[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.59 # Brahmandapurana 2.59 Brahmāṇḍapurāṇa 2.59 - **Language:** Sanskrit ## Contents - [2.59.86](https://indike.org/pramana/in.purana.brahmanda.2.59.86) — 1 part ### [2.59.1](https://indike.org/pramana/in.purana.brahmanda.2.59.1) bṛhaspatiruvāca ṛṣayastveva muktāstu paraṃ harṣamupāgatāḥ / paraṃ śuśrūṣayā bhūyaḥ papracchustadanantaram // ### [2.59.2](https://indike.org/pramana/in.purana.brahmanda.2.59.2) ṛṣaya ūcuḥ vaṃśānāmānupūrvyeṇa rājñāṃ cāmitatejasām / sthitiṃ caiṣāṃ prabhāvaṃ ca brūhi naḥ paripṛcchatām // ### [2.59.3](https://indike.org/pramana/in.purana.brahmanda.2.59.3) evamuktastatastaistu tadāsau lomaharṣaṇaḥ / śṛṇvatāmuttarākhyāne ṛṣīṇāṃ vākya kovidaḥ // ### [2.59.4](https://indike.org/pramana/in.purana.brahmanda.2.59.4) akhyānakuśalo bhūyaḥ paraṃ vākyamuvāca ha / bruvato me nibodhaṃśca ṛṣirāha yathā mama // ### [2.59.5](https://indike.org/pramana/in.purana.brahmanda.2.59.5) vaṃśānāmānupūrvyeṇa rājñāṃ cāmitatejasām / sthitiṃ caiṣāṃ prabhāvaṃ ca kramato me nibodhata // ### [2.59.6](https://indike.org/pramana/in.purana.brahmanda.2.59.6) varuṇasya sapatnīkān stutā devī udāhṛtā / tasyāḥ putrau kalirvaidyaḥ stutā ca surasuṃdarī // ### [2.59.7](https://indike.org/pramana/in.purana.brahmanda.2.59.7) kaliputrau mahāvīryauṃ jayaśca vijayaśca ha / vaidyaputrau ghṛṇiścaiva muniścaiva mahābalau // ### [2.59.8](https://indike.org/pramana/in.purana.brahmanda.2.59.8) prattānāmanu kāmānāmanyonyasya prabhakṣiṇau / bhakṣyitvā tāvanyonyaṃ vināśaṃ samavāpnutaḥ // ### [2.59.9](https://indike.org/pramana/in.purana.brahmanda.2.59.9) kaliḥ surāyāḥ saṃjñeyastasya putro madaḥ smṛtaḥ / smṛtā hiṃsā kalerbhāryā śreṣṭhā yā nikṛtasmṛtiḥ // ### [2.59.10](https://indike.org/pramana/in.purana.brahmanda.2.59.10) prasūtānye kaleḥ putrāścatvāraḥ puruṣādakāḥ / nāke vighnaśca vikhyāto bhadramovidhamastathā // ### [2.59.11](https://indike.org/pramana/in.purana.brahmanda.2.59.11) aśiraskatayā vighno nākaścaivāśarīravān / bhadramaścaikahasto 'bhūdvidhamaścaikapātsmṛtaḥ // ### [2.59.12](https://indike.org/pramana/in.purana.brahmanda.2.59.12) bhadramasya tathāpatnī tāmasī pūtanā tathā / revatī vidhamasyāpi tayoḥ putrāḥ sahasraśaḥ // ### [2.59.13](https://indike.org/pramana/in.purana.brahmanda.2.59.13) nākasya śakuniḥ patnī vighnasya ca ayo mukhī / rākṣasāstu mahāvīryāḥ saṃdhyādvayavicārimaḥ // ### [2.59.14](https://indike.org/pramana/in.purana.brahmanda.2.59.14) revatīpūtanāputrā naiṛtā nāmataḥ smṛtāḥ / grahaste rākṣasāḥ sarve bālānāṃ tu viśeṣataḥ // ### [2.59.15](https://indike.org/pramana/in.purana.brahmanda.2.59.15) skandasteṣāmadhipatirbrahmaṇo 'numataḥ prabhuḥ / bṛhaspateryā bhaginī varastrī brahmacāriṇī // ### [2.59.16](https://indike.org/pramana/in.purana.brahmanda.2.59.16) yogasiddhā jagatkṛtsnamasaktā carate sadā / prabhāsasya tu sā bhāryā vasūnāmaṣṭamasya ca // ### [2.59.17](https://indike.org/pramana/in.purana.brahmanda.2.59.17) viśvakarmā surastasyā jātaḥ śilpiprajāpatiḥ / tvaṣṭā virājo rūpāṇi dharmapautra udāradhīḥ // ### [2.59.18](https://indike.org/pramana/in.purana.brahmanda.2.59.18) karttā śilpisahasrāṇāṃ tridaśānāṃ tu yogataḥ / yaḥsarveṣāṃ vimānāni devatānāṃ cakāra ha // ### [2.59.19](https://indike.org/pramana/in.purana.brahmanda.2.59.19) mānuṣāścopajīvanti yasya śilpaṃ mahātmanaḥ / prahrādī viśrutā tasya patnī tvaṣṭurvirocanā // ### [2.59.20](https://indike.org/pramana/in.purana.brahmanda.2.59.20) virocanasya bhaginī mātā triśirasastathā / devācāryasya mahato viśvarūpasya dhīmataḥ // ### [2.59.21](https://indike.org/pramana/in.purana.brahmanda.2.59.21) viśvakarmātmajaśvaiva viśvakarmā mayaḥ smṛtaḥ / sureṇuriti vikhyātā svasā tasya yavīyasī // ### [2.59.22](https://indike.org/pramana/in.purana.brahmanda.2.59.22) tvāṣṭrī yā saviturbhāryā punaḥ saṃjñeti viśrutā / prāsūta sā mahābhāgaṃ manuṃ jyeṣṭhaṃ vivasvataḥ // ### [2.59.23](https://indike.org/pramana/in.purana.brahmanda.2.59.23) yamau prāsūta ca punaryamaṃ ca yamunāṃ ca ha / sā tu gatvā kurūndevī vaḍavā rūpadhāriṇī // ### [2.59.24](https://indike.org/pramana/in.purana.brahmanda.2.59.24) savituścāsya rūpasya nāsikābhyāṃ tu tau smṛtau / prāsūta sā mahābhāga tvantarikṣe 'śvinau kila // ### [2.59.25](https://indike.org/pramana/in.purana.brahmanda.2.59.25) nāsatyaṃ caiva dasraṃ ca mārttaṇḍasyātmajāvubhau / ṛṣaya ūcuḥ kasmānmārttaṇḍa ityeṣa vivasvānudito budhaiḥ // ### [2.59.26](https://indike.org/pramana/in.purana.brahmanda.2.59.26) kimarthaṃ sāsurūpā vai nāsikābhyāmasūyata / etadveditumicchāmo sarvaṃ no brūhi pṛcchatām // ### [2.59.27](https://indike.org/pramana/in.purana.brahmanda.2.59.27) sūta uvāca cirotpannamatirbhinnamaṇḍaṃ tvaṣṭrā vidāritam / garbhavadhaṃ bhrāntaḥ kaśyapo vidruto bhavet // ### [2.59.28](https://indike.org/pramana/in.purana.brahmanda.2.59.28) aṇḍe dvidhākṛte tvaṇḍaṃ dṛṣṭvā tvaṣṭedamabravīt / naitannyūnaṃ bhavādaṇḍaṃ mārttaṇḍastvaṃ bhavānagha // ### [2.59.29](https://indike.org/pramana/in.purana.brahmanda.2.59.29) na khalvayaṃ mṛtoṃ'ḍastha iti snehātpitābravīt / tasya tadvacanaṃ śrutvā nāmānvarthamudāharan // ### [2.59.30](https://indike.org/pramana/in.purana.brahmanda.2.59.30) yanmārttaṇḍo bhavetyuktastvaṇḍātsoṃḍe dvidhākṛte / tasmādvivasvānmārttaṇḍaḥ purāṇajñairvibhāvyate // ### [2.59.31](https://indike.org/pramana/in.purana.brahmanda.2.59.31) tataḥ prajāḥ pravakṣyāmi mārttaṇḍasya vivasvataḥ / vijajñe saviturbhāryā saṃjñā putrāṃstu trīnpunaḥ // ### [2.59.32](https://indike.org/pramana/in.purana.brahmanda.2.59.32) manuṃ yamīṃ yamaṃ caiva chāyā sā tapatī tathā / śanaiścaraṃ tathaivaite mārttaṇḍasyātmajāḥ smṛtāḥ // ### [2.59.33](https://indike.org/pramana/in.purana.brahmanda.2.59.33) vivasvānkaśyapājjajñe dākṣāyiṇyāṃ mahāyaśāḥ / tasya saṃjñābhavadbhāryā tvāṣṭrī devī vivasvataḥ // ### [2.59.34](https://indike.org/pramana/in.purana.brahmanda.2.59.34) sureṇuriti vikhyātā punaḥ saṃjñeti viśrutā / sā tu bhāryā bhagavato mārttaṇḍasyātitejasaḥ // ### [2.59.35](https://indike.org/pramana/in.purana.brahmanda.2.59.35) na khalvaye mṛto hyaṇḍe iti snehāttamabravīt / ajānankaśyapaḥ snehāt mārttaṇḍa iti cocyate // ### [2.59.36](https://indike.org/pramana/in.purana.brahmanda.2.59.36) tejastvabhyadhikaṃ tasya nityameva vivasvataḥ / yenāpi tāpayāmāsa trīlloṅkānkaśyapātmajaḥ // ### [2.59.37](https://indike.org/pramana/in.purana.brahmanda.2.59.37) trīṇyapatyāni saṃjñāyāṃ janayāmāsa vai raviḥ / dvau sutau tu mahāvīryauṃ kanyaikā viditaiva ca // ### [2.59.38](https://indike.org/pramana/in.purana.brahmanda.2.59.38) manurvaivasvato jyeṣṭhaḥ śrāddhadevaḥ prajāpatiḥ / tato yamo yamī caiva yamajau saṃbabhūvatuḥ // ### [2.59.39](https://indike.org/pramana/in.purana.brahmanda.2.59.39) asahyatejastadrūpaṃ dṛṣṭvā saṃjñā vivasvataḥ / asahantī svakāṃ chāyāṃ savarṇāṃ nirmame punaḥ // ### [2.59.40](https://indike.org/pramana/in.purana.brahmanda.2.59.40) mahābhāgā tu sā nārī tasyāśchāyāsamudgatā / prāñjaliḥ prayatā bhūtvā punaḥ saṃjñāmabhāṣata // ### [2.59.41](https://indike.org/pramana/in.purana.brahmanda.2.59.41) vadasva kiṃ mayā kāryaṃ sā saṃjñā tāmathābravīt / ahaṃ yāsyāpi bhadraṃ te svameva bhavanaṃ pituḥ // ### [2.59.42](https://indike.org/pramana/in.purana.brahmanda.2.59.42) tvayeha bhavane mahyaṃ vastavyaṃ nirviśaṅkayā / imau ca bālakau mahyaṃ kanyā ca varavarṇinī // ### [2.59.43](https://indike.org/pramana/in.purana.brahmanda.2.59.43) bharttavyā naivamākhyeyamidaṃ bhagavate tvayā / imau ca bālakau mahyaṃ tathetyuktā tathā ca sā // ### [2.59.44](https://indike.org/pramana/in.purana.brahmanda.2.59.44) tvaṣṭuḥ samīpamagamadvrīḍiteva tapasvinī / pitā tāmāgatāṃ dṛṣṭvā kruddhaḥ saṃjñāmathābravīt // ### [2.59.45](https://indike.org/pramana/in.purana.brahmanda.2.59.45) bharttuḥ samīpaṃ gaccheti niyuktā ca punaḥ punaḥ / agamadvaḍavā bhūtvācchādya rūpamaninditā // ### [2.59.46](https://indike.org/pramana/in.purana.brahmanda.2.59.46) uttarānsā kurūngatvā tṛṇānyatha cacāra sā / dvitīyāyāṃ tu saṃjñāyāṃ saṃjñeyamiti cintya tām // ### [2.59.47](https://indike.org/pramana/in.purana.brahmanda.2.59.47) ādityo janayāmāsa putrāvādityavarcasau / pūrvajasya manostulyau sādṛśyena tu tau prabhū // ### [2.59.48](https://indike.org/pramana/in.purana.brahmanda.2.59.48) śrutaśravā manustābhyāṃ sāvarṇirvai bhaviṣyati // ### [2.59.49](https://indike.org/pramana/in.purana.brahmanda.2.59.49) śrutakarmā tu vijñeyo graho vai yaḥ śanaiścaraḥ / manurevābhavatso 'pi sāvarṇiriti cocyate // ### [2.59.50](https://indike.org/pramana/in.purana.brahmanda.2.59.50) saṃjñā tu pārthivī sā vai svasya putrasya vai tadā / cakārābhyadhikaṃ snehaṃ ta tathā pūrvajeṣu vai // ### [2.59.51](https://indike.org/pramana/in.purana.brahmanda.2.59.51) manustacchākṣamatsarvaṃ yamastadvai na cākṣamat / bahuśo jalpamānastu sāpatnyādatiduḥkhitaḥ // ### [2.59.52](https://indike.org/pramana/in.purana.brahmanda.2.59.52) tāṃ vai roṣācca bālācca bhāvinor'thasya vai balāt / yadā saṃtarjayāmāsa cchāyāṃ vaivasvato yamaḥ // ### [2.59.53](https://indike.org/pramana/in.purana.brahmanda.2.59.53) sā śaśāpa tataḥ krodhātsārṇijananī yamam / yadā tarjayase 'kasmātpitṛbhāryāṃ yaśasvinīm // ### [2.59.54](https://indike.org/pramana/in.purana.brahmanda.2.59.54) tasmāttavaiṣa caramaḥ patiṣyati na saṃśayaḥ / yamastu tena śāpena bhṛśaṃ pīḍitamānasaḥ // ### [2.59.55](https://indike.org/pramana/in.purana.brahmanda.2.59.55) manunā saha dharmātmā pituḥ sarvaṃ nyavedayat / bhṛśaṃ śāpabhayodvignaḥ saṃjñāvākyairvinirjitaḥ // ### [2.59.56](https://indike.org/pramana/in.purana.brahmanda.2.59.56) tasyāṃ mayodyataḥ pādo na tu dehe nipātitaḥ / bālyādvā yadi vā mohāttadbhavānkṣantumarhati // ### [2.59.57](https://indike.org/pramana/in.purana.brahmanda.2.59.57) śapto 'hamasmi lokeśa jananyā tapatāṃ vara / tava prasādo nastrātumetasmānmahato bhayāt // ### [2.59.58](https://indike.org/pramana/in.purana.brahmanda.2.59.58) vivasvānevamuktastu yamaṃ provāca vai prabhuḥ / asaṃśayaṃ putra mahadbhaviṣyatyatra kāraṇam // ### [2.59.59](https://indike.org/pramana/in.purana.brahmanda.2.59.59) yena tvāmāviśatkrodho dharmajñaṃ satyavādinam / na śakyametanmithya tu karttuṃ māturvacastava // ### [2.59.60](https://indike.org/pramana/in.purana.brahmanda.2.59.60) kṛmayo