[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.2 # Brahmandapurana 2.2 Brahmāṇḍapurāṇa 2.2 - **Language:** Sanskrit ## Contents - [2.2.32](https://indike.org/pramana/in.purana.brahmanda.2.2.32) — 1 part ### [2.2.1](https://indike.org/pramana/in.purana.brahmanda.2.2.1) sūta uvāca vinivṛtte prajāsarge ṣaṣṭhe vai cākṣuṣasya ha / prajāḥ sṛjeti vyadiṣṭaḥ svayaṃ dakṣaḥ svayaṃbhuvā // ### [2.2.2](https://indike.org/pramana/in.purana.brahmanda.2.2.2) sasarja sarvabhūtāni gatimanti dhruvāṇi ca / mānasāni ca bhūtāni sa pūrvamasṛjatprabhuḥ // ### [2.2.3](https://indike.org/pramana/in.purana.brahmanda.2.2.3) ṛṣīndevāṃśca gandharvānmanuṣyoragarākṣasān / yakṣabhūtapiśācāṃśca vayaḥ paśumṛgāṃstathā // ### [2.2.4](https://indike.org/pramana/in.purana.brahmanda.2.2.4) yadāsya manasā sṛṣṭā na vyavarddhanta tāḥ prajāḥ / apadhyātā bhagavatā mahādevena dhīmatā // ### [2.2.5](https://indike.org/pramana/in.purana.brahmanda.2.2.5) sa maithunena bhāvena sisṛkṣurvividhāḥ prajāḥ / asikrīmāvahadbhāryāṃ vīraṇasya prajāpateḥ // ### [2.2.6](https://indike.org/pramana/in.purana.brahmanda.2.2.6) sutāṃ sumahatā yuktāṃ tapasā loka dhāriṇīm / yayā dhṛtamidaṃ sarvaṃ jagatsthāvarajaṅgamam // ### [2.2.7](https://indike.org/pramana/in.purana.brahmanda.2.2.7) atrāpyudāharantīmau ślokau prācetasāṃ prati / dakṣasyodvahato bhāryāṃmasikrīṃ vairaṇīṃ purā // ### [2.2.8](https://indike.org/pramana/in.purana.brahmanda.2.2.8) kṛpānāṃ niyutaṃ dakṣaṃ sarpiṇāṃ sābhimāninām / nadīgiriṣbasajjantaṃ pṛṣṭhato 'nuyayau prabhum // ### [2.2.9](https://indike.org/pramana/in.purana.brahmanda.2.2.9) taṃ dṛṣṭvā ṛṣibhiḥ proktaṃ pratiṣṭhāsyati vai prajāḥ / prathamo 'tra dvitīyastu dakṣaḥ sa hi prajāpatiḥ // ### [2.2.10](https://indike.org/pramana/in.purana.brahmanda.2.2.10) athāgacchadyathākālaṃ prahīnāṃ niyutaṃ tu yat / asikrīṃ vairaṇīṃ tatra dakṣaḥ prācetaso 'vahat // ### [2.2.11](https://indike.org/pramana/in.purana.brahmanda.2.2.11) atha putrasahasraṃ sa vairaṇyāmamitaujasam / asiknyāṃ janayāmāsa dakṣaḥ prāce tasaḥ prabhuḥ // ### [2.2.12](https://indike.org/pramana/in.purana.brahmanda.2.2.12) tāṃstu dṛṣṭvā mahātejāḥ sa vivarddhayiṣuḥ prajāḥ / devarṣipriyasaṃvādo nārado brahmaṇaḥ sutaḥ // ### [2.2.13](https://indike.org/pramana/in.purana.brahmanda.2.2.13) nāśāya vacanaṃ teṣāṃ śāpayaivātmano 'bravīt / yaḥ kaśyapasutasyātha parameṣṭhī vyajāyata // ### [2.2.14](https://indike.org/pramana/in.purana.brahmanda.2.2.14) mānasaḥ kaśyapasyāsīddakṣaśāpavaśātpunaḥ / tasmātsa kāśyapasyātha dvitīyo mānaso 'bhavat // ### [2.2.15](https://indike.org/pramana/in.purana.brahmanda.2.2.15) sa hi pūrvaṃ samutpanno nāradaḥ parameṣṭhinaḥ / tena vṛkṣasya putrā vai haryaśvā iti viśrutāḥ // ### [2.2.16](https://indike.org/pramana/in.purana.brahmanda.2.2.16) dharmārthaṃ nāśitāḥ sarve vidhinā ca na saṃśayaḥ / tasyodyatastadā dakṣaḥ kruddhaḥ śāpāya vai prabhuḥ // ### [2.2.17](https://indike.org/pramana/in.purana.brahmanda.2.2.17) brahmarṣīnvai puraskṛtya yācitaḥ parameṣṭhinā / tato 'bhisaṃdhiṃ cakre vai dakṣaśca parameṣṭhinā // ### [2.2.18](https://indike.org/pramana/in.purana.brahmanda.2.2.18) kanyāyāṃ nārado mahyaṃ tava putro bhavediti / tato dakṣaḥ sutāṃ pradāt priyāṃ vai parameṣṭhine / tasmātsa nārado