[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.52 # Brahmandapurana 2.52 Brahmāṇḍapurāṇa 2.52 - **Language:** Sanskrit ## Contents - [2.52.43](https://indike.org/pramana/in.purana.brahmanda.2.52.43) — 1 part ### [2.52.1](https://indike.org/pramana/in.purana.brahmanda.2.52.1) jaiminiruvāca tyaktvā putraṃ sa dharmātmā sagaraḥ prema tadgatam / dharmaśīle tadā vāle cakārāṃśumati prabhuḥ // ### [2.52.2](https://indike.org/pramana/in.purana.brahmanda.2.52.2) etasminneva kāle tu sumatyāstanayā nṛpa / vavṛdhuḥ saghaśaḥ sarve parasparamanuvratāḥ // ### [2.52.3](https://indike.org/pramana/in.purana.brahmanda.2.52.3) vajrasaṃhananāḥ krūrā nirdayā nirapatrapāḥ / adharmaśīlā nitarāmekagharmāṇa eva ca // ### [2.52.4](https://indike.org/pramana/in.purana.brahmanda.2.52.4) ekakāryābhiniratāḥ krodhanā mūḍhacetasaḥ / adhṛṣyāḥ sarvabhūtānāṃ janopadravakāriṇaḥ // ### [2.52.5](https://indike.org/pramana/in.purana.brahmanda.2.52.5) vinayācā rasanmārganirapekṣāḥ samantataḥ / babādhire jagatsarvamasurā iva kāmataḥ // ### [2.52.6](https://indike.org/pramana/in.purana.brahmanda.2.52.6) vidhvastayajñasanmārgaṃ bhuvanaṃ tairupadrutam / niḥsvādhyāya vaṣaṭkāraṃ babhūvārtaṃ viśeṣataḥ // ### [2.52.7](https://indike.org/pramana/in.purana.brahmanda.2.52.7) vidhvasyamāne subhṛśaṃ sāgarairvaradarpitaiḥ / prakṣobhaṃ paramaṃ jagmurdevāsuramahoragāḥ // ### [2.52.8](https://indike.org/pramana/in.purana.brahmanda.2.52.8) dharāsā sāgarākrāntā na calāpi tadā calā / tapaḥ samādhibhaṅgaśca prababhūva tapasvinām // ### [2.52.9](https://indike.org/pramana/in.purana.brahmanda.2.52.9) havyakavyaparibhraṣṭāstridaśāḥ pitṛbhiḥ saha / duḥśena mahātāviṣṭā viriñjabhavanaṃ yayuḥ // ### [2.52.10](https://indike.org/pramana/in.purana.brahmanda.2.52.10) tatra gatvā yathānyāyaṃ devāḥ śarvapurogamāḥ / śaśaṃsuḥ sakalaṃ tasmai sāgarāṇāṃ viceṣṭitam // ### [2.52.11](https://indike.org/pramana/in.purana.brahmanda.2.52.11) tacchratvā vacanaṃ teṣāṃ brahmā lokapitāmahaḥ / kṣaṇamantarmanā bhūtvā jagāda surasattamaḥ // ### [2.52.12](https://indike.org/pramana/in.purana.brahmanda.2.52.12) devāḥśṛṇuta bhadraṃ vo vāṇīmavahitā mama / vinaṅkṣyantyaciremaiva sāgarā nātra saṃśayaḥ // ### [2.52.13](https://indike.org/pramana/in.purana.brahmanda.2.52.13) kālaṃ kañcitpratīkṣadhvaṃ tena sarvaṃ niyamyate / nimittamātramanyattu sa eva sakaleśitā // ### [2.52.14](https://indike.org/pramana/in.purana.brahmanda.2.52.14) tasmādyuṣmaddhitārthāya yadvakṣyāmi surottamāḥ / sarvairbhavadbhiradhunā tatkarttavyamataṃ dritaiḥ // ### [2.52.15](https://indike.org/pramana/in.purana.brahmanda.2.52.15) viṣṇoraṃśena bhagavānkapilo jayatāṃ varaḥ / jāto jagaddhitārthāya yogīndrapravaro bhuvi // ### [2.52.16](https://indike.org/pramana/in.purana.brahmanda.2.52.16) agastyapītasalile divyavarṣaśatāvadhi / dhyāyannāste 'dhunāṃ'bhodhāvekānte tatra kutra cit // ### [2.52.17](https://indike.org/pramana/in.purana.brahmanda.2.52.17) gatvā yūyaṃ mamādeśātkapilaṃ munipuṅgavam / dhyānāva sānamicchantastiṣṭhadhvaṃ tadupahvare // ### [2.52.18](https://indike.org/pramana/in.purana.brahmanda.2.52.18) samādhiviratau tasya svābhiprāyamaśeṣataḥ / natvā tasmai vadiṣyadhvaṃ sa vaḥ śreyo vidhāsyati // ### [2.52.19](https://indike.org/pramana/in.purana.brahmanda.2.52.19) samādhibhaṅgaśca muneryathā syātsāgaraiḥ kṛtaḥ / kurudhvaṃ ca tathā yūyaṃ pravṛttiṃ vibudhottamāḥ // ### [2.52.20](https://indike.org/pramana/in.purana.brahmanda.2.52.20) jaiminiruvāca ityuktāstena vibudhāstaṃ praṇamya vitāmaham / gatvā taṃ vibudhaśreṣṭaṃ te kṛtāñjalayo 'bruvan // ### [2.52.21](https://indike.org/pramana/in.purana.brahmanda.2.52.21) devā ūcuḥ prasīda no muniśreṣṭha vayaṃ tvāṃ śaraṇaṃ gatāḥ / upadrutaṃ jagatsarvaṃsāgaraiḥ saṃpraṇaśyati // ### [2.52.22](https://indike.org/pramana/in.purana.brahmanda.2.52.22) tvaṃ kilākhilalokānāṃ sthitisahārakāraṇaḥ / viṣṇoraṃśena yogīndrasvarūpī bhuvi saṃsthitaḥ // ### [2.52.23](https://indike.org/pramana/in.purana.brahmanda.2.52.23) puṃsāṃ tāpatrayārttānāmārtināśāya kevalam / svecchayā te dhṛto deho na tu tvaṃ tapatāṃ varaḥ // ### [2.52.24](https://indike.org/pramana/in.purana.brahmanda.2.52.24) manasaiva jagatsarvaṃ sraṣṭuṃ saṃhartumeva ca / vidhātuṃ svecchayā brahmanbhavāñchakrotyasaṃśayam // ### [2.52.25](https://indike.org/pramana/in.purana.brahmanda.2.52.25) tvaṃ no dhātā vidhātā ca tvaṃ gurustvaṃ parāyaṇam / paritrātā tvamasmākaṃ vinivarttaya cāpadam // ### [2.52.26](https://indike.org/pramana/in.purana.brahmanda.2.52.26) śaraṇaṃ bhava viprendra vipredrāṇāṃ viśeṣataḥ / sāgarairdahyamānānāṃ lokatrayanivāsinām // ### [2.52.27](https://indike.org/pramana/in.purana.brahmanda.2.52.27) nanu vai sāttvikī ceṣṭā bhavatīha bhavādṛśām / trātumarhasi tasmāttvaṃ lokānasmāṃśca suvrata // ### [2.52.28](https://indike.org/pramana/in.purana.brahmanda.2.52.28) na cedakāle bhagavanvinaṅkṣyatyakhilaṃ jagat / jaiminiruvāca ityuktaḥ sakalairdevairunmīlya nayane śanaiḥ // ### [2.52.29](https://indike.org/pramana/in.purana.brahmanda.2.52.29) vilokya tānuvācedaṃ kapilaḥ sūnṛtaṃ vacaḥ / svakarmaṇaiva nirdagdhāḥ pravinaṅkṣyanti sāgarāḥ // ### [2.52.30](https://indike.org/pramana/in.purana.brahmanda.2.52.30) kāle prāpte tu yuṣmābhiḥ satāvatparipālyatām / ahaṃ tu