Brahmandapurana 2.6
Brahmāṇḍapurāṇa 2.6
- Language
- Sanskrit
Contents
- 2.6.39 — 1 part
2.6.1
sūta uvāca
abhavandanuputrāstu vaṃśe khyātā mahāsurāḥ /
vipracittipradhā nāste 'cintanīyaparākramāḥ //
2.6.2
sarve labdhavarāścaiva te taptatapasastathā /
satyasaṃdhāḥ parākrāntāḥ krūrā māyāvinaśca te //
2.6.3
mahābalāste javanā brahmiṣṭhā ye ca sāgnayaḥ /
kīrtyamānānmayā sarvānprādhānyena nibodhata //
2.6.4
dvimūrddhā śaṃbaraścaiva tathā śaṅkuratho vibhuḥ /
śaṅkukarṇo vipādaśca gaviṣṭho dundubhistathā //
2.6.5
ayomukhastu maghavānkapilo vāmano mayaḥ /
marīcirasipāścaiva mahā māyo 'śirā bhṛśī //
2.6.6
vikṣobhaśca suketuśca ketuvīryaśatāhvayau /
indrajidvividaścaiva tathā bhadraśca devajit //
2.6.7
ekacakro mahā bāhustārakaśca mahābalaḥ /
vaiśvānaraḥ pulomā ca prāpaṇo 'tha mahāśirāḥ //
2.6.8
svarbhānurvṛṣaparvā ca puruṇḍaśca mahāsuraḥ /
dhṛtarāṣṭraśca sūryaścacandramā indratāpanaḥ //
2.6.9
sūkṣmaścaiva nicandraśca cūrṇanābho mahāgiriḥ /
asilomā sukeśaśca śaṭhaśca mūlakodaraḥ //
2.6.10
jambho gaganamūrddhā cakuṃbhamāno mahodakaḥ /
pramado 'dmaśca kupatho hyaśvagrīvaśca vīryavān //
2.6.11
vaimṛgaḥ savirūpākṣaḥ supathaśca halā halau /
akṣo hiraṇmayaścaiva śatagrīvaśca śaṃbaraḥ //
2.6.12
śarabhaḥ śvalabhaścaiva sūryācandramasāvubhau /
asurāṇāṃ smṛtāvetau surāṇāṃ ca prabhāviṇau //
2.6.13
iti putrā danorvaṃśapradhānāḥ parikīrttitāḥ /
teṣāmaparisaṃkhyeyaṃ putrapautramanantakam //
2.6.14
ityeta asurāḥ takrāntā daiteyā dānavāstathā /
sutvānastu smṛtā daityā asutvāno danoḥ sutāḥ //
2.6.15
ime ca vaṃśānugatā danoḥ putrānvayāḥ smṛtāḥ /
ekākṣeśvaprabhāriṣṭaḥ pralaṃbanarakāvapi //
2.6.16
indrabādhanakeśī ca puruṣaḥ śeṣavānuruḥ /
gariṣṭhaśca gavākṣaśca tālaketuśca vīryavān //
2.6.17
ete manuṣyā vadhyāstu danuputrānvayāḥ smṛtāḥ /
daityadānavasaṃyoge jātā bhīmaparākramāḥ //
2.6.18
siṃhikāyāmathotpannā vipracitteḥ sutā ime /
saiṃhikeyāḥ samākhyātāścaturdaśa mahāsurāḥ //
2.6.19
śalaśca śalabhaścaiva savyasivyastathaiva ca /
ilvalo namuciścaiva vātāpistu supuñjikaḥ //
2.6.20
rahakalpaḥ kālanābho bhaumaśca kanakastathā /
rāhurjyeṣṭhastu teṣāṃ vai sūryacandrapramarddanaḥ //
2.6.21
ityote siṃhikāputrā devairapi durāsadāḥ /
dāruṇābhijanāḥ krūrāḥ sarve brahmahaṇaśca te //
2.6.22
daśa tāni sahasrāṇisaiṃhikeyā gaṇāḥ smṛtāḥ /
nihatā jāmadagnyena bhārgaveṇa balīyasā //
2.6.23
svarbhānostu prabhā kanyā pulomnastu śacī sutā /
upadānavī sadasyātha śarmiṣṭhā vṛṣaparvaṇaḥ //
2.6.24
pulomā kālikā caiva vaiśvānarasute ubhe /
prabhāyāṃ nahuṣaḥ putro jayantastu śacīsutaḥ //
2.6.25
puruṃ jajñe 'tha śarmiṣṭhā duṣyantasupadānavī /
vaiśvānarasute ete pulomā kālakā tathā //
2.6.26
bahvapatye ubhe kanye mārīcasya parigrahaḥ /
tayoḥ putrasahasrāṇi ṣaṣṭirdānavapuṅgavāḥ //
2.6.27
caturdaśa tathānyāni hiraṇyapuravāsinām /
paulomāḥ kālakeyāśca dānavāḥ sumarā balāḥ //
2.6.28
avadhyā devatānāṃ te nihatāḥ savyamācinā /
mayasya jātā raṃbhāyāṃ putrāḥ ṣaṭ ca mahābalāḥ //
2.6.29
māyāvī dundubhiścaiva putraśca mahiṣastathā /
kālikaścājakarṇaścakanyā mandodarī tathā //
2.6.30
daityānāṃ dānavānāṃ ca sarga eṣa prakīrttitaḥ /
anāyuṣāyāḥ putrāste smṛtāḥ pañca mahābalāḥ //
2.6.31
ararurbalavṛtrau ca vijvaraśca vṛṣastathā /
ararostanayaḥ krūro dhundhurnāma mahāsuraḥ //
2.6.32
nihataḥ kuvalāśvena uttaṅkavacanādbile /
balaputrau mahāvīryauṃ tejasāpratimāvubhau //
2.6.33
nikuṃbhaścakravarmā ca sa karṇaḥ pūrvajanmani /
vijarasyāpi putrau dvau kālakaśca kharaśca tau //
2.6.34
vṛṣasya tu punaḥ putrāścatvāraḥ krūrakarmaṇaḥ /
śrāddhādo yajñahā caiva brahmahā paśuhā tathā //
2.6.35
krāntā hyanāyuṣaḥ putrā vṛtra syāpi nibodhata /
jajñire 'sumahāghorā vṛtrasyendreṇa yudhyatā //
2.6.36
bakā nāma samākhyātā rākṣasāḥ sumahābalāḥ /
śataṃ tāni sahasrāṇi mahendrānucarāḥ smṛtāḥ //
2.6.37
sarve brahmavidaḥ saumyā dhārmikāḥ sūkṣmamūrttayaḥ /
prajāsvantargatāḥ sarve nivasaṃti krudhāvṛtāḥ //
2.6.38
krodhā tvapratimānputrān jajñe vai gāyanottamān /
siddhaḥ pūrṇaśca vahvīca pūrṇāśaścaiva vīryavān //
2.6.39
brahmacārī śataguṇaḥ suparṇaścaiva maptamaḥ /
viśvāvasuśca bhānuśca sucandro daśamastathā /
ityete devagandharvāḥ krodhāyāḥ parirīrttitāḥ //
2.6.39.p1
iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde danuvaṃśakīrttanaṃ nāma ṣaṣṭho 'dhyāya
Linked texts (4)
- Vāyupurāṇa — Vyāsa, Sanskrit
- Brahmapurāṇa — Vyāsa, Sanskrit
- Agnipurāṇa (Nag Publishers edition, Delhi) — Sanskrit
- Viṣṇupurāṇa (vulgate) — Sanskrit