jajñe bhūyaḥ śāpabhayadṛṣiḥ // ### [2.2.19](https://indike.org/pramana/in.purana.brahmanda.2.2.19) śāṃśapāyana uvāca kathaṃ vai nāśitāḥ pūrvaṃ nāradena surarṣiṇā / prajāpatisutāste vai śrotumicchāmi tattvataḥ // ### [2.2.20](https://indike.org/pramana/in.purana.brahmanda.2.2.20) sūta uvāca dakṣaputrāśca haryaśvā vivardhayiṣavaḥ prajāḥ / samāgatā mahāvīryā nāradastānuvāca ha // ### [2.2.21](https://indike.org/pramana/in.purana.brahmanda.2.2.21) bāliśā bata yūyaṃ vai na prajānītha bhūtalam / antarūrdhvamadhaścaiva kathaṃ srakṣyatha vai prajāḥ // ### [2.2.22](https://indike.org/pramana/in.purana.brahmanda.2.2.22) te tu tadvacana śrutvā pyātāḥ sarvato diśam / adhāpi ma nivarttante samudrasthā ivāpagāḥ // ### [2.2.23](https://indike.org/pramana/in.purana.brahmanda.2.2.23) atha teṣu praṇaṣṭeṣu dakṣaḥ prāce tasaḥ punaḥ / vairaṇyāmeva putrāṇāṃ sahasramasṛjatprabhuḥ // ### [2.2.24](https://indike.org/pramana/in.purana.brahmanda.2.2.24) prajā vivarddhayiṣavaḥ śabalāśvāḥ punastu te / pūrvamuktaṃ vacastadvai śrāvitā nāradena ha // ### [2.2.25](https://indike.org/pramana/in.purana.brahmanda.2.2.25) anyonyamūcuste sarve samyagāha ṛṣiḥ svayam / bhrātṝṇāṃ padavīṃ caiva gantavyā nātra saṃśayaḥ // ### [2.2.26](https://indike.org/pramana/in.purana.brahmanda.2.2.26) jñātvā pramāṇaṃ pṛthvyā vai sukhaṃ srakṣyāmahe prajāḥ / prakāśāḥ svasthamanasā yathāvadanuśāsitāḥ // ### [2.2.27](https://indike.org/pramana/in.purana.brahmanda.2.2.27) te 'pi tenaiva mārgeṇa prayātāḥ sarvato diśam / adyāpi na nivarttante vistārāyamalipsavaḥ // ### [2.2.28](https://indike.org/pramana/in.purana.brahmanda.2.2.28) tataḥ prabhṛti vai bhrātā bhrāturanveṣaṇe rataḥ / prayato naśyati kṣipraṃ tanna kāryaṃ vijānatā // ### [2.2.29](https://indike.org/pramana/in.purana.brahmanda.2.2.29) naṣṭeṣu śabalāśveṣu dakṣaḥ kruddho 'śapadvibhuḥ / nāradaṃ nāśamehīti garbhavāsaṃ vaseti ca // ### [2.2.30](https://indike.org/pramana/in.purana.brahmanda.2.2.30) tadā teṣvapi naṣṭeṣu mahātmā sa prabhuḥ kila / ṣaṣṭiṃ dakṣo 'sṛjatkanyā vairaṇyāmeva viśrutāḥ // ### [2.2.31](https://indike.org/pramana/in.purana.brahmanda.2.2.31) tāstadā pratijagrāha patnyarthaṃ kaśyapaḥ sutāḥ / dharmaḥ somaśca bhagavāṃstathā cānye maharṣayaḥ // ### [2.2.32](https://indike.org/pramana/in.purana.brahmanda.2.2.32) imāṃ visṛṣṭiṃ dakṣasya kṛtsnāṃ yo veda tattvataḥ / āyuṣmānkīrttimāndhanyaḥ prajāvāśca bhavatyuta // ### [2.2.32.p1](https://indike.org/pramana/in.purana.brahmanda.2.2.32.p1) iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde prajāpativaṃśānukīrttanaṃ nāma dvitīyo 'dhyāyaḥ ## Linked texts (7) - [Vāyupurāṇa](https://indike.org/pramana/in.purana.vayu.2.4.128) — Vyāsa, Sanskrit - [Brahmapurāṇa](https://indike.org/pramana/in.purana.brahma.3.12) — Vyāsa, Sanskrit - [Padmapurāṇa](https://indike.org/pramana/in.purana.padma.1.6.13) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.31.13) — Sanskrit - [Liṅgapurāṇa](https://indike.org/pramana/in.purana.linga.1.63.11) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.15.98) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.70.11) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.2.2](https://indike.org/pramana/in.purana.brahmanda.2.2) · Pramāṇa