māṃsamādāya yāsyanti ca mahīṃ tava / tataḥ pādaṃ mahāprājña punaḥ sāṃprāpsyase sukham // ### [2.59.61](https://indike.org/pramana/in.purana.brahmanda.2.59.61) kṛtamevaṃ vacaḥ satyaṃ mātustava bhaviṣyati / śāpasya parihāreṇa tvaṃ ca trāto bhaviṣyasi // ### [2.59.62](https://indike.org/pramana/in.purana.brahmanda.2.59.62) ādityastvabravītsaṃjñāṃ kimarthaṃ tanayeṣu tu / tulyeṣvabhyadhikasneha ekasminkriyate tvayā // ### [2.59.63](https://indike.org/pramana/in.purana.brahmanda.2.59.63) sā tatpariharantī vai nācacakṣe vivasvataḥ / ātmanā sa samādhāya yogāttattvamapaśyata // ### [2.59.64](https://indike.org/pramana/in.purana.brahmanda.2.59.64) tāṃ śaptukāmo bhagavānnāśāya kupitaḥ prabhuḥ / sā tatsarvaṃ yathā tattvamācacakṣe vivasvataḥ // ### [2.59.65](https://indike.org/pramana/in.purana.brahmanda.2.59.65) vivasvāṃstu yathā śrutvā kruddhastvaṣṭāramabhyayāt / tvaṣṭā tu taṃ yathānyāyamarcayitvā vibhāvasum // ### [2.59.66](https://indike.org/pramana/in.purana.brahmanda.2.59.66) nirdagdhukāmaṃ roṣeṇa sāṃtvayāmāsa vai śanaiḥ / tavātitejasā yuktamidaṃ rūpaṃ na śobhate // ### [2.59.67](https://indike.org/pramana/in.purana.brahmanda.2.59.67) asahantī tu tatsaṃjñā vane carati śādvale / drakṣyate tāṃ bhavanadya svāṃ bhāryāṃ śubhacāriṇīm // ### [2.59.68](https://indike.org/pramana/in.purana.brahmanda.2.59.68) ślāghyayauvanasaṃpannāṃ yogamāsthāya gopate / anukūlaṃ bhavedevaṃ yadi syātsamayo mataḥ // ### [2.59.69](https://indike.org/pramana/in.purana.brahmanda.2.59.69) rūpaṃ nivarttayeyaṃ te hyādyaṃ śreṣṭhamarindama / rūpaṃ vivasvatastvāsīttiryagūrddhvamadhastathā // ### [2.59.70](https://indike.org/pramana/in.purana.brahmanda.2.59.70) tenāsau pīḍitā devī rūpeṇa tu divaspateḥ / tasmātte samacakraṃ tu vartate rūpamadbhutam // ### [2.59.71](https://indike.org/pramana/in.purana.brahmanda.2.59.71) anujñātastatastvaṣṭrā rūpanirvarttanāya vai / tato 'bhyupāgamattvaṣṭā mārttaṇḍasya vivasvataḥ // ### [2.59.72](https://indike.org/pramana/in.purana.brahmanda.2.59.72) bhramimāropya tattejaḥ śātayāmāsa tasya vai / taṃ nirmūlita tejaskaṃ tejasāpahṛtena tu // ### [2.59.73](https://indike.org/pramana/in.purana.brahmanda.2.59.73) kāntāṃ prabhākaro draṣṭumiyeṣa śubhadarśanaḥ / dadarśa yogamāsthāya svāṃ bhāryāṃ vaḍavāṃ tathā // ### [2.59.74](https://indike.org/pramana/in.purana.brahmanda.2.59.74) adṛśyāṃ sarvabhūtānāṃ tejasā niyamena ca / aśvarūpeṇa mārttaṇḍastāṃ mukhe samabhāvayat // ### [2.59.75](https://indike.org/pramana/in.purana.brahmanda.2.59.75) maithunāntaniviṣṭā