[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.1 # Brahmandapurana 2.1 Brahmāṇḍapurāṇa 2.1 - **Language:** Sanskrit ## Contents - [2.1.125](https://indike.org/pramana/in.purana.brahmanda.2.1.125) — 1 part ### [2.1.1](https://indike.org/pramana/in.purana.brahmanda.2.1.1) śrīgaṇeśāya namaḥ atha brahmāṇḍamahāpurāṇamadhyabhāgaprārambhaḥ / śāṃśapāyana uvāca pādaḥ śekto dvitīyastu anuṣaṅgena nastvayā / tṛtīyaṃ vistarātpādaṃ sopoddhātaṃ pravarttaya // ### [2.1.2](https://indike.org/pramana/in.purana.brahmanda.2.1.2) sūta uvāca kīrttayiṣye tṛtīyaṃ vaḥ sopoddhātaṃ savistaram / pādaṃ samuccayādviprā gadato me nibodhata // ### [2.1.3](https://indike.org/pramana/in.purana.brahmanda.2.1.3) manorvaivasvatasyemaṃ sāṃprataṃ tu mahātmanaḥ / vistareṇānupūrvyā ca nisargaṃ śṛṇuta dvijāḥ // ### [2.1.4](https://indike.org/pramana/in.purana.brahmanda.2.1.4) caturyugaikasa ptatyā saṃkhyātaṃ pūrvameva tu / maha devagaṇaiścaiva ṛṣibhirdānavaissaha // ### [2.1.5](https://indike.org/pramana/in.purana.brahmanda.2.1.5) pitṛgandharvayakṣaiśca rakṣobhūtamahoragaiḥ / mānuṣaiḥ paśubhiścaiva pakṣibhiḥ sthāvaraiḥ saha // ### [2.1.6](https://indike.org/pramana/in.purana.brahmanda.2.1.6) manvādikaṃ bhaviṣyāntamākhyānairbahubhiryutam / vakṣye vaivasvataṃ sargaṃ namaskṛtya vivasvate // ### [2.1.7](https://indike.org/pramana/in.purana.brahmanda.2.1.7) ādye manvantare 'tītāḥ sargaprāvarttakāstu ye / svāyaṃbhuveṃ'tare pūrvaṃ saptāsanye maharṣayaḥ // ### [2.1.8](https://indike.org/pramana/in.purana.brahmanda.2.1.8) cākṣuṣasyāntare 'tīte prāpte vaivasvate punaḥ / dakṣasya ca ṛṣīṇāṃ ca bhṛgvādīnāṃ mahaujasām // ### [2.1.9](https://indike.org/pramana/in.purana.brahmanda.2.1.9) śāpānmaheśvarasyāsītprādurbhāvo mahātmanām / bhūyaḥ saptarṣayastvevamutpannāḥ sapta mānasāḥ // ### [2.1.10](https://indike.org/pramana/in.purana.brahmanda.2.1.10) putratve kalpitāścaiva svayameva svayaṃbhuvā / prajāsaṃtānakṛdbhistairutpadadbhirmahātmabhiḥ // ### [2.1.11](https://indike.org/pramana/in.purana.brahmanda.2.1.11) punaḥ pravarttitaḥ sargo yathāpūrvaṃ yathākramam / teṣāṃ prasūtiṃ vakṣyāmi viśuddhajñānakarmaṇām // ### [2.1.12](https://indike.org/pramana/in.purana.brahmanda.2.1.12) samāsavyāsayogābhyāṃ yathāvadanupūrvaśaḥ / yeṣāmanvayasaṃbhūtailar eko 'yaṃ sacarācaraḥ / punarāpūritaḥ sarvo grahanakṣatramaṇḍitaḥ // ### [2.1.13](https://indike.org/pramana/in.purana.brahmanda.2.1.13) ṛṣaya ūcuḥ kathaṃ saptarṣayaḥ pūrvamutpannāḥ sapta manasāḥ / putratve kalpitāścaiva tanno nigada sattama // ### [2.1.14](https://indike.org/pramana/in.purana.brahmanda.2.1.14) sūta uvāca pūrvaṃ saptarṣayaḥ proktā ye vai svāyaṃbhuveṃ'tare / manorantaramāsādya punarvaivasvataṃ kila // ### [2.1.15](https://indike.org/pramana/in.purana.brahmanda.2.1.15) bhavābhiśāpa saṃviddhā aprāptāste tadā tapaḥ / upapannā jane loke sakṛdāgamanāstu ta // ### [2.1.16](https://indike.org/pramana/in.purana.brahmanda.2.1.16) ūcuḥ sarve sadānyonyaṃ janaloke mahārṣayaḥ / eta eva mahābhāgā varuṇe vitate 'dhvare // ### [2.1.17](https://indike.org/pramana/in.purana.brahmanda.2.1.17) sarve vayaṃ prasūyāmaścākṣuṣasyāntare manoḥ / pitāmahātmajāḥ sarve tannaḥ śreyo bhaviṣyati // ### [2.1.18](https://indike.org/pramana/in.purana.brahmanda.2.1.18) evamuktvā tu te sarve cākṣuṣasyāntare manoḥ / svāyaṃbhuventare prāptāḥ sṛṣṭyarthaṃ te bhavena tu // ### [2.1.19](https://indike.org/pramana/in.purana.brahmanda.2.1.19) jajñire ha punaste vai janalokādihāgatāḥ / devasya mahato yajñe vāruṇīṃ bibhratastanum // ### [2.1.20](https://indike.org/pramana/in.purana.brahmanda.2.1.20) brahmaṇo juhvataḥ śukramagrau pūrvaṃ prajepsayā / ṛṣayo jajñire dīrghe dvitīyamiti naḥ śrutam // ### [2.1.21](https://indike.org/pramana/in.purana.brahmanda.2.1.21) bhṛgvaṅgirā marīciśca pulastyaḥ pulahaḥ kratuḥ / atriścaiva vasiṣṭhaśca hyaṣṭau te brahmaṇaḥ sutāḥ // ### [2.1.22](https://indike.org/pramana/in.purana.brahmanda.2.1.22) tathāsya vitate yajñe devāḥ sarve samāgatāḥ / yajñāṅgāni ca sarvāṇi vaṣaṭhkāraśca mūrttimān // ### [2.1.23](https://indike.org/pramana/in.purana.brahmanda.2.1.23) mūrttimanti ca sāmāni yajūṃṣi ca sahasraśaḥ / ṛgvedaścābhavattatra yaśca kramavibhūṣitaḥ // ### [2.1.24](https://indike.org/pramana/in.purana.brahmanda.2.1.24) yajurvedaśca vṛttāḍhya oṅkāravadanojjvalaḥ / sthito yajñārthasaṃpṛktaḥ sūktabrāhmaṇamantravān // ### [2.1.25](https://indike.org/pramana/in.purana.brahmanda.2.1.25) sāmavedaśca vṛttāḍhyaḥ sarvageyapuraḥ saraḥ / viśvāvasvādibhiḥ sārddhaṃ gandharvaiḥ saṃbhṛto 'bhavat // ### [2.1.26](https://indike.org/pramana/in.purana.brahmanda.2.1.26) brahmavedastathā ghoraiḥ kṛtvā vidhibhiranvitaḥ / pratyaṅgirasayogaiśca dviśarīraśiro 'bhavat // ### [2.1.27](https://indike.org/pramana/in.purana.brahmanda.2.1.27) lakṣaṇā vistarāḥ stobhā niruktasvara bhaktayaḥ / āśrayastu vaṣaṭkāro nigrahapragrahāvapi // ### [2.1.28](https://indike.org/pramana/in.purana.brahmanda.2.1.28) dīptimūrttirilādevī diśaścasadigīśvarāḥ / devakanyāśca patnyaśca tathā mātara eva ca // ### [2.1.29](https://indike.org/pramana/in.purana.brahmanda.2.1.29) āyayuḥ sarva evaite devasya yajato makhe / mūrtimantaḥ surūpākhyā varuṇasya vapurbhṛtaḥ // ### [2.1.30](https://indike.org/pramana/in.purana.brahmanda.2.1.30) svayaṃbhu vastu tā dṛṣṭvā retaḥ samapatadbhuvi / brahmarṣibhāvinor'thasya vidhānācca na saṃśayaḥ // ### [2.1.31](https://indike.org/pramana/in.purana.brahmanda.2.1.31) dhṛtvā juhāva hastābhyāṃ sruveṇa parigṛhya ca / āsravajjuhuyāṃ cakre mantravacca pitāmahaḥ // ### [2.1.32](https://indike.org/pramana/in.purana.brahmanda.2.1.32) tataḥ sa janayāmāsa bhūtagrāmaṃ prajāpatiḥ / tasyārvāktejasaścaiva jajñe lokeṣu taijasam // ### [2.1.33](https://indike.org/pramana/in.purana.brahmanda.2.1.33) tamasā bhāvi yāpyatvaṃ yathā sattvaṃ tathā rajaḥ / ājyasthālyāmupādāya svaśukraṃ hutavāṃśca ha // ### [2.1.34](https://indike.org/pramana/in.purana.brahmanda.2.1.34) śukre hu te 'tha tasmiṃstu prādurbhūtā maharṣayaḥ / jvalanto vapuṣā yuktāḥ saprabhāvaiḥ svakairguṇaiḥ // ### [2.1.35](https://indike.org/pramana/in.purana.brahmanda.2.1.35) hute cāgnau sakṛcchukre jvālāyā nisṛtaḥ kaviḥ / hiraṇyagarbhastaṃ dṛṣṭvā jvālāṃ bhittvā vinirgatam // ### [2.1.36](https://indike.org/pramana/in.purana.brahmanda.2.1.36) bhṛgustvamiti covāca yasmāttasmātsa vai bhṛguḥ / mahādevastathodbhūto dṛṣṭvā brahmāṇamabravīt // ### [2.1.37](https://indike.org/pramana/in.purana.brahmanda.2.1.37) mamaiṣa putrakāmasya dīkṣitasya tvayā prabho / vijajñe prathamaṃ deva mama putro bhavatvayam // ### [2.1.38](https://indike.org/pramana/in.purana.brahmanda.2.1.38) tatheti samanujñāto mahādevaḥ svayaṃbhuvā / putratve kalpayāmāsa mahādeva stadā bhṛgum // ### [2.1.39](https://indike.org/pramana/in.purana.brahmanda.2.1.39) vāruṇā bhṛgavastasmāttadapatyaṃ ca sa prabhuḥ / dvitīyaṃ ca tataḥ śukramaṅgāreṣvajuhotprabhuḥ // ### [2.1.40](https://indike.org/pramana/in.purana.brahmanda.2.1.40) aṅgāreṣvaṅgiro 'ṅgāni saṃhatāni tatoṅgirāḥ / saṃbhūtiṃ tasya tāṃ dṛṣṭvā vahnirbrahmāṇamabravīt // ### [2.1.41](https://indike.org/pramana/in.purana.brahmanda.2.1.41) retodhāstubhyamevāhaṃ dvitīyo 'yaṃ mamāstviti / evamastviti so 'pyukto brahmaṇā sadasaspatiḥ // ### [2.1.42](https://indike.org/pramana/in.purana.brahmanda.2.1.42) jagrā hāgnistvaṅgirasa āgneyā iti naḥ śrutam / ṣaṭ kṛtvā tu punaḥ śukre brahmaṇā lokakāriṇā // ### [2.1.43](https://indike.org/pramana/in.purana.brahmanda.2.1.43) hute samabhavaṃstasminyad brahmāṇa iti śrutiḥ / marīciḥ prathamaṃ tatra marīcibhyaḥ samutthitaḥ // ### [2.1.44](https://indike.org/pramana/in.purana.brahmanda.2.1.44) kratau tasminkraturjajñe yatastasmātsa vai kratuḥ / ahaṃ tṛtīya ityatristasmādatriḥ sa kīrtyate // ### [2.1.45](https://indike.org/pramana/in.purana.brahmanda.2.1.45) keśaistu nicitairbhūtaḥ pulastyastena sa smṛtaḥ / keśairlaṃbaiḥ samudbhūtastasmātsa pulahaḥ smṛtaḥ // ### [2.1.46](https://indike.org/pramana/in.purana.brahmanda.2.1.46) vasumadhyātsamutpanno vaśī ca vasumān svayam / vasiṣṭha iti tattvajñaiḥ procyate brahmavādibhiḥ // ### [2.1.47](https://indike.org/pramana/in.purana.brahmanda.2.1.47) ityete brahmaṇaḥ putrā mānasāḥ ṣaṇmaharṣayaḥ / lokasya santānakarā yairimā varddhitāḥ prajāḥ // ### [2.1.48](https://indike.org/pramana/in.purana.brahmanda.2.1.48) prajāpataya ityevaṃ paṭhyante brahmaṇaḥsutāḥ / apare pitaro nāma etaireva maharṣibhiḥ // ### [2.1.49](https://indike.org/pramana/in.purana.brahmanda.2.1.49) utpāditā devagaṇāḥ sapta lokeṣu viśrutāḥ / ajeyāśca gaṇāḥ sapta saptalokeṣu viśrutāḥ // ### [2.1.50](https://indike.org/pramana/in.purana.brahmanda.2.1.50) mārīyā bhārgavāścaiva tathaivāṅgiraso 'pare / paulastyāḥ paulahāścaiva vāsiṣṭhāścaiva viśrutāḥ // ### [2.1.51](https://indike.org/pramana/in.purana.brahmanda.2.1.51) ātreyāśca gaṇāḥ proktā pitṝṇāṃ lokavarddhanāḥ / ete samāsataḥ khyātāḥ punaranye gaṇāstrayaḥ // ### [2.1.52](https://indike.org/pramana/in.purana.brahmanda.2.1.52) amarttāścāprakāśāśca jyotiṣmantaśca viśrutāḥ / teṣāṃ rājāyamo devo yamairvihatakalmaṣaḥ // ### [2.1.53](https://indike.org/pramana/in.purana.brahmanda.2.1.53) aparaṃ prajānāṃ yatayastāñchṛmudhvamatandritāḥ / kaśyapaḥ kardamaḥ śeṣo vikrāntaḥ suśravāstathā // ### [2.1.54](https://indike.org/pramana/in.purana.brahmanda.2.1.54) bahuputraḥ kumāraśca vivasvānsa śucivrataḥ / pracetasoriṣṭanemirbahulaśca prajāpatiḥ // ### [2.1.55](https://indike.org/pramana/in.purana.brahmanda.2.1.55) ityevamādayo 'nye 'pi bahavo vai prajeśvarāḥ / kuśoccayā vālakhilyāḥ sabhūtāḥ paramarṣayaḥ // ### [2.1.56](https://indike.org/pramana/in.purana.brahmanda.2.1.56) manojavāḥ sarvagatāḥ sarvabhogāśca te 'bhavan / jātāśca bhasmano hyanye brahmarṣigaṇasaṃmatāḥ // ### [2.1.57](https://indike.org/pramana/in.purana.brahmanda.2.1.57) vaikhānasā munigaṇāstapaḥ śrutaparāyaṇāḥ / nasto dvāvasya cotpannāvaśvinau rūpasaṃmatau // ### [2.1.58](https://indike.org/pramana/in.purana.brahmanda.2.1.58) vidurjanmarkṣarajaso tathā tannetrasaṃcarāt / anye prajānāṃ patayaḥ śrotobhyastasya jajñire // ### [2.1.59](https://indike.org/pramana/in.purana.brahmanda.2.1.59) ṛṣayo romakūpebhyastathā svedamalodbhavāḥ / ayane ṛtavo māsarddhamāsāḥ pakṣasaṃdhayaḥ // ### [2.1.60](https://indike.org/pramana/in.purana.brahmanda.2.1.60) vatsarā ye tvahorātrāḥ pittaṃ jyotiśca dāruṇam / raudraṃ lohitamityāhurlohitaṃ kanakaṃ smṛtam // ### [2.1.61](https://indike.org/pramana/in.purana.brahmanda.2.1.61) tattaijasamiti proktaṃ dhūmāśca paśavaḥ smṛtāḥ / ye 'rciṣastasya te rudrāstathādityāḥ samṛdgatāḥ // ### [2.1.62](https://indike.org/pramana/in.purana.brahmanda.2.1.62) aṅgārebhyaḥ samutpannā arciṣo divyamānuṣāḥ / ādibhūto 'sya lokasya brahmā tvaṃ brahmasaṃbhavaḥ // ### [2.1.63](https://indike.org/pramana/in.purana.brahmanda.2.1.63) sarvakāmadamityāhustathā vākyamudāharan / brahmā