[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmanda Purana](https://indike.org/pramana/in.purana.brahmanda) › 2.35 # Brahmanda Purana 2.35 Brahmāṇḍapurāṇa 2.35 - **Language:** Sanskrit ## Contents - [2.35.59](https://indike.org/pramana/in.purana.brahmanda.2.35.59) — 1 part ### [2.35.1](https://indike.org/pramana/in.purana.brahmanda.2.35.1) sagara uvāca mune paramatattvajñadhyānajñānārthakovida / bhagavadbhaktisaṃlīnamānasānugrahaḥ kutaḥ // ### [2.35.2](https://indike.org/pramana/in.purana.brahmanda.2.35.2) tvayāpi hi mahābhāga yataḥ śaṃsasi satkathāḥ / śrutvā mṛgamukhātsarvaṃ bhārgavasya viceṣṭitam // ### [2.35.3](https://indike.org/pramana/in.purana.brahmanda.2.35.3) bhūtaṃ bhavadbhaviṣyaṃ ca nārāyaṇakathānvitam / punaḥ prapaccha kiṃ nātha tanme vada savistaram // ### [2.35.4](https://indike.org/pramana/in.purana.brahmanda.2.35.4) vasiṣṭha uvāca śṛṇu rājanpravakṣyāmi mṛgasya caritaṃ mahat / yathā pṛṣṭaṃ tayā so 'syai varṇayāmāsa tattvavit // ### [2.35.5](https://indike.org/pramana/in.purana.brahmanda.2.35.5) śrutvā tu caritaṃ tasya bhārgavasya mahātmanaḥ / bhūyaḥ prapaccha taṃ kāntaṃ jñānatattvārthamādarāt // ### [2.35.6](https://indike.org/pramana/in.purana.brahmanda.2.35.6) mṛgyuvāca sādhusādhu mahābhāga kṛtārthastvaṃ na saṃśayaḥ / yadasya darśanātte 'dya jātaṃ jñānamatīdriyam // ### [2.35.7](https://indike.org/pramana/in.purana.brahmanda.2.35.7) athātaścātmanaḥ sarvaṃ mamāpi vada kāraṇam / karmaṇā yena saṃprāptāvāvāṃ tiryagjaniṃ prabho // ### [2.35.8](https://indike.org/pramana/in.purana.brahmanda.2.35.8) iti vākyaṃ samākarṇya priyāyāḥ sa mṛgaḥ svayam / varṇayāmāsa caritaṃ mṛgyaścaivātmanastadā // ### [2.35.9](https://indike.org/pramana/in.purana.brahmanda.2.35.9) mṛga uvāca śṛṇu priye mahābhāge yathā'vāṃ mṛgatāṃ gatau / saṃsāre 'sminnamahābhāge bhāvo 'sya bhavakāraṇam // ### [2.35.10](https://indike.org/pramana/in.purana.brahmanda.2.35.10) jīvasya sadasabhdyāṃ hi karmabhyāmāgataḥ smṛtim / purā draviḍadeśe tu nānāṛddhisamākule // ### [2.35.11](https://indike.org/pramana/in.purana.brahmanda.2.35.11) brāhmaṇānāṃ kule vāhaṃ jātaḥ kauśikagotriṇām / pitā me śivadatto 'bhūnnāmnā śāstraviśāradaḥ // ### [2.35.12](https://indike.org/pramana/in.purana.brahmanda.2.35.12) tasya putrā vayaṃ jātāścatvāro dvijasattamāḥ / jyeṣṭho rāmo 'nujastasya dhamastasyānu jaḥ pṛthuḥ // ### [2.35.13](https://indike.org/pramana/in.purana.brahmanda.2.35.13) caturtho 'haṃ priye jāto sūrirityabhiviśrutaḥ / upanīya kramātsarvāñchivadatto mahāyaśāḥ // ### [2.35.14](https://indike.org/pramana/in.purana.brahmanda.2.35.14) vedānadhyāpayāmāsa sāṃgāṃśca sarahasyakān / catvāro 'pi vayaṃ tatra vedādhyayanatatparāḥ // ### [2.35.15](https://indike.org/pramana/in.purana.brahmanda.2.35.15) guruśuśrūṣaṇe yuktā jātā jñānaparāyaṇāḥ / gatvāraṇyaṃ phalānyaṃbusamitkuśamṛdo 'nvaham // ### [2.35.16](https://indike.org/pramana/in.purana.brahmanda.2.35.16) ānīya pitre dattvātha kurmo 'dhyayanameva hi / ekadā tu vayaṃ sarve saṃprāptā parvate vane // ### [2.35.17](https://indike.org/pramana/in.purana.brahmanda.2.35.17) audbhidaṃ nāma lolakṣi kṛtamālātaṭe sthitam / sarve snātvā mahānadyāmuṣasi prītamānasāḥ // ### [2.35.18](https://indike.org/pramana/in.purana.brahmanda.2.35.18) dattārghāḥ kṛtajapyāśca samārūḍhā nāgottamam / śālastamālaiḥ priyakaiḥ panasaiḥ kovidārakaiḥ // ### [2.35.19](https://indike.org/pramana/in.purana.brahmanda.2.35.19) saralārjunapūgaiśca kharjūrairnārikelakaiḥ / jaṃbūbhiḥ sahakāraiśca kaṭphalairbṛhatīdrumaiḥ // ### [2.35.20](https://indike.org/pramana/in.purana.brahmanda.2.35.20) anyairnānāvidhairvṛkṣaiḥ parārthapratipādakaiḥ / snigdhacchāyaiḥ samāhṛṣṭanānāpakṣinināditaiḥ // ### [2.35.21](https://indike.org/pramana/in.purana.brahmanda.2.35.21) śārdūla haribhirbhallairgaṇḍakairmṛganābhibhiḥ / gacaindraiḥ śārabhādyaiśca sevitaṃ kandarāgataiḥ // ### [2.35.22](https://indike.org/pramana/in.purana.brahmanda.2.35.22) mallikāpāṭalākundakarṇikārakadaṃbakaiḥ / sugandhibhirvṛtaṃ cānyairvātoddhūtaparagibhiḥ // ### [2.35.23](https://indike.org/pramana/in.purana.brahmanda.2.35.23) nānāmaṇigaṇākīrṇairnīlapītasitāruṇaiḥ / śṛṅgaiḥ samullikhantaṃ ca vyoma kautukasaṃ yutam // ### [2.35.24](https://indike.org/pramana/in.purana.brahmanda.2.35.24) atyuccapātadhvanibhirnirjharaiḥ kandarodgataiḥ / garjjatamiva saṃsaktaṃ vyālādyairmṛgapakṣibhiḥ // ### [2.35.25](https://indike.org/pramana/in.purana.brahmanda.2.35.25) tatrātikautukāhṛṣṭadṛṣṭayobhrātaro vayam / nāsmārṣma cātmanātmānaṃ viyuktāśca parasparam // ### [2.35.26](https://indike.org/pramana/in.purana.brahmanda.2.35.26) etasminnantare caikā mṛgī hyagātpipāsitā / nirjharāpāta śirasi pātukāmā jalaṃ priye // ### [2.35.27](https://indike.org/pramana/in.purana.brahmanda.2.35.27) tasyāḥ pibantyāstu jalaṃ śārdūlo 'tibhayaṅkaraḥ / tatra prāpto yadṛcchāto jagṛhe tāṃ bhayarditām // ### [2.35.28](https://indike.org/pramana/in.purana.brahmanda.2.35.28) ahaṃ tadgrahaṇaṃ paśyanbhayena prapalāyitaḥ / atyuccavattvātpatito mṛtaścaiṇīmanusmaran // ### [2.35.29](https://indike.org/pramana/in.purana.brahmanda.2.35.29) sā mṛtā tvaṃ mṛgī jātā mṛga stvāhamanusmaran / jāto bhadre na jāne vai kva gātā bhrātaro 'grajāḥ // ### [2.35.30](https://indike.org/pramana/in.purana.brahmanda.2.35.30) etanme smṛtimāpannaṃ caritaṃ tava cātmataḥ / bhūtaṃ bhaviṣyaṃ ca tathā śṛṇu bhadre vadāmyaham // ### [2.35.31](https://indike.org/pramana/in.purana.brahmanda.2.35.31) yo 'yaṃ vā vṛṣṭhasaṃlagno vyādho dūrasthito 'bhavat / rāmasyāsya bhayātso 'pi bhakṣito hariṇā dhunā // ### [2.35.32](https://indike.org/pramana/in.purana.brahmanda.2.35.32) prāṇāṃstyaktvā vidhānena svargalokaṃ gamiṣyati / avābhyāṃ tu jalaṃ pītaṃ madhyame puṣkare tviha // ### [2.35.33](https://indike.org/pramana/in.purana.brahmanda.2.35.33) saṃdṛṣṭo bhārgavaścāyaṃ sākṣādviṣṇusvarūpadhṛk / tenānekabhavotpannaṃ pātakaṃ nāśamāgatam // ### [2.35.34](https://indike.org/pramana/in.purana.brahmanda.2.35.34) agastyadarśanaṃ labdhvā śrutvā stotraṃ gatipradam / gamiṣyāvaḥ śubhāṃllokānyeṣu gatvā na śocati // ### [2.35.35](https://indike.org/pramana/in.purana.brahmanda.2.35.35) ityevamuktvā sa mṛgaḥ priyāyai priyadarśanaḥ / virarāma prasannātmā paśyanrāmamanā turaḥ // ### [2.35.36](https://indike.org/pramana/in.purana.brahmanda.2.35.36) bhargavaḥ śrutavāṃścaiva mṛgoktaṃ śiṣyasaṃyutaḥ / vismito 'bhūcca rājendra gantuṃ kṛtamatistathā // ### [2.35.37](https://indike.org/pramana/in.purana.brahmanda.2.35.37) akṛtavramasaṃyukto hyagastyasyāśramaṃ prati / snātvā nityakriyāṃ kṛtvā pratasthe harṣito bhṛśam // ### [2.35.38](https://indike.org/pramana/in.purana.brahmanda.2.35.38) rāmeṇa gacchatā mārge dṛṣṭo vyādho mṛtastadā / siṃhasya saṃprahārema vismitena mahātmanā // ### [2.35.39](https://indike.org/pramana/in.purana.brahmanda.2.35.39) adhyarddhayojanaṃ gatvā kaniṣṭhaṃ puṣkaraṃ prati / snātvā mādhyāhnikīṃ sandhyāṃ cakā rātimudānvitaḥ // ### [2.35.40](https://indike.org/pramana/in.purana.brahmanda.2.35.40) hitaṃ tadātmanaḥ proktaṃ mṛgeṇa sa vicārayan / tāvattatpṛṣṭhasaṃlagnaṃ mṛgayugmamupāgatam // ### [2.35.41](https://indike.org/pramana/in.purana.brahmanda.2.35.41) puṣkare tu jalaṃ pītvābhiṣicyātmatanuṃ jalaiḥ / paśyato bhārgavasyāgādagastyāśramasaṃmukham // ### [2.35.42](https://indike.org/pramana/in.purana.brahmanda.2.35.42) rāmo 'pi sandhyāṃ nirvarttya kuṃbhajasyāśramaṃ yayau / vipadgataṃ puṣkaraṃ tu paśyamāno mahāmanāḥ // ### [2.35.43](https://indike.org/pramana/in.purana.brahmanda.2.35.43) viṣṇoḥ padāni nāgānāṃ kuṇḍaṃ saptarṣisaṃsthitam / gatvopaspṛśya śucyaṃbho jagāmāgastyasaṃśrayam // ### [2.35.44](https://indike.org/pramana/in.purana.brahmanda.2.35.44) yacca brahmasutā rājansamāyātā sarasvatī / trīnsaṃpūrayituṃ kuṇḍānagnihotrasya vai vidheḥ // ### [2.35.45](https://indike.org/pramana/in.purana.brahmanda.2.35.45) tatra tīre śubhaṃ puṇyaṃ nānāmuniniṣevitam / dadarśa mahadāścaryaṃ bhārgavaḥ kuṃbhajāśramam // ### [2.35.46](https://indike.org/pramana/in.purana.brahmanda.2.35.46) mṛgaiḥ siṃhaiḥ sahagataiḥ sevitaṃ śāntamānasaiḥ / kuṭarairarjunairniṃbaiḥ pāribhadradhavegudaiḥ // ### [2.35.47](https://indike.org/pramana/in.purana.brahmanda.2.35.47) khadirāsanakharjūraiḥ saṃkulaṃ badarīdrumaiḥ / tatra praviśya vai rāmo hyakṛtavraṇasaṃyutaḥ // ### [2.35.48](https://indike.org/pramana/in.purana.brahmanda.2.35.48) dadarśa munimāsīnaṃ kumbhajaṃ śāntamānasam / stimitodasaraḥ prakhyaṃ dhyāyantaṃ brahma śāśvatam // ### [2.35.49](https://indike.org/pramana/in.purana.brahmanda.2.35.49) kauśyāṃ vṛṣyāṃ mārgakṛttiṃ vasānaṃ pallavoṭaje / nanāma ca mahārāja svābhidhānaṃ samuccaran // ### [2.35.50](https://indike.org/pramana/in.purana.brahmanda.2.35.50) rāmo 'smi jāmadagnyo 'haṃ bhavantaṃ draṣṭumāgataḥ / tādviddhi praṇipātena namaste lokabhāvana // ### [2.35.51](https://indike.org/pramana/in.purana.brahmanda.2.35.51) ityuktavantaṃ rāmaṃ tu unmīlya nayane śanaiḥ / dṛṣṭvā svāgatamuccārya tasmāyāsanamādiśat // ### [2.35.52](https://indike.org/pramana/in.purana.brahmanda.2.35.52) madhuparkaṃ samānīya śiṣyeṇa munipuṅgavaḥ / dadau papraccha kuśalaṃ tapasaśca kulasya ca // ### [2.35.53](https://indike.org/pramana/in.purana.brahmanda.2.35.53) sa pṛṣṭastena vai rāmo ghaṭodbhavamuvāca ha / bhavatsaṃdarśanādīśa kuśalaṃ mama sarvataḥ // ### [2.35.54](https://indike.org/pramana/in.purana.brahmanda.2.35.54) kiṃ tvaṅkaṃ saṃśayaṃ jātaṃ chindhi svavacanāmṛtaiḥ / mṛgaścaiko mayā dṛṣṭo madhyame puṣkare vibho // ### [2.35.55](https://indike.org/pramana/in.purana.brahmanda.2.35.55) tenoktamakhilaṃ vṛttaṃ mama bhūtamanāgatam / tacchūtvā vismayāviṣṭo bhavaccharaṇamāgataḥ // ### [2.35.56](https://indike.org/pramana/in.purana.brahmanda.2.35.56) pāhi māṃ kṛpayā nātha sādhayanta mahāmanum / śivena dattaṃ kavaca mama sādhayato guro // ### [2.35.57](https://indike.org/pramana/in.purana.brahmanda.2.35.57) kṛṣmasya samatīta tu sādhikaṃ hi śaracchatam / na ca siddhimavāpto 'haṃ tanme tvaṃ kṛpayā vada // ### [2.35.58](https://indike.org/pramana/in.purana.brahmanda.2.35.58) vasiṣṭha uvāca evaṃ praśnaṃ samākarṇya rāmasya sumahātmanaḥ / kṣaṇaṃ dhyātvā mahārāja mṛgoktaṃ jñātavān hṛdā // ### [2.35.59](https://indike.org/pramana/in.purana.brahmanda.2.35.59) mṛgaṃ cāpi samāyātaṃ mṛgyā saha nijāśrame / śrotuṃ kṛṣṇāmṛtaṃ stotraṃ sarvaṃ tatkāraṇa muniḥ / vicāryāśvāsayāmāsa bhārgavaḥ svavacomṛtaiḥ // ### [2.35.59.p1](https://indike.org/pramana/in.purana.brahmanda.2.35.59.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde bhārgavaca rite pañcatriṃśattamo 'dhyāyaḥ // 35// ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c27.s1.8) — Pargiter 1922, English --- Source: [https://indike.org/pramana/in.purana.brahmanda.2.35](https://indike.org/pramana/in.purana.brahmanda.2.35) · Pramāṇa