[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.54 # Brahmandapurana 2.54 Brahmāṇḍapurāṇa 2.54 - **Language:** Sanskrit ## Contents - [2.54.56](https://indike.org/pramana/in.purana.brahmanda.2.54.56) — 1 part ### [2.54.1](https://indike.org/pramana/in.purana.brahmanda.2.54.1) jaiminiruvāca krodhāgnimenaṃ viprendra sadyaḥ saṃharttumarhasi / no cedakāle loko 'yaṃ sakalastena dahyate // ### [2.54.2](https://indike.org/pramana/in.purana.brahmanda.2.54.2) dṛṣṭaste mahimānena vyāptamāsīccarācaram / kṣamasva saṃhara krodhaṃ namaste viprapuṅgava // ### [2.54.3](https://indike.org/pramana/in.purana.brahmanda.2.54.3) evaṃ saṃstūyamānastu bhagavānkapilo muniḥ / tūrṇameva kṣayaṃ ninye krodhāgnimatibhairavam // ### [2.54.4](https://indike.org/pramana/in.purana.brahmanda.2.54.4) tataḥ praśāntamabhavajjagatsarvaṃ carācaram / devāstapasvinaścaiva babhūvurvigatajvarāḥ // ### [2.54.5](https://indike.org/pramana/in.purana.brahmanda.2.54.5) etasminneva kāle tu bhagavānnārado muniḥ / ayodhyā magamadrājandevalokādyadṛcchayā // ### [2.54.6](https://indike.org/pramana/in.purana.brahmanda.2.54.6) tamāgatamabhiprekṣya nāradaṃ sagarastadā / arghyapādyādibhiḥ samyakpūjayāmāsa śāstrataḥ // ### [2.54.7](https://indike.org/pramana/in.purana.brahmanda.2.54.7) parigṛhya ca tatpūjāmāsīnaḥ paramāsane / nārado rājaśārdūlamidaṃ vacanamabravīt // ### [2.54.8](https://indike.org/pramana/in.purana.brahmanda.2.54.8) nārada uvāca hayasaṃcāraṇārthāya saṃprayātāstavātmajāḥ / brahmadaṇḍahatāḥ sarve vinaṣṭā nṛpasattama // ### [2.54.9](https://indike.org/pramana/in.purana.brahmanda.2.54.9) saṃrakṣyamāṇastaiḥ sarvairhayaste yajñiyo nṛpa / kenāpya lakṣitaḥ kvāpi nīto vidhivaśāddivi // ### [2.54.10](https://indike.org/pramana/in.purana.brahmanda.2.54.10) tato vinaṣṭaṃ turagaṃ vicinvanto mahītale / prālabhanta na te kvāpi tatpravṛttiṃ cirānnṛpa // ### [2.54.11](https://indike.org/pramana/in.purana.brahmanda.2.54.11) tato 'vaneradhaste 'śvaṃ vicetuṃ kṛtaniścayāḥ / sāgarāste samārabhya pracakhnurvasudhātalam // ### [2.54.12](https://indike.org/pramana/in.purana.brahmanda.2.54.12) khananto vasudhā maśvaṃ pātāle dadṛśurnṛpa / samīpe tasya yogīndraṃ kapilaṃ camahāmunim // ### [2.54.13](https://indike.org/pramana/in.purana.brahmanda.2.54.13) taṃ dṛṣṭvā pāpakarmāṇaste sarve kālacoditāḥ / kapilaṃ kopayāmāsuraśvaharttāyamityalam // ### [2.54.14](https://indike.org/pramana/in.purana.brahmanda.2.54.14) tatastatkrodhasaṃbhūtanetrāgnerdahato diśaḥ / indhanībhūtadehāste putrāḥ saṃkṣayamāgatāḥ // ### [2.54.15](https://indike.org/pramana/in.purana.brahmanda.2.54.15) krūrāḥ pāpasamācārāḥ sarvalokoparodhakāḥ / yataste tena rājendra na śokaṃ kartumarhasi // ### [2.54.16](https://indike.org/pramana/in.purana.brahmanda.2.54.16) sa tvaṃ dhairyadhano bhūtvā bhavita vyatayātmanaḥ / naṣṭaṃ mṛtamatītaṃ ca nānuśocanti paṇḍitāḥ // ### [2.54.17](https://indike.org/pramana/in.purana.brahmanda.2.54.17) tasmātpautramimaṃ bālamaṃśumantaṃ mahāmatim / turagānayanārthāya niyuṅkṣva nṛpasattama // ### [2.54.18](https://indike.org/pramana/in.purana.brahmanda.2.54.18) ityaktvā rājaśārdūlaṃ sadasyartviksamanvitam / kṣaṇena paśyatāṃ teṣāṃ nārado 'ntardadhe muniḥ // ### [2.54.19](https://indike.org/pramana/in.purana.brahmanda.2.54.19) tacchratvā vacana tasya nāradasya nṛpottamaḥ / duḥkhaśokaparātātmā dadhyau ciramudāradhīḥ // ### [2.54.20](https://indike.org/pramana/in.purana.brahmanda.2.54.20) taṃ dhyānayuktaṃ sadasi samāsīnamavāṅmukham / vasiṣṭhaḥ prāha rājānaṃ sāṃtvayandeśakālavit // ### [2.54.21](https://indike.org/pramana/in.purana.brahmanda.2.54.21) kimidaṃ dhairyasārāṇāmavakāśaṃ bhavadṛśām / labhate hṛdi cecchokaḥ prāptaṃ dhīra tayā phalam // ### [2.54.22](https://indike.org/pramana/in.purana.brahmanda.2.54.22) daurmanasyaṃ śithilayansarvaṃ diṣṭavaśānugam / manvāno 'nantaraṃ kṛtyaṃ kartumarhasyasaṃśayam // ### [2.54.23](https://indike.org/pramana/in.purana.brahmanda.2.54.23) vasiṣṭhenaivamuktastu rājā kāryārthatattvavit / dhṛtiṃ sattvaṃ samālaṃbya tatheti pratyabhāṣata // ### [2.54.24](https://indike.org/pramana/in.purana.brahmanda.2.54.24) aṃśumantaṃ samāhūya pautraṃ vinayaśālinam / brahmakṣattrasabhāmadhye śanairidamabhāṣata // ### [2.54.25](https://indike.org/pramana/in.purana.brahmanda.2.54.25) brahmadaṇḍahatāḥ sarve pitarastava putraka / patitāḥ pāpakarmāṇo niraye śāśvatīḥ samāḥ // ### [2.54.26](https://indike.org/pramana/in.purana.brahmanda.2.54.26) tvameva saṃtatirmahyaṃ rājyasyāsya ca rakṣitā / tvadāyattamaśeṣaṃ me śreyo 'mutra paratra ca // ### [2.54.27](https://indike.org/pramana/in.purana.brahmanda.2.54.27) sa tvaṃ gaccha mamādeśātpātāle kapilāntikam / turagānayanārthāya yatnena mahātānvitaḥ // ### [2.54.28](https://indike.org/pramana/in.purana.brahmanda.2.54.28) taṃ prārthayitvā vidhivatprasādya ca viśeṣataḥ / ādāya turagaṃ vatsa śīghramāgantumarhasi // ### [2.54.29](https://indike.org/pramana/in.purana.brahmanda.2.54.29) jaiminiruvāca evamuktoṃ'śumāṃstena praṇamya pitaraṃ pituḥ / tathetyuktvā mahābuddhiḥ prayayau kapilāntikam // ### [2.54.30](https://indike.org/pramana/in.purana.brahmanda.2.54.30) tamupāgamya vidhivannamaskṛtya yathāmati / praśrayāvanato bhūtvā śanairidamuvāca ha // ### [2.54.31](https://indike.org/pramana/in.purana.brahmanda.2.54.31) prasīda vipraśārdūla tvāmahaṃ śaraṇaṃ gataḥ / kopaṃ ca saṃhara kṣipraṃ lokaprakṣayakārakam // ### [2.54.32](https://indike.org/pramana/in.purana.brahmanda.2.54.32) tvayi kruddhe jagatsarvaṃ praṇāśamupayāsyati / praśāntimupayāhyāśulokāḥ saṃtu gatavyathāḥ // ### [2.54.33](https://indike.org/pramana/in.purana.brahmanda.2.54.33) prasanno 'smānmahābhāga paśya saumyena cakṣuṣā / ye tvatkrodhāgninirdagdhāstatsaṃtatimavehi mām // ### [2.54.34](https://indike.org/pramana/in.purana.brahmanda.2.54.34) nāmnāṃśumantaṃ naptāraṃ sagarasya mahīpateḥ / so 'haṃ tasya niyogena tvatprasādābhikāṅkṣayā // ### [2.54.35](https://indike.org/pramana/in.purana.brahmanda.2.54.35) prāpto dāsyasi cedbrahmaṃsturagānayanāya ca / jaiminiruvāca iti tadvacanaṃ śrutvā yogīndrapravaro muniḥ // ### [2.54.36](https://indike.org/pramana/in.purana.brahmanda.2.54.36) aṃśumantaṃ samālokya prasanna idamabravīt / svāgataṃ bhavato vatsa diṣṭyā ca tvamihāgataḥ // ### [2.54.37](https://indike.org/pramana/in.purana.brahmanda.2.54.37) gaccha śīghraṃ hayaścāyaṃ nīyatāṃ sagarāntikam / adhikṣipto 'sya yajño 'pi prāgataḥ saṃpravarttatām // ### [2.54.38](https://indike.org/pramana/in.purana.brahmanda.2.54.38) vriyatāṃ ca varo mattastvayā yaste manogataḥ / dāsye sudurlabhamapi tvadbhaktiparitoṣitaḥ // ### [2.54.39](https://indike.org/pramana/in.purana.brahmanda.2.54.39) eṣāṃ tu saṃpramāśaṃ hi gatvā vada pitāmaham / pāpānāṃ maraṇaṃ tveṣāṃ na ca śocitumarhasi // ### [2.54.40](https://indike.org/pramana/in.purana.brahmanda.2.54.40) tataḥ praṇāmya cogīndramaṃśumānidamabravīt / varaṃ dadāsi cenmahyaṃ varaye tvāṃ mahāmune // ### [2.54.41](https://indike.org/pramana/in.purana.brahmanda.2.54.41) varamarhāmi cettvattaḥ prasanno dātumarhasi / tvadroṣapāvakapluṣṭāḥ pitaro ye mamākhilāḥ // ### [2.54.42](https://indike.org/pramana/in.purana.brahmanda.2.54.42) saṃprayāsyanti te brahmannirayaṃ śāsvatīḥ samāḥ / brahmadaṇḍahatānāṃ tu na hi piṇḍodakakriyāḥ // ### [2.54.43](https://indike.org/pramana/in.purana.brahmanda.2.54.43) piṇḍodakavihīnānāmiha loke mahāmune / vidyate pitṛsālokyaṃ na khalu śruticoditam // ### [2.54.44](https://indike.org/pramana/in.purana.brahmanda.2.54.44) akṣayaḥ svargavāso 'stu teṣāṃ tu tvatprasādataḥ / vareṇānena bhagavankṛtakṛtyo bhāvāmyaham // ### [2.54.45](https://indike.org/pramana/in.purana.brahmanda.2.54.45) tatprasīda tvamevaiṣāṃ svargatervada kāraṇam / yenoddhāraṇameteṣāṃ vahneḥ kopasya vai bhavet // ### [2.54.46](https://indike.org/pramana/in.purana.brahmanda.2.54.46) tatastamāha yogīndraḥsuprasannena cetasā / nirayoddhāraṇaṃ teṣāṃ tvayā vatsa na śakyate // ### [2.54.47](https://indike.org/pramana/in.purana.brahmanda.2.54.47) taiścāpi narake tāvadvastavyaṃ pāpakarmabhiḥ / kālaḥ pratīkṣyatāṃ tāvadyāvattvatpautrasaṃbhavaḥ // ### [2.54.48](https://indike.org/pramana/in.purana.brahmanda.2.54.48) kālānte bhavitā vatsa pautrastava mahāmatiḥ / rājā bhagīratho nāma sarvadharmārthatattvavit // ### [2.54.49](https://indike.org/pramana/in.purana.brahmanda.2.54.49) sa tu yatnena mahatā pitṛgauravayantritaḥ / āneṣyati divo gaṅgāṃ tapastaptvā mahāddhruvam // ### [2.54.50](https://indike.org/pramana/in.purana.brahmanda.2.54.50) tadaṃbhasā pāviteṣu teṣāṃ gātrāsthibhasmasu / prāpnuvanti gatiṃ svarge bhavataḥ pitaro 'khilāḥ // ### [2.54.51](https://indike.org/pramana/in.purana.brahmanda.2.54.51) tatheti tasyā māhātmyaṃ gaṅgāyā nṛpanandana / bhāgīrathīti loke 'sminsā vikhyātimupaiṣyati // ### [2.54.52](https://indike.org/pramana/in.purana.brahmanda.2.54.52) yattoyaplāviteṣvasthibhasmalomanakheṣvapi / nirayādapi saṃyāti dehī svarlokamakṣayam // ### [2.54.53](https://indike.org/pramana/in.purana.brahmanda.2.54.53) tasmāttvaṃ gaccha bhadraṃ te naśokaṃ karttumarhasi / pitāmahāya caivainamaśvaṃ saṃpratipādaya // ### [2.54.54](https://indike.org/pramana/in.purana.brahmanda.2.54.54) jaiminiruvāca tataḥ praṇamya taṃ bhaktyā tathetyuktvā mahāmatiḥ / yayau tenābhyanujñātaḥ sāketanagaraṃ prati // ### [2.54.55](https://indike.org/pramana/in.purana.brahmanda.2.54.55) sagaraṃ sa samāsādya taṃ praṇamya yathākramam / nyavedayacca vṛttāntaṃ munesteṣāṃ tathānmanaḥ // ### [2.54.56](https://indike.org/pramana/in.purana.brahmanda.2.54.56) pradadauturagaṃ cāpi samānītaṃ prayatnataḥ / ataḥ paramanuṣṭheyamabravītkiṃ mayeti ca // ### [2.54.56.p1](https://indike.org/pramana/in.purana.brahmanda.2.54.56.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde kapilāśramasthāśvānayanaṃ nāma catuṣpañcāśattamo 'dhyāyaḥ // 54// ## Linked texts (1) - [Skanda Purāṇa (Kumāra Kavi)](https://indike.org/pramana/in.purana.skandapurana.82.31) — Kumāra Kavi, Sanskrit --- Source: [https://indike.org/pramana/in.purana.brahmanda.2.54](https://indike.org/pramana/in.purana.brahmanda.2.54) · Pramāṇa