[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.16 # Brahmandapurana 2.16 Brahmāṇḍapurāṇa 2.16 - **Language:** Sanskrit ## Contents - [2.16.59](https://indike.org/pramana/in.purana.brahmanda.2.16.59) — 1 part ### [2.16.1](https://indike.org/pramana/in.purana.brahmanda.2.16.1) bṛhaspatiruvāca ataḥ paraṃ pravakṣyāmi dānāni ca phalāni ca / tāraṇaṃ sarvabhūtānāṃ svargamārgasukhāvaham // ### [2.16.2](https://indike.org/pramana/in.purana.brahmanda.2.16.2) loke śreṣṭhatam sarvamātmanaścaiva yatpriyam / sarvaṃ pitṝṇāṃ dātavyaṃ teṣāmevājñayārthinā // ### [2.16.3](https://indike.org/pramana/in.purana.brahmanda.2.16.3) jāṃbūnadamayaṃ divyaṃ vimānaṃ sūryasannibham / divyāpsarobhiḥ saṃpūrṇamannado labhate 'kṣayam // ### [2.16.4](https://indike.org/pramana/in.purana.brahmanda.2.16.4) savyañjanaṃ tu yo dadyādahataṃ śrāddhakarmaṇi / āyuḥ prākāśyamaiśvaryaṃ rūpaṃ ca labhate śubham // ### [2.16.5](https://indike.org/pramana/in.purana.brahmanda.2.16.5) yajñopavītaṃ yo dadyācchrāddhakāle tu yajñavit / pāvanaṃ sarva viprāṇāṃ brahmadānasya tatphalam // ### [2.16.6](https://indike.org/pramana/in.purana.brahmanda.2.16.6) plutaṃ vipreṣu yo dadyācchrāddhakāle kamaḍalum / madhukṣīrājyadadhibhirdātāramupatiṣṭhate // ### [2.16.7](https://indike.org/pramana/in.purana.brahmanda.2.16.7) cakrāviddhaṃ ca yo dadyācchrāddhakāle kamaṇḍalum / dhenuṃ salabhate divyāṃ payodāṃ sukhado hinīm // ### [2.16.8](https://indike.org/pramana/in.purana.brahmanda.2.16.8) tūlapūrṇe ca yo dadyātpāduke śrāddhakarmaṇi / śobhanaṃ labhate yānaṃ pādayoḥ sukhamedhate // ### [2.16.9](https://indike.org/pramana/in.purana.brahmanda.2.16.9) vyacanaṃ tālavṛntaṃ ca dattvā viprāya satkṛtam / prāpnuyātsarvapuṣpāṇi sugandhīni mṛdūni ca // ### [2.16.10](https://indike.org/pramana/in.purana.brahmanda.2.16.10) śrāddhe hyupānahau dattvā brāhmaṇebhyaḥ sadā budhaḥ / divyaṃ sa labhate yānaṃ vājiyuktaṃ navaṃ tathā // ### [2.16.11](https://indike.org/pramana/in.purana.brahmanda.2.16.11) śrāddhe chatraṃ tu yo dadyātpuṣpamālānvitaṃ tathā / prāsādo hyuttamo bhūtvā gacchantamanugacchati // ### [2.16.12](https://indike.org/pramana/in.purana.brahmanda.2.16.12) śaraṇaṃ ratnasaṃpūrṇaṃ saśayyābhojanaṃ budhaḥ / śrāddhe dattvā yatibhyastu nākapṛṣṭhe mahīyate // ### [2.16.13](https://indike.org/pramana/in.purana.brahmanda.2.16.13) suktāvaidūryavāsāṃsi ratnāni vividhāni ca / vāhanāni ca divyāni prayutānyarbudāni ca // ### [2.16.14](https://indike.org/pramana/in.purana.brahmanda.2.16.14) sumahadvyomagaṃ puṇyaṃ sarvakāmasamanvitam / candrasūryanibhaṃ divyaṃ vimānaṃ labhate 'kṣayam // ### [2.16.15](https://indike.org/pramana/in.purana.brahmanda.2.16.15) apsarobhiḥ parivṛtaṃ kāmagaṃ sumanojavam / vasetsa tu vimānāgre stūyamānaḥ samantataḥ // ### [2.16.16](https://indike.org/pramana/in.purana.brahmanda.2.16.16) divyaiḥpuṣpaiścitaścāhurdānānāṃ paramaṃ budhāḥ / suślakṣmāni suvarṇāni śrāddhe pātrāṇi dāpayet // ### [2.16.17](https://indike.org/pramana/in.purana.brahmanda.2.16.17) rasāstamupatiṣṭhanti bhakṣyaṃ saubhāgyameva ca / tilānikṣūṃstathā śrāddhe dvijebhyaḥ saṃprayacchati // ### [2.16.18](https://indike.org/pramana/in.purana.brahmanda.2.16.18) mitrāṇi labhate loke strīṣu saubhāgyameva ca / yaḥ pātraṃ taijasaṃ dadyānmanojña śrāddhabhojanaiḥ // ### [2.16.19](https://indike.org/pramana/in.purana.brahmanda.2.16.19) pātraṃ bhavati kāmānā rūpasya ca dhanasya ca / rājataṃ kāñcanaṃ vāpi yo dadyācchrāddhakarmaṇi // ### [2.16.20](https://indike.org/pramana/in.purana.brahmanda.2.16.20) dānāttu labhate kāmānprākāśyaṃ dhanameva ca / dhenuṃ śrāddhe tu yo dadyādgṛṣṭiṃ kumbhāpadohanīm // ### [2.16.21](https://indike.org/pramana/in.purana.brahmanda.2.16.21) gāvastamupatiṣṭhanti naraṃ puṣṭistathaiva ca / dadyādyaḥ śiśire cāgniṃ bahukāṣṭhaṃ prayatnataḥ // ### [2.16.22](https://indike.org/pramana/in.purana.brahmanda.2.16.22) kāyāgnidīptiṃ prākāśyaṃ saubhāgyaṃ tabhate naraḥ / indhanāni tu yo dadyā ddvijebhyaḥ śiśirāgame // ### [2.16.23](https://indike.org/pramana/in.purana.brahmanda.2.16.23) nityaṃ jayati saṃgrāme śriyā juṣṭastu jāyate / surabhīṇi ca mālyāni gandhavanti tathaiva ca // ### [2.16.24](https://indike.org/pramana/in.purana.brahmanda.2.16.24) pūjayitvā tu pātrebhyaḥ śrāddhe satkṛtya dāpayet / gandhamālyaṃ mahātmānaṃ sukhāni vividhāni ca // ### [2.16.25](https://indike.org/pramana/in.purana.brahmanda.2.16.25) dātāramupatiṣṭhanti yuvatyaśca pativratāḥ / śayanāsanayānāni bhūmayo vāhanāni ca // ### [2.16.26](https://indike.org/pramana/in.purana.brahmanda.2.16.26) śrāddheṣvetāni yo dadyādaśvamedhaphalaṃ labhet / śrāddhakāle guṇavati vipre vai samupasthite // ### [2.16.27](https://indike.org/pramana/in.purana.brahmanda.2.16.27) iṣṭadravyaṃ ca yo dadyātsmṛtiṃ medhāṃ ca vindati / sarpiḥpūrṇāni pātrāṇi śrāddhe satkṛtya dāpayet // ### [2.16.28](https://indike.org/pramana/in.purana.brahmanda.2.16.28) kumbhopadohagṛṣṭīnāṃ bahvīnāṃ phalamaśnute / śrāddhe yathepsitaṃ dattvā puṇḍarīkaphalaṃ labhet // ### [2.16.29](https://indike.org/pramana/in.purana.brahmanda.2.16.29) vanaṃ puṣpaphalopetaṃ dattvā gosavamaśnute / kūpārāmataḍāgāni kṣetragoṣṭhagṛhāṇi ca // ### [2.16.30](https://indike.org/pramana/in.purana.brahmanda.2.16.30) dattvā modanti te svarge nityamācandratārakam / svāstīrṇaṃ śayanaṃ dattvā śrāddheratnavibhūṣitam // ### [2.16.31](https://indike.org/pramana/in.purana.brahmanda.2.16.31) pitarastasya tuṣyanti svargalokaṃ samaśanute / asmiṃlloke ca saṃpannaṃ syandanaṃ ca suvāhanaiḥ // ### [2.16.32](https://indike.org/pramana/in.purana.brahmanda.2.16.32) aṣṭābhiḥ pūjyate cātra dhanadhānyaiśca varddhate / parṇakauśeyapaṭṭorṇe tathā prāvārakaṃbalau // ### [2.16.33](https://indike.org/pramana/in.purana.brahmanda.2.16.33) ajinaṃ kāñcanaṃ paṭṭaṃ praveṇīṃ mṛgalomakam / dadyādetāni viprāṇāṃ bhojayitvā yathāvidhi // ### [2.16.34](https://indike.org/pramana/in.purana.brahmanda.2.16.34) prāpnoti śraddhadhānastu vājapeyaphalaṃ naraḥ / bahubhāryāḥ surūpāśca putrā bhṛtyāśca kiṅkarāḥ // ### [2.16.35](https://indike.org/pramana/in.purana.brahmanda.2.16.35) vaśe tiṣṭhanti bhūtāni loke cāsminnirāmayam / kauśeyaṃ kṣaumakārpāsaṃ dukūlaṃ gahanaṃ tathā // ### [2.16.36](https://indike.org/pramana/in.purana.brahmanda.2.16.36) śrāddhe caitāni yo dadyātkāmānāpnotyanuttamān / alakṣmīṃ nāśayantyete tamaḥ sūryodayo yathā // ### [2.16.37](https://indike.org/pramana/in.purana.brahmanda.2.16.37) bhrājate ya vimānāgre nakṣatreṣviva candramāḥ / vāso hi sarvadaivatye sarvadevairabhiṣṭutam // ### [2.16.38](https://indike.org/pramana/in.purana.brahmanda.2.16.38) vastrābhāve kriyā nāsti ya5dānatapāṃsi ca / tasmādvastrāṇi deyāni śrāddhakāle tu nityaśaḥ // ### [2.16.39](https://indike.org/pramana/in.purana.brahmanda.2.16.39) tāni sarvāṇyavāpnoti śrāddhe dattvā tu mānavaḥ / nityaśrāddhe tu yo dadyātprayatastatparāyaṇaḥ // ### [2.16.40](https://indike.org/pramana/in.purana.brahmanda.2.16.40) sarvakāmānavāpnoti rājyaṃ svage tathava ca / sarvakāmasamṛddhasya yajñasya phalamaśnute // ### [2.16.41](https://indike.org/pramana/in.purana.brahmanda.2.16.41) bhakṣyajātaṃ tu sukṛtaṃ svastikādyaṃ saśarkaram / kṛsara madhusarpiśca payaḥ pāyasameva ca // ### [2.16.42](https://indike.org/pramana/in.purana.brahmanda.2.16.42) snigdhaprāyāśca yo dadyādagniṣṭomaphalaṃ labhet / dadhigavyamasaṃsṛṣṭaṃ bhakṣyānnānāvidhāṃstathā // ### [2.16.43](https://indike.org/pramana/in.purana.brahmanda.2.16.43) dattvā na śocate śrāddhe varṣāsu ca maghāsu ca / ghṛtena bhojayedviprānghṛtaṃ bhūmau samutsṛjot // ### [2.16.44](https://indike.org/pramana/in.purana.brahmanda.2.16.44) chāyāyāṃ hastinaścaiva dattvā śrāddhena śocate / odanaṃ pāyasaṃ sarpirmadhumūlaphalāni ca // ### [2.16.45](https://indike.org/pramana/in.purana.brahmanda.2.16.45) bhakṣyāṃśca vividhāndattvā paratreha ca modate / śarkarākṣīrasaṃyuktāḥ pṛthukā nityamakṣayāḥ // ### [2.16.46](https://indike.org/pramana/in.purana.brahmanda.2.16.46) syāttu saṃvatsaraṃ prītiḥ śākairmāṃsarasena ca / saktulājāstathāpūpāḥ kulmāṣā vyañjanaiḥ saha // ### [2.16.47](https://indike.org/pramana/in.purana.brahmanda.2.16.47) sarpiḥsnigdhāni sarvāṇi dadhnā saṃskṛtya bhojayet / śrāddheṣvetāni yo dadyātpadmaṃ sa labhate nidhim // ### [2.16.48](https://indike.org/pramana/in.purana.brahmanda.2.16.48) navasasyāniyo dadyācchrāddhe satkṛtya