[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.53 # Brahmandapurana 2.53 Brahmāṇḍapurāṇa 2.53 - **Language:** Sanskrit ## Contents - [2.53.52](https://indike.org/pramana/in.purana.brahmanda.2.53.52) — 1 part ### [2.53.1](https://indike.org/pramana/in.purana.brahmanda.2.53.1) jaiminiruvāca teṣu tatra niviṣṭeṣu vāsavena pracoditaḥ / jahāraṃ turagaṃ vāyustatkṣaṇena rasātalam // ### [2.53.2](https://indike.org/pramana/in.purana.brahmanda.2.53.2) adṛṣṭamaśvaṃ taiḥ sarvairapahṛtya sadāgatiḥ / anayattatpathā rājankapilasyāntikaṃ muneḥ // ### [2.53.3](https://indike.org/pramana/in.purana.brahmanda.2.53.3) tataḥ samākulāḥ sarve vinaṣṭe 'śve nṛpātmajāḥ / parītya vasudhāṃ sarvāṃ pramārgantasturagamam // ### [2.53.4](https://indike.org/pramana/in.purana.brahmanda.2.53.4) vicitya pṛthivīṃ te tu sa purācalakānanām / apaśyanto yajñapaśuṃ duḥkhaṃ mahadavāpnuvan // ### [2.53.5](https://indike.org/pramana/in.purana.brahmanda.2.53.5) tato 'yodhyāṃ samāsādya ṛṣibhiḥ parivāritām / dṛṣṭvā praṇamya pitaraṃ tasmai sarvaṃ nyavedayan // ### [2.53.6](https://indike.org/pramana/in.purana.brahmanda.2.53.6) parītya pṛthvīmasmābhirniviṣṭe varuṇālaye / rakṣyamāṇo 'pi paśyadbhiḥ kenāpi turago hṛtaḥ // ### [2.53.7](https://indike.org/pramana/in.purana.brahmanda.2.53.7) ityuktastai ruṣāviṣṭastānuvāca nṛpottamaḥ / prayāsyadhvamadharmiṣṭhāḥ sarve 'nāvṛttaye punaḥ // ### [2.53.8](https://indike.org/pramana/in.purana.brahmanda.2.53.8) kathaṃ bhavadbhirjīvadbhirvinaṣṭo vai darātmabhiḥ / turageṇa vinā satyaṃ nehāga manamasti vaḥ // ### [2.53.9](https://indike.org/pramana/in.purana.brahmanda.2.53.9) tataḥ sametya tasmātte saprayātāḥ parasparam / ūcurna dṛśyate 'dyāpi turagaḥ kiṃ prakumaha // ### [2.53.10](https://indike.org/pramana/in.purana.brahmanda.2.53.10) vasudhā vicitāsmābhiḥ saśailavanakānanā / na cāpi dṛśyate vājī tadvārttāpi na kutracit // ### [2.53.11](https://indike.org/pramana/in.purana.brahmanda.2.53.11) tasmādabdheḥ samārabhya pātālāvadhi medinīm / vibhajya ravātvā pātālaṃ viviśāma turaṅgamam // ### [2.53.12](https://indike.org/pramana/in.purana.brahmanda.2.53.12) iti kṛtvā matiṃ sarve sāgarāḥ krūraniścayāḥ / nicakhnurbhūmimaṃbodhestaṭā dārabhya sarvataḥ // ### [2.53.13](https://indike.org/pramana/in.purana.brahmanda.2.53.13) taiḥ khanyamānā vasudhā rarāsa bhṛśavihvalā / cukruśuścāpi bhūtāni dṛṣṭvā teṣāṃ viceṣṭitam // ### [2.53.14](https://indike.org/pramana/in.purana.brahmanda.2.53.14) tataste bhārataṃ khaṇḍaṃ khātvā saṃkṣibya bhūtale / bhūmeryojanasāhasraṃ yojayāmāsuraṃbudhau // ### [2.53.15](https://indike.org/pramana/in.purana.brahmanda.2.53.15) āpātālatalaṃ te tu khananto medinītalam / carantamaśvaṃ pātāle dadṛśurnṛpanandanāḥ // ### [2.53.16](https://indike.org/pramana/in.purana.brahmanda.2.53.16) saṃprahṛṣṭāstataḥ sarve sametya ca samantataḥ / saṃtoṣājjahasuḥ kecinnanṛtuśca mudānvitāḥ // ### [2.53.17](https://indike.org/pramana/in.purana.brahmanda.2.53.17) dadṛśuśca mahātmānaṃ kapilaṃ dīptatejasam / vṛddhaṃ padmāsanāsīnaṃ nāsāgranyastalocanam // ### [2.53.18](https://indike.org/pramana/in.purana.brahmanda.2.53.18) ṛjvāyataśirogrīvaṃ puroviṣṭabdhavakṣasam / svatejasābhisaratā paribūrṇena sarvataḥ // ### [2.53.19](https://indike.org/pramana/in.purana.brahmanda.2.53.19) prakāśyamānaṃ parito nivātasthapradīpavat / svāntaprakāśitāśeṣavijñānamayavigraham // ### [2.53.20](https://indike.org/pramana/in.purana.brahmanda.2.53.20) samādhigatacittantu nibhṛtāṃbhodhisannibham / ārūḍhayogaṃ vidhivaddhyeyasaṃlīnamānasam // ### [2.53.21](https://indike.org/pramana/in.purana.brahmanda.2.53.21) cdṛdadyatdadvaḍḍha dyadṛ ḍaddhaṭhṭhaṇthrṭhṭhadaḍḍaṭhṭha-thrṭhṭhaḍḍaṇnrṭhṭhaḍaṇṭhṭhagṭhṭha yogīndrapravaraṃ śāntaṃ jvālāmāla mivānalam / vilokya tatra tiṣṭhantaṃ vimṛśantaḥ parasparam // ### [2.53.22](https://indike.org/pramana/in.purana.brahmanda.2.53.22) muhūrttamiva te rājansādhvasaṃ paramaṃ gatāḥ / tato 'yamaśvahartteti sāgarā kālacoditāḥ // ### [2.53.23](https://indike.org/pramana/in.purana.brahmanda.2.53.23) parivavrurdurātmānaḥ kapilaṃ munisattamam / tatastaṃ parivāryocuśvoro 'yaṃ nātra saṃśayaḥ // ### [2.53.24](https://indike.org/pramana/in.purana.brahmanda.2.53.24) aśvaharttā tato 'hyeṣa vadhyo 'smābhirdurāśayaḥ / taṃ prākṛtavadāsīnaṃ te sarve hatavuddhayaḥ // ### [2.53.25](https://indike.org/pramana/in.purana.brahmanda.2.53.25) āsannamaraṇāścakrurdharṣitaṃ munimañjasā / jaiminiruvāca tato muniradīnātmā dhyānabhaṅgapradharṣitaḥ // ### [2.53.26](https://indike.org/pramana/in.purana.brahmanda.2.53.26) krodhena mahatā'viṣṭaścukṣubhe kapilastadā / pracacāla durādharṣo dharṣitastair durātmabhiḥ // ### [2.53.27](https://indike.org/pramana/in.purana.brahmanda.2.53.27) vyajṛṃbhata ca kalpānte marudbhiriva cānalaḥ / tasya cārṇavagaṃbhīrādvapuṣaḥ kopapāvakaḥ // ### [2.53.28](https://indike.org/pramana/in.purana.brahmanda.2.53.28) didhakṣuriva pātālāṃllokānsāṃkarṣaṇo 'nalaḥ / śuśubhe dharṣaṇakrodhaparāmarśavidīpitaḥ // ### [2.53.29](https://indike.org/pramana/in.purana.brahmanda.2.53.29) unmīlayattadā netre vahnicakrasamadyutiḥ / tadākṣiṇī kṣaṇaṃ rājanrājetāṃ subhṛśāruṇe // ### [2.53.30](https://indike.org/pramana/in.purana.brahmanda.2.53.30) pūrvasaṃvyāsamuditau puṣpavantāvivāṃbare / tato 'pyudvarttamānābhyāṃ netrābhyāṃ nṛpanandanān // ### [2.53.31](https://indike.org/pramana/in.purana.brahmanda.2.53.31) avaikṣata ca gaṃbhīraḥ kṛtāntaḥ kālaparyaye / kruddhasya tasyanetrābhyāṃ sahasā pāvakārciṣaḥ // ### [2.53.32](https://indike.org/pramana/in.purana.brahmanda.2.53.32) niścerurabhilodikṣu kālāgneriva saṃtatāḥ / sadhūmakavalodagrāḥ sphuliṅgaughamuco muhuḥ // ### [2.53.33](https://indike.org/pramana/in.purana.brahmanda.2.53.33) munikrodhānalajvālāḥ samantāvdyānaśurdiśaḥ / vyālodaraugrakuharā jvālā stannetranirgatāḥ // ### [2.53.34](https://indike.org/pramana/in.purana.brahmanda.2.53.34) virejurnibhṛtāṃbhodhervaḍavāgnerivārciṣaḥ / krodhāgniḥ sumahārāja jvālāvavyāptadigantaraḥ // ### [2.53.35](https://indike.org/pramana/in.purana.brahmanda.2.53.35) dagdhāṃścakāra tānsarvānāvṛṇvāno nabhastalam // ### [2.53.36](https://indike.org/pramana/in.purana.brahmanda.2.53.36) saśabdamudbhrāntamarutprakopavivarttamānānaladhūmajālaiḥ / mahīrajobhiśca nitāntamuddhataiḥ samāvṛtaṃ loka mabhūdbhṛśāturam // ### [2.53.37](https://indike.org/pramana/in.purana.brahmanda.2.53.37) tataḥ sa vahnirvilikhannivābhitaḥ samīravegābhihatābhiraṃbaram / śikhābhirurvīśasutānaśeṣato dadāha sadyaḥ sura vidviṣastān // ### [2.53.38](https://indike.org/pramana/in.purana.brahmanda.2.53.38) miṣataḥ sarvalokasya ktodhāgnistamṛte hayam / sāgarāṃstānaśeṣeṇa bhasmasādakarotsa tān // ### [2.53.39](https://indike.org/pramana/in.purana.brahmanda.2.53.39) evaṃ krodhāgninā tena sāgarāḥ pāpacetasaḥ / jajvaluḥ sahasā dāve taravo nīrasā iva // ### [2.53.40](https://indike.org/pramana/in.purana.brahmanda.2.53.40) dṛṣṭvā teṣāṃ tu nidhanaṃ sāgarāṇāndurātmanām / anyonyamabuvandevā vismitā ṛṣibhiḥ saha // ### [2.53.41](https://indike.org/pramana/in.purana.brahmanda.2.53.41) ahodāruṇapāpānāṃ vipāko na cirāyitaḥ / durantaḥ khalu loke 'sminnarāṇāmasadātmanām // ### [2.53.42](https://indike.org/pramana/in.purana.brahmanda.2.53.42) yadi me parvatākārā nṛśaṃsāḥ krūravuddhayaḥ / yugapadvilayaṃ prāptāḥ sahasaiva tṛṇāgnivat // ### [2.53.43](https://indike.org/pramana/in.purana.brahmanda.2.53.43) udvejanīyā bhūtānāṃ sadbhiratyantagarhitāḥ / ājīvāntamime hartu diṣṭyā saṃkṣayamāgatāḥ // ### [2.53.44](https://indike.org/pramana/in.purana.brahmanda.2.53.44) paropatāpi nitarāṃ sarvalokajugupsitam / iha kṛtvāśubhaṃ karma kaḥpumānvindate sukham // ### [2.53.45](https://indike.org/pramana/in.purana.brahmanda.2.53.45) vikrośya sarvabhūtāni saṃprayātāḥ svakarmabhiḥ / brahmadaṇḍahatāḥ pāpā nirayaṃ śāśvatīḥ samāḥ // ### [2.53.46](https://indike.org/pramana/in.purana.brahmanda.2.53.46) tasmātsadaiva karttavyaṃ karma puṃsāṃ manīpiṇām / durataśca parityājyamitarallokaninditam // ### [2.53.47](https://indike.org/pramana/in.purana.brahmanda.2.53.47) karttavyaḥ śreyase yatno yāvajjīvaṃ vijānatā / nācaretkasyaciddrohamanityaṃ jīvanaṃ yataḥ // ### [2.53.48](https://indike.org/pramana/in.purana.brahmanda.2.53.48) anityo 'yaṃ sadā dehaḥsapadaścāticañcalāḥ / saṃsāraścātinissārastatkathaṃ viśvasedbudhaḥ // ### [2.53.49](https://indike.org/pramana/in.purana.brahmanda.2.53.49) evaṃ suramunīndreṣu kathayatsu parasparam / munikrodhendhanībhūtā vineśuḥ sagarātmajāḥ // ### [2.53.50](https://indike.org/pramana/in.purana.brahmanda.2.53.50) nirdagadhadehāḥ sahasā bhuvaṃ viṣṭabhya bhasmanā / avāpurnirayaṃ sadyaḥ sāgarāste svakamabhiḥ // ### [2.53.51](https://indike.org/pramana/in.purana.brahmanda.2.53.51) sāgarāṃstānaśeṣeṇa dagdhavātatkrodhajo 'nalaḥ / kṣaṇena lokānakhilānudyato dagdhumañjasā // ### [2.53.52](https://indike.org/pramana/in.purana.brahmanda.2.53.52) bhayabhītāstato devāḥ sametya divi saṃsthitāḥ / tuṣṭuvuste mahātmānaṃ krodhāgniśamanārthinaḥ // ### [2.53.52.p1](https://indike.org/pramana/in.purana.brahmanda.2.53.52.p1) iti śrībrahmāṇḍe mahāpurāṇe vāyuprokte madhyamābhāge tṛtīya upoddhātapāde sagaracaritesāgarāvināśo nāma tripañcaśattamo 'dhyāyaḥ // 53// --- Source: [https://indike.org/pramana/in.purana.brahmanda.2.53](https://indike.org/pramana/in.purana.brahmanda.2.53) · Pramāṇa