[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.18 # Brahmandapurana 2.18 Brahmāṇḍapurāṇa 2.18 - **Language:** Sanskrit ## Contents - [2.18.15](https://indike.org/pramana/in.purana.brahmanda.2.18.15) — 1 part ### [2.18.1](https://indike.org/pramana/in.purana.brahmanda.2.18.1) bṛhaspatiruvāca yamastu yāni śrāddhāni provāca śaśabindave / tāni me śṛṇu kāryāṇi nakṣatreṣu pṛthak pṛthak // ### [2.18.2](https://indike.org/pramana/in.purana.brahmanda.2.18.2) śrāddhaṃ yaḥ kṛttikāyogaṃ kurute satataṃ naraḥ / agnīnādhāya sa svarge rājate sudṛḍhavrataḥ // ### [2.18.3](https://indike.org/pramana/in.purana.brahmanda.2.18.3) apatyakāmo rohiṇyāṃ saumye tejasvinā bhavet / prāyaśaḥ krūrakarmāṇi ārdrāyāṃ śrāddhamācaran // ### [2.18.4](https://indike.org/pramana/in.purana.brahmanda.2.18.4) kṣetrabhāgī bhavetputrī śrāddhaṃ kṛtvā punarvasau / puṣṭikāmaḥ punastiṣye śrāddhaṃ kurvīta mānavaḥ // ### [2.18.5](https://indike.org/pramana/in.purana.brahmanda.2.18.5) āśleṣāsu pitṝnarcanvīrānputrānavāpnuyāt / jātīnāṃ bhavati śreṣṭho maghāsu śrāddhamācaran // ### [2.18.6](https://indike.org/pramana/in.purana.brahmanda.2.18.6) phālgunīṣu pitṝnarcansaubhāgyaṃ labhate naraḥ / pradānaśīlaḥ sāpatya uttarāsu karoti yaḥ // ### [2.18.7](https://indike.org/pramana/in.purana.brahmanda.2.18.7) saṃsatsu mukhyo bhavati haste 'bhyarcya pitṝnapi / citrāyāṃ caiva yaḥ kuryātpaśyedrūpavataḥ sutān // ### [2.18.8](https://indike.org/pramana/in.purana.brahmanda.2.18.8) svātinā caiva yaḥ kuryādvāṇijye lābhamāpnuyāt / putrārthī tu viśākhāsu śrāddhamīheta mālavaḥ // ### [2.18.9](https://indike.org/pramana/in.purana.brahmanda.2.18.9) anurādhāsu kurvāṇo naraścakraṃ pravarttayet / ādhipatyaṃ bhavecchreṣṭhaṃ jyeṣṭhāyāṃ satataṃ tu yaḥ // ### [2.18.10](https://indike.org/pramana/in.purana.brahmanda.2.18.10) mūlenārogyamicchanti hyāṣāḍhāsu mahadyaśaḥ / uttarāsu tu kurvāṇo vītaśoko bhavennaraḥ // ### [2.18.11](https://indike.org/pramana/in.purana.brahmanda.2.18.11) śravaṇena tu lokeṣu prāpnuyātparamāṃ gatim / rājyabhāgī dhaniṣṭhāsu prāpnuyā dvipulaṃ dhanam // ### [2.18.12](https://indike.org/pramana/in.purana.brahmanda.2.18.12) śrāddhanirjitalokaśca vedān sāṃgānavāpnuyāt / nakṣatrairvāruṇaiḥ kurvanbhiṣaksiddhimavāpnuyāt // ### [2.18.13](https://indike.org/pramana/in.purana.brahmanda.2.18.13) pūrvaprauṣṭha pade kurvanvindetājīvikānbahūn / uttarāsvanatikramya vindedgā vai sahasraśaḥ // ### [2.18.14](https://indike.org/pramana/in.purana.brahmanda.2.18.14) bahukupyakṛtaṃ dravyaṃ vindetkurvansurevatīm / aśvānaśvayujā bhakto bharaṇyāṃ sādhusattamaḥ // ### [2.18.15](https://indike.org/pramana/in.purana.brahmanda.2.18.15) imaṃ śrāddhavidhiṃ kurvañchaśabindurmahīmimām / kṛtsnāṃ balena so 'kliṣṭho labhdhvā ca praśaśāsa ha // ### [2.18.15.p1](https://indike.org/pramana/in.purana.brahmanda.2.18.15.p1) iti śrī brahāmāṇḍe mahāpurāṇe vāyuprokte madhyabhāge tṛtīya upoddhātapāde śrāddhakalpe nakṣatraśrāddhaṃ nāma aṣṭādaśo 'dhyāyaḥ // 18// ## Linked texts (1) - [Vāyupurāṇa](https://indike.org/pramana/in.purana.vayu.2.20.6) — Vyāsa, Sanskrit --- Source: [https://indike.org/pramana/in.purana.brahmanda.2.18](https://indike.org/pramana/in.purana.brahmanda.2.18) · Pramāṇa