yatnataḥ / sarvabhogānavāpnoti pūjyate ca divaṃ gataḥ // ### [2.16.49](https://indike.org/pramana/in.purana.brahmanda.2.16.49) bhakṣyabhojyāni peyāni coṣyaleṅyavarāṇi ca / bhojanāgrāsanaṃ dattvā atithibhyaḥ kṛtāñjaliḥ // ### [2.16.50](https://indike.org/pramana/in.purana.brahmanda.2.16.50) sarvayajñakratūnāṃ hi phalaṃ prāpnotyanuttamam / kṣipramatyuṣṇamakliṣṭaṃ dadyādannaṃ bubhukṣate // ### [2.16.51](https://indike.org/pramana/in.purana.brahmanda.2.16.51) savyañjanaṃ tathā snigdhaṃ bhaktyā satkṛtya yatnataḥ / taruṇādityasaṃkāśaṃ vimānaṃ haṃsavāhanam // ### [2.16.52](https://indike.org/pramana/in.purana.brahmanda.2.16.52) annado labhate nityaṃ kanyākoṭīstathaiva ca / annadānātparaṃ dānaṃ nānyatkiñcittu vidyate // ### [2.16.53](https://indike.org/pramana/in.purana.brahmanda.2.16.53) annādbhūtāni jāyante jīvanti prabhavanti ca / jīvadānātparaṃ dānaṃ nānyatkiñcana vidyate // ### [2.16.54](https://indike.org/pramana/in.purana.brahmanda.2.16.54) annāllokāḥ pratiṣṭhanti lokadānasya tatphalam / annaṃ prajāpatiḥ sākṣātte na sarvamidaṃ tatam // ### [2.16.55](https://indike.org/pramana/in.purana.brahmanda.2.16.55) tasmādannasamaṃ dānaṃ na bhūtaṃ na bhaviṣyati / yāni ratnāni medinyāṃ vāhanāni striyastathā // ### [2.16.56](https://indike.org/pramana/in.purana.brahmanda.2.16.56) kṣipraṃ prāpnoti tatsarvaṃ pitṛbhaktastu yo naraḥ / pratiśrayaṃ ca yo dadyādatithibyaḥ kṛtāñjaliḥ // ### [2.16.57](https://indike.org/pramana/in.purana.brahmanda.2.16.57) devāstaṃ saṃpratīcchanti divyātithyaiḥ sahasraśaḥ / sarvāṇyetāni yo dadyātpṛthivyāmekarāḍbhavet // ### [2.16.58](https://indike.org/pramana/in.purana.brahmanda.2.16.58) tribhirdvābhyāmathaikena dānena tu sukhī bhadet / dānāni paramo dharmaḥ sadbhiḥ satkṛtya pūjitaḥ // ### [2.16.59](https://indike.org/pramana/in.purana.brahmanda.2.16.59) trailokyasyā dhipatyaṃ hi dānenaiva dhruvaṃ sthitam / arājā labhate rājyamadhanaścottamaṃ dhanam / kṣīṇāyurlabhate cāyuḥ pitṛbhaktaḥ sadā naraḥ // ### [2.16.59.p1](https://indike.org/pramana/in.purana.brahmanda.2.16.59.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde śrāddhakalpe dānapraśaṃsā nāma ṣoḍaśo 'dhyāyaḥ // 16// ## Linked texts (5) - [Vāyupurāṇa](https://indike.org/pramana/in.purana.vayu.2.18.2) — Vyāsa, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p108) — Gadādhara Rājaguru 1725, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.478) — Divyasiṃha Mahāpātra 1640, Sanskrit - [Kālasāra](https://indike.org/pramana/in.astro.muhurta.kala.kalasara.18.p115) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p115) — Gadādhara (Pāraskara commentator), Sanskrit --- Source: [https://indike.org/pramana/in.purana.brahmanda.2.16](https://indike.org/pramana/in.purana.brahmanda.2.16) · Pramāṇa