaṃ śrīniketanam // ### [2.14.14](https://indike.org/pramana/in.purana.brahmanda.2.14.14) varṣāsvatiyavā nityaṃ tathā vṛṣakavāsakau / bilvāmalakamṛdvīkāpanasāmrātadāḍimāḥ // ### [2.14.15](https://indike.org/pramana/in.purana.brahmanda.2.14.15) tavaśolaṃyatākṣaudrakharjūrāmralāni ca / khaśerukovidāryaśca tālakandaṃ tathā visam // ### [2.14.16](https://indike.org/pramana/in.purana.brahmanda.2.14.16) tamālaṃ śatakandaṃ ca madvasūcāntakāndikī / kāleyaṃ kālaśākaṃ ca bhūripūrṇā suvarcalā // ### [2.14.17](https://indike.org/pramana/in.purana.brahmanda.2.14.17) māṃsākṣaṃ duviśākaṃ ca bubucetā kurastathā / kaphālakaṃ kaṇā drākṣā lakucaṃ cocameva ca // ### [2.14.18](https://indike.org/pramana/in.purana.brahmanda.2.14.18) alābuṃ grīvakaṃ vīraṃ karkandhūmadhusāhvayam / vaikaṅkataṃ nālikeraśṛṅgaja pakarūṣakam // ### [2.14.19](https://indike.org/pramana/in.purana.brahmanda.2.14.19) pippalī maricaṃ caiva paṭholaṃ bṛhatīphalam / sugandhamāṃsapīvanti kaṣāyāḥ sarva eva ca // ### [2.14.20](https://indike.org/pramana/in.purana.brahmanda.2.14.20) evamādīni cānyāni varāṇi madhurāṇi ca / nāgaraṃ cātra vai deyaṃ dīrghamūlakamava ca // ### [2.14.21](https://indike.org/pramana/in.purana.brahmanda.2.14.21) vaṃśaḥ karīraḥ surasaḥ sarjakaṃ bhūstṛṇāni ca / varjanīyāni vakṣyāmi śrāddhakarmaṇi nityaśaḥ // ### [2.14.22](https://indike.org/pramana/in.purana.brahmanda.2.14.22) laśunaṃ gṛñjanaṃ caiva tathā vai palvalodakam / karaṃbhādyāni cānyāni hīnāni rasagandhataḥ // ### [2.14.23](https://indike.org/pramana/in.purana.brahmanda.2.14.23) śrāddhakarmaṇi varjyāni kāraṇaṃ cātra vakṣyate / purā devāsure yuddhe nirjitasya baleḥ suraiḥ // ### [2.14.24](https://indike.org/pramana/in.purana.brahmanda.2.14.24) śaraistu vikṣatādaṅgātpatitā raktabindavaḥ / tata etāni jātāni laśunādīni sarvaśaḥ // ### [2.14.25](https://indike.org/pramana/in.purana.brahmanda.2.14.25) tathaiva raktaniryāsā lavaṇānyauṣaraṇi ca / śraddhakarmaṇi varjyāni yāśca nāryo rajasvalāḥ // ### [2.14.26](https://indike.org/pramana/in.purana.brahmanda.2.14.26) durgandhaṃ phenilaṃ caiva tathā vai palvalodakam / labhedyatra na gaustṛptiṃ naktaṃ yaccaiva guhyate // ### [2.14.27](https://indike.org/pramana/in.purana.brahmanda.2.14.27) āvikaṃ mārgamauṣṭraṃ ca sarvamekaśaphaṃ ca yat / māhiṣaṃ cāmaraṃ caiva payo varjyaṃ vijānatā // ### [2.14.28](https://indike.org/pramana/in.purana.brahmanda.2.14.28) ataḥ paraṃ pravakṣyāmi varjyāndeśānprayatnataḥ / na draṣṭavyaṃ ca yaiḥ śrāddhaṃ śaucāśaucaṃ ca kṛtsnaśaḥ // ### [2.14.29](https://indike.org/pramana/in.purana.brahmanda.2.14.29) vanyamūlaphalairbhakṣyaiḥ śrāddhaṃ kuryāttu śraddhayā / rājaniṣṭhāmavāpnoti