[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.5 # Brahmandapurana 2.5 Brahmāṇḍapurāṇa 2.5 - **Language:** Sanskrit ## Contents - [2.5.106](https://indike.org/pramana/in.purana.brahmanda.2.5.106) — 1 part ### [2.5.1](https://indike.org/pramana/in.purana.brahmanda.2.5.1) ṛṣiruvāca daityānāṃ dānavānāṃ ca gandharvoragarakṣasām / sarpabhūtāpiśā cānāṃ vasūnāṃ pakṣivīrudhām // ### [2.5.2](https://indike.org/pramana/in.purana.brahmanda.2.5.2) utpattiṃ nidhanaṃ caiva vistārātkathayasva naḥ / evamuktastadā sūtaḥ pratyuvācarṣisattamam // ### [2.5.3](https://indike.org/pramana/in.purana.brahmanda.2.5.3) sūta uvāca diteḥ putradvayaṃ jajñe kanyā caikā mahābalā / kaśyapasyātmajau tau tu sarvebhyaḥ pūrvajau smṛtau // ### [2.5.4](https://indike.org/pramana/in.purana.brahmanda.2.5.4) sautye 'hanyatirā trasya kaśyapasyāśvamedhikāḥ / hiraṇyakaśipurnāma prathitaṃ pṛthagāsanam // ### [2.5.5](https://indike.org/pramana/in.purana.brahmanda.2.5.5) dityā garbhādviniḥ sṛtya tatrāsīnaḥ samantataḥ / hiraṇya kaśipustasmāt karmaṇā tena sa samṛtaḥ // ### [2.5.6](https://indike.org/pramana/in.purana.brahmanda.2.5.6) ṛṣaya ūcuḥ hiraṇyakaśiporjanma nāma caiva mahātmanaḥ / prabhāvaṃ caiva daityasya vistārādbrūhi naḥ prabho // ### [2.5.7](https://indike.org/pramana/in.purana.brahmanda.2.5.7) sūta uvāca kaśyapasyāśvamedho 'bhūtpuṇye vai puṣkare tadā / ṛṣibhideṃvatābhiśca gandharvairupaśobhitaḥ // ### [2.5.8](https://indike.org/pramana/in.purana.brahmanda.2.5.8) utsṛṣṭe sve ca vidhinā ākhyānādau yathāvidhi / āsanānyupakḷptāni sauvarṇāni tu pañca vai // ### [2.5.9](https://indike.org/pramana/in.purana.brahmanda.2.5.9) kulaspadāpi? trīṇyatra kūrcaḥ phalakameva ca / mukhyartvijastu catvārasteṣāṃ tānyupakalpayan // ### [2.5.10](https://indike.org/pramana/in.purana.brahmanda.2.5.10) kḷpta tatrāsanaṃ caikaṃ hoturarthe hiraṇyam / niṣasāda sagarbho 'tra tatrāsīnaḥ śaśaṃsa ca // ### [2.5.11](https://indike.org/pramana/in.purana.brahmanda.2.5.11) ākhyānamānupūrvyeṇa maharṣiḥ kaśyapo yathā / taṃ dṛṣṭvā ṛṣayastasya nāma kurvanti varddhitam // ### [2.5.12](https://indike.org/pramana/in.purana.brahmanda.2.5.12) hiraṇyakaśipustasmātkarmaṇā tena sa smṛtaḥ / hiraṇyakṣo 'nujastasya siṃhikā tasya cānujā // ### [2.5.13](https://indike.org/pramana/in.purana.brahmanda.2.5.13) rāhoḥ sā jananī devī vipra citteḥ parigrahaḥ / hiraṇyakaśipurdaityaścacāra paramaṃ tapaḥ // ### [2.5.14](https://indike.org/pramana/in.purana.brahmanda.2.5.14) śataṃ varṣasahasrāṇāṃ nirāhāro hyadhaḥśirāḥ / varayāmāsa brahmāṇaṃ tuṣṭaṃ daityo vareṇa tu // ### [2.5.15](https://indike.org/pramana/in.purana.brahmanda.2.5.15) sarvāmaratvamavadhaṃ sarvabhūtebhya eva hi / yogaddevān vinirjitya sarvadevatvamāsthitaḥ // ### [2.5.16](https://indike.org/pramana/in.purana.brahmanda.2.5.16) kāraye 'hamihaiśvaryaṃ balavīryasamanvitaḥ / dānavāstvasurāścaiva devāśca saha cāraṇaiḥ // ### [2.5.17](https://indike.org/pramana/in.purana.brahmanda.2.5.17) bhavantu vaśagāḥ sarve matsamīpānubhojanāḥ / ārdraśuṣkairavadhyaśca divā rātrau tathaiva ca / evamuktastadā brahmānujajñe sāṃtaraṃ varam // ### [2.5.18](https://indike.org/pramana/in.purana.brahmanda.2.5.18) brahmovāca / mahānayaṃ varastāta vṛto ditisuta tvayā / ehī dānīṃ pratijñānaṃ bhaviṣyatyevameva tu // ### [2.5.19](https://indike.org/pramana/in.purana.brahmanda.2.5.19) dattvā cābhimataṃ tasmai tatrevāntaradhādatha / so 'pi daityastadā sarvaṃ jagatsthāvarajaṅgamam // ### [2.5.20](https://indike.org/pramana/in.purana.brahmanda.2.5.20) mahimnā vyāpya saṃtasthe bahumūrttiramitrajit / sa eva tapati vyomni candrasūryatvamāsthitaḥ // ### [2.5.21](https://indike.org/pramana/in.purana.brahmanda.2.5.21) sa eva vāyurbhūtvā ca vavau jagati sarvadā / sa gopālo 'vipālaśca karṣakaśca sa eva ha // ### [2.5.22](https://indike.org/pramana/in.purana.brahmanda.2.5.22) sa jñātā sarvalokeṣu mantravyākhyākarastathā / netā goptā gopayitā dīkṣito yājakaḥ sa tu // ### [2.5.23](https://indike.org/pramana/in.purana.brahmanda.2.5.23) tasya devāḥ surāḥ sarve tadāsansomapāyinaḥ / evaṃprabhāvo daityo 'sāvato bhūyo nibodhata // ### [2.5.24](https://indike.org/pramana/in.purana.brahmanda.2.5.24) tasmai sarve namaskāraṃ kurvantījyaḥ sa eva ca / hiraṇyakaśipordaityaiḥ śloko gītaḥ purā tviha // ### [2.5.25](https://indike.org/pramana/in.purana.brahmanda.2.5.25) hiraṇyakaśipū rājā yāṃ yāmāśāṃ niraikṣata / tasyai tasyai tadā devā namaścakrurmaharṣibhiḥ // ### [2.5.26](https://indike.org/pramana/in.purana.brahmanda.2.5.26) tasyāsīnnarasiṃhastu mṛtyurviṣṇuḥ purā kila / narāttu yasmājjanmāsya naramūrttiśca yatprabhuḥ // ### [2.5.27](https://indike.org/pramana/in.purana.brahmanda.2.5.27) tasmātsa narasiṃho vai gīyate vedavādibhiḥ / sāgarasya ca velāyāmucchrita stapaso vibhuḥ // ### [2.5.28](https://indike.org/pramana/in.purana.brahmanda.2.5.28) śarīraṃ tasya devasya hyāsīddevamayaṃ prabho / nāmnā sudarśanaṃ caiva viśrutaśca mahābalaḥ // ### [2.5.29](https://indike.org/pramana/in.purana.brahmanda.2.5.29) tataḥ sa bāhuyuddhena daityendraṃ taṃ mahābalam / nakhairbibhada saṃkruddho nārdrāḥ śuṣkā nakhā iti // ### [2.5.30](https://indike.org/pramana/in.purana.brahmanda.2.5.30) hiraṇyākṣasutāḥ pañca vikrāntāḥ sumahābalāḥ / śaṃbaraḥ śakuniścaiva kālanābhastathaiva ca // ### [2.5.31](https://indike.org/pramana/in.purana.brahmanda.2.5.31) mahānābhaḥ suvikrānto suta saṃtāpanastathā / hiraṇyakṣasutā hyete devairapi durāsadāḥ // ### [2.5.32](https://indike.org/pramana/in.purana.brahmanda.2.5.32) teṣāṃ putrāśca pautrāśca daiteyāḥ sagaṇāḥ smṛtāḥ / sa śatāni sahasrāṇi nihatāstārakāmaye // ### [2.5.33](https://indike.org/pramana/in.purana.brahmanda.2.5.33) hiraṇyakaśipoḥ putrāścatvāraḥ sumahābalāḥ / prahlādaḥ pūrvajasteṣāmanuhnā dastathāparaḥ // ### [2.5.34](https://indike.org/pramana/in.purana.brahmanda.2.5.34) saṃhrādaścaiva hrādaśca hrādaputrau nibodhata / suṃdo nisundaśca tathā hrādaputau babhūvatuḥ // ### [2.5.35](https://indike.org/pramana/in.purana.brahmanda.2.5.35) brahyaghnau tau mahāvīrau mūkastu hrādadāyakaḥ / mārīcaḥ sundaputrastu tāḍakāyāmajāyata // ### [2.5.36](https://indike.org/pramana/in.purana.brahmanda.2.5.36) daṇḍake nihataḥ so 'tha rāghaveṇa balīyasā / mūko vinihataścāpi kairāte savyasācinā // ### [2.5.37](https://indike.org/pramana/in.purana.brahmanda.2.5.37) saṃhrādasya tu daityasya nivātakavacāḥ kule / utpannā mahatā caiva tapasā bhāvitāḥ svayam // ### [2.5.38](https://indike.org/pramana/in.purana.brahmanda.2.5.38) arayo devatānāṃ te jaṃbhasya śatadundubhiḥ / tathā dakṣo suraścaṇḍaścatvāro detyanāyakāḥ // ### [2.5.39](https://indike.org/pramana/in.purana.brahmanda.2.5.39) bāṣkalasya sutā hyete kāla nemeḥ sutāñchṛṇu / brahmajitkratujiccaiva devāntakanarāntakau // ### [2.5.40](https://indike.org/pramana/in.purana.brahmanda.2.5.40) kālanemisutā hyete śabhostu śṛṇuta prajāḥ / rājājaścaiva gomaśca śaṃbhoḥ putrau prakīrttitau // ### [2.5.41](https://indike.org/pramana/in.purana.brahmanda.2.5.41) virojanasya putraśca balirekaḥ pratāpavān / baleḥ putraśataṃ jajñe rājānaḥ sarva eva te // ### [2.5.42](https://indike.org/pramana/in.purana.brahmanda.2.5.42) teṣāṃ pradhānāścatvāro vikrāntāḥ sumahābalāḥ / sahasrabāhuḥ śreṣṭho 'bhūdbāṇo rājā pratāpavān // ### [2.5.43](https://indike.org/pramana/in.purana.brahmanda.2.5.43) kuṃbhagartto dayo bhojaḥ kuñcirityevamā dayaḥ / śakunī pūtanā caiva kanye dve tu baleḥ smṛte // ### [2.5.44](https://indike.org/pramana/in.purana.brahmanda.2.5.44) baleḥ putrāśca pautrāśca śataśo 'tha sahasraśaḥ / bāleyā nāma vikhyātā gaṇā vikrāntapauruṣāḥ // ### [2.5.45](https://indike.org/pramana/in.purana.brahmanda.2.5.45) bāṇasya caindradhanvā tu lohinyāmudapadyata / ditirvihitaputrā vai toṣayāmāsa kaśyapam // ### [2.5.46](https://indike.org/pramana/in.purana.brahmanda.2.5.46) tāṃ kaśyapaḥ prasannātmā samyagārādhitastvatha / vareṇa chandayāmāsa sā ca vavre varaṃ tata // ### [2.5.47](https://indike.org/pramana/in.purana.brahmanda.2.5.47) atha tasyai varaṃ prādātprārthito bhagavānpunaḥ / ukte vare tu mā tuṣṭā ditistaṃ samabhāṣata // ### [2.5.48](https://indike.org/pramana/in.purana.brahmanda.2.5.48) mārīcaṃ kaṇyapaṃ devī bharttāraṃ prāñjalistadā / hataputrāsmi bhagavannādityaistava sūnubhiḥ // ### [2.5.49](https://indike.org/pramana/in.purana.brahmanda.2.5.49) śakrahantāramicchami putraṃ dīrghatapo 'rjitam / sāhaṃ tapaścariṣyāmi garbhamādhātumarhasi // ### [2.5.50](https://indike.org/pramana/in.purana.brahmanda.2.5.50) putramindravadhe yuktaṃ tvaṃ mai vai dātumarhasi / tasyāstadvacanaṃ śrutvā mārīcaḥ kaśyapastadā // ### [2.5.51](https://indike.org/pramana/in.purana.brahmanda.2.5.51) pratyuvāca mahātejā ditiṃ paramaduḥ khitaḥ / evaṃ bhavatu garbhe tu śucirbhava tapodhane // ### [2.5.52](https://indike.org/pramana/in.purana.brahmanda.2.5.52) janayiṣyasi putraṃ tvaṃ śakrahantāramāhave / pūrṇaṃ varṣasahasraṃ tu śuciryadi bhaviṣyasi // ### [2.5.53](https://indike.org/pramana/in.purana.brahmanda.2.5.53) putraṃ trilokapravaraṃ manmathaṃ janayiṣyasi / evamuktvā mahātejāstathā samabhāvattadā // ### [2.5.54](https://indike.org/pramana/in.purana.brahmanda.2.5.54) tāmālabhya svabhavanaṃ jagāma bhagavānṛṣiḥ / gate bharttari sā devī ditiḥ paramaharṣitā // ### [2.5.55](https://indike.org/pramana/in.purana.brahmanda.2.5.55) kuśaplavanamāsādya tapastepe sudāruṇam / śakrastu samupaśrutya saṃvādaṃ taṃ tayoḥ prabhuḥ // ### [2.5.56](https://indike.org/pramana/in.purana.brahmanda.2.5.56) kuśaplavanamāgamya ditiṃ vākyamabhāṣata / śuśrūṣāṃ te kariṣyāmi mānujñāṃ dātumarhasi // ### [2.5.57](https://indike.org/pramana/in.purana.brahmanda.2.5.57) samidhaścāhariṣyāmi puṣpāṇi ca phalāni ca / yathā tvaṃ manyase vatsa suśrūṣābhirato bhava // ### [2.5.58](https://indike.org/pramana/in.purana.brahmanda.2.5.58) sarvakarmasu niṣṇāta ātmano hitamācara / varaṃ śrutvā tu ta dvākyaṃ mātuḥ śakraḥ praharṣitaḥ // ### [2.5.59](https://indike.org/pramana/in.purana.brahmanda.2.5.59) śuśrūṣābhirato bhūtvā kaluṣeṇāntarātmanā / śuśrūṣate tu tāṃ śakraḥ sarvakālamanuvrataḥ // ### [2.5.60](https://indike.org/pramana/in.purana.brahmanda.2.5.60) phalapuṣpāṇyupādāya samidhaśca dṛḍhavrataḥ / gātrasaṃvāhanaṃ kāle śramāpanayane tathā // ### [2.5.61](https://indike.org/pramana/in.purana.brahmanda.2.5.61) śakraḥ sarveṣu kāleṣu ditiṃ paricacāra ha / kiñcicchiṣṭe vrate devī tuṣṭā śakramuvāca ha // ### [2.5.62](https://indike.org/pramana/in.purana.brahmanda.2.5.62) pratītāhaṃ te suraśreṣṭha daśavarṣāṇi putraka / avaśiṣṭhāni bhadraṃ te bhrātaraṃ drakṣyase tataḥ // ### [2.5.63](https://indike.org/pramana/in.purana.brahmanda.2.5.63) tamahaṃ tvatkṛte putra saha dhāsye jayaiṣiṇam / trailokyavijayaṃ putra bhokṣyase saha tena vai // ### [2.5.64](https://indike.org/pramana/in.purana.brahmanda.2.5.64) nāhaṃ putrābhijānāmi madbhaktigatamānasam / evamuktvā ditiḥ śakraṃ madhyaṃ prāpte divākare // ### [2.5.65](https://indike.org/pramana/in.purana.brahmanda.2.5.65) nidrayāpahṛtā davī śiraḥ kṛtvā tu jānuni / keśānkṛtvā tu pādasthānsā suṣvāpa ca devatā // ### [2.5.66](https://indike.org/pramana/in.purana.brahmanda.2.5.66) adhastādyattu nābhervai sarvaṃ tadaśuci smṛtam / tatastāmaśuciṃ jñātvā soṃtaraṃ tadamanyata // ### [2.5.67](https://indike.org/pramana/in.purana.brahmanda.2.5.67) dṛṣṭvā tu kāraṇaṃ sarvaṃ tasya buddhirajāyata / garbhaṃ nihantu vai devyā sa hi doṣo 'tra dṛśyate // ### [2.5.68](https://indike.org/pramana/in.purana.brahmanda.2.5.68) tato viveśa dityā vai hyupasthenodaraṃ vṛṣā / praviśya cāpi taṃ dṛṣṭvā gabhamindro mahaujasam // ### [2.5.69](https://indike.org/pramana/in.purana.brahmanda.2.5.69) bhītastaṃ saptadhā gabha bibheda ripumātmanaḥ / ma garbho bhidyamānastu vajraṇaśataparvaṇā // ### [2.5.70](https://indike.org/pramana/in.purana.brahmanda.2.5.70) ruroda susvaraṃ bhīmaṃ vepamānaḥ punaḥ punaḥ / māroda māroda iti garbhaṃ śakro 'bhyabhāṣata // ### [2.5.71](https://indike.org/pramana/in.purana.brahmanda.2.5.71) taṃ garbhaṃ saptadhā kṛtvā hyekaikaṃ saptadhā punaḥ / kuliśena bibhedendrastato ditirabudhyatā // ### [2.5.72](https://indike.org/pramana/in.purana.brahmanda.2.5.72) na hantavyo na hantavya ityevaṃ ditirabravīt / niṣpapāta tato vajrī māturvacanagauravāt // ### [2.5.73](https://indike.org/pramana/in.purana.brahmanda.2.5.73) prāñjalirvajrasahito ditiṃ śakro 'bhyabhāṣata / aśucirdevi suptāsi pādayorgatamūrddhajā // ### [2.5.74](https://indike.org/pramana/in.purana.brahmanda.2.5.74) tadaṃ taramanuprāpya garbhaṃ hetāramāhave / bhinnavānahametaṃ te bahudhā kṣantumarhasi // ### [2.5.75](https://indike.org/pramana/in.purana.brahmanda.2.5.75) tasmiṃstu viphale garbhe ditiḥ paramaduḥkhitā / sahasrākṣaṃ durādharṣaṃ vākyaṃ sānunayābravīt // ### [2.5.76](https://indike.org/pramana/in.purana.brahmanda.2.5.76) mamāparādhādgarbho 'yaṃ yadi te viphalīkṛtaḥ / nāparādho 'sti deveśa tava putra mahābala // ### [2.5.77](https://indike.org/pramana/in.purana.brahmanda.2.5.77) śatrorvadhe na doṣo 'sti bhetavyaṃ na ca te vibho / priyaṃ tu kṛtamicchāmi śreyo garbhasya me kutaḥ // ### [2.5.78](https://indike.org/pramana/in.purana.brahmanda.2.5.78) bhavantu mama putrāṇāṃ sapta sthānāni vai divi / vātaskandhānimānsapta carantu mama putrakāḥ // ### [2.5.79](https://indike.org/pramana/in.purana.brahmanda.2.5.79) marutaste tu vikhyātā gatāste saptasaptakāḥ / pṛthivyāṃ prathamaskandho dvitīyaścāpi bhāskare // ### [2.5.80](https://indike.org/pramana/in.purana.brahmanda.2.5.80) some tṛtīyo vijñeyaścaturtho jyotiṣāṃ gaṇe / graheṣu pañcamascaiva ṣaṣṭhaḥ saptarṣimaṇḍale // ### [2.5.81](https://indike.org/pramana/in.purana.brahmanda.2.5.81) dhruve tu saptamaścaiva vātaskandhāścasapta ye / tānete vicarantvadya kālekāle mamātmajāḥ // ### [2.5.82](https://indike.org/pramana/in.purana.brahmanda.2.5.82) vātaskandhādhipā bhūtvā carantu mama putrakāḥ / pṛthivyāṃ prathamaskandha ā meghebyo ya āvahaḥ // ### [2.5.83](https://indike.org/pramana/in.purana.brahmanda.2.5.83) carantu mama putrāste sapta ye prathame gaṇe / dvitīyaścāpi meghebhya āsūryātpravahastataḥ // ### [2.5.84](https://indike.org/pramana/in.purana.brahmanda.2.5.84) vātaskandho hi vijñeyo dvitīyaścaratāṃ gaṇaḥ / sūryādūrdhvamadhaḥ somādudvaho 'tha sa vai smṛtaḥ // ### [2.5.85](https://indike.org/pramana/in.purana.brahmanda.2.5.85) vātaskandhastṛtīyaśca putrāṇāṃ caratā gaṇaḥ / somādūrddhvamadharkṣebhyaścaturtha saṃvahastu saḥ // ### [2.5.86](https://indike.org/pramana/in.purana.brahmanda.2.5.86) caturtho mama putrāṇāṃ gaṇastu caratāṃ vibho / ṛkṣebhyaśca tathaivorddhvamā grahādvivahastu yaḥ // ### [2.5.87](https://indike.org/pramana/in.purana.brahmanda.2.5.87) vātaskandhaḥ pañcamastu putrāṇāṃ caratāṃ gaṇaḥ / grahebhya ūrddhvamārṣibhyaḥ ṣaṣṭho hyanuvahaśca yaḥ // ### [2.5.88](https://indike.org/pramana/in.purana.brahmanda.2.5.88) vātaskandhastatra mama purāṇāṃ caratā gaṇaḥ / ṛṣibhya ūrddhvamādhrauvaṃ saptamo yaḥ prakīrttitaḥ // ### [2.5.89](https://indike.org/pramana/in.purana.brahmanda.2.5.89) vātaskandhaḥ parivahastatra tiṣṭhantu me sutāḥ / etānsarvāścarantvante kālekāle mamātmajāḥ // ### [2.5.90](https://indike.org/pramana/in.purana.brahmanda.2.5.90) tvatkṛtena ca nāmnā vai bhavatu marutastvime / tatasteṣāṃ tu nāmāni matputrāṇāṃ śatakrato // ### [2.5.91](https://indike.org/pramana/in.purana.brahmanda.2.5.91) tadvidhaiḥ karmabhiścaiva samavehi pṛthakpṛthak / śakrajyotistathā satyaḥ satyajyotistathāparaḥ // ### [2.5.92](https://indike.org/pramana/in.purana.brahmanda.2.5.92) citrajyotiśca jyotiṣmān sutapaścaitya eva ca / prathamo 'yaṃ gaṇaḥ prokto dvitīyaṃ tu nibodhata // ### [2.5.93](https://indike.org/pramana/in.purana.brahmanda.2.5.93) ṛtajitsatyajiścaiva suṣeṇaḥ senajittathā / sutamitro hyamitraśca suramitrastathāparaḥ // ### [2.5.94](https://indike.org/pramana/in.purana.brahmanda.2.5.94) gaṇa eṣa dvitīyastu tṛtīyaṃ ca nibodhata / dhātuśca dhanadaścaiva hyugro bhīmastathaiva ca // ### [2.5.95](https://indike.org/pramana/in.purana.brahmanda.2.5.95) varuṇaśca tṛtīyaṃ ca mayā proktaṃ nibodhata / abhiyuktākṣikaścaiva sāhvāyaśca gaṇaḥ smṛtaḥ // ### [2.5.96](https://indike.org/pramana/in.purana.brahmanda.2.5.96) īdṛk caiva tathānyādṛk samariddrumavṛcakṣakāḥ / mitaśca