[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.45 # Brahmandapurana 2.45 Brahmāṇḍapurāṇa 2.45 - **Language:** Sanskrit ## Contents - [2.45.17](https://indike.org/pramana/in.purana.brahmanda.2.45.17) — 1 part ### [2.45.1](https://indike.org/pramana/in.purana.brahmanda.2.45.1) vasiṣṭha uvāca tataḥ kadācidvipine caturaṅgabalānvitaḥ / mṛgayāmagamacchūraḥ śūrasenādibhiḥ saha // ### [2.45.2](https://indike.org/pramana/in.purana.brahmanda.2.45.2) te praviśya mahāraṇyaṃ hatvā bahuvidhānmṛgān / jagmustṛṣārttā madhyāhne saritaṃ narmadāmanu // ### [2.45.3](https://indike.org/pramana/in.purana.brahmanda.2.45.3) tatra snātvā ca pītvā ca vāri nadyā gataśramāḥ / gacchanto dadṛśurmārgo jamadagnerathāśramam // ### [2.45.4](https://indike.org/pramana/in.purana.brahmanda.2.45.4) ddaṣṭvāśramapadaṃ ramyaṃ munīnāgacchataḥ pathi / kasyedamiti papracchurbhāvikarmapracoditāḥ // ### [2.45.5](https://indike.org/pramana/in.purana.brahmanda.2.45.5) te procuratiśāntātmā jamadagnermahātapāḥ / vasatyasminsuto yasya rāmaḥ śastrabhṛtāṃ varaḥ // ### [2.45.6](https://indike.org/pramana/in.purana.brahmanda.2.45.6) tachrutvā bhīrabhūtteṣāṃ rāmanāmānukīrttanāt / krodhaṃ prasaṅyānṛśaṃsyaṃ pūrvavairamanusmaran // ### [2.45.7](https://indike.org/pramana/in.purana.brahmanda.2.45.7) atha te procuranyonyaṃ pitṛhanturvadhātpituḥ / vaira niryātanaṃ kiṃ tu kariṣyāmo diśādhunā // ### [2.45.8](https://indike.org/pramana/in.purana.brahmanda.2.45.8) ityaktvā khaḍgahastāste saṃpraviśya tadāśramam / prajāghnire prayāteṣu munivīreṣu sarvataḥ // ### [2.45.9](https://indike.org/pramana/in.purana.brahmanda.2.45.9) taṃ hatvāsya śiro hṛtvā niṣādā iva nirdayāḥ / prayayuste durātmānaḥ sabalāḥ svapurīṃ prati // ### [2.45.10](https://indike.org/pramana/in.purana.brahmanda.2.45.10) putrāstasya mahātmānau dṛṣṭvā svapitaraṃ hatam / parivārya mahārāja ruruduḥ śokakarśitāḥ // ### [2.45.11](https://indike.org/pramana/in.purana.brahmanda.2.45.11) bharttāraṃ nihataṃ bhūmau patitaṃ vīkṣya reṇukā / papāta mūrcchitā sadyo latevāśanitāḍitā // ### [2.45.12](https://indike.org/pramana/in.purana.brahmanda.2.45.12) sā svacetasi saṃmūcchya śokapāvakadīpitāḥ / dūrapranaṣṭasaṃjñeva sadyaḥ prāṇairvyayujyata // ### [2.45.13](https://indike.org/pramana/in.purana.brahmanda.2.45.13) anālapantyāṃ tasyāṃ tu saṃjñāṃ yātā hi te punaḥ / nyapatanmūrcchitā bhūmau nimagnāḥ śokasāgare // ### [2.45.14](https://indike.org/pramana/in.purana.brahmanda.2.45.14) tatastapodhanā ye 'nye tatta povanavāsinaḥ / sametyāśvāsayāmāsustulyaduḥkhāḥ sutānmune // ### [2.45.15](https://indike.org/pramana/in.purana.brahmanda.2.45.15) sāṃtvyamānā munigaṇairjāmadagnyā yathāvidhi / ādhakṣurvacasā teṣāmagnau pitroḥ kalevare // ### [2.45.16](https://indike.org/pramana/in.purana.brahmanda.2.45.16) cakrureva tadūrddhvaṃ vai yatkarttavyamanantaram / pitrormaraṇaduḥkhena pīḍyamānā divāniśam // ### [2.45.17](https://indike.org/pramana/in.purana.brahmanda.2.45.17) tataḥ kāle gate rāmaḥ samānāṃ dvādaśāvadhau / nivṛttastapasaḥ sakhyā sahāgādāśramaṃ pituḥ // ### [2.45.17.p1](https://indike.org/pramana/in.purana.brahmanda.2.45.17.p1) iti śrībrahmāṇḍe mahāpurāṇe vāyuprokte madhyamabhāge sagaropākhyāne bhārgavacarite pañcacatvāriṃśattamodhyāyaḥ // 45// ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c22.98) — Pargiter 1922, English --- Source: [https://indike.org/pramana/in.purana.brahmanda.2.45](https://indike.org/pramana/in.purana.brahmanda.2.45) · Pramāṇa