svargamakṣayameva ca // ### [2.14.30](https://indike.org/pramana/in.purana.brahmanda.2.14.30) aniṣṭaśabdāṃ saṃkīrṇāṃ jantupyāptāmathāvilām / pūtigandhāṃ tathā bhūmiṃ varjayecchrāddhakarmaṇi // ### [2.14.31](https://indike.org/pramana/in.purana.brahmanda.2.14.31) nadyaḥ sāgaraparyantā dvāraṃ dakṣiṇapūrvataḥ / triśaṅkorvarjayeddeśaṃ sarvaṃ dvādaśa yojanam // ### [2.14.32](https://indike.org/pramana/in.purana.brahmanda.2.14.32) uttareṇa mahānadyā dakṣiṇena ca vaikaṭam / deśāstriśaṅkavo nāma varjyā vai śrāddhakarmaṇi // ### [2.14.33](https://indike.org/pramana/in.purana.brahmanda.2.14.33) kāraskarāḥ kaliṅgaśca sidhoruttarameva ca / pranaṣṭāśramadharmāśca varjyā deśāḥ prayatnataḥ // ### [2.14.34](https://indike.org/pramana/in.purana.brahmanda.2.14.34) nagnādayo na paśyeyuḥ śrāddhakarma vyavasthitam / gacchantyetaistu dṛṣṭāni na pitṝṃśca pitāmahāṃna // ### [2.14.35](https://indike.org/pramana/in.purana.brahmanda.2.14.35) śaṃyuruvāca nagnādīnbhagavansamyagācakṣva paripṛcchataḥ / bṛhaspatiruvāca sarveṣāmeva bhūtānāṃ trayīsaṃvaraṇaṃ smṛtam // ### [2.14.36](https://indike.org/pramana/in.purana.brahmanda.2.14.36) tāṃ ye tyajanti saṃmohātte vai nagnādayo janāḥ / pralīyate vṛṣo yasminnirālaṃbaśca yo bṛṣe // ### [2.14.37](https://indike.org/pramana/in.purana.brahmanda.2.14.37) vṛṣaṃ yastu parityajya mokṣamanyatra mārgati / vṛṣo vedāśramastasminyo vai samyaṅna paśyati // ### [2.14.38](https://indike.org/pramana/in.purana.brahmanda.2.14.38) brāhmaṇaḥ kṣatriyo vaiśyo vṛṣalaḥ sa na saṃśayaḥ / purā devāsure yuddhe nirjitairasuraistathā // ### [2.14.39](https://indike.org/pramana/in.purana.brahmanda.2.14.39) pāśaṇḍā vai kṛtāstāta teṣāṃ sṛṣṭiḥ prajāyate / vṛddhaśrāvakinirgranthāḥ śākyā jīvakakārpaṭāḥ // ### [2.14.40](https://indike.org/pramana/in.purana.brahmanda.2.14.40) ye dharmaṃ nānuvarttante te vai nagnādayo janāḥ / vṛthā jaṭī vṛthā muṇḍī vṛthā nagnaśca yo dvijaḥ // ### [2.14.41](https://indike.org/pramana/in.purana.brahmanda.2.14.41) vṛthā vratī vṛthā jāpī te vai nagnādayo janāḥ / kuladharmātigāḥ śaśvadvṛthā vṛttikalatrakāḥ // ### [2.14.42](https://indike.org/pramana/in.purana.brahmanda.2.14.42) kṛtakarmadiśastvete kupathāḥ parikīrttitāḥ / etairhi dattaṃ dṛṣṭaṃ vai śrāddhaṃ gacchati dānavān // ### [2.14.43](https://indike.org/pramana/in.purana.brahmanda.2.14.43) brahmaghnaśca kṛtaghnaśca nāstiko gurutalpagaḥ / dasyuścaiva nṛśaṃsaśca darṇane tānvisarjayet // ### [2.14.44](https://indike.org/pramana/in.purana.brahmanda.2.14.44) patitāḥ krūrakarmāṇaḥ sarvāṃstānparivarjayet / devatānāmṛṣīṇāṃ ca vivāde pravadanti ye // ### [2.14.45](https://indike.org/pramana/in.purana.brahmanda.2.14.45) devāṃśca