[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.55 # Brahmandapurana 2.55 Brahmāṇḍapurāṇa 2.55 - **Language:** Sanskrit ## Contents - [2.55.27](https://indike.org/pramana/in.purana.brahmanda.2.55.27) — 1 part ### [2.55.1](https://indike.org/pramana/in.purana.brahmanda.2.55.1) Äḥ abhinandyāśiṣātyarthaṃ lālayanpraśaśaṃsa ha // ### [2.55.2](https://indike.org/pramana/in.purana.brahmanda.2.55.2) atha ṛtviksadasyaiśca sahito rājasattamaḥ / upākramata taṃ yajñe vidhivadvedapāragaiḥ // ### [2.55.3](https://indike.org/pramana/in.purana.brahmanda.2.55.3) tataḥ pravavṛte yajñaḥ sarvasaṃpadguṇānvitaḥ / samyagaurvavasiṣṭhādyairmunibhiḥ saṃpravarttitaḥ // ### [2.55.4](https://indike.org/pramana/in.purana.brahmanda.2.55.4) hiraṇmayamayī vediḥ pātrāṇyuccāvacāni ca / susamṛddhaṃ yathāśāstraṃ yajñe sarvaṃ babhūva ha // ### [2.55.5](https://indike.org/pramana/in.purana.brahmanda.2.55.5) evaṃ pravarttitaṃ yajñamṛtvijaḥ sarva eva te / kramātsamāpayāmāsuryajamānapurassarāḥ // ### [2.55.6](https://indike.org/pramana/in.purana.brahmanda.2.55.6) samāpayitvā taṃ yajñaṃ rājā vidhividāṃ varaḥ / yathāvaddakṣiṇāṃ caiva ṛtvijāṃ pradadau tadā // ### [2.55.7](https://indike.org/pramana/in.purana.brahmanda.2.55.7) atha ṛtviksadasyānāṃ brāhmaṇānāṃ tathārthinām / tatkāṅkṣitādabhyadhikaṃ pradadau vasu sarvaśaḥ // ### [2.55.8](https://indike.org/pramana/in.purana.brahmanda.2.55.8) evaṃ saṃtarpya viprādīndakṣiṇābhiryathākramam / kṣamāpayāmāsa gurūnsadasyānpraṇipatya ca // ### [2.55.9](https://indike.org/pramana/in.purana.brahmanda.2.55.9) brāhmaṇādyaistato varṇairṛtvigbhiśca samanvitaḥ / vārakīyākadaṃbaiśca sūtamāgadhavandibhiḥ // ### [2.55.10](https://indike.org/pramana/in.purana.brahmanda.2.55.10) anvīyamānaḥ sastrīkaḥ śvetacchatravirājitaḥ / dodhūyamānacamaro vālavyajanarājitaḥ // ### [2.55.11](https://indike.org/pramana/in.purana.brahmanda.2.55.11) nānāvāditranirghoṣairbadhirīkṛtadiṅmukhaḥ / sa gatvā sarayūtīraṃ yathāśāśtraṃ yathāvidhi // ### [2.55.12](https://indike.org/pramana/in.purana.brahmanda.2.55.12) cakārāvabhṛthasnānaṃ muditaḥ sahabandhubhiḥ / evaṃ snātvā sapatnīkaḥ suhṛdbhirbrāhmaṇaiḥ saha // ### [2.55.13](https://indike.org/pramana/in.purana.brahmanda.2.55.13) vīṇāveṇumṛdaṅgādinānāvāditraniḥsvanaiḥ / maṅgalyairvedaghoṣaiśca saha viprajaneritaiḥ // ### [2.55.14](https://indike.org/pramana/in.purana.brahmanda.2.55.14) saṃstūyamānaḥ paritaḥ sūtamāgadhabandibhiḥ / praviveśa purīṃ ramyāṃ hṛṣṭapuṣṭajanāyutam // ### [2.55.15](https://indike.org/pramana/in.purana.brahmanda.2.55.15) śvetavyajana sacchatrapatākādhvajamālinīm / siktasaṃmṛṣṭabhūbhāgāpaṇaśobhāsamanvitām // ### [2.55.16](https://indike.org/pramana/in.purana.brahmanda.2.55.16) kailāsādriprakāśābhirujjvalāṃ saudhapaṅktibhiḥ / sa tatrāgarudhūpotthagandhāmoditadiṅmukham // ### [2.55.17](https://indike.org/pramana/in.purana.brahmanda.2.55.17) vikīryamāṇaḥ paritaḥ pauranārījanairmuhuḥ / lājavarṣeṇa sānandaṃ vīkṣamāṇaśca nāgaraiḥ // ### [2.55.18](https://indike.org/pramana/in.purana.brahmanda.2.55.18) upadābhiranekābhistatratatra vaṇigjanaiḥ / saṃbhāvyamānaḥ śanakairjagama svapuraṃ prati // ### [2.55.19](https://indike.org/pramana/in.purana.brahmanda.2.55.19) sa praviśya gṛhaṃ ramyaṃ sarvamaṇḍalamaṇḍitam / samyaksaṃbhāvayāmāsa suhṛdo brāhmaṇānapi // ### [2.55.20](https://indike.org/pramana/in.purana.brahmanda.2.55.20) saṃsevyamānaśca tadā nānādeśeśvarairnṛpaiḥ / sabhāyāṃ rājaśārdūlo reme śakra ivāparaḥ // ### [2.55.21](https://indike.org/pramana/in.purana.brahmanda.2.55.21) evaṃ suhṛdbhiḥ sahitaḥ pūrayitvā manoratham / sagaraḥ saha bhāryābhyāṃ reme nṛpavarottamaḥ // ### [2.55.22](https://indike.org/pramana/in.purana.brahmanda.2.55.22) aṃśumantaṃ tataḥ pautraṃ mudā vinayaśālinam / vasiṣṭhānumate rājā yauvarājye 'bhyaṣecayat // ### [2.55.23](https://indike.org/pramana/in.purana.brahmanda.2.55.23) paurajānapadānāṃ tu bandhūnāṃ suhṛdāmapi / sa priyo 'bhavadatyarthamudāraiśca guṇairnṛpaḥ // ### [2.55.24](https://indike.org/pramana/in.purana.brahmanda.2.55.24) prajāstamanvarajyanta bālamapyamitaujasam / navaṃ ca śuklapakṣādauśītāṃśumaciroditam // ### [2.55.25](https://indike.org/pramana/in.purana.brahmanda.2.55.25) sa tena sahitaḥ śrīmānsutdṛdbhiśca nṛpottamaḥ / bhāryābhyāmanurūpābhyāṃ ramamāṇo 'vasacciram // ### [2.55.26](https://indike.org/pramana/in.purana.brahmanda.2.55.26) yuvaiva rājaśārdūlaḥ sākṣāddharma ivāparaḥ / pālayāmāsa vasudhāṃ saśailavanakānanām // ### [2.55.27](https://indike.org/pramana/in.purana.brahmanda.2.55.27) evaṃ mahānahimadīdhitivaṃśamauliratnāya yamānavapuruttarakosaleśaḥ / pūrṇenduvatsakalalokamano 'bhirāmaḥ sārddha prajābhirakhilābhiralaṃ jaharṣa // ### [2.55.27.p1](https://indike.org/pramana/in.purana.brahmanda.2.55.27.p1) iti śrībrahmāṇḍe mahāpurāṇe vāyuprokte madhyamābhāge tṛtīya upoddhātapāde sāgaropākhyāneśumato rājyaprāptirnāma pañcapañcaśattamo 'dhyāyaḥ // 55// --- Source: [https://indike.org/pramana/in.purana.brahmanda.2.55](https://indike.org/pramana/in.purana.brahmanda.2.55) · Pramāṇa