[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.61 # Brahmandapurana 2.61 Brahmāṇḍapurāṇa 2.61 - **Language:** Sanskrit ## Contents - [2.61.53](https://indike.org/pramana/in.purana.brahmanda.2.61.53) — 1 part ### [2.61.1](https://indike.org/pramana/in.purana.brahmanda.2.61.1) sūta uvāca visargaṃ manuputrāṇāṃ vistareṇa nibodhata / pṛṣadhro hiṃsayitvā tu gurorgāṃ niśi tatkṣaye // ### [2.61.2](https://indike.org/pramana/in.purana.brahmanda.2.61.2) śāpācchūdratvamāpannaścyavanasya mahātmanaḥ / karūṣasya tu kārūṣāḥ kṣattriyā yuddhadurmadāḥ // ### [2.61.3](https://indike.org/pramana/in.purana.brahmanda.2.61.3) sahasraṃ kṣattriyagaṇo vikrāntaḥ saṃbabhūva ha / nābhāgo diṣṭaputrastu vidvānāsīdbhalandanaḥ // ### [2.61.4](https://indike.org/pramana/in.purana.brahmanda.2.61.4) bhalandanasya putro 'bhūtprāṃśurnāma mahābalaḥ / prāṃśoreko 'bhavatputraḥ prajāpatisamo nṛpaḥ // ### [2.61.5](https://indike.org/pramana/in.purana.brahmanda.2.61.5) saṃvartena divaṃ nītaḥ sasuhṛtsahabāndhavaḥ / vivādo 'tra mahānāsītsaṃvarttasya bṛhaspateḥ // ### [2.61.6](https://indike.org/pramana/in.purana.brahmanda.2.61.6) ṛddhiṃ dṛṣṭvā tu yajñasya kruddhastasya bṛhaspatiḥ / saṃvarttena tate yajñe cukopa sa bhṛśaṃ tadā // ### [2.61.7](https://indike.org/pramana/in.purana.brahmanda.2.61.7) lokānāṃ sahi nāśāya daivatairhi prasāditaḥ / maruttaścakravarttī sa nariṣyantamavāsavān // ### [2.61.8](https://indike.org/pramana/in.purana.brahmanda.2.61.8) nariṣyantasya dāyādo rājā daṇḍadharo damaḥ / tasya putrastu vijñāto rājāsīdrāṣṭravarddhanaḥ // ### [2.61.9](https://indike.org/pramana/in.purana.brahmanda.2.61.9) sudhṛtistasya putrastu naraḥ sudhṛtitaḥ punaḥ / kevalasya putrastu bandhumānkevalātmajaḥ // ### [2.61.10](https://indike.org/pramana/in.purana.brahmanda.2.61.10) atha bandhumataḥ putrodharmātmā vegavānnṛpa / budho vegavataḥ putrastṛṇabindurbudhātmajaḥ // ### [2.61.11](https://indike.org/pramana/in.purana.brahmanda.2.61.11) tretāyugamukhe rājā tṛtīye saṃbabhūva ha / kanyā tu tasyeḍaviḍāmātā viśravaso hi sā // ### [2.61.12](https://indike.org/pramana/in.purana.brahmanda.2.61.12) putro yo 'sya viśālo 'bhūdrājā paramadhārmikaḥ / dāśvānprakhyātavīryyaujā viśālā yena nirmitā // ### [2.61.13](https://indike.org/pramana/in.purana.brahmanda.2.61.13) viśālasya suto rājā hemacandro mahābalaḥ / sucandra iti vikhyāto hemacandrādanantaraḥ // ### [2.61.14](https://indike.org/pramana/in.purana.brahmanda.2.61.14) sucandratanayo rājā dhūmrāśva iti viśrutaḥ / dhūmrāśvatanayo vidvānsṛṃjayaḥ samapadyata // ### [2.61.15](https://indike.org/pramana/in.purana.brahmanda.2.61.15) sṛñjayasya sutaḥ śrīmānsahadevaḥ pratāpavān / kṛśāśvaḥ sahadevasya putraḥ paramadhārmikaḥ // ### [2.61.16](https://indike.org/pramana/in.purana.brahmanda.2.61.16) kṛśāśvasya mahātejā somadattaḥ pratāpavān / somadattasya rājarṣeḥ suto 'bhūjjanamejayaḥ // ### [2.61.17](https://indike.org/pramana/in.purana.brahmanda.2.61.17) janamejayātmajaścaiva pramatirnāma viśrutaḥ / tṛṇabinduprabhāveṇa sarve vaiśālakā nṛpāḥ // ### [2.61.18](https://indike.org/pramana/in.purana.brahmanda.2.61.18) dīrghāyuṣo mahātmāno vīryavantaḥ sudhārmikāḥ / śaryātermithunaṃ tvāsīdānartto nāma viśrutaḥ // ### [2.61.19](https://indike.org/pramana/in.purana.brahmanda.2.61.19) putraḥ sukanyā kanyā ca bhāryā