[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.20 # Brahmandapurana 2.20 Brahmāṇḍapurāṇa 2.20 - **Language:** Sanskrit ## Contents - [2.20.23](https://indike.org/pramana/in.purana.brahmanda.2.20.23) — 1 part ### [2.20.1](https://indike.org/pramana/in.purana.brahmanda.2.20.1) bṛhaspatiruvāca ityete pitaro devā devānāmapi devatāḥ / saptasvete sthitā nityaṃ sthāneṣu pitaro 'vyayāḥ // ### [2.20.2](https://indike.org/pramana/in.purana.brahmanda.2.20.2) prajāpatisutā hyete sarveṣāṃ tu mahātmanām / ādyo gaṇastu yogānāmanuyogavivarddhanaḥ // ### [2.20.3](https://indike.org/pramana/in.purana.brahmanda.2.20.3) dvitīyo devatānāṃ tu tṛtīyo dānavādinām / śeṣāstu varṇiṃnāṃ jñeyā iti sarve prakīrttitāḥ // ### [2.20.4](https://indike.org/pramana/in.purana.brahmanda.2.20.4) devāschaitānyajante vai sarvajñāneṣvavasthitān / āśramaśca yajantyenāṃścatvārastu yathākramam // ### [2.20.5](https://indike.org/pramana/in.purana.brahmanda.2.20.5) sarve varṇā yajantyenāṃścatvārastu yathāgamam / tathā saṃkarajātyaśca mlecchāścāpi yajanti vai // ### [2.20.6](https://indike.org/pramana/in.purana.brahmanda.2.20.6) pitṛṃstu yo yajedbhaktyā pitaraḥ prīṇayanti te / pitaraḥ puṣṭikāmasya prajākāmasya vā punaḥ // ### [2.20.7](https://indike.org/pramana/in.purana.brahmanda.2.20.7) puṣṭiṃ prajāṃ tu svargaṃ ca prayacchanti pitāmahāḥ / devakāryādapi tathā pitṛkāryaṃ viśiṣyate // ### [2.20.8](https://indike.org/pramana/in.purana.brahmanda.2.20.8) devatānāṃ hi pitaraḥ pūrvamāpyāyanaṃ smṛtāḥ / na hi yogagatiḥ sūkṣmā pitṝṇāṃ jñāyate naraiḥ // ### [2.20.9](https://indike.org/pramana/in.purana.brahmanda.2.20.9) tapasā hi prasiddhena kiṃ punarmāṃsacakṣuṣā / sarveṣāṃ rājataṃ pātramatha vā rajatānvitam // ### [2.20.10](https://indike.org/pramana/in.purana.brahmanda.2.20.10) pāvanaṃ hyuttamaṃ proktaṃ devānāṃ pitṛbhiḥ saha / yeṣāṃ dāsyanti piṇḍāṃstrīnbāndhavā nāmagotrataḥ // ### [2.20.11](https://indike.org/pramana/in.purana.brahmanda.2.20.11) bhūmau kuśottarāyāṃ ca apasavyavidhānataḥ / sarvatra varttamānāste piṇḍāḥ prīṇanti vai pitṝn // ### [2.20.12](https://indike.org/pramana/in.purana.brahmanda.2.20.12) yadāhāro bhavejjanturāhāraḥ so 'sya jāyate / yathā goṣṭhe pranaṣṭāṃ vai vatso vindati mātaram // ### [2.20.13](https://indike.org/pramana/in.purana.brahmanda.2.20.13) tathā taṃ nayate mantro janturyatrāvatiṣṭhati / nāmagotraṃ ca mantraṃ ca dattamannaṃ nayanti tam // ### [2.20.14](https://indike.org/pramana/in.purana.brahmanda.2.20.14) api yoniśataṃ prāptāṃstṛptistānanugacchati / evameṣā sthitā sattā brahmaṇaḥ parameṣṭhinaḥ // ### [2.20.15](https://indike.org/pramana/in.purana.brahmanda.2.20.15) pitṝṇamādisargetu lokānāmakṣayārthinām / ityete pitaraścaiva lokā duhitarastathā // ### [2.20.16](https://indike.org/pramana/in.purana.brahmanda.2.20.16) dauhitrā yajamānaśca proktāścaiva mayānagha / kīrttitāḥ pitaraste vai tava putra yathākramam // ### [2.20.17](https://indike.org/pramana/in.purana.brahmanda.2.20.17) śaṃyuruvāca aho divyastvayā tāta pitṛsargastu kīrtitaḥ / lokā duhitaraścaiva dohitrāśca śrutāstathā // ### [2.20.18](https://indike.org/pramana/in.purana.brahmanda.2.20.18) dānāni saha śaucena kīrttitāni phalāni ca / akṣayyatvaṃ dvijāṃścaiva sarvametadudāhṛtam / adyaprabhṛti karttāsmi sarvametadyathātatham // ### [2.20.19](https://indike.org/pramana/in.purana.brahmanda.2.20.19) bṛhaspatiruvāca ityetadaṅgirāḥ pūrvamṛṣīṇāmuktavānprabhuḥ / pṛṣṭaśca saṃśayānsarvānṛṣīnāha nṛsaṃsadi // ### [2.20.20](https://indike.org/pramana/in.purana.brahmanda.2.20.20) satre tu vitate pūrvaṃ tathā varṣasahasrake / yasminsadaspatisnāto brahmā sīddevatāprabhuḥ // ### [2.20.21](https://indike.org/pramana/in.purana.brahmanda.2.20.21) gatāni tatra varṣāṇāṃ pañcāśacca śatāni vai / ślokāścātra purā gītā ṛṣibhirbrahmavādibhiḥ // ### [2.20.22](https://indike.org/pramana/in.purana.brahmanda.2.20.22) dīkṣitasya purā satre brahmamaḥ paramātmanaḥ / tatraiva dattamannāgraṃ pitṝṇāmakṣayarthinām / lokānāṃ ca hitārthāya brahmaṇā parameṣṭhinā // ### [2.20.23](https://indike.org/pramana/in.purana.brahmanda.2.20.23) sūta uvāca evaṃ bṛhaspatiḥ pūrvaṃ pṛṣṭaḥ putreṇa dhīmatā / provāca pitṛsargaṃ tu yaścaiva samudāhṛta // ### [2.20.23.p1](https://indike.org/pramana/in.purana.brahmanda.2.20.23.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde śrāddhakalpo nāma viṃśatitamo 'dhyāyaḥ // 20// ## Linked texts (1) - [Vāyupurāṇa](https://indike.org/pramana/in.purana.vayu.2.21.p61) — Vyāsa, Sanskrit --- Source: [https://indike.org/pramana/in.purana.brahmanda.2.20](https://indike.org/pramana/in.purana.brahmanda.2.20) · Pramāṇa