suragurustatra tridaśaiḥ saṃprasāditaḥ // ### [2.1.64](https://indike.org/pramana/in.purana.brahmanda.2.1.64) imevai janayiṣyanti prajāḥ sarvāḥ praceśvarāḥ / sarve prajānāṃ patayaḥ sarve cāpi tapasvinaḥ // ### [2.1.65](https://indike.org/pramana/in.purana.brahmanda.2.1.65) tvatprasādādimāṃllokāndhārayeyurimāḥ kriyāḥ / tvadvaṃśavarddhanāḥ śaśvattava tejovivarddhanāḥ // ### [2.1.66](https://indike.org/pramana/in.purana.brahmanda.2.1.66) bhaveyurvedavidvāṃsaḥ sarve vākpatayastathā / vedamantradharāḥ sarve prajāpatisamudbhavāḥ // ### [2.1.67](https://indike.org/pramana/in.purana.brahmanda.2.1.67) śrayantu brahmasatyaṃ tu tapaśca paramaṃ bhuvi / sarve hi vayamete ca tavaiva prasavaḥ prabho // ### [2.1.68](https://indike.org/pramana/in.purana.brahmanda.2.1.68) brahma ca brahmāṇāścaiva lokaścaiva carācarāḥ / marīcimāditaḥ kṛtvā devāśca ṛṣibhiḥ saha // ### [2.1.69](https://indike.org/pramana/in.purana.brahmanda.2.1.69) apatyānīti saṃcintya te 'patye kāmayāmahe / tasmin yajñe mahābhāgā devāśca ṛṣayaśca ye // ### [2.1.70](https://indike.org/pramana/in.purana.brahmanda.2.1.70) ete tvadvaṃśasaṃbhūtāḥ sthānakālābhimāninaḥ / tava tenaiva rūpeṇa sthāpayeyurimāḥ prajāḥ // ### [2.1.71](https://indike.org/pramana/in.purana.brahmanda.2.1.71) yugādinidhanāścāpi sthāpayantu iti dvijāḥ / tato 'bravīllokaguruḥ paramityabhidhāra yan // ### [2.1.72](https://indike.org/pramana/in.purana.brahmanda.2.1.72) etadeva viniścitya mayā sṛṣṭā na saṃśayaḥ / bhavatāṃ vaṃśasaṃbhūtāḥ punarete maharṣayaḥ // ### [2.1.73](https://indike.org/pramana/in.purana.brahmanda.2.1.73) teṣāṃ bhṛgoḥ kīrttayiṣye vaṃśaṃ pūrvaṃ mahātmanaḥ / vistareṇānupūrvyā ca prathamasya prajāpateḥ // ### [2.1.74](https://indike.org/pramana/in.purana.brahmanda.2.1.74) bhārye bhṛgorapratime uttamābhijane śubhe / hiraṇyakaśipo kanyā divyā nāma pariśrutā // ### [2.1.75](https://indike.org/pramana/in.purana.brahmanda.2.1.75) pulomnaścava paulomī duhitā varavarṇinī / bhṛgostvajanayaddivyā putraṃ brahmavidāṃ varam // ### [2.1.76](https://indike.org/pramana/in.purana.brahmanda.2.1.76) devāsurāṇāmācāryaṃ śukraṃ kavivaraṃ graham / śukra evośanā nityamataḥ kāvyo 'pi nāmataḥ // ### [2.1.77](https://indike.org/pramana/in.purana.brahmanda.2.1.77) pitṝṇāṃ mānasī kanyā somapānāṃ yaśasvinī / śukrasya bhāryā gaurnāma vijajñe caturaḥ sutān // ### [2.1.78](https://indike.org/pramana/in.purana.brahmanda.2.1.78) tvaṣṭā caiva varatrī ca śaṇḍāmakārai ca tāvubhau / tejasādityasaṃkāśā brahmakalpāḥ prabhāvataḥ // ### [2.1.79](https://indike.org/pramana/in.purana.brahmanda.2.1.79) rajataḥ pṛthuraśmiśca vidvānyaśca bṛhaṅgirāḥ / varatriṇaḥ sutā hyete brahmiṣṭhā daityayājakāḥ // ### [2.1.80](https://indike.org/pramana/in.purana.brahmanda.2.1.80) ijyādharmavināśārthaṃ manumetyābhyayājayan / nirasyamānaṃ vai dharmaṃ dṛṣṭvendro manumābravīt // ### [2.1.81](https://indike.org/pramana/in.purana.brahmanda.2.1.81) etaireva tu kāmaṃ tvāṃ prāpayiṣyāmi yājanam / śrutvendrasya tu tadvākyaṃ tasmāddeśādapākraman // ### [2.1.82](https://indike.org/pramana/in.purana.brahmanda.2.1.82) tirobhūteṣu teṣvindro manupatnīmacetanām / graheṇa mocayitvā ca tataścānusasāra tām // ### [2.1.83](https://indike.org/pramana/in.purana.brahmanda.2.1.83) tata indravināśāya yatamānānmunīṃstu tān / tānāgatānpunardṛṣṭvā duṣṭānindro vihasya tu // ### [2.1.84](https://indike.org/pramana/in.purana.brahmanda.2.1.84) tatastā nadahatkruddho vedyarddhe dakṣiṇe tataḥ / teṣāṃ tu dhṛṣyamāṇānāṃ tatra śālāvṛkaiḥ saha // ### [2.1.85](https://indike.org/pramana/in.purana.brahmanda.2.1.85) śīrṣāṇi nyapataṃstāni kharjūrā hyabhavaṃstataḥ / evaṃ varatriṇaḥ putrā indreṇa nihatāḥ purā // ### [2.1.86](https://indike.org/pramana/in.purana.brahmanda.2.1.86) jayantyāṃ devayānī tu śukrasya duhitābhavat / triśirā viśvarūpastu tvaṣṭuḥ putro 'bhavanmahān // ### [2.1.87](https://indike.org/pramana/in.purana.brahmanda.2.1.87) yaśodharāyāmutpanno vairocanyāṃ mahāyaśāḥ / viśvarūpānujaścaiva viśvakarmā ca yaḥ smṛtaḥ // ### [2.1.88](https://indike.org/pramana/in.purana.brahmanda.2.1.88) bhṛgostu bhṛgavo devā jajñire dvādaśātmajāḥ / divyānusuṣuve kanyā kāvyasyaivānujā prabhoḥ // ### [2.1.89](https://indike.org/pramana/in.purana.brahmanda.2.1.89) bhuvanobhāvanaścaiva antyaścāntyāyanastathā / kratuḥ śuciḥ svamūrddhā ca vyājaśca vasudaśca yaḥ // ### [2.1.90](https://indike.org/pramana/in.purana.brahmanda.2.1.90) prabhavaścāvyayaścaiva dvādaśo 'dhipatiḥ smṛtaḥ / ityete bhṛgavo devāḥ smṛtā dvādaśa yajñiyāḥ // ### [2.1.91](https://indike.org/pramana/in.purana.brahmanda.2.1.91) paulomyajanayatputraṃ brahmiṣṭhaṃ vaśinaṃ dvijam / vyāditaḥ so 'ṣṭame māsigarbhaḥ krūreṇa rakṣasā // ### [2.1.92](https://indike.org/pramana/in.purana.brahmanda.2.1.92) cyavanāccyavanaḥ so 'tha cetanāttu pracetanaḥ / pracetāḥ ścyavanaḥ krodhāddagdhavānpuruṣādakān // ### [2.1.93](https://indike.org/pramana/in.purana.brahmanda.2.1.93) janayāmāsa putrau dvau sukanyāyāṃ sabhārgavaḥ / āpravānaṃ dadhīcaṃ ca tāvubhau sādhusaṃmatau // ### [2.1.94](https://indike.org/pramana/in.purana.brahmanda.2.1.94) sārasvataḥ sarasvatyāṃ dadhīcasyodapadyata / ṛcī patnī mahābhāgā apravānasya nāhuṣī // ### [2.1.95](https://indike.org/pramana/in.purana.brahmanda.2.1.95) tasyāmaurva ṛṣirjajñe ūruṃ bhittavā mahāyaśāḥ / aurvasyāsīdṛcīkastu dīpto 'gnisamatejasā // ### [2.1.96](https://indike.org/pramana/in.purana.brahmanda.2.1.96) jamadagnirṛcīkasya