yā cyavanasya ca / ānarttasya tu dāyādo revo nāma suvīryavān // ### [2.61.20](https://indike.org/pramana/in.purana.brahmanda.2.61.20) ānarttaviṣayo yasya purī cāpi kuśasthalī / revasya raivataḥ putraḥ kakudmī nāma dhārmikaḥ // ### [2.61.21](https://indike.org/pramana/in.purana.brahmanda.2.61.21) jyeṣṭho bhrātṛśatasyāsīdrājyaṃ prāpya kuśasthalīm / kanyayā saha śrutvā ca gāndharvaṃ brahmaṇoṃ'tike // ### [2.61.22](https://indike.org/pramana/in.purana.brahmanda.2.61.22) muharttaṃ devadevasya mārtyaṃ bahuyugaṃ vibho / ājagāma yuvā caiva svāṃ purīṃ yādavairvṛtām // ### [2.61.23](https://indike.org/pramana/in.purana.brahmanda.2.61.23) kṛtāṃ dvāravatīṃ nāma bahudvārāṃ manoramām / bhojavṛṣṇyandhakairguptāṃ vasudevapurogamaiḥ // ### [2.61.24](https://indike.org/pramana/in.purana.brahmanda.2.61.24) tāṃ kathāṃ revataḥ śrutvā yathātattvamarindamaḥ / kanyāṃ tu baladevāya suvratāṃ nāma revatīm / dattvā jagāma śikharaṃ merostapasi saṃsthitaḥ // ### [2.61.25](https://indike.org/pramana/in.purana.brahmanda.2.61.25) reme rāmaśca dharmātmā revatyā sahitaḥ kila / tāṃ kathāmṛṣayaḥ śrutvā papracchuktadanantaram // ### [2.61.26](https://indike.org/pramana/in.purana.brahmanda.2.61.26) ṛṣaya ūcuḥ kathaṃ bahuyuge kāle samatīte mahāmate / na jarā revatīṃ prāptā raivataṃ vā kakudminam / etacchuśrūṣamāṇānno gāndharvaṃ vada caiva hi // ### [2.61.27](https://indike.org/pramana/in.purana.brahmanda.2.61.27) sūta uvāca na jarā kṣutpipāse vā na ca mṛtyubhayaṃ tataḥ / na ca rogaḥ prabhavati brahmalokaṃ gatasya ha // ### [2.61.28](https://indike.org/pramana/in.purana.brahmanda.2.61.28) gāndharvaṃ prati yaccāpi pṛṣṭastu munisattamāḥ / tato 'haṃ saṃpravakṣyāmi yāthātathyena suvratāḥ // ### [2.61.29](https://indike.org/pramana/in.purana.brahmanda.2.61.29) sapta svarāstrayo grāmā mūrchanāstvekaviṃśatiḥ / tānāścaikonapañcāśadityetsvaramaṇḍalam // ### [2.61.30](https://indike.org/pramana/in.purana.brahmanda.2.61.30) ṣaḍjaṣabhau ca gāndhāro madhyamaḥ pañcamastathā / dhaivataścāpi vijñeyastathā cāpi niṣādakaḥ // ### [2.61.31](https://indike.org/pramana/in.purana.brahmanda.2.61.31) sauvīrā madhyamā grāmā hariṇāśca tathaiva ca // ### [2.61.32](https://indike.org/pramana/in.purana.brahmanda.2.61.32) tasyāḥ kāloyanopetāścaturthāśuddhamadhyamāḥ / nagniṃ ca pauṣā vai deva dṛṣṭvā kāñca yathākramaḥ // ### [2.61.33](https://indike.org/pramana/in.purana.brahmanda.2.61.33) madhyamagrāmikākhyātā ṣaḍjagrāmā nibodhata / uttaraṃ mandrā rajanī tathā vāconnarāyatāḥ // ### [2.61.34](https://indike.org/pramana/in.purana.brahmanda.2.61.34) madhyaṣaḍjā tathā caiva tathānyā cābhimudgaṇā / gāndhāragrāmikā śyāmā kīrtimānā nibodhata // ### [2.61.35](https://indike.org/pramana/in.purana.brahmanda.2.61.35) agniṣṭomaṃ tu mādyaṃ tu dvitīyaṃ vājapeyikam / yavarātasūyastu ṣaṣṭhavattu suvarmakam // ### [2.61.36](https://indike.org/pramana/in.purana.brahmanda.2.61.36) sapta gausavanā nāma mahāvṛṣṭikatāṣṭamām / brahmadānaṃ ca navamaṃ prājāpatyamanantaram / nāgayakṣāśrayaṃ vidvān tadgottaratathaiva ca // ### [2.61.37](https://indike.org/pramana/in.purana.brahmanda.2.61.37) padakrāntamṛgakrāntaṃ viṣṇukrāntamanoharā / sūryakāntadhareṇyaiva saṃtakokilaviśrutaḥ // ### [2.61.38](https://indike.org/pramana/in.purana.brahmanda.2.61.38) tenavānityapavaśapiśācātīvanahyapi / sāvitramardhasāvitraṃ sarvatobhadrameva ca // ### [2.61.39](https://indike.org/pramana/in.purana.brahmanda.2.61.39) manoharamadhātryaṃ ca gandharvānupataśca yaḥ / alaṃbuṣeseṣṭamatho viṣṇuvaiṇavarāvubhau // ### [2.61.40](https://indike.org/pramana/in.purana.brahmanda.2.61.40) sāgarāvijayaṃ caiva sarvabhūtamanoharaḥ / hatotsṛṣṭo vijānīta skandhaṃ tu priyameva ca // ### [2.61.41](https://indike.org/pramana/in.purana.brahmanda.2.61.41) manoharamadhātryaṃ ca gandharvānupataśca yaḥ / alaṃbuseṣṭasya tathā nāradapriya eva ca // ### [2.61.42](https://indike.org/pramana/in.purana.brahmanda.2.61.42) kathito bhīmasenena nagarātānayapriyaḥ / vikalopanītavinatāśrīrākhyo bhārgavapriyaḥ // ### [2.61.43](https://indike.org/pramana/in.purana.brahmanda.2.61.43) caturdaśa tathā pañcadaśecchantīha nāradaḥ / sasauvīrāṃ susovīrā brahmaṇo hyapagīyate // ### [2.61.44](https://indike.org/pramana/in.purana.brahmanda.2.61.44) uttarādisvaraścaiva brahmā vai devatāstrayaḥ / harideśasamutpannā hariṇasyāvyajāyata // ### [2.61.45](https://indike.org/pramana/in.purana.brahmanda.2.61.45) mūrchanā hariṇā te vai candrasyāsyādhidaivatam / karopanītā vivṛtāvanudriḥ svaramaṇḍale // ### [2.61.46](https://indike.org/pramana/in.purana.brahmanda.2.61.46) sākalopanatātasmānmanutasyānnadaivataḥ / manudeśāḥ samutpannā mūrcchanāśuddhamātmanā // ### [2.61.47](https://indike.org/pramana/in.purana.brahmanda.2.61.47) tasmāttasmānmṛgāmargīmṛgendrosyādhidaivatā / sāvaśramasamādyumnā anekāpauruṣānakhān // ### [2.61.48](https://indike.org/pramana/in.purana.brahmanda.2.61.48) mūrcchanāyojanāhyeṣāsyādrajasārajanītataḥ / tāni uttara madrāṃsapadgadaivatakaṃ viduḥ // ### [2.61.49](https://indike.org/pramana/in.purana.brahmanda.2.61.49) tasmāduttaratāyāvatprathamaṃ svāyamaṃ viduḥ / tamoduttaramaidroyadevatāsyādruvena ca // ### [2.61.50](https://indike.org/pramana/in.purana.brahmanda.2.61.50) apāmaduttaratvāvadhaivatasyottarāyaṇaḥ / syādijamūrchanāhyeca pitaraḥ śrāddhadevatāḥ // ### [2.61.51](https://indike.org/pramana/in.purana.brahmanda.2.61.51) śuddhaṣaḍjasvara kṛtvā yasmādagnimaharṣayaḥ / upaiti tasmānnajānī yācchuddhayacchikarāsabhā // ### [2.61.52](https://indike.org/pramana/in.purana.brahmanda.2.61.52) ityetā mūrchanāḥ kṛtvā yasyāmīdṛśabhāvanaḥ / pakṣiṇāṃ mūrchanāḥ śrutvā pakṣokā mūrchanāḥ smṛtāḥ // ### [2.61.53](https://indike.org/pramana/in.purana.brahmanda.2.61.53) nāgādṛṣṭiviṣāgītānopasarpantimūrchanāḥ / nānāsādhāramaścaivavaḍavātrividastathā // ### [2.61.53.p1](https://indike.org/pramana/in.purana.brahmanda.2.61.53.p1) iti śrībrahmāṇḍe mahāpurāṇe vāyuprokte madhyamābhāge tṛtīya upoddhātapāde gāndharvamūrchanālakṣaṇavarṇanaṃ nāmaikaṣaṣṭitamo 'dhyāyaḥ // 61// ## Linked texts (6) - [Vāyupurāṇa](https://indike.org/pramana/in.purana.vayu.2.24.2) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.10.29) — Sanskrit - [Brahmapurāṇa](https://indike.org/pramana/in.purana.brahma.7.27) — Vyāsa, Sanskrit - [Critical edition (Baroda)](https://indike.org/pramana/in.lit.ramayana.valmiki*crit.1.46.13) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.272.12) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.36.23) — Sanskrit --- Source: [https://indike.org/pramana/in.purana.brahmanda.2.61](https://indike.org/pramana/in.purana.brahmanda.2.61) · Pramāṇa