ca parapuṃso 'bhiśaṅkayā / sā taṃ niḥsārayāmāsa nobhyāṃ śukraṃ vivasvataḥ // ### [2.59.76](https://indike.org/pramana/in.purana.brahmanda.2.59.76) devau tasmādajāyetāmaśvinau bhiṣajāṃ varau / nāsatyaścaiva dasraśca smṛtau dvādaśamūrtitaḥ // ### [2.59.77](https://indike.org/pramana/in.purana.brahmanda.2.59.77) mārttaṇḍasya sutāvetāvaṣṭamasya prajāpateḥ / tāṃ tu rūpeṇa kāntena darśayāmāsa bhāskaraḥ // ### [2.59.78](https://indike.org/pramana/in.purana.brahmanda.2.59.78) sa tāṃ dṛṣṭvā tadā bhāryāṃ tuto ṣaitāmuvāca ha / yamastu tena śāpena bhṛśaṃ pīḍitamānasaḥ // ### [2.59.79](https://indike.org/pramana/in.purana.brahmanda.2.59.79) dharmeṇa rañjayāmāsa dharmarājastatastu saḥ / so 'labhatkarmaṇāṃ tena śubhena paramāṃ dyutim // ### [2.59.80](https://indike.org/pramana/in.purana.brahmanda.2.59.80) pitṝṇāmādhipatyaṃ ca lokapālatvameva ca / manuḥ prajāpatistveṣa sāvarṇiḥ sa mahāyaśāḥ // ### [2.59.81](https://indike.org/pramana/in.purana.brahmanda.2.59.81) bhāvyaḥ so 'nāgate tasminmanuḥ sāvarṇikentare / merupṛṣṭhe tapo ghoramadyāpi carate prabhuḥ // ### [2.59.82](https://indike.org/pramana/in.purana.brahmanda.2.59.82) bhrātā śanaiścarastatragrahatvaṃ sa tu labdhavān / tvaṣṭā tu tena rūpeṇa viṣṇoścakramakalpayat // ### [2.59.83](https://indike.org/pramana/in.purana.brahmanda.2.59.83) mahāmaho 'pratihataṃ dānavānprativāraṇam / yavīyasī tayoryā tu yamunāca yaśasvinī // ### [2.59.84](https://indike.org/pramana/in.purana.brahmanda.2.59.84) abhavatsā saricchreṣṭhā yamunā lokapāvanī / yastu jyeṣṭho mahātejāḥ sargo yasyeti sāṃpratam // ### [2.59.85](https://indike.org/pramana/in.purana.brahmanda.2.59.85) vistaraṃ tasya vakṣyāmi manorvaivasvatasya ha / idaṃ tu janma devānāṃ śṛṇuyādvā paṭhecca vā // ### [2.59.86](https://indike.org/pramana/in.purana.brahmanda.2.59.86) vaivasvatasya putrāṇāṃ saptānāṃ tu mahaujasām / āpadaṃ prāpya mucyeta prāpnuyācca mahadyaśaḥ // ### [2.59.86.p1](https://indike.org/pramana/in.purana.brahmanda.2.59.86.p1) iti śrībrahmāṇḍe mahāpurāṇe vāyuprokte tṛtīya upoddhātapāde vaivasvatotpattirnāmaikonaṣaṣṭitamodhyāyaḥ // 59// ## Linked texts (4) - [Vāyupurāṇa](https://indike.org/pramana/in.purana.vayu.2.22.1) — Vyāsa, Sanskrit - [Brahmapurāṇa](https://indike.org/pramana/in.purana.brahma.6.6) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.9.12) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.35.21) — Sanskrit --- Source: [https://indike.org/pramana/in.purana.brahmanda.2.59](https://indike.org/pramana/in.purana.brahmanda.2.59) · Pramāṇa