satyavatyāmajāyata / bhṛgoścaruviparyāse raudravaiṣṇavayauḥ purā // ### [2.1.97](https://indike.org/pramana/in.purana.brahmanda.2.1.97) jamanādvaiṣmavasyāgnerjamadagnirajāyata / reṇukājamadagneśca śakratulyaparākramam // ### [2.1.98](https://indike.org/pramana/in.purana.brahmanda.2.1.98) brahmakṣatramayaṃ rāmaṃ suṣuve 'mitatejasam / orvasyāsītputraśataṃ jamadagnipurogamam // ### [2.1.99](https://indike.org/pramana/in.purana.brahmanda.2.1.99) teṣāṃ putra sahasrāṇi bhārgavāṇāṃ parasparāt / ṛṣyatareṣu vai bāhyā bahavo bhārgavāḥ smṛtāḥ // ### [2.1.100](https://indike.org/pramana/in.purana.brahmanda.2.1.100) vatsā vidā ārṣṭiṣeṇā yaskā vainyāśca śaunakāḥ / mitreyuḥ saptamā hyete pakṣā jñeyāstu bhārgavāḥ // ### [2.1.101](https://indike.org/pramana/in.purana.brahmanda.2.1.101) śṛṇutāṅgiraso vaṃśamagneḥ putrasya dhīmataḥ / yasyānvavāye saṃbhūtā bhāradvājāḥ sagautamāḥ // ### [2.1.102](https://indike.org/pramana/in.purana.brahmanda.2.1.102) devāścāṅgiraso mukhyāsttviṣimanto mahaujasaḥ / surūpā caiva mārīcī kārdamī ca tathā svarāṭ // ### [2.1.103](https://indike.org/pramana/in.purana.brahmanda.2.1.103) pathyā ca mānavī kanyā tisro bhāryā hyatharvaṇaḥ / atharvaṇastu dāyādāstāsu jātāḥ kulodvahāḥ // ### [2.1.104](https://indike.org/pramana/in.purana.brahmanda.2.1.104) utpannā mahatā caiva tapasā bhāvitātmanaḥ / bṛhaspatiṃ surūpāyāṃ gautamaṃ suṣuve svarāṭ // ### [2.1.105](https://indike.org/pramana/in.purana.brahmanda.2.1.105) ayāsyaṃ vāmadevaṃ ca utathyamuśitiṃ tathā / dhṛṣṇiḥ putrastu pathyāyāḥ saṃvarttaścaiva mānasaḥ // ### [2.1.106](https://indike.org/pramana/in.purana.brahmanda.2.1.106) kitavaścāpyayāsyasya śaradvāṃścapyutathyajaḥ / athośijo dīrghatamā bṛhaduktho vāmadevajaḥ // ### [2.1.107](https://indike.org/pramana/in.purana.brahmanda.2.1.107) dhṛṣṇeḥ putraḥ sudhanvā tu ṛṣabhaśca sudhanvanaḥ / rathakārāḥ smṛtā devā ṛbhavo ye pariśrutāḥ // ### [2.1.108](https://indike.org/pramana/in.purana.brahmanda.2.1.108) bṛhaspaterbharadvājo viśrutaḥ sumahāyaśāḥ / bṛhaspatiṃ surūpāyāṃ gautamaṃ suṣuve svarāṭ // ### [2.1.109](https://indike.org/pramana/in.purana.brahmanda.2.1.109) aurasāṃgirasaḥ putrāḥ surūpāyāṃ vijajñire / ādhāryāyurddanurdakṣo damaḥ prāṇasta thaiva ca // ### [2.1.110](https://indike.org/pramana/in.purana.brahmanda.2.1.110) haviṣyāṃśca haviṣṇuśca ṛtaḥ satyaśca te daśa / ayāsyāścapyutathyāśca vāmadevāstathauśijāḥ // ### [2.1.111](https://indike.org/pramana/in.purana.brahmanda.2.1.111) bhāradvājāḥ sāṃkṛtayo gargāḥ kaṇvarathītarāḥ / mudgalā viṣṇuvṛddhāśca haritāḥ kapayastathā // ### [2.1.112](https://indike.org/pramana/in.purana.brahmanda.2.1.112) tathā rūkṣabharadvājā ārṣabhāḥ kitavastathā / ete