[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmanda Purana](https://indike.org/pramana/in.purana.brahmanda) › 2.26 # Brahmanda Purana 2.26 Brahmāṇḍapurāṇa 2.26 - **Language:** Sanskrit ## Contents - [2.26.62](https://indike.org/pramana/in.purana.brahmanda.2.26.62) — 1 part ### [2.26.1](https://indike.org/pramana/in.purana.brahmanda.2.26.1) vaśiṣṭha uvāca iti pṛṣṭastadā tābhyāṃ rāmo rājankṛtāñjaliḥ / tayorakathayatsarvamātmanā yadanuṣṭhitam // ### [2.26.2](https://indike.org/pramana/in.purana.brahmanda.2.26.2) nideśādvai kulagurostapaścaraṇamātmanaḥ / śaṃbhornideśāttīrthānāmaṭanaṃ ca yathākramam // ### [2.26.3](https://indike.org/pramana/in.purana.brahmanda.2.26.3) tadājñayaiva daityanāṃ vadhaṃ cāmarakāraṇāt / haraprasādādatrāpi hyakṛtavraṇadarśanam // ### [2.26.4](https://indike.org/pramana/in.purana.brahmanda.2.26.4) etatsarvamaśeṣeṇa yadanyaccātmanā kṛtam / kathayāmāsa tadrāmaḥ pitroḥ saṃprīyamāṇayoḥ // ### [2.26.5](https://indike.org/pramana/in.purana.brahmanda.2.26.5) tau ca tenoditaṃ sarvaṃ śrutvā tatkarma vistaram / hṛṣṭau harṣāntaraṃ bhūyo rājannāpnuvatāvubhau // ### [2.26.6](https://indike.org/pramana/in.purana.brahmanda.2.26.6) evaṃ pitrormahārāja śuśrūṣāṃ bhṛgupuṅgavaḥ / prakurvaṃstadvidheyātmā bhrātṝṇāṃ cāviśeṣataḥ // ### [2.26.7](https://indike.org/pramana/in.purana.brahmanda.2.26.7) etasminneva kāle tu kadāciddhaihayeśvaraḥ / ityeṣa mṛgayāṃ gāntuṃ caturaṅgabalānvitaḥ // ### [2.26.8](https://indike.org/pramana/in.purana.brahmanda.2.26.8) saṃrajyamāne gagane bandhūkakusumāruṇaiḥ / tārājāladyutiharaiḥ samantādaruṇāṃśubhiḥ // ### [2.26.9](https://indike.org/pramana/in.purana.brahmanda.2.26.9) mandaṃ vījati proddhūtaketakīvanarājibhiḥ / prābhātike gandhavahe kumudākarasaṃspṛśi // ### [2.26.10](https://indike.org/pramana/in.purana.brahmanda.2.26.10) vayāṃsi narmadātīratarunīḍāśrayeṣu ca / vyāharansvākulā vāco manaḥśrotrasukhāvahāḥ // ### [2.26.11](https://indike.org/pramana/in.purana.brahmanda.2.26.11) narmadātīratīrthaṃ tadavatīryāghahāriṇi / tattoye munivṛndeṣu gṛṇātsubrahma śāśvatam // ### [2.26.12](https://indike.org/pramana/in.purana.brahmanda.2.26.12) vidhivatkṛtamaitreṣu sannivṛtya sarittaṭāt / āśamaṃ prati gacchatsu munimukhyeṣu karmiṣu // ### [2.26.13](https://indike.org/pramana/in.purana.brahmanda.2.26.13) pratyekaṃ vīrapatnīṣu vyagrāsu gṛhakarmasu / homārthaṃ munikalpābhirduhyamānāsu dhenuṣu // ### [2.26.14](https://indike.org/pramana/in.purana.brahmanda.2.26.14) sthāne munikumāreṣu taṃ dohaṃ hi nayatsu ca / agnihotrākule jāte sarvabhūtasukhāvahe // ### [2.26.15](https://indike.org/pramana/in.purana.brahmanda.2.26.15) vikasatsu sarojeṣu gāyatsu bhramareṣu ca / vāśatsu nīḍānniṣpatya patatriṣu samantataḥ // ### [2.26.16](https://indike.org/pramana/in.purana.brahmanda.2.26.16) anati vyagramattebhaturaṅgarathagāminām / gātrālhādavivarddhanyāṃ velāyāṃ mandavāyunā // ### [2.26.17](https://indike.org/pramana/in.purana.brahmanda.2.26.17) gacchatsu cāśramopāntaṃ prasūnajalahāriṣu / svādhyā yadakṣairbahubhirajināṃbaradhāribhiḥ // ### [2.26.18](https://indike.org/pramana/in.purana.brahmanda.2.26.18) samyak prayojyamāneṣu mantreṣūccāvaceṣu ca / praiṣeṣūccāryamāṇeṣu hūyamāneṣu vahniṣu // ### [2.26.19](https://indike.org/pramana/in.purana.brahmanda.2.26.19) yathā vanmantratantroktakriyāsu vitatāsu ca / jvaladagniśikhākāre tamastapanatejasi // ### [2.26.20](https://indike.org/pramana/in.purana.brahmanda.2.26.20) pratihatya diśaḥ sarvā vivṛṇvāne ca medinīm / savitaryudayaṃ yāti naiśe tamasi naśyati // ### [2.26.21](https://indike.org/pramana/in.purana.brahmanda.2.26.21) tārakāsu vilīnāsu kāṣṭhāsu vimalāsu ca / kṛtamaitrādiko rājā mṛgayāṃ haihayeśvaraḥ // ### [2.26.22](https://indike.org/pramana/in.purana.brahmanda.2.26.22) niryayau nagarāttasmātpurohitasamanvitaḥ / balaiḥ sarvaiḥ samuditaiḥ savājirathakuñjaraiḥ // ### [2.26.23](https://indike.org/pramana/in.purana.brahmanda.2.26.23) sacivaḥ sahitaḥ śrīmān savayobhiśca rājabhiḥ / mahatā balabhāreṇa namayanvasudhātalam // ### [2.26.24](https://indike.org/pramana/in.purana.brahmanda.2.26.24) nādayanrathaghoṣeṇa kakubhaḥ sarvato nṛpaḥ / svabalaughapadakṣepaprakṣuṇṇāvanireṇubhiḥ // ### [2.26.25](https://indike.org/pramana/in.purana.brahmanda.2.26.25) yayau saṃcchādayanvyoma vimānaśatasaṃkulam / saṃpravaśya vanaṃ ghoraṃ vindhyodrerbalasaṃcayaiḥ // ### [2.26.26](https://indike.org/pramana/in.purana.brahmanda.2.26.26) bhṛśaṃ vilolayā māsa samantādrājasattamaḥ / parivārya vanaṃ tattu sa rājā nijasainikaiḥ // ### [2.26.27](https://indike.org/pramana/in.purana.brahmanda.2.26.27) mṛgānnānāvidhānhiṃsrānnijaghāna śitaiḥ śaraiḥ / ākarṇakṛṣṭakodaṇḍayodhamuktaiḥ śiteṣubhiḥ // ### [2.26.28](https://indike.org/pramana/in.purana.brahmanda.2.26.28) nikṛttagātrāḥ śārdūlā nyapatanbhuvi kecana / udagravegapādātakhaḍgakhaṇḍitavigrahāḥ // ### [2.26.29](https://indike.org/pramana/in.purana.brahmanda.2.26.29) varāhayūthapāḥ kecidrudhirārdrā dharāmaguḥ / pracaṇḍaśāktikonmuktaśaktinirbhinnamastakāḥ // ### [2.26.30](https://indike.org/pramana/in.purana.brahmanda.2.26.30) mṛgaughāḥ pratyapadyanta parvatā iva medinīm / nārācā viddhasarvāṅgāḥ siṃharkṣaśarabhādayaḥ // ### [2.26.31](https://indike.org/pramana/in.purana.brahmanda.2.26.31) vasudhāmanvakīryanta śoṇitārdrāḥ samantataḥ / evaṃ savāguraiḥ kaiścitpatadbhiḥ patitairapi // ### [2.26.32](https://indike.org/pramana/in.purana.brahmanda.2.26.32) śvabhiścānudrutaiḥ kaiściddhāvamānaistathā mṛgaiḥ / āttairvikrośamānaiśca bhītaiḥ prāṇabhayāturaiḥ // ### [2.26.33](https://indike.org/pramana/in.purana.brahmanda.2.26.33) yugāpāye yathātyarthaṃ vanamākulamābabhau / varāhasiṃhaśārdūlaśvāvicchaśakulāni ca // ### [2.26.34](https://indike.org/pramana/in.purana.brahmanda.2.26.34) camarīrurugomāyugavayarkṣavṛkānbahūn / kṛṣṇasārāndvīpimṛgānraktakhaḍgamṛgānavi // ### [2.26.35](https://indike.org/pramana/in.purana.brahmanda.2.26.35) vicitrāṅgānmṛgānanyānnyaṅkūnapi ca sarvaśaḥ / bālānstanandhayānyūnaḥ sthavirānmithunāngaṇān // ### [2.26.36](https://indike.org/pramana/in.purana.brahmanda.2.26.36) nijaghnurniśitaiḥ śastraiḥ śastravadhyānhi sainikāḥ / evaṃ hatvā mṛgān ghorānhiṃsraprāyānaśeṣataḥ // ### [2.26.37](https://indike.org/pramana/in.purana.brahmanda.2.26.37) śrameṇa mahatā yuktā babhūvurnṛpasainikāḥ / madhye dinakare prāpte sasainyaḥ sa tadā nṛpaḥ // ### [2.26.38](https://indike.org/pramana/in.purana.brahmanda.2.26.38) narmadāṃ dharmasaṃtaptaḥ pipāsuragamacchanaiḥ / avatīya tatastasyāstoye sabalavāhanaḥ // ### [2.26.39](https://indike.org/pramana/in.purana.brahmanda.2.26.39) vijāgāha śubhe rājā kṣuttṛṣṇāparipīḍitaḥ / snātvā pītvā ca salilaṃ sa tasyāḥ sukhaśītalam // ### [2.26.40](https://indike.org/pramana/in.purana.brahmanda.2.26.40) bisāṃkurāṇi śubhrāṇi svādūni prajaghāsa ca / vikrīḍya toye suciramuttīrya sabalo nṛpaḥ // ### [2.26.41](https://indike.org/pramana/in.purana.brahmanda.2.26.41) viśaśrāma ca tattīre tarukhaṇḍopamaṇḍite / ālaṃbapāne tigmāṃśau sasainyaḥ sānugo nṛpaḥ // ### [2.26.42](https://indike.org/pramana/in.purana.brahmanda.2.26.42) niścakrāma puraṃ gantuṃ vindhyādrivanagahvarāt / sa gacchanneva dadṛśe narmadā tīramāśritam // ### [2.26.43](https://indike.org/pramana/in.purana.brahmanda.2.26.43) āśramaṃ puṇyaśīlasya jamadagnermahātmanaḥ / tato nivṛtya sainyāni dūre 'vasthāpya pārthivaḥ // ### [2.26.44](https://indike.org/pramana/in.purana.brahmanda.2.26.44) paricāraiḥ katipathaiḥ sahito 'yāttadāśamam / gatvā tadāśramaṃ ramyaṃ purohitasamanvitaḥ // ### [2.26.45](https://indike.org/pramana/in.purana.brahmanda.2.26.45) upetya muniśārdūlaṃ nanāma śirasā nṛpaḥ / abhinaṃ dyāśaṣā taṃ vai jamadagnirnṛpottamam // ### [2.26.46](https://indike.org/pramana/in.purana.brahmanda.2.26.46) pūjayāmāsa vidhivadarghapādyāsanādibhiḥ / saṃbhāvayitvā tāṃ pūjāṃ vihitāṃ muninā tadā // ### [2.26.47](https://indike.org/pramana/in.purana.brahmanda.2.26.47) niṣasādāsane śubhra purastasya mahāmuneḥ / tamāsīnaṃ nṛpavaraṃ kuśāsanagato muniḥ // ### [2.26.48](https://indike.org/pramana/in.purana.brahmanda.2.26.48) papraccha kuśalapraśnaṃ putramitrādibandhuṣu / saha saṃkathayaṃstena rājñā munivarottamaḥ // ### [2.26.49](https://indike.org/pramana/in.purana.brahmanda.2.26.49) sthitvā nāticiraṃ kālamātithyārthaṃ nyamantrayat / tataḥ sa rājā suprīto jamadagni mabhāṣata // ### [2.26.50](https://indike.org/pramana/in.purana.brahmanda.2.26.50) maharṣe