brāhmaṇāṃścaiva āmnāyaṃ yastu nindati / asurānyātudhānāṃśca dṛṣṭamebhirvrajatyuta // ### [2.14.46](https://indike.org/pramana/in.purana.brahmanda.2.14.46) brāhmaṃ kṛtayugaṃ proktaṃ tretā tu kṣatrriyaṃ yugam / vaiśyaṃ dvāparamityāhuḥ śūdraṃ kaliyugaṃ smṛtam // ### [2.14.47](https://indike.org/pramana/in.purana.brahmanda.2.14.47) kṛte 'pūjyanta pitarastretāyāṃ tu surāstathā / yuddhāni dvāpare nityaṃ pākhaṇḍāśca kalau yuge // ### [2.14.48](https://indike.org/pramana/in.purana.brahmanda.2.14.48) apamānāpaviddhaśca kukkuṭo grāmasūkaraḥ / śvā caiva hanti śrāddhāni darśanādeva sarvaśaḥ // ### [2.14.49](https://indike.org/pramana/in.purana.brahmanda.2.14.49) śvasūkaropa saṃsṛṣṭaṃ dīrgharogibhireva ca / patitairmalinaiścaiva na draṣṭavyaṃ kathañcana // ### [2.14.50](https://indike.org/pramana/in.purana.brahmanda.2.14.50) annaṃ paśyeyurete yattannārhaṃ havyakavyayoḥ / utsraṣṭavyāḥ pradhā nārthaiḥ saṃskārastvāpado bhavet // ### [2.14.51](https://indike.org/pramana/in.purana.brahmanda.2.14.51) haviṣāṃ saṃhatānāṃ ca pūrvameva vivarjayet / sṛṣṭaṃ yuktābhiradbhiśca prokṣaṇaṃ ca vidhīyate // ### [2.14.52](https://indike.org/pramana/in.purana.brahmanda.2.14.52) siddhārthakaiḥ kṛṣṇatilaiḥ kāryaṃ vāpyapavāraṇam / gurusūryāgnivāsrāṇāṃ darśanaṃ vāpi yatnataḥ // ### [2.14.53](https://indike.org/pramana/in.purana.brahmanda.2.14.53) āsanārūḍhamannādyaṃ pādopahatameva ca / amedhyairjaṅgamairdṛṣṭaṃ śuṣkaṃ paryuṣitaṃ ca yat // ### [2.14.54](https://indike.org/pramana/in.purana.brahmanda.2.14.54) asvinnaṃ paridagdhaṃ ca tathaivāgnāvalehitam / śarkarākīṭapāṣāṇaiḥ keśairyaccāpyu pāhṛtam // ### [2.14.55](https://indike.org/pramana/in.purana.brahmanda.2.14.55) piṇyākaṃ mathitaṃ caiva tathā tilayavādiṣu / siddhīkṛtāśca ye bhakṣyāḥ pratyakṣalavaṇīkṛtāḥ // ### [2.14.56](https://indike.org/pramana/in.purana.brahmanda.2.14.56) dṛṣṭvā caiva tathā doṣopāttaśvopahataṃ tathā / vāsasā cāvadhūtāni varjyāni śrāddhakarmaṇi // ### [2.14.57](https://indike.org/pramana/in.purana.brahmanda.2.14.57) saṃti vedavirodhena kecidvijñābhimāninaḥ / ayajñaya tayo nāma te dhvaṃsaṃti yathā rajaḥ // ### [2.14.58](https://indike.org/pramana/in.purana.brahmanda.2.14.58) dadhiśākaṃ tathā bhakṣyaṃ tathā cauṣadhivarjitam / vārttākaṃ varjayecchrāddhe sarvānabhiṣavānapi / saindhavaṃ lavaṇaṃ caiva tathā mānasasaṃbhavam // ### [2.14.59](https://indike.org/pramana/in.purana.brahmanda.2.14.59) pavitre parame hyete pratyakṣamapi vartite / agnau prakṣipya gṛṅṇīyāddhastau prakṣipya yatnataḥ // ### [2.14.60](https://indike.org/pramana/in.purana.brahmanda.2.14.60) gamayenmastakaṃ caiva brahmatīrthaṃ hi tatsmṛtam / dravyāṇāṃ prokṣaṇaṃ kāryaṃ tathaivāvapanaṃ punaḥ // ### [2.14.61](https://indike.org/pramana/in.purana.brahmanda.2.14.61) nidhāya cādbhiḥ siṃcetta ttathā cāsu niveśanam / aśmamūlaphalekṣūṇāṃ rajjūnāṃ carmaṇāmapi // ### [2.14.62](https://indike.org/pramana/in.purana.brahmanda.2.14.62) vaidalānāṃ ca sarveṣāṃ pūrvavacchaucamiṣyate / tathā dantāsthi dāruṇāṃ śṛṅgāṇāṃ cāvalekhanam // ### [2.14.63](https://indike.org/pramana/in.purana.brahmanda.2.14.63) sarveṣāṃ mṛnmayānāṃ ca punardāho vidhīyate / maṇimuktāpravālānāṃ jalajānāṃ ca sarvaśaḥ // ### [2.14.64](https://indike.org/pramana/in.purana.brahmanda.2.14.64) siddhārthakānāṃ kalkena tilakalkena vā punaḥ / syācchaucaṃ sarvabālānāmāvikānāṃ ca sarvaśaḥ // ### [2.14.65](https://indike.org/pramana/in.purana.brahmanda.2.14.65) dvipadāṃ caiva sarveṣāṃ mṛdbhiradbhirvidhīyate / ādyantayostu śaucānāmadbhiḥ prakṣālanaṃ vidhiḥ // ### [2.14.66](https://indike.org/pramana/in.purana.brahmanda.2.14.66) tathā kārpāsikānāṃ ca bhasmanā samudāhṛtam / phalapuṣpapalāśānāṃ plāvanaṃ cādbhiriṣyate // ### [2.14.67](https://indike.org/pramana/in.purana.brahmanda.2.14.67) prokṣaṇaṃ hyupalepaśca bhūmeścaivāvalekhanam / niṣeko gokramo dāhaḥ khananaṃ śuddhiriṣyate // ### [2.14.68](https://indike.org/pramana/in.purana.brahmanda.2.14.68) niṣkramo 'dhvagato grāmādvāyupūtā vasuṃdharā / puṃsāṃ catuṣpadāṃ cava mṛdbhiḥ śaucaṃ vidhīyate // ### [2.14.69](https://indike.org/pramana/in.purana.brahmanda.2.14.69) evameva samuddiṣṭaḥ śaucānāṃ vidhiruttamaḥ / anirdiṣṭamato yadyattanme nigadataḥ śṛṇu // ### [2.14.70](https://indike.org/pramana/in.purana.brahmanda.2.14.70) prātargṛhāddakṣiṇapaścimena gatvā ceṣukṣepamātraṃ padaṃ vai / kuryātpurīṣaṃ hi śiro 'vaguṇṭhya na vai spṛśejjātu śiraḥ kareṇa // ### [2.14.71](https://indike.org/pramana/in.purana.brahmanda.2.14.71) śuklaistṛṇairvā kārṣṭhairvā parṇairveṇudalaina ca / susaṃvṛtte pradeśe ca ṇantardhāya vasuṃdharām // ### [2.14.72](https://indike.org/pramana/in.purana.brahmanda.2.14.72) uddhṛtyodakamādāya mṛttikāṃ caiva vāgyataḥ / divā udaṅmukhaḥ kuryādrātrau vai dakṣiṇāmukhaḥ // ### [2.14.73](https://indike.org/pramana/in.purana.brahmanda.2.14.73) dakṣiṇena tu hastena gṛhītvātha kamaṇḍalum / śaucaṃ vāmena hastena gude tisrastu mṛttikāḥ // ### [2.14.74](https://indike.org/pramana/in.purana.brahmanda.2.14.74) daśa cāpi śanairdadyādvāmahaste krameṇa tu / ubhābhyāṃ vā punardadyāddvābhyāṃ sapta tu mṛttikāḥ // ### [2.14.75](https://indike.org/pramana/in.purana.brahmanda.2.14.75) mṛdā prakṣālya pādau tu ācamya ca yathāvidhi / āpastvādyāstrayaścaiva suryāgnyaniladevatāḥ // ### [2.14.76](https://indike.org/pramana/in.purana.brahmanda.2.14.76) kuryātsaṃnihito nityamacchidre dve kamaṇḍalū / ḥṃsavāryavanaireva yathāvatpādadhāvanam // ### [2.14.77](https://indike.org/pramana/in.purana.brahmanda.2.14.77) ācamanaṃ dvitīyaṃ ca devakārye tato 'param / upavāsastrirātraṃ tu duṣṭamukte hyudātdṛtaḥ // ### [2.14.78](https://indike.org/pramana/in.purana.brahmanda.2.14.78) viprakṛṣṭeṣu kṛcchraṃ ca prāya ścittamudāhṛtam / spṛṣṭvā śvānaṃ śvapākaṃ ca taptakṛcchraṃ samācaret // ### [2.14.79](https://indike.org/pramana/in.purana.brahmanda.2.14.79) mānuṣāsthīni saṃspṛśya upoṣyaṃ śucikāraṇāt / trirātramuktaṃ sasnehānyekarātramato 'nyathā // ### [2.14.80](https://indike.org/pramana/in.purana.brahmanda.2.14.80) kāraskarāḥ kaliṅgāśca tathāndhraśabarādayaḥ / pītvā cāpobhūtilapā gatvā cāpi yugaṃ dharam // ### [2.14.81](https://indike.org/pramana/in.purana.brahmanda.2.14.81) siṃdhoruttaraparyantaṃ tathodīcyantaraṃ naraḥ / pāpadeśāśca ye kecitpāpairadhyuṣitā janaiḥ // ### [2.14.82](https://indike.org/pramana/in.purana.brahmanda.2.14.82) śiṣṭaistu varjitā ye vai brāhmaṇailvedapāragaiḥ / gacchatāṃ rāgasaṃmohātteṣāṃ pāpaṃ na gacchati // ### [2.14.83](https://indike.org/pramana/in.purana.brahmanda.2.14.83) gatvā deśānapuṇyāṃstu kṛtsnaṃ pāpaṃ samaśnute / āruhya bhṛgutuṅgaṃ tu gatvā puṇyāṃ sarasvatīm // ### [2.14.84](https://indike.org/pramana/in.purana.brahmanda.2.14.84) āpagāṃ ca nadīṃ ramyāṃ gaṅgāṃ devīṃ mahānadīm / himavatprabhavā nadyo yāścānyā ṛṣipūcitāḥ // ### [2.14.85](https://indike.org/pramana/in.purana.brahmanda.2.14.85) sarastīrthāni sarvāṇi nadīḥ prasravaṇāni ca / gatvaitānmucyate pāpaiḥ svarge cātyantamaśnute // ### [2.14.86](https://indike.org/pramana/in.purana.brahmanda.2.14.86) daśarātramaśaucaṃ tu proktaṃ mṛtakamūtake / brahmaṇasya dvādaśāhaṃ kṣatriyasya vidhīyate // ### [2.14.87](https://indike.org/pramana/in.purana.brahmanda.2.14.87) arddhamāsaṃ tu vaiśyasya māsaṃ śūdrasya caiva ha / udakyā sarvavarṇānāṃ catūrātreṇa śudhyati // ### [2.14.88](https://indike.org/pramana/in.purana.brahmanda.2.14.88) udakyāṃ sūtikāṃ caiva śvānamantāvasāyinam / nagnādīnmṛtahārāṃśca spṛṣṭvā śaucaṃ vidhīyate // ### [2.14.89](https://indike.org/pramana/in.purana.brahmanda.2.14.89) snātvā sacailo mṛdbhistu śuddho dvādaśabhirdvijaḥ / etadeva bhavecchaucaṃ maithune vamane tathā // ### [2.14.90](https://indike.org/pramana/in.purana.brahmanda.2.14.90) mṛdā prakṣālyahastau tu kuryācchaucaṃ ca mānavaḥ / prakṣālya cādbhiḥ snātvā tu hastau caiva punarmṛdā // ### [2.14.91](https://indike.org/pramana/in.purana.brahmanda.2.14.91) triḥ kṛtvā dvādaśāntāni yathā lepastathā bhavet / evaṃ śaucavidhirdṛṣṭaḥ sarvakṛtyeṣu nityadā // ### [2.14.92](https://indike.org/pramana/in.purana.brahmanda.2.14.92) paridadyānmṛdastisrastisraḥ pādāvasecane / araṇye śaucametattu grāmyaṃ vakṣyāmyataḥ param // ### [2.14.93](https://indike.org/pramana/in.purana.brahmanda.2.14.93) mṛdaḥ pañcadaśāmedhyā hastādīnāṃ viśeṣataḥ / atiriktamṛdaṃ dadyānmṛdante tvadbhireva ca // ### [2.14.94](https://indike.org/pramana/in.purana.brahmanda.2.14.94) adbhiravyaktake śaucametaccaiteṣu kṛtsnaśaḥ / kaṇṭhaṃ śiro vā āvṛtya rathyāpaṇagato 'pi vā // ### [2.14.95](https://indike.org/pramana/in.purana.brahmanda.2.14.95) akṛtvā pādayoḥ śaucamācānto 'pyaśucirbhavet / pakṣālya pātraṃ nikṣipya ācamyābhyukṣaṇaṃ tataḥ // ### [2.14.96](https://indike.org/pramana/in.purana.brahmanda.2.14.96) dravyasyānyasya tu tathā kuryādabhyukṣaṇaṃ tataḥ / puṣpādīnāṃ tṛṇānāṃ ca prokṣaṇaṃ haviṣāṃ tathā // ### [2.14.97](https://indike.org/pramana/in.purana.brahmanda.2.14.97) parātdṛtānāṃ dravyāṇāṃ nidhāyābhyukṣaṇaṃ tathā / nāprokṣitaṃ spṛśetkiñcicchraddhe daive 'tha vā punaḥ // ### [2.14.98](https://indike.org/pramana/in.purana.brahmanda.2.14.98) uttaroṇāhareddravyaṃ dakṣiṇena visarjayet / saṃvṛte yajamānastu sarvaśrāddhe samāharet // ### [2.14.99](https://indike.org/pramana/in.purana.brahmanda.2.14.99) ucchiṣṭe syādviparyāsodaive pitryetathaiva ca / dakṣiṇena tu hastena dakṣiṇāṃ vedimālabhet // ### [2.14.100](https://indike.org/pramana/in.purana.brahmanda.2.14.100) karābhyāmeva devānāṃ pitṝṇāṃ vikaraṃ tathā / kṣaraṇaṃ svapnayoścaiva tathā mūtrapurīṣayo // ### [2.14.101](https://indike.org/pramana/in.purana.brahmanda.2.14.101) niṣṭhīvite tathābhyaṅge bhutkvā viparidhāya ca / ucchiṣṭānāṃ ca saṃsparśe tathā pādāvasecane // ### [2.14.102](https://indike.org/pramana/in.purana.brahmanda.2.14.102) ucchiṣṭasya ca saṃbhāṣādaśitvā prayatasya vā / saṃdeheṣu ca sarveṣu śikhāṃ muktvā tathaiva ca // ### [2.14.103](https://indike.org/pramana/in.purana.brahmanda.2.14.103) vinā yajñopavītena moghaṃ tatsamupaspṛśet / uṣṭrasyāveśca saṃsparśe darśane 'vācyavācinām // ### [2.14.104](https://indike.org/pramana/in.purana.brahmanda.2.14.104) jihvayā caiva saṃsvṛśya detāsaktaṃ tathaiva ca / saśabdamegulībhirvā patitaṃ vā vilokayan // ### [2.14.105](https://indike.org/pramana/in.purana.brahmanda.2.14.105) sthito yaścācamenmohadācānto 'pyaśucirbhavet / upaviśya śucau deśe prayataḥ prāgudaṅmukhaḥ // ### [2.14.106](https://indike.org/pramana/in.purana.brahmanda.2.14.106) pādau prakṣālya hastau ca antarjānu tvapaḥ spṛśet / prasannastriḥ pibedvāri prayataḥ susamāhitaḥ // ### [2.14.107](https://indike.org/pramana/in.purana.brahmanda.2.14.107) dvireva mārjanaṃ kuryātsakṛdabhyukṣaṇaṃ tataḥ / khāni mūrddhānamātmānaṃ hastau pādau tathaiva ca // ### [2.14.108](https://indike.org/pramana/in.purana.brahmanda.2.14.108) abhyukṣayettatastasya yadyanmīmāṃsita bhavet / evamācamatastasya vedā yajñāstapāṃsi ca // ### [2.14.109](https://indike.org/pramana/in.purana.brahmanda.2.14.109) dānāni vratacaryāśca bhavanti saphalāni vai / kriyāṃ yaḥ kurute mohādanāsamyeha nāstikaḥ // ### [2.14.110](https://indike.org/pramana/in.purana.brahmanda.2.14.110) bhavanti hi vṛthā tasya kriyā hyetā na saṃśayaḥ / vākkāyabuddhipūtāni aspṛṣṭaṃ vāpyaninditam // ### [2.14.111](https://indike.org/pramana/in.purana.brahmanda.2.14.111) jñeyānyetāni medhyāni duṣṭamedhyo viparyaye / manovākkāyamagniśca kālaścaivopalekhanam // ### [2.14.112](https://indike.org/pramana/in.purana.brahmanda.2.14.112) vikhyāpanaṃ ca śaucānāṃ nityamajñānameva vā / ato 'nyathā tu yaḥ kuryānmohācchaucasya saṃkaram // ### [2.14.112.p1](https://indike.org/pramana/in.purana.brahmanda.2.14.112.p1) piśācānyātudhānāṃśca phalaṃ gacchatyasaṃśayam / śauce cāśraddadhāno hi mlecchajātiṣu jāyate 14.113// ### [2.14.114](https://indike.org/pramana/in.purana.brahmanda.2.14.114) ayajvā caiva pāpaśca tiryagyonigato 'pi ca / śaucena mokṣaṃ kurvāṇaḥ svargavāsī bhavennaraḥ // ### [2.14.115](https://indike.org/pramana/in.purana.brahmanda.2.14.115) śucikāmā hi devā vai devaiścaitadudāhṛtam / bībhatsānaśucīṃścaiva varjayanti surāḥ sadā // ### [2.14.116](https://indike.org/pramana/in.purana.brahmanda.2.14.116) trīṇi śaucāni kurvanti nyāyataḥ śubhakarmiṇaḥ / brahmaṇyāyāti theyāya śaucayuktāya dhīmate // ### [2.14.117](https://indike.org/pramana/in.purana.brahmanda.2.14.117) pitṛbhaktāya dāntāya sānukrośāya ca dvijāḥ / tasmai devāḥ prayacchanti pitaraḥ śrīvivarddhanāḥ / manasākāṅkṣitānkāmāṃstrailokyapravarānapi // ### [2.14.117.p1](https://indike.org/pramana/in.purana.brahmanda.2.14.117.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde śrāddhakalpe 'śaucavidhirnāma caturdaśo 'dhyoyaḥ // 14// ## Linked texts (6) - [Vāyupurāṇa](https://indike.org/pramana/in.purana.vayu.2.16.2) — Vyāsa, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.443) — Divyasiṃha Mahāpātra 1640, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.21.p816) — Lakṣmīdhara Bhaṭṭa, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p96) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.18.p93) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p93) — Gadādhara (Pāraskara commentator), Sanskrit --- Source: [https://indike.org/pramana/in.purana.brahmanda.2.14](https://indike.org/pramana/in.purana.brahmanda.2.14) · Pramāṇa