samitaścaiva pañcamaśca tathā gaṇaḥ // ### [2.5.97](https://indike.org/pramana/in.purana.brahmanda.2.5.97) īdṛk ca puruṣaścaiva nānyādṛk samacetanaḥ / saṃmitaḥ samavṛttiśca pratihartā ca ṣaḍ gaṇāḥ // ### [2.5.98](https://indike.org/pramana/in.purana.brahmanda.2.5.98) yajñaiścitvāstuvansarve tathānye mānuṣā viśaḥ / daityadevāḥ samākhyātāḥ saptaite saptasaptakāḥ // ### [2.5.99](https://indike.org/pramana/in.purana.brahmanda.2.5.99) ete hyekonapañcāśanmaruto nāmataḥ smṛtāḥ / prasaṃkhyātāstadā tābhyāṃ dityā śakreṇa caiva vai // ### [2.5.100](https://indike.org/pramana/in.purana.brahmanda.2.5.100) kṛtvā caitāni nāmāni ditirindramuvāca ha / vātaskandhāṃścarantvete bhrataro mama putrakāḥ // ### [2.5.101](https://indike.org/pramana/in.purana.brahmanda.2.5.101) vicarantu ca bhadraṃ te devaiḥ saha mamātmajāḥ / tasyāstadvacanaṃ śrutvā mahasrākṣaḥ purandaraḥ // ### [2.5.102](https://indike.org/pramana/in.purana.brahmanda.2.5.102) uvāca prāñjalirbhūtvā mātarbhavatu tattathā / sarva metadyathoktaṃ te bhaviṣyati na saṃśayaḥ // ### [2.5.103](https://indike.org/pramana/in.purana.brahmanda.2.5.103) evaṃbhūtā mahātmānaḥ kumārā lokasaṃmatāḥ / devaiḥ saha bhaviṣyanti yajñabhājastavātma jāḥ // ### [2.5.104](https://indike.org/pramana/in.purana.brahmanda.2.5.104) tasmātte maruto devāḥ sarve cendrānujā varāḥ / vijñeyāścāmarāḥ sarve ditiputrāstarasvinaḥ // ### [2.5.105](https://indike.org/pramana/in.purana.brahmanda.2.5.105) evaṃ tau niścayaṃ kṛtvā mātāputrau tapovane / jagmatustridivaṃ tdṛṣṭau śakramābhūdgatajvaraḥ // ### [2.5.106](https://indike.org/pramana/in.purana.brahmanda.2.5.106) marutāṃ ca śubhaṃ janma śṛṇuyādyaḥ paṭhecca vā / vāde vijayamāpnoti labdhātmā ca bhavatyuta // ### [2.5.106.p1](https://indike.org/pramana/in.purana.brahmanda.2.5.106.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde ## Linked texts (9) - [Vāyupurāṇa](https://indike.org/pramana/in.purana.vayu.2.6.51) — Vyāsa, Sanskrit - [Critical edition (Baroda)](https://indike.org/pramana/in.lit.ramayana.valmiki*crit.1.45.3) — Sanskrit - [Padmapurāṇa](https://indike.org/pramana/in.purana.padma.1.6.61) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.32.38) — Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.174.p4) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.174.p4) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.180.p6) — Hemādri, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.16.p17.6) — Ratnākara 1688, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.108.31.p1.36) — Hemādri, Sanskrit --- Source: [https://indike.org/pramana/in.purana.brahmanda.2.5](https://indike.org/pramana/in.purana.brahmanda.2.5) · Pramāṇa