dehi me 'nujñāṃ gamiṣyāmi svakaṃ puram / samagravāhanabalo hyahaṃ tasmānmahāmune // ### [2.26.51](https://indike.org/pramana/in.purana.brahmanda.2.26.51) kartu na śakyamā tithyaṃ tvayā vanyāśinā vane / athavā tvaṃ tapaḥśaktyā kartumātithyamadya me // ### [2.26.52](https://indike.org/pramana/in.purana.brahmanda.2.26.52) śaknoṣyapi purīṃ gantuṃ māmanujñāturhasi / anyathā cetkhalaiḥ sainyairatyarthaṃ munisattama // ### [2.26.53](https://indike.org/pramana/in.purana.brahmanda.2.26.53) tapasvināṃ bhavetpīḍā niyamakṣayakārikā / vasiṣṭha uvāca ityevamuktaḥ sa munistaṃ prāhasthīyatāṃ kṣaṇam // ### [2.26.54](https://indike.org/pramana/in.purana.brahmanda.2.26.54) sarvaṃ saṃpādayithye 'hamātithyaṃ sānugasya te / ityuktvāhūya tāṃ dogdhrīmuvācāyaṃ mamātithiḥ // ### [2.26.55](https://indike.org/pramana/in.purana.brahmanda.2.26.55) upāga tastvayā tasmātkriyatāmadya satkṛtiḥ / ityuktā muninā dogdhrī sātitheyamaśeṣataḥ / dudoha nṛpaterāśu yadyogyaṃ munigauravāt // ### [2.26.56](https://indike.org/pramana/in.purana.brahmanda.2.26.56) athāśramaṃ tatsurarājasadmanikāśamāsīdbhṛgupuṅgavasya / vibhūtibhedairavicintyarupamananyasādhyaṃ surabhiprabhāvāt // ### [2.26.57](https://indike.org/pramana/in.purana.brahmanda.2.26.57) anekaratnojjvalacitrahemaprakāśamālāparivītamuccaiḥ / pūrṇenduśubhrābhraviṣaktaśṛṅgaiḥ prāsādasaṃghaiḥ parivītamantaḥ // ### [2.26.58](https://indike.org/pramana/in.purana.brahmanda.2.26.58) kāṃsyārakūṭārasatāmrahemadurvarṇasaudho paladārumṛdbhiḥ / pṛthagvimiśrairbhavanairanekaiḥ sadbhāsitaṃ netramanobhirāmaiḥ // ### [2.26.59](https://indike.org/pramana/in.purana.brahmanda.2.26.59) mahārharatnojjvalahemavedikāniṣkūṭasopānakuṭīviṭaṅkakaiḥ / tulākapāṭargalakuḍyadehalīniśāntaśālājiraśobhitairbhṛśam // ### [2.26.60](https://indike.org/pramana/in.purana.brahmanda.2.26.60) valabhyalindāṅgapācārutoraṇairadabhraparyantacatuṣkikādibhiḥ / staṃbheṣu kuḍyeṣu ca divyaratnavicitracitraiḥ pariśobhamānaiḥ // ### [2.26.61](https://indike.org/pramana/in.purana.brahmanda.2.26.61) uccāvacai ratnavarairvicitrasuvarṇasiṃhāsanapīṭhikādyaiḥ / sa bhakṣyabhojyādibhi rannapānairupetabhāṇḍopagataikadeśaiḥ // ### [2.26.62](https://indike.org/pramana/in.purana.brahmanda.2.26.62) gṛhairamartyocitasarvasaṃpatsamanvitairnetramano 'bhirāmaiḥ / tasyāśramaṃ sannagaropamānaṃ babhau vadhūbhiścamanoharābhiḥ // ### [2.26.62.p1](https://indike.org/pramana/in.purana.brahmanda.2.26.62.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāder'junopākhyāne ṣaḍviṃśatitamo 'dhyāyaḥ // 26// ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c22.98) — Pargiter 1922, English --- Source: [https://indike.org/pramana/in.purana.brahmanda.2.26](https://indike.org/pramana/in.purana.brahmanda.2.26) · Pramāṇa