[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.23 # Brahmandapurana 2.23 Brahmāṇḍapurāṇa 2.23 - **Language:** Sanskrit ## Contents - [2.23.81](https://indike.org/pramana/in.purana.brahmanda.2.23.81) — 1 part ### [2.23.1](https://indike.org/pramana/in.purana.brahmanda.2.23.1) vasiṣṭha uvāca tapasvinaṃ tadā rāmamekāgramanasaṃ bhave / rahasyekāntanirataṃ niyataṃ śaṃsitavratam // ### [2.23.2](https://indike.org/pramana/in.purana.brahmanda.2.23.2) śrutvā tamṛṣayaḥ sarve taponirdhūtakalmaṣāḥ / jñānakarmavayovṛddhā mahāntaḥ śaṃsitavratāḥ // ### [2.23.3](https://indike.org/pramana/in.purana.brahmanda.2.23.3) didṛkṣavaḥ samājagmuḥ kutūhalasamanvitāḥ / khyāpayantastapaḥ śreṣṭhaṃ tasya rājanmahātmanaḥ // ### [2.23.4](https://indike.org/pramana/in.purana.brahmanda.2.23.4) bhṛgvatrikratujābālivāmadevamṛkaṇḍavaḥ / saṃbhāvayantaste rāmaṃ munayo vṛddhasaṃmatāḥ // ### [2.23.5](https://indike.org/pramana/in.purana.brahmanda.2.23.5) ājagmurāśramaṃ tasya rāmasya tapasastapaḥ / dūrādeva mahāntaste puṇyakṣetranivāsinaḥ // ### [2.23.6](https://indike.org/pramana/in.purana.brahmanda.2.23.6) garīyaḥ sarvalokeṣu tapo 'gryaṃ jñānameva ca / praśasya tasya te sarveprayayuḥ svaṃ svamāśramam // ### [2.23.7](https://indike.org/pramana/in.purana.brahmanda.2.23.7) evaṃ pravarttatastasya rāmasya bhagavāñchivaḥ / prasannacetā nitarāṃ babhūva nṛpasattama // ### [2.23.8](https://indike.org/pramana/in.purana.brahmanda.2.23.8) jijñāsustasya bhagavān bhaktimātmani śaṅkaraḥ / mṛgavyādhavapurbhūtvā yayau rājaṃstadantikam // ### [2.23.9](https://indike.org/pramana/in.purana.brahmanda.2.23.9) bhinnāñjanacayaprakhyo raktāntāyatalocanaḥ / śaracāpadharaḥ prāṃśurvajrasaṃhanano yuvā // ### [2.23.10](https://indike.org/pramana/in.purana.brahmanda.2.23.10) uttuṅgahanubāhvaṃsaḥ piṅgalaśmaśrumūrddhajaḥ / māṃsavisravasāgandhī sarvaprāṇivihiṃsakaḥ // ### [2.23.11](https://indike.org/pramana/in.purana.brahmanda.2.23.11) sakaṇṭakulatāsparśakṣatārūṣitavigrahaḥ / sāmaṭaksaṃcarvamāṇaśca māṃsakhaṇḍamanekaśaḥ // ### [2.23.12](https://indike.org/pramana/in.purana.brahmanda.2.23.12) māṃsabhāradvayālaṃbividhānānatakandharaḥ / ārujaṃstarasā vṛkṣānūruvegena saṃghaśaḥ // ### [2.23.13](https://indike.org/pramana/in.purana.brahmanda.2.23.13) abhyavarttata taṃ deśaṃ pādacārīva parvataḥ / āsādya sarasastasya tīraṃ kusumitadrumam // ### [2.23.14](https://indike.org/pramana/in.purana.brahmanda.2.23.14) nyadadhānmāsabhāraṃ ca sa mūle kasyacittaroḥ / niṣasāda kṣaṇantatra tarucchāyāmupāśritaḥ // ### [2.23.15](https://indike.org/pramana/in.purana.brahmanda.2.23.15) tiṣṭhantaṃ sarasastīre so 'paśyadbhṛgunandanam / tataḥ sa śīghramutthāya samīpamupasṛtya ca // ### [2.23.16](https://indike.org/pramana/in.purana.brahmanda.2.23.16) rāmāya seṣucāpābhyāṃ karābhyāṃ vidadheṃ'jalim / sajalāṃbhodasannādagaṃbhīreṇa svareṇa ca // ### [2.23.17](https://indike.org/pramana/in.purana.brahmanda.2.23.17) jagāda bhṛguśārdūlaṃ guhāntaravisarpiṇā / toṣapravarṣavyādho 'haṃ vasāmyasminmahāvane // ### [2.23.18](https://indike.org/pramana/in.purana.brahmanda.2.23.18) īśo 'hamasya deśasya saprāṇitaruvīrudhaḥ / carāmi samacittātmā nānāsattvā miṣāśanaḥ // ### [2.23.19](https://indike.org/pramana/in.purana.brahmanda.2.23.19) samaśca sarvabhūteṣu na ca pitrādayo 'pi me / abhakṣyāgamyapeyādicchandavastuṣu kutracit // ### [2.23.20](https://indike.org/pramana/in.purana.brahmanda.2.23.20) kṛtyākṛtyavidhaucaiva na viśeṣitadhīraham / prapanno nābhigamanaṃ nivāsamapi kasyacit // ### [2.23.21](https://indike.org/pramana/in.purana.brahmanda.2.23.21) śakrasyāpi balenāhamanumanye na saṃśayaḥ / jānate tadhyathā sarve deśo 'yaṃ madupāśrayaḥ // ### [2.23.22](https://indike.org/pramana/in.purana.brahmanda.2.23.22) tasmānna kaścidāyāti mamātrānumatiṃ vinā / ityeṣa mama vṛttāntaḥ kārtsnyena kathitastava // ### [2.23.23](https://indike.org/pramana/in.purana.brahmanda.2.23.23) tvaṃ ca me brūhi tattvena nijavṛttamaśeṣataḥ / kastvaṃ kasmādihāyātaḥ kimarthamiha dhiṣṭhitaḥ / udyato 'nyatra vā gantuṃ kiṃ vā tava cikīrṣitam // ### [2.23.24](https://indike.org/pramana/in.purana.brahmanda.2.23.24) vasiṣṭha uvāca ityevamuktaḥ prahasaṃstena rāmo mahādyutiḥ / tūṣṇīṃ kṣaṇamiva sthitvā dadhyau kiñcidavāṅmukhaḥ // ### [2.23.25](https://indike.org/pramana/in.purana.brahmanda.2.23.25) ko 'yameva durādharṣaḥ sajalāṃbhodanisvanaḥ / bravīti ca giro 'tyarthaṃ vispaṣṭārthapadākṣarāḥ // ### [2.23.26](https://indike.org/pramana/in.purana.brahmanda.2.23.26) kiṃ tu me mahatīṃ śaṅkāṃ tanurasya tanoti vai / vijātisaṃśrayatvena ramaṇīyā tathā śarāḥ // ### [2.23.27](https://indike.org/pramana/in.purana.brahmanda.2.23.27) evaṃ cintayatastasya nimittāni śubhāni vai / babhūvurbhuvi dehe ca svābhipretārthadānyalam // ### [2.23.28](https://indike.org/pramana/in.purana.brahmanda.2.23.28) tato vimṛśya bahuśo manasābhṛgupuṅgavaḥ / uvāca śanakairvyādhaṃ vacanaṃ sūnṛtākṣaram // ### [2.23.29](https://indike.org/pramana/in.purana.brahmanda.2.23.29) jāmadagnyo 'smi bhadraṃ te rāmo nāmnā tu bhārgavaḥ / tapaścartumihāyātaḥ sāṃprataṃ guruśāsanāt // ### [2.23.30](https://indike.org/pramana/in.purana.brahmanda.2.23.30) tapasā sarvalokeśaṃ bhaktyā ca niyamena ca / ārādhayitumasmiṃstu cirāyāhaṃ samudyataḥ // ### [2.23.31](https://indike.org/pramana/in.purana.brahmanda.2.23.31) tasmātmarveśvaraṃ sarvaśaraṇyamabhayapradam / trinetraṃ pāpadamanaṃ śaṅkaraṃ bhaktavatsalam // ### [2.23.32](https://indike.org/pramana/in.purana.brahmanda.2.23.32) tapasā toṣayiṣyāmi sarvajñaṃ tripurāntakam / āśrame 'sminasarastīre niyamaṃ samupāśritaḥ // ### [2.23.33](https://indike.org/pramana/in.purana.brahmanda.2.23.33) bhaktānukaṃpī bhagavānyāvatpratyakṣatāṃ haraḥ / upaiti tāvadatraiva sthāsyāmīti matirmama // ### [2.23.34](https://indike.org/pramana/in.purana.brahmanda.2.23.34) tasmāditastvayādyaiva gantumanyatra yujyate / na cedbhavati me hāniḥ svakṛterniyamasya ca // ### [2.23.35](https://indike.org/pramana/in.purana.brahmanda.2.23.35) mānanīyo 'tha vāhaṃ te bhaktyā deśāntarātithiḥ / svanivāsamupāyātastapasvī ca tathā muniḥ // ### [2.23.36](https://indike.org/pramana/in.purana.brahmanda.2.23.36) tvatasaṃnidhau nivāso me bhavetpāpāya kevalam / tava cāpyasukhodarkaṃ matsamīpaniṣevaṇam // ### [2.23.37](https://indike.org/pramana/in.purana.brahmanda.2.23.37) sa tvaṃmadāśramopānte paricaṅkramaṇādikam / parityajya sukhībhūyā lokayorubhayorapi // ### [2.23.38](https://indike.org/pramana/in.purana.brahmanda.2.23.38) vasiṣṭha uvāca iti tasya vacaḥ śrutvā sa bhūyo bhṛgupuṅgavam / uvāca roṣatāmrākṣastāmrākṣamidamuttaram // ### [2.23.39](https://indike.org/pramana/in.purana.brahmanda.2.23.39) brahman kimidamatyarthaṃ samīpe vasatiṃ mama / parigarhayase yena kṛtaghnasyeva kāṃpratam // ### [2.23.40](https://indike.org/pramana/in.purana.brahmanda.2.23.40) kiṃ mayāpakṛtaṃ loke bhavato 'nyasya vā kvacit / anāgaskāriṇaṃ dāntaṃ ko 'vamanyeta nāmataḥ // ### [2.23.41](https://indike.org/pramana/in.purana.brahmanda.2.23.41) sannidhiḥ pariharttavyo yadi me viprapuṅgava / darśanaṃ saha saṃvāsaḥ saṃbhāṣaṇamathāpi ca // ### [2.23.42](https://indike.org/pramana/in.purana.brahmanda.2.23.42) āyuṣmatādhunaivāsmādapasarttavyamāśramāt / svasaṃśrayaṃ parityajya kvāhaṃ yāsye bubhukṣitaḥ // ### [2.23.43](https://indike.org/pramana/in.purana.brahmanda.2.23.43) svādhivāsaṃ parityajya bhavatā yoditaḥ katham / ito 'nyasmin gāmiṣyāmi dūre nāhaṃ viśeṣataḥ // ### [2.23.44](https://indike.org/pramana/in.purana.brahmanda.2.23.44) gamyatāṃ bhavatānyatra sthīyatāmatra vecchayā / nāhaṃ cālayituṃ śakyaḥ sthānādasmātkathañcana // ### [2.23.45](https://indike.org/pramana/in.purana.brahmanda.2.23.45) vasiṣṭha uvāca tacchrutvā vacanaṃ tasya kiñcitkopasamanvitaḥ / tamuvāca punarvākyamidaṃ rājanbhṛgūdvahaḥ // ### [2.23.46](https://indike.org/pramana/in.purana.brahmanda.2.23.46) vyādhajātiriyaṃ krūrā sarvasattvabhayāvahā / khalakarmaratā nityaṃ dhikkṛtā sarvajantubhiḥ // ### [2.23.47](https://indike.org/pramana/in.purana.brahmanda.2.23.47) tasyāṃ jāto 'si pāpīyānsarvaprāṇivihiṃsakaḥ / sa kathaṃ na parityājyaḥ sujanaiḥ syāttu durmate // ### [2.23.48](https://indike.org/pramana/in.purana.brahmanda.2.23.48) tasmādvihīnajātīyaṃ viditvātmānamabyatha / śīghramasmādvrajānyatra nātra kāryā vicāraṇā // ### [2.23.49](https://indike.org/pramana/in.purana.brahmanda.2.23.49) śarīratrāṇakāruṇyātsamīpaṃ nopasarpasi / yathā tvaṃ kaṇṭakādīnāmasahiṣṇutayā vyathām // ### [2.23.50](https://indike.org/pramana/in.purana.brahmanda.2.23.50) tathāvehi samastānāṃ priyāḥ prāṇāḥ śarīriṇām / vyathā cābhihatānāṃ tu vidyate bhavato 'nyathā // ### [2.23.51](https://indike.org/pramana/in.purana.brahmanda.2.23.51) ahiṃsā sarvabhūtānāmiti dharmaḥ sanātanaḥ / etadviruddhācaraṇānnityaṃ sadbhirvigarhitaḥ // ### [2.23.52](https://indike.org/pramana/in.purana.brahmanda.2.23.52) ātmaprāṇābhirakṣārthaṃ tvamaśeṣaśarīriṇaḥ / haniṣyasi kathaṃ satsunāpnoṣi vacanīyatām // ### [2.23.53](https://indike.org/pramana/in.purana.brahmanda.2.23.53) tasmācchīghraṃ tu bhogaccha tvameva puruṣādhama / tvayā me kṛtyadoṣasya hāniśca na bhaviṣyati // ### [2.23.54](https://indike.org/pramana/in.purana.brahmanda.2.23.54) na catsvayamito gaccheśtatastava balādapi / apasarpaṇatābuddhimahamutpādaye sphuṭam // ### [2.23.55](https://indike.org/pramana/in.purana.brahmanda.2.23.55) kṣaṇārddhamapi te pāpa śreyasī neha saṃsthitiḥ / viruddhācaraṇo nityaṃ dharmadriṣ ko labhecca śām // ### [2.23.56](https://indike.org/pramana/in.purana.brahmanda.2.23.56) vasiṣṭha uvāca rāmasya vacanaṃ śrutvā prīto 'pi tamidaṃ vacaḥ / uvāca saṃkruddha iva vyādharūpī pinākadhṛk // ### [2.23.57](https://indike.org/pramana/in.purana.brahmanda.2.23.57) sarvametadahaṃ manyaṃ vyarthaṃ vyavasitaṃ tava / kutastvaṃ prathamo jñānī kutaḥ śaṃbhuḥ kutastapaḥ // ### [2.23.58](https://indike.org/pramana/in.purana.brahmanda.2.23.58) kutastvaṃ kliśyase mūḍha tapasā tena te 'dhunā / ghruvaṃ mithyāpravṛttasya na hi tuṣyati śaṅkaraḥ // ### [2.23.59](https://indike.org/pramana/in.purana.brahmanda.2.23.59) viruddhalokācaraṇaḥ śaṃbhustasya vituṣṭaye / pratapatyabudho marttyastvāṃ vinā kaḥ mudurmate // ### [2.23.60](https://indike.org/pramana/in.purana.brahmanda.2.23.60) atha vā ca gataṃ me 'dya yuktametadasaṃśayam / saṃpūjya pūjakaviddhau śaṃbhostava ca saṃgamaḥ // ### [2.23.61](https://indike.org/pramana/in.purana.brahmanda.2.23.61) tvayā pūjayituṃ yuktaḥ sa eva bhuvane rataḥ / saṃpūjako 'pi tasya tvaṃ yogyo nātra vicāraṇā // ### [2.23.62](https://indike.org/pramana/in.purana.brahmanda.2.23.62) pitāmahasya lokānāṃ brahmaṇaḥ parameṣṭhinaḥ / śiraśchittvā punaḥ śaṃbhurbrahmahatyāmavāptavān // ### [2.23.63](https://indike.org/pramana/in.purana.brahmanda.2.23.63) brahmahatyābhibhūtena prāyastvaṃ śaṃbhunā dvija / upadiṣṭo 'si tatkartuṃ nocedevaṃ kathaṃ kṛthāḥ // ### [2.23.64](https://indike.org/pramana/in.purana.brahmanda.2.23.64) tādātmyaguṇasaṃyogānmanyaṃ rudrasya te 'dhunā / tapaḥ siddhiranuprāptā kolenālpīyasā mune // ### [2.23.65](https://indike.org/pramana/in.purana.brahmanda.2.23.65) prāyo 'dya mātaraṃ hatvā sarvailoṅkairnirākṛtaḥ / tapovyājena gahane nirjane saṃpravarttase // ### [2.23.66](https://indike.org/pramana/in.purana.brahmanda.2.23.66) gurustrībrahmahatyotthapātakakṣapaṇāya ca / tapaścarasi nānena tapasā tatpraṇaśyati // ### [2.23.67](https://indike.org/pramana/in.purana.brahmanda.2.23.67) pātakānāṃ kilānyeṣāṃ prāyaścittāni saṃtyapi / mātṛdruhāmavehi tvaṃ na kvacitkila niṣkṛtiḥ // ### [2.23.68](https://indike.org/pramana/in.purana.brahmanda.2.23.68) ahiṃsālakṣaṇo dharmo lokeṣu yadi te mataḥ / svahastena kathaṃ rāma mātaraṃ kṛttavānasi // ### [2.23.69](https://indike.org/pramana/in.purana.brahmanda.2.23.69) kṛtvā mātṛvadhaṃ ghoraṃ sarvalokavigarhitam / tvaṃ punardhārmiko bhūtvā kāmato 'nyānvinindasi // ### [2.23.70](https://indike.org/pramana/in.purana.brahmanda.2.23.70) paśyatā hasatāmoghaṃ ātmadoṣamajānatā / aparyāptamahaṃ nanyaṃ paraṃ doṣavimarśanām // ### [2.23.71](https://indike.org/pramana/in.purana.brahmanda.2.23.71) svadharmaṃ yadyahaṃ tyaktvā vartteyamakulobhayam / tarhi garhaya māṃ kāmaṃ nirupya manasā svayam // ### [2.23.72](https://indike.org/pramana/in.purana.brahmanda.2.23.72) mātāpitṛsutādīnāṃ bharaṇāyaiva kevalam / kriyate prāṇihananaṃ nijadharmatayā mayā // ### [2.23.73](https://indike.org/pramana/in.purana.brahmanda.2.23.73) svadharmādāmiṣeṇāhaṃ sakuṭumbo dinedine / varttāmi sāpi me vṛttirvidhātrā vihitā purā // ### [2.23.74](https://indike.org/pramana/in.purana.brahmanda.2.23.74) māṃsena yāvatā me syānnityaṃ pitrādi poṣaṇam / haniṣye cettadadhikaṃ tarhi yujyeyamenasā // ### [2.23.75](https://indike.org/pramana/in.purana.brahmanda.2.23.75) yāvatpoṣaṇaghātena na vayaṃ syāma ninditāḥ / tadetatsaṃpradhārya tvaṃ nindavā māṃ praśaṃsa vā // ### [2.23.76](https://indike.org/pramana/in.purana.brahmanda.2.23.76) sādhu vāsādhu vā karma yasya yadvihitaṃ purā / tadeva tena karttavyamāpadyapi kathañcana // ### [2.23.77](https://indike.org/pramana/in.purana.brahmanda.2.23.77) nirūpaya svabhuddhyā tvamātmano mama cāntaram / ahaṃ tu sarvabhāvena mitrādibharaṇe rataḥ // ### [2.23.78](https://indike.org/pramana/in.purana.brahmanda.2.23.78) saṃtyajya pitaraṃ vṛddhaṃ vinihatya ca mātaram / bhūtvā tu dhārmikastvaṃ tu tapaścartumihāgataḥ // ### [2.23.79](https://indike.org/pramana/in.purana.brahmanda.2.23.79) ye tu mūlavidasteṣāṃ vispaṣṭaṃ yatra darśanam / yathājihvaṃ bhavennātra vacasāpi samīhitum // ### [2.23.80](https://indike.org/pramana/in.purana.brahmanda.2.23.80) ahaṃ tu samyagjānāmi tava vṛttamaśeṣataḥ / tasmādalaṃ te tapasā niṣphalena bhṛgūdvaha // ### [2.23.81](https://indike.org/pramana/in.purana.brahmanda.2.23.81) sukhamicchasi cettyaktvā kāyakleśakaraṃ tapaḥ / yāhi rāma tvamanyatra yatra vā na vidurjanāḥ // ### [2.23.81.p1](https://indike.org/pramana/in.purana.brahmanda.2.23.81.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde trayoviṃśatitamo 'dhyāyaḥ ## Linked texts (1) - [Varāhapurāṇa](https://indike.org/pramana/in.purana.varaha.123.116) — Vyāsa, Sanskrit --- Source: [https://indike.org/pramana/in.purana.brahmanda.2.23](https://indike.org/pramana/in.purana.brahmanda.2.23) · Pramāṇa