[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.60 # Brahmandapurana 2.60 Brahmāṇḍapurāṇa 2.60 - **Language:** Sanskrit ## Contents - [2.60.28](https://indike.org/pramana/in.purana.brahmanda.2.60.28) — 1 part ### [2.60.1](https://indike.org/pramana/in.purana.brahmanda.2.60.1) sūta uvāca tato manvantare 'tīte cākṣuṣe daivataiḥ saha / vaivasvatāya mahate pṛthivīrājyamādiśat // ### [2.60.2](https://indike.org/pramana/in.purana.brahmanda.2.60.2) tasmādvaivasvatātputrā jajñire daśa tatsamāḥ / ikṣvākuśca nṛgaścaiva dhṛṣṭaḥ śaryātirevaca // ### [2.60.3](https://indike.org/pramana/in.purana.brahmanda.2.60.3) nariṣyantastathā prāṃśurnābhāgo diṣṭa eva ca / karūṣaśca pṛṣadhraśca navaite mānavāḥ smṛtāḥ // ### [2.60.4](https://indike.org/pramana/in.purana.brahmanda.2.60.4) brahmaṇā tu manuḥ pūrvaṃ coditastu prabodhitam / yaṣṭuṃ prajakrame kāmaṃ hayamedhena bhūpatiḥ // ### [2.60.5](https://indike.org/pramana/in.purana.brahmanda.2.60.5) athākarotputrakāmaḥ parāmiṣṭiṃ prajāpatiḥ / mitrāvaruṇayoraṃśe analāhutimeva yat // ### [2.60.6](https://indike.org/pramana/in.purana.brahmanda.2.60.6) tatra divyāṃbaradharā divyābharaṇabhūṣitā / divyāsaṃhananā caiva ilā jajña iti śrutam // ### [2.60.7](https://indike.org/pramana/in.purana.brahmanda.2.60.7) tāmiletyatha hovāca manurdaṇḍadharastataḥ / anugacchasva bhadraṃ te tamilā pratyuvāca ha // ### [2.60.8](https://indike.org/pramana/in.purana.brahmanda.2.60.8) dharmayuktamidaṃ vākyaṃ putrakāmaṃ prajāpatim / mitrāvaruṇayoraṃśe jātāsmi vadatāṃ vara // ### [2.60.9](https://indike.org/pramana/in.purana.brahmanda.2.60.9) tayoḥ sakāśaṃ yāsyāmi māto dharmo hato vadhīt / evamuktvā punardevī tayorantikamāgamat // ### [2.60.10](https://indike.org/pramana/in.purana.brahmanda.2.60.10) gatvāntikaṃ varārohā prāñjalirvākyamabravīt / aṃśe 'sminyuvayorjātā devau kiṃ karavāṇi vām // ### [2.60.11](https://indike.org/pramana/in.purana.brahmanda.2.60.11) manunaivāhamuktāsmi anugacchasva māmiti / tathā tu bruvatīṃ sādhvīmiḍāmāśritya tāvubhau // ### [2.60.12](https://indike.org/pramana/in.purana.brahmanda.2.60.12) devau ca mitrāvaruṇāvidaṃ vacanamūcatuḥ / anena tava dharmajñe praśrayoṇa damena ca // ### [2.60.13](https://indike.org/pramana/in.purana.brahmanda.2.60.13) satyena caiva suśroṇi prītau svau varavarṇini / āvayostvaṃ mahābhāge khyātiṃ kanye prayāsyasi // ### [2.60.14](https://indike.org/pramana/in.purana.brahmanda.2.60.14) sudyumna iti vikhyātastriṣu lokeṣu pūjitaḥ / jagatpriyo dharmaśīlo manorvaṃśavivarddhanaḥ // ### [2.60.15](https://indike.org/pramana/in.purana.brahmanda.2.60.15) mānavaḥ sa tu sudyumnaḥ strībhāvamagamatprabhuḥ / sā tu devī varaṃ labdhvā nivṛttā pitaraṃ prati // ### [2.60.16](https://indike.org/pramana/in.purana.brahmanda.2.60.16) budhenottaramāsādya maithunāyopamantritā / somaputrādbudhāccāsyāmailo jajñe purūkhāḥ // ### [2.60.17](https://indike.org/pramana/in.purana.brahmanda.2.60.17) budhātsā janayitvā tu sudyumnatvaṃ punargatāḥ / sudyumnasya tu dāyādāstrayaḥ paramadhārmikāḥ // ### [2.60.18](https://indike.org/pramana/in.purana.brahmanda.2.60.18) utkalaśca gayaścaiva vinataśca tathaiva ca / utkalasyotkalaṃ rāṣṭraṃ vinatasyāpi paścimam // ### [2.60.19](https://indike.org/pramana/in.purana.brahmanda.2.60.19) dikpūrvā tasya rājarṣergayasya tu gayā purī / praviṣṭetu manau tasminprajāḥ sṛṣṭvā divākaram // ### [2.60.20](https://indike.org/pramana/in.purana.brahmanda.2.60.20) daśadhā tadadhātkṣattramakarotpṛthivīmimām / ikṣvākureva dāyādo bhāgaṃ daśamamāptavān // ### [2.60.21](https://indike.org/pramana/in.purana.brahmanda.2.60.21) kanyābhāvattu sudyumno naiva bhāgamavāptavān / vasiṣṭhavacanāccāsītpratiṣṭhāne mahādyutiḥ // ### [2.60.22](https://indike.org/pramana/in.purana.brahmanda.2.60.22) pratiṣṭhāṃ dharmarājasya sudyumnasya mahātmanaḥ / etacchrutvā tu ṛṣayaḥ papracchuḥ sūtajaṃ prati / mānavaḥ sa tu sudyamnaḥ strībhāvamagamatkatham // ### [2.60.23](https://indike.org/pramana/in.purana.brahmanda.2.60.23) sūta uvāca purā maheśvaraṃ draṣṭuṃ kumārāssanakādayaḥ / ilāvṛtaṃ samājagmurdadṛśurvṛṣabhadhvajam // ### [2.60.24](https://indike.org/pramana/in.purana.brahmanda.2.60.24) umayā ramamāṇaṃ taṃ vilokya pihitesthale / pratijagmustataḥ sarve vrīḍitābhūcchivāpyatha // ### [2.60.25](https://indike.org/pramana/in.purana.brahmanda.2.60.25) provāca vacanaṃ devī priyahetoḥ priyaṃ priyā / imaṃ mamāśramaṃ deva yaḥ pumānsaṃ pravekṣyati // ### [2.60.26](https://indike.org/pramana/in.purana.brahmanda.2.60.26) bhaviṣyati dhruvaṃ nārī sa tulyāpsarasāṃ śubhā / tatra sarvāṇi bhūtāni piśācāḥ paśavaśca ye // ### [2.60.27](https://indike.org/pramana/in.purana.brahmanda.2.60.27) strībhūtāḥ saharudreṇa kroḍantyapsaraso yathā / umāvanaṃ praviṣṭastu sa rājā mṛgayāṃ gataḥ // ### [2.60.28](https://indike.org/pramana/in.purana.brahmanda.2.60.28) piśācaiḥ saha bhūtaistu rudre strībhāvamāsthite / tasmātsarājā sudyumnaḥ strībhāvaṃ labdhavānpunaḥ / mahādevaprasādācca mānavatvamavāptavān // ### [2.60.28.p1](https://indike.org/pramana/in.purana.brahmanda.2.60.28.p1) iti śrībrahmāṇḍe mahāpurāṇe madhyamabhāge vāyuprokte vaivasvatamanoḥ sṛṣṭirnāma ṣaṣṭitamo 'dhyāyaḥ // 60// ## Linked texts (7) - [Vāyupurāṇa](https://indike.org/pramana/in.purana.vayu.2.23.2) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.65.19) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.10.8) — Sanskrit - [Brahmapurāṇa](https://indike.org/pramana/in.purana.brahma.7.7) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.36.6) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.272.8) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.74.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.2.60](https://indike.org/pramana/in.purana.brahmanda.2.60) · Pramāṇa