kāraṇaṃ teṣāṃ vināśāya durātmanām // ### [2.52.31](https://indike.org/pramana/in.purana.brahmanda.2.52.31) bhaviṣyāmi suraśreṣṭhā bhavatāmarthasiddhaye / mama krodhāgni vipluṣṭāḥ sāgarāḥ pāpacetasaḥ // ### [2.52.32](https://indike.org/pramana/in.purana.brahmanda.2.52.32) bhaviṣyantu cireṇaiva kālopahatabuddhayaḥ / tasmādgatajvarā devā lokāścaivākutobhayāḥ // ### [2.52.33](https://indike.org/pramana/in.purana.brahmanda.2.52.33) bhavantu te durācārāḥ kṣipraṃ yāsyanti saṃkṣayam / tadyūyaṃ nirbhayā bhūtvā vrajadhvaṃ svāṃ purīṃ prati // ### [2.52.34](https://indike.org/pramana/in.purana.brahmanda.2.52.34) kālaṃ kañcitpratīkṣadhvaṃ tato 'bhīṣṭamavāpsyatha / kapilenaivamuktāste devāḥ sarve savāsavāḥ // ### [2.52.35](https://indike.org/pramana/in.purana.brahmanda.2.52.35) taṃ praṇamya tato jagmuḥ pratītāgnidivaṃ prati / etasminnantare rājā sagaraḥ pṛthivīpatiḥ // ### [2.52.36](https://indike.org/pramana/in.purana.brahmanda.2.52.36) vājimedhaṃ mahāyajñaṃ kartuṃ cakre manoratham / āhṛtya sarvasaṃbhārānvasiṣṭhānumate tadā // ### [2.52.37](https://indike.org/pramana/in.purana.brahmanda.2.52.37) aurvādyaiḥ sahito viprairyathāvaddīkṣito 'bhavat / dīkṣāṃ praviṣṭo nṛpatirhayasaṃcāraṇāya vai // ### [2.52.38](https://indike.org/pramana/in.purana.brahmanda.2.52.38) putrānsarvānsamāhūya saṃdideśa mahayaśāḥ / saṃcārayitvā turagaṃ parītya pṛthivītale // ### [2.52.39](https://indike.org/pramana/in.purana.brahmanda.2.52.39) kṣipraṃ mamāntikaṃ putrāḥ punarāhartumarhatha / jaiminiruvāca tataste piturādeśāttamādāya turaṅgamam // ### [2.52.40](https://indike.org/pramana/in.purana.brahmanda.2.52.40) paricaṅkramayāmāsuḥ sakale kṣitimaṇḍale / vidhicodanayaivāśvaḥ sa bhūmau parivartitataḥ // ### [2.52.41](https://indike.org/pramana/in.purana.brahmanda.2.52.41) na tu digvijayārthāya karādānārthameva ca / pṛthivībhūbhujā tena pūrvameva vinirjitā // ### [2.52.42](https://indike.org/pramana/in.purana.brahmanda.2.52.42) nṛpāścodāravīryeṇa karadāḥ samare kṛtāḥ / tataste rājatanayā nistoye lavaṇāṃbudhau // ### [2.52.43](https://indike.org/pramana/in.purana.brahmanda.2.52.43) bhūtale viviśurhṛṣṭāḥ parivārya turaṅgamam // ### [2.52.43.p1](https://indike.org/pramana/in.purana.brahmanda.2.52.43.p1) iti śrībrahmāṇḍe mahāpurāṇe vāyuprokte madhyamabhāge tṛtīya uvoddhātapāde sagaravarite 'śvamocanaṃ nāma dvipañcāśattamo 'dhyāyaḥ // 52// ## Linked texts (1) - [Nandipurāṇa](https://indike.org/pramana/in.purana.upa.saiva.nandi.1.14.28) — Sanskrit --- Source: [https://indike.org/pramana/in.purana.brahmanda.2.52](https://indike.org/pramana/in.purana.brahmanda.2.52) · Pramāṇa