[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmanda Purana](https://indike.org/pramana/in.purana.brahmanda) › 2.44 # Brahmanda Purana 2.44 Brahmāṇḍapurāṇa 2.44 - **Language:** Sanskrit ## Contents - [2.44.37](https://indike.org/pramana/in.purana.brahmanda.2.44.37) — 1 part ### [2.44.1](https://indike.org/pramana/in.purana.brahmanda.2.44.1) vasiṣṭha uvāca rājannevaṃ bhṛgurvidvānpaśyañjanapadānbahūn / samājagāma dharmātmākṛtavraṇasamanvitaḥ // ### [2.44.2](https://indike.org/pramana/in.purana.brahmanda.2.44.2) nililyuḥ kṣattriyāḥ sarve yatra tatra nirīkṣya tam / vrajantaṃ bhārgavaṃ mārge prāṇarakṣaṇatatparāḥ // ### [2.44.3](https://indike.org/pramana/in.purana.brahmanda.2.44.3) athāsasāda rājendra rāmaḥ svapiturāśramam / śāntasattvasamākīrṇaṃ vedadhtraninināditam // ### [2.44.4](https://indike.org/pramana/in.purana.brahmanda.2.44.4) yatra siṃhā mṛgā gāvo nāgamārjjāramūṣakāḥ / samaṃ ca ranti saṃhṛṣṭā bhayaṃ tyaktvā sudūrataḥ // ### [2.44.5](https://indike.org/pramana/in.purana.brahmanda.2.44.5) yatra dhūmaṃ samīkṣyaiva hyagnihotrasamudbhavam / unnadanti mayūrāśca nṛtyanti ca mahīpane // ### [2.44.6](https://indike.org/pramana/in.purana.brahmanda.2.44.6) yatra sāyantane kāle sūryasyābhimukhaṃ dvijaiḥ / jalāñjalīnprakṣipadbhiḥ kriyate bhūrcalāvilā // ### [2.44.7](https://indike.org/pramana/in.purana.brahmanda.2.44.7) yatrāntevāsibhirnityaṃ vedāḥ śāstrāṇi saṃhitāḥ / abhyasyante mudā yuktairbrahmacaryavrate sthitaiḥ // ### [2.44.8](https://indike.org/pramana/in.purana.brahmanda.2.44.8) atha rāmaḥ prasannātmā paśyannāśramasaṃpadam / praviveśa śanai rājannakṛtavraṇasaṃyutaḥ // ### [2.44.9](https://indike.org/pramana/in.purana.brahmanda.2.44.9) jayaśabdaṃ namaḥśabdaṃ proccaradbhirdvijātmajaiḥ / dvijaiśca satkṛto rāmaḥ paraṃ harṣamupāgataḥ // ### [2.44.10](https://indike.org/pramana/in.purana.brahmanda.2.44.10) āśramābhyantare tatra saṃpraviśya nijaṃ gṛham / dadarśa pitaraṃ rāmo jamadagniṃ taponidhim // ### [2.44.11](https://indike.org/pramana/in.purana.brahmanda.2.44.11) sākṣādbhṛgumivāsīnaṃ nigrahānugrahakṣamam / papāta caraṇopānte hyaṣṭāṅgāliṅgitāvaniḥ // ### [2.44.12](https://indike.org/pramana/in.purana.brahmanda.2.44.12) rāmo 'haṃ tavā dāso 'smi proccaranniti bhūpate / jagrāha caraṇau cāpi vidhivatsajjanāgraṇīḥ // ### [2.44.13](https://indike.org/pramana/in.purana.brahmanda.2.44.13) atha mātuśca caraṇavabhivādya kṛtāñjaliḥ / uvāca praṇato vākyaṃ tayoḥ saṃharṣakāraṇam // ### [2.44.14](https://indike.org/pramana/in.purana.brahmanda.2.44.14) rāma uvāca pitastava prabhāveṇa tapaso 'tidurāsadaḥ / kārttavīryo hato yuddhe samutrabalavāhanaḥ // ### [2.44.15](https://indike.org/pramana/in.purana.brahmanda.2.44.15) yaste 'parādhaṃ kṛtavānduṣṭamantripracoditaḥ / tasya daṇḍo mayā dattaḥ prasahya munipuṅgava // ### [2.44.16](https://indike.org/pramana/in.purana.brahmanda.2.44.16) bhavantaṃ tu namaskṛtya gato 'haṃ brahmaṇoṃ'tikam / taṃ namaskṛtya vidhivatsvakāryaṃ pratyavedayam // ### [2.44.17](https://indike.org/pramana/in.purana.brahmanda.2.44.17) samāmuvāca bhagavāñchrutvā vṛttāntamāditaḥ / vraja svakāryasiddhyarthaṃ śivalokaṃ sanātanam // ### [2.44.18](https://indike.org/pramana/in.purana.brahmanda.2.44.18) śrutvāhaṃ tadvayastāta namaskṛtya pitā maham / gatavāñchivalokaṃ vai haradarśanakāṅkṣayā // ### [2.44.19](https://indike.org/pramana/in.purana.brahmanda.2.44.19) praviśya tatra bhagavannumayā sahitaḥ śivaḥ / namaskṛto mayā devo vāñchitārtha pradāyakaḥ // ### [2.44.20](https://indike.org/pramana/in.purana.brahmanda.2.44.20) tadagre nikhilaḥ svīyo vṛttānto viniveditaḥ / mayā samāhitadhiyā sa sarvaṃ śrutavānapi // ### [2.44.21](https://indike.org/pramana/in.purana.brahmanda.2.44.21) śrutvā vicārya ta tsarvaṃ dadau mahyaṃ kṛpānvitaḥ / trailokyavijayaṃ nāma kavacaṃ sarvasiddhidam // ### [2.44.22](https://indike.org/pramana/in.purana.brahmanda.2.44.22) tallabdhvā taṃ namaskṛtya puṣkaraṃ samupāgataḥ / tatrāhaṃ sādhayitvā tu kavacaṃ hṛṣṭamānasaḥ // ### [2.44.23](https://indike.org/pramana/in.purana.brahmanda.2.44.23) kārttavīryaṃ nihatyājau śivalokaṃ punargataḥ / tatra tau tu mayā dṛṣṭau dvāre skandavināyakau // ### [2.44.24](https://indike.org/pramana/in.purana.brahmanda.2.44.24) taunamaskṛtya dharmajña praveṣṭuṃ codyato 'bhavam / sa māmavekṣya gāmapo viśantaṃ tvarayānvitam // ### [2.44.25](https://indike.org/pramana/in.purana.brahmanda.2.44.25) vārayāmāsa sahasā nādyāvasara ityatha / mama tena pitastatra vāgyuddhaṃ hastakarṣaṇam // ### [2.44.26](https://indike.org/pramana/in.purana.brahmanda.2.44.26) sañjātaparaśukṣemamato 'bhūdbhṛgunandana / sa tajjñātvā samudgṛhya māmadhaścorddhvameva ca // ### [2.44.27](https://indike.org/pramana/in.purana.brahmanda.2.44.27) kareṇa bhrāmayāmāsa punaścānītavāṃstataḥ / taṃ dṛṣṭvātikrudhā kṣiptaḥ kuṭhāro hi mayā tataḥ // ### [2.44.28](https://indike.org/pramana/in.purana.brahmanda.2.44.28) danto nipati,stasya tato deva upāgataḥ / pārvatī tatra ruṣṭābhūttadā kṛṣṇaḥ samāgataḥ // ### [2.44.29](https://indike.org/pramana/in.purana.brahmanda.2.44.29) rādhayā sahitastena sānunītā varaṃ dadau / mahyaṃ kṛṣmo jagāmātha tena maitrīṃ vidhāya ca // ### [2.44.30](https://indike.org/pramana/in.purana.brahmanda.2.44.30) tataḥ praṇamya deveśau pārvatīparameśvarau / āgatastava sānnidhyamakṛtavraṇasaṃyutaḥ // ### [2.44.31](https://indike.org/pramana/in.purana.brahmanda.2.44.31) vasiṣṭha uvāca ityaktvā bhārgavo rāmo virarāma ca bhūpate / jamadagniruvācedaṃ rāmaṃ śatrunibarhaṇam // ### [2.44.32](https://indike.org/pramana/in.purana.brahmanda.2.44.32) jamadagniruvāca kṣatrahatyābhibhūtastvaṃ tāvaddoṣopaśāntaye / prayaścittaṃ tatastāvadyathāvatkartumarhasi // ### [2.44.33](https://indike.org/pramana/in.purana.brahmanda.2.44.33) ityuktaḥ prāha pitaraṃ rāmo matimatāṃ varaḥ / prāyaścittaṃ tu tadyogyaṃ tvaṃ me nirdeṣṭumarhasi // ### [2.44.34](https://indike.org/pramana/in.purana.brahmanda.2.44.34) jamadagniruvāca vrataiśca niyamaiścaiva karṣayandehamātmanaḥ / śākamūlaphalāhāro dvādaśābdaṃ tapaścara // ### [2.44.35](https://indike.org/pramana/in.purana.brahmanda.2.44.35) vasiṣṭha uvāca ityuktaḥ praṇipatyainaṃ mātaraṃ ca bhṛgūdvahaḥ / prayayau tapase rājannakṛtavraṇasaṃyutaḥ // ### [2.44.36](https://indike.org/pramana/in.purana.brahmanda.2.44.36) sa gatvā parvata varaṃ mahendramarikarṣaṇaḥ / kṛtvā'śramapadaṃ tasmiṃstapastepe suduścaram // ### [2.44.37](https://indike.org/pramana/in.purana.brahmanda.2.44.37) vrataistapobhirniyamairdevatārādhanairapi / ninye varṣāṇi kati cidrāmastasminmahāmanāḥ // ### [2.44.37.p1](https://indike.org/pramana/in.purana.brahmanda.2.44.37.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde sagaropākhyāne bhārgavacarite catuścatvāriṃśattamo 'dhyāyaḥ // 44// ## Linked texts (4) - [Merutantra](https://indike.org/pramana/in.sampradaya.general.sakta.tantra.mula.merutantra.8.996) — Gommaṭa, Sanskrit - [Brahmavaivartapurāṇa (another edition)](https://indike.org/pramana/in.purana.brahmavaivarta*alt.9.20.3) — Sanskrit - [Merutantra (Śiva)](https://indike.org/pramana/in.sampradaya.general.sakta.tantra.mula.merutantra-siva.20.179) — Śiva, Sanskrit - [Gaṇeśakhaṇḍa](https://indike.org/pramana/in.purana.upa.surya.ganesakhanda.41.3) — Sanskrit --- Source: [https://indike.org/pramana/in.purana.brahmanda.2.44](https://indike.org/pramana/in.purana.brahmanda.2.44) · Pramāṇa