cāṅgirasāṃ pakṣā vijñeyā daśa pañca ca // ### [2.1.113](https://indike.org/pramana/in.purana.brahmanda.2.1.113) ṛṣyantareṣu vai bāhyā bahavoṅgirasaḥ smṛtāḥ / marīcerapi vakṣyāmi bheda muttamapūruṣam // ### [2.1.114](https://indike.org/pramana/in.purana.brahmanda.2.1.114) yasyānvavāye saṃbhūtaṃ jagatsthāvarajaṅgamam / marīcirāpaścakame nābhidhyāyanprajepsayā // ### [2.1.115](https://indike.org/pramana/in.purana.brahmanda.2.1.115) putraḥ sarvaguṇopetaḥ prajāvānprabhavediti / saṃyujyātmānamevantu tapasā bhāvitaḥ prabhuḥ // ### [2.1.116](https://indike.org/pramana/in.purana.brahmanda.2.1.116) āhatāśca tataḥ sarvā āpaḥ samabhavaṃstadā / tāsu praṇihitātmānamekaṃ so 'janayatprabhuḥ // ### [2.1.117](https://indike.org/pramana/in.purana.brahmanda.2.1.117) putramapratimaṃ nāmnāriṣṭanemiṃ prajāpatim / putraṃ marīcistapasi nirataḥ so 'psvatītapat // ### [2.1.118](https://indike.org/pramana/in.purana.brahmanda.2.1.118) pradhyāya hi satīṃ vācaṃ putrārthī sarire sthitaḥ / saptavarṣasahasrāṇi tataḥ so 'pratimo 'bhavat // ### [2.1.119](https://indike.org/pramana/in.purana.brahmanda.2.1.119) kaśyapaḥ saviturvidvāṃstejasā brahmaṇā samaḥ / manvantareṣu sarveṣu brahmaṇoṃ'śena jāyate // ### [2.1.120](https://indike.org/pramana/in.purana.brahmanda.2.1.120) kanyānimittamatyukto dakṣeṇa kupitaḥ prabhuḥ / apibatsa tadā kaśyaṃ kaśyaṃ madyamihocyate // ### [2.1.121](https://indike.org/pramana/in.purana.brahmanda.2.1.121) hāsye kaśirhi vijñeyo vāṅmanaḥ kaśyamucyate / kaśyaṃ madyaṃ smṛtaṃ vipraiḥ kaśyapānāṃ tu kaśyapaḥ // ### [2.1.122](https://indike.org/pramana/in.purana.brahmanda.2.1.122) kaśeti nāma yadvāco vācā krūramudātdṛtam / dakṣābhiśaptaḥ kupitaḥ kaśyapastena so 'bhavat // ### [2.1.123](https://indike.org/pramana/in.purana.brahmanda.2.1.123) tasmācca kaśyapāyokto brahmaṇā parameṣṭhinā / tasmai prācetaso dakṣaḥ kanyāstāḥ pratyapādayat // ### [2.1.124](https://indike.org/pramana/in.purana.brahmanda.2.1.124) sarvāśca brahmavādinyaḥ sarvā vai lokamātaraḥ / ityetamṛṣisargaṃ tu puṇyaṃ yo veda vāruṇam // ### [2.1.125](https://indike.org/pramana/in.purana.brahmanda.2.1.125) āyuṣmānpuṇyavāñchuddhaḥ sukhamāpnoti śāśvatam / dhāraṇācchravaṇādvāpi sarvapāpaiḥ pramucyate // ### [2.1.125.p1](https://indike.org/pramana/in.purana.brahmanda.2.1.125.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde ṛṣisargavarṇanaṃ nāma prathamo 'dhyāyaḥ ## Linked texts (2) - [Vāyupurāṇa](https://indike.org/pramana/in.purana.vayu.2.4.7) — Vyāsa, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.2.105) — Ṭoḍaramalla 1564, Sanskrit --- Source: [https://indike.org/pramana/in.purana.brahmanda.2.1](https://indike.org/pramana/in.purana.brahmanda.2.1) · Pramāṇa