[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.17 # Brahmandapurana 2.17 Brahmāṇḍapurāṇa 2.17 - **Language:** Sanskrit ## Contents - [2.17.22](https://indike.org/pramana/in.purana.brahmanda.2.17.22) — 1 part ### [2.17.1](https://indike.org/pramana/in.purana.brahmanda.2.17.1) bṛhaspatiruvāca ata ūrddhvaṃ pravakṣyāmi śrāddhakarmaṇi pūjitam / kāmyaṃ naimittikājasraṃ śrāddhakarmaṇi nityaśaḥ // ### [2.17.2](https://indike.org/pramana/in.purana.brahmanda.2.17.2) putradāranimittāḥ syuraṣṭakāstisna eva tu / kṛṣṇapakṣe variṣṭhā hi pūrvākhaṇḍaladevatā // ### [2.17.3](https://indike.org/pramana/in.purana.brahmanda.2.17.3) prājāpatyā dvitīyā syāttṛtīyā vaiśvadevikā / ādyāpūpaiḥ sadākāryā māṃsairanyā sadā bhavet // ### [2.17.4](https://indike.org/pramana/in.purana.brahmanda.2.17.4) śākaiḥ kāryā tṛtīyā syādevaṃ dravyagato vidhiḥ / atrāpīṣṭaṃ pitṝṇāṃ vai nityameva vidhīyate // ### [2.17.5](https://indike.org/pramana/in.purana.brahmanda.2.17.5) yā cāpyanyā caturthī syāttāṃ ca kuryādviśeṣataḥ / āsu śrāddhaṃ budhaḥ kurvansarvasvenāpi nityaśaḥ // ### [2.17.6](https://indike.org/pramana/in.purana.brahmanda.2.17.6) kṣipramāpnoti hi śreyaḥ paratreha ca modate / pitaraḥ parvakāleṣu tithikāleṣu devatāḥ // ### [2.17.7](https://indike.org/pramana/in.purana.brahmanda.2.17.7) sarveṣu puruṣā yānti nipātamiva dhenavaḥ / māsāṃte pratigaccheyuraṣṭakāsu hyapūjitāḥ // ### [2.17.8](https://indike.org/pramana/in.purana.brahmanda.2.17.8) moghāstasya bhavantyāśāḥ paratreha ca sarvaśaḥ / pūjakānāṃ samutkarṣo nāstikānāmadhogatiḥ // ### [2.17.9](https://indike.org/pramana/in.purana.brahmanda.2.17.9) devāstu dāyino yānti tiryaggacchantyadāyinaḥ / puṣṭiṃ prajāṃ smṛtiṃ medhāṃ putrānaiśvaryameva ca // ### [2.17.10](https://indike.org/pramana/in.purana.brahmanda.2.17.10) kurvāṇaḥ pūjanaṃ cāsu sarvaṃ pūrṇaṃ samaśnute / pratipaddhanalābhāya labdhaṃ cāsya na naśyati // ### [2.17.11](https://indike.org/pramana/in.purana.brahmanda.2.17.11) dvitīyāyāṃ tu yaḥ kuryāddvipadādhiṃpatir bhavet / varārthināṃ tṛtīyā tu śatrughnī pāpanāśinī // ### [2.17.12](https://indike.org/pramana/in.purana.brahmanda.2.17.12) caturthyāṃ tu prakurvāṇaḥ śatrucchidrāṇi paśyati / pañcamyāṃ cāpikurvāṇaḥ prāpnoti mahatīṃ śriyam // ### [2.17.13](https://indike.org/pramana/in.purana.brahmanda.2.17.13) ṣaṣṭhyāṃ śrāddhāni kurvāṇaḥ saṃpūjyaḥ syātprayatnataḥ / kurute yastu saptamyāṃ śrāddhāni satataṃ naraḥ // ### [2.17.14](https://indike.org/pramana/in.purana.brahmanda.2.17.14) mahīśatvamavāpnoti gaṇānāṃ cādhipo bhavet / saṃpūrṇāmṛddhimāpnoti yo 'ṣṭamyāṃ kurute naraḥ // ### [2.17.15](https://indike.org/pramana/in.purana.brahmanda.2.17.15) śrāddhaṃ navamyāṃ karttavyamaiśvaryaṃ strīśca kāṅkṣatā / kurvandaśamyāṃ tu naro brāhmīṃ śriyamavāpnuyāt // ### [2.17.16](https://indike.org/pramana/in.purana.brahmanda.2.17.16) vedāṃścaivāpnuyātsarvānviprāṇāṃ samatāṃ vrajet / ekādaśyāṃ paraṃ dānamaiśvarya satataṃ tathā // ### [2.17.17](https://indike.org/pramana/in.purana.brahmanda.2.17.17) dvādaśyāṃ jayalābhaṃ ca rājyamāyurvasūni ca / prajāvṛddhiṃ paśūnmedhāṃ svātantryaṃ puṣṭimuttamām // ### [2.17.18](https://indike.org/pramana/in.purana.brahmanda.2.17.18) dīrghamāyurathaiśvaryaṃ kurvāṇastu trayodaśīm / yuvānaśca gṛhe yasya mṛtāstebhyaḥ pradāpayet // ### [2.17.19](https://indike.org/pramana/in.purana.brahmanda.2.17.19) śastreṇa vā hatā ye ca teṣāṃ dadyāccaturdaśīm / amāvāsyāṃ prayatnena śrāddhaṃ kuryātsadā śuciḥ // ### [2.17.20](https://indike.org/pramana/in.purana.brahmanda.2.17.20) sarvakāmānavāpnoti svargaṃ cānantamaśnute / tathāviṣamajātānāṃ yamalānāṃ ca sarvaśaḥ // ### [2.17.21](https://indike.org/pramana/in.purana.brahmanda.2.17.21) śrāddhaṃ dadyādamāvāsyāṃ sarvakāmānavāpnuyāt / maghāsu kurvañchrāddhāni sarvakāmānavāpnuyāt // ### [2.17.22](https://indike.org/pramana/in.purana.brahmanda.2.17.22) pratyakṣamarcitāstena bhavanti pitarastadā / pitṛdavā maghā yasmāttasmāttāsvakṣayaṃ smṛtam // ### [2.17.22.p1](https://indike.org/pramana/in.purana.brahmanda.2.17.22.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde śrāddhakalpe tithiśrāddhavarṇanaṃ nāma saptadaśo 'dhyāyaḥ // 17// ## Linked texts (1) - [Vāyupurāṇa](https://indike.org/pramana/in.purana.vayu.2.19.2) — Vyāsa, Sanskrit --- Source: [https://indike.org/pramana/in.purana.brahmanda.2.17](https://indike.org/pramana/in.purana.brahmanda.2.17) · Pramāṇa